المساعد الشخصي الرقمي

مشاهدة النسخة كاملة : صورة وتعليق



مانيو
24-09-2008, 20:01
http://img513.imageshack.us/img513/1678/sp4070307te9.jpg

محد مضيعني غيرك اكفني شرك وخيرك

Qadsia Love
24-09-2008, 20:03
الحمدلله و الشكر .. موضوع " قيم " مفروض ينقلونه لـ قسم المواضيع الذهبية :)


كبير يا بو نواف .. استمر نبي الدوري و الكاس :)

أزرق كويتي
24-09-2008, 20:05
انا اشهد انه مضيعك من سنين وبعدك ما شفت شي

Mr.337
24-09-2008, 20:05
:rolleyes:

........................

JuSt QaDSaWia
24-09-2008, 20:06
=]

تبقى كبير يا بو نواف ..

N.a.9.e.R
24-09-2008, 20:08
انتي شتبي مانيو مافهمت ؟

shahad Q8
24-09-2008, 20:08
:qadsia: كفيت و وفيت الله يعطيك العافيه :qadsia:

amauri
24-09-2008, 20:14
عزالله صااااج محمد ابرااهييم ضيع الفرريق

مانيو
24-09-2008, 20:15
انتي شتبي مانيو مافهمت ؟


رايي ويشهد الله انا مو قصدي الاستفزاز

بونواف سلم المباراة لليابان قبل بداية اللقاء

زرقـــاء
24-09-2008, 20:20
نعـــم .. ؟
مـو انــت اللـي مـو هـاامتـك المبـارااة .. :rolleyes:!
ليـش تعبـت عمـرك وكتبــت مـوضـوع .. ؟؟


بـو نـوااف مـو محتـااج شهـادة أحـد .. !

مانيو
24-09-2008, 20:23
نعـــم .. ؟
مـو انــت اللـي مـو هـاامتـك المبـارااة .. :rolleyes:!
ليـش تعبـت عمـرك وكتبــت مـوضـوع .. ؟؟


بـو نـوااف مـو محتـااج شهـادة أحـد .. !

مو بصحيح العباراة ما تهمني
بس انا الي قلته ما راح احرق اعصابي اذا خسر الفريق
ولكني قلتها راح اشجع الفريق
وضاق خلقي من تسليم المباراة

وما فيه احد ما يبي شهاده من احد

مدمنه*القادسيه
24-09-2008, 20:23
تـمون يا بونواف :\ !!
عسل على قلوبنا !! :\

Zard
24-09-2008, 20:24
الحمدلله و الشكر

N.a.9.e.R
24-09-2008, 20:25
شلون سلم لهم المباراة ؟!
ودنا نستفيد منك يالغالي ..

[ 3amer ]
24-09-2008, 20:31
نبقى نحبك يا بونواف

مانيو
24-09-2008, 20:35
شلون سلم لهم المباراة ؟!
ودنا نستفيد منك يالغالي ..

بخطته المكشوفه
بأبقاءه للاعب له ثقله ومكانته بخط النص مثل ميلادين
طبعا هذا شي بسيط و راح تلقى ردودي التحليلية بالمواضيع الثانية

● شــمــوخ ●
24-09-2008, 20:38
يمكن غلط لكنه ماضيعنا!!

والحمدالله على كل حال.. تبقى كبير يابو نواف

Tulip
24-09-2008, 20:39
كبير يا بو نواف .. =)

مانيو
24-09-2008, 20:40
بالنهاية يا شباب انا ما ادعوا الى اقالته ولكن ادعوا لتبيان اخطاءه
الي كلفت القادسية الكثير

بوتركي المدريدي
24-09-2008, 20:44
اخوي مانيو انت انسان مؤمن وتعرف انه التوفيق اولا واخيرا من الله سبحانه
وباختصار القادسية ماتوفق اليوم والحمدلله على كل حال
وهذا حال كرة القدم فوز وخساره وتعليقك على الصورة مو بمحله

Bo Hashem
24-09-2008, 21:04
ماقصر بونواف و الله

بوجهه نظري " اخطأ " بالتشكيله بس مو الخطه و التكتيك :)

بـو مـرزوق
24-09-2008, 21:30
صج إني ضايق خلقي ومترفز بس علشـانك أقول عسل يـا بونواف ضياع الأسيـويه ..

وتـبقى العود أنت يـا محمد إبراهيم الله يعطيك العافيه وأستمر وضـيع حقادك !

LaBartteta
24-09-2008, 22:13
كبير يا بو نواف .. :)

مانيو
24-09-2008, 22:19
شباب تحبونه كيفكم بس مو عيب احد يقول اخطأ
الريال يصيب ويخطأ ولين ايي اوضح خطأه ما اجرم

LaBartteta
24-09-2008, 22:22
مانيو .. وضحت خطأه أنت ؟؟

قطيت كلمتين ومشيت .. :×

مانيو
24-09-2008, 22:26
^^^^

تعتقد في حاجة لأني اوضح خطأه ؟

LaBartteta
24-09-2008, 22:28
لا تقلط كلمتين وتمشي ..

وضح لنا خطأه يالله ،، لو بدر حاط الإنفراد جان غيرتوا كلامكم كله ..


لكن شنقول .. :)

مانيو
24-09-2008, 22:32
القادسية كان يقدر يفاجأ الفريق الياباني
فمثلا خلف السلامة يلعبه جناح ايسر نفس لعبته ضد السالمية وبدع فيها
يعني لازم كان يكون فيه عنصر المفاجأة بأي طرييقة
لكنه لعب بأسلوب مكشوف طبق الاصل من اللعبة الاولى يعتمد على الضغط من العمق
معنه اسلوب اليابان يعتمد على الاجنحة الريال خطأ وغلطة الشاطر بألف
لو القادسية لاعبها صح تكتيكيا كان يقدر على الفريق الياباني

وهذا رد اخوي كويتاوي 2004

من الواضح انه مدرب أرورا درس فريق القادسية عدل وفهم طريقة لعبه واستفاد من المباراة الأولي ... عكس محمد ابراهيم اللي نزل بطريقة طبق الأصل من المباراة الاولي وبنفس التكتيك ونفس مراكز اللاعبين .
بداية المباراة سيطر القادسية ولكنها سيطرة لم تدم وضاعت فرص محققة ... ولكن بعدها اشتغل الفريق الياباني وصار متحكم بمجريات المباراة الي آخر ربع ساعة من اللقاء بدأ القادسية بالسيطرة ... واللي ساعد القادسية بالسيطرة هو رجوع ارورا في سبيل المحافظة علي الفوز
بوجهة نظري أخطأ بونواف بإشراك لاعب قليل الخبرة في الوسط ... وأخطأ بالتأخر باستبداله .
كذلك كان المفروض التونسي يلعب في خط الوسط عشان يساند المهاجمين .. وبالهجوم يكون بدر والعنزي .
بونواف لعب بصورة طبق الاصل من المباراة اللي بالكويت وهذا اللي سهل علي مدرب أرورا .

هذا جزأ بسيط من الي اشوفه كمغالطات

وبالنسبة لتضييع بدر المطوع اولا هذا توفيق من الله
لكن صدقني لو القادسية فايز كنت بنقد المدرب على الخطة واعتقد انك تراجع ردودي
ملاحظة بسيطة
تضييع المطوع احد اسبابها مركز محمد ابراهيم له الي خلاه كرأس حربة صريح اكثر من انا يكون مهاجم مساند

LaBartteta
24-09-2008, 22:43
جذي حلو .. لو متكلم من البدايه جان ما شفت كل هالردود ..

لأنك قاعد تعطي رايك .. :)


بالنسبه لـ كلامك ،، صعب ان محمد ابراهيم يغامر ويلعب بـ خلف على اليسار خصوصاً أن اليابانيين يكفيهم هدف واحد ولا تنسى يلعب على ملعبهم وبين جمهورهم ..


نقطة المطوع ،، مالها علاقه بمركزه .. بعد هو مهاجم وتييله هالإنفرادات .. شكو المركز بالتضييع :)

بو عمر
24-09-2008, 22:59
http://img513.imageshack.us/img513/1678/sp4070307te9.jpg


تنحط على الراس يا بونواف


والله انك ما قصرت .... ولاعبينك ما قصروا وهذي الكرة فوز وخسارة

Gf
24-09-2008, 23:04
"بو نواف" رجعته للقادسية بكبرها غلط !

Gialloneri
25-09-2008, 00:20
صورة واترك التعليق لك ...




http://www.qadsiafans.com/qadsia/data/media/4/DSC_3479.jpg

مانيو
25-09-2008, 01:53
^^^

الصورة مو طالعه يالطيب

الانجــليزي
25-09-2008, 01:53
مو بصحيح العباراة ما تهمني
بس انا الي قلته ما راح احرق اعصابي اذا خسر الفريق
ولكني قلتها راح اشجع الفريق
وضاق خلقي من تسليم المباراة

وما فيه احد ما يبي شهاده من احد

مو هامتك ليش حاط موضوع :)
وليش تحرق اعصابك مدام مو مهتم
وليش تشجع الفريق اذا ماهمتك
وليش يضيق خلقك مدام ماراح تشجع الفريق
وليش تشهد

التناقض شلون صاير :)

الانجــليزي
25-09-2008, 01:54
"بو نواف" رجعته للقادسية بكبرها غلط !


شلون غلط :)

AMiR Barca
25-09-2008, 01:57
أنا أشوف هناك مدربين كبار لازم يدربون القادسية..
مثل جوزية مدرب الاهلي المصري..

الانجــليزي
25-09-2008, 01:58
مو بصحيح العباراة ما تهمني





بس انا الي قلته ما راح احرق اعصابي اذا خسر الفريق

ولكني قلتها راح اشجع الفريق
وضاق خلقي من تسليم المباراة


وما فيه احد ما يبي شهاده من احد






مو هامتك ليش حاط موضوع :)

وليش تحرق اعصابك مدام مو مهتم
وليش تشجع الفريق اذا ماهمتك
وليش يضيق خلقك مدام ماراح تشجع الفريق
وليش تشهد


التناقض شلون صاير :)

مانيو
25-09-2008, 02:00
مو هامتك ليش حاط موضوع :)
وليش تحرق اعصابك مدام مو مهتم
وليش تشجع الفريق اذا ماهمتك
وليش يضيق خلقك مدام ماراح تشجع الفريق
وليش تشهد


التناقض شلون صاير :)


انا ما قلت مو هامتني
انا كل الي قلته قبل المباراة انا بشجع القادسية
بس اذا خسروا ما راح يكون شعوري مثل القدساوية ازعل يضيق خلقي لأنه بالنهاية تشجيعي للقادسية بهالبطولة امر ثانوي كوني عرباوي وتشجيعي للقادسية بس عشان انا فريق كويتي
بس الي بط جبدي انا تعب فريق كامل وموسم كامل (كون الفريق كانت هالبطولة هدفه) يضيع بهفوات محمد ابراهيم
وكلمة كنت اقولها وبرد اقولها
جاريدو كان جدا ناجح بهالبطولة كونها الهدف الاول للفريق

الانجــليزي
25-09-2008, 02:06
انا ما قلت مو هامتني
انا كل الي قلته قبل المباراة انا بشجع القادسية
بس اذا خسروا ما راح يكون شعوري مثل القدساوية ازعل يضيق خلقي لأنه بالنهاية تشجيعي للقادسية بهالبطولة امر ثانوي كوني عرباوي وتشجيعي للقادسية بس عشان انا فريق كويتي
بس الي بط جبدي انا تعب فريق كامل وموسم كامل (كون الفريق كانت هالبطولة هدفه) يضيع بهفوات محمد ابراهيم
وكلمة كنت اقولها وبرد اقولها
جاريدو كان جدا ناجح بهالبطولة كونها الهدف الاول للفريق


ما أعتقد مو مهتم من الخسـاره :)
اول شي
ليش التناقض بكلامك مانيو :rolleyes:
بالاول تقول مو مهتم
جاريدو كان نـاجح ؟؟ .. مانيو لاتهتم خلاص مدام الفريق ماتشجعه وليش تحرق اعصابك
كافي اعصابنا احنا
بس على فكره كلامك متناقض

وجهة نظر :)

مانيو
25-09-2008, 02:13
مو انت مو قاري كلامي الي قلته حق الاخ ناصر اذا فازوا بستانس واذا خسروا عادي
لكن بط جبدي المدرب

جاريدو كان ناجح ؟

جاريدو وصل لنهائي الدوري تقريبا لولا الحظ جدام كاظمة
ووصل لنهائي ولي العهد
وخذا كاس الاتحاد
ونجح في مهمته الرئيسية والاهم كانت عند الادارة وقدر يطلع اول المجموعة

C r e s p o
25-09-2008, 02:35
ماقصرت يا بونواف وتبقى كبير بنظر الجمهور القدساوي فعلاً لم نوفق ولكن يبقى الكثير أمامك يا بونواف مع السفينة القدساوية وإن شاء الله ترسم البسمة على الجمهور القدساوي من بعد ما فقدناها الموسم إلي طاف !!!

N A P A L M
25-09-2008, 02:40
لكل مدرب أخطاء , نعم محمد أبراهيم اخطأ في هذا اللقاء , موضوعك مبالغ فيه..ومامنه فايدة....تقبل هالكلام.

هالمدرب اللي تدعي انه مضيع حال الكرة الكويتية ... تراه وصل القادسية مرتيين للدور الثاني في بطولة آسيا..غير البطولات المحلية اللي حققها مع فريقه. ولا نادي كويتي..قدر يوصل لمواصيل القادسية. فا ارجع واقول..موضوعك مامنه فايدة اطلاقاً.



وما أدري لي متى بتستمر على التناقض في ردودك.

مو يا ذكي..بدام ان المباراه مو هامتك..عيل ليش تنتقد ؟
ليش حاط الموضوع!!

ههههههه لاحول ولا قوة الا بالله.

ليش التناقض؟






"بو نواف" رجعته للقادسية بكبرها غلط !

في حل ثاني اختي غير رجوع محمد ابراهيم اللي تدعيين انه غلط بغلط؟

نورينا.

عربــاوي
25-09-2008, 03:10
احترموا وجهة نظره يا شباب :) ..

King Kenny
25-09-2008, 03:14
اتفق معاك ابو نواف سلملهم المباراة بشارك الانصاري والعامر مثل المباريات اللي ممتعودين عليها بو نواف طوول عمره يعتمد على عناصر بالفريق القادسيه وهم معروفيين عند الكل سبب انتكاسات الاصفر

N A P A L M
25-09-2008, 03:14
احترموا وجهة نظره يا شباب :) ..

يا ترى لو كان المدرب أحمد خلف مكان محمد أبراهيم في هذا الموضوع...بترد وبتقول أحترموا وجه نظره ياشباب ؟

ما أستبعد.

Al-Saleh
25-09-2008, 03:16
ارد و اقول العيب من جمهورنا :)

dam3t_3omr
25-09-2008, 03:29
كبـيــر يابو نـواف :) ..!!

عربــاوي
25-09-2008, 04:08
يا ترى لو كان المدرب أحمد خلف مكان محمد أبراهيم في هذا الموضوع...بترد وبتقول أحترموا وجه نظره ياشباب ؟

ما أستبعد.


كلن يرى الناس بعين طبعه خالي ..
:)

David Letterman
25-09-2008, 04:08
يا ترى لو كان المدرب أحمد خلف مكان محمد أبراهيم في هذا الموضوع...بترد وبتقول أحترموا وجه نظره ياشباب ؟

ما أستبعد.



و هالشي اللي مخليك تدعي ان الموضوع ما منه فايده!!!؟
اللي فهمته .. ان اي موضوع ان تظن السوء فيه و مخالف لوجهه نظرك ماراح تحترم وجهه النظر صاحب الموضوع!
مهما الريال انتقد باي شكل من الأشكال و حتى لو انتقاده غلط بنظرنا .. ما يحق لك تقول ان الموضوع ماله فايده لان هذي وجهه نظره بالأول و بالأخير و ما قال شي عيب . ;)


الريال قال رايه .. مالك حق تقول هالكلام اللي بنيته على اساس اللي مقتسبه لك انا ;)


لأن ببساطه "إن بعض الظن أثم"



بالنسبه للموضوع والله يا مانيو انا اختلف معاك نوعا ما .. محمد الإبراهيم ناجح جدا مع الفريق و لو يستمر بعد أكثر راح تشوف اللي أقصد له، يدرب من قلب و اللاعبين يرتاحون له و يقدرونه أكثر من الأجنبي على فكره،


و بشكل عام هو احسن من غيره بكثير .. الا اذا ياباو مدرب عالمي هذا شي ثاني .. بس بشكل عام منو بيحطون غيره لو شالوه؟ جاريدو؟ رادان؟ ..


جاريدو اللاعبين يشكون منه كثير و الجماهير ايضا و فوق هذا لعبه مو ماشي معانا كلش ..
لعبه دفاعي نوعا ما .. و هالشي كلش ما يمشي ويانا و ماضي "الدفاعيين" يتكلم .

السعـيدي
25-09-2008, 04:30
يعطيك العافيه يا ابو نواف واللاعبين قدمووا الامكانيات اللي يقدروون عليها جدام فريق محترف من الفراش لي رئيس النادي

كفيتوا ووفيتووا يا بني قادس وان شااء الله البطوله القادمه يكون فريقين كويتيين منافسين

ناقد
25-09-2008, 04:53
نعم محمد ابراهيم عنده اخطاء اليوم ..
لكن يظل هو أفضل مدرب في الكويت .. و انجازاته تشهد له ..
و جاريدو هيئوا له كل الظروف الاحترافيه و ياب لنا بطولة تنشيطية و حسنته لوحيدة انه وصلنا لهذا الدور في ابطال آسيا ..
لازم هم ما ننسى ان اليوم لعبنا مع اوراوا الياباني بطل آسيا و ثالث العالم و الخسارة منه وارده و ما تعتبر كارثه خصوصا ان الفريق خرج بشكل مشرف و كان قريب من التأهل ..
و ايضا احترم وجهة نظرك :)

بوطـلال
25-09-2008, 04:59
http://img513.imageshack.us/img513/1678/sp4070307te9.jpg

محد مضيعني غيرك اكفني شرك وخيرك

ضيّعنا صج صج ضيّعنا !

shaheen
25-09-2008, 05:03
مـوريـنيو..سـكولاري..فـيرغسون..فنـغر !
هـذول من أكبـر وافضل مدربين العالم حاليا ومـع هـذا يـاما شـفناهم يـغلطون بـمباريات حسـاسه ومـهمة ..
والانسـان مو عيـب انـه يـخطي .. الـعيب انـه مايتـعلم من خطأه مستر مانيـو كابيـلو !!

القدساوي المحنك
25-09-2008, 05:27
يبقـى جـنرال ومـدرب كبيـر .. واليـوم أنا أتفـق معـاك أخطأ بالتبديلات يعني كان ممكن يبـدل أبـجر .. ! بس عمـوماً بونواف حتى هالمباراة أثبت إنه مدرب كبيـر وذكي وبحيل الله راح يحقق شـي حـلو مع الأصفر هالموسم بإذن الله تعـالى .. ;)

قدساوي_100%
25-09-2008, 05:38
مشكله العاطفه

نرفع الشخص فوووووووووووووووووووووق بحاله الفوز
ويصير معضم وانه عنده قدره على قياده اكبر الانديه


وبحاله الخسار يكون تحـــــــــــــت
ويصير مايفهم شي وماعنده شي يقدمه

Alfhdi
25-09-2008, 05:43
مشكله العاطفه

نرفع الشخص فوووووووووووووووووووووق بحاله الفوز
ويصير معضم وانه عنده قدره على قياده اكبر الانديه


وبحاله الخسار يكون تحـــــــــــــت
ويصير مايفهم شي وماعنده شي يقدمه
صدقت والله يا ناصر .
معا الاسف هذي جماهيرنا :)

Gf
25-09-2008, 10:28
في حل ثاني اختي غير رجوع محمد ابراهيم اللي تدعيين انه غلط بغلط؟

نورينا.

ليش العالم خلا من المدربين ؟؟
يعني مافي مدرب غيره ؟؟

ادارة نادي القادسية يا تحط "محمد ابراهيم".. يا "مدرب مغمور" !!
والاثنين مو بـ مستوى نادي القادسية ..

محمد ابراهيم خلاص ما عنده شي يقدمه !
مادري شنو ننطر منه بعد ؟!

مانيو
25-09-2008, 12:38
يا جماعه

انا ليش حطيت الموضوع بقسم الكرة الاسيوية

لأنه الي اشوفه انا المدرب ضيع القادسية ((بالبطولة الاسيوية))
وهالشي ما يحتاج نقاش انا ما ذكرت تاريخه ولا ذكرت بطولاته
لكنه احد الاسباب الي ضيعت القادسية ب(البطولة الاسيوية))

بوخالد
25-09-2008, 14:44
يا جماعه

انا ليش حطيت الموضوع بقسم الكرة الاسيوية

لأنه الي اشوفه انا المدرب ضيع القادسية ((بالبطولة الاسيوية))
وهالشي ما يحتاج نقاش انا ما ذكرت تاريخه ولا ذكرت بطولاته
لكنه احد الاسباب الي ضيعت القادسية ب(البطولة الاسيوية))
وعلى نياتكم ترزقون :rolleyes:

>> Rainbow <<
25-09-2008, 15:47
محـد ينكـر انـه اخطـا امـس
بـس هـذا ما يعنـي انـه نستلـمه جـذي !!

Spain lover
25-09-2008, 15:53
الكبير كبير

مانيو
25-09-2008, 17:01
وعلى نياتكم ترزقون :rolleyes:


لووول النية طيبة يا بوخالد والله يرزقنا :p

Giovinco.10
25-09-2008, 17:03
منقاوي شفت موضوعك صوره وتعليق قلت يمكن صوره الي قاعد يبجي

ياليت اذا عندك صورته وهو يبجي ابيها

شبابي
25-09-2008, 17:23
اخوي انا اخالفك الراي !!

بونواف ما قال حق بدر ضيع ألف انفراد !!

بونواف ما قال حق كيتا العب باصات غلط !!

بونواف ما قال حق الخالدي ارتبك وخاف واطلع من مرماك !!

بونواف ما قال حق مساعد بس ارفع رفعه وحده صح !!!

بونواف ما قال حق صالح الشيخ امش وطيح !!


محمد ابراهيم دش بخطه متوازنه ,, ما دخل كيتا مع ميلادين ، لانهم مالعبو مع بعض بالذهاب وقبلها من مباريات علشان ما حب يشركهم مع بعض ، ويعييبه فقط بوجود علي النمش !! وللأمانة كانت تغطيته احسن من مساعد بوايد !!

يبقى العيب مو بالمدرب ,,, العيب بلاعبين الخبرة الي ضيعوا المباراة وانتو عارفينهم منو !!

لو فاتح موضوع تناقش فيه المدرب ماعليه شي اخوي ..

اما انك حاط صورة وتعليق ,, صج ما عندك سالفه :rolleyes2:

makkay
25-09-2008, 17:38
افضل مدرب بـ تاريخ الكويت .. والارقام تشهد
الفريق الياباني مو سهل .. وبصعوبه فاز ع القادسيه
ثانكسيو

مانيو
25-09-2008, 18:04
اخوي انا اخالفك الراي !!



بونواف ما قال حق بدر ضيع ألف انفراد !!


بونواف ما قال حق كيتا العب باصات غلط !!


بونواف ما قال حق الخالدي ارتبك وخاف واطلع من مرماك !!


بونواف ما قال حق مساعد بس ارفع رفعه وحده صح !!!


بونواف ما قال حق صالح الشيخ امش وطيح !!



محمد ابراهيم دش بخطه متوازنه ,, ما دخل كيتا مع ميلادين ، لانهم مالعبو مع بعض بالذهاب وقبلها من مباريات علشان ما حب يشركهم مع بعض ، ويعييبه فقط بوجود علي النمش !! وللأمانة كانت تغطيته احسن من مساعد بوايد !!


يبقى العيب مو بالمدرب ,,, العيب بلاعبين الخبرة الي ضيعوا المباراة وانتو عارفينهم منو !!


لو فاتح موضوع تناقش فيه المدرب ماعليه شي اخوي ..



اما انك حاط صورة وتعليق ,, صج ما عندك سالفه :rolleyes2:



بدر لين يضيع مو بس تحاسبه
اذكر في تصريح للكبير مورينيو
يقول فيه انا مسؤول عن كل هجمة يضيعها احد لاعبين فريقي ;)

بدر المطوع كان احد اكبر اخطاءه اشراكه في مركز راس الحربة
وطول عمرنا نعرف بدر يضيع جدام القول
فمثل هذي المباريات الي اصلا متوقع انا تييلك انصاف الفرص
يكون فيه لاعب داخل المنطقة وبدر يكون خارجها لتمويل الفرص
وبهذا راح تزيد عدد الفرص اصلا

شبابي
25-09-2008, 18:18
بدر لين يضيع مو بس تحاسبه
اذكر في تصريح للكبير مورينيو
يقول فيه انا مسؤول عن كل هجمة يضيعها احد لاعبين فريقي ;)

بدر المطوع كان احد اكبر اخطاءه اشراكه في مركز راس الحربة
وطول عمرنا نعرف بدر يضيع جدام القول
فمثل هذي المباريات الي اصلا متوقع انا تييلك انصاف الفرص
يكون فيه لاعب داخل المنطقة وبدر يكون خارجها لتمويل الفرص
وبهذا راح تزيد عدد الفرص اصلا

اخوي انا ما عترف بمورينيو لو قايلي فيرغسون جان ايدتك :p

شوف اخوي اي مدرب ما يقدر يضمن لك اي هجمه يسويها الفريق !!

لان بالنهاية هي مسألة توفيق ، وفي فريق ضدك قاري افكارك وعارف خططك !!

انا معاك ان بدر مو موقعه ,, بس الكل عارف ان المرتدات يبيلها واحد سريع ويعرف شلون يعدي وكل هذا موجود في بدر ،، ومثل ما الكل عارف ان الي يعييب بدر نهاية للهجمه ، والي حصل ان سليم صار الممول وبدر الراس !!

وصدقني كان اهو افضل حل للمدرب ،، لو عجب موجود جان ما اختلفت معاك !!

وبالنهاية اكيد المدرب عليه اخطاء بس ما عطى المباراة لهم !!

وشوية منطق الله يهداك :)