المساعد الشخصي الرقمي

مشاهدة النسخة كاملة : مشجعي القادسيه يغادرون غدا الى عماان



tq8e@
31-12-2008, 22:59
مشجعي رابطة نادي القادسية يسافرون غداً إلى عمان على حسابهم الخاص لمؤازرة المنتخب في خليجي 19.

كفوو والله

رناد
31-12-2008, 23:27
أن شاء الله ماتروح خساره عليهم السفره مع أنه المفروض أللي يتكفل بسفر المشجعين الشركات الخاصه أو رجال الاعمال .....

bnt abooha
31-12-2008, 23:30
قواهم الله عاد مو يخلون علم الكويت ويرفعون علم القادسية

شمس العميد
31-12-2008, 23:30
اتمنى من الروابط الثانيه تآزر منتخبنا هذا وقتهم ..

ملاك وعيوني هلاك
31-12-2008, 23:33
بصراحة رابطة القادسية مو مقصرة بكل بطولة فيها منتخب الكويت تكون موجودة سواء قدم او طائرة او سلة او يد :)

كويتاوي 2004
01-01-2009, 00:16
لو نترك مسميات مشجعي القادسية والعربي والكويت وغيرهم يكون أفضل
بالسابق الكل يعلم انه فهيدان قدساوي والقبقب عرباوي واعتقد كان الخباز كويتاوي ولكن محد كان يقول مشجعي النادي الفلاني راحوا يشجعون منتخب الكويت ... ولكن مشجعي المنتخب راحوا يشجعون المنتخب .
المفروض نقول مشجعي منتخب الكويت رايحين يشجعون منتخب الكويت .

Đαℓσ3ať ёl-Qаđsịα
01-01-2009, 00:28
الله يوفقهم ويحفظهم

يستاهل ازرقنا

Za3iM
01-01-2009, 00:45
شلون يبا بنروح

:):):)

قدساوى بحرى
01-01-2009, 00:49
قواهم الله عاد مو يخلون علم الكويت ويرفعون علم القادسية


هذا ونتي محررة الازرق تتظنزين عليهم.............احسن من غيرهم....

قدساويةno1
01-01-2009, 00:50
يلوموني بحبك يالملكي....حتى مشجعينك غييييييييييييييير
نتمنى التقليد لمصلحة الوطن;)

shaheen
01-01-2009, 00:56
الـيوم في برنامج عالـمكشوف عالإذاعة اتصـلوا على هيثم وقـال انـه هاليومين راح يروح عمان بروحه وعلى حسـابه الـخاص ..
ويقـول ان هناك طلبة كويتيين تقريبا عددهم 200 شـخص دقوا على هيثم وقالوله احنا ناطرينك !
واخر شي قـال انه متـوهق الحين لانه الرابطة الي معاه ماهي قادرة تسافر لانه تكاليف السفرة مايقدرون عليها وطلـب من الطلبة الكويتيين الي بعمان اذا انهم يسمعونه انهم يزهـبون نفـسهم ويتـعلمون الـطق عالـطبول على مايوصـلهم ! ;p
والله عيـب !
ديـرة شكبـرها شـعرضها كلها تـجار مافي واحد منـهم قادر انه يدفع بس 10 الاف دينار يأجر طيارة حق الجمهور يروحون ويردون بـنفس اليوم !

قدساويةno1
01-01-2009, 01:06
ديـرة شكبـرها شـعرضها كلها تـجار مافي واحد منـهم قادر انه يدفع بس 10 الاف دينار يأجر طيارة حق الجمهور يروحون ويردون بـنفس اليوم !

التجار عندهم اشياء اهم من الكرة:rolleyes:

m6iri
01-01-2009, 01:29
كفوووووووووووووووووووووووووووو
ووووووووووووووووووووووووالله

وطني ولكن...
01-01-2009, 01:33
كفوو عليكم يا عيال ...

ثلاثين
01-01-2009, 01:42
المفروض روابط الاندية كلها تروح او اغلبها ع الاقل عشان يصيرون اكثر واحسن واقوى واللاعبين من كل النوادي يحسون ان جماهيرهم كلها على قلب واحد ومن نواديهم موجودين

بو عمر
01-01-2009, 02:25
أدعو فواز الحساوي ومرزوق الغانم وأسعد البنوان التكفل بتأجير طائرة للجمهور وما هي غريبة عليهم

ولكن هؤلاء ماهم مجبورين ولا ملزومين ولكن من حقنا ان نطالبهم بهالشي كونهم من ( رحم) الرياضة وصورهم ترس الجرايد بشكل شبه يومي والرياضة عطتهم سمعة وصيت ... وحان الوقت انهم يعطون الجمهور الرياضي ما يستحقونه بتشجيع منتخبهم حالهم حال البشر الثانيين بالدول الخليجية المشاركة


ولكن وين دور الحكومة ... خصوصاً انه بالامكان تشغيل طائرات الشحن الجوي التابعة لوزارة الدفاع لتسييير الرحلات بس وين الي يدري عن الرياضة يا حظي


وقواك الله يا هيثم انت والي وياك

Qadsia Love
01-01-2009, 02:54
كبااااااااااار :)

القادسية لازم يكون بكل ما هو كويتي .. سواء انجاز كويتي أو جمهور!! :)

makkay
01-01-2009, 03:12
شكو القادسيه بالتشجيع
معناته جذي
كل مشجع لازم يقول انا عرباوي وبشجع المنتخب
وانا سلماوي بشجع المنتخب !

أزرقنآ غير
01-01-2009, 08:23
قدسآوي ولآ عربآوي

المهم يهتفوون بأسم الكوويت

ومووفقين.

روح
01-01-2009, 08:56
كفو والله :)
عاد مادري ليش البعض يحط من الحبه قبه ولا شوي ويطق له عرج !! :/
قال أن هيثم بيروح وكانت بتروح معاه الرابطه ( القادسية ) !

خلاص عاد ليش الحزازية والنبش والهذره :/

عندكم كلمة خير وشكر لهيثم قولوها ماعندكم لاتردون !!

قدساوي_100%
01-01-2009, 09:03
كفو يارابطه القادسيه

عوديتنا دايما سباقين بتشجيع الازرق

وهالله هالله بتشجيع الطيب

العميد و بس
01-01-2009, 09:16
كفو .... نبي بعد يرفعون شعار القادسية عشان جمهور الخليج يعرف ان نادي القادسية اللي ياي يلعب !!


انا بعد مع جم واحد من الربع بنروح عمان وبنرفع علم نادي الكويت وبنشجع وليد علي !!

وادعو العرباوية لمساندة خالد خلف ..

وفرصتكم ياجمهور كاظمة تساندون لاعبينكم ...

Bo Meshari
01-01-2009, 09:35
قواهم الله عاد مو يخلون علم الكويت ويرفعون علم القادسية


نعم نعم
:yes:

BLue STar
01-01-2009, 10:08
لو نترك مسميات مشجعي القادسية والعربي والكويت وغيرهم يكون أفضل
بالسابق الكل يعلم انه فهيدان قدساوي والقبقب عرباوي واعتقد كان الخباز كويتاوي ولكن محد كان يقول مشجعي النادي الفلاني راحوا يشجعون منتخب الكويت ... ولكن مشجعي المنتخب راحوا يشجعون المنتخب .
المفروض نقول مشجعي منتخب الكويت رايحين يشجعون منتخب الكويت .


..................................

الواضح
01-01-2009, 10:32
موفقين ان شـاء الله ...

Bo_3mra
01-01-2009, 10:55
الله يوفقهم ان شاء الله

اللي قاعد يتذمر ويقول انه الرابطه يرفعون الشعار بقولهم متى ارفعوا الشعار؟

اتذكر مره هيثم قال لمه كان كاس الخليج بالامارات واحد مو مع الرابطه اهو اللي رافع شعار القادسيه

واذا على اللبس تره مثل مباراة سوريا اعتقد كان في مباراة كرة يد وبعدها على طول راح شجع المنتخب

وبخصوص الطبول اللي عليهم الشعارات شيسون يعني يشيلون الشعارات ولا شنو طبل الرابطه وحاطين عليه الشعار

شنو المشكله

قدساوي_100%
01-01-2009, 11:35
كفو .... نبي بعد يرفعون شعار القادسية عشان جمهور الخليج يعرف ان نادي القادسية اللي ياي يلعب !!




مو بس علم واحد راح يرفعون اعلام كثير

لاتوصي انت

مدمنه*القادسيه
01-01-2009, 11:52
كفووو والله ،، مو شي غريب عليكم
دايماً مع الأزرق ! :)


كفو .... نبي بعد يرفعون شعار القادسية عشان جمهور الخليج يعرف ان نادي القادسية اللي ياي يلعب !!


ماني خابرة والله نادي القادسيه نادي فلسطين :) !!
خل يرفعون مليون شـ إللي بيضرك !!
شد حيلك بس وروح شجع ;)

BLUE_12
01-01-2009, 11:53
الكل فيه خير وبركه واي مشجع رايح عمان عشان يشجع باسم الكويت راح ينحط عالراس
بس ياجماعه في حجي ماله داعي ينقال تره كلنا سواسيه الحين وننسا شي اسمه تعصب الانديه

Mn7oS
01-01-2009, 12:00
يا اخوان ليش زعلانين الحين ؟؟؟
فعلا اهمه رابطة نادي القادسية الي راحو شنو المشكلة الي فيها ؟؟
رابطة القادسية نفسها اهيه بتسافر وتساند المنتخب
شلون تبون يقول الخبر ؟؟
جد والله شلون ؟؟؟

Albh
01-01-2009, 12:04
الحـين هديتوا الموضوع وركزتوا على اسم القادسيه

خلاص كل واحد يقراها على النادي اللي يشجعه :p

ياجماعه كـبروا عقولكم وقولوا يروحون ويردون بالسلامه انشاءالله

والله يوفقـهم ويمثلون الجمهور الكويتي خـير تمثيـل ;)

{..قدسآويه ملكيه..}
01-01-2009, 12:07
كفوو وآلله .. ع رآسي جمهور آلأاصفر .. :clap:

Japan
01-01-2009, 12:17
" جمهور القادسية قبل لا يكون جمهور لناديه فهو جمهور لمنتخب وطنه .. و يعطيهم العافية وما قصروا "

" ولكن من المفروض تسمية جمهور القادسية في هذا الوقت بجمهور المنتخب الكويتي "

هذا اللي يحبون يوضحونه الشباب :)

صج والله؟
01-01-2009, 12:31
وين رجال الاعمال الخرافيين اللي فلوسهم مغطيه الشمس موقادرين يخصصون مبلغ نفس هذا حق مشجعين الازرق اللي هم اولى
بهالفلوس من غيرهم >> ياخي اعتبروها دفعة بلى
عن اعماركم واعمار عيالكم .......


""_شي يموووووت من القهر_"

بو ناصر
01-01-2009, 12:52
بالتوفيق للي راح يروح لعمان


ناطرين الاتحاد تتكرم وتشوف لنا طيارة

Mr.Blue
01-01-2009, 12:57
عـســاهـم ع الــقوه .. وان شـاء الله مـايـردون الا والــكاس ويـاهـم !

ويـاريـت مـانـشوف اي شــي اصــفر بالمــدرج ! مو نـفس لـعــبـه سـوريــا ،،

Josep Guardiola
01-01-2009, 13:08
مــادري " ولــد حرامـي النـاقلات " وين طيــارته الي كـان يضعهـا تحت تصرف جماهير نادي القادسيه
سابقا وين هل الطياره الحين ووين " الحس الوطني " يا ولـد خليفه !!!

عموما متعودين على " النكبات " من " حراميه " اقصـد هوامير الكويت خيرهم لـ الغير مو لـ عيال بـلدهم لـ الاسف

خطوه طيبه صراحه من هيثم ولو اني اكرهه بس على اقل " ارجل " من كثيرين

ركوني
01-01-2009, 13:12
يابعد قلبي يالقدساووية كفووو والله

q8tawiya 4 ever
01-01-2009, 13:13
قصدكم مشجعين الكويت ..
فيهم الخير و ازرقنـــا يستـــاهل ..
ومنا إلى جريدة الوطــن ولا على ناس و ناس ..

ذيـبـان
01-01-2009, 13:17
قواهم الله عاد مو يخلون علم الكويت ويرفعون علم القادسية


ولا يلبس فنيلته اللي في مبارات المنتخب ضد إيران ( نص القادسية ونص المنتخب ) ! ..

والله يعطيهم العافية على الفزعة الطيبه ..

ســـاره
01-01-2009, 13:19
مادري شنو الشي الغلط لما قالوا رابطة القادسيه سافروا !! ليش هالردود رابطة القادسيه منو رايجه تشجع ؟؟ بتشجه العراق مثلا ولا اليمن ؟؟ أكيد بتشجع الكويت وقواهم الله شباب ورايحيين على حسابهم الخـاص نتمنى الروابط الثانيه تسوي مثلهم وتساند المنتخب !


غوارديـولا : الحين جبت طاري ولد حرامي الناقلات على قولتك وهجمت عليه وتركت النواب اللي معودين نـواديـهم على السفرات بطيارات خـاصه !!! ياليت لو بتتهجم تتهجم عالكل موتجيب طاري شخص وتترك الثاني

عبدالله الكندري
01-01-2009, 13:22
موفقين يا رجال .. واتمنى من اللجنه الانقتاليه ان تتجرك لتوفير طائره خاصه للجماهير وتكون بسعر رمزي لنقل الجمهاير والرجوع فيهم بنفس اليوم

Josep Guardiola
01-01-2009, 13:25
غوارديـولا : الحين جبت طاري ولد حرامي الناقلات على قولتك وهجمت عليه وتركت النواب اللي معودين نـواديـهم على السفرات بطيارات خـاصه !!! ياليت لو بتتهجم تتهجم عالكل موتجيب طاري شخص وتترك الثاني



ســــاره ....


اقــري ردي عــدل يا اختــي وراح تعرفــين اني ما استثنيت احــد انا اتكــلم عن نقـطه " توفير " طيـاره خاصه لـ جمهور فلاني لـ نـادي فلاني مهما كـان الشخص ..

مرزوق ولا طلال و ولد الحرامي ولا نواب كلهم " سواسيه " عندي في النقـــد ما استثني احـد منهم
لان الواجـب الوطني يحتم عليهم هل الشي

بس احنا حاليـا في زمن الولاء لـ النـادي اكبر من الوطن @!

وانطري وتذكري كلامي بس خلي المنتخب يوصل النهائي مثلا وشوفي " الهياط " الاعلامي من كل اللي ذكرتهم
وكل من يتسابق تجـاه " المــايك " يترزز بـ انجـاز ماله شغل فيه !!

مدمنه*القادسيه
01-01-2009, 22:57
مادري شنو الشي الغلط لما قالوا رابطة القادسيه سافروا !! ليش هالردود رابطة القادسيه منو رايجه تشجع ؟؟ بتشجه العراق مثلا ولا اليمن ؟؟ أكيد بتشجع الكويت وقواهم الله شباب ورايحيين على حسابهم الخـاص نتمنى الروابط الثانيه تسوي مثلهم وتساند المنتخب !


لا بس فالحين ألبسوا بلوزة القادسيه وسموهم جماهير القادسيه !
ماأشوف أنتقدوا رابطتهم إنهم ماراحوا .. والله بشيييييييييييه !! :)

فكتورفالدز
01-01-2009, 23:06
الحين اهم مشجعين المنتخب مو القادسيه !!

Mesh3al
01-01-2009, 23:17
سبحان الله قبل يومين المواضيع كلها عن لاعبين القادسية بالمنتخب واختيارات المدرب القدساوي للاعبين المنتخب ومعسكر للاعبين القادسيه الاحتياط

اليوم انت مالك حق تقول رابطه القادسية المفروض تقول هيثم وربعه :)

kwety
01-01-2009, 23:20
قواهم الله عاد مو يخلون علم الكويت ويرفعون علم القادسية

....................

أنظف من الصابون
01-01-2009, 23:28
كفو .... نبي بعد يرفعون شعار القادسية عشان جمهور الخليج يعرف ان نادي القادسية اللي ياي يلعب !!


انا بعد مع جم واحد من الربع بنروح عمان وبنرفع علم نادي الكويت وبنشجع وليد علي !!

وادعو العرباوية لمساندة خالد خلف ..

وفرصتكم ياجمهور كاظمة تساندون لاعبينكم ...



حتى كلمة يعطيهم العافيه ماكو !!
صعبه تطلع من السانك ؟!

قوم هز كرشتك وروح بدالهم .. مو تقعد تنتقد بس !!


ناس يهدون أشغالهم ويروحون على حسابهم الشخصي وبالأخير يطلع لك زوير وعوير وينتقدونهم !!!

إذا رايحين على حسابك ذيج الحزه اقعد وانتقد ..

رايحين على حسابهم .. ورايحين بدون دعم من أحد ..
فكيفهم .. إنشالله يرفعون علم موزمبيق انت شكو ؟!!

قدساويةno1
01-01-2009, 23:28
مادري شنو الشي الغلط لما قالوا رابطة القادسيه سافروا !! ليش هالردود رابطة القادسيه منو رايجه تشجع ؟؟ بتشجه العراق مثلا ولا اليمن ؟؟ أكيد بتشجع الكويت وقواهم الله شباب ورايحيين على حسابهم الخـاص نتمنى الروابط الثانيه تسوي مثلهم وتساند المنتخب !


غوارديـولا : الحين جبت طاري ولد حرامي الناقلات على قولتك وهجمت عليه وتركت النواب اللي معودين نـواديـهم على السفرات بطيارات خـاصه !!! ياليت لو بتتهجم تتهجم عالكل موتجيب طاري شخص وتترك الثاني
يعني لما رابطة القادسية بتسافر لازم يقولون (الكويتين اللي يشجعون النادي ال.... رايحة عمان تساند الازرق )عشان ماينط عرج عند البعض ولا يعصبون ويحسون بالنقص الدائم من الملكي....الحمدلله والشكر
.....................
النواب مشغولين:p

أنظف من الصابون
01-01-2009, 23:30
للامانة .. أفضل رابطة وبدون منافس ..

اغلب بطولات المنتخب يكونون أهم ورى المنتخب بدون اي مقابل ..

يعطيهم ألف عافيه ..

قدساوي_100%
01-01-2009, 23:32
أنظف من الصابون

ماعليك لون الاصفر قاهرم وحارق قلوبهم :)

لدرجه صاره فيهم عقده من هل لون الملكي

مانيو
01-01-2009, 23:42
موفقين انشاء الله

DeaTh NoTe
01-01-2009, 23:49
انا استغرب شلون تنتقدون الي رايح بحسابه يشجع منتخب بلاده

بصراحه مايعجبكم العجب , لما تشوفون مباراة الكويت وماتلقون رابطة

تقعدون تقولون وين الرابطات ولما رابطة ( القادسيه ) تروح تقعدون تنتقدونهم

ماينعرفلكم


كل الشكر لـ هيثم وكل من وقف ويا المنتخب

بومساعد
02-01-2009, 00:02
يا شباب وخروا عنكم العنصرية والاستنتاجات الباطلة ولازم الروابط كلها تشتغل وتجهز نفسها مثل رابطة القادسية اللى اكيد راح ترفع علم الكويت مو القادسية وما لا داعى يكون تفكيرنا عن رابطة القادسية بهذا التفكير السلبى ليش ما نشجعهم ونسوى مثلهم اللى هذا واجبهم وكذلك واجب جميع الروابط والمشجعين ولا تزعلون حبايبى كلكم

Q.a.D.S.a.W.Y
02-01-2009, 00:15
كبار يالرابطه .. وكبير يا هيثم

شرواك
02-01-2009, 00:19
اذا رايحين بصفتهم كويتيين كان المفروض تذكرونهم بالأسماء شكو رابطة القادسيه !!!!!


أما اذا رايحين بصفتهم قدساويه فنشكر لهم تعاطفهم مع الأزرق:p


على العموم ما يقصرون وهذي ما هي غريبه عليهم والله يردهم بالسلامه وهم شايلين الكأس .


تحيه خاصه لهيثم وربعه :clap:

العميد و بس
02-01-2009, 00:51
حتى كلمة يعطيهم العافيه ماكو !!
صعبه تطلع من السانك ؟!

قوم هز كرشتك وروح بدالهم .. مو تقعد تنتقد بس !!


ناس يهدون أشغالهم ويروحون على حسابهم الشخصي وبالأخير يطلع لك زوير وعوير وينتقدونهم !!!

إذا رايحين على حسابك ذيج الحزه اقعد وانتقد ..

رايحين على حسابهم .. ورايحين بدون دعم من أحد ..
فكيفهم .. إنشالله يرفعون علم موزمبيق انت شكو ؟!!

اطهر من الديتول :

اسلوبك ما ينظفه لا صابون ولا ديتول

وشدراك اذا انا بروح او لأ ؟؟

اذا بروح لازم انزل موضوع ابلغ حضرت جنابك عشان تعرف اني بروح اشجع المنتخب ؟؟

ورايحين على حسابهم شالمشكلة يعني ؟؟ شعبك ما يصدق على الله تصير عطلة يومين طق تذكرة وراح دبي والحين ليش فيها منتخب صرتو تمنون علينا بسالفة رايح على حسابه !!

كويتاوي 2004
02-01-2009, 00:55
^^^
إذا بتروح ... لا تنسي تكتب موضوع أنه أحد مشجعين نادي الكويت يغادر إلي عمان لمؤازرة المنتخب !!!!

العميد و بس
02-01-2009, 01:01
^^^
إذا بتروح ... لا تنسي تكتب موضوع أنه أحد مشجعين نادي الكويت يغادر إلي عمان لمؤازرة المنتخب !!!!

لووووووووووووووووووووووووووووووووووووووووووووول


اي لازم .. نروح انا وانت وجم واحد من رابطة العميد وانزل موضوع ان رابطة العميد تساند الازرق بخليجي عمان :)

وتوصي جم واحد يدشون الموضوع يرفعون فينا شوي :)

وترى على حسابنا الخاص محد له شغل

ويطلعك عاد عضو (تايد) ولا (برسيل) ويقولك يعني شنسوي لكم اذا رحتو !! تبونا نصفق لكم يعني :)

GaGo_16
02-01-2009, 01:08
جمهور القادسيـه مادري شحارهم بالحجي ..

الرابطـه رايحه على حسابها قواهم الله والله يعوظهم عن كل دينار يقطونـه 1000 ويردهم مستانسيـن ,, لكن ماهو أسلوب أقول جمهور القادسيـه ولا جمهور العربي ولا غيره !! جنـه خليتوهم بالأساس مشجعين للقادسيـه والعربي وتشجيع المنتخب هذا شي " ثانوي " !! قبل لا يكون مشجع للقادسيـه ولا للعربي هاللي رايح يشجع " الكويــت " إللي لا إنذكر إسمها المفروض ننسى شي إسمه العربي والقادسيه لكن للأسف بعض الناس التعصب عاميـهم والأساس عندهم ناديـهم وديرتـهم تالي ..

أرد وأقول الإعتراض ماهو على الأشخاص إلي رايحين الإعتراض على أسلوب كتابة الخبر لأنه بالأول والأخير إللي رايحين رايحين يشجعون شي إسمـه " الكويـت " بلا القادسيه والعربي بلا كلام فاضي ..

مجنونتك يالازرق
02-01-2009, 01:11
ياجماعه مايصير هالكلام والله عيب ..


خلاص احنا الحين لازم ننسى الاصفر والاخضر والابيض والخ...


احنا الحين كلنا كلنا كلنا الازرق وبس .....

العميد و بس
02-01-2009, 01:14
جمهور القادسيـه مادري شحارهم بالحجي ..

الرابطـه رايحه على حسابها قواهم الله والله يعوظهم عن كل دينار يقطونـه 1000 ويردهم مستانسيـن ,, لكن ماهو أسلوب أقول جمهور القادسيـه ولا جمهور العربي ولا غيره !! جنـه خليتوهم بالأساس مشجعين للقادسيـه والعربي وتشجيع المنتخب هذا شي " ثانوي " !! قبل لا يكون مشجع للقادسيـه ولا للعربي هاللي رايح يشجع " الكويــت " إللي لا إنذكر إسمها المفروض ننسى شي إسمه العربي والقادسيه لكن للأسف بعض الناس التعصب عاميـهم والأساس عندهم ناديـهم وديرتـهم تالي ..

أرد وأقول الإعتراض ماهو على الأشخاص إلي رايحين الإعتراض على أسلوب كتابة الخبر لأنه بالأول والأخير إللي رايحين رايحين يشجعون شي إسمـه " الكويـت " بلا القادسيه والعربي بلا كلام فاضي ..

قواك الله وهذا اللي نقوله ..

انا اجزم ان في ناس لو قالو لهم شرايكم تبون المنتخب يشارك باسم منتخب الكويت ولا القادسية ؟؟

بيكون ردهم القادسية !!

لأن هالاشكال لو يمثل المنتخب 90% من لاعبين نادي كاظمة تلقاهم يتمنون خسارة المنتخب !!

tq8e@
02-01-2009, 01:18
الله الله كل هذا صاار عشان العنوان يا جماعه والله اني على نيتي قريت الخبر من احد المواقع
ويعني عالاقل انهم راحوا يشجعون مو مثل بعض الرابطات ينطرون احد يدفعلهم عشان يروووحوون

مدمنه*القادسيه
02-01-2009, 01:18
جمهور القادسيـه مادري شحارهم بالحجي ..

الرابطـه رايحه على حسابها قواهم الله والله يعوظهم عن كل دينار يقطونـه 1000 ويردهم مستانسيـن ,, لكن ماهو أسلوب أقول جمهور القادسيـه ولا جمهور العربي ولا غيره !! جنـه خليتوهم بالأساس مشجعين للقادسيـه والعربي وتشجيع المنتخب هذا شي " ثانوي " !! قبل لا يكون مشجع للقادسيـه ولا للعربي هاللي رايح يشجع " الكويــت " إللي لا إنذكر إسمها المفروض ننسى شي إسمه العربي والقادسيه لكن للأسف بعض الناس التعصب عاميـهم والأساس عندهم ناديـهم وديرتـهم تالي ..

أرد وأقول الإعتراض ماهو على الأشخاص إلي رايحين الإعتراض على أسلوب كتابة الخبر لأنه بالأول والأخير إللي رايحين رايحين يشجعون شي إسمـه " الكويـت " بلا القادسيه والعربي بلا كلام فاضي ..


GaGo ،،
الله بالخير ؟! :)
شوف نجرتهم وبطلوا باب مصكر على شنو ! ليش كاتبين بالعنوان " مشجعين
القادسيه " ! بـ ذمتك هذا حجي ؟!!
شـ المشكلة لما نقول مشجعين ولا رابطة القادسيه إللي راحوا :/ ماأشوف فيها
شي غلط ! .. كلنا ندري إن رايحين للمنتخب ! شـ إللي راح يضر أو يعفس الموضوع
ولا يغير بالموضوع لما يقولون " القادسيه مو المنتخب " ؟!
يعني فرضنا إنت وجم واحد من ربعك سافرتوا مو لما يسألون منو سافر يقولون
فلان وفلان !! .. :\ نفس الحالة ألحين !! ..

يعني لو نبي نبطل نجرة والله جان قلنا وين رابطة الكويت ؟ وين رابطة العربي ؟
وين رابطة كاظمة ؟ مانشوف ساندوا المنتخب مثل هيثم والباجي ! ..

علي العتيبي
02-01-2009, 01:19
يا سلام عليك يا قاقو

ما بعد كلامك كلام

كان ودي عنوان الموضوع مشجعين الكويت يغادرون غدا الي عمان

قصدي الكويت يعني مشجعين المنتخب الكويتي :)

Mr.Blue
02-01-2009, 01:23
والله عيـب هالـسـالــفه تـكون مـوضوع نــقـاش .!!

الــحين المنـتخب الـلى بـيـشـارك وجــذي تفــكير الـبعض !؟!

طيـب اهـم رابــطـه الـقـادسـيـه .. اسـمهم جـذي بــعد شيكتـبون !؟!

يــاريـت يتـقـفل الـموضوع والله .. فــشــلــه ،،

العميد و بس
02-01-2009, 01:26
والله عيـب هالـسـالــفه تـكون مـوضوع نــقـاش .!!

الــحين المنـتخب الـلى بـيـشـارك وجــذي تفــكير الـبعض !؟!

طيـب اهـم رابــطـه الـقـادسـيـه .. اسـمهم جـذي بــعد شيكتـبون !؟!

يــاريـت يتـقـفل الـموضوع والله .. فــشــلــه ،،


تنكتب "

جمهور كويتي بقيادة هيثم يتوجه لمؤازة المنتخب :)

Corvette
02-01-2009, 01:28
تنكتب "

جمهور كويتي بقيادة هيثم يتوجه لمؤازة المنتخب :)
وهيثم منو يالغالي ؟؟

علي العتيبي
02-01-2009, 01:30
تنكتب "

جمهور كويتي بقيادة هيثم يتوجه لمؤازة المنتخب :)

من عرفنا جواد القبقب وأهو عرباوي

بس لما يساند المنتخب .. يكتبون المشجع الكويتي جواد القبقب

عمرك شفت مكتوب المشجع العرباوي جواد القبقب يساند المنتخب
:)

Mr.Blue
02-01-2009, 01:31
تنكتب "

جمهور كويتي بقيادة هيثم يتوجه لمؤازة المنتخب :)

لــيش اهـو بـس هيـثم الـلى بـرابـطــه الـقـادسـيـه !؟!

رابــطـه كــامـلـه الـلى رايـحـه لــعمـان !..

جــان زيـن نــشوف كـل رابـطـه تـعـلن انـهـا متـوجـهـه لـمسـقـط !! :)

والله الـنـقـاش بهالـموضوع مـؤسـف .. والعتـب ع الـمراقبـين مبطليـنـه لـلحين

العميد و بس
02-01-2009, 01:32
وهيثم منو يالغالي ؟؟

هيثم في كاس الخليج :

مشجع كويتي ورئيس الرابطه الكويتية !!

عندك اضافه اخرى يالغالي ؟؟

Corvette
02-01-2009, 01:34
هيثم في كاس الخليج :

مشجع كويتي ورئيس الرابطه الكويتية !!

عندك اضافه اخرى يالغالي ؟؟
مارديت على سؤالي جود إنك توهقت :)
منو هيثم هذا الي رايحين معاه الجماهير لـ عمان ؟

العميد و بس
02-01-2009, 01:34
من عرفنا جواد القبقب وأهو عرباوي

بس لما يساند المنتخب .. يكتبون المشجع الكويتي جواد القبقب

عمرك شفت مكتوب المشجع العرباوي جواد القبقب يساند المنتخب
:)
فهد عبدالكريم .. راح ورا المنتخب شرق وغرب وما سمعن احد قال رئيس رابطة القادسية يشجع المنتخب !!

القبقب لف ودار ورا الازرق بلبس (علم الكويت)

مدمنه*القادسيه
02-01-2009, 01:35
تنكتب "

جمهور كويتي بقيادة هيثم يتوجه لمؤازة المنتخب :)

لوووووولز وهيثم من أي رابطة !
الكل يدري هيثم = رابطة القادسيه يعني !
وربي بـلشه :p

GaGo_16
02-01-2009, 01:35
gago ،،
الله بالخير ؟! :)
شوف نجرتهم وبطلوا باب مصكر على شنو ! ليش كاتبين بالعنوان " مشجعين
القادسيه " ! بـ ذمتك هذا حجي ؟!!
شـ المشكلة لما نقول مشجعين ولا رابطة القادسيه إللي راحوا :/ ماأشوف فيها
شي غلط ! .. كلنا ندري إن رايحين للمنتخب ! شـ إللي راح يضر أو يعفس الموضوع
ولا يغير بالموضوع لما يقولون " القادسيه مو المنتخب " ؟!
يعني فرضنا إنت وجم واحد من ربعك سافرتوا مو لما يسألون منو سافر يقولون
فلان وفلان !! .. :\ نفس الحالة ألحين !! ..

يعني لو نبي نبطل نجرة والله جان قلنا وين رابطة الكويت ؟ وين رابطة العربي ؟
وين رابطة كاظمة ؟ مانشوف ساندوا المنتخب مثل هيثم والباجي ! ..

الله بالنــور ..

لما تقعد بالمدرج بيسمونـها " رابطـة القادسيـه " ؟!
كل من رايــح رايـح يشجـع " الكويت " سواء من رابطـة العربي ولا القادسيـه ولا غيره .. فماله داعي نقول فلان الفلاني رايح يشجع المنتخب بس لا تنسون ترا عرباوي ,, وفلان وفلان هم رايحيــن بس ترا كظماويـه !! ولما تنتهي البطولـه نقول ترا إللي شجعوا الكويت 30 قدساوي و20 عرباوي و 4 سلماويـه .. ألخ هذا لعـب يهـال :)
كلهــم عيال الكويــت وكلهم رايحيــن يهتفون بإسم الكويـت ..

الله يحفظهم ويردهم لأهلهم سالمين ..

العميد و بس
02-01-2009, 01:36
مارديت على سؤالي جود إنك توهقت :)
منو هيثم هذا الي رايحين معاه الجماهير لـ عمان ؟

رئيس رابطة نادي القادسية !! شنو اليديد بالسالفه كورفت ؟؟

أنظف من الصابون
02-01-2009, 01:37
اطهر من الديتول :

اسلوبك ما ينظفه لا صابون ولا ديتول

وشدراك اذا انا بروح او لأ ؟؟

اذا بروح لازم انزل موضوع ابلغ حضرت جنابك عشان تعرف اني بروح اشجع المنتخب ؟؟

ورايحين على حسابهم شالمشكلة يعني ؟؟ شعبك ما يصدق على الله تصير عطلة يومين طق تذكرة وراح دبي والحين ليش فيها منتخب صرتو تمنون علينا بسالفة رايح على حسابه !!

وانت اسلوبك معاهم حتى كلورسك و صابون رقي ما ينظفه ..

رحت والا ما رحت "عند جدي" ..
بس متى ما هزيت كرشتك ورحت ذيج الحزة تفلسف ..

رابطة القادسية بالذات كل مباراة "سواء بالكويت او بره الكويت" وديه أو رسميه اتشوفهم مع المنتخب وعلى حسابهم الشخصي ..
انت اتشوف الشغله وناسه والشغله سهالات يالله قوم وهز طولك وروح شجع !!

انشالله يرفعون شعار نادي المريخ السوداني انت شكو ؟!!

دير بالك على مشاعرك واحاسيسك !

Corvette
02-01-2009, 01:38
رئيس رابطة نادي القادسية !! شنو اليديد بالسالفه كورفت ؟؟
إنتهت السالفه عيل :) ليـش زعلان إنهم ذكروا إنه رئيس رابطة القادسية ؟

مدمنه*القادسيه
02-01-2009, 01:45
الله بالنــور ..

لما تقعد بالمدرج بيسمونـها " رابطـة القادسيـه " ؟!
كل من رايــح رايـح يشجـع " الكويت " سواء من رابطـة العربي ولا القادسيـه ولا غيره .. فماله داعي نقول فلان الفلاني رايح يشجع المنتخب بس لا تنسون ترا عرباوي ,, وفلان وفلان هم رايحيــن بس ترا كظماويـه !! ولما تنتهي البطولـه نقول ترا إللي شجعوا الكويت 30 قدساوي و20 عرباوي و 4 سلماويـه .. ألخ هذا لعـب يهـال :)
كلهــم عيال الكويــت وكلهم رايحيــن يهتفون بإسم الكويـت ..

الله يحفظهم ويردهم لأهلهم سالمين ..

والله فاهمتك ،،
مثل ماقال كورفت توه هيثم منو ؟!
ألحين منو مايدري إن هيثم من رابطة القادسيه ! :\
سواء كتبوا هيثم ولا القادسيه شنو إللي يفرق بالموضوع دام هدف الموضوع
واحد إن رايحين " حق المنتخب " ..

يعني الجملة " إن رابطة القادسيه رايحة تشجيع [ المنتخب ] " ! فـ مادري
شحقة معارضين الجملة أو العنوان !!

العميد و بس
02-01-2009, 01:47
إنتهت السالفه عيل :) ليـش زعلان إنهم ذكروا إنه رئيس رابطة القادسية ؟

كورفت ..

شلون نطالب بالوحده ونسيان المسميات واحنا اول ناس نصارخ فيها !!


بتحديدك ان رابطة القادسية اهي اللي راحت ورا المنتخب راح تفتح باب ما يتسكر !! باجر اذا بدر اي تصرف غير اخلاقي من هذه الفئة اللي رايحة تشجع المنتخب .ودشلك واحد وفتح موضوع وقال جمهور القادسية فشلنا بعمان لا ترد وتقوله هذا مو جمهور القادسية هذا جمهور البلد !!

واذا باجر واحد فتح موضوع وقالك حسين فاضل لاعب القادسية هو من تسبب بالخسارة لا تقوله حسين يمثل الكويت ما يمثل القادسية !!

العميد و بس
02-01-2009, 01:48
وانت اسلوبك معاهم حتى كلورسك و صابون رقي ما ينظفه ..

رحت والا ما رحت "عند جدي" ..
بس متى ما هزيت كرشتك ورحت ذيج الحزة تفلسف ..

رابطة القادسية بالذات كل مباراة "سواء بالكويت او بره الكويت" وديه أو رسميه اتشوفهم مع المنتخب وعلى حسابهم الشخصي ..
انت اتشوف الشغله وناسه والشغله سهالات يالله قوم وهز طولك وروح شجع !!

انشالله يرفعون شعار نادي المريخ السوداني انت شكو ؟!!

دير بالك على مشاعرك واحاسيسك !

:p كرشتك معقدتك

أنظف من الصابون
02-01-2009, 01:52
:p كرشتك معقدتك


لوووول .. ياريت عندي كرشه ..
الكرش هيبه :p ..

مرات يكتبون بالجريدة :
وحضر لقاء المنتخب رئيس نادي الكويت الغانم ورئيس نادي القادسية الشيخ طلال !

إذا اكتبو جذي لا تنسون تتحلطمون واتهزون كروشكم :p ..

العميد و بس
02-01-2009, 01:53
والله فاهمتك ،،
مثل ماقال كورفت توه هيثم منو ؟!
ألحين منو مايدري إن هيثم من رابطة القادسيه ! :\
سواء كتبوا هيثم ولا القادسيه شنو إللي يفرق بالموضوع دام هدف الموضوع
واحد إن رايحين " حق المنتخب " ..

يعني الجملة " إن رابطة القادسيه رايحة تشجيع [ المنتخب ] " ! فـ مادري
شحقة معارضين الجملة أو العنوان !!

ومنو مايدري ان مساعد ندى قدساوي

ومنو ما يدري ان بدر المطوع قدساوي \

ومنو ماديدري ان وليد علي كويتاوي

ومنو مايدري ان جراغ عرباوي

ومنو ما يدري ان جراح الظفيري كظماوي

!!!!

ليش قالو عنهم منتخب الكويت دام كلنا ندري بأي نادي يلعبون !!

نفس الشي قيسيه على المشجعين ...

Corvette
02-01-2009, 01:54
كورفت ..

شلون نطالب بالوحده ونسيان المسميات واحنا اول ناس نصارخ فيها !!


بتحديدك ان رابطة القادسية اهي اللي راحت ورا المنتخب راح تفتح باب ما يتسكر !! باجر اذا بدر اي تصرف غير اخلاقي من هذه الفئة اللي رايحة تشجع المنتخب .ودشلك واحد وفتح موضوع وقال جمهور القادسية فشلنا بعمان لا ترد وتقوله هذا مو جمهور القادسية هذا جمهور البلد !!

واذا باجر واحد فتح موضوع وقالك حسين فاضل لاعب القادسية هو من تسبب بالخسارة لا تقوله حسين يمثل الكويت ما يمثل القادسية !!
صدقني انا معاك بكلامك وماودي ينذكر رابطة القادسية اهي الي راحت واهي الي شجعت ! لأنه هالشـي مافيـه منه , هذي ديرتك وهذيلا ربعك ومنتخبك :) بالمدرج راح نشـوف القدساوي والعرباوي والكويتاوي والكظماوي بصوت واحد يشجعون ويهتفون بإسم البلد لأنه هذا الأزرق واجب علينا نوقف معاه , لكـن كمسمى مافيها شي لما ينذكر , مثل ما ينذكر إسم رئيس نادي كاظمه أسعد البنوان ساند المنتخب بحضورة تمارين الأزرق :) عن نفسي ماعندي مشكله لما أسمع انه فيصل رئيس رابطة الكويت وربعه بالرابطة غادروا لعمان للوقوف مع الجماهير الكويتية ;) لكن بالملعب إسـمهم جمهور الكويت ..

مدمنه*القادسيه
02-01-2009, 01:55
ومنو مايدري ان مساعد ندى قدساوي

ومنو ما يدري ان بدر المطوع قدساوي \

ومنو ماديدري ان وليد علي كويتاوي

ومنو مايدري ان جراغ عرباوي

ومنو ما يدري ان جراح الظفيري كظماوي

!!!!

ليش قالو عنهم منتخب الكويت دام كلنا ندري بأي نادي يلعبون !!

نفس الشي قيسيه على المشجعين ...

هذول لاعبين !!
إحنا نتكلم عن الرابطة والعنوان الحين ! إستغفرالله العلي العظيم !!
من صجكم والله !! :confused:

GaGo_16
02-01-2009, 01:57
والله فاهمتك ،،
مثل ماقال كورفت توه هيثم منو ؟!
ألحين منو مايدري إن هيثم من رابطة القادسيه ! :\
سواء كتبوا هيثم ولا القادسيه شنو إللي يفرق بالموضوع دام هدف الموضوع
واحد إن رايحين " حق المنتخب " ..

يعني الجملة " إن رابطة القادسيه رايحة تشجيع [ المنتخب ] " ! فـ مادري
شحقة معارضين الجملة أو العنوان !!

والكل يدري إنـه هيثـم رئيس رابطـة المنتخب من سنيـن وإذا إنظموا له الروابط الثانيـه يكونون تابعيـن له .. وأهو والرابطـه إللي رايحه معاه حاليـا إسمهم " رابطـة مشجعين منتخب الكويـت " أكرر وأقـول ماله داعي نقول فلان قدساوي وفلان عرباوي بالأخير كلهم بيشجعون الكويـت ..

NoOoSa
02-01-2009, 02:00
شباب بليز لاتخلون هالسوالف التافهه تلهيكم عن منتخبكم

وتبون الريااضه تتطور شلون..؟؟

هذا قسم للخليج كله مو بس الكويت

بليز لاتشتمون العذال فينا

مدمنه*القادسيه
02-01-2009, 02:00
والكل يدري إنـه هيثـم رئيس رابطـة المنتخب من سنيـن وإذا إنظموا له الروابط الثانيـه يكونون تابعيـن له .. وأهو والرابطـه إللي رايحه معاه حاليـا إسمهم " رابطـة مشجعين منتخب الكويـت " أكرر وأقـول ماله داعي نقول فلان قدساوي وفلان عرباوي بالأخير كلهم بيشجعون الكويـت ..

ورب الكعبه فاهمتك يا ولد الحلال :p !
قصدي ما أكفروا ولا قامت القيامة لما قالوا " رابطة القادسيه " وأهم
صج كانوا رابطة القادسيه يعني مو تزوير ولا جذبوا بـ شي !
رايحة تشجع المنتخب ! المسألة عاديه والله :p

العميد و بس
02-01-2009, 02:02
كورفت ..... قواك الله هذا اللي ابي اوصله ...

مدمنة القادسية .. لاعبين وجمهور كلنا واحد ( الكويت) .. مافيه شي اسمه لقادسية ولا الكويت ولا العربي بالطقاق فيهم .. المهم حاليا المنتخب

GaGo_16
02-01-2009, 02:03
ورب الكعبه فاهمتك يا ولد الحلال :p !
قصدي ما أكفروا ولا قامت القيامة لما قالوا " رابطة القادسيه " وأهم
صج كانوا رابطة القادسيه يعني مو تزوير ولا جذبوا بـ شي !
رايحة تشجع المنتخب ! المسألة عاديه والله :p

دام الكل يدري إنها رابطـة القادسيـه ومافيـها تزويــر ليش تكتبونـها جنكم تمنون على الناس فيـها !! :@:@

يا معوده توظفي حالتج صارت لا تطــاق !! :@:@

{ بُقًّعٍـة هُـِـدوـوِءْ ..!
02-01-2009, 02:04
آلله يوفق آلمنتخـب بس :) ..

مدمنه*القادسيه
02-01-2009, 02:09
مدمنة القادسية .. لاعبين وجمهور كلنا واحد ( الكويت) .. مافيه شي اسمه لقادسية ولا الكويت ولا العربي بالطقاق فيهم .. المهم حاليا المنتخب

موشايفة لحد الحين مضرة بالعنوان .. :)


دام الكل يدري إنها رابطـة القادسيـه ومافيـها تزويــر ليش تكتبونـها جنكم تمنون على الناس فيـها !! :@:@

يا معوده توظفي حالتج صارت لا تطــاق !! :@:@

شكوو نتمنن على الناس !
خوو قلنا الله يوفقهم ماسبينا اللي ماراح شجعوا ولا قلنا أحسن
من غيرهم ولا لوما رابطتنا جان ماكو احد واقف مع المنتخب !! :p
ماني متوظفة قاعدة عـلة على قلوبكم :p !

GaGo_16
02-01-2009, 02:13
ولا لوما رابطتنا جان ماكو احد واقف مع المنتخب !! :p
ماني متوظفة قاعدة عـلة على قلوبكم :p !

تقـولين " ولـه لولا رابطتكـم محد وقف مع المنتخب " يا كبرها :rolleyes:

بنشــــوف إتوظفين ولا لأ !! :rolleyes:

العميد و بس
02-01-2009, 02:14
مدمنة القادسية


\الحين مو شايفة مضره بس لو باجر بدر من هذه الرابطة اي تصرف غير اخلاقي (حذف قناني + سب علني+ هواش مع جماهير الدول الثانية) وفتح احد الاخوان موضوع يتهم فيه رابطة القادسية بانها رابطه غير اخلاقيه (وفشلتنا جدام الله وخلقه) هل راح تردين على الموضوع وتقولين هذول جمهور كويتي وجمهور القادسية ماله علاقه ؟؟

فهد الشمري
02-01-2009, 02:18
كبار يا بنو قادس وبصراحه بادره طيبه منهم وأنا أتمنى مو رجال الأعمال ولا الشركات تتبرع للجمهور والله أتمنى حكومتنا النايمه اهي اللي تتبرع عسى تعبكم ما يضيع هدر والسامع يقول أمين يارب يا رجال تكفون نبي كأس الخليج (( لعنبوكم تكفون قلنا :) )) موفقين يارب

مدمنه*القادسيه
02-01-2009, 02:25
تقـولين " ولـه لولا رابطتكـم محد وقف مع المنتخب " يا كبرها :rolleyes:

بنشــــوف إتوظفين ولا لأ !! :rolleyes:

قاعدة أقولك لو قايلين جذي جان قلنا من حقكم !
بس للأسف إحنا ماقلنا يعني :p !!
أول وتالي بتوظف أكيد خوو :p



مدمنة القادسية

\الحين مو شايفة مضره بس لو باجر بدر من هذه الرابطة اي تصرف غير اخلاقي (حذف قناني + سب علني+ هواش مع جماهير الدول الثانية) وفتح احد الاخوان موضوع يتهم فيه رابطة القادسية بانها رابطه غير اخلاقيه (وفشلتنا جدام الله وخلقه) هل راح تردين على الموضوع وتقولين هذول جمهور كويتي وجمهور القادسية ماله علاقه ؟؟

لا ماراح أقول ، وأذكرك :)

Claudio Mendez
02-01-2009, 02:28
شالمشكله ؟

اخاف رايح الحج بس .. اللي تتهاوشون على المسمى ..

يعطيه العافيه وخلاص ..

GaGo_16
02-01-2009, 02:31
بس للأسف إحنا ماقلنا يعني :p !!




لا تعليــق :):) :rolleyes:

العميد و بس
02-01-2009, 02:31
قاعدة أقولك لو قايلين جذي جان قلنا من حقكم !
بس للأسف إحنا ماقلنا يعني :p !!
أول وتالي بتوظف أكيد خوو :p




لا ماراح أقول ، وأذكرك :)

بنشوف ......

S.Mcmanaman
02-01-2009, 02:32
اذا بيضبـط نفسـه ويلبس ازرق حيـاه الله..

واذا يبي يسـوي مثـل مباراة المنتخب اللي طافـت يوم يلبس اصفـر اعتقـد بالتصفيـات..

اتمـنى " يقضـب " قـاعه..!! ومايسـافر حنا غنيـين عنـه..

مدمنه*القادسيه
02-01-2009, 02:36
لا تعليــق :):) :rolleyes:

لا تحنجهاا عاد ، قلتها على غشمرة خوو :p