المساعد الشخصي الرقمي

مشاهدة النسخة كاملة : كل واحد اقول أوصخ مطعم عندك في الكويت دخلو علشان الناس تعرف



الصفحات : [1] 2

ReDs Q8
05-10-2009, 07:21
السلام عليكم

ابي اعرف اوصخ مطعم في الكويت بــ نسبه لك من الفاست فود او المطاعم الي على البحر

او المطاعم الصغيره مثل فتوش نايف شهريار الى اخخ

كل واحد اقول اوصخ ثلاث مطاعم بنسبه له

انا عندي اوصخ مطعم كنتاكي انت شوف المايتي دياي خايس وصمونه أخيس خصوصـاً الصبح
او الكل يشهد انه كنتاكي اخيس مطعم =)
والثــآني فتوش و الثالث المطـآعم الهنديه

لكم المــآيك

الاصفر سيد الالوان
05-10-2009, 07:22
هارديز مايبيله كلام

BuJweS
05-10-2009, 07:24
مطعم ماكولات خفيفة .. جمعية الجابرية القديمة ..

ثلاثين
05-10-2009, 07:26
نايف .. على راس القائمة
فتوش
المعلم
كنتاكي
تكا

WARIO
05-10-2009, 07:31
^

يالظالمة

:p

..

اوصخ مطعم

هارديز


ثلاثين
05-10-2009, 07:34
ظالمه عن اي مطعم منهم ؟ :p

Ezequiel Lavezzi
05-10-2009, 07:45
ممممممممممممممم

كلهم

dl piero
05-10-2009, 07:59
كل فــرع يختلف عن الثـــاني يعني مثلا ماكدونالدز في افرع عندهم نظاف وفي بعضهم حدث بلا حرج ...!
ونفس الشي كنتاكي ..! وهارديز ... يعني على حســـب ...

MR.net
05-10-2009, 08:03
مطعم ماكولات خفيفة .. جمعية الجابرية القديمة ..
لوووووووووووووووووول
مو زين تشوفه اهو يسوي الشاورما ما تفكر تاكل شورما سنة





اوصخ 3 مطاعم
كنتاكي
نايف
مطاعم الهندية الصغيرة باستثناء مطعم هندي مال جمعية السرة انظف مطعم هندي كليت منه

King Kenny
05-10-2009, 08:08
فطااير الفارس مبارك الكبير قذر بمعنى الكلمه

shoot
05-10-2009, 08:40
كنتاكي الاوصخ على الاطلاق ,,

والله حرام مطعم نفس كنتاكي وصخ

من العماله المصريه اللي فيه ,,

BuJweS
05-10-2009, 09:03
لوووووووووووووووووول
مو زين تشوفه اهو يسوي الشاورما ما تفكر تاكل شورما سنة
مطعم تصكر مو اقل من 7 مرات ويرد يفتح !

لا وشاورمته مالـــــــــــحة بشكل غريب ! اتوقع من شنو؟ :p

بس عليه خوش سمبوسة :( ..

JuSt QaDSaWia
05-10-2009, 09:12
كنتاكي ........

BLUE_12
05-10-2009, 09:16
فطااير الفارس مبارك الكبير قذر بمعنى الكلمه


لووووووول حده قذر صارلي يمكن الحين 3 سنين ماطبيته والله للحين مستغرب شلون كنت اكل منه
وعندكم كنتاكي بعد

عموما اكثريه مطاعم الكويت وسخه حتى اذا كان الديكور من بره نظيف و حلو تلقى المطبخ فضايح اهم شي تجيك على المطبخ

روح
05-10-2009, 11:15
مطعم عند فرع بيتنا صكروه مرتين بس الحمدلله
من بعدها ماتبطل !
بحياتي ما أكلت منه بس أخواني دايما
يشتكون منه
واحد مايدري شيسوي بإيده وبعدها يقص
الطماط والثاني بإيده من دون قفازات
يذبح حشرات عالطوفه وبعدها يكمل
طبخه .. يــاو الله يقرفهم :/ !

عمر
05-10-2009, 11:24
..

مطمعم فرع الصباحيه قطعه 1 حرف أ ..
اقذر مطعم الله يدوم النعمه .. ومع هذا مرات اضطر اكـل منه !!

..

X a V i
05-10-2009, 11:34
اوف اوف اوف !!

ما توقعت كنتاكي على رأس القائمة ! :confused::eek:

احلى مطعم والله

وجباته خيالية

مادري ليش ما تحبونه

انا الي اشوفه سياراته ما توقف

عند كل اشارة لازم اشوف سيارة كنتاكي

والله مطعم رووعة

المهم بالنسبة لي ... مطاعم الهندية + ومطاعم الجمعيات

بس حدكم عن كنتاكي :mad2::p

S a h m
05-10-2009, 13:09
كنتـاكـي .. هـارديـز مستحيـل آكـل منـهم

قدساوي انتراوي
05-10-2009, 13:31
بوجويس ..
بالعكس انا اقول حلوه الشورما مالته :p عاجبتني

اسوأ المطاعم .. كنتاكي , هارديز ..
و شنو بعد ؟
المطاعم الهنديه الصغيره .. ما تدري يغسل إيده ولا لأ .. يلبس تسوس ولا لأ ..

روز الاصفر
05-10-2009, 13:41
كنتاكي كل ما اكل منه اتسمم
+
هارديز
+
كابوريا

FaWaZ
05-10-2009, 13:42
ما احس في مطاعم وصخه .. اكل اللي جدامي وخلاص .. واطلب من أي مطعم ما اهتم وصخ ولا نظيف

[ 3amer ]
05-10-2009, 14:58
نايف .. على راس القائمة
فتوش
المعلم
كنتاكي
تكا

هذول كلهم بالقرين :p

ماي عيني!!
05-10-2009, 15:22
نــايف + هارديـز + كنتاكي + البطريق + تكا ..


أي مطعم فيـه مصاروه ياااااااااااااع :(

ســـاره
05-10-2009, 15:30
كنتـــــــــاكي .. يااااو قذر بمعنى الكلمه

BuJweS
05-10-2009, 15:34
بوجويس ..
بالعكس انا اقول حلوه الشورما مالته :p عاجبتني

اسوأ المطاعم .. كنتاكي , هارديز ..
و شنو بعد ؟
المطاعم الهنديه الصغيره .. ما تدري يغسل إيده ولا لأ .. يلبس تسوس ولا لأ ..


وانا اقول من يخلصها كل يوم :p

الله يزيد النعمة

1966
05-10-2009, 15:37
وما أدراك ما خلف الكواليس :(


في مطعم بـ جنوب السرة .. المعلم الشورمه مالهم !


قذرررررررررررررررررررررررررررر !


قسم بالله يمسح العرق بإيده و يكمل يسوي شورما بدون


دس ! وفي مرات العرق يتكود بويه و خصوصاً الخشم


وجدام عيوني العرق يطيح بـ قلب الشاورما ! :cry2:


يا كثرهم المطاعم الوصخه ! 90% من مطاعم الكويت


وصخه .. ما تدري شيسون بالمطبخ ! شكلهم نظيف


بس بلاوي داخل !





أنظف مطعمين بدر البدور و كباب الحجه


أوصخ مطعم .. وايد ! وااااااااااااااااايد !

BuJweS
05-10-2009, 15:40
^^
مالح؟ :p ...

Bo_3mra
05-10-2009, 15:59
كنتاكي يالدرجه الاولى الا فرع الدعيه نظيف بدرجه مو طبيعيه :)

هارديز كلهم نفس الشي ماجربت واحد زين

والمطاعم الهنديه

gzooom
05-10-2009, 16:15
كلهم ما عدى ماكدونلز :p

Delpi
05-10-2009, 19:13
مثل ما قالوا الشباب اي مطعم فيه مصاروه قذر

عادي تلقى المصري يسوي لك الصمونه بايده بدون ما يلبس دس وبنفس الوقت يكون حاط أصابعـه بخشمه او يحك شعره او ويروح الحمام وما يغسل ايده ..

شـعب ما يهمـه الا الفلوس !!

وابشركم بعد مطاعم نايـف كل الي يشتغلون فيه بنغالية و مصريـة !!

وطبعا البنغالية ما يقلون شأنا عن المصاروه ولهم سوابق ..

AWWAD
05-10-2009, 19:25
اوصخ مطعم وانصحكم تبعدون عنه مطعم مشويات بالسالميه اسمه الازرق بشارع عمّان نفس اسم الموقع :) من محاسن الصدف اكله لا يوريكم وينصب علناس يقول لحم طازج ولحمه لحم مادري شنو

++++++++

افراح الخليج

El pipita
05-10-2009, 19:40
كنتـاكي ... مستحيـــــــل آكل منـه !!
فدركرز .. حاشتني منـه موجـة تسمم ياااو :hot: .. الحين بس أشـم ريحـته تقلب جبدي :o

shoot
05-10-2009, 19:47
^^^

اكيـــد حامل ,, :p:D

قدساوي انتراوي
05-10-2009, 19:49
^ ^ ^

@@
صج هالحجي حسينو :p

قدساوي انتراوي
05-10-2009, 19:54
وانا اقول من يخلصها كل يوم :p

الله يزيد النعمة

لوووووووول لا يبه كنت آكل منها قبل :p ..
بس إلي اذكره أن كانت حلوه

MnoOomY
05-10-2009, 20:17
كنتاكي..

.......

لاعت جبدي من القصص الي بـ الردود قاعده اتخيل اني اشوف المصري ولا الهندي اصابعه بخشمه ولا العرق يطيح من خشمه بالصمونه واكلها بعدين يااااااو :hot:

احس بطني قام يعورني :×

VaLiNoR
05-10-2009, 20:20
بعد ما قريت ردودكم اتوقع سنة جدام ما راح آكل مطاعم .. والله حيل حيل مخفف والسبة المواقف إلي اتصير معاي .. مرة طلبت مشكل كباب وتكا من مطعم البراحة بالعارضية وانا بره بالسيارة اشوفه يطلع السيخ داخل يمسح العرق بيده ويدخل الكباب بالسيخ !!!! .. عطيته ار وقحصت يعني امعصب :p

وهم المعلم بالسالمية مرة طلبنا كباب انا والربع ولا يحوشنا تسمم جماعي ..

والله إلي ياكل من المطاعم بايع عمره إلا لمن يشوف بعينه شلون قام ينسوى اكله .. صارلي فترة لما يطقني اليوع بالليل اروح الجمعية اشتري مرة قشطة مرة كرافت مع توست ومش حالك .

AWWAD
05-10-2009, 21:21
حتى لو لو لو لو نفرض فيه مطعم نظيف مع اني استبعد

شوف الزيت الي يقلون فيه يقلون فيه مليون مره لين يصير دهن قير

اصلا مرتين يسوي امراض اقلب والكليسترول شلون مليون مره ؟؟؟؟؟؟؟؟؟؟؟

لين تجيك الدجاجه سوده جنها مقليه في برميل نفط

ماي عيني!!
05-10-2009, 23:24
وما أدراك ما خلف الكواليس :(



في مطعم بـ جنوب السرة .. المعلم الشورمه مالهم !


قذرررررررررررررررررررررررررررر !


قسم بالله يمسح العرق بإيده و يكمل يسوي شورما بدون


دس ! وفي مرات العرق يتكود بويه و خصوصاً الخشم


وجدام عيوني العرق يطيح بـ قلب الشاورما ! :cry2:


يا كثرهم المطاعم الوصخه ! 90% من مطاعم الكويت


وصخه .. ما تدري شيسون بالمطبخ ! شكلهم نظيف


بس بلاوي داخل !





أنظف مطعمين بدر البدور و كباب الحجه



أوصخ مطعم .. وايد ! وااااااااااااااااايد !





يااااااااااااااااااع يا ربي ســترك المرعب من صجك أنت؟
شنو صار فيك يوم شفت هالموقف؟:confused:


×


انا مره واقفه عند مطعم عادي والا حاط البطاط والمخلل
في اللي يغسلون فيهم الملابس ولو تشوفون شكلهم كلـه
أسود ودهن وخياس اسأل يقولون كل المطاعم جذي:(


ومره عاد هذي مو صج:p

يوم كنت بالثانويه وقفت عند البطريق قلت ابي ماي قلت خل آخذ للسايق معاي:D
يوم قلت للهندي عطني سوى حركه غير طبيعيه امتنع عن ذكـــرها ..
انا من الصدمه اطالع :eek: وعادي عنده كمـل وبدون قلفس قلت عطني ماي بس:rolleyes2:


×


بس على فكره في مطاعم تجي في بعض المناطق قذره
وفي بعض المناطق ماكو انظف منها مثل هارديز الشاميه
نظيف وهارديز الرابيه يالله انك تزيد النعمه:o

القدساوي المحنك
05-10-2009, 23:31
المـطعم إلي شقني صج هو فدركرز .. صج عذبني عـوار بطن مو طبيعي !
وبرجر كنغ سوا فيني الهـوايل .. يومين وأنا عـوار ببطني .. !

وترى العمـوم وصخين ومو نفس أكل البيـت .. :)

وإلي إنتقد كنتاكي .. حبيت أقولك إن في واحد أعـرفه .. كله كنتاكي بعـدين صـارت فيه جرثومه وتوفـى .. صج صج هالمطعم وصخ وأنا يمكن صارلي 3 سنين ماكليته ! :confused:

طـويل الـعمر
06-10-2009, 08:56
برغر كنغ .. كل ما آكله يحوشني عوار بطن !

حتى هارديز وكنتاكي .. اكلهم وصخ حده !!

بس أحبهم هالمطعمين آكل لما أكون طالع مجمعات أكثر شي

على الأقل الأكل " شوي " يكون أنظف من أفرع الجمعيات :×

نايف ، البطريق ، وهالمطاعم اللي يشتغلون فيها مصاروه لا يحووووووووشك

ويبقى ماكدونالز الأنظف بينهم

Mr.Blue
06-10-2009, 11:25
مـطعم بــهار .! مـادري شـصار لـه الـحين مـاقمت اشوفـه !! :p

هــذا شغلـه حـار بــحار .. تــاكل منـه السـاعـه 1 !! بالكثـير الـساعه 3 مرجـع اكلهم ،، :o

مانيو
06-10-2009, 13:25
^^^

لووووووووووووول
اي والله

شباب والله لوعتوا جبدي
خلاص x على المطاعم

مانيو
06-10-2009, 13:26
اذكر مطعم اللد والرملة الي صوب دوار صادق
البلديه سكرته 7 مرات بس :p

1966
06-10-2009, 14:00
اذكر مطعم اللد والرملة الي صوب دوار صادق
البلديه سكرته 7 مرات بس :p

لا والله؟ :eek:

وأنا و الشباب كل ما بغينا عشا رحنا اللد و الرملة

على بو إنه أحلى فلافل بالكويت :(

مانيو
06-10-2009, 14:35
^^^

لوووووول الحين مغيرين شكله بعد
احلى فلافل العقل + فلافل على كيفك

TaLaL.
06-10-2009, 16:15
شككتوني بكل المطاعم ألحين !

dm_dm
06-10-2009, 17:42
شوفوا ياجماعه
برجر كنج اول مانزل حلو طعمه ونظيف الحين صار طعمه كله دهن
والبيتزا بعد صار كله دهن وباباجونز احلى
كنتاكي نفس الشي والحين صار وصخ من هالعماله طلبوا الحين حلقات بصل صايره سووووووووووووده وع

انا اقول كل المطاعم ماعدا مكدونالدز وخصوصا بالكويت
اما مكدونالدز السعوديه والامارات والبحرين وصخين :\

الكويت يسمونها city of resturant
من كثر المطاعم اللي فيها
لان سياحتنا اكثرها اكل مجمعات

المهم موهذا موضوعنا هههههههههههه

انظف مطعم جاد ستيك وبدر البدور وتباب وبرقان


قائمه السوداء :
كنتاكي
هارديز
بيتزا


حرام عليكم دياي تكا حلو ونظيف

6r6be6a !!
06-10-2009, 18:29
معجنات او فطاير الفارس بـ قرطبه ..
مره خذينا منه صــاج ..
فتحنــاه .. و الا نمل يتمشى :confused:
و اكو نملتين ميتين بيــن البطاط اللي يحطونه فوق الصــاج والله :eek2:


نمــل "جمبو" طبعا .. كل وحده بنت نعمه .. :)

El pipita
06-10-2009, 19:03
^^^

اكيـــد حامل ,, :p:D


لوووووووووووووول :p
جرب تسمم مرة من مطعـم و روحلة مرة ثانية .. شوف الشعـور حزتها :p
..
قدساوي إنتراوي

ما ادري إنـت شرايك يعني ؟! :p

الريانه
06-10-2009, 19:30
موضوع بوقته ..

قبل جم يومين طالبين من مطعم هلا ريووق .. وقاعده اخذ الحمص بالقفشه والا اشوف شـعر:cry2: .. قطيت القفشه وقلت بس ماني ماكله حمص .. شووي الا رفيجتي تقولي شووفي قلت شنو والا شعـره وععععععععع .. عاد تونا متريقين ما مدانا شبعنا .. تمنيت لو رقم البلدية عندي صـراحه .. قمت ودقيت على المطعم وشرشحتهم اقوله الحمص في شـعر .. قال شعر ايـه ؟! قلت شـعر ريال يا من راسه ولا من ايده ياخي ترا هذا اكل يعني شيء فيه ذمة وضمير شلون جذي سمعتكم زينه واخرتها حمصكم فيه شعر ! بغى يموت علي والله خلاص ان اوصلك دلوقتي حمص قالت عوووع مابي توبه اطلب منكم ..

تكفون ما تعرفون رقم البلديه اللي حقت الشكاوي :p << مو ناويه خير

1966
06-10-2009, 19:32
لا تظلمين المطعم وايد .. شعره و طاحت من جسم الطباخ

صعب يقعد يوم كامل بدون ما تطيح شعره من إيده ولا حواجبه

أو راسه .. بس مدام بالطبقين في شعر .. السالفة فيها شك :p

Delpi
06-10-2009, 20:09
زين شرايكم بالي يطلـب مشويات من فرح ويلقى ظفر كامل بين المشويات .. شنو يكون شعوره ؟؟

وصارت لما مره ثانيه قاعد آكل شاورما من مروش والا يطيح ظفر كامل من الصمونة .. بالله عليكم شيصير فيكم :(

أشكره ومن امـه بفعل فاعل ..

وآخر حادث صار لي طلبت صمونة قرش من افراح الخليج والا اشوف " رموش " على الخبز !!

WAZZA
06-10-2009, 20:36
كرهتونا بالمطاعم :p

اوصخ مطعم مر علي بيتزا هوت الي بالسره متروس دهن والدهن شكل الله لا يوريكم

ومطعم كويتنا حرمت اطب منه كل بسبة المصاروه الي فيه يعني بله برتقاله تطيح بالزبال ( وانتو بكرامه ) يرد يشيلها ويعصرها

الريانه
07-10-2009, 17:41
لا تظلمين المطعم وايد .. شعره و طاحت من جسم الطباخ



صعب يقعد يوم كامل بدون ما تطيح شعره من إيده ولا حواجبه



أو راسه .. بس مدام بالطبقين في شعر .. السالفة فيها شك :p



ليش مايلبس جم طويل :p ولا يلبس كبوس على راسه ؟

GaGo_16
07-10-2009, 18:17
قريت صفحــه وحده قمت أتحكك !! :×

بـ عاقول ـن
07-10-2009, 18:29
" كنتاكي وهارديز "


اكلت من برجر كنج قبل ثلاث سنوات وتسممت .
ومنها قاطعت هالمطعم ،

حوّلت على ماكدونالز وبرأيي هو أنظف مطعم بالكويت .
وحالياً اكلي مَش حالك ، مو مثل قبل !

الواحد لازم تحوشه حالة تشبّع من أكل المطاعم ،
مو معقوله يقضّي طول عمره وهو ياكل مطاعم !
اشصارت معدته .. " غسّاله " مو معده ! :p

X a V i
07-10-2009, 18:37
ماكو احلى من اكل المطاعم

اكل البيت محدود واصنافه محدودة ملينا منه

بعكس المطعم اقل شي في 50 صنف

طب وتخير

ومليون مطعم وبكل الانواع وجبات سريعه عيوش ايطالي صيني الي تبيه

وغير هذا ان وصفاتهم غريبة ويديدة مستحيل تسويه بالبيت

وصفات سرية وخاصة

فجذي اكل البيت x عليه

Kalakchi
08-10-2009, 04:33
اوصخ مطعم
5000 بـ قرطبه
خياااااااااااااااااال
هالمطعم فنان بانواع القذاره ,,
مره اشتهيت فول قلتله عندك فول قالي اي
ولا يطلع قوطي الفول ويبطل الصمونه بيده الثانيه وياخذ القوطي و يحطه بين الصمونه ( عشان ينزل الفول داخلها )
قلتله إحلـــــــــــــف !!!:confused:


و مطعم الفارس بـ قرطبه
مره اللي يشتغل على الصاج طايحله " تصجيـــم ":mad:


مطعم نايف !!!
جم مره اطلب منهم انا والربع ويطلع طعم البطاط " بف باف " !!!
يعني لو انا حسيت بروحي قلنه يتهيألي بس كلـــــــــنه !!!


هارديز :D
ديايه نصها بارد ونصها حار ,, اقوى حركه صارت فيني





والتوب بالقذاره
مطعم كلية التربية الاساسية بنين ( العديلية)
خيااااااااال خياااااااااااااال
اللي يحطلك الصمونه تلقاه واقف يم باب المطبخ يدخن
تناديه عشان يسويلك الصمونه
واللي على الصاج ابداااااااااااااع
و اول مره اشوف صمونه محمضه !!!

1966
08-10-2009, 14:19
ماكو احلى من اكل المطاعم

إسمحلي ! ما عندك خبره بالأكل :p:)

من صجك؟ حتى لو المطعم فيه 200 صنف ! أكل البيت والله أشرف

يا زين طباخ الوالده .. يوم مطبق و يوم مجبوس .. يوم مرق و فناتك

نظيف و تاكل و إنت مرتاح ! الحين كمثال .. بعد سالفة مطعم الفرح

أعتقد .. صادوهم إنه لحم الشورما مالهم لحم قطاوه .. صرت أشك بكل

مطاعم الكويت ! منووووووو يقارن أكل البيت بالمطاعم ! :eek:

1966
08-10-2009, 14:21
و مطعم الفارس بـ قرطبه
مره اللي يشتغل على الصاج طايحله " تصجيـــم ":mad:

الوالده من النوع إذا بتطلب من مطعم .. تدقق و تشوف عامل عامل عندهم

بعدين تفكر تطلب .. المطعم الوحيد إلي تطلب لنا منه حق الريوق ولا العشى الفارس !

قاعده و تمدح فيه .. نظيف و شغل حلو و كلهم دسوس و أشكالهم نظيف !

يمكن إلي بـ قرطبه وصخ .. بس مال جنوب السرة شفت بـ عيوني شغلهم نظيف .

KhaLeD
08-10-2009, 14:39
^
انت شفته نظيف بس مايمنع يصجمون من وراك :p:p

كظماوي
08-10-2009, 14:42
كنتاكي اوصخ الوصخين

مره رفيجي بالدوانية فقير هههه شرب البيبسي الحجم الكبير شفطه شفط لما قام يطلع صوت عاد عقب ما خلصه فتح القوطي يبي ياكل الثلج والا يشوف زهيوي داخل القوطي ميبس والله وربي يشهد على كلامي ههههه عاد عقبها قطعت كنتاكي هالكلام من 7 سنين واكثر يمكن
وصارت فيني عقدة لليوم افتح قوطي البيسبي افحصه قبل الشرب

وبعد مرتي من زمان شافت دودة تسبح بالمايونيز وتتدلع وتتقلب وتسرح وتمرح داخل السوبريم

ومعاي انا شعره داخل التويستر

هذا كنتاكي

الثاني برجر كنج نصيحه اذا بتطلب منه

تزهب واحسب حسابك تخييم داخل الحمام تكرمون ههههههههه

و95% وصخين لو شنو يسوون لازم فيهم شي وصخ وغلط

f9la.boy
08-10-2009, 15:00
كنتاكي وصخ .. أكلهم كله شعر :p !!
بس ماكو على نظافة اكل الوالده على قولتك يامرعب ..
بس هارد روك وماكدونلدز رووعه

X a V i
08-10-2009, 15:07
إسمحلي ! ما عندك خبره بالأكل :p:)


من صجك؟ حتى لو المطعم فيه 200 صنف ! أكل البيت والله أشرف


يا زين طباخ الوالده .. يوم مطبق و يوم مجبوس .. يوم مرق و فناتك


نظيف و تاكل و إنت مرتاح ! الحين كمثال .. بعد سالفة مطعم الفرح


أعتقد .. صادوهم إنه لحم الشورما مالهم لحم قطاوه .. صرت أشك بكل



مطاعم الكويت ! منووووووو يقارن أكل البيت بالمطاعم ! :eek:



والله يا طويل العمر اكل البيت معروف وحفظناه وسنين ناكل منه

المطاعم كل شهرين ينزلون وجبات يديدة

وتشكيلة يديدة من الوجبات والمقبلات والحلويات

البيت شنو اكله ؟ مطبق مجبوس !!

مو شي

بالنسبة للنظافة مو اي مطعم الناس تروحله

في مطاعم راقية ونظيفة

وحتى الي يحب اكل البيت لازم بالشهر على الاقل يطلب من المطعم :)

عدل ولا انا غلطان :>

1966
08-10-2009, 15:36
والله يا طويل العمر اكل البيت معروف وحفظناه وسنين ناكل منه

المطاعم كل شهرين ينزلون وجبات يديدة

وتشكيلة يديدة من الوجبات والمقبلات والحلويات

البيت شنو اكله ؟ مطبق مجبوس !!

مو شي

بالنسبة للنظافة مو اي مطعم الناس تروحله

في مطاعم راقية ونظيفة

وحتى الي يحب اكل البيت لازم بالشهر على الاقل يطلب من المطعم :)

عدل ولا انا غلطان :>

في مره حبيت أتليقف .. ودشيت منتدى كويتيات .. والله مو تقولي المطاعم عندهم أصناف يديده وايد

حاطين لك أكلات عجيبه و غريبة و كله أشياء يديده .. بس وين إلي يسوي عاد :p أنا عن نفسي أكل

من المطاعم مره بالأسبوع أو مرتين إذا كثرت .. يعني قول بالشهر 90% أكل بيت 10% أكل مطاعم

المطاعم مو غلط .. بس الغلط إذا كان الواحد ياكل من المطاعم أكثر من البيت .. أخلصك؟ أنا قبل

سنتين .. كنت ما أعرف إلا أكل المطاعم ! كنت مشترك بـ نادي و أروح من بعد المدرسة و ما أرجع

إلا بليل ! فـ يكون ريوق بالمدرسة من الكافتيريا .. وغداي من مطعم قريب من النادي و العشى

من مطعم بعد .. يعني حياتي كانت مطاعم بـ مطاعم .. وفريت كل مطاعم الكويت .. لما مشت الأيام

حسيت بعوار يومي بالبطن ! شالسالفة؟ رحت الطبيب و سويت مناظير و سونار و فحوصات ولا فيني

تقرحات بالمعده و الأمعاء و الغولون و المرض قاعد ينتشر بالجهاز الهضمي .. ولي يومك هذا أعاني

من عوار بطن من سنتين و سحبت سنة بالمدرسة و حياتي إنقلبت فوق تحت و السبه المطاعم !

الطبيب قال السبب إلي صار فيك من المطاعم و تحديداً دهن المطاعم !

MR.net
08-10-2009, 15:39
المطاعم الموجودة بمجمع الرحاب
انتو بس قربوا يمهم وشموا ريحه حزورة الدهن
انا ما دري شلون الناس ياكلون منه

AL ملكي
08-10-2009, 18:06
نايف .. على راس القائمة
فتوش
المعلم
كنتاكي
تكا

بالضـــبط ;)

غلا الروح
09-10-2009, 14:37
كنتاكي بدون منازع قمة القذاره الله ياخذهم :mad:

ومطاعم الهندود اووووف شي مو طبيعي وصخيييييييييين :eek:

الوحيد اللي ارتاح له واثق فيه ماكدونالدز

Gareth Bale
09-10-2009, 14:57
ياجماعة ماكو على مطعم "هوت برغر" في الشارقة
أقذر وأوسخ مطعم شفته بحياتي
كل شي عنده , أقوله عندك "بريعصي خانقته العبرة" يقولي فيه :p
ومره قتله توصل جواخير "كبد" يقولي نوصل :p
مطعم صيدات
الله يعز الكويت

غلا الروح
09-10-2009, 15:12
كل شي عنده , أقول عندك "بريعصي خانقته العبرة" يقولي فيه :p


لووووووووووول :lol:

قدساوي_كويتي
09-10-2009, 15:21
كل المطاعم بصوب

وماكدونلدز بصوب لاتشوفون اللي شفته :)

زبااله كرمكم الله

عذبني غلاها
09-10-2009, 17:06
موضوع عجيييب

نـــوار
10-10-2009, 13:51
إنتـــــوا مـــو صــــــــــــــــــــــــــج :eek:

,
,
,

اوصخ المطاعم اذا كانوا هنود ومصاروه

كنتاكي هذا عليه X استغفر الله حرمت آكل منه

هارديز مستحيل آكل من أي فرع إلا اللي بالخالديه مرات اتعنى واروح اطلب منهم نظيف وفرش او اللي بالشاميه بس مو وقت العطل يعني ايام الاسبوع


ومره انا ورفيجتي يعنا ولقينا مطعم جدامنا بحولي قالت تبي تطلب منه وقلنا نبي صاج نزلنا نبي انشوف واهو يسوي الصاج قاعد يسوي عيين جدامنا لان جرب يخلص واهو يخلط الطحين ولا رفيجتي اتقول فيه دود الله وكيلكم كشتنا فيه وقلناله اكله انت ... الله يزيد النعمه بس في ناس ماعندها لا ذمه ولا ضمير :(

الصـــــــــــــــــــــراحه

ماكو على أكل البـــــيت من إيد الوالده الله يخليها
واهي مو مقصره اتحاول كثر ماتقدر اتسوي اللي نبيه

يعني اخوي اعجبته اكله من المطعم اتحاول تبحث عنها واتسويها بالبيت على الاقل الواحد ياكل واهو مرتاح
وانا جم مره آخذ وصفات من النت نفس وصفات المطاعم


يعني ماكو عذر لنا ان نطلب من المطاعم لان كل شي متوفر

لكن احنا لما نطلع مانلقى غير القهاوي والمطاعم فشنسوي نضيع وقت بالأكل

بس الحمد الله ألحين قمت اخفف كثر ما اقدر من اكل المطاعم وعندي آكل توست وجبن احسن من ما اطلبلي آكل شاكه في نظافته

ونصـــــــيحه :

اذا اعجبتكم أكله من المطعم حاولوا تبحثون عن مقاديرها بالنت وعطوها الوالده واتسويلكم احلى آكله :rolleyes:

dexter
10-10-2009, 15:54
فطااير الفارس مبارك الكبير قذر بمعنى الكلمه


ليش اشفيييه مع اني ماكل منه عدد اصابع اليدين

هو صج موحلو بس شنو القذاره اللي فيه ؟

Bo Hashem
15-10-2009, 15:29
الي يضق الخلق ان من احلى المطاعم كنتاكي ..

بس للاسف اهو اوصخ مطعم

و صوت الهند الناس طق اعصي عليه .. هم حطيت عليه اكس ! ياب لنه مره صحن السلطه ولا فيه دود .. جان نقووم على طول و هالججي من 4 سنين .. رحت له من فتره علشان بس ولد خالي

و هم مطعم الله يذكره بالخير دعوات اذا ماني غلطان .. خربوا الزهيويه ! و الصيبه الاكبر نقول حق الجرسون اكو زهيويه .. يقول عادي !!!!!

3li
15-10-2009, 15:53
في مطاعم وايد ..
بس اكثر شي كنتاكي

AL-BLOUZE_8
24-10-2009, 13:58
اي مطعم تشوف عماله مصريين اخذ فوق تحت واطلع نصيحه

Van Basten
28-12-2009, 04:16
كل مرة اقول باقطع كنتاكي وارد اطلب منه .. مثل ما فال بو هاشم ميونخاوي .. المصيبة انه حلو :)

بس لازم يسهلك بطنك عقبها

مانيو
28-12-2009, 04:25
^^^
صدقت
تاكل منه وعقب تتحسف
وترد مرة ثانية تاكل منه وهم تتحسف وما تتوب
على قولة الخال

Van Basten
28-12-2009, 04:44
والمصيبة اسمع بلاوي وقصص مرعبة .. بس ما اتوب عنه

مانيو
28-12-2009, 04:49
تصدق ولد عمي قبل حوالي 8 سنين
كلا من كنتاكي وحاشه تسمم ومن ذاك اليوم
ولي يومك هذا وهو مبطل كنتاكي
حتى بيبسي ما ياخذ منه :p

اليوفي
28-12-2009, 05:14
كنتاكي بدوون منازع ,,

شخصيآ مقاطعه صارلي جم شهر , ومستحيل أكل منه مره ثانيه .. :)

والله اخوي لاقي "ذبانه" قالينها , بين البطاط !! :/

Van Basten
28-12-2009, 05:28
ناطر واحد يقول لاقين بعير بقطعة كنتاكي :p

Fiorella
28-12-2009, 07:54
Grillo

Sahran

اغلب مطاعم شارع المطاعم

+

KFC

Hardees

Fridays

Piano Piano

Burger King (marrat) j

KuwaitGaZz
28-12-2009, 21:43
Grillo

Sahran

اغلب مطاعم شارع المطاعم

+

KFC

Hardees

Fridays

Piano Piano

Burger King (marrat) j

بسم الله الرحمن الرحيم

Grillo + fridays !

ليش شنو شفتي ؟

Qadsawia 4 ever
28-12-2009, 22:01
كنـتاكـي ..

مـره بنـت خـالتي كـلت منـه وتسمـمت

وهـارديز ..

بـس للأسـف لـي الحيـن اطلـب منـه :p

1966
28-12-2009, 22:35
Fridays


ليش بعد ؟ :p

خآلد
28-12-2009, 22:56
انا كلا اسمع واحد يقول " تسممت , لقيت ذبانه "

طول عمري اكل من هالمطاعم ماصار فيني شي .. :p

< الحين بروح ادق على هارديز :p !!

Fiorella
29-12-2009, 06:39
ليش بعد ؟ :p



بسم الله الرحمن الرحيم

Grillo + fridays !

ليش شنو شفتي ؟


Fridays
انا مره لقيت دود بالخس ما يغسلونهم عدل :o
و اخوي لقى حشره

Grillo
نمل!

King Kenny
29-12-2009, 07:00
ليش اشفيييه مع اني ماكل منه عدد اصابع اليدين

هو صج موحلو بس شنو القذاره اللي فيه ؟

مخالفات الدنيا ودين عليه من جاري بالبلديه بلاوي واداره خايسه

انا شوووف عينى والله مالت شورما قصاصه يحك فيها الارض يجمع الوصخ :mad2:

iL Fenomeno
29-12-2009, 08:59
مشتهي اليلد "الجلد" مال كنتاكي.. :p

بس انتوا اتخوفون!!!!! :(

AL ملكي
29-12-2009, 14:33
مشتهي اليلد "الجلد" مال كنتاكي.. :p

بس انتوا اتخوفون!!!!! :(


اكل ما عليك منهم ما راح تموت :p

الانجــليزي
29-12-2009, 14:35
هــارديز ومطعم بخيطان نسميه بوريحه عليهم ريحه موووووووميته

Vidic
29-12-2009, 17:13
عادي أكل وأكل الي تبيه كل واحد ويومه :p

قدساوي انتراوي
29-12-2009, 18:09
بدر البدور شلونه نظيف ولا اي كلام ؟

مانيو
29-12-2009, 20:53
^^^

نظيف ما فيه شي

طـويل الـعمر
30-12-2009, 05:32
بصراحة لا يعلى على كنتاكي بالـ " وصاخه " !

صارلي فتره مقاطعهم بسبب ان أكلهم صاير وصخ بدرجة مو طبيعيه

ولا في خس أصفر ؟ ولا مايونيز أسود ! ولا صمونه تقول منقيعنها بـ ماي

والله حاجه " تقرف " يا جماعه خصوصاً كنتاكي مبارك الكبير والقصور مش ممكن بالوصاخه !

هارديز أشوفه شوي صار أحسن من قبل وأكلهم ينبلع وآكله عادي وأنام وأصحى مافيني شي

قبل كل ما كليت هارديز .. يوم الثاني أنا بالمستشفى بسبب نزله معويه وأشياء ثانية :×

وبالنهاية .. من مطاعم وجبات السريعة لا تدور غير ماكدونالز .. أنا أحبه :p

FUBU
30-12-2009, 07:31
شارع المطاعم !

عربـاويه
30-12-2009, 08:44
وايد في ناس اتشوف وصاخه بالمطعم ... بعدها بجم يوم يردون ياكلون منه

عادي الوضع طبيعي :p

Pro
30-12-2009, 11:07
والله لو كنتاكي و هارديز و غيرهم من مطاعم الفاست فوود مو بس فيها زهيوي ولا بريعصي بالصمونه! .. لو جرذ عزكم الله داخل الصمونه هم احسن من المطاعم الي بالمناطق النائية .. في مطعمين وصخين بمعنى انك تخاف تشتري منهم بطل ماي !

مطعم بطريج جبد .. و مطعم بلفة من اللفات الي ورا الزور صوب مدرسة مهجورة ... ياااااااااااااااااااااو ..

لمن تجتمع الوصاخة + اكل منتهي صلاحيته = خلايا جسمك يسوون انقلاب عليك ليمن تموت !

mr.scholes
30-12-2009, 11:45
بدر البدور شلونه نظيف ولا اي كلام ؟
اسمحلي, بدر البدور صارله 22 سنه و عمره محد قال عنه ان وصخ, بالعكس اكله نظيف

Miss GERRARD
30-12-2009, 13:32
لـ حد يقول كنتاكي وصخ :cry2:

Miss GERRARD
30-12-2009, 13:34
وينه بدر البدور ..!

Bourne
30-12-2009, 14:27
كنتاكي اخر مرة كليت منه يمكن 2001 او 2002 من وصاخته !

مدمنه*القادسيه
30-12-2009, 14:35
المشكلة كل مانقـول وصخ ! ناكل لووولز

ReD BuLL
30-12-2009, 14:36
بيتزا هوت جنوب السره

سألوني عنه :(

قدساوي انتراوي
30-12-2009, 15:58
ادري ان مو وصخ :p
كله آكل منه .. بس كتبت الرد قبل لا اطلع و كنت بروح له فقلت بشوف راي الشباب

ميس جيرارد ..
بدر البدور ب بنيد القار .. اهو و يمه مطعم ثاني اسمه برقان
شتاكلين منه .. شورما و كباب .. بس :d

A$R
30-12-2009, 18:57
بهــالزمــن مــا نسلــم مــن شــي !!


بــس أركــز علــى:-


هــارديــز & كنتـــاكــي !!

وبالنسبـــة لمطــاعــم المـأكــولات الخفيفـــة..

يبيــــن مــن شكلــه إذا وصــخ ولا لا!!

BuJweS
30-12-2009, 19:11
يعتمد على الفرع صدقوني

حتى طعم الاكل يفرق :×

Miss GERRARD
30-12-2009, 22:57
ميس جيرارد ..
بدر البدور ب بنيد القار .. اهو و يمه مطعم ثاني اسمه برقان
شتاكلين منه .. شورما و كباب .. بس :d


وييييييييييييه بعيد ..!
يـ الله بـ العافيه :)

Al-Saleh
30-12-2009, 23:21
1) كنتاكي بلا منازع
2) امريكانا ( السندويجات و السلطات )
3) هارديز
4) دياي نايف

BeCkHaM07
31-12-2009, 01:01
سؤال.. انتوا شنو تطلبون من كنتاكي اللي تلقون فيه حشرات و شعر و ذبان؟:×

اوصخ مطعم مر علي المطاعم الهندية مالوت العدان و القرين ...


عاد قبل جم يوم شريت لي من فرعنا galaxy hazelnut اللي يكون فيه بندق :× قاعد اكل و مندمج فيه ... وصلت لي اخره ... جان اجيك عليه ولا فيه بقعة عليها نشيج مثل نسيج العنكبوت :× شلتها ... ولا تحتها ذيج الدوده الصفرا ... اللي لي الحينها ماماتت :× جان تفز الدوده الصفرا و تنحاش.. وتطلع من وراها بعد دوده ... و بعدها قررت اني ما اكل من جلكسي شي :×كندر و اقطع...

Ezequiel Lavezzi
31-12-2009, 01:38
ادري ان مو وصخ :p
كله آكل منه .. بس كتبت الرد قبل لا اطلع و كنت بروح له فقلت بشوف راي الشباب

ميس جيرارد ..
بدر البدور ب بنيد القار .. اهو و يمه مطعم ثاني اسمه برقان
شتاكلين منه .. شورما و كباب .. بس :d


kbab w b6a6 mdwr with m3booch gola mu flfl la m3booch

:$! allah!

Ezequiel Lavezzi
31-12-2009, 01:39
سؤال.. انتوا شنو تطلبون من كنتاكي اللي تلقون فيه حشرات و شعر و ذبان؟:×

اوصخ مطعم مر علي المطاعم الهندية مالوت العدان و القرين ...


عاد قبل جم يوم شريت لي من فرعنا galaxy hazelnut اللي يكون فيه بندق :× قاعد اكل و مندمج فيه ... وصلت لي اخره ... جان اجيك عليه ولا فيه بقعة عليها نشيج مثل نسيج العنكبوت :× شلتها ... ولا تحتها ذيج الدوده الصفرا ... اللي لي الحينها ماماتت :× جان تفز الدوده الصفرا و تنحاش.. وتطلع من وراها بعد دوده ... و بعدها قررت اني ما اكل من جلكسي شي :×كندر و اقطع...




you are totally

a movie :p

Bo Hashem
31-12-2009, 03:16
BeCkHaM07

ولا مره شفت شي بالاكل

بس سلامه عمرك .. من اكله .. و بدون مبالغه و انا قاعد اكل .. جبدي يقلب ! و مره و انا اكل بطني عورني ! و من تخلص لازم بطني يعورني !!! شهالمطعم !!

قدساوي انتراوي
31-12-2009, 03:23
وييييييييييييه بعيد ..!


يـ الله بـ العافيه :)



لوول اي يمكن بعيد بالنسبه لج ..
الله يعافيج

Firenze
31-12-2009, 03:33
بدر البدور صار إسمه بذر البذور ..

اوصخ مطعم = اي مطعم وجبات سريعه يشتــغلون داخله مصاروه !

فيصل الدخيل 16
31-12-2009, 05:14
^^

كلام صحيح والله :) فرق بين ماكدونالز وباجي المطاعم

أحلى مطعم بدر البدور قريب يم البيت ومطيحين فيه عليه خوش كباب


وأوسخ مطعم دجاج نايف

Gareth Bale
31-12-2009, 06:38
نايف
مافيييه شي والله
شلون يعني وصخ ؟؟
أكله وصخ ولا مو حلو
في فرق ..:)
عاد اليوم ماكل منه ;)

Fiorella
31-12-2009, 10:39
http://www.youtube.com/watch?v=OhBmWxQpedI&feature=related

تتوقعون يسوون جذي هني :o

الانجــليزي
31-12-2009, 10:43
ماني مـاكل بيتزا

madridhasoon
31-12-2009, 22:20
انا اقول دجاج نايف مرة طلبت منهم طلعت الدجاجة فيها دم

WARIO
01-01-2010, 03:56
ماني مـاكل بيتزا

غير بابا جونز لا تاكل

طـويل الـعمر
01-01-2010, 04:39
انا اقول دجاج نايف مرة طلبت منهم طلعت الدجاجة فيها دم

ذكرتني بمطعم " البطريق " اللي على البحر مره رايحين نتغدى وبعد ما زرعونا ساعه إلا ربع

الدياي وربي ني + فيه دم استغفر الله على المنظر ! وقتها كنت طالب كباب والكل ناشبني على وجبتي :p

وطبعاً كلمنا اللي يشتغل يقول مش مستويه كويس هاتها نضبطها لك >> الله يلوع جبدك

يعني زراعينا ساعه إلا ربع على ديايه مو مستويه وفيها دم >> قمة القرف

ماي عيني!!
01-01-2010, 19:22
8

البطريــــــــــــــق خـــــــــــــــــــــايس والله من أيـام أولى ثانوي شايفه شي
ومادري شلـون الناس تاكل منّه :(


(وهذي قـاعده) أي مطعم فيه مصاروه لاتاكلون منّه أرف !!!

Tulip
01-01-2010, 21:01
توه خبر وصلني

بلدية محافظة العاصمة تغلق مطعم كويتانا للمأكولات الكويتية بمنطقة شرق بعد العثور على اكثر من 7 فيران داخل المطبخ مساء امس ، وقاموا بتشميع المحل واحاله العاملين فيه للتحقيق !


:/ :/ :/

>> Rainbow <<
02-01-2010, 10:10
كنتاااااكي :(


صارلي فتره قااطعته وتلوع جبدي بس اشوف احد ياكل منه :/
امس اخوي طالب كنتاكي لاعت جبدي وكرهت اخوي :(
المشكله اقوله ليش طالب منه خاايس وصخ فيه جذي وجذي !!
يقولي عااادي شنو يعني :|

Delpi
03-01-2010, 02:23
من جريدة القبس وعلى صفحتها الاولى :


الفساد يهدد صحة الناس وحياتهم 65 ألف كيلوغرام لحماً فاسداً في الأسواق والمطاعم




< صاحب الكمية المستوردة ذو سوابق.. والبلدية أقفلت المخزن بعد توزيع الكمية!

كتب زكريا محمد:

لا يتوقف خطر الاهمال وانعدام الرقابة، ومعهما الفساد عند حد، فيصل الى صحة الانسان وحياته، المهددة بعدد من الامراض بعد اكتشاف ان حوالي 65 ألف كيلوغرام من اللحوم المصابة بالسالمونيلا وغير الصالحة للاستهلاك الآدمي قد وزعت في السوق الكويتي، وان كمية اساسية منها ذهبت الى المطاعم، وبالتالي الى افواه المستهلكين ومعداتهم!
ويزيد الجريمة بشاعة ان هذه اللحوم قد وزعت في السوق والمطاعم قبل ان يُستكمل فحصها في مختبرات البلدية، وان المخزن الذي وزعها لم يغلق الا بعد توزيع الكمية بالكامل!
واللحوم حوالي 65 طنا، وتحديدا 65502 كيلوغرام معبأة في 3640 كرتونا، وهي لحوم جاموس مستوردة من الهند تحتوي على بكتيريا السالمونيلا وغير صالحة للاستهلاك الآدمي، كما صرح نائب المدير العام لشؤون الخدمات البلدية محمد العتيبي، الذي اضاف انه تم اغلاق مخزن الشركة وتحرير مخالفة التصرف بالمواد، وارسال التقرير الى الادارة القانونية تمهيدا لإحالته الى المحكمة مع المطالبة بتغليظ العقوبة على المخالف.
وقال العتيبي انه اصدر تعليمات الى بلديات المحافظات لسحب الكميات المسربة الى السوق المحلي.
«الجريمة» بحق الناس بدأت عندما سحبت البلدية عينات من لحم الجاموس المستورد عن طريق الميناء، واخذت تعهدا على صاحبها بعدم التصرف الا بعد ظهور نتيجة الفحص المخبري، وأظهرت النتيجة عدم صلاحية هذه اللحوم للاستهلاك الادمي لاحتوائها على بكتيريا السالمونيلا.
علىضوء ذلك توجه فريق من ادارة الاغذية المستوردة في آخر يوم من السنة الماضية الى مخزن الشركة في منطقة الشويخ الصناعية لاتلاف الكمية او الطلب من صاحبها اعادتها الى بلد المنشأ، لكن المفاجأة الكبرى كانت عندما لم يعثر المفتشون على اللحوم وبسؤال صاحبها ابلغهم بأنه تصرف بكامل الكمية ووزعها ع‍لى السوق المحلي خصوصا المطاعم التي تستخدم مثل هذه اللحوم في عمل الشاورما والتكة والكباب والطبخ.
وتم تحرير مخالفة للتصرف بمواد غذائية مستوردة ضارة بالصحة العامة وغير مصرح بتداولها من قبل البلدية مع اغلاق المخزن.
وكشفت مصادر البلدية ان الشركة التي قامت بتصريف هذه اللحوم الفاسدة في السوق المحلي لها سوابق مماثلة، ولكنها لم ترتدع، او تلتزم بالتعهدات التي تقوم بالتوقيع عليها بعدم التصرف بالمواد الغذائية لحين ظهور نتائج المختب

http://www.alqabas.com.kw/Article.aspx?id=564045%20&date=03012010 (المصدر)

BuJweS
03-01-2010, 02:32
^^
مخالفة !!!
هذا مال نيابة !

اشوة اني متعشي شاورما دياي :× ..

الله يستر :×

Bo.Hamad
03-01-2010, 13:51
(وهذي قـاعده) أي مطعم فيه مصاروه لاتاكلون منّه أرف !!!


...................................

paulo-love
03-01-2010, 16:38
كنتاكي الاوصخ على الاطلاق ,,

والله حرام مطعم نفس كنتاكي وصخ

من العماله المصريه اللي فيه ,,


الي كنت اكله بلندن احلى و مستغرب :confused:

iL Fenomeno
03-01-2010, 19:46
بذر البذوور مو بدر البدوور :cool:

هم مشتهي اليلد مال كنتاكي.. ليش اتقولون عنه وصخ باااكل يا ناااس!!

سهران.. خله فيني عواار يومين بالبطن!! زين لحقت على نفسي!!

Delpi
03-01-2010, 19:59
الي كنت اكله بلندن احلى و مستغرب :confused:

على فكرة ترى الي اكلته بلندن مو حلال .. استغرب ان فيه ناس تسافر بره وماتراعي لما تاكل المطاعم ولاتدقق بانه حلال وذبح اسلامي والا لأ

فيه ناس للاسف عندهم يقولون بسم الله وياكلون ومايدققون على مصدر اللحوم وطريقة الذبح

paulo-love
03-01-2010, 20:22
على فكرة ترى الي اكلته بلندن مو حلال .. استغرب ان فيه ناس تسافر بره وماتراعي لما تاكل المطاعم ولاتدقق بانه حلال وذبح اسلامي والا لأ

فيه ناس للاسف عندهم يقولون بسم الله وياكلون ومايدققون على مصدر اللحوم وطريقة الذبح

جزاك الله خير

و هم في مطاعم بلندن يستغلون كلمه حلال علشان يمشون لحومهم

مثل مطعم ايطالي يبيع بيتز تقرى مكوناته وله يطلعلك فيه لحوم خنزير

Miss Casillas
03-01-2010, 20:24
عاد قبل جم يوم شريت لي من فرعنا galaxy hazelnut اللي يكون فيه بندق :× قاعد اكل و مندمج فيه ... وصلت لي اخره ... جان اجيك عليه ولا فيه بقعة عليها نشيج مثل نسيج العنكبوت :× شلتها ... ولا تحتها ذيج الدوده الصفرا ... اللي لي الحينها ماماتت :× جان تفز الدوده الصفرا و تنحاش.. وتطلع من وراها بعد دوده ... و بعدها قررت اني ما اكل من جلكسي شي :×كندر و اقطع...


:eek2:

عـاد إلا الـ جلكسي :×

آخر شي في العـالم أتمنى يصير فيه شي يمنعني إني آكله

:(

الفرنسي
03-01-2010, 20:34
توه خبر وصلني

بلدية محافظة العاصمة تغلق مطعم كويتانا للمأكولات الكويتية بمنطقة شرق بعد العثور على اكثر من 7 فيران داخل المطبخ مساء امس ، وقاموا بتشميع المحل واحاله العاملين فيه للتحقيق !


:/ :/ :/

زين يسوون !

مطعم وصخ .. معلم الشورما حاطه فوطه كلها عرق على جتفه وكل شوي يمش فيها العرق ويسوي الشورما بدون دس !!

Freddie
03-01-2010, 20:50
المطعم الهندي بالجابريه مثل ماقال بوجويس

MnoOomY
03-01-2010, 20:51
هـ الموضوع والله ما اشتهي ادشه .. اخاف اقرى شي يلوع جبدي ويصدمني عن اي مطعم احبه :(

MR.net
07-01-2010, 13:08
عاد احلى شورما دياي شورمة كويتانا السره

الانتر
11-01-2010, 04:42
كنتاكي الوصاخة لعبته

الي يبي يتسمم منه ياكله الساعة 1 من منتصف الليل

Fiorella
11-01-2010, 04:49
واصلني بال BBM :p

From Chef. Abdullah Al Sharhan: " no one eat meat shawarma anywhere in Kuwait, till they get rid of the 80 thousand tons of contaminated Indian water buffalo that they pass for meat in this country, the problem is the authorities wont even put the kuwaiti imported in jail

Sneijder
11-01-2010, 05:20
توه خبر وصلني

بلدية محافظة العاصمة تغلق مطعم كويتانا للمأكولات الكويتية بمنطقة شرق بعد العثور على اكثر من 7 فيران داخل المطبخ مساء امس ، وقاموا بتشميع المحل واحاله العاملين فيه للتحقيق !


:/ :/ :/
الفال للي عندنا بالسرة
كويتانا من اوصخ المطاعم اللي شفتها
مايحتاج تسئلون ليش اذا عرفتوا انه عمالته مصرية :)

WARIO
11-01-2010, 06:53
كنتاكي الوصاخة لعبته

الي يبي يتسمم منه ياكله الساعة 1 من منتصف الليل




يااا اخي ديايهم موصج :(

بس لا شعندي اطلب الساعة 1 باليل

:p

BuJweS
11-01-2010, 07:10
^^
قاهرتني سالفه الريحة مادري شيسوون عشان يصبغون المكان بـ ريحة الدياي

غصب اتصدد عشان ما تطلب :p

David Luiz
11-01-2010, 07:19
ماكدونالدز .. السلطه وصخه ..

kroos
21-01-2010, 14:44
مطعم اسمة الخلود كل ما ياكلون منه جهالنا ينامون ومرات يتسممون وصخ بشكل خيالي وتاذينا منه نشتكي عليه ويسكرونه ويردون يفتحونه بالواسطة مرة ومرتين وثلاث وعشر اخير شي انا بنفسي سكرته بلا رجعه ( طبعا عبالكم عندي واسطة ) لا انا جننته يوميا اطلب من حوالي 200 طلب وهمي على 200 بيت وهمي وخسرتهم خساير محترمة اخير شي بطلوا التوصيل ومحد قام يطلب منهم وبالاخير سكروة بانفسهم

وطبعا ما ننسى كنتاكي وهل يخفى القمر ( متخصص بالتسميم )
وفي مطعم اسمة الشهابندر للماكولات البحرية اذا طلبت منه يجيب لك هدايا مع الاكل عبارة عن 7 حشرات كبار على قيد الحياة ( يعني يكون العابهم الهابي ميل مالتهم هدايا للاطفال )
يا سلام على القذارة

Bo-ShaYYeB
21-01-2010, 15:04
مطعم نايف
بدون سبب

عرباوي قبل الميلاد
21-01-2010, 16:15
في مطعم صوب دوار العظام ..


اذا طلبت قوله اذا تبي صمونتك مع فار ولا بدون ..:p


والله ياجماعه تعريف كلمة قذارة موجوده بهالمطعم


اللي يشتغل هناك حيل يحب خشمه .. كل مرة اروح القاه حاط ايده


بخشمه :p

mustache
21-01-2010, 16:26
^^

أحسن النية و قول إنه " يكش ذبانة "

عرباوي قبل الميلاد
21-01-2010, 16:33
^^^

يكش ذبانة باصبع واحد :p

خآلد
21-01-2010, 16:48
كنتااااكي الله ياخذه :@:@

!.. El7mn ..!
21-01-2010, 17:14
كنتاكي - نايف ،،

وبدرجة اقل هارديز ..

أميٍرة
21-01-2010, 17:50
ممممممم والله في واايد بس للي كل مااكل منهم اتسمم
كنتااكي اكرهااا :( <-- قمة التسمم الله يااخذهم
وبعد مطعم فرح يااربي وصخ وو شنؤؤؤ شنؤؤؤ اي البطريق وهاارديز
وبس ميرسؤؤؤؤؤؤؤؤؤ والله يبعد عنكم التسمم بعدين تعالؤؤؤآ شفي اكل البيت
<--- علمي نفسج اؤل هههههههه

kroos
21-01-2010, 18:47
في مطعم صوب دوار العظام ..



اذا طلبت قوله اذا تبي صمونتك مع فار ولا بدون ..:p


والله ياجماعه تعريف كلمة قذارة موجوده بهالمطعم


اللي يشتغل هناك حيل يحب خشمه .. كل مرة اروح القاه حاط ايده



بخشمه :p


تكفى في ثلاث مطاعم هارديز
وثنين عربيات لا تقولي المطعم الصغيييييير تكفى لا تقول الصغير :cry2:

عرباوي قبل الميلاد
21-01-2010, 19:05
^^^

اي اي الصغير :p

اللي يشتغل فيه السوري كله منشول صيف وشتا :p

kroos
21-01-2010, 21:51
^^
لااااااااااااااااااااااااااااااااااااااااااااااااا اااااااااااااااااااااااااااا

عرباوي قبل الميلاد
21-01-2010, 22:22
^^^
مبروك التسمم :p

Q8القادسيهQ8
21-01-2010, 22:26
مره احد شااف شي بكنتاااكي الروضه
ولاا القرين اليديد الي صوب جمعيه 4
؟؟؟؟

dm_dm
22-01-2010, 01:36
ياجماعه بس خلاص كل واحد يسوي اكل ببيتهم اذا كل المطاعم وصخين

اهو يختلف من فرع لي فرع ومن مطعم لي مطعم
على حسب

Just live your life
22-01-2010, 11:43
انا مستغربه وايد ما يحبون كنتاكي .. :p


ابي سبب مقنع موراضيه اقتنع :p

Delpi
22-01-2010, 16:03
على طاري المطاعـم الوصخـه .. انا مستغرب ان بعض الناس يتعمدون ياكلون من المطاعم المشبوهه وبأوقات متأخرة بالليل

يعنـي يروحون كافتيريا او مطعم هندي آخر الليل ويطلبون طلب ... شي طبيعي تلقـى ابو التسمم

وبالنسبـة لي مطاعم الفاست الفود اهون بكثير من ناحية النظافة من المطاعم العادية

ودايما شباب روحوا اكلوا بالمطاعم المشهورة والي عليها زباين

Liorente
22-01-2010, 16:04
..
شفيكم على كنتآكي ؟

والله خوش مطعم !

\\

Japan
22-01-2010, 18:56
نايف + هارديز

BuJweS
22-01-2010, 19:03
ارد واقول .. المطاعم على حسب الفروع ..

Eric
22-01-2010, 22:38
مره كنت طالب من كنتاكي وبعد ما خلصت من الاكل رحت بطلت غطى البيبسي عشان كان فيه ثلج وبقى شويه فقلت خل احركه بالعود عشان يذوب الثلج واقضي عليه مره وحده :p
بس تدرون شنو شفت شفتلي وحده من الثلج جنه داخلها شي فمسكتها وطالعت عدل ولا ولا
طلععت ذبانه داخل الثلجه :confused: :(
مو لاعت جبدي والله
بس مع هذا طلبت اكثر من مره لي يومك هذا وانا اطلب منهم :D

ياعين أبوي!!
24-01-2010, 02:37
مستر سبز بالجابريه انا ورفيجتي طلبنا منه والا في شعره بالصمونه ..

N A P A L M
24-01-2010, 03:12
طبعا كنتاكي..من وصاخته طاح سوقه ونزل بالحضيض

WARIO
25-01-2010, 03:29
^

الجلللللللللللللللد موصج مالهم

:(

عرباوي قبل الميلاد
25-01-2010, 03:39
كبسة جديده :p

سهران اللي بالرقعي ولحد يسألني

ليش ...

MR.net
25-01-2010, 04:26
كبسة جديده :p



سهران اللي بالرقعي ولحد يسألني



ليش ...


ليش :p
................

se3loowa
25-01-2010, 05:01
اممم عادي مـاعندي مشـاكل مع أي مطعـم وقت اليووع اللي جدامي اوقف عنده وآكل :p

بس يعني من هالمواقف اللي صارتلي مره وحده بس مع شادروان كنت طالبه شورمه ولا ألقى ذبانه وعادي الحياة حلوه طلعت الذبانه وكملت الصمونه :p:p

أتغشمر بس يعني الحين عادي اطلب منه بس اهو الوحيد قبل ما آكل ابطل الصمونه اتأكد بعدين آكل :p

عرباوي قبل الميلاد
25-01-2010, 05:11
ليش :p
................


اضحك وياك مافيه شي ..

روح اطلب وجبة كباب واذا كنت ليلحين حي

ادعيلي :p

Bu Misho
08-03-2010, 01:58
اجماع تام على
كنتاكي .. عمري ما اكلت منه
هارديز .. ما استغنى عنه :(

بس سؤال بدر البدور اهو نفسه بذر البذور ولا السالفه تقليد .. !!

T o n i - K r o o s
08-03-2010, 22:09
أنظف مطعم بالكويت بدون منازع كباب الحجه

أوسخ مطعم بدر البدور

BeCkHaM07
09-03-2010, 11:03
تتسممون من اي شي انتوا :p

بذر البذور نفسه بدر البدور..مافيه شي المطعم .. ولا كنتاكي ... يمكن على حسب الفروع .. مال القرين مافيه شي ... كلينا منه اكثر من مرة وماصار فينا شي ...

FaWaZ
09-03-2010, 16:20
ما احس في مطعم وصخ .. ما عدا نايف
بس هم اكل منه :p :D

الانجــليزي
09-03-2010, 16:21
افراح الخـليج .. بالفراونيه بوريحه كلهم ريحه ونبع العصير خيطان هم ريحه :(

قدساوي_100%
09-03-2010, 16:55
كنتاكي
كل ماكل منه تسمم
مادري ليش ..

najma_q8
10-03-2010, 08:21
موزين الواحد يقرى هالموضوع من صباح الله خير :nono:

ماصادفني موقف بس دايما لما نطلب من مطعم خصوصا بالدوام اللي معاي يحصلون شي بالاكل :p

واقتنعت الشعرة بالصمونة مومقياس حتى بالبيت احتمال تحصل شعر يعني مومتعمدين :D

اللي قالو عن البطريق الكل يذمه بس ماشفت فيه شي .... وبذر البذور بعد شكل المطعم داثر بس لاباس بطعمه ونظافته

روز الاصفر
10-03-2010, 14:17
كنتاكي
كل ماكل منه تسمم
مادري ليش ..
......................................

ReDs Q8
19-05-2010, 16:52
كنـــتاكي جبد !

ReD BuLL
19-05-2010, 18:27
^^

خرا فيهم كل ما نطلب الطلب ناقص.!
وفوق هذه مطعم قمة الوصاخه بس ماكو غيره..

BaSkoOoTa
19-05-2010, 19:53
هارديز مابي اقولكم شنو شافت رفيجتي بالوجبه مابي الوع جبودكم :/

ReDs Q8
19-05-2010, 19:57
^^
لا قولي ,, عـآدي علشان مــآنطلب مره ثــآنيه من هــآرديز :)

BaSkoOoTa
19-05-2010, 20:05
شافت بنص السندويجه شعر يلووع الجبد ومابي اكمل هذا الي اقدر اقوله :$

انا قلت بس عشان محد يفكر يطلب منهم وهذا للمصلحه العامه :)

البرشاوي
19-05-2010, 20:06
نايف
وكنتاكي
تسمم على طول

dm_dm
19-05-2010, 22:11
بالعكس نايف اطلب منه مشوي نظيف

انتوا ادري فيكم كل واحد يطلب مقلي وتشكن فيليه وبوطاط :p

بسنا مطااااااااااااااااعم انا بطني خاس بطلت بس باستثناء مطعمين
مكدونالدز اطلب منه سلطه وذا اشتهيت جيز برجر
وذا برجر بس اطلب جكن ووبر
:)

غير جذيه انسى اكل من مطاعم ياحبيييييييييبييييييييييييييي

loureen
22-05-2010, 03:48
كنتاكي بالكويت والسعودية والاردن تسمممممممممممممممممممممممم
كنتاكي وصخ بامتياز http://diwania.alazraq.com/images/icons/10.gif

MeNDieTa
22-05-2010, 14:30
كنتاكي مسوين عرض اكسترا سبايسي

بس الربع الي طلبوا صاروا اكسترا تسمم

على طول ما ثناها الاكسترا تسسم من كلوها ما مداهم ولا بطونهم و عوار و يتسدحون

ACM
10-06-2010, 13:17
هارديز + كنتاكي + دجاج نايف + المطاعم الهندية اللي بافرع الجمعيات


صبواي واقططططع .. بس مافي غيره

ReDs Q8
10-06-2010, 13:21
كنتاكي مسوين عرض اكسترا سبايسي

بس الربع الي طلبوا صاروا اكسترا تسمم

على طول ما ثناها الاكسترا تسسم من كلوها ما مداهم ولا بطونهم و عوار و يتسدحون

لووووووول الله يشــآفيهم ..

همسه : شخــباري هل موضوع ;p

JuSt QaDSaWia
10-06-2010, 13:23
نـايف ,,
كنتاكـــي !!

gzooom
10-06-2010, 13:55
انا اغلب المطاعم يحوشني تسمم متعود

1966
10-06-2010, 14:53
ماني قـّايل عنه وصخ .. بـّس حبطني إلي شـّـفته ..

قبل سبوع تعشيت بـ تشيليز البحر .. تـّونا يايين نـّمد قفاشنا :p

ولا بريعصي على هيئة ضب .. شطوله أطول من كف الإيد :×

واقف بالطوفه يمي و يـّطالع :lol: يـّـتلنا الموظفه .. سوري ..

وأنه إلي صار مو بيدهم .. لأنه عالبحر و لازم يدخلون هالأشـّياء

وأحنا كل يوم نـّرش مال الحشرات و سـّوت لنا قصـة .. نقولها

خلاص مو مشكلة .. وتقعد تتأسف .. لما قالت خلاص تعالوا طاوله

ثانية و طلبوا إلي تبونه " Free " , مدام ببلاش على طول طـّلبنا :p

Liorente
10-06-2010, 14:57
^^^

بييب معاي بريعصي اذا رحت لهم :p

David Luiz
10-06-2010, 14:59
تشليز :rolleyes2: و بريعصي !! :nono:
عاد تشيليز المفروض من انظف المطاعم بالكويــت ..

و بالنسبة لـ نايف ما اشوفه وصخ .. ما اذكر تسممت منه :× ..

gzooom
10-06-2010, 14:59
لووووووووووووووووووووووووووول^^^^^^^^^^

aL-3a9eM
10-06-2010, 15:36
يـا زين هـارديز ..

كل الكلام اللي ينقال عنه اشاعات .. :p

<< ناطر الطلب يوصل :p

player - 6
11-06-2010, 23:22
أغلب المطاعم الي أنذكرت تبع شـركة أمريـكانا

و إدارةالـمطعم مــصريه معا احترامي لهم
شـغلهم مو نـظيف وبدوا يـردون الفلبن يبون الناس تشتري وماتسمم
شوفي ماكدونالدز
شــغل مــرتب ونـظيف وماسمعت وايد حالت تسممم منه

لا للعماله المصريه بالمطاعم تـعفس المعده

ReD BuLL
12-06-2010, 00:29
أصلا كل المطاعم وصخه > شتبي يعني :p

يا جماعه ذاك اليوم رحت صبوي الي بالسلام عاد بالليل وصُخه الشوارع دشيت المطعم وما اشوف اله الهندي نايم ع الجام ويحفر بخشمه \:

ومن المعروف انه لمن يحطلك طلبك يلبس دس

بس خوفي داخل لمن يقصصون الخضره شغلهم مو مضبوط :$

هنادوه × مصاروه = تباً لكم.!

Doritos
12-06-2010, 10:45
أصلا كل المطاعم وصخه > شتبي يعني :p

يا جماعه ذاك اليوم رحت صبوي الي بالسلام عاد بالليل وصُخه الشوارع دشيت المطعم وما اشوف اله الهندي نايم ع الجام ويحفر بخشمه \:

ومن المعروف انه لمن يحطلك طلبك يلبس دس

بس خوفي داخل لمن يقصصون الخضره شغلهم مو مضبوط :$

هنادوه × مصاروه = تباً لكم.!

اي هندي فيهم الطويل ولا المقصمل ؟ :p

اذا المقصمل هذا انا متهاوش معاه ادور الزلة عليه خلني اشتكي عليه :p

مـدريـديـه }~
12-06-2010, 10:47
المطعم الايراني بهار تسممت منه :(


خلوكم على الايراني الضيافه احسن وانظف والذ :p

BuJweS
12-06-2010, 11:02
صب وي الجابرية الفرعين وفرع حولي مصكرين صارلهم يومين :mad:

ReD BuLL
12-06-2010, 15:55
اي هندي فيهم الطويل ولا المقصمل ؟ :p

اذا المقصمل هذا انا متهاوش معاه ادور الزلة عليه خلني اشتكي عليه :p

لا المقصمل بوخشم عود :p

حييلك فيه :p

AL ملكي
12-06-2010, 23:32
مطعم المعلم !!

الي بالقرين

بـ عاقول ـن
13-06-2010, 01:34
ماكدونالز الرابيه ..
وماكدونالز جليب الشيوخ

كلش اكلهم مو شي !!

Liorente
13-06-2010, 10:20
،
محروس !
الرابيه مافيها ماكدونالز !

آعشقگ بسگآت
09-07-2010, 13:05
اوصخ مطعم كنتـاكي :mad:

EL MERENGUE
09-07-2010, 13:08
بعد ما ميسي سوّا إعلان لـ كنتاكي .. صرت آكل منه $:


خلاص مو وصخ :p

Pastore
09-07-2010, 13:49
مـطـعم بـذر البـذور - بنيـد الـقـار

اووووصـخ مـطعـم مـر عـلي :× ولـو يـخلوني يوم واحـد موظـف بالبـلديـة اشـييييـله مـن عـرجـه :@

dm_dm
09-07-2010, 15:26
اغلب المطاعم وصخه بس ماعدا مكدونالدز نظيف :)

1966
09-07-2010, 18:17
مـطـعم بـذر البـذور - بنيـد الـقـار



:hot:حـّـرام عليك .. ! ليش وصخ ؟ من سنة يـّـدي موجود
وذبــّـحه عليه .. وشغله نظيف لا يـّـغرك " شكل " المحل القديم ..
إلي يـّـشتغلون فيه هنادوه معروفه من زمان و شغلهم أن نـّـظيف ..

-

أمـّـس كليت دندوش " الفير " قعدت بعد الأكل ساعة و نص و بعدها نمت
نص ساعة قمت و عوار مو صج , رحت الطبيب ضــّربني ثلاث أبــّـر
وعطاني مشروب يــّطلع كل إلي ببطني .. :(

spoяtчa raza«●
09-07-2010, 18:26
هــآرديز :(

ReDs Q8
09-07-2010, 18:33
أمـّـس كليت دندوش " الفير " قعدت بعد الأكل ساعة و نص و بعدها نمت
نص ساعة قمت و عوار مو صج , رحت الطبيب ضــّربني ثلاث أبــّـر
وعطاني مشروب يــّطلع كل إلي ببطني .. :(


لووووول , الحمدالله ع السلامه

هسمه : شخبــآري هل موضوع

فكتورفالدز
09-07-2010, 23:14
مطعم البراحه جميعه العيون الجهراء عند المحافظه جنب المكتبه العامه عند هارديز !!!

حاش اغلب البيت تسمم منه !!!

mr.scholes
10-07-2010, 17:18
مـطـعم بـذر البـذور - بنيـد الـقـار




اووووصـخ مـطعـم مـر عـلي :× ولـو يـخلوني يوم واحـد موظـف بالبـلديـة اشـييييـله مـن عـرجـه :@


حرااااااااااااام هالمطعم معلم من معالم الكويت, و كل شي في نظييييييف
ما ابالغ لو اقول ان من انظف و احلى المطاعم بالكويت
و اهم شي ان لحومه ثقه تعرف مصادرهم


مطعم دندوش وصخ, كل اللي ياكل منه يحوشه تسمم

Doritos
10-07-2010, 17:27
اي دندوش بنيدرالقار! :confused:

Tony Adams
10-07-2010, 19:28
كــــــــــنتاكي ..
هــــــــــارديز..
نــــــــــايف..

كـل واحد يـقول القــذاره عـــندي .. :@

a7mdi
10-07-2010, 19:30
ماك أرض المعارض ..

.
.

Anti-Madridista
31-08-2012, 23:14
الحمدلله !! وانا ادور رقم مطعم بقوقل لقيت هالموضوع !
و دخلته بعد ما طلبت ! اشوه محد ياب طاريه لا بخير ولا بشر


عاد كل شي ولا الحب نيثينز nathan's

عليهم هوت دوق ناقتس موووووو صج

أنثى لآ تبآح إلآ لملك
19-05-2013, 21:08
هـــــــــــــــآرديز ..!
فتــــــووش القرين .!
الله يديم النعمه .!

MR.net
20-05-2013, 02:47
عندي قناعه
انا مطاعم الفاست فود ماك - كنتاكي - هاريديز انظف بمليون مرة من المطاعم العادية
صج انه هالمطاعم كلها مواد حافظه و و و بس لها سمعتها ما يحطون لحووم فاسده و لحم قطاوة ومادري شنو

مانيو
20-05-2013, 06:49
رجاءا هارديز ما فيه شي :p

xavi23 almashmoum
20-05-2013, 08:38
اي هارديز نظييف.

أنثى لآ تبآح إلآ لملك
20-05-2013, 12:56
والله كل مآ نآكل منه ع طول تسسمم .. ونزله معويه يكرم السامع ...
شششور مو نظيف..!

1966
20-05-2013, 14:50
أوصخ المطاعم إلي يبيعون شبح و لذيذة و ربعهم :(
سهران .. ولهان .. كابوريا و و و و ... العمالة تكون مصرية غالباً .. وأغلبهم ما كانوا
لاقين شغله فجأة صاروا يشتغلون بمطعم .. سهران الجابرية لقيت بصمونته حشرة غريبة بس كانت
كبيرة حيل .. والشعر جزء من الوجبة لازم تلقالك شعره شعرتين .. وهالمطاعم أكثر مطاعم تخالفت
بسبب اللحوم الغير صالحة للإستعمال الأدمي .. الوالدة حاشتها صدمة لما سمعت أنه بطريق منهم :p

وحقيقة إكتشفتها كانت مؤلمة و جم واحد قالي نفس هالكلام
أنه SubWay وصخ :( .. طلبت من SubWay حطين يديد توه فاتح .. شفت الجبن الموجود (القطعة
الكبيرة) ياخذ منها أكثر من مرة .. كانت مترووووووووووووسه شعر من جهة وحدة .. أشكره طاحت بالأرض
ورجع خاذها و لزق فيها شعر .. قصيت على نفسي قلت لا بس هالفرع شوي مهملين فيه .. بعدين كل أكلم
واحد عن هالسالفة يقولي قصة عن SubWay .. كرهته شوي بس يبقى المطعم رقم 1 :p

أنثى لآ تبآح إلآ لملك
21-05-2013, 00:36
لووووووووووووووووووووووووووول عآآآد غرآآآآآآآآآآمي سب وي احس نظيف

MR.net
21-05-2013, 03:19
أوصخ المطاعم إلي يبيعون شبح و لذيذة و ربعهم :(
سهران .. ولهان .. كابوريا و و و و ... العمالة تكون مصرية غالباً .. وأغلبهم ما كانوا
لاقين شغله فجأة صاروا يشتغلون بمطعم .. سهران الجابرية لقيت بصمونته حشرة غريبة بس كانت
كبيرة حيل .. والشعر جزء من الوجبة لازم تلقالك شعره شعرتين .. وهالمطاعم أكثر مطاعم تخالفت
بسبب اللحوم الغير صالحة للإستعمال الأدمي .. الوالدة حاشتها صدمة لما سمعت أنه بطريق منهم :p

وحقيقة إكتشفتها كانت مؤلمة و جم واحد قالي نفس هالكلام
أنه SubWay وصخ :( .. طلبت من SubWay حطين يديد توه فاتح .. شفت الجبن الموجود (القطعة
الكبيرة) ياخذ منها أكثر من مرة .. كانت مترووووووووووووسه شعر من جهة وحدة .. أشكره طاحت بالأرض
ورجع خاذها و لزق فيها شعر .. قصيت على نفسي قلت لا بس هالفرع شوي مهملين فيه .. بعدين كل أكلم
واحد عن هالسالفة يقولي قصة عن SubWay .. كرهته شوي بس يبقى المطعم رقم 1 :p


اتفق معاك بكل حرف كتبته بتويتر
بخصوص سهران الجابريه اكلت من عندهم شورما دياي بعدها توقعت اني راح اموت يوم لا ينسى تباوسحقا لهم

MR.net
21-05-2013, 03:25
معلومه وايد ما ينتبهون لها
انه subway حاله من حال ماك وكنتاكي وهاريدز

الدياي و التيركي و الستكيك يايبينهم من امريكا وكلهم مواد حافظه حالهم من حال ماك وباقي مطاعم الفاست فود
بالنسبه للسعرات الحرارية الصمونه مع الصلصلات ممكن سعراتها الحرارية تصك على صمونة big mac

الفرق بين subway وباقي مطاعم الفاست فود بSubway انتوا تختارون الخضروات الي تبونها
بمطاعم الفاست الفود نطلب بطاط مقلي (شبس مع الوجبه ) اما subway بطاط جياس

adelq8
21-05-2013, 04:57
لو نبي نشوف كل مطعم مراح نخلص

بالنسبة لي ماتفرق معاي اكل من اي مطعم

بخصوص كنتاكي افضل مطعم بالطعم بس بعد الاكل بساعتين يبدا يشتغل بطني ومايروح العوار اله بعد يوم

Bo alFoz
21-05-2013, 08:04
هـــــــــــــــآرديز ..!
فتــــــووش القرين .!
الله يديم النعمه .!


صارلي قرن أكل منه كل ما بروح الدوام ما عمري أشتكيت منه

1966
21-05-2013, 12:55
معلومه وايد ما ينتبهون لها
انه subway حاله من حال ماك وكنتاكي وهاريدز

الدياي و التيركي و الستكيك يايبينهم من امريكا وكلهم مواد حافظه حالهم من حال ماك وباقي مطاعم الفاست فود
بالنسبه للسعرات الحرارية الصمونه مع الصلصلات ممكن سعراتها الحرارية تصك على صمونة big mac

الفرق بين subway وباقي مطاعم الفاست فود بSubway انتوا تختارون الخضروات الي تبونها
بمطاعم الفاست الفود نطلب بطاط مقلي (شبس مع الوجبه ) اما subway بطاط جياس

التركي و المرتديلات ألخ من الأردن في مرة أنا سألت الموظف .. بس الستيكات و الدياي ما أدري .
ومعروف أنه صب وي صمونتهم الكاملة .. مع مثلاً ستيك و جبن أصفر .. وثلاث أنواع صلصات ..
هذي بروحها بالسعرات الحرارية أعلى من وجبة من ماك مع بيبسها و بطاطها و هالشئ الكل يدري فيه
والعم قوقل يشهد .. فما بالك إذا طلبت منهم صمونة كاملة مع بيبسي و بطاط .. جِنك ماكل وجبة ونص
من ماك .. صب واي صحيييييييييييييييييييي مو مال رجيم .. إلا بحالة وحدة .. إنك تلتزم بـ قائمتهم
مالت الرجيم .. نص صمونة مع تركي و صلصلة ماسترد ولا تحلم بغيرها و خضروات .

كرستيانو رونالدو
21-05-2013, 15:09
اذكر صب وي حاطين صورة البطه الي ضعف عشان يغرون الاغبياء هههههههههههههه

adelq8
02-06-2013, 00:30
استغرب من التهجم على العمالة المصرية!!

على الاقل المصري يصلي ويتوضا 5 مرات باليوم

اما العمالة الاسيوية الله اعلم شيسوي

صحيح انه العمالة المصرية ماعندها ذوق وحط عادي بس النظافة انظف من العمالة الاسيوية

Tomas Rosicky
02-06-2013, 01:12
^^^

ولك أوصخ ما خلق ربي هالمصاروه

الاورغواني
02-06-2013, 03:35
افراح الخليج و الراعي ؟

Aero
10-09-2013, 14:05
هالموضوع صراحه ماتشوفه الا بالكويت .. دول ثانيه مثل الامارات والسعوديه ماتلاقي هالمصخره !!

المهم خل ندش بصلب الموضوع بعطيكم بعض المطاعم من تجربتي الخاصه تدل ع خياس هالمطاعم

تشيليز - المهبوله : ادري بتخالفوني بس للاسف تشيليز المهبوله بالذات لحد ياكل منه قليلين خبره ومايعرفون يسون اللحوم عادي تشوف اللحم ني !
مطاعم المعلم : من اسوء ماشفت خاصتا المشويات ابعد عنها اكلت منه مشويات ! حسيت اليوم اللي بعده في احد يعض بطني !
مطاعم افراح الخليج : مصري يسويلك الاكل وبسرعه ومشتط ! تأأمن ع طلبك منه ! ؟ للامانه وجباتهم غاليه وسيرفسهم تبن
كنتاكي مع مرتبه الشرف : لا تعليق الكل عارف السبب :)
تويستر ابو حليفه : مصري يقرض اضافره ويسويلك الطلب !
فريج عقاب : اوكي طلبت منه .. بس لمن شميت قلاص الماي قبعت ريحه !! خلتني ما اكل يومين !

بـ اختصار !
ابعد عن المطاعم اللي عمالتها مصريه + قبل لا تاكل من اي مطعم شوف الزبائن فيه .. لو تلاحظون اذا كثروا العوائل بمطعم يكون شغله وايد نظيف اما لو شفتوا مثلا شباب ومصخره بتشوفون المطعم شغله ينحدر لتحت ..

الزبائن هم اللي يحددون مستوى المطعم ..

افضل سيرفس هم الاسيوين واللي يقول غير هالكلام اسمحلي ماجرب ياكل !

المصري اوكي يغتسل ويصلي بس انته ماتدري عن النوايا الاسيوي يخاف ع رزقه المصري ينصبك و رئصني ياقدع :) ..

shoot
10-09-2013, 23:42
استغرب من التهجم على العمالة المصرية!!

على الاقل المصري يصلي ويتوضا 5 مرات باليوم

اما العمالة الاسيوية الله اعلم شيسوي

صحيح انه العمالة المصرية ماعندها ذوق وحط عادي بس النظافة انظف من العمالة الاسيوية

تلاقييه يصلي بدون وضو :p

والله المصريين مو مال اكل صج وصخيين لابعد الحدود

المصري مال مقاولات بناء صحي طابوق صبغ مساح الشغل الوصخ يعمر فييه واذا تبي تكشخه حطه محاسب لووول

بس اكل تسمم لوووول

MR.net
11-09-2013, 02:33
تلاقييه يصلي بدون وضو :p

والله المصريين مو مال اكل صج وصخيين لابعد الحدود

المصري مال مقاولات بناء صحي طابوق صبغ مساح الشغل الوصخ يعمر فييه واذا تبي تكشخه حطه محاسب لووول

بس اكل تسمم لوووول
شفيهم المحاسبين ؟؟؟ :p

1966
11-09-2013, 05:38
رجاءاً المصرين خط أحمر
ثوار أحرار حنكمل المشوار :p

واحد من الشباب قالي موقف صار له بطعم نوارة بحولي (في إثنين ما أدري أي واحد يقصد) .
يقول دش بيطلب له صمونتين عالسريع و بيمشي .. عطى الطلب للمصري .. طبعاً المصري بدون "دسوس" ولا شئ !
قال مو مشكلة يمكن نظيف .. قاعد يسوي الصمون .. فجأة حط الصمونة .. ومسح بإيدة عرق جبهته .. وبكل جمال رجع
مسك الصمونة و كمل شغله بدون لا يغسل إيده ! مسح العرق بيده يا جماعة :( طعمها حلو فلافل بطاط مع سلطة و عرق؟

Tomas Rosicky
11-09-2013, 09:14
^^^

ايوا كده احنا حلوين :p

ياخي يا حلات الفلبينيات ملوت فرايديز البحر توصلك لي الطاولة وتقولك عيوني لك انتا امر hearteyes :p

مانيو
11-09-2013, 12:35
الله يلوع جبووودكم


اهم شي الي كاتب الموضوع
العنوان يموتني ضحك خصوصا عبارة عشان الناس تعرف :p

1966
23-02-2014, 11:31
يا جماعة ماكو مطعم "خفايف" نظيف ؟!
مطاعم بنيد القار كلها حطيت عليها x كل يوم أسمع وأشوف بلاوي !
وهمن المطاعم المصرية بـ حولي صارت تعبانة.. الواحد يحتاج هالمطاعم
الصراحة إذا كان مستعجل و عنده مشاوير الصبح .

MR.net
23-02-2014, 14:46
^^^
مطعم جمعية الضاحيه + مطعم جمعية الروضة

1966
24-02-2014, 09:57
^^^
مطعم جمعية الضاحيه + مطعم جمعية الروضة

أنا بس أسمع مطعم جمعية يضيق خلقي..

MR.net
24-02-2014, 19:43
أنا بس أسمع مطعم جمعية يضيق خلقي..

مطعم جمعيه الضاحيه حاله خاصه اكلهم وايد نظيف عندهم افضل شاورما لحم بالكويت والشي الي يخليك ترتاج حق هالمطعم الشياب يحبونه xD
نفس الشي الروضه اكلهم حلو ونظيف

مو نفس مطاعم الجمعيات الثانيه

مانيو
24-02-2014, 21:02
مال الروضة توب

خصوصا العرايس

MR.net
25-02-2014, 04:38
العرايس والكباب عندهم شي جبار xD

كرستيانو رونالدو
27-02-2014, 11:57
فطاير الروضة الي بفرع ق4 شي جبار hearteyes