تخاريف كيبورد ..!!!

[ثلاثين]

بعد ان مر الزمن على لابتوبي
وعتق
اصابه الزهايمر..
وبدأ يخرف دون ان يلمسه احد ..


اليوم تركت لكم الكي بورد ليسمعكم تخاريفه المعتاده




(( حرب شوارع ))

http://upload.wikimedia.org/wikipedia/commons/e/e9/%D8%B4%D8%A7%D8%B1%D8%B9_%D8%B9%D9%8A%D9%86_%D8%B3 %D8%A7%D8%B1%D8%A9.jpg
بالكويت لما تكون ماشي بالطريج ع الخط السريع بحالك تشوف
مالاعين رأت ولا اذن سمعت ولاخطر على بال بشر
تكون ماشي يمين يغثك اللي جدامك واهوه ماشي 40 :eek:
تروح بالنص اييون يبتونون ويحكون سيارتك :mad:
تمشي يسار اييك اللي طاير ويطق فلشرات عشان توخر
تبي توخر مايعطيك فجه اي انطر شوي :mad:
توقف عند الاشارة الحمرا توها شبت خضرا مامدا ماصار
لها ثواني يدق لك هرن اللي وراك :mad:
تروح الكلية وطريج الكليات وايد حلو ماشالله خصوصا بشويخ
وما ادراك ماشويخ كل العجايب تشوفها هناك اللي ينام عليك
واللي يسفل فيك ماتدري ليش واللي بدال لا يطق اشارة يأشر بيده
واخر شي يطلع لك طالب توه شكله سنة اولى جامعه توه سايق
ويوقف عند الاشارة يدرس تشب الخضرا وتيي الصفرا وترد الحمرا والاخ معطل
السايد عشان يدرس سؤال مدام شاطر لي هالدرجه جان درست ابيتكم
بذمتك ماودك تنزل له تثور فيه ويقولون ليش الناس يصيرون مجرمين ؟؟
من هالاشكال :mad2:







(( تناقضات شعب ))

http://www.air.flyingway.com/airlogo/flag/Kuwait-map2.gif

1- ريال ملتحي ومتدين ماشالله يدش المسيد يصلي الفريضه ويطولها
شوي ويصلي صلاة سنة بعد عشان الاجر من الله ويطلع من المسيد
يسولف ويا صاحبه والا يشوف قطو مار ياخذ طابوقه ويحذفه فيها
ليش هاذي مو روح ؟؟ وين الدين اذا بالحيوان ماصار فيك رحمه ؟؟
طابوقه مرة وحده حرام عليك وين راحت صلاتك
والا اهيه بس حركات تسويها وبس؟؟؟
2- سيارته عند المنظرة اللي جدام معلق ادعيه وايات وقرآن ومن ورا السيارة
كاتب لا اله الا الله او ماشالله او حديث وعند البعض ياحسين والا كف العباس
والا صلاة على النبي
وبس يسفط عند الاشارة يطل بسيارة البنية اللي يمه
اقول .. اعزمج على عصير ؟؟؟











(( رجال ونساء ))

http://1.bp.blogspot.com/_6t5TJ60LKcs/SZi2nVz5IKI/AAAAAAAAAfc/q9VwUcHMJh4/s400/1228207142.gif

الرجل هو الشخص الذي يحمي عائلته
الذي يحافظ على كرامة امه واخته وزوجته
الذي يحترم المرأة ويضعها تاجاعلى رأسه
فالتي اتت به الى هذه الدنيا امرأة
والتي تعتني به طوال اليوم امرأة
والتي تحن عليه وتواسيه وتسعده امرأة
والتي تكون له عائلة وسلالة امرأة
المرأة هي الانسانة التي تحمي عائلتها
التي تحافظ على كرامة والدها واخيها وزوجها
التي تحترم الرجل وتضعه وسط عينيها
فالذي رباها وتعب هو رجل
والذي صرف عليها وكافح من اجلها رجل
والذي احبها من قلبه وراعاها رجل
والذي رزقها بنعمة الامومة رجل
لكن ...
انظر الى الواقع ..
فالرجل الحقيقي اللي يقدر يقول حق امه لا مو بكيفج عشان لا يقولون ولد امه:rolleyes:
الرجل الحقيقي اللي يكفخ اخته وايرها من كشتها مو عشان شي بس لانه ريال:rolleyes:
الرجل الحقيقي اللي يدوس ابطن مرته لانه ريال البيت وعلى اي شي يقول لا عشان مايصير سكان شفر:rolleyes:

المرأة الحقيقية اللي تخلي ابوها يسوي لها كل شي ولما يبي منها شي واحد ماتسويه:rolleyes:
المرأة الحقيقية اللي لي قال لها اخوها ادني عن وراج عطته بو آآآآآآآآآآآآآآآ يباااا شوفه يتدخل بخصوصياتي شوفه يتأمر علي شوفه طيح حظي :rolleyes:
المرأة الحقيقية اللي لي حاجاها ريلها عطته اللسان الطويل ونتفت ريشه لا من معاش ولا شي وخلته على الله وعلى قطيات الربع والا الفلوس اللي يزرقها من وراها:rolleyes:







(( حتة سياسة ياقماعه ))
لي متى عايشين على نظام انقي من القانون والدستور الحجي
اللي ابيه واللي ما ابيه اعطيه طاف
لما يقولون بنصدر مرسوم ضرورة نعدل الدوائر يقولون لا هذا مو ضرورة
انزين ماشي اوكي انا وياكم
بس تييني تقولي طلع مرسوم ضرورة الغي تجريم الفرعيات ؟؟
ليش يعني هاذي اللي ضرورة ؟؟
دش المجلس والغي الفرعيات مثل ماتبي
عشان بس اوضح شغله انا مو مع تجريم الفرعيات
لكن القانون قانون واللي حاطينه نصهم كانوا قبليين
القانون صدر الحين وخلاص واحنا مالنا راي عقب القانون
بس اطلع واشكره اقول حق الحكومة يلا الغي التجريم عشان
بسوي هالجريمة ؟؟ صج والله يعني هذا اللي ضرورة
انا الحين ابي الحكومة تلغي تجريم السرقة ببوق شرايك ؟؟
لا والادهى والامر يقول الغاء التجريم اهم من استقرار الاقتصاد
الجمبزة شلون صايرة حمرة والا خضرة ؟؟
يعني تجريم الفرعيات اهم من الازمة الاقتصادية ؟؟
تبي تدش فرعية دش اكسر القانون ودوس ابطنه ودش
مو اول مرة انت المرة اللي طافت دشيت وكسرته وفزت
دش الحين والا خايف هالمرة الظاهر ؟؟







(( اهداء الى النادي الملكي ))

http://qadsia.com/News/images/qadsiaball.jpg

يقول الشاعر :
الا يازمان الردا اكثر ودادك مر
القطو عظ الاسد وخلى دموعه تخر
;)





(( اللي على راسه بطحه يتحسسها ))

اللي راح ينكتب الحين مكتوب لاشخاص معينين
واللي عارف نفسه مسوي الشغله
" يتحسسها "

* لما اقول رايي انا حرة برايي انا مو مجبورة اؤيدك بالراي عشان اطلع بنظرك وحده افهم ;)

* مو ملاحظ اني من حطيت التوقيع "اياه" وانا ما اشبك بالمنتدى احساسي يقول انك انت اللي بلغت عني ;):p:p

* ماينعرف لج مرة مع ومرة ضد ;)

* 4-0 ;):p

* مو لازم اشجع ناديك عشان اطلع افهم بالكرة ;)

* انا صج بنية بس مخي عن ثلاثين ريال لا تتصور انك بس انت اللي تفهم ترا حتى البنات يفهمون ;)





(( امنيات ))
اتمنى اشوف هالسنة أمرأة كفؤ تدخل المجلس
اتمنى انها تكون يا اسيل العوضي او رولا دشتي مع احساسي بان سلوى الجسار راح تكون وزيرة
اتمنى بعض النواب مايردون المجلس
اتمنى الناس توعى الكويت مو ناقصه
اتمنى تعدى سنة ثانية حقوق على خير
اتمنى يوم 10-4 ايي بأسرع وقت
اتمنى عجب يسوي العملية ويرد بالسلامة
اتمنى القادسية ياخذ الدوري
اتمنى ليفربول ياخذون الدوري
اتمنى اللاعب اللي ابالي يتعور يوم مباراة القادسية والعربي :p
اتمنى توقفون تحدي بالمنتدى قبستوا علينا من سوينا تحدي واحنا كله ماكلينها :(
اتمنى ماتكونون مليتوا من موضوعي:o
اتمنى لكم الصحة والعافيه



وعجب ياعجب :p

[aL-3a9eM]

رووووووووعه

و ولكم بـاك ..

" عجب يا عجب " :p

[A.L.I]

تسلم ايدج كاتبتنا..

[Cutie_aZzuRriya]

تسلم ايدج على هالتخاريف :)
وان شاء الله كل امنياتج تتحقق سويت ..

[GaGo_16]

حــرب الشوارع عادي خـو مو شي يديد !!
أمس بالبانزيــن قعا أعبي ويمي وحده قعا تعبي فجأه وأنا ساهي بتفكيري :p ما أوعا إلا " طااااااااااااااااااااط " ومع صدى المحطــه !! ليش يبا ?! :@:@ ولا عشان واحد مار بسيارتـه بيني وبينها والظاهر عبالها قريب منها بيحوشها !! طالعتـها أقرى شفايفـها ولا قـعا تصارخ عليــه يــا حمــــــــــــــــــار !! شهالقلـة أدب ويــن الإنوثــه !! :mad:

حتى سياسـه يا قمـاعـه .. همــه تفكرهم كده :D:p



(( امنيات ))
اتمنى اشوف هالسنة أمرأة كفؤ تدخل المجلس ,, الله لا يقولــه :p
اتمنى بعض النواب مايردون المجلس ,, آميـــن :d
اتمنى الناس توعى الكويت مو ناقصه ,, مستحييـــل :p
اتمنى تعدى سنة ثانية حقوق على خير ,, آميــن :o
اتمنى يوم 10-4 ايي بأسرع وقت ,, شمعنــه ؟! :p
اتمنى عجب يسوي العملية ويرد بالسلامة ,, متوقعــه يرد يلعب كره !! قتلج اللاعب إنتهى :p
اتمنى القادسية ياخذ الدوري ,, الله لا يقوله :p
اتمنى ليفربول ياخذون الدوري ,, بعد ما هزأونه :p
اتمنى اللاعب اللي ابالي يتعور يوم مباراة القادسية والعربي :p ,, خالد خلـف ؟! :p
اتمنى توقفون تحدي بالمنتدى قبستوا علينا من سوينا تحدي واحنا كله ماكلينها :( ,, إرضي بالواقع وإنـه هذا مستوى فريقكم :rolleyes:
اتمنى ماتكونون مليتوا من موضوعي:o ,, متى ناوي يخلص ؟! :rolleyes::p
اتمنى لكم الصحة والعافيه ,, أجمعين إن شاءالله ..

[ثلاثين]

بوخلي
تسلم ولاكم

علي
مشكور ع المرور اخوي العود

كيوت ازوريا
يسلمج اجمعين انشالله


وعجب ياعجب :p

[shahad Q8]

طرحج حلو و أشاركج تمنياتج الأولى بس و ان شاء الله تتحقق ..

[ثلاثين]

حــرب الشوارع عادي خـو مو شي يديد !!
أمس بالبانزيــن قعا أعبي ويمي وحده قعا تعبي فجأه وأنا ساهي بتفكيري :p ما أوعا إلا " طااااااااااااااااااااط " ومع صدى المحطــه !! ليش يبا ?! :@:@ ولا عشان واحد مار بسيارتـه بيني وبينها والظاهر عبالها قريب منها بيحوشها !! طالعتـها أقرى شفايفـها ولا قـعا تصارخ عليــه يــا حمــــــــــــــــــار !! شهالقلـة أدب ويــن الإنوثــه !! :mad:

المفروض تنزل له بشوزن اصلا :yes:

:p

حتى سياسـه يا قمـاعـه .. همــه تفكرهم كده :d:p



(( امنيات ))
اتمنى اشوف هالسنة أمرأة كفؤ تدخل المجلس ,, الله لا يقولــه :p ماراح ارد عليك لانك عنصري :mad:
اتمنى بعض النواب مايردون المجلس ,, آميـــن :d
اتمنى الناس توعى الكويت مو ناقصه ,, مستحييـــل :p بالضبط
اتمنى تعدى سنة ثانية حقوق على خير ,, آميــن :o
اتمنى يوم 10-4 ايي بأسرع وقت ,, شمعنــه ؟! :p حلم لي يتحقق :)
اتمنى عجب يسوي العملية ويرد بالسلامة ,, متوقعــه يرد يلعب كره !! قتلج اللاعب إنتهى :p هم ماراح ارد عليك :mad2::mad2:


:p
اتمنى القادسية ياخذ الدوري ,, الله لا يقوله :p تراهن ؟؟ :p
اتمنى ليفربول ياخذون الدوري ,, بعد ما هزأونه :p فريقك مو تكانه :rolleyes:
اتمنى اللاعب اللي ابالي يتعور يوم مباراة القادسية والعربي :p ,, خالد خلـف ؟! :p لاعب مايستحي على ويهه ولا يحترم الحارس اللي اكبر منه :p
اتمنى توقفون تحدي بالمنتدى قبستوا علينا من سوينا تحدي واحنا كله ماكلينها :( ,, إرضي بالواقع وإنـه هذا مستوى فريقكم :rolleyes: اللي يقول الحين العربي مشقق النوادي حتى الشباب طاقينكم لا و4 بعد :lol:
اتمنى ماتكونون مليتوا من موضوعي:o ,, متى ناوي يخلص ؟! :rolleyes::p
اتمنى لكم الصحة والعافيه ,, أجمعين إن شاءالله ..



وعجب ياعجب

.............................