المساعد الشخصي الرقمي

مشاهدة النسخة كاملة : وقــــفه ,,,,,, وتطلــــــعات كـــويتيه



السعـيدي
15-01-2009, 04:39
السلام عليكم ورحمة الله وبركاته

في البدايه نبارك لاخوننا واشقاائنا في السعوديه وعمان صعوودهم بجداره للمباراه النهائيه ونتمنى اننا نشووف نهااائي مميز يعكس الكورة الخليجيه في الخارج في ابهى صووره

.............

رجال الازرق كفييتوا ووفييتوا على هذا الاداااء المقنع في كأس الخليج رغم الاستعداد المتواضع ورغم المشاكل اللي حصلت للكورة الكويتيه الا انكم اثبتوا للجميع ان الازرق بإذن الله قادم في البطولات القادمه متى ما تهيئ الوقت الكافي
لعمل استعداد ومعسكر يثمر واجباته في البطولات

نعم الجمهور الكويتي راضي عنكم في هذا البطووله ولكن فقط في هذي البطوله لانه الشارع الرياضي يعذركم فيهااا

نجوم الازرق الشارع الرياضي يتمنى من جميع اللاعبين انكم تطورون من نفسكم عبر انديتكم وانه لا يوقف طمووحكم
عند شيء معين حاولوا قد ما تقدرون انكم تستفيدوون من مدربينكم في الانديه حتى يجني الوطن منكم في البطوولا ت الخارجيه

محمد ابراهيم كفيت ووفيت وهذا اللي عندك وقدمته والله يجزاك خير فيه اخطاء حصلت في المبااريات لكن البطل هو من يتعلم من اخطااائه ويصعد للمنصااات

,,,,,,,,,,,,,,,

الكل شاهد ليس الريااضيين في الكويت بل في جميع دول مجلس التعاون في مسقط رجال الرياضه في الكويت وحضوورهم الملفت نتمنى نحن الجماهير الرياااضيه ااننا نشوف هذا المشهد هنا على ارض الصداقه والسلام كويت المحبه
نتمنى اننا نشووفكم يد وحده من اجل الكويت كل منكم يعمل في مجاله
طووروا من انديتكم طالبوا بتفرغ اللاعبين عدلووا من ارضيات انديتكم كلن يعمل في مجاله اللي يحبه ويظهر بعد ذلك عملكم على المنتخب ومشاركة انديتكم في الخارج لرفع اسم الكويت
ليكون شعاركم واحد

القدساوي يعمل للقادسيه من اجل مصلحة وطنه
العرباوي يعمل للعربي من اجل مصلحة وطنه
الكويتاوي يعمل للكويت من اجل مصلحة وطنه
والسلماوي والكظماوي وجميع الانديه يكون شعارها واحد هو الوطن


نتمى اللي شفناه في مسقط نشووفه على ارض الواقع في الكويت الحبيبه

اخووك السعيدي

حــر
15-01-2009, 05:14
كثر الله خير الشباب عملوا اللي عليهم واكثر وتفوقوا على
انفسم رايتهم بيضه لكن دوام الحال من المحال ..
لازم نرضى بالامر والواقع , ونجاري الاحداث
اللي تمر فيها كرتنا الكويتية ..

لانطالع فوق واجد ، الكويت ايام ابيض واسود انتهـــــــــــت بــلا رجعة ..
بلد شحيح المواهب , شحيح الدعم , نزاعات داخلية ,
فقيرة البنى التحتية بشكل مقزز , اتحاد سقيم بلا جدول اعمال ثابت
تاسيس فاشل .. و و و و و ؟.. من غير رجعة ! ..
لنرضى بالامر الواقع ولانكن شعب طماع بما ان الكثير يقف مكفوف الايدي
لايجيد سوى طلاقة اللسان ..

لنكن واقعييـن الكويت بهذا الاتجاه اللي تسيره حكومتنا من غير دعم وتخطيط وانديتنا مع
صراعاتها فـ زمنياً 15 سنة للامام سنصارع انفسنا بالمراكز السفلية ..

A L A Z R A Q
15-01-2009, 05:23
الحكومه ما تبي رياضه

وإلا المواهب الحمدلله موجوده بس تبي من يصقلها

qlby-azrg
15-01-2009, 05:32
انشاءالله تشوف اكثر بعد..

ودام انلغوا التكتل والمعايير بتشوف الخير جداكم انشاءالله..

DvD
15-01-2009, 05:38
هالبطولة اتوقع فال خير على الرياضيه الكويتيه .. قاعد نشوف اهتمام من قبل رجال الاعمال ودعم للمنتخب سواءا عن طريق الدعم المادي او عن طريق الدعم الجماهيري لهم ... قاعد نشوف اهتمام من قبل المسؤولين في الدوله قاعد نشوف مرزوق الغانم والبنوان وطلال الفهد وجميع الرياضين في الكويت كلهم واقفين وقفة وحده وتحت اسم واحد .. والاجمل من ذلك قاعد نشوف اهتمام سمو الامير بالمنتخب الكويتي .. بعد كل مباراة سوااءا كان المنتخب فايز او متعادل او حتى مغلوب نشوف رسايل التهنئه اللي يبعثها لرئيس الوفد يهني المنتخب على المستوى اللي ظهر فيه .. شفنا المكرمه الاميريه بارسال طائرات على حسابه الشخصي .. شفنا اهتمام من قبل الشركات بلاعبينا ..

وباذن الله القادم بيكون افضـــل ..

Stop
15-01-2009, 06:19
بو سعيد شخبارك :)

لك وحشه آآآد كده يــ ألـبي

وانااتفق معاك ومــعـ موضوعك الجميل