الغاء قانون تجريم الفرعيات [الأرشيف] - ديوانيــة الأزرق دوت كــوم

ثلاثين

22-10-2008, 20:34

اعلنت جريدة الوطن في صفحاتها الاولى عن خبر افرح الكثيرين
وهو الغاء قانون تجريم الفرعيات الذي كان عليه اشكال كبير من شريحه كبيرة من المجتمع القبلي الكويتي

ويعرف غالبيتنا مادار حول هذا الامر من امور ومشاكل واعتراضات ومناوشات لا تخفى على احد

رأيي الشخصي :
ربما لانني لا انتمي الى المجتمع القبلي قد لا اعرف خصوصية او اهمية التشاور بين ابناء القبائل لاختيار مرشح ما يمثلهم رايي لن يكون حول الفرعيات لكنه حول القانون الذي جرمها
اولا : مجلس الامة هو الجهة الوحيده في الدولة جمعاء التي من حقها اصدار التشريعات والقوانين كونها السلطه التشرعيه في البلد وبما ان هذا القانون حمل الصفه القانونيه اذا فقد صدر من هذا المجلس اي ان هذ القانون تم على يد الاعضاء الذين هم نفسهم المطالبين بالغاء هذا التجريم وقاموا بالاعتصامات وتهييج الناس اذا لماذا كل هذا اللف والدوران لماذا هذا النوع من خداع الناس واللعب بمشاعر قبائل كويتيه كبيرة
انت تضع القانون وتوافق عليه وبعد اصداره تشارك بالفرعيات وتهيج الناس لتظهر بالاعتصامات حتى يلغى هذا القانون ماذا يمكن تسمية هذا ( وهذا ينطبق للبعض طبعا وليس الكل ولنقل الغالبيه منهم لان القانون لن يمر الا بالغالبيه )

ثانيا : اي قانون مهما كان مادام قد جرم فعل فيكون هذا الفعل مجرم ويعاقب فاعله ولا يجوز للافراد الاعتراض عليه
هذه قاعده قانونيه يعرفها جميييع من لهم المعرفه بالقانون او حتى المعرفة البسيطه
ليس ذما في ابناء القبائل بل على العكس قد يكونون ضحايا لاعضاء المجلس الذين صوروا لهم صورة مختلفه عن الحقيقه
لكن الفرد ليس من حقه الاعتراض على القانون حتى لو كان جائرا
كل ما يستطيع فعله هو الشكوى للاعضاء ليمكنهم تغيير هذا الحال لان بيدهم تغيير القوانين
لكن ان يقوم الفرد بالاعتراض بالشكل الذي شاهدناه هذا قانونيا لا يجوز ويعاقب عليه فلا يحق لمن يرتكب عمل غير مشروع ( وغير مشروع هنا تعني غير مجاز قانونا ) ان يقوم به وعلى العلن بحجة انه غير مقتنع بهذا القانون والا لكان السارق قد سرق بحجه ان القانون الذي يمنع السرقه لا يعجبه وهكذا تعم الفوضى والاستهتار
وبالطبع القبائل محشومين عن مثال السرقه او غيره لكن هذا لتقريب وجهات النظر فقط لاغير
وانا ارى ان الحكومة كانت تعرف ان ابناء القبائل سقطوا في فخ هؤلاء الاعضاء الذين نصبوا لهم هذا الفخ ليرونهم كم هي الحكومة سيئة وكم هم هؤلاء الاعضاء طيبين يقفون معهم في محنهم حتى يتم انتخابهم من قبل هؤلاء الناس البسيطين مع ان العكس صحيح فالاعضاء هم من وضع القانون حتى يثيروا كل هذه الزوابع لانهم كانوا على علم بان القانون سيطبق والداخليه ستطبقه بالتاكيد مادام نافذا منذ تاريخه لذلك اصدروه ليقوموا بكل ما قاموا به من اعمال في اثارة الناس والفتن ليظهروا بالنهاية بالشكل الطيب وبعد نجاحهم يلغون القانون كما يحلو لهم
تمثيليه وضعوا سيناروها واتقنوا تمثيله بشكل جيد ونحن الضحايا بالطبع يسيرونا يمينا ويسارا

والا شرايكم ؟؟؟

سعـود المطيـري

22-10-2008, 21:25

بصراحه خوش خبر

معني رضيتو ولا ما رضيتو

بتصير الفرعيه ;)

GaGo_16

22-10-2008, 22:14

Amer

22-10-2008, 22:16

رضو ولا انرضو
الفرعيه موجوده غصبن عنهم :)

ثلاثين

22-10-2008, 22:21

رضو ولا انرضو
الفرعيه موجوده غصبن عنهم :)

هذا قانون ماكو شي اسمه رضوا والا انرضوا ونواب القبائل مو غيرهم اهمه الي حطوا هالقانون عشان لعبون بخلق الله

Mehmet Scholl

22-10-2008, 23:00

خوش خبر بس عقب شنو

ﺇسـتـبـرق

22-10-2008, 23:25

هاردلك :)
الله يكتب اللي فيه الخير للبلد :)

shaheen

22-10-2008, 23:25

هـذا الي مفـروض انـه يصـير من زمـان !

lazo0ordi_q8

22-10-2008, 23:28

يسلمو ع الخبر
اللي يفرح

فيصل الدخيل 16

22-10-2008, 23:41

هاردلك :)
الله يكتب اللي فيه الخير للبلد :)

مثل ما قلتلج قانون كان مشوه والحين احذفووه;)

مبروووك للكويت انهم شالو هالقانون المشوه

ومره ثانيه اذا حطوا قانون خلهم يطبقونه على الكل مو على فئه معينه

ﺇسـتـبـرق

22-10-2008, 23:45

فيصل الدخيل :)
انت عارف رايي بهالموضوع وتم الاتفاق على نقاطه في النقاش :)

فيصل الدخيل 16

22-10-2008, 23:54

فيصل الدخيل :)
انت عارف رايي بهالموضوع وتم الاتفاق على نقاطه في النقاش :)

ادري عن رايج

بس حبيت اوضح اللي قلت عن هالقانون مشوه وطلع صحيح كلامي فقط لا اكثر:)

كويتاوي قديم

22-10-2008, 23:59

الغاء قانون تجريم الفرعية ضروري... وفي صالح البلد...

Freddie

22-10-2008, 23:59

لج الله ياكويت :)

سعـود المطيـري

23-10-2008, 00:03

أسوء تطبيقـات للديمقراطيـه في العالم نشوفـها بالكويـت ..

1) قبليـه عيني عينك ..
2) طائفيــه عيني عينـك ..
3) شراء ذمم عيني عينـك ..
4) " مطاريـش "عفوا نواب خدمـات يسمون بالفرسـان !!

ولا عزاء للكفاءه ..

هاردلك تفكير بصراحه

الخدمات الي تقول عنه واحد يبي وظيفه يستر علي اهل واحد يبي سفر امه وابوه المرض صارو مطاريش

اما الي اخذو ديره بكره لا هذولي شرفاء !!

واما الي تقول يسمون فرسان فاهم فرسان بافعلهم

ولا وليد الجري ولا مسلم البراك ولا ابورميه ولا محمد الخليفه ولا محمد هايف ولا مرزوق الحبني ولا احمد

الشريعان ولا مفرج المطيري ولا علي الدقباسي مو فرسان عندك !!!!!!

فيصل الدخيل 16

23-10-2008, 00:09

هاردلك تفكير بصراحه

الخدمات الي تقول عنه واحد يبي وظيفه يستر علي اهل واحد يبي سفر امه وابوه المرض صارو مطاريش

اما الي اخذو ديره بكره لا هذولي شرفاء !!

واما الي تقول يسمون فرسان فاهم فرسان بافعلهم

ولا وليد الجري ولا مسلم البراك ولا ابورميه ولا محمد الخليفه ولا محمد هايف ولا مرزوق الحبني ولا احمد

الشريعان ولا مفرج المطيري ولا علي الدقباسي مو فرسان عندك !!!!!!

كلامك صحيح :)

الاسف بعض الناس فاهمين اللي ينجح من الفرعيه عبالهم قبلي درجه اولى ومو كفاءه :rolleyes:

بعدين اتوقع العضو قاقو يقصد الكويت كلها الانه ذكر الشغلات السلبيه بالكويت كلها ما حدد فئه :) خلنا ناخذ حسن النيه اخوي سعوود :)

بعدين مرزوق الحبيني مو الحبني :D

منو احمد الشريعان ومفرج المطيري ..؟ اول مره اسمع فيهم اهم نواب بالمجلس الحين

ﺇسـتـبـرق

23-10-2008, 00:15

ادري عن رايج

بس حبيت اوضح اللي قلت عن هالقانون مشوه وطلع صحيح كلامي فقط لا اكثر:)
وصل توضيحك اخوي فيصل ومثل ما قلت لك سابقا اذا كان مثل ما تقول فمعاهم حق في هالقرار لا شك في ذلك :)

ميونخاوي

23-10-2008, 00:19

أسوء تطبيقـات للديمقراطيـه في العالم نشوفـها بالكويـت ..

1) قبليـه عيني عينك ..
2) طائفيــه عيني عينـك ..
3) شراء ذمم عيني عينـك ..

ولا عزاء للكفاءه ..

عشت ! :)

ولا حياه لمن تنادي و الله

خل تنفعكم القبليه
خل تنفعكم الطائفيه
خل تنفعكم شراي الذمم

فيصل الدخيل 16

23-10-2008, 00:24

عشت ! :)

ولا حياه لمن تنادي و الله

خل تنفعكم القبليه
خل تنفعكم الطائفيه
خل تنفعكم شراي الذمم

ممكن توضح تنفع منو بالضبط

الطائفيه والقبليه فهمناها

بس شراء الذمم حق منو تقصدها حق ابناء القبائل ولا عموم النواب

الرجل الذي قدساوي

23-10-2008, 00:24

احمد الشريعان و مفرج المطيري <<< كانوا بالجهراااااء اعضاء بمجلس الامه

iron man

23-10-2008, 00:30

أسوء تطبيقـات للديمقراطيـه في العالم نشوفـها بالكويـت ..

1) قبليـه عيني عينك ..
2) طائفيــه عيني عينـك ..
3) شراء ذمم عيني عينـك ..
4) " مطاريـش "عفوا نواب خدمـات يسمون بالفرسـان !!

ولا عزاء للكفاءه ..

وازيدك من الشعر

حتى اختيار الحكومه والوزرا صار بنفس المستوى الطائفي والقبلي بقسمه محدده واي قبيلة ماتفوز مالها وزاره

وشخص ينسجن في امن الدوله يطلع ثاني يوم بعد المضاهرات ويصير وزير ترضية للطائفية

وسالفة الفرعيات بعد العين الحمرا موطيب

Bo-3alwa

23-10-2008, 01:38

الفـرعـيه لازم اتـصـير بـين القـبائل غـصب طـيب اتـصـير

سعـود المطيـري

23-10-2008, 02:20

كلامك صحيح :)

الاسف بعض الناس فاهمين اللي ينجح من الفرعيه عبالهم قبلي درجه اولى ومو كفاءه :rolleyes:

بعدين اتوقع العضو قاقو يقصد الكويت كلها الانه ذكر الشغلات السلبيه بالكويت كلها ما حدد فئه :) خلنا ناخذ حسن النيه اخوي سعوود :)

بعدين مرزوق الحبيني مو الحبني :d

منو احمد الشريعان ومفرج المطيري ..؟ اول مره اسمع فيهم اهم نواب بالمجلس الحين

كتبت رد بسرعه كنت بطلع :d احمد الشريعان بطل من ابطال الكويت منصجك ماتعرف !!

ومفرج رجل صاحب مبداء مو مثل بعض الناس !! كانو اعضاء الجهراء

اما عن اخوي قاقو كان قصدي علي نقطه ذكره ورديت عليه

" مطاريـش "عفوا نواب خدمـات يسمون بالفرسـان !!

انت شرايك منو يقصد;)

BuJweS

23-10-2008, 02:28

ديرتنا كل مالها ترجع قري

كلها جم سنة ويلغون الدستور

كويتاوي قديم

23-10-2008, 02:55

ديرتنا كل مالها ترجع قري

كلها جم سنة ويلغون الدستور

اخالفك الراي ديافولو...

انا اشوفها خطوة في الطريق الصحيح في اتجاه الديمقراطية الكاملة ان شاء الله...

القانون صار له عشر سنين... هل تغير شي؟؟؟ بالعكس ازداد تمسك ابناء القبائل بالفرعية... لانهم يرون القانون بمثابة مصادرة لحرية اختيارهم للطريقة التي ينتخبون بها اعضاء يمثلونهم... ولو استمر القانون عشر او عشرين سنه او اكثر من ذلك لن يتغير شي... والعناد راح يقابله عناد اكثر...

الديمقراطية تعدل نفسها بنفسها... وليس عن طريق وصاية طرف على طرف... اتركوا الناس تحدد اختياراتها بحرية... ومع الوقت اذا شافوا انها مو قاعدة تفيد البلد... هم من نفسهم راح يبتعدون عنها...

فيصل الدخيل 16

23-10-2008, 02:57

كتبت رد بسرعه كنت بطلع :d احمد الشريعان بطل من ابطال الكويت منصجك ماتعرف !!

ومفرج رجل صاحب مبداء مو مثل بعض الناس !! كانو اعضاء الجهراء

اما عن اخوي قاقو كان قصدي علي نقطه ذكره ورديت عليه

" مطاريـش "عفوا نواب خدمـات يسمون بالفرسـان !!

انت شرايك منو يقصد;)

والله من صجي ما اعرفه :) على العموم والنعم فيه داامه كاان بطل

اما على سالفه مطاريش انا ما ادش بالنوايا مو متاكد منو يقصد :)

فلنفترض انه يتكلم على القباايل اذا كان يقصد الاعضاء من ابناء القبايل

ودي اتطرق لموقف عضو من اعضاء قبيلتي اللي اهم العوازم
خالد الجميعان له موااقف بصرااحه بطوولي ومن الكفااءات اللي مرت على الكويت بوجهه نظري مرورن بتنقيح الدستور اللي ذكر احمد الخطيب هالنقطه والاسف بعض الجرايد حرفو بكلام احمد الخطيب واهو كان يقصد شيء ثااني عن النواب العوازم بذيك الفتره وفسروه انه كلام معيب على العوازم لين الدكتور احمد وضح كل شيء وكان يقصد مدح القبيله

هذي شغله والشغله الثانيه
سالفه خليجي 8 اللي صارت بالبحرين :) عقب الفساد اللي صار بالاتحاد شال رئيس الاتحاد وكان اهو اخو الامير وقتها وهذي ضريبه الديمقراطيه ياريت لو عندنا وزير يمتلك هالشجاعه :)

والدكتور حمود الرقبه الله يرحمه هذا الكفاءه الثانيه
بيوم تحرير الكويت وبسالفه الكهرباء والماء

واحمد الشحومي ومزوق الحبيني واعضاء كثيرين :)

انا تكلمت عن اعضاء قبيلتي اللي وصلو المجلس ولا قصور بباقي القباائل ما عمره الفرعيه كانت وجه عثر بناحيه تقدم الكويت وهالشيء مو بيد القباائل بيد الحكوومه

والحمدالله انهم شالوا هالقانون المشوه وياريت اذا بيحطون قانون يحطونه على جميع الكويتين ولا يقصدون فئه معينه :)

MaLaKi FoR EvEr

23-10-2008, 02:58

اممممممممممم انا ودي يكثرون المطران بالمجلس .. :)

لكن للأسف في أعضاء ما يستاهلون يدخلون المجلس من الفرعيات .. ;)

يعني لو أجتمعت كل قبيله بالكويت وسوو تشاوريه على منو احسن عيالها بتمثيلها بالمجلس وللوطن .. :)

لأن مرات ناس تمثل قبيلتها وتشوه مظهرها للأسف ..

اتوقع جذي احسن وبعدين لا ننسى ان القبايل طلعت واايد نواب يشهد لهم المجلس .. :)

سعـود المطيـري

23-10-2008, 03:16

والله من صجي ما اعرفه :) على العموم والنعم فيه داامه كاان بطل

اما على سالفه مطاريش انا ما ادش بالنوايا مو متاكد منو يقصد :)

فلنفترض انه يتكلم على القباايل اذا كان يقصد الاعضاء من ابناء القبايل

ودي اتطرق لموقف عضو من اعضاء قبيلتي اللي اهم العوازم
خالد الجميعان له موااقف بصرااحه بطوولي ومن الكفااءات اللي مرت على الكويت بوجهه نظري مرورن بتنقيح الدستور اللي ذكر احمد الخطيب هالنقطه والاسف بعض الجرايد حرفو بكلام احمد الخطيب واهو كان يقصد شيء ثااني عن النواب العوازم بذيك الفتره وفسروه انه كلام معيب على العوازم لين الدكتور احمد وضح كل شيء وكان يقصد مدح القبيله

هذي شغله والشغله الثانيه
سالفه خليجي 8 اللي صارت بالبحرين :) عقب الفساد اللي صار بالاتحاد شال رئيس الاتحاد وكان اهو اخو الامير وقتها وهذي ضريبه الديمقراطيه ياريت لو عندنا وزير يمتلك هالشجاعه :)

والدكتور حمود الرقبه الله يرحمه هذا الكفاءه الثانيه
بيوم تحرير الكويت وبسالفه الكهرباء والماء

واحمد الشحومي ومزوق الحبيني واعضاء كثيرين :)

انا تكلمت عن اعضاء قبيلتي اللي وصلو المجلس ولا قصور بباقي القباائل ما عمره الفرعيه كانت وجه عثر بناحيه تقدم الكويت وهالشيء مو بيد القباائل بيد الحكوومه

والحمدالله انهم شالوا هالقانون المشوه وياريت اذا بيحطون قانون يحطونه على جميع الكويتين ولا يقصدون فئه معينه :)

ونعم فيك ياولد عطا كلمك تقريبا 90 بالميه اتفق وياه

انت تقصد خالد الوسمي ونعم فيه رجال عن الف رجال

والحمدلله انهم شالوا المصلحتهم الان بقانون او بدون راح تصير الفرعي ه;)

فيصل الدخيل 16

23-10-2008, 03:31

ونعم فيك ياولد عطا كلمك تقريبا 90 بالميه اتفق وياه

انت تقصد خالد الوسمي ونعم فيه رجال عن الف رجال

والحمدلله انهم شالوا المصلحتهم الان بقانون او بدون راح تصير الفرعي ه;)

الله ينعم بحالك .. وماعليك زود طال عمرك

خالد الوسمي كان من اعضاء العوازم بذيك الفتره كلام صحيح

اخووي الفرعيه بتصير اذا القانون كان مشوه والمباحث اللي مسكوهم ايام الفرعيات من اليوم الثاني طلعوا الانه ماعندهم حكم ضدهم وما حولوهم للقضاء

فمن جذي شالو القانون

ماكان ودي يجي اليوم اللي تنكسر فيه هيبه الدوله بوضع قانون مو صحيح وهذا صاار بالانتخابات اللي طافت

الداخليه وقفت عااجزه امام الفرعيات

bent elq8

23-10-2008, 03:38

الحمدلله انهم شالوه قانون غلط اصلا
وما قدروا على الفرعيات في الانتخابات الي فاتت

سعـود المطيـري

23-10-2008, 03:39

الله ينعم بحالك .. وماعليك زود طال عمرك

خالد الوسمي كان من اعضاء العوازم بذيك الفتره كلام صحيح

اخووي الفرعيه بتصير اذا القانون كان مشوه والمباحث اللي مسكوهم ايام الفرعيات من اليوم الثاني طلعوا الانه ماعندهم حكم ضدهم وما حولوهم للقضاء

فمن جذي شالو القانون

ماكان ودي يجي اليوم اللي تنكسر فيه هيبه الدوله بوضع قانون مو صحيح وهذا صاار بالانتخابات اللي طافت

الداخليه وقفت عااجزه امام الفرعيات

كل من وزير الداخليه الله يحفظ !! يعني بصير صاحب قرار يعني بصراحه في ناس سو الفرعيه محد كلمهم

وناس شدد بالقانون مثل المطران لم صارت سوالف اولا يوم ثاني يوم كملو الفرعيه وعلني والله اذكر ينادون بره منو ماصوت يدش بالمكيرفون :d

فيصل الدخيل 16

23-10-2008, 03:53

كل من وزير الداخليه الله يحفظ !! يعني بصير صاحب قرار يعني بصراحه في ناس سو الفرعيه محد كلمهم

وناس شدد بالقانون مثل المطران لم صارت سوالف اولا يوم ثاني يوم كملو الفرعيه وعلني والله اذكر ينادون بره منو ماصوت يدش بالمكيرفون :d

صحيح كلامك:)

انكسار هيبه الدوله باحداث الصبااحيه شيء يحز بخااطري ككويتي

بس اجراءتهم التعسفيه بالاحداث اهي االلي خلت الناس تسوي اللي سوته :)

Sn@kE

23-10-2008, 04:10

قانوون فاشل وافتكينه منه ولله الحمد

Amer

23-10-2008, 10:07

لاعزاء للحاسدين والحاقدين ;) ..

GaGo_16

23-10-2008, 10:35

هاردلك تفكير بصراحه

الخدمات الي تقول عنه واحد يبي وظيفه يستر علي اهل واحد يبي سفر امه وابوه المرض صارو مطاريش

اما الي اخذو ديره بكره لا هذولي شرفاء !!

واما الي تقول يسمون فرسان فاهم فرسان بافعلهم

ولا وليد الجري ولا مسلم البراك ولا ابورميه ولا محمد الخليفه ولا محمد هايف ولا مرزوق الحبني ولا احمد

الشريعان ولا مفرج المطيري ولا علي الدقباسي مو فرسان عندك !!!!!!

قـودلك تفكيــر :rolleyes:

واحـد يبي يشتغل ويستر أهله ولا يسفر أمه علاج بالخارج يسلك الطرق القانونيـه لولا المطاريش جان ما شفنـا واسطـات وكل واحـد يصعـد على الثاني وناس تموت مالها علاج بالديره وغيرها رايـحه سويسرا والنمسا تصيف على حساب الدولـه ;)

لو سمحـت لا تحدد أسامي على لسـاني ! :) إللي كتبت أساميهم في منهـم فرسان وفي منـهم مطاريش ولا يفقهـون شي بالدستـور ويصرون على إقرار قوانين مخالفـه للدستور للتكسب الإنتخابي وبالأخير ولله الحمد في ناس فاهمـه بالديره وقفوهم عند حدهم وبعد ما كنا نشوف تصاريـحهم ماليه الجرايـد ما صار لـهم عين يصرحـون ;)

بالأخير هذا رأيي مو مجبور ترضا فيـه :)

سعـود المطيـري

23-10-2008, 10:49

قـودلك تفكيــر :rolleyes:

واحـد يبي يشتغل ويستر أهله ولا يسفر أمه علاج بالخارج يسلك الطرق القانونيـه لولا المطاريش جان ما شفنـا واسطـات وكل واحـد يصعـد على الثاني وناس تموت مالها علاج بالديره وغيرها رايـحه سويسرا والنمسا تصيف على حساب الدولـه ;)

لو سمحـت لا تحدد أسامي على لسـاني ! :) إللي كتبت أساميهم في منهـم فرسان وفي منـهم مطاريش ولا يفقهـون شي بالدستـور ويصرون على إقرار قوانين مخالفـه للدستور للتكسب الإنتخابي وبالأخير ولله الحمد في ناس فاهمـه بالديره وقفوهم عند حدهم وبعد ما كنا نشوف تصاريـحهم ماليه الجرايـد ما صار لـهم عين يصرحـون ;)

بالأخير هذا رأيي مو مجبور ترضا فيـه :)

اولا شي ادري رايك واحترام وقاعد اناقش واذا ماتبي قول وانا حاضر !

في من الاسماء الي كاتبه مطارش:eek: مع احترام لك منو الي في الاسماء الي ذكرته تري كلهم يعتبرون رموز !!انا

كتب الاسماء له ثقله وخليت الي مع احترام لهم مو كفو مجلس !!

اما عن طرق القانونيه اخلص علاج بالخارج و الوظيفه ممكن سؤال انت عايش بالكويت منصجك اخوي قاقو صدقني

لو ندري ان راح تخلص المعلامات ماصار عندنا عضوي خدمات اظن احسن من مطارش صح ;)

اما علي كلمك الي بالاحمر مادري تقصد الفرعيه او شي ثاني بصراحه الان مافهمت منو الي وقفتهم بصراحه و اذا تقصد الفرعيه فا الفرعيه صارت وعلني بعد ;)

Q8i

23-10-2008, 10:51

قانون تجريم الفرعيات حطوه علشان يخففون من القبلية في الانتخابات وما انجحوا .. الحين بعد فشلهم شالوا القانون ، يعني تقريبا ما تغير شي بدال ما تكون السالفة بالخش والدس صارت علنية .. نبي قوانين واجراءات تنهي القبلية والطائفية وكل شي يخالف الوحدة الوطنيــة ..

GaGo_16

23-10-2008, 11:02

اولا شي ادري رايك واحترام وقاعد اناقش واذا ماتبي قول وانا حاضر !

في من الاسماء الي كاتبه مطارش:eek: مع احترام لك منو الي في الاسماء الي ذكرته تري كلهم يعتبرون رموز !!انا

كتب الاسماء له ثقله وخليت الي مع احترام لهم مو كفو مجلس !!

اما عن طرق القانونيه اخلص علاج بالخارج و الوظيفه ممكن سؤال عايش بالكويت منصجك اخوي قاقو صدقني

لو ندري ان راح تخلص المعلامات ماصار عندنا عضوي خدمات اظن احسن من مطارش صح ;)

اما علي كلمك الي بالاحمر مادري تقصد الفرعيه او شي ثاني بصراحه الان مافهمت منو الي وقفتهم بصراحه و اذا تقصد الفرعيه فا الفرعيه صارت وعلني بعد ;)

لا أخوي عادي عندي أتناقش بس أتوقع كلمـة هاردلك تفكير مو حلوه كل واحد عنده تفكيره ولازم الثاني يحترمـه دامـه قاعد يعرض فكره بطريقـه محترمـه :)

إنت تشـوف إنـهم أسماء لـهم ثقلـهم أنا أشـوف في أسماء العكس وكل واحد له رايـه :)

لا عايش بالديره وشايف الوضـع لكن السؤال شنو إللي وصلنا لهالوضـع ؟! معاملات العلاج بالخارج تكون أرقامها طبيعيه بالأوقات العاديـه وفجأه أيام الإنتخابات ترتفـع أرقامـها بشكل مو طبيعي شتفسر هالشي ؟! هل الوضع الصحي إنـه مره تحتاج العلاج بالخارج ما تمشي أمورها إلا لا راحت حق نائب وطلبت منـه هالشي مع إنه حق من حقوقها ما تحتاج تطلبه من أحد ؟! نائب يقسـم على إحترام الدستور وحمايـة مصالح الشعب وأهو أول من يخالف قواعد الدستـور ؟! إذا بنقول الديره ماشيـه بالواسطـه ونرضى بهالوضـع بجذيـه الوضع عمره مرح يتغير وبنضل من تخلف لين تخلف " أتمنى ما تفهم كلامي على إنه موجه للأعضاء من أبناء القبائل ولو ترد على ردي الأول ذكرت القبليـه والطائفيـه ومشترين الذمم فلما أنتقد ما أنتقد بس أبناء القبائل أنتقد كل الفئات " ..

لأ مو الفرعيـه شغلـه ثانيـه وتوقفت بالـ " قانون " مو بشكل ثاني :)

سعـود المطيـري

23-10-2008, 11:11

لا أخوي عادي عندي أتناقش بس أتوقع كلمـة هاردلك تفكير مو حلوه كل واحد عنده تفكيره ولازم الثاني يحترمـه دامـه قاعد يعرض فكره بطريقـه محترمـه :)

إنت تشـوف إنـهم أسماء لـهم ثقلـهم أنا أشـوف في أسماء العكس وكل واحد له رايـه :)

لا عايش بالديره وشايف الوضـع لكن السؤال شنو إللي وصلنا لهالوضـع ؟! معاملات العلاج بالخارج تكون أرقامها طبيعيه بالأوقات العاديـه وفجأه أيام الإنتخابات ترتفـع أرقامـها بشكل مو طبيعي شتفسر هالشي ؟! هل الوضع الصحي إنـه مره تحتاج العلاج بالخارج ما تمشي أمورها إلا لا راحت حق نائب وطلبت منـه هالشي مع إنه حق من حقوقها ما تحتاج تطلبه من أحد ؟! نائب يقسـم على إحترام الدستور وحمايـة مصالح الشعب وأهو أول من يخالف قواعد الدستـور ؟! إذا بنقول الديره ماشيـه بالواسطـه ونرضى بهالوضـع بجذيـه الوضع عمره مرح يتغير وبنضل من تخلف لين تخلف " أتمنى ما تفهم كلامي على إنه موجه للأعضاء من أبناء القبائل ولو ترد على ردي الأول ذكرت القبليـه والطائفيـه ومشترين الذمم فلما أنتقد ما أنتقد بس أبناء القبائل أنتقد كل الفئات " ..

لأ مو الفرعيـه شغلـه ثانيـه وتوقفت بالـ " قانون " مو بشكل ثاني :)

كلمك علي عيني وراسي وصدقني انت ماراح تقتنع من كلامي وانا ماراح اقتنع:) بس صدقني اذا راحت الواسطه

بالديره راح يروح عضو الخدمات معني مو شايف منهم واجد وتري مو شرط عضو الخدمات مايكون عضو

مواقف واقرب مثل مسلم البراك

اما علي الارقام الي ترتفع فجاء الله يخلي حكومتنا !! وتصدق صار عندي فضول منو الي عضو الي كاتب اسم مو

عاجبك منهم:d

بالاخير تصدق شنو يحرني بالديره هذي واحد يجب واسطه علشان يتوظف او يسفر اهله علاج قالو قانون ومادري

شنو وناس ماباقي مشروع او مناقص ماحطوه بطنهم الي صار رئيس وثاني صار ابو الاصلاح قالو حلال

وقانون:)

GaGo_16

23-10-2008, 11:22

كلمك علي عيني وراسي وصدقني انت ماراح تقتنع من كلامي وانا ماراح اقتنع:) بس صدقني اذا راحت الواسطه

بالديره راح يروح عضو الخدمات معني مو شايف منهم واجد وتري مو شرط عضو الخدمات مايكون عضو

مواقف واقرب مثل مسلم البراك

اما علي الارقام الي ترتفع فجاء الله يخلي حكومتنا !! وتصدق صار عندي فضول منو الي عضو الي كاتب اسم مو

عاجبك منهم:d

بالاخير تصدق شنو يحرني بالديره هذي واحد يجب واسطه علشان يتوظف او يسفر اهله علاج قالو قانون ومادري

شنو وناس ماباقي مشروع او مناقص ماحطوه بطنهم الي صار رئيس وثاني صار ابو الاصلاح قالو حلال

وقانون:)

الأساس منـه إحنـا ,, منو إللي قعا يوصـل عضو الخدمـات مو إحنـا ؟! للأسـف حقيقـه محد ينكرها الغالبيـه من الكويتييـن ما عندهـم وعي سياسي وهمهم الوحيـد من يخلصلـهم معاملاتـهم .. متى ما صار الناخـب واعـي بتشوف الكفاءه توصل سواء كان سني شيعي بدوي حضـري وأبسط مثال عندك الدائره الـ 3 تعتبر دائرة مناطق داخليـه والقبائل فيـها مالهم وجود واضـح وبالإنتخابات الأخيره شفنا شلون فيصل المسـلم " القبلي " طلع الأول مادري الثاني لكفائتـه أولا وليس لقبيلتـه :) محنـا ضد عيال القبائل بالأخير كلنا مسلمييـن وكويتييـن :)

أما إسم العضـو فأحب أحتفظ فيـه لنفسي :)

نرد حق سالفة الوعي .. الرئيس وأبو الإصلاح منـو وصلـهم ؟! :rolleyes: طول ما إحنا مبدين مصالحنا على مصالح الديره عمر الكويت مرح تتطـور ..

سعـود المطيـري

23-10-2008, 11:31

الأساس منـه إحنـا ,, منو إللي قعا يوصـل عضو الخدمـات مو إحنـا ؟! للأسـف حقيقـه محد ينكرها الغالبيـه من الكويتييـن ما عندهـم وعي سياسي وهمهم الوحيـد من يخلصلـهم معاملاتـهم .. متى ما صار الناخـب واعـي بتشوف الكفاءه توصل سواء كان سني شيعي بدوي حضـري وأبسط مثال عندك الدائره الـ 3 تعتبر دائرة مناطق داخليـه والقبائل فيـها مالهم وجود واضـح وبالإنتخابات الأخيره شفنا شلون فيصل المسـلم " القبلي " طلع الأول مادري الثاني لكفائتـه أولا وليس لقبيلتـه :) محنـا ضد عيال القبائل بالأخير كلنا مسلمييـن وكويتييـن :)

أما إسم العضـو فأحب أحتفظ فيـه لنفسي :)

نرد حق سالفة الوعي .. الرئيس وأبو الإصلاح منـو وصلـهم ؟! :rolleyes: طول ما إحنا مبدين مصالحنا على مصالح الديره عمر الكويت مرح تتطـور ..

صدقني المواطن ماوصل عضو الخدمات الي الان يحتاج الان ماقعد يخلص شغل

اما علي سالفه فيصل مع احترام لك المسلم عندها خطيان الي تعتبر معقل من معاقل العتبان !! ثاني شي المسلم

مطوع وثالثه تعتبر معقل المطاوع !! عالعموم انا مافرق بين بدوي وحضري وسني وشيعي معني عندي حميه

علي قبلتي بس صدقني اذا اعرف ان قبيلتي مطلع واحد مو زين ماياخذ صوت وصدقني لو دائره كان فيه

او د الخطيب او السعدون او وليد الجري اوالشريعان كانوا خذو صوت بدون كلام !!!!

GaGo_16

23-10-2008, 11:42

صدقني المواطن ماوصل عضو الخدمات الي الان يحتاج الان ماقعد يخلص شغل

اما علي سالفه فيصل مع احترام لك المسلم عندها خطيان الي تعتبر معقل من معاقل العتبان !! ثاني شي المسلم

مطوع وثالثه تعتبر معقل المطاوع !! عالعموم انا مافرق بين بدوي وحضري وسني وشيعي معني عندي حميه

علي قبلتي بس صدقني اذا اعرف ان قبيلتي مطلع واحد مو زين ماياخذ صوت وصدقني لو دائره كان فيه

او د الخطيب او السعدون او وليد الجري اوالشريعان كانوا خذو صوت بدون كلام !!!!

مو خيطان بروحهـا إللي وصلت المسلـم ,, المسلـم بأغلب المناطق كان رقمـه قـوي لأنـه كفائـه ومثل ما قـلت ملتزم دينيـا بعيدا عن التشدد ..

وبالنسبـه لصوتـك أحترم طريقة إختيارك وإنشاء الله نشوف الجميـع يسوي نفسك يختار بعقلـه قبل قلبـه ..

بالأخير إستمتعـت بالنقـاش معاك :)

Bo Sara

23-10-2008, 14:05

الف مبرووووك خوووش قراااار من حكيم لنه راح يسبب حزازيات بين الشعب القرار جاء بوقته على الاقل نفتك من الحداث السابقه وطوول عمرنا عايشين بالفرعيات امريكا بكبرها فيها انتخابات فرعيه واقفه علينا

Delpi

23-10-2008, 14:50

مع اني ضد الفرعيات ..

لأنها تعزز القبليه في مجتمع مدني يحكمه الدستور

وحتى ان المرشح تلقاه يمثل قبيلته وليس ابناء دائرته !!

لكن كل قبيله حرة في مرشحينها ..

msa3Ệd

23-10-2008, 17:48

H.AMA.D

23-10-2008, 18:10

لا بالله ضاعت الكويت

كويتاوي قديم

23-10-2008, 20:10

القانون لم يلغى اللجنه التشريعيه بملجس الامه اجمع بنوابها (اللي اغلبهم نجحو بالفرعيه)
عدم دستوريه تجريم الفرعيات وراح يمر القانون لاعضاء المجلس وابشركم ماراح يلغى قانون تجريم الفرعيات
الفرعيه صارت ديقراطيه؟
مايشاركون الحريم بالفرعيه
وبعد الفرعيه يفرض على جميع ابناء القبيله 4 مرشحين
بعضهم لم يختاره وغير مقتنع فيه اصلا
واصوات الحريم باختيار الرجال فقط
واللي فخذه اكبر نصيبه اكبر بالفوز
بذمتكم مو متخلف!!
وين حرية الاختيار وين الكفائه

الفرعية غير ملزمة لاحد... اللي يبي يترشح خارج الفرعية ماحد يملك انه يمنعه... واذا كنت غير مقتنع بمخرجات الفرعية فأنت غير ملزم بالتصويت لهم...

الفرعية هي عملية تشاورية واختيارية... لما يكون الناخب خلف الستارة ويصوت ماحد راح يدش وياه ويشوف منو صوتله...

التشاورية هي عملية ديمقراطية لم تلزم احد بالانصياع لها... هي مجموعة من الافراد اختارت بحرية تامة طريقة اختيارها للمرشحين اللي تبي تدعمهم بالانتخابات... ليس لاحد الحق في مصادرة حرية اختيارهم... مثلما هم لا يملكون الحق في مصادرة حرية اختيار الاخرين...

BuJweS

23-10-2008, 20:18

اخالفك الراي ديافولو...

انا اشوفها خطوة في الطريق الصحيح في اتجاه الديمقراطية الكاملة ان شاء الله...

القانون صار له عشر سنين... هل تغير شي؟؟؟ بالعكس ازداد تمسك ابناء القبائل بالفرعية... لانهم يرون القانون بمثابة مصادرة لحرية اختيارهم للطريقة التي ينتخبون بها اعضاء يمثلونهم... ولو استمر القانون عشر او عشرين سنه او اكثر من ذلك لن يتغير شي... والعناد راح يقابله عناد اكثر...

الديمقراطية تعدل نفسها بنفسها... وليس عن طريق وصاية طرف على طرف... اتركوا الناس تحدد اختياراتها بحرية... ومع الوقت اذا شافوا انها مو قاعدة تفيد البلد... هم من نفسهم راح يبتعدون عنها...

ماحب اتناقش بهالمواضيع بالمنتدى ، لكن صدقني بهالوقت غاب احترام القانون ..

BuJweS

23-10-2008, 20:20

امريكا بكبرها فيها انتخابات فرعيه واقفه علينا

امريكا فيها احزاب ، غير عنا ..

كويتاوي قديم

23-10-2008, 20:23

ماحب اتناقش بهالمواضيع بالمنتدى ، لكن صدقني بهالوقت غاب احترام القانون ..

لعدم احترام القانون اسباب... مرات تكون بسبب الناس... ومرات تكون بسبب القانون نفسه اللي ما راعى خصوصيات الناس وما راعى الواقع اللي عايشين فيه...

BuJweS

23-10-2008, 20:27

يبقى القانون غير محترم بـ ديرتنا :)

Maldini_el_q8

23-10-2008, 20:58

خطأ كبير مقارنة الأحزاب بالقبائل :)

كويتاوي قديم

24-10-2008, 00:04

امريكا فيها احزاب ، غير عنا ..

امريكا تحتوي على جمعيات تقوم على اساس عنصري وطائفي... مثل جمعيات الامريكيين السود او الامريكيين العرب او الامريكيين المسلمين او اليهود او الجمعيات المسيحية المختلفة... ونرى مرشحي الرئاسة الامريكية يذهبون اليهم ويلتقون فيهم... وفي هذا دليل على شرعية وجودهم واعتراف الجميع بحقهم في تكوين هذه الجمعيات... ولو ارادت اي واحدة من هذه الجمعيات اجراء انتخابات بين منتسبيها لاختيار من يمثلهم في المجالس المختلفة لفعلت... والقانون الامريكي لا يجرم ذلك... ولكنهم لا يفعلون ذلك لعمق التجربة الديمقراطية لديهم...

هذا يحدث في امريكا مضرب المثل في الديمقراطية والحرية... ولكن لدينا الكل يريد ان يفرض وصايته على الكل... والجميع يعتقدون انهم من يملك الحلول لجميع مشكلات المجتمع... والجميع يلقون باللائمة في تردي اوضاع البلد على الاخرين...

القانون لن يرشد اختيارات الناس... ولكن زيادة الوعي وتعميق التجربة الديمقراطية هو من سيلغي الممارسات القبلية والطائفية السيئة... ترك الناس تختار بحرية ووضعهم امام مسؤولياتهم سيؤدي في النهاية الى ترشيد اختياراتهم...

BuJweS

24-10-2008, 00:09

الاحزاب ممنوعه بالكويت

تبون احزاب بالكويت؟ :confused: ,,

shaheen

24-10-2008, 00:54

^^
الأحزاب موجودة وبـالعلن بـعد ..
وحـزب شـلة مـغنية ويـن راحوا ؟ !!
أفـا عليك بـس !

BuJweS

24-10-2008, 00:56

والحين ايينا واحد يقول الاحزاب موجوده غصبا عنهم

وسلامي على القانون

Death match

24-10-2008, 01:02

انا بقول رأيي الشخصي بالمسألة لان في واحد يقول "اللي دخلو بالفرعيات اكفاء" يعني الحبيب دخل عن طريق قبيلته وانت تقول اكفاء لو قد هالكلمة جان دخل عن طريق حب ابناء دائرته له مو "العصبية القبلية"

بعدين الفرعيات مع احترامي للي يدافعون عنها تعتبر اهانة للشخص كونه مجموعة اشخاص يسيرونه للتصويت للشخص اللي اهما يبونه ولو احلف 60% من المصوتين ان كانو نساء مايعرفون شي عن اللي صوتو له

والفرعيات تعدي على الدستور صحيح ولكن ما ننكر اننا الكويت فيها قبلية كبيرة وفيها تفرقه وفيها 40 طبقة لوول << يقولك بيسون لكويت طبقات << اي والله صارت :)

يالله سلام

** تعديل (بخصوص الجمعيات اللي بأمريكا وغيرها فأقول لوول) كل اللي يصوتون لهم يكونون عارفين مبادئهم وارائهم وكل شي علشان جذي يصوت ويكون بنفس الوقت مفتاح لهم اما الفرعيات وحدة عمرها 40 سنة مخرفه ماتعرف تقرا ولاتدري اهيا وين رايحه وتصوت :)

كويتاوي قديم

24-10-2008, 01:13

** تعديل (بخصوص الجمعيات اللي بأمريكا وغيرها فأقول لوول) كل اللي يصوتون لهم يكونون عارفين مبادئهم وارائهم وكل شي علشان جذي يصوت ويكون بنفس الوقت مفتاح لهم اما الفرعيات وحدة عمرها 40 سنة مخرفه ماتعرف تقرا ولاتدري اهيا وين رايحه وتصوت :)

حلوة لووول... طريقة جديدة في النقاش...

ممكن سؤال... على اي اساس حكمت ان كل واكرر كل اللي يصوتون في امريكا يعرفون مبادئ واراء اللي يصوتون لهم...

وحلوة سالفة 40 سنة ومخرفة وما تعرف تقرا وما تدري وين رايحه... عمرها 100 مو 40!!!

Abo_Ahmad_k

24-10-2008, 02:00

Death match

24-10-2008, 02:05

سعـود المطيـري

24-10-2008, 02:20

للاسف ياسعود ان الانتخابات الفرعيه قتل للكفاءات
بما اني من المجتمع البدوي والقبلي لكن ما اايد الانتخابات الفرعيه
لان في كفاءات تنظلم بسبب ان فخذه قليل او تصير تبادل اصوات بين مرشحين وتضيع الكفاءات
للاسف ان نوابنا صارو اكثر ناس يراجعون الوزارات

هلا بو احمد هلا بالعود انا بتكلم بالمطران حكم اني منهم واعرف الفخوذ واعدادهم

بس بقولك مسلم البراك هاملي تدري جم هاملي بالكويت تقريبا 300بس!!!

مبارك الوعلان 200 من فخذه ونجح بالفرعيه

مقابل نواف ساري الي فخذ يمكن 6000 الف مانجح

طرقي سعود الي فخذه 4000 الف صوت مانجح

حسين القويعان 600 صوت ونجح

مو شرط عدد الفخذ صدقني الي يستاهل راح ياخذ صوت

والحمدلله تقريبا نسبة 70 بالميه من نواب القبايل مشرفين ويرفعون الراس

كويتاوي قديم

24-10-2008, 02:22

لانه شعب مثقف :) وواعي ومافي شي يجبره على التصويب لانسان مايشوف فيه المصلحه العامة السائدة بالمجتمع الامريكي مو نفس الجماعه اهني واسطات :) , وبخصوص سالفة الـ 40 معظم البدو قبل 20 سنة يزوجون بناتهم على 16 و 17 سنة واغلبهم مو ماكمل دراسة ومعظمهم مو دارس اساساً :) وافضل مثال روح لمحوى الامية تلقى حريم 50 سنة الآن يتعلمون القراءة ,, يا رجل انت شتسولف واحد دايما اشوفه بالقهوه عمره بال50 مايعرف يقرا الجريدة !!!!!!!!!!!!

وبعدين مو احنا اللي نسولف عن المجتمع الامريكي لانه مجتمع فلسفي درجة اولى ومتقدم لدرجة كبيرة بهذي الاشياء يكفي طرق الحوار والاساليب اللي يتبعونها اثناء ندواتهم تجذب الشخص وانتقائهم للكلمات القوية او الشعارات الحماسيه ( مو يقعد يصرخ ويسب والناس تصفق له :) )

نقطة ان معظم البدو مو دارسين وما يعرفون يقرون ما راح اناقشك فيها... لاني اشوف ان النقاش فيها مضيعة للوقت...

بالنسبة للمجتمع الامريكي ومقارنته بمجتمعنا... المجتمع الامريكي وصل لما وصل له حاليا بعد ممارسة الديمقراطية لفترة طويلة امتدت لأكثر من 300 سنة... في امريكا المرأة والاسود ما كان لهم اي حقوق سياسية ومع الوقت خذوا حقوقهم... المشكلة عندنا ان احنا نبي كل شي بسرعة... خلوا الناس تمارس اختياراتها بالطريقة اللي تبيها ومع الوقت جميع السلبيات راح تختفي... كثير من السلبيات القانون ما يوقفها ولكن اللي يوقفها وعي الناس... والوعي يكتسب مع الوقت...

ثلاثين

24-10-2008, 05:54

اذا بنتكلم عن الاحزاب فالاحزاب تجربه فاشله في الوطن العربي والمخاطرة في اعلانها بالكويت مخاطرة بمستقبل الكويت لا توجد حتى الان اي امال في نجاح تجربة الاحزاب بالكوبت
شوفوا لبنان شوفوا العراق
لا يمكن نخاطر بالكويت باعلان الاحزاب
والي يقول ان الاحزاب موجوده وعيني عينك وموجوده غصبا عنهم
اوكي مو مشكله
اوافقك الراي بان الاحزاب موجوده وهذا شي مايخفى على الي متابع الساحه السياسية بالكويت
لكن تعلن الاحزاب بشكل رسمي
هني لازم على الحكومه انها تحتوي على عناصر اي وزراء من كل حزب
ولازم يكون رئيس الوزراء شعبي
ويتم اختياره من الحزب الاغلبيه في البرلمان
تخيل شلون راح يكون الوضع وقتها ازمه مابعدها ازمه
يعني الي اقصده انه حتى لو كانت الاحزاب موجوده لكن اعلانها الرسمي يترتب عليه اشياء وايد واثار قانونيه كثيره مانقدر نستبسط الاعلان الرسمي بهالسهوله

BuJweS

24-10-2008, 06:02

على طاري الامريكان

http://uk.youtube.com/watch?v=vkdjH_OpvbE

ثلاثين

24-10-2008, 06:08

لا مو صج خخخخخ
اهم شي الي قال الكويت

bent elq8

24-10-2008, 06:43

القانون لما طلع كان لازم يتطبق عدل ودام ما تطبق عدل الحمدلله انهم وقفوه الي صار مهزلة ايام الانتخابات الصراحة من الشرطة وطريقة تعاملهم مع الناس واخرتها ما قدروا عليهم سوو الفرعيات علني ومحد تحرك

Abo_Ahmad_k

24-10-2008, 15:05

هلا بو احمد هلا بالعود انا بتكلم بالمطران حكم اني منهم واعرف الفخوذ واعدادهم

بس بقولك مسلم البراك هاملي تدري جم هاملي بالكويت تقريبا 300بس!!!

مبارك الوعلان 200 من فخذه ونجح بالفرعيه

مقابل نواف ساري الي فخذ يمكن 6000 الف مانجح

طرقي سعود الي فخذه 4000 الف صوت مانجح

حسين القويعان 600 صوت ونجح

مو شرط عدد الفخذ صدقني الي يستاهل راح ياخذ صوت

والحمدلله تقريبا نسبة 70 بالميه من نواب القبايل مشرفين ويرفعون الراس

هلا باخوي سعود
ترى كبرتوني وانا توي في عز شبابي يعني لحد الحين ماكملت ال 18 سنه :p

اخوي صدقني لو الفرعيه تطلع ناس اقوياء هم مااقتنع فيها
لان مهما كان عدد فخذك قليل ان ساقط وعلى خناعك
برايي الشخصي الانتخابات الفرعيه قتل للكفاءات
حنا يا القبائل الاخرى مالنا شغل باخراج الفرعيات سوى كانو مطير او رشايده او عجمان او عتبان
الحين القبيله الفلانيه تجتمع وطلع لها اربع مرشحين
والاربعه يروحون يفرون على باقي القبايل يطلبون اصواتهم
ياخي ان مرشح قبيله وطالع من فرعيه والانتخابات الجايه تبي تدش فرعيه
يعني لا ضاقت علينا الدنيا ومشاكل الدنيا واحتجنا للنائب عسى الله لا يجيب اليوم هذا
يبي يبدي ابناء قبيلته لمغازلتهم بالفرعيه الجايه

خل الي عنده طموح ان يخدم الكل سوى قبيلته او غير قبيلته
طائفته او غير طائفته
خله ينزل وهذا الميدان ياحميدان