المساعد الشخصي الرقمي

مشاهدة النسخة كاملة : اتحاد الكرة السعودي يرفع عقوبة الايقاف عن الجمعان ....



al-azraqy
04-09-2002, 00:45
اصدر الامير سلطان بن فهد الرئيس العام لرعاية الشباب ورئيس الاتحاد السعودي لكرة القدم قرارا برفع الايقاف عن مهاجم نادي الهلال الدولي عبدالله الجمعان لمدة ستة اشهر.
و جاء في قرار رفع الايقاف: "بناء على الاستئناف المقدم من نادي الهلال حسب ما تنص عليه لوائح الاتحاد السعودي وبعد الاطلاع على الدراسة التي اعدتها الامانة العامة له، ومن اجل ما تقضيه المصلحة العامة والمحافظة على تطبيق نظام الاحتراف والحرص على تنفيذه تقرر الغاء القرار السابق القاضي بايقاف الجمعان لمدة ستة اشهر".

كما تقرر ايضا الغاء عقد الجمعان مع ناديه وتحويله الى هاو. وكان الجمعان اوقف على خلفية خروجه من معسكر الهلال في الرياض استعدادا للقائه مع سوون سامسونغ الكوري الجنوبي في 19 تموز/يوليو الماضي في اياب الكأس السوبر الاسيوية.

و وضع مدرب الهلال الكولومبي فرانشيسكو ماتورانا الجمعان على لائحة الاحتياطيين فرفض اللاعب الوضع وترك المعسكر ما دفع بالهلال الى رفع الامر الى الاتحاد السعودي لاتخاذ القرار المناسب خصوصا ان المشاركة كانت في بطولة خارجية.

و خسر الهلال الكأس السوبر بعد تعادله مع الفريق الكوري ذهابا وايابا بنتيجة واحدة 1-صفر لكن سوون سامسونغ فاز بعد انتهاء مباراة الاياب بركلات الترجيح 4-2.

و كان الجمعان احد افراد المنتخب في نهائيات مونديال 2002 في كوريا الجنوبية واليابان وشارك في المباراة الاولى امام المانيا فقط عندما دخل بديلا للحسن اليامي في الشوط الثاني.

TurKi
04-09-2002, 01:21
قرار منصف فعلا .. واسعدني جدا ..

لأن وبكل بساطة .. كل من يخطئ سوف يعاقب بايقاف ستة شهور .. لم يتبقى لدينا لاعبين ..

وجل من لايخطئ ..

الأزرق
04-09-2002, 02:38
الحمدالله :)

رامز
04-09-2002, 04:08
تحويل اللاعب الى هاو اصعب من الايقاف من وجهة نظري .

ryadyah12
04-09-2002, 07:54
تحويل اللاعب الى هاو احســن ،،، بعدين حساافه رفعوا الايقاف بوجهه نظري ،، لانه كل مرة يغلط مو مرة وحده

scheelite
04-09-2002, 07:55
(( رامز )) انا معاك بكلامك ..... ومدام عبدالله اخطأ لازم يتعاقب سواء كان بايقافه او بتحويله الي هاو ومن وجهة نظري الايقاف ارحم .... :o

نجم
04-09-2002, 17:24
اختلف معك اخوي مازن لانة من امن العقوبة اساء الادب والجمعان اذا ماوجد رادع لة راح يتمادى اكثر
والله يستر من الى جاي

ryadyah12
04-09-2002, 19:19
اي و الله كلاامك عدل يا نجم ،،،، من امن العقوبه اساء الادب ،، و لى متى الجمعان يأمن العقوبه :confused:

TurKi
05-09-2002, 15:13
يا اخوان .. متى اخطأ الجمعان .. (( تراي ناسي ذكروني .. )) هي هالمره وبس ..

وبعدين مابي تذكروني بشغلات بسيطة . .. ابي خطأ فعلا كبير مثل هذا ..

وعلشان اتلاحق نفسي .. لا يقولي واحد لازم خطأ كبير بقوله .. يا اخي كل انسان يخطئ والاخطاء الصغيره حنا نخطي فيها بل ويوميا .. الانسان فطر على الخطأ ..

.. مع انكم مختلفي معي .. لكن شغله حلوه الاختلافات ,, وبصراحه اعشقها ..

وعلى فكره انا اكثر واحد مايحب الجمعان (( البق من ان اكره الجمعان )) بس الحق حق ..

وتحويله هاوي .. وقت وبيرجع محترف (( يعني افري بالنسبه له )) ..

111
05-09-2002, 17:18
ههههههههههههه
ههههههههههههه
ياشباب اللي يشوفوكم ويشوف ردودكم يقول ماشاء الله الاتحاد السعودي ماتدخل فيه الواسطه أبداً للاعبين .
شباب ألم أقل لكم راح يطلعون عذر عشان يشيلون الإيقاف عنه . بس الغربيه في رفع الإيقاف هو ليس بهذه الطريقه للاعب بل لأن كل ماطلع رفع إيقاف للاعبين لازم يكون بمناسبة شفاء ملك أو أمير كبير . :eek: لكن هالمره هذي صراحه جابوها الرجال وبدون مايرفع الإيقاف وفيه أحد طلع من المستشفى . أو مناسبه للمسئول .
نعنبو إللي حرك هالواسطه هذي خوش رجال . أكيد وراه مهب ظهر وبس هذا وراه ظهور .
أسألكم بالله ياشباب ألا تميزون في الرياضه والإحتراف . والبعض يقول منكم توقيف الإحتراف له أرح من إنه يعاقب ستة أشهر عن اللعب ألم تفكرو وتقالو لاعب بوزن عبدالله الجمعان هل بالمعقول سوف يلعب بالمجان للهلال وهل سوف يلعب بالمجان والأنديه الثانيه تتفرج عليه . وهل من المعقول لو قلنا ان راتب الجمعان الشهري فرضاً عشرين ألف ريال هل ستظر لاعب بوزن الجمعان إللي الهلال مايقدر يستغني عنه وجميع الأنديه تتمنى هالاعب إللي تأثر فيه عشرين ألف كل شهر .
ياناس فكرو شوي يعني الجمعان مو أي لاعب هذا يعتبر الاعب الثاني أو إذا ماكان الأول في الهلال ومن أهم لاعبي المنتخب الوطني أيضاً مايقدر الهلال يعطيه مقدماً 120 ألف ريال حقت ستة أشهر .
يعني لاعب بوزنه عقده للي يبيه ملايين الريالات راح يتأثر بوقف هالراتب . :D
ورموزي يقول ( تحويل اللاعب الى هاو اصعب من الايقاف من وجهة نظري )
ياليت وجهة نظرك تلفها يمين عشان تعرف الحقيقه إللي تقول عليها يارامز . ألم أقل لك سابقاً في كذا موضوع للجمعان إن هالإيقاف راح يتلغي وراح تتذكرون كلامي .
وياليت وجهة نظرك يارامز خليتها تشوف كلامي بس إنت خليتها دائماً ماتطالع لليمين بس لليسار .
ـــــــــــــــــــــــــــــــ
شباب أن والله العظيم لست بمستغرب لرفع الإيقاف وأيضاً لست مستغرب لوقف راتب الجمعان بس المستغرب كيف طلع هالشيء وبدون مناسبه عشان شفاء ملك أو أمير أو ماشابه هذا اللي مستغربه .
وللمره الثانيه أقول نعنبو هالواسطه هذي إللي رفع هالإيقاف بدون مناسبه هههههههههههههههه
ـــــــــــــــــــــــــــــ
شباب نسيت أقولكم ترى تحويل الجمعان من محترف إلى هاوي ترى مجرد مداعبه لكم ولنا لا أكثر ولا أقل .
وياليت نشوف وجهة نظر رامز بعد مايطلعون لنا عذر الاتحاد السعودي عفواً الهلال عشان تحويل الجمعان من هاوي إلى محترف

TurKi
05-09-2002, 18:00
اخوي 111 .. قريت ردك مره وثنتين وثلاث .. مافهمت وشو اللي تبي توصله ..

يعني انت زعلان ليش انهم ارفعوا الايقاف او العكس ..

والا زعلان ليش انهم ارفعوا الاييقاف من غير مناسبة لاحد الامراء او الملوك ؟؟؟

(( ايه ياراقل ايه اللي جرالك انت مابتجمعش والا ايه )):D :D ...

اخوي .. انا قلتها الجمعان لاعب جيد .. وبصراحه ظلم ايقافه ست شهور ..

مع ان الاخوان كلهم زعلانين .. ومن أساء الادب ومدري ايش .. اي أدب الله يهديكم ..

ماهو اول واحد يسويها ول اخر واحد .. واللي قبله سووها ولا احد عاقبهم ومشت امورهم ..

(( حبكت على الجمعان يعني )):D

ryadyah12
05-09-2002, 18:36
اقتباس من رسالة مازن في الأعلى
يا اخوان .. متى اخطأ الجمعان .. (( تراي ناسي ذكروني .. )) هي هالمره وبس ..

وبعدين مابي تذكروني بشغلات بسيطة . .. ابي خطأ فعلا كبير مثل هذا ...

طبعاااااا اقدر اذكرك بموقف صار امام شاشات التلفاز العربيه // تخلف الجمعان عن التبديل و صراخه و عصبيته عن التبديل امام فريق نادي الاستقلال الايراني :confused: جعلني اخذ فكره اكثر خطأ عنــه ... و هذي بصرااحـه عطلت المباارااه " و انا كنت على اعصابي انطر النتيجه " شنو ذنب الجمهور لي شااف المبارااه و ننطر النتيجه و الاخ قااعد ماخذ راحته ما يبي يبدلونه ،،، خاصه انه قرار التبديل لارجعه فيــه ؟!؟!

وبالنسبــه لي حتى انا ماااحب الجمعااان ""لانه المحبه من الله "":cool:

و بوجهه نظري اعتبره خطأ كبير ـــ و لاننسى تركه لمعسكر الهلاال ،، و تبقى وجهه نظري ،،

و الاختلاف لايفسد للود قضيـه :) ،،، ولو اني لا الم جيدا بالكره السعوديه ولكن تبقا الاخلاق اهم مافي الرياضه ...

Thank you very much for this nice chance ;)

رامز
05-09-2002, 20:44
اخوي 111 اذا صدر قرار قريبا بتحويل الجمعان من هاو الى محترف .... راح ابصم لك بالعشره ان عندك قريب في الرئاسه :D

TurKi
06-09-2002, 14:58
ي اخت رياضيه .. المباراة تلك لها ظروفها الخاصة .. ويجب ان نعذره ..

وخصوصا ان الفريق الهلالي تعرض لظلم كبير .. وتصرفه غير مقبول اطلاقا .. ولكن يجب ان نراعي حالته النفسية في ذلك الوقت ...

عموما .. الجمعان كان من ابرز اللاعبين واعتقد سيظل .. ظلم ان يخسره الهلال ويبقيه هاويا ..

وانا لدي احساس بانه سوف يرجع محترف .. ((( ولكن هي مسألة وقت ))) ..

...

111
07-09-2002, 10:19
رامز : أبصملك على العشره والا صارحيني :D
على العموم إنت مصدق إنه ماراح يرجع محترف . عبدالله الجمعان تخيلو إنه هاوي ههههههه هذي إللي ماتدخل المخ والله .
وننتظر يارامز غداً إيش راح يكون . يمكن الجمعان يمثل السعوديه في جوالات خيريه مو بعيده .

رامز
07-09-2002, 15:32
والله ماادري كل شي صار ممكن !!