المساعد الشخصي الرقمي

مشاهدة النسخة كاملة : النصر يقيل مدربه " رادان "



khalifa
05-12-2008, 14:41
الرياض - الوئام - سليمان بن فانك :
قررت إدارة نادي النصر إقالة مدرب الفريق الأول رادان والاستعانة بمدرب درجة الشباب ادقارا باربيرا بشكل مؤقت .

ويأتي قرار إلغاء عقد المدرب على حلفية خسارة الفريق لنهائي كأس الخليج مساء الأربعاء الماضي أمام الأهلي .

قدساويةno1
05-12-2008, 14:43
يله يرجع حق نادي الكويت ماعندهم مدرب...مالت عليه نحس وين مايروح

HILALI
05-12-2008, 15:52
المدرب جيد وذكي بس شيبونه يسوي مافي لاعبين أ:يد اي مدرب بدون لاعبين مايقدر يسوي شي


هاذا النصر وحالته ماراح يتغير الا لما تتغير ادارته

Q8i
05-12-2008, 15:59
سبحان الله .. قالوها الجمهور الكويتي من قبل انه راح يقال :) ما ادري على شنو مختارينه ..

سعودي وعشقي هولندي
05-12-2008, 22:29
المشكله مو في المدرب وبس


المشكله ان النصر ماعنده لاعبين الا كم اسم والباقي اشباه لاعبين


مع احترامي لجمهور النصر لاكن هذي الحقيقه

Abo_Ahmad_k
05-12-2008, 22:54
سبحان الله .. قالوها الجمهور الكويتي من قبل انه راح يقال :) ما ادري على شنو مختارينه ..

بما اني نصراوي متعصب
توقعت له النجاح بالنصر
لكن للاسف النصر لا يملك اللاعبين
الي يقدرون ينفذون خطه رادان
النصر مايملك دفاع مثل الانديه
ولا يملك وسط غير التون
شنو تبي المدرب يسوي ينزل الجمهور

رادان حياك الله بنادي الكويت وواثق لو ترجع لنادينا راح ترجع الابيض مثل ماكان العام :)

مهند الاتحادي
05-12-2008, 23:08
مع ان النصر سيء
ومع ان المدرب مايبده شيء
لكن ياجماعة واااااضح ان المدرب هو فاشل بذاته
يعني في نهائي كاس الخليج يلعب عبد الرحمن البيشي ويخلي رزاق بالاحتياط !!!!!!!!!!!!!
عبد الرحمن البيشي يعاني من سمنة مفرطه وله سنه يسوي تاهيل ولالعب ولامباراة حتى مباريات ودية مالعب تلعبه بنهائي !!!!!!!!!!!
ورزاق لو كان سيء لكن هداف تخلي رزاق بالاحتياط وتلعب البيشي
هذا يدل ان المدرب فاشل لو عندي لاعب عمره 18سنه العبه بنهائي ولاالعب لاعب مالعب مباريات وسمييييييين
اقلها هذاك لعب بدوري الشباب لكن هذا مالعب
عموما حتى لو اقالوا المدرب فريقهم فاشل لو في ادارة صح ماكان هذا تشكيلهم فعلا حتى المميزين فيهم اشباه لاعبين
الله يصبر جمهور الشمس اكبر جمهور في السعودية

Smart Boy
05-12-2008, 23:18
بما اني نصراوي متعصب
توقعت له النجاح بالنصر
لكن للاسف النصر لا يملك اللاعبين
الي يقدرون ينفذون خطه رادان
النصر مايملك دفاع مثل الانديه
ولا يملك وسط غير التون
شنو تبي المدرب يسوي ينزل الجمهور

رادان حياك الله بنادي الكويت وواثق لو ترجع لنادينا راح ترجع الابيض مثل ماكان العام :)

النصر صحيح ما عنده لاعبين زي باقي الأندية
بس لو تشوف الدكة فيه لاعبين افضل من الاساسيين

مدخلي ،، لاعب فاشل .. منسق من الرياض وعمره 30 سنة
يلعبه أساسي ويخلي لاعب زي مشعل المطيري احتياط وهو من اللي تألقوا الموسم الماضي
والمصيبة في النهائي يطلع برناوي ويدخل المبارك ظهير ايسر ( وعنده 3 أظهرة يسار غير برناوي منهم مدخلي اللي كان معجب فيه بداية الموسم )

البحري .. ما ينفع ظهير وشفناه مع المنتخب قبل
يلعبه ظهير ويلعب الصقور قلب اللي أخطاؤه لليل

وزي ما قال مهند ،، لاعب غايب سنة كاملة تلعبه نهائي وانت متاخر بهدف وتحتاج 3 أهداف
كل هذا بس عشان ما يلعب رزاق وعشان يثبت إنه لاعب فاشل

Abo_Ahmad_k
05-12-2008, 23:44
سمارت
كل هذا مايمنع ان لاعبين نادي النصر سيئين الا ثلاث الى اربع لاعبين يقدر الواحد يعتمد عليهم
والنصر لا يملك صف ثاني مثل مانشوف بالهلال والاتحاد
كل كلامك منطقي وحلو ويعطيك العافيه عليه لكن بالنسبه لي لاعبين النصر سيئين جدا
من متى ماشفنا النصر يقدم مستوى طيب كبدايه الموسم شنو الي صار الدروب القوي بمستوى اللاعبين
مع انهم نفس اللاعبين العيب من المدرب ولا اللاعبين الي مو قادرين ينفذون شنو المطلوب منهم بالملعب
انا ما احمل لاعبين النصر مسئوليه الاخفاق الكل يتحملها
سوى كجهاز فني او لاعبين او جهاز اداري
الكل يتحمل ضياع بطوله الخليج من النصر
بما ان الاداره تبي مدرب ينافس على جميع البطولات باول موسم يمسك الفريق يروحون يجيبون مدرب عالمي
ولاعبين محليين يقدرون يردون النصر للصداره ولاعبين محترفين مثل التايب وعماد متعب واحمد حديد
مو اجيب مدرب واجيب له مدخلي واقول نافس لي على كل البطولات واذا مافزت ببطوله راح اقيلك
تصرف عجيب من اداره النصر :)

shaheen
06-12-2008, 02:21
مثـل ماتـوقعت ..
مـدرب يـمشي عالـبركة !

FaWaZ
06-12-2008, 02:33
تكفه رد الكويييت !

LaBartteta
06-12-2008, 02:34
شي متوقع صراحةً .. :)

علي حسن سلوكة
06-12-2008, 04:35
افاا ......

HiLaLy
06-12-2008, 05:46
عساهم من هالحال وازيد

قـاصـد الـخـيـر
06-12-2008, 11:57
الحين رادان صار مو زين ؟! بصراحه كلنا نحب النصر ولكن النصر ماعنده لاعبين يطبقون خطط رادان !!

أتمنى يرجع لـ الكويت ان شاءالله .. مدرب ممتاز رغم صغر سنه ..

روح
06-12-2008, 12:41
كنت متوقعه !!

مشعل العنزي
06-12-2008, 16:48
عقبال الاداره ويمسكها كحيلان

حزماوي
07-12-2008, 01:01
محاولة لإطفاء غضب الجمهور
آساد كان ماشي معهم اوكي
ليش يقيلونه ؟