المساعد الشخصي الرقمي

مشاهدة النسخة كاملة : تـعـرق الـيـديـن !



عمر
11-06-2009, 12:27
السلام عليكم ..


..
اول شي بعرفكم على مشكلتي بشكل سريع ..


التعرق الزائد هو حالة يزيد فيها العرق عن المطلوب للحفاظ على حرارة الجسم العادية ، وقد يؤثر هذا التعرق الزائد على نوعية الحياة لدى الشخص المصاب به . وفي معظم الأحوال يكون هذا التعرق الزائد من نصيب راحات الأيدي أو باطن الأقدام ، وهي كلها مناطق تصيب من يزيد عرقه فيها بالحرج والخجل ، وقد تسبب زيادة التوتر والقلق أو الاحساس بالضيق والضغوط النفسية سواء على المستوى المهني أو الاجتماعي .


احساس بالحرج والخجل
هذه مثلا فتاة جميلة يروق منظرها لكل من يراها ، مؤدبة ومتفوقة في دراستها ، ولكنها تشعر بالحرج والخجل في كل مرة تمد يدها لمصافحة أحد ، اذ تكون يدها مبتلة تماما كما لو كانت قد غمرتها بالماء ولم تجففها ، وهي لا تحب ردة فعل مصافحها عندما ترتد يده اليه فيجدها وقد ابتلت من عرق يدها ، فينظر الي يده في دهشة غير المتوقع ، وقد يسحب منديلا ورقيا لكي يجفف يده من آثار هذه المصافحة مما يزيد احساسها بالحرج ، ومما قد يدفعها الى الانسحاب من الموقف كله . هذه المواقف التي قد تبدو بسيطة هي ذات تأثير نفسي هائل على صاحب المشكلة مما قد يدفع البعض الى طلب المساعدة من طبيب نفسي ظنا أن مشكلة زيادة تعرق الأيدي هي نفسية في الأصل بينما تقول الحقائق أن الارتباك النفسي المصاحب هو ناتج عن هذه المشكلة وليس سببا لها .


أصحاب مشكلة زيادة تعرق اليدين بالذات يقررون البحث عن علاج عندما تلوح في الأفق فرص التعرف على من يمكن أن يكون مرشحا لعلاقة ممتدة من ارتباط عاطفي فخطوبة فزواج . ذلك أن المشكلة واضحة تضع نفسها في الصف الأول ، ظاهرة للآخر منذ المصافحة الأولى .


وأكثر صور زيادة التعرق شيوعا هي النوع البؤري أي الذي يتركز في مكان محدد مثل راحة اليد أو باطن القدم أو الوجه . وفي أمريكا وحدها يقدر أن هناك 50 مليون أمريكي مصاب بمشاكل لها علاقة بزيادة التعرق البؤري . وزيادة التعرق تبدأ في مرحلة الطفولة أو المراهقة ، وهي ليست مرض نفسي ولكنها حالة يقوم فيها الجهاز العصبي باثارة الغدد العرقية مما يؤدي الى انتاج مزيد من العرق كردة فعل لحالات القلق والتوتر اليومية .


انتهى


..



تعرق اليدين والقدمين من طلعت للدنيا واهي معاي مستمرة وتسبب لي احراجات :o كأني مغسل ايدي بماي وقالو وراثه لما يكبر تروح من نفسها وماراحت ..
وناوي اعالج واذكرولي اكثر من علاج ..
..
في من يقول عمليه بس احتمال تكون خطره !
وفي من يقول جهاز لليدين والقدمين تشتريه من برى ..
وفي من يقول حبوب تستمر فيها لمدة سنين ..
وفي من يقول ابر بشكل شهري تكون صوب الايد والقدم بس هم قالولي خطرة !
..
تعقـدت : (
اللي عنده نفس مشكلتي ولقى لها علاج او يعرف احد كانت فيه وعالجها .. يفيدنا ..
لانه ناوي اعالج .. واللي يعرف عيادة جلديه ممتازه يقولنا ..



..
ووبس
..
شكـرا : )

قدساوي انتراوي
11-06-2009, 12:32
انـا نوعي وايد اعرق .. لكن مو براحة اليدين و باطن القدم !
لا بـس ويهي ينترس عرق .. !!
ما اتحرك شوي إلا اصبصب عرق

ما قالولي ان مرض و جذي .. بس قالوا نوعية جسمي وايد اعرق [ يعني طبيعة جسمي جذي ]


و سـلامات ما تشوف شـر .. و مشكور عالموضوع المفيـد

دندرن
11-06-2009, 13:10
السلام عليكم ورحمة الله وبركاته وبعد،،،

إن فرط التعرق من اليدين مشكلة طبية شخصية اجتماعية، فهي تحتاج إلى التدخل الطبي لإنقاذ المريض من المعاناة والخجل الاجتماعي والإحراجات، ولانتزاع المريض من تخريب الأشياء الحساسة التي يمسك بها من أوراقٍ وغيره.

إن فرط التعرق هو قدر مقدر من العرق لكل مخلوق، فمنا من يُعاني الكثرة، ومنا من يُعاني القلة، وكلا الأمرين فيه حكمة، فلولا الجوع لما شعرنا بنعمة الشبع، ولولا العطش لما شعرنا بنعمة الارتواء...وهكذا.

يوصلنا ما سبق إلى أن أغلب العلاجات المحافِظة هي مؤقتة، أي العرق ظاهرة حياتية تدوم مع الحياة.

من العلاجات المتوفرة للتعرق في الراحتين مادة ألمنيوم كلورايد 10% ، أو بتركيزات أكبر أحياناً، ويتم العلاج بغطس الراحتين لمدة 10 دقائق من مرة إلى مرتين حسب اللزوم، وهذا يُعطي تحسن مؤقت، أي يمتد يوماً أو بعض يوم، ولكنه مريح في فترة التجفيف، وكذلك هناك مواد كيماوية أخرى تطبق بنفس الطريقة.

هناك جهازٌ كهربائي يعمل بالبطارية اسمه دريونيك (DRIONIC ) غير موجود في السوق المحلية، يُعطي جفافاً أكثر من مادة المنيوم كلورايد، ولكنه يكلف نصف ساعة يومياً من لمس الراحتين على سطحه، مع مرور تيار كهربائي، نزيد حدته يوماً بعد يوم إلى أن نصل إلى الجفاف المطلوب، ثم نرتاح إلى ما يقرب ستة أسابيع، ثم نُعيد العلاج لأسابيع ...وهكذا، ويوجد منه شكل يناسب للإبطين أو القدمين، ويكمن طلبه عن طريق الإنترنت (علماً بأنه قد يسبب بعض التأثيرات الجانبية إن لم يستعمل بشكل غير صحيح).

حديثاً، فإن حقن مادة البوتكس بيد خبيرة، يُعطي راحة لعدة أشهر، ولكنه مكلف (تُعتبر أفضل الموجود وأغلاه).

كان الأطباء يلجئون إلى عملية قطع العصب الذي ينشط عملية التعرق، وهذه العملية لها استطبابات، وتترك للحالات الشديدة والمزعجة، ومع ذلك فهي لا تخلو من المشاكل والمضاعفات.

والله الموفق.

والله اعلم منقول

http://www.islamweb.net/VER2/Istisharat/details2.php?reqid=18298

Miss GERRARD
11-06-2009, 14:15
وعليكم السلام والرحمه

اخوي عمر انا اعرف وحده جذيه بـ ايدها
وعطوها ابره كل سنه بس مو خطره
لان اهلهااا خواافيين حييل بطبعهم واعيالهم مايخلونهم يطلعون بالشاارع
فـ اكيييد ماعطوا بنتهم هـ الابره الا ضامنين انها مو خطره

بس كل سنه ابره مو مثل ماقلت بالشهر
ومادري يمكن تختلف الابره

انا بسألك واتأكد واليوم اردلك خبر ..

عمر
11-06-2009, 14:55
انـا نوعي وايد اعرق .. لكن مو براحة اليدين و باطن القدم !
لا بـس ويهي ينترس عرق .. !!
ما اتحرك شوي إلا اصبصب عرق

ما قالولي ان مرض و جذي .. بس قالوا نوعية جسمي وايد اعرق [ يعني طبيعة جسمي جذي ]


و سـلامات ما تشوف شـر .. و مشكور عالموضوع المفيـد

هلا انتراوي ..

انا وجهي وجسمي مايعرق الحمدالله ..
بس السالفه مو عن مرض ..
كل ماقول لاحد يقولي عاديه ليش مكبر الموضوع بس لانها مضايقتني وخصوصا لما يسألك احد شنو هذا ماي ؟؟:o
وشاكر مرورك وافادتك ..
الله يسلمك والشر مايجيك ..
..
: )

عمر
11-06-2009, 14:57
السلام عليكم ورحمة الله وبركاته وبعد،،،

إن فرط التعرق من اليدين مشكلة طبية شخصية اجتماعية، فهي تحتاج إلى التدخل الطبي لإنقاذ المريض من المعاناة والخجل الاجتماعي والإحراجات، ولانتزاع المريض من تخريب الأشياء الحساسة التي يمسك بها من أوراقٍ وغيره.

إن فرط التعرق هو قدر مقدر من العرق لكل مخلوق، فمنا من يُعاني الكثرة، ومنا من يُعاني القلة، وكلا الأمرين فيه حكمة، فلولا الجوع لما شعرنا بنعمة الشبع، ولولا العطش لما شعرنا بنعمة الارتواء...وهكذا.

يوصلنا ما سبق إلى أن أغلب العلاجات المحافِظة هي مؤقتة، أي العرق ظاهرة حياتية تدوم مع الحياة.

من العلاجات المتوفرة للتعرق في الراحتين مادة ألمنيوم كلورايد 10% ، أو بتركيزات أكبر أحياناً، ويتم العلاج بغطس الراحتين لمدة 10 دقائق من مرة إلى مرتين حسب اللزوم، وهذا يُعطي تحسن مؤقت، أي يمتد يوماً أو بعض يوم، ولكنه مريح في فترة التجفيف، وكذلك هناك مواد كيماوية أخرى تطبق بنفس الطريقة.

هناك جهازٌ كهربائي يعمل بالبطارية اسمه دريونيك (drionic ) غير موجود في السوق المحلية، يُعطي جفافاً أكثر من مادة المنيوم كلورايد، ولكنه يكلف نصف ساعة يومياً من لمس الراحتين على سطحه، مع مرور تيار كهربائي، نزيد حدته يوماً بعد يوم إلى أن نصل إلى الجفاف المطلوب، ثم نرتاح إلى ما يقرب ستة أسابيع، ثم نُعيد العلاج لأسابيع ...وهكذا، ويوجد منه شكل يناسب للإبطين أو القدمين، ويكمن طلبه عن طريق الإنترنت (علماً بأنه قد يسبب بعض التأثيرات الجانبية إن لم يستعمل بشكل غير صحيح).

حديثاً، فإن حقن مادة البوتكس بيد خبيرة، يُعطي راحة لعدة أشهر، ولكنه مكلف (تُعتبر أفضل الموجود وأغلاه).

كان الأطباء يلجئون إلى عملية قطع العصب الذي ينشط عملية التعرق، وهذه العملية لها استطبابات، وتترك للحالات الشديدة والمزعجة، ومع ذلك فهي لا تخلو من المشاكل والمضاعفات.

والله الموفق.

والله اعلم منقول

http://www.islamweb.net/ver2/istisharat/details2.php?reqid=18298

دندرن ..

قواك الله على افادتك ..
مااقصرت يامصورنا المبدع ..
وفيها شرح واافي للمشكله ..
جزاك الله خير اخووي

..

عمر
11-06-2009, 15:04
وعليكم السلام والرحمه

اخوي عمر انا اعرف وحده جذيه بـ ايدها
وعطوها ابره كل سنه بس مو خطره
لان اهلهااا خواافيين حييل بطبعهم واعيالهم مايخلونهم يطلعون بالشاارع
فـ اكيييد ماعطوا بنتهم هـ الابره الا ضامنين انها مو خطره

بس كل سنه ابره مو مثل ماقلت بالشهر
ومادري يمكن تختلف الابره

انا بسألك واتأكد واليوم اردلك خبر ..

هلا مس جيرارد

..
المشكله الوالد مو راضي الا بشي يكون امن 100 % ..
ورافض العمليه والعلاج كله .. عشان جذي ابي العلاج يكون امن قبل كل شي ..
عشان يقتنع فيه ..
وجان زين كل سنه ..
..
ناطر الخبر منج اليوم واذا ممكن سئليها ..
اي صوب .. يعني عياده معينه ولا مستشفى معين ؟
..
الله لا يهينـج : )

Bo_3mra
11-06-2009, 15:16
انا طبيعتي ويهي يعرق اكثر وجسمي خفيف

واحد اعرف يقول وين مايمشي الكلنكس بجيبه ولي الحين مو لاقي علاج

بس سؤال انت راجعت طبيب جلديه او طبيب مختص ؟

عمر
11-06-2009, 15:40
انا طبيعتي ويهي يعرق اكثر وجسمي خفيف

واحد اعرف يقول وين مايمشي الكلنكس بجيبه ولي الحين مو لاقي علاج

بس سؤال انت راجعت طبيب جلديه او طبيب مختص ؟

مو هذي المشكله ميزانيه خاصه للكلينكس :o
وغير المواقف اللي تصير يوميا ..
..
راجعت طبيب جلديه قبل 4 اشهر تقريبا قالي روح عيادات خاصه حالتك نادره !! :(
وماني عارف وين اروح .. وين ابتدي !
..

خبز رقاق
11-06-2009, 21:26
أذكر واحد من الشباب كندري... كانت فيه نفس حالتك..
ما أدري عالج ولا لأ.. وفعلاً كان متأذي منها وايـد..

الله يعينكم ويشفيكم..

MU99
11-06-2009, 21:41
والله انا نفس حالتك والعن بس مو بس ايدي وانصدمت لما قالك الدكتور انها حاله نادره

بس ماعندي فكرة اروح حق منو ...انا بامريكا الحين بس ارد انشالله بشوفلي دكتور

بس عجبتني سالفة الابره كل سنه ... حتى لو غاليه يمعود ....ابي افتك


الحين اكلمك وايدي معرقه :o ...والصيف ياساتر مايرحم نوعيتنا

طـويل الـعمر
11-06-2009, 22:22
نفس الحاله ..

أنا لما اكون بالكليه وأحط إيدي على الطاوله وأرفعها ألاقي بقعة ماي @@

ولما احط إيدي على ورقة الدفتر ألاقيها مبلله لووول

ولما بسلم أول شي أنشف إيدي بالجنز أو الدشداشه إذا ما كان عندي كلينكس

هالمشكلة من زمان عندي واللي عنده حل يقول لنا : (

MaYo CliNiC
11-06-2009, 23:57
انا اعاني من نفس المشكله بس مو ايدي
بالساق وايدي بس انه مو الكف بسسسسرعه اعرق ! والله اصبصب عرق وماتحمل حر الكويت كلش
احتمال كبير السالفه تكون لها علاقه بالغده الدرقيه
جيّك عالغده الدرقيه منت خسران شي !

بسئلك جم سؤال من بعد اذنك

تحس بحر حييل ؟؟ يعني مرات ماتكون مثلا حران بس ربعك يقولوك تبالغ ؟؟
ونفس الشي من ناحية البروده ؟
ضيق نفس ؟
صعوبه بالبلع ؟



الله لا يهينـج : )


تنويه : حرام تقول الله لايهينج لانه الله مايهين العبد سبحانه ، بس حبيت اقولك

ويلا ماتشوف شر ان شاءا الله

روح
12-06-2009, 00:07
رفيجتي حييل عندها هالمشكلة
ولي بغيت اسلم عليها ولا أمسك
ايدها .. بسسرعة تسكر ايدها
جد مشكلة حساسه !
وتحرج الواحد ! .. :)






Dr.BaFaKa

,

ما حكم قول ( الله لا يهينك ) ؟؟
قال الشيخ ابن عثيمين رحمه الله تعالى في ( مجموع الفتاوى ج3 /77 ) :
العبارة صحيحة ، والله سبحانه وتعالى قد يهين العبد ويذله ، ..... ثم قال : وقال تعالى :" ومن يهن الله فما له من مكرم " ، والإنسان إذا أمرك فقد تشعر بأن هذا إذلال وهوان ، فيقول :" الله لايهينك " .


:p

عمر
12-06-2009, 02:59
أذكر واحد من الشباب كندري... كانت فيه نفس حالتك..
ما أدري عالج ولا لأ.. وفعلاً كان متأذي منها وايـد..

الله يعينكم ويشفيكم..


تـأذي وتسبب معاناة .. مايحس فيها الا راعي الحاله ..

..
يعين الجميع اخوي
..
قوااك الله ..

عمر
12-06-2009, 03:07
والله انا نفس حالتك والعن بس مو بس ايدي وانصدمت لما قالك الدكتور انها حاله نادره

بس ماعندي فكرة اروح حق منو ...انا بامريكا الحين بس ارد انشالله بشوفلي دكتور

بس عجبتني سالفة الابره كل سنه ... حتى لو غاليه يمعود ....ابي افتك


الحين اكلمك وايدي معرقه :o ...والصيف ياساتر مايرحم نوعيتنا

..
هلا مانشستر ..
..
والله وبالله مستوصف الفحيحيل التخصصي طلعت من دوامي ورحت لانه حاشني موقف قبلها بيومين وقررت بس خلاص اعـاااالج :(
ولما رحت قالي جيب تحويل من مستوصف منطقتك .. رجعت وخذيت تحويل من مستوصف منطقتنا ورحت قسم العياده الجلديه ماكو احد يالله طلعلي الدكتور عزك الله بشحاطه وشايب واهوو واقف يقولي ايه مشكلتك ؟
وانا اشرح ومشتط .. جان يقول روح عيادات خاصه علاجها عاوز متابعه مستمره .. بغيت اقوله ليش فاتحين عياده جلديه ! تعوذت من ابليس ومشيت :(
..
الصيف اعبي كلينكسات ..
وما اطلع الا للدوام بالنهار وكل الوقايات ماخذها تغييم السياره ونظارات وكريمات وتكييف حده لانه هم غير عرق ايدي بشرتي ماتتحمل الحـر ..
مابقى فيني شي صاحي :p
..
والله يعينا ونلقى علاج سهل وبسيط ..
شكـرا : )
..
.. سوري ع الاطـاله :o ..

عمر
12-06-2009, 03:12
نفس الحاله ..




أنا لما اكون بالكليه وأحط إيدي على الطاوله وأرفعها ألاقي بقعة ماي @@


ولما احط إيدي على ورقة الدفتر ألاقيها مبلله لووول


ولما بسلم أول شي أنشف إيدي بالجنز أو الدشداشه إذا ما كان عندي كلينكس



هالمشكلة من زمان عندي واللي عنده حل يقول لنا : (


المشكله لما امسح بدشداشتي تتوصخ .. يبين عليها مااي :(
خلها على الله ..
ناطرين رد الاخت مس جيرارد ..
نتمنى يكون في حل لنا ..
: (
..

عمر
12-06-2009, 03:22
انا اعاني من نفس المشكله بس مو ايدي
بالساق وايدي بس انه مو الكف بسسسسرعه اعرق ! والله اصبصب عرق وماتحمل حر الكويت كلش
احتمال كبير السالفه تكون لها علاقه بالغده الدرقيه
جيّك عالغده الدرقيه منت خسران شي !


بسئلك جم سؤال من بعد اذنك


تحس بحر حييل ؟؟ يعني مرات ماتكون مثلا حران بس ربعك يقولوك تبالغ ؟؟
ونفس الشي من ناحية البروده ؟
ضيق نفس ؟
صعوبه بالبلع ؟




تنويه : حرام تقول الله لايهينج لانه الله مايهين العبد سبحانه ، بس حبيت اقولك



ويلا ماتشوف شر ان شاءا الله


هـلا دكتـورة : )

..
الله يعينج اذا بالساق .. هم مؤذي ..
قالولي على الغده .. بس ماجيكت .. ناوي اشيل المشكله من عرجها ان شاء الله بعد مانجمع اراء الاخـوان
..
بالنسبه للأسئله ..
..
احس بحر بعز البرد .. والكل يتذمر لما اقعد بالديوانيه اتحلطم ابيهم يشغلون التكييف
بس من ناحية البرد لأ .. اعشق البرد لدرجة الجنون :d
..
ضيق نفس ..
صعوبه بالبلع ..
مافيني الحمدالله ..
..
التنويـه : اعتقد لما الله جل جلاله يرمي العبد في النار .. يعتبر اهانه وذل له .. فـ ندعوو انه الله لا يهينها
وهـ الكلمه تعودنا عليها .. ورد الاخت روح واافي .. ويمكن اكون غلطان .. عموما جزاج الله خير ع التنويه :)
..
الشرر مايجيج ..
وشكـرا على مرورج وافادتج دكـتـورة : )

..........

روح

تحرج وتسبب بلاوي .. اعتقد على البنت فشله اكثر بعد مادري ليش :p
الله لا يوريج اذا كنت معزوم على عرس .. توتر طول اليوم : (
..
قواج الله على مرورج ..
و جزاج الله خير على افادتج في حكم كلمة ( الله لا يهينك ) ..
والله يجعله بميزان حسناتـج .. : )
..

MaYo CliNiC
12-06-2009, 11:16
dr.bafaka


,


ما حكم قول ( الله لا يهينك ) ؟؟
قال الشيخ ابن عثيمين رحمه الله تعالى في ( مجموع الفتاوى ج3 /77 ) :
العبارة صحيحة ، والله سبحانه وتعالى قد يهين العبد ويذله ، ..... ثم قال : وقال تعالى :" ومن يهن الله فما له من مكرم " ، والإنسان إذا أمرك فقد تشعر بأن هذا إذلال وهوان ، فيقول :" الله لايهينك " .




:p



صج والله ؟ ماكنت أدري
لانه قبل في موضوع الي كلمات نقولها وتلقيك في النار وكانت هالكلمه موجودة من ضمنها
بس خلاص انتي يبتيلي هالفتوى ، طمنتيني جذي ! عاد عاجبتني الكلمه لوول

إكسرت خاطري البنت :(
لاتصافحينها :@




عُمـر

جيّك عالغده الدرقيه
او مرات تكون بالغدد الي قريبه من هالمنطقه ، وسمعت يسوولهم جراحه او شغله جذي
بس مادري نصيحه بهالمشكله روح اكثر من دكتور شوف شقولولك ويمّع آراء

إنزين ليش ماتحاول تخلي كلينيكسه بايدك كله ماسكها ؟ عود نفسك جذي تمتص العرق
وجرّب بين فتره وفتره طلع هذا السائل الي نحطه عالايد عساس الجراثيم وجذي لانه بعدها ينّشف الايد !

والله يعيييييينك

ًً همزه على السطر ًًً
12-06-2009, 12:32
نا ايدي تعرق لما اللعب سوني اليدى تصير كلها عرق
ولما استعمل النت

بس هالمشكلة بشكل قليل مو دائم

ماعتقد انها تحتاج عميلة لا وخطره بعد

يوفنتساوي
12-06-2009, 16:27
حط مزيل عرق على ايدك جرب :)

Pharmacya
12-06-2009, 18:27
سببها مشكله فى الاعصاب وممكن ايضا يكون سببها خلل معين فى الغدة الدرقية

لازم تروح تسوي فحوصات مختلفه للغدة والاعصاب

و انا برأيي تروح اول شي لطبيب الجلدية و يحدد سبب التعرق ان كان من اعصاب او غده او ان

السبب سطحى فى الجلد

والله يشفيك انشالله ..

والأهم انشالله تطيح بيد طبيب فاهم ومايبهدلك ويخربط عليك :p

عمر
12-06-2009, 18:32
عُمـر


جيّك عالغده الدرقيه
او مرات تكون بالغدد الي قريبه من هالمنطقه ، وسمعت يسوولهم جراحه او شغله جذي
بس مادري نصيحه بهالمشكله روح اكثر من دكتور شوف شقولولك ويمّع آراء


إنزين ليش ماتحاول تخلي كلينيكسه بايدك كله ماسكها ؟ عود نفسك جذي تمتص العرق
وجرّب بين فتره وفتره طلع هذا السائل الي نحطه عالايد عساس الجراثيم وجذي لانه بعدها ينّشف الايد !



والله يعيييييينك


هذا اللي بيصير ان شاء الله ..
وبروح اكثر من عياده ..
..
الكلينيكسه لما تكون بيدي لفتـرة دقايق تتبلل .. تصير جنى لما تغرقين الكلينيكسه بالماي تنشف شوي ايدي بعدها بدقايق ترد تعرق ابدلها غصبن علي لانه ماتنفع ماتنشف .. واحط كلينيكسه ثانيه .. وماينشف لانه من وعيت ع الدنيا واهوو معاي .. : (

..
يعين الجميع اختـي ...

عمر
12-06-2009, 18:34
حط مزيل عرق على ايدك جرب :)


مزيل عرق اعتقد ماله شغل ..
بس بنجرب .. شورانا :p
..
قواك الله يـ اليوفنتساوي ..

..

Pharmacya
12-06-2009, 18:40
مزيل عرق اعتقد ماله شغل ..
بس بنجرب .. شورانا :p
..
قواك الله يـ اليوفنتساوي ..

..

لا .. لاتجرب :d

يوفنتساوي
12-06-2009, 20:14
لووووووووول
صج جرب :p

الريانه
12-06-2009, 22:45
العرق الزايد سببه الهرمونات .. شووف هرموناتك

ســـاره
12-06-2009, 22:57
سبحان الله توني أدري أن في ناس إيدينهم تعرق !!

بس هم كلام ريانه صح سولك تحليل لهرموناتك والله يشافيك إن شاء الله ..

bnt_jaber
13-06-2009, 00:00
سلمك الله يا عمر ترووح عند دكــتووور بصباح الصحيه المركز اسمه اسعد الحمــد .. ينقــاله دكتور مجــدى واذا قـالولك مشغوول و و و و قولهم اي دكتوور مو مشـكله .. وقول للدكتوور ياخذلك تحليل اذا التعرق عندى طبيعى او لا.. واذا طلع عندك طبيعى بعـدهاا تتجه لدكتووور ثـانى يعطيك ابره كل 7 اشهر تقــريباا .. وكــان الله غفــور رحيــم..

عمر
13-06-2009, 00:32
بارمسيا << مادري اذا صح ولا لأ ! :$

جربت ووداني ورى الشمس صاحبنا :d
اعصاب .. هرمونات .. غده درقيه .. تعرق طبيعي وغير طبيعي .. عقدني اكثر هـ الموضوع :p
ابي ابلش رحلة العلاج اسبوع الجاي وكلي امـل بـ الله ومن ثم اعضاء الازرق الكرااااام :d
قوااج الله ..

..
يوفنتساوي ..

حطيت وزاد عرق ايدي :p
مو زين تصير دكتور انت :/
..
الريانه ..

فحص الهرمونات وين ؟
انا ملفي بمستشفى الشركه .. يصير اسوي عندهم ؟
ولا مستوصف الفحيحيل التخصصي يصير ؟
لانه ماكو زحمه احسن من مستشفى الشركه :(
ومشكـورة
..
سااره

هـ الحالات تكون ناادرة ..
بس مؤذيه وتسبب مشاكل نفسيه مع صاحب الحاله على كلام دكتور بس اشوى ما تأثرت
لأنـي جبـل والجبـل مايضـره شـي << شفيـه ؟ :p
يشافي المسلمين جميع ان شاء الله ..
شكـرا : )
..
بنت جابر .. << عشان االزعيم اخضر بس :d

المركز خاص ولا عادي ؟
ولازم تحويل من مستوصف منطقتنا ولا اروح له على طول ؟
ويبيله موعد ولا جذي على الله اروح ؟
تحملينا اسئلتي واجد :$
..
ومشكـوورة ..

MU99
13-06-2009, 00:36
سلمك الله يا عمر ترووح عند دكــتووور بصباح الصحيه المركز اسمه اسعد الحمــد .. ينقــاله دكتور مجــدى واذا قـالولك مشغوول و و و و قولهم اي دكتوور مو مشـكله .. وقول للدكتوور ياخذلك تحليل اذا التعرق عندى طبيعى او لا.. واذا طلع عندك طبيعى بعـدهاا تتجه لدكتووور ثـانى يعطيك ابره كل 7 اشهر تقــريباا .. وكــان الله غفــور رحيــم..

اهم معلومه مو واضحه لول

بصباح السالم المركز ؟ مو واضح ؟


الابره يعني توقف العرق اكيد؟ لمدة 7 اشهر؟

Creative
13-06-2009, 00:37
الظاهر من كثر التفكير بالمغرب
<=== شكو :p

عمر
13-06-2009, 01:51
مانشستر ..

الصباح الصحيه معروفه .. اعتقد منطقة الصباح الصحيه يكون فيها مراكز صحيه ..
اذا ماني مضيع .. بس ماكو غير هـ المنطقه عاد جان فتحوو غيرها وانا نايم ابيتنا امسح بـ عرق ايدي مادري :p


الظاهر من كثر التفكير بالمغرب
<=== شكو :p

شـدرااااك ؟؟ :p
في استخبارات بـ المـنـتـدى !! :/
..
الوضع مو مطمن :rolleyes:

bnt_jaber
13-06-2009, 02:34
عمــر.. اذا العاصمه ترووح علي طــووول واذا مو العـاصمه الحين اعطيك رقم الدكتوور وتقوله انت من طرف فلان بطرش لك كل شي بالبـرايفت اهوه حكــوومى بالنسبه للتحليل يسوونلك ايــاهاا بس سالفه الابر والله ما عنـدى علم بس اســأل الدكتوور اذا فى بالحكوومه بس ماضن عنـدهم واســأله عن دكتوور مختصص زين بهالسواالف حده حــليوو ووراح يفيــدك وو دوامهم الصبح من 7 اعتقدد ليمه 1 العصر مافى بس يوم الاثنين بس المختبر مسكر فأنصحك تروح صبـاحى..
-
مانشتسر.. لالا بمنطقه صباح .. وين شويخ صوب جامعه الكويت تخليهاا علي يمينك تكمل عند دواار صباح تاخذ يمين
وبعدهاا تلاقى المركز اسمه مركز اسعد الحمــد ..

bnt_jaber
13-06-2009, 02:38
الابره اسمــهاا بوتــكس"botex"
اكيددد بتختلف من شخص لي شخص.. يمكن فى ناس 4 وو 5 وو 6 حسب مــادرى والله
-

عمر
13-06-2009, 03:11
بنت جابر ..

انا مو بـ العاصمه للأسف : (
من قلتي اسم الابره عرفت انه الطريج صح .. لاني تابعت برنامج تكلم عن الابره ..
بروح ان شاء الله هاليومين ببلش بـ مستوصف منطقتنا بكلمهم عن التحويل للمركز .. واذا تعقدت الامور بقولج ..
وصل البرايفـت : )
..
الله يجزاج خير ويجعله بميزان حسناتج ..
مشكـوورة ..
..

الريانه
13-06-2009, 03:23
فحص الهرمونات وين ؟
انا ملفي بمستشفى الشركه .. يصير اسوي عندهم ؟
ولا مستوصف الفحيحيل التخصصي يصير ؟
لانه ماكو زحمه احسن من مستشفى الشركه :(
ومشكـورة
..
..

اي اتوقع يصير بالشركه .. مادري عن المستوصف اتوقع في تحاليل مايسويها ..

الخــالــدي
13-06-2009, 03:29
الله يعينك يالحب ..

يمكن من كثرة التفكير ..:)

عمر
13-06-2009, 03:55
اي اتوقع يصير بالشركه .. مادري عن المستوصف اتوقع في تحاليل مايسويها ..

ok
مشكوورة وماقصرتـي ..
..

الــخــالــدي ..

ارحبـوو :p
لا تفكير ولا هم يحزنون .. اقولك من وعيت ع الدنيا واهي معاي ..
بس حااس اني وصلت مرحله بدت تأثر على نفسيتي من كثر المواقف اللي تصير : (
حلفت اني اشيل هالمشكله من عرجهـا ..
ووبس ..

..

Miss GERRARD
13-06-2009, 09:25
سـألت أخـتها وصـلحت لي معـلومه
أن كـل 6 شهـور تاخـذ إبـره ..؛
وتقـول هـم في كـريم بس الإبـره أفضـل ..

وتـو أشـوف ردك أنـك تبي أسـم العـياده
واللحـين دزيت لـها مسـج بس تـرد
أكـتبلك ردهـا ..×

والـسموحه ع التـأخير ..؛

Pharmacya
13-06-2009, 09:29
بارمسيا << مادري اذا صح ولا لأ ! :$


لا غلط :p

فارمسيا :)

عمر
13-06-2009, 09:55
سـألت أخـتها وصـلحت لي معـلومه
أن كـل 6 شهـور تاخـذ إبـره ..؛
وتقـول هـم في كـريم بس الإبـره أفضـل ..

وتـو أشـوف ردك أنـك تبي أسـم العـياده
واللحـين دزيت لـها مسـج بس تـرد
أكـتبلك ردهـا ..×

والـسموحه ع التـأخير ..؛

هلا مس جيرارد ..

..
بجرب اكثر من علاج .. سواء كريم او الابره ..
بس اهم شي اسم العياده ومكانها ولا تهونين ..
..
مامن تأخير ..
اخذي راحتـج ,,
..
: )

........

فارمسيـا ..

ok
وصلـت ,,
:o

ToTTi q8
13-06-2009, 10:54
الله يعينك ياخوي

انا ولد خالتي جذي بس لما يلعب سوني اليده تعرق :p

بس شكله اهوا فييه على الخفيف

عمر
13-06-2009, 10:57
تـووتـي ..

اللي اعرفه اهي درجات ..
والظاهر انه درجتي طااقه العدااد حده :p
الله يشافيه ان شاء الله
,,
يعين الجميـع اخوي ..
شـكـرا : )

..

Miss GERRARD
13-06-2009, 12:30
^
^

عــمر :-
أختـها مسـويتـها بـ العـدان ,؛
بس ماتـعرف أسمـها ../

تقـول لمـا تـروح وتشـرح لـهم
أهـم بـ عرفون شفيـك وبـ خيرونك
منـها ( إبـره .. / كـريم )
وأهـي أخـذت إبـره ..؛

والله يشـفيك يـ بو حـفص :)

عمر
13-06-2009, 13:08
^
^

عــمر :-
أختـها مسـويتـها بـ العـدان ,؛
بس ماتـعرف أسمـها ../

تقـول لمـا تـروح وتشـرح لـهم
أهـم بـ عرفون شفيـك وبـ خيرونك
منـها ( إبـره .. / كـريم )
وأهـي أخـذت إبـره ..؛

والله يشـفيك يـ بو حـفص :)

الحمدالله ..
العدان قريب حده ..
مع اني ماحب ادخله بس بروح ..
..
الله يجزاج خير .. عذبتـج معاي :$
ويشافي المسلمين جميعا ان شاء الله ..
شـكـرا : )

,, ,

Diouf
13-06-2009, 13:43
امس صارت فيني و انا اسلم على احد الاعضاء بمكان عام :o :rolleyes:

Totaalvoetbal
13-06-2009, 14:08
انا بعد من زمان هالشي فيني

bnt_jaber
13-06-2009, 23:56
العفوو يا عمر قولي شصاار معااك رحت او لا ؟؟
-

عمر
14-06-2009, 16:04
^^^

رحت مستوصفنا قتله ابي تحويل لمركز سعد الحمد .. قالي شفيك قتله حساسيه ..
جان يقولي يابني احنا بـ محافظة الاحمدي ومحافظة الاحمدي فيها مستشفيات ومستوصفات تخصصيه للحساسيه ماقدر اعطيك تحويل لمستشفى بالعاصمه على حساسيه واهو متوفر بالمحافظه !
الا اذا تنسق مع دكتور بالمركز نفسه وتاخذلك موعد .. انا اللي اقدر اسويه احولك لمستشفى العدان قسم الباطنيه ويشوفون حالتك :(
..
امنت بالله ورحت العدان جان تقولي الموظفه الحين زحمه تعال العصر او باجر الصبح مبجر عشان تدخل على الدكتور وتشرح له .. والعدان يخووف ابره يسدحـوني جلطـه !!
الوضع سهالات عندهم ..
..
تـحـبـطـت
ومسحت عرق ايدي بالكلينكس
ورجعت البيت
:d
..
ووبس ..

زرقـــاء
25-06-2009, 11:38
آنـا عبالـي كـل النـاس جـذي ..شي طبيعـي :o
تصيرلـي بـ حالتيـن لمـا أختـرع و أنحـرج ..

بس مو متـأذيـة منهـا عاادي .. !

Bo_3mra
25-06-2009, 12:18
شصار عليك ماجربت عقب العدان

واحمد نفسك انت تبلل اكلنكس

واحد اعرفه والله يبلل مخابيه وتحت مخابيه من العرق :o

والله يشفيك وعطنه شصار اول اب اول عشان نستفيد

عمر
25-06-2009, 14:31
زرقـاء ..

لوو كل الناس جان مارحت اعالج ..
انا بشكل مستمر .. عساس جذي متأذي منها ..
..

بو عمرا ..

الحمدالله على كل حال ..

ماصار شي من روحتي العدان ودقرة الموظفه لي تعال العصر او باجر جني رايح اسوي معامله مو اعالج
مارحت اي مكان .. بروح ان شاء الله عياده جلديه متخصصه وبلا منة هالمستشفيات ..
يشفي الجميع اخوي ..
جزاك الله خير ..

الواثقة
08-12-2009, 15:57
والله استانست على الموضوع قلت يمكن نشوف حل !!

مـــلاك
08-12-2009, 23:04
الله يعينكم والله

انزين انا كلش ما أعرق هل فيني خلل ؟؟

يعني حتى لما اركض او ابذل مجهود ما اعرف بس اللهم يصير حر علي ويهي احمر

بس ولا مره صادفت اني اعرق واااايد مثل ما تقولون!!!

لوول ااخاف انا فيني عله :s

والله يشفيكم ان شاء الله

robin87
12-05-2010, 21:24
السلام عليكم
الحمد لله ان شفت ناس نفس حالتي.. طول عمري وانا على بالي اني بس انا اللي جذي ايدي تعرق وريلي بس أخف..أكثر شي مضايقني ايدي أخاف أسلم على أحد و خصوصا انا حدي حساسه و اذا أحد قاللي شي مثلا ليش ايدج جذي كلها ماي اقعد أبجي بالدار و انحرج واايد .. و أخاف أروح حفلات و مناسبات مع اني اجتماعية بس ايديني مسببينلي أزمه نفسيه و اذا عندي امتحان بالجامعه لازم أمسك مجموعة كلنكس.. و حتى لدرجه أن كل ما يتقدملي واحد أرفض حتى لو كان انسان زين لأن كلما أفكر ان يسألني ليش ايدج رطبة او شي جذي اموت من الخرعه بس من التفكير بهالسؤال..و أهلي وايد خوافيين ما يبوني حتى أروح عند دكتور يقولون عادي هذا شي طبيعي لا تكبريين المشكلة ولما أقولهم انني متضايقة من ايديني يقولونلي عادي لا تخلين ايدينج تعرق(جنه بكيفي)!..
قبل شهر تقريبا رحت عيادة الدكتور ابراهيم العراده بعد ما قريت عنه ان خبير بسوالف التعرق الزائد (طبعا بعد 3 أشهر وانا أحن على أهلي و أبجي يالله وافقو أروحله) و كنت مع أمي.. و كنت قاريه عن الأدويه و التأين الكهربائي و ابر البوتكس و العملية.. يعني كانت عندي خلفية شاملة عن الموضوع.. المهم الدكتور كان شكله وايد شاطر و فاهم و قعد يسألني وايد أسئلة أول و قاللي ان دام المشكله عندي من زمان يعني من وانا صغيرة (طبعا كانت أخف وانا صغيرة بس الحين زادت) معناتها ان مالها شغل بالغده وفي ناس يكون عندهم الجهاز السمبثاوي يشتغل أكثر شوي من باجي الناس فالغدد العرقية تفرز بكمية اكثر وقال ان الغدد اللي بالايد يسمونها eccrine glands و اهي بس تفرز ماي عادي (نقي على قولته) بس عشان يحافظ على درجة حرارة الجسم .. بس يوم فحص ايدي و كانت طبعا رطبة انصدمت يوم قاللي ان التعرق عندي يعتبر متوسط و شرحللي كل أنواع العلاجات اللي متوفرة بس قاللي كلش ما انصحج بالتأين الكهربائي (مع أن الجهاز كان عنده بالعياده و أول ما شفته استانست) قال لأن في وايد ناس يووله و جربو التأين أول جم اسبوع شوي ارتاحو بس بعدين التعرق زاد دبل عن أول و اضطر يعطيهم أبر بوتكس.. و لما سألته عن أبر البوتكس شرحلي بالتفصيل شلون ياخذونها و شكثر مدتها بس هم قاللي ما أنصحج تاخذينهم و انتي بعدج صغيرة حاولي تتعايشين مع الوضع مع أن الأبر غالية و اهو كدكتور راح يربح اذا عطاني الأبر بس بصراحه حسيته يكلمني جنه أبوي و شكله صج كان خايف علي و يبي مصلحتي .. اهم ايديني ما يقطرون بس احسهم رطبين فيضايقوني اهو قال ان في ناس ايدينهم يقطرون وهم يمشون.. طبعا انا حدي تحبطت يوم قاللي لا تسويين التأين و لا تاخذين البوتكس .. بس عطاني مسحات قاللي اسمهم alluminium zirconium قاللي استخدمهم مره أو مرتين باليوم (امسح فيهم ايدي وريلي) عشان يخفف شوي.... و قاللي اذا ما نفعوا المسحات و كانت ايديني واايد مضايقتني لدرجة تأثر على دراستي بعدين اييله مره ثانية و يفكر يعطيني ابر البوتكس.. وبس
بصراحة استخدمت المسحات بس ما نفعوا و مايحتاج أقولكم عن الأحباط اللي صار فيني L بس ما رحتله مرة ثانية و أصلا حتى اذا بغيت أروح امي ما راح تخليني لأن وهو يشرحلي عن أبر البوتكس حسيتها شوي وتغشي من الخرعة.. و بصراحة انا هم خفت شوي لأن حسيت ان الأبر مو زينين أو ممكن يكون لهم أضرار جانبية ولا جان ماقاللي لا تاخذينهم و شكلي لازم اتعايش مع الوضع على قولته.
و آسفة طولت عليكم بس بصراحة مو مصدقة ان في ناس نفسي و بغيت أفضفض شوي و هم أفيدكم

ReD BuLL
12-05-2010, 22:46
أسمعني..

لا تسوي أي عمليه سواء بالديره ولا برا

وحده تصيرنا سووتها جان تموت واهم قاعدين يسوونلها العمليه السبب انه الغده سببت انخفاض بالاكسجين ومادري شنو

وانا بعد صاحبي نفـس الحاله راح المانيا قالوله العمليه مو مضمونه وخطره وما ننصحك تسويها

فعمليه لا تسوي

حط كريم حط اي شي

بس عمليه لا تسوي

والله يعينك..

MaYo CliNiC
13-05-2010, 05:30
بقول شي بس اخاف تضحكون علي
بس والله جد !
في انواع صابونات مثلا الدكاتره يقولون بعدو عنها
تسبب جفاف حيل ومن هالحجي
فليش ماتجربونها حق ايدكم ؟!
خلو ايدكم تنشف !
يعني بس غسلوا ايدكم فيهم جود تنشف !

عمر
13-05-2010, 06:08
ابر البوتكس لها فاعليه
بس المشكله اضرارها خطرة + الوالد مانع اي علاج ممكن يسبب ضرر
ماخليت كريم ماحطيت بالعكس احس يزيد ..

..

robin87

المسحات وين احصلهم بالصيدليات ولا عنده اهو ؟
يمكن ينفع

كتلونيه 2005
13-05-2010, 06:48
omr

اذا نويت تسوي العمليه سوها برى لكويت اامن لك
ماتشوف شرر :)

najma_q8
13-05-2010, 07:21
موضوعك لفت نظري .... للاسف ماعندي فكرة عن علاجه بس هالشي صادفني مرتين ....

لاحظت واحد كانت ايده وايد معرقة عبالي من الارتباك لان صج كان موقف مربك ....

والمشكلة وحدة من خدمي فيها هالشغلة الله لايوريك ... مسببتلي معاناة مع ان والله احاول ماحرجها او ابين لها
بس المشكلة لاتاخذ شي من عقبها :nono:

بس اذا العلاج نفس مايقولون مكلف ... بفكر فيها اكثر اكيد:rolleyes:

عمر
13-05-2010, 08:21
كتلونية

العمليه اخر حل بيكون ان شاء الله
الشر مايجيج

نجمة

وقت المناسبات معاناة الله يعلم فيها
وتعودت ما اقعد بـ مكان مافيه كلينكس او تكييف
والمشكله في ناس ماتقدررر :(
بعد ماتسلم عليه يطالع بايده ويطالع بايدك ويسئلك شنو هذا
يحسسك انه انقرف منك مع انه اللي يطلع نفس الماي مو عرق يعني لا لون ولا ريحه

robin87
13-05-2010, 21:36
أخوي عمر المسحات أنا شريتهم من صيدلية مستشفى السلام ب29 دينار.. بس اعتقد موجودين في باجي الصيدليات بس قوللهم مسحات allumonium zirconium اهم بيعرفون

عمر
13-05-2010, 22:26
^
الله لا يهينك
بروح الحين :p

Bianconri
13-05-2010, 22:32
سلامات بو عمره و الله يشفيك يارب ..


لا انت يبيلك روحه عشان تتعالج ان شاء الله ! :p

عمر
13-05-2010, 22:42
^
الله يسلمك ويشفي جميع المسلمين ان شاء الله ..

هناك منبع الارتبااااك لا تشوف ايدي مو تنقط الا تصببب صب
مال يمدون بايب من ايدي ويصرفونه على البيوت :p
بس راقين بالتعامل لبى قلبهم وحتى ان سئلك يسئلك لما تتوفر الخصوصيه بس
يمهد لك الطريق بالشرح الوافي ويمنع الامور المحرجه :d

Bianconri
13-05-2010, 22:47
^
الله يسلمك ويشفي جميع المسلمين ان شاء الله ..

هناك منبع الارتبااااك لا تشوف ايدي مو تنقط الا تصببب صب
مال يمدون بايب من ايدي ويصرفونه على البيوت :p
بس راقين بالتعامل لبى قلبهم وحتى ان سئلك يسئلك لما تتوفر الخصوصيه بس
يمهد لك الطريق بالشرح الوافي ويمنع الامور المحرجه :d




شكلي ضربتك عالوتر الحساس ! :p

عمر
30-07-2010, 12:48
بشااارة لزملائي العتيبي والاخت روبن اللي يعانون من نفس مشكلتي لقيت العلاج الحمدالله
كلمت دكتور جلديه بمستشفى شركة النفط قالي في شي اسمه ابر البوتكس
ولمدة 6 شهور تنشف اليد والقدم وترجع ومره ثانيه تستعمل الابرة مدة 3 او 4 مرات حسب وطبعا لمدة 6 اشهر وبعدين خلاص تروح
وشفت لقاء تلفزيوني قبل يومين مع الدكتور مدري شنو متولي بمستشفى السيف دكتور غدد واوردة تكلم عن المرض وقاله نفس كلام الدكتور يدخل علينا المريض ايده معرقه ومتوتر يطلع نااااشفه باذن الله ويغزون الابره صوب الصدر تحت الرقبه صوب الغدد
سعر الابره 200 وشي بطيبه كلينك والمستشفى الامريكي حول 300 اما مستشفى السيف مادري
لا تروحون اي عياده حي الله لانه اي خطأ بسيييييط يؤدي للوفاة
الامريكي او السيف اامن لكم
-
لا باس عليكم

AL ملكي
30-07-2010, 13:58
^^

عسى الله يشافيك ..،،

عمر
30-07-2010, 14:20
جزاك الله خير عبووود

7achm !!
30-07-2010, 17:48
ماتشوف شر يالحبيب

عُمــانية
30-07-2010, 20:39
انا بعد عندي تعرق اليدييييين ...

الاحرااجااات ببيسة ..

الله يشفينا

..ABEER..
30-07-2010, 20:58
..مسكين الآيفون تلقاه مغرّق :( :p..

..الله يشفيك..أختي عندها نفس السالفه هذي بس على خفيف..وتعودت عليها خلاص..

فكتورفالدز
30-07-2010, 23:02
الحمد الله انكم حصلتو علاج !!

ماشوفون شر !!

Gareth Bale
31-07-2010, 03:41
عسى الله يشافيكم
وإن شاء الله تستمرون بالعلاج وربكم يفتحها عليكم
صاحبي عنده نفس المشكلة بالظبط
بالدوانية من يمسك يدت السوني تصبصب عرق
شي موطبيعي
والحمدالله اللحين عالج وتشافى
بس شلون وشنو العلاج مادري
إذا تبيني أسألك أسألك

f9la.boy
31-07-2010, 05:20
ابي اعرف حتى انا حل للمشكله

عربـاويه
31-07-2010, 12:44
شصار معاك أخ عمر ..؟!

عمر
31-07-2010, 12:52
مانشستر :

لو تسئله ولا تهوون نعرف اكثر

-

عرباوية :

هالاسبوع ناوي امر ع السيف او طيبه كلينك ان شاء الله

-

الشرر مايجيكم

عربـاويه
31-07-2010, 13:01
ليش ما تستعمل كريم افضل وأمن من الابره ...

اتحطه بجيبك وين ماتبي تروح وكلما عرقت إيديك حطلك من الكريم

عمر
31-07-2010, 13:07
جربت كريمات حبوب مشروبات كل شي مانفع :d

-

AlPacino
11-08-2010, 15:25
ومنكم نستفيييد

عمر
30-04-2011, 23:10
-

عرضت مشكلتي قبل سنتين ( تعرق اليدين ) بموضوع بقسم الصحه وكل من ادلى بدلوه واليوم الحمدالله تعالجت اتجهت للفحيحيل وتحديدا للأمل .. عند دكتور جلديه وعملت على كل كف يد 30 غرزة
العوار بشكل مو طبيعي والبنج عواره اكثر بدون بنج افضل لكن يهون العوار بالنسبه لمعاناة المرض
وسالفة انه ينقطع مره وحده مو صحيح ابر البوتكس كل 6 الى 9 شهور يرجع مره ثانيه وتكررها الى مالا نهاية
ومالها اضرار بس اول اسبوع بتكون ايدك جنها مشلوله صعب تحركها على شغلات دقيقه وعملتها بـ 170 دك
والاهم انه ماتزيل التعرق بنسبة 100% من 70 الى 80% يعني على قولته تكون طبيعيه وجنك حاط مرطب
والنتيجه خلال اسبوع تبين معاك .. وانا حسيت بفرق من طلعت منه .. .. ويقول في حالات نادرة ماينفع اهني نحتاج لعملية جراحيه لقطع الاعصاب بالرقبه المغذيه للغدد والمسامات .. العمليه خطرررة وماينصح احد يعملها
الدكتور اخصائي جلديه وباين عليه فاهم .. اللي يعانون من نفس مشكلتي ان شاء الله هذا الحل خصوصاً الاخ بدر العتيبي اللي تواصل معاي بالايميل واتفقنا انه اللي يحصل حل يبلغ الاخر لكن ضيعت ايميله والاخت روبين كذلك .. اليوم الحمدالله الحمدالله هم وانزااح كان مسبب لي مشاكل .. وفوقه هم زين فصلت الخط وراح الحمدالله .. اليوم يوم القضاء على الهموم ؛p

الله لا يوريكم مكروه ويبعد عنكم الأمراض

ReDs Q8
30-04-2011, 23:22
الحمدالله على سـلامتك بو عمره .

عمر
30-04-2011, 23:30
الله يسلمك ناصر

ماي عيني!!
01-05-2011, 00:59
شي أحسن من شي والأهم لقــيت العلاج ..

حمدلله على سلامتك

عمر
01-05-2011, 03:07
الحمدالله ..
الله يسلمج يا ماي عيني

MALIK
01-05-2011, 03:40
الحمد لله على سلامتك :)
...........

عندي نفس مشكلتك بايدي وريلي بس بزيادة :cry2: والشغلة هذي وراثة بكل عايلتي بس انا بدرجة مو طبيعية

الحين قام اكتبلك والكيبورد كله عرق :(

المعاناة الكبرى لي لبست نعال عزك الله..... الله لا يوريك العرق يخر ويصير احتكاك بريلي من العرق وتشقق ودم وسالفة
و المشكلة الثانية لي بغيت اسلم على الناس قمة الاحراج والناس شماتة
والثالثة لي مسكت يدة البلاي ستيشن الله يعين اللي بيمسكها وراي

ودي اعالج بس ابي علاج دائم :confused:

عمر
01-05-2011, 05:16
الله يسلمك اخوي
انا نفسك بالضبط برجلي وايدي ونفس معاناتك بالسلام
وباليده وحتى بالكتابه او حتى لحظة توقيع اي شي بمعامله
الورقه جنى فيها ماي يصير حتى الموظف تحسه مادري شلون يطالع بالورقه
بس نفس ماقلت لك ما عدت 24 ساعه وانا حاس بفرق بسيط مع انه قالي السبت الجاي اخر يوم لمفعول الدوى لانه يبيله ايام
الدايم عمليه بس والله ما نصحني وخرعني .. حتى قال اذا عزمت سوها برى وقالي انه الابر تنفع وممكن تقعد معاك سنه ما ترجع
وانت مو خسران اذا كل 9 شهور او 8 شهور مره
ماتشوف شر

bnt_jaber
01-05-2011, 05:28
شالله حادكم
جربووو ماي وو ملح
واذا ما فاد في شي اسمه sweat block !! Google it

....

robin87
21-06-2011, 00:29
الحمد لله على سلامتك اخوي عمر والله يعطيك الصحه و العافيه .. بس بغيت أسالك اول ما تطلع من الطبيب بعد ما تغز الابر ايدينك ما تحس فيهم كلش؟ يعني ما تقدر تسوق السياره؟ و جم خذى وقت علما خلصت كل الابر؟ يعني نص ساعه تقريبا"؟

عمر
21-06-2011, 00:35
اهلين روبن
الله يسلمج

اهوو قالي هالكلام يقول حسب الحالات في ناس تجيهم وفي ناس لا عادي
بس مايخوف هالشي وتكون طبيعيه
-
اول شي يسوي اختبار يرش بودر ويعرف المكان اللي محتاج ابر كثيفه وبعدها يبلش بالابر نص الى ساعه خالصه
اذا ناويه نصيحه توكلي على الله حييل حييل فرق معاي
ماتشوفين شر

platinum
13-08-2011, 08:05
بسم الله الرحمن الرحيم
انا مثل حالتكم بدا تصبب العرق برجلين ووصل الى اليدين وثم اخر عامودي الفقري وثم الابطين بشكل مو طبيعي وراجعت احد الاطبه واكتشفت انه الغده مالت العرق نشطه بشكل مو طبيعي يجعل جسمي يفرز سوائل من كل جهه بشكل مو طبيعي وحتى في فصل الشتاء تخيل انت لابس بدله وجسمك ربع ساعه يكون كله ماي ياربااااااااااااه
لكن اتوقع البوتكس راح ينفع وبالنسبه الي يروحون العيادات الخاصه البوتكس متوفر بالمستشفيات الحكوميه

آعشقگ بسگآت
11-10-2011, 00:00
الحمد الله على االسلامه
الشيخ :)

عمر
11-10-2011, 02:01
بلاتينيوم

ماتشووف شر
الحكومه عادي موعد بعد 4 اشهر
100 دك وفك عمرك

اعشقك بسكات

الله يسلمك يالغلا

زرقـــاء
18-10-2011, 00:31
رفيجتي راحت سألت و قالولها ان مو زين البوتكس على طول !
لأن مهمتها إنها تشل هذي الاعصاب أو الغدد اللي تفرز العرق .. فـ تخيّل كثرته شنو ممكن يسوّي :/

ديروبالكم على نفسكم .. ما تشوفون شر

عمر
09-06-2012, 10:12
http://img.dooyoo.co.uk/GB_EN/orig/0/0/5/1/5/51524.jpg


هذا الدوا اهو الحل الطبيعي بعيد عن الابر والعمليات
اعراضه : حكه
طريقة استعماله : مرتين بالاسبوع قبل النوم تدهن فيها كف يدك وقدمك
-
للفائده

S.Mcmanaman
09-06-2012, 10:47
اذا انت موظف قدم كتاب لوزيرك يعفيك من البصمه...:)

ريَح...

عمر
09-06-2012, 18:26
اي بس مالي عذر يقولي امسح ايدك وبصم