المساعد الشخصي الرقمي

مشاهدة النسخة كاملة : إلـى كـل مـسـتـاء مـن الـتـبـديـل ..!



يــاكــويــت
08-01-2009, 13:01
السلام عليكم ورحمة الله وبركاتة

في البداية الف مبروك للكويت والكويتيين بالفوز على المنتخب البحريني

بس انا لاحظة كثرة الاحتجاج والاستياء من تبديلات المدرب محمد إبراهيم في المباراة الماضيه

وانا في نظري كانت الخطه والتبديلات سليمه 100% لاكن الي يعيب التبديلات هو المستوى الي ظهر فيه البدلاء

محمد جراغ ووليد علي الي ماكانوا في المستوى المطلووب منهم

بعد اقتناص الهدف الاول في الشوط الاول ونتهاء الشوط الاول بهذه النتيجه توقع الكل بأن المنتخب البحريني

سوف يضغط من بداية الشوط الثاني وهذا الي كان حاسب حسابه المدرب من بداية المباراة

بإشراك لاعب مهاري وسريع من بداية المباره (خالد خلف) وفي الشوط الثاني زاد الضغط على المنتخب

وفقد المنتخب الكويتي الكرة في نص ملعبه وبدأ ان المدرب محمد ابراهيم اعتمد على الهجمات المرتدة السريعه

وأشرك وليد علي لاعب سريع يساند الهجمات المرتده وأشرك جراغ للسيطره على خط الوسط

لاكن للأسف كان البدلاء الاثنين ليسوا في المستوا المطلووب واجبروهم البحرينيين على الرجوع لمسانده الدفاع

وهذا الي جعل المدرب محمد ابراهم يطلب من المطوع للرجوع الى الوراء يغطي ثغرات خط النص الي كان شبه

معدووم

في النهاية انا اشوف ان المدرب محمد ابراهيم كان له تخطيط سليم وتبديلاته كانت سليمه وهذا رأيي المتواضع

اسف على الإطاله

AMiR Barca
08-01-2009, 13:05
في موضوع ثاني عن تبديلات وانا كتبت ردي وأعتقد تبديلاته غلط ولو سجل البحرين جان الكلام تغير ..
مقيوله الفوز يغطي العيوب..
أمس الأخطاء كانت فادحه واكانت راح تكلفنا الكثير بس الحمدالله عدت على خير..
الاخطاء اللي صارت بوجهت نظري..
خالد خلف مهاجم ملعبه محمد ابراهيم جناح ولا والاعب اللي جدامه سلمان عيسى من اخطر لاعبين البحرين وخالد خلف مايمتلك نزعة دفاعية والمكان مو مكانه كان ضايع بالملعب ..
لعبه صالح الشيخ اللي كان ضايع دفاعيا وهجوميا وباصاته كان اغلبها خطأ..
تبديله جراغ بعجب صار ضغط وريح دفاع البحرين المفروض يكون الرشيدي مكان عجب ..
دخل وليد علي جناح يمين وهو يسار ..
محمد ابراهيم لازم يراجع نفسه بالتبديلات
مشكور عزيزي

قـاصـد الـخـيـر
08-01-2009, 13:05
ياخي تبي تدخل وليد لعبه في مكانه اللي يلعب فيه ولاتلعب جراغ اذا ماهو جاهز !


وياخي المفروووض بعد خروج احمد عجب يدخل ( مهاجم ) ياتدخل لهيب او الرشيدي عشان يسحب وياه مدافعين مو تدخل وسط وتخلي مدافعين البحرين يرتاحون ويهجمون ويزيد الضغط !


الحمد لله ان الدفاع والحارس توفقوا والحظ شوي ساندنا ولا رحنا فيها من التبديلات البايخه ! حتى مكان خالد خلف كان غلط وشفناه ضايع مو بمكانه ومقيده !


اصحوا شوي لا تفرحون زياده وتنسون الاخطاء .. مو كل مره بتلاقي الحارس والدفاع مبدعين .. ومو كل مره الحظ يكون وياك

m89ed 31
08-01-2009, 13:06
بالـــفعـل أنـــا أوافقــــك الـــرأي البـــدلاء مـــا كـــانو فــي مســـتواهـــم كــــلللـش ..

الــدفــاع آخـــر شــي مـــات هــلكـو الله يعطـــيهم العـــافــية ليـــدرجة انــة ماكـــو بــاص صـــح ..

Mesh3al
08-01-2009, 13:06
جميع النقاد والمحللين على قناة الدوري والكاس والجزيره مثل الجوهري وسعد الحوطي والعنبري اشادوا بواقعيه محمد ابراهيم وقراءته للمباراة وتبديلاته اللي مبين كان من وراها هدف لكن مستوى وليد علي ومحمد جراغ وعدم توفيقهم ما ساعدوه

الاغلب يطالب بفهد الرشيدي وانا برايي البطوله ما انتهت وكشف الاوراق مو من الحين ومثل ما قال بونواف الرشيدي راح ياخذ فرصته

صار عندنا دفاع قوي وصلب نطروا على المنتخب شوي وبيتعدل فاغلبنا ما كان يتوقع الاداء القوي من المنتخب وراضين بالنقطه واليوم احنا باربع نقاط ومتصدرين مع عمان

بالتوفيق للازرق

يــاكــويــت
08-01-2009, 13:09
في موضوع ثاني عن تبديلات وانا كتبت ردي وأعتقد تبديلاته غلط ولو سجل البحرين جان الكلام تغير ..

مقيوله الفوز يغطي العيوب..
أمس الأخطاء كانت فادحه واكانت راح تكلفنا الكثير بس الحمدالله عدت على خير..
الاخطاء اللي صارت بوجهت نظري..
خالد خلف مهاجم ملعبه محمد ابراهيم جناح ولا والاعب اللي جدامه سلمان عيسى من اخطر لاعبين البحرين وخالد خلف مايمتلك نزعة دفاعية والمكان مو مكانه كان ضايع بالملعب ..
لعبه صالح الشيخ اللي كان ضايع دفاعبا وهجومبا وباصاته كان اغلبها خطأ..
تبديله جراغ بعجب صار ضغط وريح دفاع البحرين المفروض يكون الرشيدي مكان عجب ..
دخل وليد علي جناح يمين وهو يسار ..
محمد ابراهيم لازم يراجع نفسه بالتبديلات

مشكور عزيزي




شكرا لمرورك

بس على قولتك خالد خلف انا من اول المتوقعين نزول هذا الاعب من بداية المباراة

والسبب ان دفاع البحرين ضعيف وكان محتاج لاعب مهاري وسريع

الكويت من بداية المباراة كان معتمد على المرتدات لاكن المستوى الي بدأ فيه البحرين كان مستوا عادي

واتوقع ان هذا كان تكتيك مدرب لانه يبي يعطي الثقه للأزرق يتقدمون وعقب يباغتونهم بضغط

لاكن الرعاية الالهيه خلتنا نستغل هذا التراجع ونسجل هدف

يــاكــويــت
08-01-2009, 13:13
ياخي تبي تدخل وليد لعبه في مكانه اللي يلعب فيه ولاتلعب جراغ اذا ماهو جاهز !




وياخي المفروووض بعد خروج احمد عجب يدخل ( مهاجم ) ياتدخل لهيب او الرشيدي عشان يسحب وياه مدافعين مو تدخل وسط وتخلي مدافعين البحرين يرتاحون ويهجمون ويزيد الضغط !



الحمد لله ان الدفاع والحارس توفقوا والحظ شوي ساندنا ولا رحنا فيها من التبديلات البايخه ! حتى مكان خالد خلف كان غلط وشفناه ضايع مو بمكانه ومقيده !




اصحوا شوي لا تفرحون زياده وتنسون الاخطاء .. مو كل مره بتلاقي الحارس والدفاع مبدعين .. ومو كل مره الحظ يكون وياك



يا اخي الكويت للعلم لعب بثلاث مهاجمين شفيك؟؟

لعب بخالد خلف وعجب ومطوع كلهم لعيبه هجوميين بحت

بعد خروج عجب اعتمد على خالد خلف وبعدها بدله مع المطووع

شوف المباراة مره ثانيه وراح تعرف ان خط النص من بداية المباراه كان هلكان

ع العموم شكرا للمرور

Mesh3al
08-01-2009, 13:13
خالد خلف مهاجم ملعبه محمد ابراهيم جناح ولا والاعب اللي جدامه سلمان عيسى من اخطر لاعبين البحرين وخالد خلف مايمتلك نزعة دفاعية والمكان مو مكانه كان ضايع بالملعب ..




وليش ما تقول ان ملعب خالد خلف لانه يملك نزعه هجوميه وبالتالي راح يجبر ان سلمان عيسى يرجع للوراء شوي ويخف من طلعاته علشان يوقف خالد خلف


محد يدري شنو اللي يدور براس بونواف كونه المدرب واكيد في باله شغله واللي يهمنا ان هو المسؤول الاول والاخير عن نتايج المنتخب ولي الحين هو 10/10

AMiR Barca
08-01-2009, 13:19
وليش ما تقول ان ملعب خالد خلف لانه يملك نزعه هجوميه وبالتالي راح يجبر ان سلمان عيسى يرجع للوراء شوي ويخف من طلعاته علشان يوقف خالد خلف




محد يدري شنو اللي يدور براس بونواف كونه المدرب واكيد في باله شغله واللي يهمنا ان هو المسؤول الاول والاخير عن نتايج المنتخب ولي الحين هو 10/10




لما يكون خالد خلف جناح مركزه الاساسي ويعرف متطلبات هالمركز اتفق وياك بس شفنا خالد خلف مو عارف شيسوي امس المركز جديد بالنسبه له ..
واعتقد شفت سلمان عيسى شلون ضغط علينا وسبب خطورة وكانت الضغط كله على الطاهر اللي تحمل عبئ دفاعي كبير..
ومحمد ابراهيم للأسف ماتدارك الخطأ وصلحه ..
زاد الطين بله لما لعب وليد علي اللي هو اساسا جناح يسار ..

Mesh3al
08-01-2009, 13:28
لما يكون خالد خلف جناح مركزه الاساسي ويعرف متطلبات هالمركز اتفق وياك بس شفنا خالد خلف مو عارف شيسوي امس المركز جديد بالنسبه له ..

واعتقد شفت سلمان عيسى شلون ضغط علينا وسبب خطورة وكانت الضغط كله على الطاهر اللي تحمل عبئ دفاعي كبير..
ومحمد ابراهيم للأسف ماتدارك الخطأ وصلحه ..

زاد الطين بله لما لعب وليد علي اللي هو اساسا جناح يسار ..


الضغط ما كان من صوب الطاهر بس الضغط كان على الفريق من كل مكان وحتى لو لعب بغير خالد خلف بكون نفس الشي لان لازم نعترف ان لاعبين المنتخب البحريني افضل من لاعبينا كخبره واستقرار فريق واعداد وبونواف قاعد يلعب على حسب الامكانيات المتاحه له واعداد الفريق هذا اولا

ثانيا المدرب في باله طريقه معينه وخطه معينه يشوف انها الانسب لايقاف مصادر الخطوره هذي ولو لعب بلاعب نزعته دفاعيه بحته يمكن بوقف سلمان عيسى لكن ما راح تشوف ولا هجمه من على الطرف واعتقد اختياره لخالد خلف كان موفق تماما حسب وجهة نظري

ثالثا مثل ما قلت سابقا احنا الحين تخلصنا من مشكلة دفاعنا الضعيف واصبح عندنا دفاع صلب وقوي نقدر نعتمد عليه وهذي مشكله حلها بونواف بالتكتيك اللي يناسب قدرات اللاعبين يبقى المشاكل الثانيه تتعدل مع الوقت الى ان نبني منتخب زين الا اذا كان تفكيرنا لبطوله وحده وبعدها يصير خير لكن اللي حاصل ان احنا قاعد نعد منتخب حاليا وبنتايج حلوه وهذا ما كان متوفر قبل مع كثير من المدربين

صبروا على المنتخب وعلى مدربه

يــاكــويــت
08-01-2009, 13:33
ارفع لك القبعه يا مشعل

:)

AMiR Barca
08-01-2009, 13:37
الضغط ما كان من صوب الطاهر بس الضغط كان على الفريق من كل مكان وحتى لو لعب بغير خالد خلف بكون نفس الشي لان لازم نعترف ان لاعبين المنتخب البحريني افضل من لاعبينا كخبره واستقرار فريق واعداد وبونواف قاعد يلعب على حسب الامكانيات المتاحه له واعداد الفريق هذا اولا

ثانيا المدرب في باله طريقه معينه وخطه معينه يشوف انها الانسب لايقاف مصادر الخطوره هذي ولو لعب بلاعب نزعته دفاعيه بحته يمكن بوقف سلمان عيسى لكن ما راح تشوف ولا هجمه من على الطرف واعتقد اختياره لخالد خلف كان موفق تماما حسب وجهة نظري

ثالثا مثل ما قلت سابقا احنا الحين تخلصنا من مشكلة دفاعنا الضعيف واصبح عندنا دفاع صلب وقوي نقدر نعتمد عليه وهذي مشكله حلها بونواف بالتكتيك اللي يناسب قدرات اللاعبين يبقى المشاكل الثانيه تتعدل مع الوقت الى ان نبني منتخب زين الا اذا كان تفكيرنا لبطوله وحده وبعدها يصير خير لكن اللي حاصل ان احنا قاعد نعد منتخب حاليا وبنتايج حلوه وهذا ما كان متوفر قبل مع كثير من المدربين

صبروا على المنتخب وعلى مدربه


لاعبين ودفاعنا قاعدين يقدمون مجهود خيالي وحماسي ..
لكن كانت في أخطاء وه>ي اللي شفتها بوجهة نظري..
أنا كنت افضل يلعب مقصيد جدام سلمان عيسى ويلعب يسار وليد علي ويكون هجومنا من ناحية وليد علي ..
وتبديله لعجب خلا علينا ضغط كبير وكانت بتضيع المباراة..
لانه هالاخطاء لما تسويها قبل النهائي الفرق ماترحم نتمنى محمد ابراهيم تكون تبديلاته صح ماتخلي فريقنا عليه ضغط ..

Mesh3al
08-01-2009, 13:41
لاعبين ودفاعنا قاعدين يقدمون مجهود خيالي وحماسي ..
لكن كانت في أخطاء وه>ي اللي شفتها بوجهة نظري..
أنا كنت افضل يلعب مقصيد جدام سلمان عيسى ويلعب يسار وليد علي ويكون هجومنا من ناحية وليد علي ..
وتبديله لعجب خلا علينا ضغط كبير وكانت بتضيع المباراة..
لانه هالاخطاء لما تسويها قبل النهائي الفرق ماترحم نتمنى محمد ابراهيم تكون تبديلاته صح ماتخلي فريقنا عليه ضغط ..

وجهة نظرك احترمها والاخطاء راح تلقاها سواء لعبنا هجوم ولا دفاع لانك منتخبك في طور الاعداد لكن على الاقل خلنا نقول الحين البدايه موفقه والتنظيم عالي والروح المعنويه عاليه والمنتخب على الطريق الصحيح :)

كويتاوي ما يغلبونه
08-01-2009, 13:52
الله ستر

التبديلات فعلا جانبها الصواب و الضغط البحريني لولا توفيق الله جان انطقينا 3 على الاقل لكن تألق الخالدي و الدفاع ... جان علوم .

وليد علي مو مكانه اصلا عشان يعطي.
مقصيد افضل من وليد لو منزله باصاته صح و تخفف الضغط عليك.
لو صعد خالد جدام مكان عجب يسبب ضغط على الدفاع بدل تبديله.

بنهاية الحمد لله على الفوز و يظل محمد ابراهيم افضل من يقود الازرق .... بس لا يجرب وايد بمراكز اللاعبين :)

Mesh3al
08-01-2009, 13:56
وليد علي مو مكانه اصلا عشان يعطي.


ما توافقني الراي ان وليد على مو بمستواه اصلا علشان نقول ان مو بمكانه علشان يعطي والدليل مباراة عمان لعب بمكانه الاصلي لكن ما قدم شي يذكر ؟

وليد مو وليد اللي نعرفه لي الحين وان شاء الله بمباراة العراق وان تأهلنا باذن الله للدور القبل نهائي يطلع وليد اللي نعرفه

كويتاوي 2004
08-01-2009, 14:14
يــاكــويــت
شنو تفسيرك بأنه بونواف نزل وليد علي بالجهة اليمني ؟؟ .. وهل تلوم وليد علي انه ما قدم بهالجهة اللي تعتبر مو جهته .

هل توفق بونواف بأنه جعل بدر المطوع يلعب بالجهة اليسري .... يعني شفنا وليد علي يلعب يمين وشفنا بدر يلعب يسار !!! :)

هل توفق بونواف بأن ينزل جراغ وهو مصاب ؟؟

هل تساند إخراج عجب رغم إشغاله للدفاع البحريني ؟؟