المساعد الشخصي الرقمي

مشاهدة النسخة كاملة : يالطاهر يالأسد...ولله درك يابوندا



Eng_q8
08-01-2009, 00:45
صباح الخير





لاحظت من بدايه البطوله شغلتين وابي رايكم فيها


يعقوب الطاهر قلب الأسد اثبت في البطوله انه قلب الاسد في المنتخب حيث لاحظنا تطور كبير في مستوااه
ولم نشاهد هذه منه من خمس اسنيين وفعلا اثبت انه لاعب كبير وان الباك الايمن للمنتخب اهو مكانه الطبيعي
واتمنى انه ماتكون " فزة كديش " اي انها تطور لمبارتين ثم يعود لمستواه قبل البطولة ..


ثانيآ .. بوندا .. اثبت انه لاعب بطولات كبيرة بكل مرة ... فمع القادسية في الخليجية ومع الوكرة في قطر ومع النصر ومع المنتخب بخليجي 17 هذا هو يعود مره اخرى للأبداع .. وأتمنى هالمستوى يتطور ويتطور ويعود للأحتراف الخارجي لإنه هو مكانه الطبيعي .. وإنه في المباريات القادمة يصنع قبل التسجيل ويبدع .. ولله درك يابو ندا .. أستمر على هالاداء


أتمنى تعطوني رأيكم باللاعبين هذيل ؟



http://photo.alazraq.com/watermark.php?i=17228

iL Fenomeno
08-01-2009, 00:47
بو ندا يا بو ندا..

AMiR Barca
08-01-2009, 00:48
ماقصروا..
وخصوصا بو ندى المباراتيين مستواه فوق النخل..
والطاهر هالمباراة بدع بشكل كبير ,,

FaWaZ
08-01-2009, 00:50
بوندا ما قصر .. كافي القول اليوم وهم ما قصر بالدفاع ..
يعقوب .. يعقوب بالمباراتين اللي طافوا ماشاءالله صج مبدع .. يشيل كرات صعبه .. وسلايتات بالمليمتر ..
دفاع 100% .. و إن شاء الله يستمر منه هالاداء الطيب ..

Blue
08-01-2009, 00:51
الجهه الي يكون فيها الطاهر تطمن و استريح صارت له روح قتاليه من اجل حماية المرمى

لا اله الا الله

و مساعد ندا لو لاحظتو إنا في مباراة عمان هو الي سجل الهدف الملغي

و رد سدد هدفه الصحيح امام البحرين

يعطيكم الف عافية على هالاداء الطيب

والله و بردتو جبودنا :)

مانيو
08-01-2009, 00:54
الطاهر من رايي الشخصي كان نجم هالمباراة ويمكن معاه بنفس المستوى الخالدي

وبالنسبة لبوندا نقوله قودلك على القول بس ما عجبتني تغطيته الدفاعية كلش بالشوط الاول
ولكن بحماسه صحح اخطاءه والزين بمساعد انا مدافع هداف يعني يا من فاول يا من هيد يقولك

أبو فهيد
08-01-2009, 00:55
فديتهم كلهم :)

عميدتهم
08-01-2009, 00:58
ماقصرو وبالذات بو ناصر صج بدع :)

[ 3amer ]
08-01-2009, 00:58
يعقوب الطاهر نجم المباراه مع نواف الخالدي


ومساعدندا قدم أداء جميل جدا :)

مـدريـديـه }~
08-01-2009, 00:59
مستوى دفاعنا بشكل عام ماشاءالله تبارك الرحمن توب نعطيهم العلامه الكامله ما قصروا

لكن الاعبين الي ذكرتهم تغلبوا على نفسهم بشكل كبير قدموا اداء ترفع لهم القبعات عليه

قتاليه واستبسال وروح عاليه واصرار وتفاني واخلاص مهما قلت ما راح اوفيلهم حقهم

رياييل ويرفعون الراس والى الامام انشالله

اهم شي مانبي الغرور والثقه الزايده خلونا على قلب واحد والجماعيه شعارنا

وانشالله بحيل الواحد الاحد اللقب لنا

قولوا امين

تسلم يا الغالي على الموضوع

:)

GaGo_16
08-01-2009, 00:59
الطاهر من الإنفراد إللي شالـه بمباراة عمان بيـن إنـه هالبطولـه " غيــر " ..

بو ندا يا بو ندا كل من يعرفك عدل قبل لا تشوت عارفيـن إنك بتهز الشبــك وما أبالـغ إذا قلــت أعتبر الكورنر بخطورة الفاول إللي على الـ 18 بوجود بو ندا الله يحفظه ولا يغير عليـه ..

Tulip
08-01-2009, 01:00
ماشاءالله عليهم .. كباااااااااار .. الله يحفظهم

مدمنه*القادسيه
08-01-2009, 01:08
يعقوب الطاهر في المباراة الأولى والثانية صج صج
[ زلـــــــم ] .. :)

ناقد
08-01-2009, 01:14
رجال و الله :)
ما نبي نعطيهم عين .. الله يحفظهم ..

كويتاوي 2004
08-01-2009, 01:20
الأسد ... خوش لقب حق يعقوب :)
وقالها Bo Sara أنه إذا ابدع يعقوب وأوقف سلمان عيسي راح نتوفق بالنتيجة .

بوندا روح عالية بالملعب وأداء ولا اروع ... وكل لاعبين ابطال .

مجنونتك يالازرق
08-01-2009, 01:25
الله يحفظهم ويحرسهم من العين

بصراحه اثبتوا فعلا انهم قد انهم يلبسون الفنايل الزرق

Bo Meshari
08-01-2009, 02:54
اللاعبين امبدعييين ..
انشاللع مستواهم يطور اكثر واكثر ..

Esperanza
08-01-2009, 03:00
ما شاء الله عليهم بدعوا !!
صج صج شالوا المنتخب
دفاعنا الحمدالله عموما قوي
من أشوف لاعب مع يعقوب
اعرف ان الكرة خلاص انقطعت !:p
روحهم عالية الله يتمم عليهم

اما مساعد فنان والله
مدافع هداف !!
بس مرات ما يسكر عدل مثل الطاهر

نهير اهوا اللي بهالمباراة شوي قل اداءه !!

TaLaL.
08-01-2009, 03:29
اللاعبين كلهم بدعوا ..

بس يعقوب الطاهر قاعد يقدم مستوى مذهل لاعب مغطي منطقته ومأدي دوره على أكمل وجه ..

الله يتمم على رجال الأزرق هالمستوى ونبي الكأس يارجال

m6iri
08-01-2009, 03:34
كل اللاعبين ماقصروا ومنها للأعلى الطاهر وبوندا

والابداع صراحه المطوع

عاشق ديرتي
08-01-2009, 03:41
مساعد وحش ومبدع ولاعب يريحك

ويعقوب اي بوناصر يا بوناصر

يعقوب الطاهر خلااال 180 دقيقه ارتكب فاول واحد بمكان خطر

وهالشي صعب على اي مدافع عالمي يسوي انت ذيب يا بو ناصر ومركز قلب الدفاع

كان ظالمك وروحوا يا وحوش والقلب وياكم

Lotus
08-01-2009, 03:45
يعقوب الطاهر بدع

عذب المشاعر
08-01-2009, 07:18
الاسـد مبـدع والله وكـان نجم المباراه مع الخالدي

ان شاء الله دوم هذا المستوى يـالحب

ابو ندا مـاقصر

كرستيانو رونالدو
08-01-2009, 07:38
من واقع مباراتين اعطي الافضلية لهالاربعه :-

الخالدي نواف - العنزي مساعد - الطاهر يعقوب - المطوع بدر

مباراة امس تعملق فيها يعقوب لنهاية الشوط وشال رأسية من جدام لاعب البحرين عالزاوية لو لامسها البحريني 100% قول ، بالاعداد كان خوارة بس الحين ( حديد )

مساعد كان حماسه موطبيعي لدرجة انه طلع هجوم على حساب الدفاع لين سجل عقبها طخ شوي وقلل من اندفاعه ، هدفه يستاهله لانه انحرم منه جدام عمان ، احبك يامساعد

نواف يا نواف ، شقول وشخللي :) قدر يعطي الثقة للفريق لما يمرون بلحظة ضعف ولما يفلت مهاجم يكون اخر مدافع ، كبير والله كبير

بدران :) طول عمري متردد بحبك ساعات وكرهك ساعات ، احبك للعبك وفنك واكرهك لانانيتك وتضييعك ، بدر هالبطولة غير ، وصل لمرحلة النضج الكروي ، يعرف متى يمرر ومتى يعدي ومتى يهدي اللعب ، والله لو نهير مو موجود تستحق شارة الكابتن

q8tawiya 4 ever
08-01-2009, 11:20
بو ندا مقدم مستــوى حــلو و ان شاء الله يستمــر

اما الطـــاهر و اضف عليه الخـــالدي نجوم المباراتين بدون منــــازع ... !
شقول شخــلي الجســور و الفدائي مبدعين ..قاطعين الماي و الكهربا ..
" اللهــم لا حســـد " الله يتمم عليهـــم ان شـــاء الله ..

وضيف عليهم طلال نايف لاعب صغير بس و الله اثبت نفسه مستواه وايد حــلو
وبدران ،، بدر 2006 رد بإختصـــار ..

Juve 4 ever
08-01-2009, 11:24
كباار ..

ويعقووب قطع الماي والكهربا عن سلمان عيسى .

m89ed 31
08-01-2009, 11:27
بو نــدا يـــا بونـــدا :clap: :wavetowel2:


الطـــاهر الــطااااااااااااااااااااااااهر :clap:

..:: عبدالله ::..
08-01-2009, 11:27
فعلا كنا متخوفين من هاللاعبين بالتحديد ..

لكن قلبوا كل التوقعات والمخاوف بأداء وروح ولا أروع ..

بحيل الله يستمرون ويختمونها بالكاس ان شاءالله

خليفت عجب
08-01-2009, 11:31
ابو ندا لاعب كبير والطاهر لاعب ممتاز

وكل التوفيق للازرق والاعبين وان شاءلله بعد كاس الخليج الاعبين يحترفون برا الكويت

علي العتيبي
08-01-2009, 11:34
الدفاع بـ شكل عام كلهم ممتازين
أنضباط علي مستوي عالي
قواهم الله
:)

FaWaZQ8
08-01-2009, 11:40
الطاهر وحشششش امس :)