المساعد الشخصي الرقمي

مشاهدة النسخة كاملة : دراسة الطيران المدني



Al-Saleh
08-04-2009, 14:16
السلام عليكم ورحمة الله وبركاته


أنا مخلص و عندي شهاده جامعيه تخصص it

وحبيت اني أدرس الطيران المدني و حبيت أسأل عن الأماكن التي تدرس الطيران المدني وين ؟
وشنو المتطلبات لدراسة الطيران المدني؟ ؟

اللي اعرفه انه الكويتيه ما يقبلون الا الشهادات البريطانيه مادري هل شي صج ولا لأ , و باقي الشركات نفس الوطنيه و الجزيره يقبلون الشهاده الأمريكيه ؟

رحت الكويتيه موقفين طلبات الحين و مايدرون متى يفتحون التقديم فقلت ابي ادرس على نفقتي الخاصه بس بعرف وين المعاهد الزينه ؟ و لو في موقع حقهم عشان اراسلهم

ياريت احد يفيدني بهل موضوع :)

GuiTarNo
08-04-2009, 14:30
في معهد معتمد عالمي دراسات الطيران بدبي شايفله اعلانات و دعايات ..

Freddie
08-04-2009, 17:39
السلام عليكم ورحمة الله وبركاته


أنا مخلص و عندي شهاده جامعيه تخصص it

وحبيت اني أدرس الطيران المدني و حبيت أسأل عن الأماكن التي تدرس الطيران المدني وين ؟
وشنو المتطلبات لدراسة الطيران المدني؟ ؟

اللي اعرفه انه الكويتيه ما يقبلون الا الشهادات البريطانيه مادري هل شي صج ولا لأ , و باقي الشركات نفس الوطنيه و الجزيره يقبلون الشهاده الأمريكيه ؟

رحت الكويتيه موقفين طلبات الحين و مايدرون متى يفتحون التقديم فقلت ابي ادرس على نفقتي الخاصه بس بعرف وين المعاهد الزينه ؟ و لو في موقع حقهم عشان اراسلهم

ياريت احد يفيدني بهل موضوع :)
شوف اذا رحت على حسابك بدون لايدزونك الكويتيه قط شهادتك بحر .. حتى لو رحت نفس الجامعه الي يدزون الكويتيه .. لانه انت تدرس اهناك دراسه نظريه بعدين عمليه على الون انجن وتو انجن .. ترد الكويت لازم دوره 6 اشهر مع سمليتر وطيار متدرب 6 اشهر .. بعدين من تصير فيرست اوسير b تشتغل عادي .. يعني حاول تروح عن طريق شركه مثل الجزيره او الوطنيه او الكويتيه .. لاتفكر تروح على احسابك .. وشيل من راسك الكليات البوطقه مثل الي بدبي وامريكه .. الي بقطر اقوه منهم بس غاليه وماياخذونك بالكويت اذا تخرجت

Al-Saleh
08-04-2009, 18:44
شوف اذا رحت على حسابك بدون لايدزونك الكويتيه قط شهادتك بحر .. حتى لو رحت نفس الجامعه الي يدزون الكويتيه .. لانه انت تدرس اهناك دراسه نظريه بعدين عمليه على الون انجن وتو انجن .. ترد الكويت لازم دوره 6 اشهر مع سمليتر وطيار متدرب 6 اشهر .. بعدين من تصير فيرست اوسير b تشتغل عادي .. يعني حاول تروح عن طريق شركه مثل الجزيره او الوطنيه او الكويتيه .. لاتفكر تروح على احسابك .. وشيل من راسك الكليات البوطقه مثل الي بدبي وامريكه .. الي بقطر اقوه منهم بس غاليه وماياخذونك بالكويت اذا تخرجت

كلمت الوطنيه و الجزيره قالولي احنا ماندز حق دراسه , انت بس تييب الشهاده و نقبلك , و اتوقع اي شركه
طيران تشتغل فيها لازم دوره اول شي ماتشتغل على طول.. مادري والله

و على قولتك الكويت ماتعترف الا بجامعه وحده اب بريطانيا

makkay
08-04-2009, 18:57
اسأل العضو فهد
الحين اهو بـ لندن يدرس طيران

ثانكسيو

Freddie
08-04-2009, 19:03
كلمت الوطنيه و الجزيره قالولي احنا ماندز حق دراسه , انت بس تييب الشهاده و نقبلك , و اتوقع اي شركه
طيران تشتغل فيها لازم دوره اول شي ماتشتغل على طول.. مادري والله

و على قولتك الكويت ماتعترف الا بجامعه وحده اب بريطانيا

اي بس هم الشركات الخاصه .. يبون جامعات معينه .. التوقع الحين الشركات الكويتيه ياخذون الي متخرجين من جامعه اتلنتك .. وقبل كاب اير ..شوف التكاليف مع سكن تقريباً الدراسه كلها 34 الف دينار :d

Al-Saleh
08-04-2009, 19:06
اسأل العضو فهد
الحين اهو بـ لندن يدرس طيران

ثانكسيو

انشالله يشوف الموضوع و يرد علينا :p



اي بس هم الشركات الخاصه .. يبون جامعات معينه .. التوقع الحين الشركات الكويتيه ياخذون الي متخرجين من جامعه اتلنتك .. وقبل كاب اير ..شوف التكاليف مع سكن تقريباً الدراسه كلها 34 الف دينار :d

والله ماكو الا باجر امر الوطنيه و اسأل , و المبلغ مو مشكله انشالله معني حاط اب بالي 50-60 لول

Freddie
08-04-2009, 19:09
>>>>>>>>...>

Dashti
08-04-2009, 20:49
مجال معقد مثل الطيران ماتحصل :p

Al-Saleh
08-04-2009, 21:52
مجال معقد مثل الطيران ماتحصل :p
حبطني أكثر :p

قدساوي_100%
08-04-2009, 23:47
العضو الغالي على الكل Fahad
يدرس الحين بلندن طيران مدني
سنه ونص ان شاءالله وقريب يخلص

واهو ان شاءالله يفيدك اكثر واحد بهل المجااال

Chelsea.FC
10-04-2009, 06:41
في بالاردن واعتقد طيران الخليج يعتمدون اللي بالاردن

فلو انت راعي طويله مثل مايقولون

تاخذها وتاخذ خبره بالخليج وترد الكويتيه مثلا


هذا والله اعلم :p

Freddie
10-04-2009, 09:05
في بالاردن واعتقد طيران الخليج يعتمدون اللي بالاردن

فلو انت راعي طويله مثل مايقولون

تاخذها وتاخذ خبره بالخليج وترد الكويتيه مثلا


هذا والله اعلم :p
الكويتيه ماتخذك لو عندك خبر مليون سنه وشهادتك بالارن .. اعرف كويتي تخرج من اهناك

Al-Saleh
10-04-2009, 11:24
اي اعرف كويتي خذاها من الأردن ولا مكان قابلينه هني .. لازم من لندن و جامعه معينه .. اعتقد اكسفورد , البحث لازال جاري :p و ناطرين طلت الحبيب Fahad

Fahad
10-04-2009, 15:38
آسف على التأخير ياخوي


بدايه بخصوص شهادتك بالعكس مطلوبه حتى لو كنت رايح على حسابك .. عن نفسي ولله الحمد عندي شهادتين وطلبوهم مني الكليه وقت التقديم .. وفوق هذا فرصتك بعد ما تتخرج إن شاءالله وتصير طيار بأي شركه إنك تصير مدير في أحد قطاعات الشركه بالإضافه لكونك طيار كبيره كونك تملك شهاده غير ليسن الطيران ..


الطيران المدني في الكويت يعتمد الطلبه إلي يتخرجون من 3 كليات في بريطانيا : أوكسفورد + كاب آير + أتلانتك


أوكسفورد قبل جم سنه كانوا يدزون الكويتيه بعثات لها ووقفوا ومازال في طلبه هناك كويتيين منهم من تخرج ومنهم على وشك إن شاءالله .. أوكسفورد تعتبر من أفضل وأقوى كليات العالم في مجال الطيران وتكلفة دراستها تقريبا ً من 50 إلى 53 ألف دينار إذا ماخانتني الذاكره


تقديمهم وقبولهم وايد وايد صعب .."


..


كاب آير كانت من أفضل الكليات في العالم لكن تصنيفها نزل وفوق هذا تغيرت وايد وخصوصا ً بعد ماوقفوا الكويتيه بعثات طلبتهم لها وثارت معاملتهم حق الطلبه الكويتيين " خايسه " بدرجه كبيره وصارت طردت الكويتيين من هناك " إبيزه " .. وبكليتنا أكثر من طالب حولوا من كاب آير بسبب المعامله الخايسه ..
تكلفة الدراسه هناك تقريبا ً 36 ألف دينار شامله السكن طبعا ً .. والسكن عباره عن بلوكات كل بلوك في مجموعة طوابق .. تسكن مع مجموعه من طلبة الجامعه بطابق واحد كل واحد له غرفته لكن العيب الكبير إن كلهم على حمام واحد [ الله يكرم القارئ ] .. يعني 5 إلى 6 أشخاص على واحد ومو شرط كويتيين لأن توزيعة السكن مرات تصير خليطي مع أي مجموعة طلبه ..


كثر ماتقدر وخر عن كاب آير لأن المعامله حيل خايسه هناك ..


..


أتلانتك


قيمة الدراسه فيها 40 ألف دينار .. ولله الحمد مرتاح آخر راحه يمكن في معوقات شوي مثل الجو إلي مرات يقعدنا مايخلينا نطير أيام بس هذا هو الطيران لازم تصبر بسبب الجو ..


السكن عندنا عباره عن سكن كبير لطلبة الجامعه ونفس طريقة كاب آير لكن الفرق إن كل واحد منا له غرفته + حمامه الخاص الله يعز القارئ داخل غرفته .. والمطبخ مشترك مع إلي معاك بالطابق .. وممكن يكون السكن خلط أو بس شباب ومرات تصدف ربعك الكويتيين معاك .. عن نفسي طايح مع فرنسيتين وبلغاريه وواحد من كوريا وهادين وماوراهم أي إزعاج


طريقة الدراسه : بدايه تاخذ ليسن الـ ppl وبعدها atpl [ جراوند سكول ] وبعدها cpl وبعدها IR .. مدة الدراسه سنه و6 أشهر إلى سنه و8 أشهر على حسب شدة حيلك وحسب الجو شلون يخدمك ..


بكاب آير وأكسفورد تبلش على طول atpl وماعندهم ppl لكن نفس مدة الدراسه لأن ساعات الطيران إلي نطيرها إحنا في ppl راح يضطرون يطيرونها هناك بعد الـ atpl


مادري شنو في بالك ودك تعرفه لكن هذا بالمختصر .. أعتقد في دفعه يايه على حسابهم من الكويت بالصيف لأن مدير كليتنا قبل أسبوعين كان بالكويت ..


عموما ً راح أدز لك إيميلي على الخاص حق أي إستفسار في بالك وحتى لو تبي أخليك تتواصل مع مدير الكليه بأي تفاصيل هم حاضر ومن عيوني لأني قليل أدش الموقع على فترات متباعده واخاف أنسى هالموضوع بصراحه صاير نسّاي :/ .. بكون بالديره بإذن الله آخر شهر 4 بقعد لي 10 أيام إن شاءالله إذا تبي أي شي قبل هالتاريخ لا تستحي


وحتى لو تبي أي سؤال عن كاب آير أو أكسفورد هم حاضر أسئل لك الشباب إلي هناك عن أي شي في بالك ..


ولا تنسى .. الطيران مثل ماهو حلو متعه لكن صعب ومعقد و " خطير " .. وايد مرات أثناء التدريب نسوي أغلاط ممكن تودي بحياة الواحد خصوصا ً إذا كنا طايرين بروحنا بدون مدرب عشان جذي أهم شي الصبر وطولة البال بالطيران ..


والسموحه على التأخير مانتبهت على الموضوع لو مو منبهني واحد من الشباب

Al-Saleh
10-04-2009, 17:36
تسلم والله اخوي Fahad شرحك وافي و حلو و وضحلي شغلات وايد و ضفتك عندي MSN عشان نتناقش اكثر..
راح أأذيك معاي :p

salman.s
13-07-2009, 08:02
انا ودي اعرف عن الموضوع هذا اكثر ومحتاج اني اعرفله ..

لو سمحت اخوي فهد او hiv ممكن احد منكم يضيفني عالـmsn عشآن اكلمه ضروري ضروري ضروري

wy3h@msn.com

اانا ناطر الإضآفه