المساعد الشخصي الرقمي

مشاهدة النسخة كاملة : يالأخضـر ...إلا الأزرق



مجـرد رأي
12-01-2009, 04:51
يالأخضـر ... إلا الأزرق لايفـوت .. لايفوت .. لايفوت

شخصياً لم أهتم لنتائج منتخبنا الماضية مع قطر واليمن ولاحتى الإمارات ...

ولكن أمام الكويت للإنتصـار " لذة " وللفـوز " طعم آخر " ...

الخصوصية التي تتمتع بها مباريات الأخضر والأزرق .. تعطي حماس " فوق العادة " ...

بصراحة .. لا أهتم لكأس الخليج إن كان في أحضاننا ام لا .. بقدر ما سأتشوق لمشاهدة الشباك الكويتية تهتز كثيراً ...


فرصة الأخضر للخروج بـ نتيجة كبيرة متوفرة وبقـوة ونتمناها كذلك ...



الديربــي الكبيــر

لايفوتــــك

الأزرق

يالأخضـــــــر




تحياتــي ...

MOSCHY
12-01-2009, 04:54
حلـو !
هـذا اللـي نبيـه ..
التحـدي و التنـافس الشـريف بـ المـواضيع

و مـالهـا الا " الكبـار"

الكـويـت × السعـوديـه

احـذر يا سعـودي ;)

العود الآزرق
12-01-2009, 05:02
فرصة الأخضر للخروج بـ نتيجة كبيرة متوفرة وبقـوة ونتمناها كذلك ...




^
^
مبالغ شووووي

آنا آقووولك آنتبهـ من عجب بس
ترى صايم له فتره وموراضي
يفطر الا على شباكم
وبالتوفيق للآزرق والآخضر

شيخ المدربين
12-01-2009, 05:06
اني ارى رؤوسا (خضر) قد اينعت وحاااااااااانقطافها

المستطيل الاخضر بينا يا عيال العم ;)

shaheen
12-01-2009, 05:09
فرصة للخروج بنتـيجة كبيـرة ؟ !!
والله ناس مادري شلون صايرة !
لاتغايـب بس لاتغايب هني يوم الأربعاء بعد المباراة ..

AMiR Barca
12-01-2009, 05:12
أنا ادري ليش ودك تفوز على الازرق لانه بأسوء حالات الازرق صعب تفوز عليه ..

Bent Al_malaky
12-01-2009, 05:25
الكل راح يتابع ديربي الخليج

الازرق والاخضر

والمعروف انه لقاءات الدريبي مالها مقاييس معينه وصعب التوقع منو الفايز

لكن

اذا الازرق حط براسه الفوز الله يعينكم :)

والتاريخ قد يعيد نفسه في خليجي 96 بمسقط فزنا على الاخضر 1-0 سجل الهدف

حمد الصالح :)

مجـرد رأي
12-01-2009, 05:44
حلـو !
هـذا اللـي نبيـه ..
التحـدي و التنـافس الشـريف بـ المـواضيع

و مـالهـا الا " الكبـار"

الكـويـت × السعـوديـه

احـذر يا سعـودي ;)

على عيني وراسي ,, والحذر لمن يستحقه ..

مجـرد رأي
12-01-2009, 05:46
^

^
مبالغ شووووي


آنا آقووولك آنتبهـ من عجب بس
ترى صايم له فتره وموراضي
يفطر الا على شباكم

وبالتوفيق للآزرق والآخضر


قياساً على عطاءات المنتخبين لا أرى مبالغة فيما ذكرت ,,

وبالنسبه لـ عجب وأهدافه اللي صايره مثل " بيض الصعو ينذكر ولاينشاف " ,, أتمنى مشاهدتها .

مجـرد رأي
12-01-2009, 05:48
اني ارى رؤوسا (خضر) قد اينعت وحاااااااااانقطافها

المستطيل الاخضر بينا يا عيال العم ;)

والأخضر سـ يحظر على المستطيل ويأكل " الأزرق " واليابس ,,باذن الله ..

مجـرد رأي
12-01-2009, 05:50
أنا ادري ليش ودك تفوز على الازرق لانه بأسوء حالات الازرق صعب تفوز عليه ..



وزيد على ذلك " كف يصحصح الغافي " ..

AMiR Barca
12-01-2009, 05:54
وزيد على ذلك " كف يصحصح الغافي " ..



وزيد على ذلك ^^ فنقر يصحي النايم ^^

رومـاوي
12-01-2009, 05:56
الـضاهـر الاربعــه مـاصحتـك حـجــي :p

عجـب مـثل بـيض الصعـو ؟

زيـن راح تشـوف البـيض شـلون يـتكـسر عـلـى راس حـارسكـم " الانـيـق " :p

ذيـبـان
12-01-2009, 06:36
اقول ألفقها بس جعلك تحيا قال كف قال


ان قالها الله بنقزرها عليكم ونخليكم اضحوكة البطولة ، وتخبرون الكويت وش تسوي ..


ولا يكثر حكيك ترى مهيب زينه لك علشان ما تصير انت الثاني اضحوكة عندنا هنا فالمنتدى :d

Stop
12-01-2009, 06:53
ياجماعه صاحب الموضوع طرح وجهة نظره بصوره حلوه وزياده عليها حماس

يعني نبي الروح الرياضيه والردود التشجيعيه

انا بيوم قرعة كأس الحليج كنت اتمنى السعوديه معانا ..؟ بس حسافه طلع بمجموعه الثانيه


وقلت يارب نلعب وياهم لأن من 5 سنوات يمكن ما لعبنا مع بعض في بطولة الخليج

والحين وصل المراد :)

ياجماعه ترى مباريات الازرق والاخضر لها طعم خاص وتلاحظون فيها حلاوة الند

كل مبارياتهم اثاره ومتعه فعلاً انتم ديربي الخليج

الاهم من كل هذا نبقى اخوه واحبه ونلتزم بالاحترام والردود الطيبه ولا ننسى انها مجرد كرة قدم

واهلاً بكم يالأخضر بصعوبة الأزرق :)

مجـرد رأي
12-01-2009, 07:10
وزيد على ذلك ^^ فنقر يصحي النايم ^^


الى الآن " أرى صحوة سعودية " ,, قادرة على جعل الفنقر خنجر في خاصرة الأزرق ..

مجـرد رأي
12-01-2009, 07:13
اقول ألفقها بس جعلك تحيا قال كف قال



ان قالها الله بنقزرها عليكم ونخليكم اضحوكة البطولة ، وتخبرون الكويت وش تسوي ..



ولا يكثر حكيك ترى مهيب زينه لك علشان ما تصير انت الثاني اضحوكة عندنا هنا فالمنتدى :d



وصلنا عام 2009 والى الآن فيه ناس تتكلم في هالطريقة !! عجبي .

مجـرد رأي
12-01-2009, 07:15
ياجماعه صاحب الموضوع طرح وجهة نظره بصوره حلوه وزياده عليها حماس

يعني نبي الروح الرياضيه والردود التشجيعيه

انا بيوم قرعة كأس الحليج كنت اتمنى السعوديه معانا ..؟ بس حسافه طلع بمجموعه الثانيه


وقلت يارب نلعب وياهم لأن من 5 سنوات يمكن ما لعبنا مع بعض في بطولة الخليج

والحين وصل المراد :)

ياجماعه ترى مباريات الازرق والاخضر لها طعم خاص وتلاحظون فيها حلاوة الند

كل مبارياتهم اثاره ومتعه فعلاً انتم ديربي الخليج

الاهم من كل هذا نبقى اخوه واحبه ونلتزم بالاحترام والردود الطيبه ولا ننسى انها مجرد كرة قدم

واهلاً بكم يالأخضر بصعوبة الأزرق :)

على عيني وراسي .. شاكر لك الاطراء .. والأزرق لولاه غالي ماتحمسنا له ..

ذيـبـان
12-01-2009, 07:31
وصلنا عام 2009 والى الآن فيه ناس تتكلم في هالطريقة !! عجبي .



اجل " كف وفنقر وبيض الصعو " هذا احدث ما توصل إليه المتحدث الرياضي في عام 2009 ؟


لا يكثر الله يجزاك خير والحماس واحترام الخصوم له حدود ..

مانيو
12-01-2009, 07:41
حلـو !
هـذا اللـي نبيـه ..
التحـدي و التنـافس الشـريف بـ المـواضيع

و مـالهـا الا " الكبـار"

الكـويـت × السعـوديـه

احـذر يا سعـودي ;)
,,,,,,,,,,,,,,,,

مانيو
12-01-2009, 07:43
وصلنا عام 2009 والى الآن فيه ناس تتكلم في هالطريقة !! عجبي .


اعذرنا بس للأسف ليلحين عندنا ناس ما ادري شقولك

BLUE_12
12-01-2009, 07:46
واخيرا راح نشهد ديربي خليجي في هالبطوله وانشالله الازرق يطلع مستواه الحقيقي في هالمباراه بالتوفيق للمنتخبين خاصا الازرق

سعودي وعشقي هولندي
12-01-2009, 08:09
التزم الصمت ودع الاقدام السعوديه تتحدث يوم الاربعاء ;)

كرستيانو رونالدو
12-01-2009, 08:47
مباراة كبيرة وراح يلعبها بو نواف بحنكة وذكاء
السعودية ماتفوز عليهم الا انك ترفع ترفع ترفع فيهم وفجأه ....... !!
تطقهم 1/0 وتنتهى المباراة ناس تقعد بمسقط وناس ناطرتها الباصات :)

روز الاصفر
12-01-2009, 08:48
زرقاء باذن الله
بنقولكم كلش ملك

مع العلم الفايز بنارك له ونقول للخاسر هاردلك

امطار
12-01-2009, 09:03
شعنده راعي الفصحى http://up.do7a.com/get-1-2009-do7a_com_etud15sw.gif (http://up.do7a.com)

ياخي ولله ندري انكم تمنون الفوز علينا اكثرمن امنيتكم بالفوز بالكاس

بس بسألك سؤال .؟

يومكم لي ذا الدرجه واثقين من فوزكم علينا شله شاطين روحكم ( وجه مستغرب )

شكلكم ماغصتكم بطونكم http://up.do7a.com/get-1-2009-do7a_com_etud15sw.gif (http://up.do7a.com)

كبييييييير يالازرق ولله كبييييييييييير

Insan
12-01-2009, 09:04
شعنده راعي الفصحى http://up.do7a.com/get-1-2009-do7a_com_etud15sw.gif (http://up.do7a.com)

ياخي ولله ندري انكم تمنون الفوز علينا اكثرمن امنيتكم بالفوز بالكاس

بس بسألك سؤال .؟

يومكم لي ذا الدرجه واثقين من فوزكم علينا شله شاطين روحكم ( وجه مستغرب )

شكلكم ماغصتكم بطونكم http://up.do7a.com/get-1-2009-do7a_com_etud15sw.gif (http://up.do7a.com)

كبييييييير يالازرق ولله كبييييييييييير

كل يرى الناس بعين طبعه..

كويتاوي ما يغلبونه
12-01-2009, 09:07
الدفاع الكويتي القديم الي خبركم فيه ...... المشخال :p وله زمانه الحمدلله و اليوم تم ترميم الدفاع و يأدي ممتاز .

الصراحه فعلا اتوقع فوز كويتي ... مو عشان مستوانا قوي .... لكن عندنا روح قتاليه بالملعب :)

Aziziano
12-01-2009, 09:24
الـمنتخب الـسعودي كـبير .. و يـعتبر الـثاني بـالخليج بـعد الأزرق .. مـا نـستهين فـيه .. و كـلنا ثـقه بـ ربـعنا ,,

كرستيانو رونالدو
12-01-2009, 09:35
الـمنتخب الـسعودي كـبير .. و يـعتبر الـثاني بـالخليج بـعد الأزرق .. مـا نـستهين فـيه .. و كـلنا ثـقه بـ ربـعنا ,,


:wavetowel2:

امطار
12-01-2009, 09:56
كل يرى الناس بعين طبعه..





بصراحة .. لا أهتم لكأس الخليج إن كان في أحضاننا ام لا .. بقدر ما سأتشوق لمشاهدة الشباك الكويتية تهتز كثيراً ...




http://diwania.alazraq.com/images/icons/1.gif

Za3iM
12-01-2009, 10:46
احذر يا سعودي الموج الازرق آآآتي

:):):)

كويتيه80
12-01-2009, 11:24
هذا اهو المووج الازرق لا تطب في بحره تغرق


ننطر المباراه على نار
:)))

ياعونك يباا
12-01-2009, 11:33
^

^
مبالغ شووووي


آنا آقووولك آنتبهـ من عجب بس
ترى صايم له فتره وموراضي
يفطر الا على شباكم

وبالتوفيق للآزرق والآخضر



تعجبــــــــــــــني :)

ياعونك يباا
12-01-2009, 11:45
والأخضر سـ يحظر على المستطيل ويأكل " الأزرق " واليابس ,,باذن الله ..

:)

تصحيح لما ذكرت

الازرق سيحظر على المستطيل وياكل "الخضر "واليابس:)

L3eoonk
12-01-2009, 11:51
اقول ألفقها بس جعلك تحيا قال كف قال



ان قالها الله بنقزرها عليكم ونخليكم اضحوكة البطولة ، وتخبرون الكويت وش تسوي ..



ولا يكثر حكيك ترى مهيب زينه لك علشان ما تصير انت الثاني اضحوكة عندنا هنا فالمنتدى :d





الله يصلح شانك .. عذراً بأسلوبك هذا ماتمثل منتخبك

وقت التعصب أنتهى الكره صارت ثقافه وتدرس


؟!؟!؟؟

L3eoonk
12-01-2009, 11:55
مباراة كبيرة وراح يلعبها بو نواف بحنكة وذكاء
السعودية ماتفوز عليهم الا انك ترفع ترفع ترفع فيهم وفجأه ....... !!
تطقهم 1/0 وتنتهى المباراة ناس تقعد بمسقط وناس ناطرتها الباصات :)





هذا الكلام الي خايف منه ونقال



الله يستر بس

lazo0ordi_q8
12-01-2009, 11:57
يا الازرق الا الاخضر :p

Esperanza
12-01-2009, 12:01
تدري شالمشكلة ؟!
ان الديربي ما يعترف بالمستويات

انا معاك مستوى السعودية أفضل ،،!

بس بالمنتخب الكويت في " الروح "

تذكر لما فزنا 2-1 !
كانت منتخبنا ذاك الوقت
أضعف بوايد من هالمنتخب !!

بس لقاء الكبار غير ;)

إن شاء الله المباراة بتكون قوية
والنتيجة بيقولونها اللاعبين ما نقدر نقول إلا " يـاللله "

دموع الغربه
12-01-2009, 12:02
من آجمل مباريات البطـوله وان شاءالله الموج الأزرق بيغطي على الأخضر. .

رفيج الدلفين
12-01-2009, 12:03
انشالله تصير مباره حماسيه من الصوبين ويفوز المنتخب الكويتى الانه مستوى الكويت معا الاسف مزرى يحط قول ويقعد يسولف معا الحارس هذا مانبيييه مو مهم الفوز يجماعه والله اللعب اهم هذا راى الى يفهم كوره لاكن امنيتى طبيعى انه ياخذ كأس العالم بس مو بالمستوى حرام نحطم مابناه الاباء والاجداد اصحوووووو منتخب الكويت حط قول ولاتهد الخصم ياخذ راحته واتمنى صالح الشيخ يريييييييييح بليييز تراه غثنى يخوان ودمتم

I'am Kuwaitia
12-01-2009, 13:02
العقل و المنطق يقولك ألف مبروك يا الأخضر ببلوغك النهائي ..
بس نأمل من أزرقنا تغير صورته للأفضل في هذه المباراة .. و إعطاه الأخضر
درسا قاسيا لن ينساه ..

و نبي جذي من هالمواضيع
الحماسية .. :)

TaLaL.
12-01-2009, 13:11
إن شاءالله وبأذن الله ..

الموج الأزرق يغرق الأخضر ! :)

MARSHAL
12-01-2009, 13:44
كأني أرى مانشيتات الصحف غدا ..

عجب يفطر .. وياكل (الأخضر) واليابس

mako meni
12-01-2009, 13:47
على راسنا عيال العم .. بس مبالغين فيها تطلعون بنتيجه كبيره .. فكو نفسكم اول شي

اموت ونا واقف
12-01-2009, 14:05
هذا ديييييييييييييييييييييييييربي مايعترف بالمقاييس ماأبالغ اذا قلت ان اخر 20 لقاء سواء اسيوي تصفيات والا كاس العالم والا ودي كانت كفة الاخضر الارجح قبل اللقاء بحكم المستوا الفني لكن لو تشوفون اغلب النتايج اللي يخرج منها المنتخب بفارق هدف والا هدفين وفي كم مباراة انسرقت منا... بالمختصر هذا ديربي..

The lord
12-01-2009, 14:11
عجـب مـثل بـيض الصعـو ؟

زيـن راح تشـوف البـيض شـلون يـتكـسر عـلـى راس حـارسكـم " الانـيـق " :p

من بؤك لباب السما ..

من زمان ما غنينا لك (( عجـب يــا عجــب ))

Cutie_aZzuRriya
12-01-2009, 14:13
" ...

بصراحة .. لا أهتم لكأس الخليج إن كان في أحضاننا ام لا .. بقدر ما سأتشوق لمشاهدة الشباك الكويتية تهتز كثيراً ...





eshd3wa 3ad tabeii tehtz la tbale`3 wayed bnshooof shlon bt3doun mn dfa3na almrsoum mn Bo Nawaf .:eek:.. o allah yaster inshallah khair

pink dream
12-01-2009, 14:33
والله الخوف من لاعبينا ومزاجهم

وإلا الكويت مامـن خـوف ;)



إن شاءالله يكونون مشتهين يفوزون ويبدعون بالمرمى الكويتي مع كل الحب والود لأشقائنا الكويتيين :\




بليييز لاتخربون الموضوع كلـ"ن" يتحدى بمنتخبه من غير غلط نبي حماس وتنافس بروح رياضيه ..

pure soul
12-01-2009, 15:24
ماراح يصير إلا المكتوب ..
وأتمنى أخضرنا أكيد.. بس قهر كنت أتمنى نقابلكم بالنهائي ..

ولا نرضى إلا بالتنافس الشريف..