المساعد الشخصي الرقمي

مشاهدة النسخة كاملة : لا ينفع البكاء على اللبن المسكوب يا " بدران "



Јust Sмile ツ
24-09-2008, 19:38
- السلام عليكم ورحمه الله وبركاته ..

- هاردلك للجميع على هالخساره " قدر الله وما شاء فعل " ..

- موضوعي عن " بدران " ..

- ابي اعرف تقييمكم لبدر المطوع في هذي المبارة ..

- بدر لاعب كبير وهو احد لاعبين الخبره بالفريق واذا انتقدناه او انتقدنا اداءه فهذا لحبنا للكويت أولا وللملكي ثانيا ولبدر نفسه ثالثا ..

- " كان بالامكان افضل مما كان " ..

- 3 انفرادات لبدر تعامل معاها بعدم تركيز وبأنانيه بعض الشي " بوجهة نظري " ..

- كانت كفيله بتغيير مجرى المباراة وكفيله بأن تضمن للملكي التأهل بنسبه 70% ..

- يمكن الانفراد الاول بعضنا يشوف انه بدر بتضييع هذه الفرصه معذور وبعضنا يشوف انه مو معذور ..

- وباعتقادي بالانفراد الثاني الاغلبيه يعذرون بدر لانها كانت فيها صعوبه شوي ولاكن كان يقدر يتصرف فيها احسن من جذي ..

- لكن الانفراد الثالث كان هدف محقق سليم جدامه فاضي والقول مافيه الا الحارس " شفروليت " مادري شنو السبب اللي خلا بدر يلعبها بهالطريقه وما يعطيها سليم ..

- يا جماعه كلنا احترينا وانقهرنا بس بدر ولدنا وما نرضى عليه بأي كلمه تجريح ..

- اذا بتنتقد انتقد اداءه ورجاءا اللي يبي يجرح لا يرد ..

- بالنهايه هذي كره القدم فوز وخساره وتوفيق من رب العالمين ..

- كانت مباراتك يا بدر ولكن ارجع واقول " قدر الله وما شاء فعل " ..

amauri
24-09-2008, 19:57
بدر لاعب ممتازز ومهاري وفنااااااااان لكن بالمختصرر الحظ مومعااااااه اليووم

والله يعينك يابدر اشلون بتناام اليوم وتفكر بالهجمااااااااات

وقواك الله اخوي

Јust Sмile ツ
24-09-2008, 20:01
بدر لاعب ممتازز ومهاري وفنااااااااان لكن بالمختصرر الحظ مومعااااااه اليووم

والله يعينك يابدر اشلون بتناام اليوم وتفكر بالهجمااااااااات

وقواك الله اخوي

بارك الله فيك

انا معاك بدر ممتاز ومهاري وفنان وخبره ولكن انا اشوف انه اناني حبتين

أزرق كويتي
24-09-2008, 20:10
كل لاعب وله عله

وبدر فنان بكل شي الا الانفرادات

shahad Q8
24-09-2008, 20:18
بدر لاعب مهاري وفنان لكن الحظ اليوم الله مو كاتب

مدمنه*القادسيه
24-09-2008, 20:21
-
- كانت مباراتك يا بدر ولكن ارجع واقول " قدر الله وما شاء فعل " ..



ماهي مكتوبه له !

قدساوي & مدريدي
24-09-2008, 20:24
الله يعينك يا بدران :( .. الله يكون بالعون وان شاء الله ما يتأثر بدر خصوصا وان الفريق محتاجه بالفتره القادمه

Corvette
24-09-2008, 21:22
وصلني من اليابان إنه بدر حاليـًا بوضع يحسد عليه ..

مدمنه*القادسيه
24-09-2008, 21:24
^^^

شفيــه !!!

[ 3amer ]
24-09-2008, 21:28
وصلني من اليابان إنه بدر حاليـًا بوضع يحسد عليه ..


والله كاسر خاطري بدر :(

FaWaZ
24-09-2008, 21:30
الله يعينه بدر ..

زرقـــاء
24-09-2008, 21:30
يحســد عليــه و إلا .. لا يحســد عليــه .. ؟؟ :confused::confused:

koioko
24-09-2008, 22:07
انا بسأل صاحب الموضوع ، وبسأل الباجي :
لو ان بدر المطوع كان مسجل الاهداف الثلاثه من الانفرادات اللي ذكرتوها واللي ضيعها ، وبنفس الطريقة ، يعني ماكو اختلاف بطريقة اللعب الا ان الكرة دشت المرمى بدل ان تطلع ، فشنو راح يكون رايكم ....؟؟

وهل راح تعتبرون بدر اناني وسجل الاهداف بروحه ؟؟


يا جماعه الفوز والخاسارة قسمه ونصيب ، ووالله بكل عزته وجلاله ، لو كان بدر منفرد وبروحه ماكو جدامه احد حتى الحارس مو موجود ، وسدد وشات ، ان الله ارادها اتدش فراح اتدش وان ما اراد انها تدش ماراح تدش ....

الفريق اليوم في الشوط الاول لعب بشكل حلو وجيد ، اما بالشوط الثاني فالتركيز ضاع او تلخبط وزاد التوتر والخوف خاصة من قبل الخالدي والشيخ والانصاري ، لكنهم معذورين ، جمهور كبير ، وفريق محترف يضم نخبه من اللاعبين وصاحب مراكز عالمية وحمل اللقب ، واهمه هواة وتوهم ببداية الطريج ، وترى شي كبير وزين وايد ان فريق هاوي ينافس فريق محترف ويلعب جدامه جذي (الذهاب والشوط الاول ) ....

كل اللي نقدر انقوله ، قدر الله وماشاء فعل ، وانشالله يعوضها الفريق بتوفيق من الله وسبحانه وتعالى ...

وصدقوني لو ان القادسية يلعب بنفس الروح والاداء والمهاره اللي لعب فيها جدام اوراوا بالكويت وبالشوط الاول باليابان في كل مبارياته بالموسم الحالي ، راح يستحوذ على كل البطولات وتكون من نصيبه ....

والله ولي التوفيق .

Јust Sмile ツ
24-09-2008, 22:13
وصلني من اليابان إنه بدر حاليـًا بوضع يحسد عليه ..

شفته تأثر اخر المباراة كان متأثر حيل مايشوف شر

اقسم بالله انه نحبك يابدر ومانبي الا كل خير لك

الحمدلله انه لاعبينا عندهم الاحساس بالمسؤوليه ومقدرين انه وراهم جماهير وهالشعور والاحساس اللي حس فيه بدر كلنا نشكره عليه ونشد علي ايده في فرق كثيره ثانيه يضيع المهاجم ويستهتر ولا يحسب للجمهور او للفريق اي حساب

الله يوفقك يابدر بالجايات وتوك صغير وجدامك العمر ان شاء الله تقدر تفيد وتستفيد

قدساوي بالفطرة
24-09-2008, 22:14
وصلني من اليابان إنه بدر حاليـًا بوضع يحسد عليه ..

يحسد ولا لا يحسد !!!

Јust Sмile ツ
24-09-2008, 22:20
انا بسأل صاحب الموضوع ، وبسأل الباجي :
لو ان بدر المطوع كان مسجل الاهداف الثلاثه من الانفرادات اللي ذكرتوها واللي ضيعها ، وبنفس الطريقة ، يعني ماكو اختلاف بطريقة اللعب الا ان الكرة دشت المرمى بدل ان تطلع ، فشنو راح يكون رايكم ....؟؟

وهل راح تعتبرون بدر اناني وسجل الاهداف بروحه ؟؟


يا جماعه الفوز والخاسارة قسمه ونصيب ، ووالله بكل عزته وجلاله ، لو كان بدر منفرد وبروحه ماكو جدامه احد حتى الحارس مو موجود ، وسدد وشات ، ان الله ارادها اتدش فراح اتدش وان ما اراد انها تدش ماراح تدش ....

الفريق اليوم في الشوط الاول لعب بشكل حلو وجيد ، اما بالشوط الثاني فالتركيز ضاع او تلخبط وزاد التوتر والخوف خاصة من قبل الخالدي والشيخ والانصاري ، لكنهم معذورين ، جمهور كبير ، وفريق محترف يضم نخبه من اللاعبين وصاحب مراكز عالمية وحمل اللقب ، واهمه هواة وتوهم ببداية الطريج ، وترى شي كبير وزين وايد ان فريق هاوي ينافس فريق محترف ويلعب جدامه جذي (الذهاب والشوط الاول ) ....

كل اللي نقدر انقوله ، قدر الله وماشاء فعل ، وانشالله يعوضها الفريق بتوفيق من الله وسبحانه وتعالى ...

وصدقوني لو ان القادسية يلعب بنفس الروح والاداء والمهاره اللي لعب فيها جدام اوراوا بالكويت وبالشوط الاول باليابان في كل مبارياته بالموسم الحالي ، راح يستحوذ على كل البطولات وتكون من نصيبه ....

والله ولي التوفيق .

اولاً اخي انا كتبت قدر الله وما شاء فعل وذكرت انه المباراة مو مكتوبه لبدر وما توفق فيها

وانتقادي لبدر ما يعني اني اكرهه او ادور عليه الزله ودفاعك عن بدر شي حلو وانا وياك ادافع عنه وهو لاعب يخطئ ويصيب وكل انسان يخطئ ويصيب

ولكن لما ننتقده ننتقده لمصلحته ولمصلحه الفريق لا اكثر ولا اقل ونبيله الخير ونبي لفريقنا الخير



وبالنسبه لسؤالك

راح يكون رايي انه هذا بدر اللي نعرفه واللي تعودنا عليه وراح نشد على ايده وندعمه بكل ما نملك كجماهير ولكن بدر بهالمباراة اخطئ وبنفس الوقت ما توفق ونتمنى له التوفيق والخبره في المباريات الجايه

Јust Sмile ツ
24-09-2008, 22:22
يحسد ولا لا يحسد !!!


ياجماعه اكيد لا يحسد عليه بس اخوي كورفت كتبها غلط

لانه بدر تأثر اخر المباراة وما اعتقد في احد يحسد بدر على وضع مثل هالوضع

قدساوي بالفطرة
24-09-2008, 22:58
الله يعينك يا بدران ..

بو عمر
24-09-2008, 23:03
قالها فيصل الدخيل بعد ما سأله مذيع الجزية ان بدر يتحمل بسبب ضياعه للفرص


ورد الملك فيصل الدخيل : بالعكس خله يضيع لأنه مهاجم ومافي مهاجم يسجل كل الفرص وانفراداته دليل على خطورته ويبقى بدر المطوع لاعب كبير

وأزيد عليه تصريح سابق لأحمد عجب يوم إسألوه انك وايد تضيع فرص سهلة ورد عليهم ... الي ما يضيع .. ما يسجل



بدر المطوع ... أنا اشهد ان دموعك غالية ، وتبقى لاعب كبير كبير وعسى الله يوفقك يا رب في المشاركات القادمة
وانت اللاعب نـمـبـر(1) بالقادسية يا بدران

Bazooka
24-09-2008, 23:04
تبقى كبير يا بــدر ..

Prussia
25-09-2008, 00:59
اليوم تنرفزت من الفرص الي ضيعها !:(

كوفرت

اشفيه بدر ؟

Corvette
25-09-2008, 01:25
لا يحسد عليه ..
حيل متضـايق ! ماعليه يا بدران الكرة فوز وخسـارة ..

النوير
25-09-2008, 01:38
اليوم مو يومك يا بدر ....لاعب مراوغ و موهوب والمستقبل جدامه

الانجــليزي
25-09-2008, 01:50
مو مكتوبه يـا بدر الجايات أكثر أن شـاءالله :(

AMiR Barca
25-09-2008, 01:55
كل مهاجم يضيع اهم شي هو يهتم بمستواه..

قد(للابد)ساويه
25-09-2008, 02:08
الصدمه على ويهه بالانفراد الثالث ما توصف

ما عليه بدر تبقى كبير

C r e s p o
25-09-2008, 03:00
بدر مــاكان فـي يـومه !! وهاردلك لنا وإن شاء الله يكون درس لبدر يعتبر منَـه إن الفرص ما تتعوض !!

dam3t_3omr
25-09-2008, 03:17
الله يسامحك على الهجمات اللي ضيعتها وما كان يومك يا بدران ..وماهي مكتوبه لنـا..والحمدلله على كل حال :/ ..!!

UNIQUE
25-09-2008, 04:30
أنا الصراحة أحيي بدر المطوع

و أقوله مبروك على رجوع مستواك اللي عودتنه عليه
و اليوم كنت 100% ولكن كان ينقصك الحظ و التركيز


واذا عالتركيز فما أعتقد في لاعب بيركز من جمهووورهم


مهما صار يا بدر

تظل المرعب الصغير

لحلاح
25-09-2008, 04:45
بدر لاعب كبير لكن من عمره عنده مشكله واضحه بالانفرادات لازم يعالجها .. حتى لو مثل ما يقول البعض ان مو لاعب هداف او مهاجم صريح .. كافي ان مهاجم او حتى لاعب وسط متقدم لازم يكون قادر يتعامل مع مثل هالفرص ..

shaheen
25-09-2008, 04:54
ميـخالف يـابدران ..
يـاما فـرحتـنا بـلـعبك وبأهـدافك ..
ومثـل ماقـالوا الـشباب ..
الـيوم مو يـومك..
والحمدلله على كـل حال ..

ثلاثين
25-09-2008, 15:07
بدر كان مو مركز بالمباراة وهالشي كان واضح والله يعلم شنو السبب والا لاعب تعودنا على ابداعاته ولاعب المفروض يكون مكتسب خبرة الحين يضيع اقوال مؤكده مثل هاذي

شوق-الكويت
26-09-2008, 20:18
مـــاعليه يا بدران اليوم مويومك وانشالله تعوضهـــا
و انت لاعب كبــير
وترى دموعــك غــاليه علينااااا

Van Basten
26-09-2008, 20:25
مثل ما بدر ضيع اليوم وبعض الناس تلومه نتذكر انه بدر هو هداف الدورة الخليجية للحين وكنا نحييه .. ومثل ما الناس طبت باحمد عجب يوم ضيع الاهداف المحققة امام كاظمة وحملوه ضياع الدوري .. وراها كل الكويت اتفقت عليه انه المنقذ الجديد لما بدع مع المنتخب والحين هداف العالم ..

مافي مهاجم يتعمد يضيع .. هو ادى اللي عليه وما توفق .. يا جماعة بين الكرة اللي تدش القول واللي تنصد بطرف اصابع الحارس سنتيمترات بسيطة .. وبين الكرة اللي تدخل القول والكرة اللي تمر يم القئم ايضا سنتيمترات قليلة .. وان شاء الله بدر ما يتأثر باللي صار .. وبالعكس انا واحد من الناس اشوف نجم من نجوم المباراة رغم الفرص الضايعة .. الحمدلله على كل حال .. وبدر ياما غوضنا وبيعوضنا ان شاء الله