المساعد الشخصي الرقمي

مشاهدة النسخة كاملة : فشل ورا فشل ورا فشل يا الزعيم !



KuwaitGaZz
09-01-2010, 18:53
بسم الله الرحمن الرحيم

ما ادري شيبون لاعبيين الزعيم اكثر من هالفرصة !

المحرق استغلوا طرد لاعبين من العربي وسجلوا 5-1
والقادسية استغلوا طرد لاعبين منكم وهم سجلوا 4-0

انتوا طردين ولاعبين مؤثرين بالكويت من الوسط المتأخر جراح العتيقي وعوض وما استغليتوا !
بالكثير نبي هدف بس !

المباراة الياية اذا المدرب ما عدل وضع الهجوم والوسط وحط اللاعبين بوضعهم الطبيعي وعدل نفسياتهم اقيلوه وييبوا بداله احمد خلف !
محتاجين مدرب يغيير نفسية اللاعبين ويقعد ايغور احتياط ويجرب حمد حربي وما اعتقد مدربنا يسويها !
احمد خلف لي رد راح يرد روح العربي وراح يقعد ايغور احتياط وراح يشرك حمد حربي وراح يغامر بالهجوم
مع انه مدربنا جيد وتكتيكي لكن نبي واحد مغامر ومدربنا الحالي مو مغامر

شهاب كنكوني : انته مبدع بس الهدف غلطة واضحة منك ! اتمنى لا تعيدها وايد ترى مو زينة لك مع جماهير الزعيم اللي بسرعة تقلب على اللاعب " البعض "

حسين الموسوي : اليوم مو يومك بس اجتهد اكثر !

لاعبين الزعيم كلكم , والمدرب على راسكم , يا انكم تييبون الثلاث نقاط بالمباراة الياية , يا من الحين اقولكم بتشوفون شي من الجمهور عمركم ما شفتوه !

خلنا مثل ما عهدناكم رجال والكل يراهن على روحكم والكل يعرف انه العربي بروحه وكل الاندية تتمنى لو تاخذ نص روح العربي لفانيلته
المباراة الياية تاخذون الثلاث نقاط انا اقولها لكم مبروك الدوري !
ما تاخذونها " لكل حادث حديث "

شكراً

bosultan
09-01-2010, 19:38
المباراة الجاية جدام الصليبيخات اذا ماتفوزون وتيبون ال 3 نقاط ... انسحبوا من الدوري احسن لكم :)

Gf
09-01-2010, 19:48
العربي علّته أكبر من سالفة طرد والا طرديــن !

الله يعينهــم

ACM
09-01-2010, 20:00
مدرب العربي دراغان اتوقع على باله اللي يتعادل ياخذ 3 نقاط

بو شايع
09-01-2010, 20:28
إذا ما فزتوا على الصليبيخات .. إحرقوا نفسكم !

MOSCHY
09-01-2010, 20:32
من بـداية الدوري ولا فـوز !!
و بتنافسـون على الـدوري ؟!

قدساوي_100%
09-01-2010, 20:34
والقادسية استغلوا طرد لاعبين منكم وهم سجلوا 4-0



منو قالك القادسيه استغل الطرد بالـ4




-----

على العموم عساهم بهل الحال وردى ..

Bo alFoz
09-01-2010, 20:37
اذا فزتـو بالمبـاراة اليايـه لكم الدوري !! .. خيـر انشاءاللـه

أتوقـع اذا مافزتـو على الصليبيخـات المبـاراة اليايـه بتكـون مشكلـه كبيـره !!

وأنشاءاللـه دوم على هالوضـع :p

السعدون
09-01-2010, 20:44
الحقيقه ان الى قاعد يصير للعربي شى محزن

العربي لما يكون بمستواه يعطي جوو حلوو للدورى
اما الانتكاسات المتتاليه للعربي مشكله

انا ودى ان العربي يرجع مثل قبل علشان نستمتع بدورى حلوو

Los Merengues
09-01-2010, 20:49
في دولـــة الكويــت


فريـق واحـــد بـــس .. من ناحيـة القوة و المنافســـة داخل و خـارج الكويـت مثل البطولات الخليجيـة و العربيـــة ... لولا المشاكل الرياضية بالكويـت و شطب نتائجة في البطولـة العربية امام السـد القطري وغيره وغيره من الحظ السـيئ ..!
و ...... الخ




القـادسيــة
نمبـر
1

Corvette
09-01-2010, 20:56
من بداية الموسم , والعرباويه يمجدون للمدرب بعد تحقيق كل تعادل ..
وقلتها بنص الموسم راح ينشال ونتايج الفريق تدل إنه راح يقال عن قريب !!
الله يعينكم

سفـن كولآ
09-01-2010, 21:00
ما يعرفون ييبون محترفين مثل الاوادم خل يتحملون وقعدوا
على علي عمر وايد احسن ..

WARIO
09-01-2010, 21:12
من بداية الموسم , والعرباويه يمجدون للمدرب بعد تحقيق كل تعادل ..
وقلتها بنص الموسم راح ينشال ونتايج الفريق تدل إنه راح يقال عن قريب !!
الله يعينكم

المدرب جيد

لكن ماكو استقرار بكل شي بالفريق

WARIO
09-01-2010, 21:21
إذا ما فزتوا على الصليبيخات .. إحرقوا نفسكم !



انت مره فكرت انك تنتحر ؟

مجنونة باتي
09-01-2010, 22:51
والله قهر الي قاعد يصير بالعربي

انا ماحمّل المدرب المسؤولية.....كل موسم يحطون العلة بالمدرب ويقيلونه

المسؤولية تتحملها الادارة من 7 مواسم لي اليوم

ماكو استقرار ولا فيه محترفين على مستوا عالي

الادارة اذا مالحقت على الفريق راح يطيح درجة ثانية

قدساوي_100%
09-01-2010, 22:55
انت مره فكرت انك تنتحر ؟


ليش ينتحر دامه قدساوي...
وعايش بسعاده ..


وابتسم انت قدساوي :)

L.Suarez
09-01-2010, 23:19
يبيلنـا صبر .. وتجانس اكبر .. واستقرار
صبروا عالفـريق ..

Mesh3al
09-01-2010, 23:26
المباراة الجايه مع الصليبيخات

منطقيا والمفروض ويجب والواقع ان الـ3 نقاط مضمونه

7achm !!
09-01-2010, 23:29
الله كريم ..!

Totaalvoetbal
10-01-2010, 00:53
العربي كان في اجازه .. والآن الى التقاعد!

q8tawiya 4 ever
10-01-2010, 01:09
دراغان خل يحرق نفسـه بغـــاز ..
الروح بروحها ما تسـوي شي .. !

zr1_zo6
10-01-2010, 02:14
منو قالك القادسيه استغل الطرد بالـ4




-----

على العموم عساهم بهل الحال وردى ..
كل هذا غيره وحسد على العربي ....انشاء الله العربي يصحى ويرجع مثل قبل ايام 5#0 و 7#1 وغيرها من نتايج على الكودري

عرباوي قبل الميلاد
10-01-2010, 03:15
ودي اتكلم وناقش بس مشكله اذا

الموضوع عن مشكلة العربي الموسم هذا

والردود جمهور القادسية يتشمتون وبعض جمهور العربي

يردون عليهم عالعموم الله يوفق العربي وننطر الصحوة

H.Al.Ibrahim
10-01-2010, 03:32
لا تعليق على بعض الجماهير اللي تحب تتشمت

ادارة العربي يبيلها فورمات من كبير لي صغير

و صدقوني متى ما عاد العربي بتشوفون مستوى الكرة الكويتية مرتفع

:)

أبوالقاسم الـشـابي
10-01-2010, 03:55
الـعربي مافاز ولا مباراه
الـصليبيخات مافاز ولا مـباراه


بنشوف منو بيفج النــحس ،،،
ولا بيكونون حبايب ويكملونها تعادلات :p

بو شايع
10-01-2010, 03:57
انت مره فكرت انك تنتحر ؟


إي في الموسم اللي طاف .. لما ما حققنا رباعيه فكّرت أنتحر !

بس إنت اللي صدمتني و ما إنتحرت مع إنك ما حققت شي !!

عموماً لا تنتحر إلا بعد مباراة الصليبيخات .. إذا ما فزتوا " إنتحر " و عذرك معاك و لا ترد على أحد .. ما عليك موضوعك عندي .. :)

WARIO
10-01-2010, 04:04
انت مو صاحي .. انا شكو فيك ؟

انت عندك الانتحار شي عادي

انا لا

بس ما قلتلي ليش مانتحرت الموسم الي فات ؟

بو شايع
10-01-2010, 04:13
الربع هدّوني و قالولي ترى 3 بطولات شي زين .. شوف اللي حوالينا كلهم على بطوله ولا نص بطوله .. و إذا على الرباعيّه إن شاء الله راح تحققها الموسم الجاي .. و أقنعوني بـ كلامهم !

عموماً كلّن يرى الناس بـ عين طبعه .. أنا لو مكان العرباويه و ما أفوز على الصليبيخات راح أنتحر .. أنت تشوف إن هاللشي غريب .. من حقك لأن كلن يرى الناس بعين طبعه !!

بالعكس أحسدك على برود أعصابك .. و يا ريتني مثلك .. بس مو بيدي الملكي عوّدني على شي معيّن ما أقدر أنحرم منه :)

مـدريـديـه }~
10-01-2010, 04:56
ليش ينتحر دامه قدساوي...
وعايش بسعاده ..


وابتسم انت قدساوي :)



تحسسني ما يدش الجنه الا القدساوي :)

حمدالله وشكر !

WARIO
10-01-2010, 06:20
^

خل يعيش بسعاده

الدنيا للقدساوية

:p

روز الاصفر
10-01-2010, 09:14
يقولك مو زعيق على الفاضي

akhthar_USA
10-01-2010, 09:59
الربع هدّوني و قالولي ترى 3 بطولات شي زين .. شوف اللي حوالينا كلهم على بطوله ولا نص بطوله .. و إذا على الرباعيّه إن شاء الله راح تحققها الموسم الجاي .. و أقنعوني بـ كلامهم !



عموماً كلّن يرى الناس بـ عين طبعه .. أنا لو مكان العرباويه و ما أفوز على الصليبيخات راح أنتحر .. أنت تشوف إن هاللشي غريب .. من حقك لأن كلن يرى الناس بعين طبعه !!


بالعكس أحسدك على برود أعصابك .. و يا ريتني مثلك .. بس مو بيدي الملكي عوّدني على شي معيّن ما أقدر أنحرم منه :)



leish manta7art gabel mawsemain ? leeman mayebtaw wala be6oola :) wella makent emtabe3 kora

allah e3afe efloos el7asawe o boog el mo7tarefeeen .. wella elqadsia sheno 3aysheen 3ala fathlaat elnowade ethania

wolf^pac
10-01-2010, 10:27
والله بمباراة القادسية عالاقل بدون الطردين المفروض 3/0

وعقب الهدف الثالث رخوا عليكم ولا جان المرفوض اكثر من اربعه



بس مشكلة العربي لا بالمدرب ولا باللاعبين

انتوا فاهمين قصدي


ان شاء الله تتعدل الامور

وباقي جولتين وينتهي القسم الاول

ولازم تحققون الست نقاط حتى تنتظرون سقوط فرق المقدمه

والا سلام عليكم

!.. El7mn ..!
10-01-2010, 11:22
حمد حربي على جسمة بالحوش ما ألعبة ..

مشكلة العربي نفسية أكثر من ما اهي فنية ، اللاعبين لايعة جبدهم من الادارة وتخبطاتها ، اذا الجمهور طقت جبدة وما عاد يهتم بالنادي شنقول عن اللاعبين عيل !!

الله يسهل وتنحل الادارة وشوفوا نفسية اللاعبين شلون بتصير بكل الالعاب ومختلف المراحل السنية ..

الله كريم ، وشد الحيل يا بومحمد عودة الزعيم بايدك ..

يعطيك العافية عالموضوع ..

D.AGGER 5
10-01-2010, 11:36
بسم الله الرحمن الرحيم




ما ادري شيبون لاعبيين الزعيم اكثر من هالفرصة !


المحرق استغلوا طرد لاعبين من العربي وسجلوا 5-1
والقادسية استغلوا طرد لاعبين منكم وهم سجلوا 4-0


انتوا طردين ولاعبين مؤثرين بالكويت من الوسط المتأخر جراح العتيقي وعوض وما استغليتوا !
بالكثير نبي هدف بس !


المباراة الياية اذا المدرب ما عدل وضع الهجوم والوسط وحط اللاعبين بوضعهم الطبيعي وعدل نفسياتهم اقيلوه وييبوا بداله احمد خلف !
محتاجين مدرب يغيير نفسية اللاعبين ويقعد ايغور احتياط ويجرب حمد حربي وما اعتقد مدربنا يسويها !
احمد خلف لي رد راح يرد روح العربي وراح يقعد ايغور احتياط وراح يشرك حمد حربي وراح يغامر بالهجوم
مع انه مدربنا جيد وتكتيكي لكن نبي واحد مغامر ومدربنا الحالي مو مغامر


شهاب كنكوني : انته مبدع بس الهدف غلطة واضحة منك ! اتمنى لا تعيدها وايد ترى مو زينة لك مع جماهير الزعيم اللي بسرعة تقلب على اللاعب " البعض "


حسين الموسوي : اليوم مو يومك بس اجتهد اكثر !


لاعبين الزعيم كلكم , والمدرب على راسكم , يا انكم تييبون الثلاث نقاط بالمباراة الياية , يا من الحين اقولكم بتشوفون شي من الجمهور عمركم ما شفتوه !


خلنا مثل ما عهدناكم رجال والكل يراهن على روحكم والكل يعرف انه العربي بروحه وكل الاندية تتمنى لو تاخذ نص روح العربي لفانيلته
المباراة الياية تاخذون الثلاث نقاط انا اقولها لكم مبروك الدوري !
ما تاخذونها " لكل حادث حديث "



شكراً



ولد عمي مع احترامي لك الموضوع نصه غلط ونصه الله بالخير !!....

الشي الوحيد الي ذكرته وصح اهوا انه شهاب غلط بالقول والمحرق الفريق الوحيد الي استفاد من الطردين !!...

القادسية اذا ماني غلطان ياريت احد من الشباب يصححلي هل معلومه ياب الاربعه قبل الطرد الثاني !!... يعني تقدر تقول يمكن استفاد من الطرد الاول بس مو من الطردين!!.. ثاني شغله في فرق كبير بين مباراة القادسيه والعربي والكويت والعربي... انا اقولك شنو الفرق القادسية وقت المباراة كان اهوا الطرف الاحسن وكان متقدم اب هدف ويه الهدف الثاني مع طرد لاعب العربي الاول يعني الفريق كان خسران انت يالعربي والقادسيه كان مسيطر فا شي طبيعي القادسية بزيد القله وهذا الي شفنا !!...

لعبت الكويت الكويت كان فايز وشي طبيعي عقب الطرد الكويت بصكر ويحافظ على الهدف!! طبعا ناهيك على اوقات الطرد بين المباراتين الكويت انطرد منه العتيجي اول ربع ساعه وفهد عوض الدقيقه 37 يعني الكويت لاعب ناقص لاعبين في 10 دقايق مع الوقت البدل ضايع !!... وشفنا العربي بالعكس يستغل الطرد بهدف حق خالد خلف مادري انته الظاهر عبالك هدف خالد قبل الطرد !! قدر العربي يستغل الطرد بهدف التعادل ولا جان ماتعادل !!... قدر يطلع من ولا نقطه اب نقطة من المباراة !!...

طبعا الجملة الي بالوردي جملة فكاهيه وتحس على خفة دمك !!...

KuwaitGaZz
10-01-2010, 11:39
بسم الله الرحمن الرحيم

الموضوع يخص النادي العربي واوضاعه وخصوصا مباراة امس امام الكويت

شفنا الردود اغلبها قدساوية ! الظاهر القدساوية انقلب انتمائهم إلى النادي العربي =_=
حياكم الله اخوانا القدساوية بردودكم وتعليقاتكم لكن يفضل من غير تجريح وتطنز لانه نحب نفيد النادي اذا عندكم شي يفيدنا كنادي العربي من ناحية راي تفضلوا
اذا لا ف شحقى رادين !

راح ارد على بعض الردود واتناقش معاها !

KuwaitGaZz
10-01-2010, 11:43
المباراة الجاية جدام الصليبيخات اذا ماتفوزون وتيبون ال 3 نقاط ... انسحبوا من الدوري احسن لكم :)

بسم الله الرحمن الرحيم

ما توصل إلى الانسحاب لانه الدوري من غير العربي والقادسية ماله طعم !
لكن ان شاء الله المباراة الياية الفوز على الصليبيخات تعطي دفعة معنوية

احنا محتاجين دفعة معنوية فقط علشان نرجع للدوري وناخذه بإذن الله !

KuwaitGaZz
10-01-2010, 11:44
إذا ما فزتوا على الصليبيخات .. إحرقوا نفسكم !




بسم الله الرحمن الرحيم

شحقى نحرق نفسنا يا اخوي ؟
ترى كلها رياضة

KuwaitGaZz
10-01-2010, 11:45
من بـداية الدوري ولا فـوز !!
و بتنافسـون على الـدوري ؟!

بسم الله الرحمن الرحيم

يمكن كبوة لفترة معينة وبعدها تأتي العاصفة !
الله العالم
هذي الكرة "غدارة "

D.AGGER 5
10-01-2010, 11:48
الربع هدّوني و قالولي ترى 3 بطولات شي زين .. شوف اللي حوالينا كلهم على بطوله ولا نص بطوله .. و إذا على الرباعيّه إن شاء الله راح تحققها الموسم الجاي .. و أقنعوني بـ كلامهم !





عموماً كلّن يرى الناس بـ عين طبعه .. أنا لو مكان العرباويه و ما أفوز على الصليبيخات راح أنتحر .. أنت تشوف إن هاللشي غريب .. من حقك لأن كلن يرى الناس بعين طبعه !!


بالعكس أحسدك على برود أعصابك .. و يا ريتني مثلك .. بس مو بيدي الملكي عوّدني على شي معيّن ما أقدر أنحرم منه :)



بو شايع حبيبي بس حبيت اقولك شغله وان شاءالله تقبلها من اخ صغير ... القادسية اهوا الاميز والافضل بالسنوات الاخير ان يت كا انجازات ولعب وتميز من لاعبين فنيات كلشي القادسية اهوا الافضل ... العربي وهذي الحقيقه الكل صار يعرفها من سنين انه العربي فا اخر 9 سنوات مستواه هاااااااابط هذا اقل عنه مايقال ولي قاعد يشفعله ويرقعله كل موسم انه العربي ايب بطوله اب اجتهادات لاعبين وروحهم الي ترفض انه تطلع من الموسم من غير بطوله !!.. المهم الي ابي اوضحلك من خلال كلامي العربي حاليا فعلا ماهو العربي الي بالسابق ولا اهوا العربي الي يتقارن بنادي مثل القادسية الانه بصراحه انا عرباوي واحب العربي اكثر من ماحب نفسي بس حرام نظلم القادسية ونقارنه مع العربي حاليا... القادسية اهوا الافضل والاميز !!...

بس القادسية مايتله فتره من الفترات وصارله دروب وهبط مستواه لدرجة انه ماحقق الدوري فتره طويله !!... صححلي هل معلومه اذا ماني غلطان القتره الي عاشتها جماهير القادسية ذاك الوقت احنا يجماهير العربي قاعد نعيشها الحين ... طبعا روح انتحر او احرق نفسك ماتطلع من اخ كبير مثلك احنا اخوان لك ويمكن بعضنا ربع لك شخصيا نحب نشوفها منك بالمنتدى .. مو مشكله انته تكره العربي ماتشتهي العربي هذا شي راجعلك بس نتمتى انك تنتقد بالشكل المناسب ومن غير طريقة الاستهزائيه !!..

الي ابي اوصله من خلال كلامي هذا انه وقتها القادسية هل تخلت عنه الجماهير !؟ اكيد لا الانه حب القادسية يخليهم يوقفون ورى الفريق حتى لو وصل الي ادنى مستوى !...

بالنهاية نتمنى من جماهير العربي الصبر وماكو غير ننطر تغير هل ادارة يمكن يتعدل حال الفريق !!..

KuwaitGaZz
10-01-2010, 11:49
منو قالك القادسيه استغل الطرد بالـ4




-----

على العموم عساهم بهل الحال وردى ..

بسم الله الرحمن الرحيم

القادسية حده 2-0 او 3-0 لكن مع الطرد زادوا الغلة إلى 4-0 ولو احسنوا الفرص جان سجلوا اكثر لانه مطرود منا اثنين !

ووعسى الله يوفق القادسية لانه بالنهاية القادسية والعربي اهما الدوري الكويتي !

KuwaitGaZz
10-01-2010, 11:51
من بداية الموسم , والعرباويه يمجدون للمدرب بعد تحقيق كل تعادل ..
وقلتها بنص الموسم راح ينشال ونتايج الفريق تدل إنه راح يقال عن قريب !!
الله يعينكم

بسم الله الرحمن الرحيم

انته صح , وانا غلط إلى الحين !
لكن بعدين شيصير الله اعلم

بيض الله ويهك

KuwaitGaZz
10-01-2010, 11:52
المباراة الجايه مع الصليبيخات

منطقيا والمفروض ويجب والواقع ان الـ3 نقاط مضمونه

بسم الله الرحمن الرحيم

المفروض !
لكن الله كريم

KuwaitGaZz
10-01-2010, 11:54
دراغان خل يحرق نفسـه بغـــاز ..
الروح بروحها ما تسـوي شي .. !

بسم الله الرحمن الرحيم

الروح اهيه اللي خلتنا نفوز على استراليا وانا خييج !

KuwaitGaZz
10-01-2010, 11:57
إي في الموسم اللي طاف .. لما ما حققنا رباعيه فكّرت أنتحر !



بس إنت اللي صدمتني و ما إنتحرت مع إنك ما حققت شي !!


عموماً لا تنتحر إلا بعد مباراة الصليبيخات .. إذا ما فزتوا " إنتحر " و عذرك معاك و لا ترد على أحد .. ما عليك موضوعك عندي .. :)


بسم الله الرحمن الرحيم

افا والله بوشايع هذا وانته الفاهم والعاقل وتقول فكرت تنتحر !؟!

ما تدري انه الانتحار انه من كبائر الذنوب , وقد بيَّن النبي صلى الله عليه وسلم أن المنتحر يعاقب بمثل ما قتل نفسه به
وتبي تنتحر علشان قادسية او عربي !

هونها وتهون :)

بو شايع
10-01-2010, 11:58
واريو ..

الإنتحار " وارد " و بـ قوّه .. تبي دليل ؟


إنت بـ توقيعك كاتب " بالعربي بدأت و أنتهي " .. خلاص يا أخوي خلنا نشوف شلون راح تكون " نهايتك " مع النادي العربي :p

KuwaitGaZz
10-01-2010, 11:59
حمد حربي على جسمة بالحوش ما ألعبة ..

مشكلة العربي نفسية أكثر من ما اهي فنية ، اللاعبين لايعة جبدهم من الادارة وتخبطاتها ، اذا الجمهور طقت جبدة وما عاد يهتم بالنادي شنقول عن اللاعبين عيل !!

الله يسهل وتنحل الادارة وشوفوا نفسية اللاعبين شلون بتصير بكل الالعاب ومختلف المراحل السنية ..

الله كريم ، وشد الحيل يا بومحمد عودة الزعيم بايدك ..

يعطيك العافية عالموضوع ..

بسم الله الرحمن الرحيم

الله يسمع منك وتنحل الادارة بتاريخ 27/1 وتنحل الامور

ومثل ما قلت العربي اموره نفسية ومحتاج مدرب نفسي
والمدرب هو احمد خلف !

KuwaitGaZz
10-01-2010, 12:07
ولد عمي مع احترامي لك الموضوع نصه غلط ونصه الله بالخير !!....

الشي الوحيد الي ذكرته وصح اهوا انه شهاب غلط بالقول والمحرق الفريق الوحيد الي استفاد من الطردين !!...

القادسية اذا ماني غلطان ياريت احد من الشباب يصححلي هل معلومه ياب الاربعه قبل الطرد الثاني !!... يعني تقدر تقول يمكن استفاد من الطرد الاول بس مو من الطردين!!.. ثاني شغله في فرق كبير بين مباراة القادسيه والعربي والكويت والعربي... انا اقولك شنو الفرق القادسية وقت المباراة كان اهوا الطرف الاحسن وكان متقدم اب هدف ويه الهدف الثاني مع طرد لاعب العربي الاول يعني الفريق كان خسران انت يالعربي والقادسيه كان مسيطر فا شي طبيعي القادسية بزيد القله وهذا الي شفنا !!...

لعبت الكويت الكويت كان فايز وشي طبيعي عقب الطرد الكويت بصكر ويحافظ على الهدف!! طبعا ناهيك على اوقات الطرد بين المباراتين الكويت انطرد منه العتيجي اول ربع ساعه وفهد عوض الدقيقه 37 يعني الكويت لاعب ناقص لاعبين في 10 دقايق مع الوقت البدل ضايع !!... وشفنا العربي بالعكس يستغل الطرد بهدف حق خالد خلف مادري انته الظاهر عبالك هدف خالد قبل الطرد !! قدر العربي يستغل الطرد بهدف التعادل ولا جان ماتعادل !!... قدر يطلع من ولا نقطه اب نقطة من المباراة !!...

طبعا الجملة الي بالوردي جملة فكاهيه وتحس على خفة دمك !!...

بسم الله الرحمن الرحيم

احترم معلوماتك واحترم ردك واحترم نقاشك , بس يا اخوي لا تكثر منها لانه للصبر حدود وللاعصاب حدود
وخصوصا احنا عرباوية يعني ردك شوي اسمحلي اقوله " ماصخ " علي وجنك تستهزأ فيني اذا انا معلوماتي غلط صلحها لي بس بطريقة حلوة , خصوصا احنا عرباوية وبعض الاخوان يدورون الزلة علينا وانته فاهمني :)

المهم نرد لموضوعك

القادسية الطرف الافضل بالشوط الثاني لكن الشوط الأول متأكد انه الطرف الأفضل ؟
القادسية سلجوا الهدف الثاني بعد الطرد الاول هذا الاستفادة الكبيرة
حجي لو اي طرد ان شاء الله لو واحد الفريق الثاني اذا ما يستغله فهذا مصيبه , الكثرة تغلب معروف هالشي !
فما بالك طردين , واذا انته برايك انه القادسية ما استغل طردين وكثروا الاربع فهذي مصيبة !

بالنسبة لموضوع الكويت والعربي شلون استغل واهوه سجل هدف من فاول !
استغلال يعني خلال هجمة ونقص باللاعبين , الاستغلال يأتي اذا الهجوم 4 والدفاع 2 اهني المفروض استغلال صح !
ليش وضحلي الجملة اللي حسستك انه هدف خالد قبل الطرد ؟

مشكور لاني بوجهة نظرك "مليق " :)

عالعموم عسى الله يوفقك دنيا وآخرة واشكر اهتمامك بالنادي العربي

D.AGGER 5
10-01-2010, 12:12
بسم الله الرحمن الرحيم

احترم معلوماتك واحترم ردك واحترم نقاشك , بس يا اخوي لا تكثر منها لانه للصبر حدود وللاعصاب حدود
وخصوصا احنا عرباوية يعني ردك شوي اسمحلي اقوله " ماصخ " علي وجنك تستهزأ فيني اذا انا معلوماتي غلط صلحها لي بس بطريقة حلوة , خصوصا احنا عرباوية وبعض الاخوان يدورون الزلة علينا وانته فاهمني :)

المهم نرد لموضوعك

القادسية الطرف الافضل بالشوط الثاني لكن الشوط الأول متأكد انه الطرف الأفضل ؟
القادسية سلجوا الهدف الثاني بعد الطرد الاول هذا الاستفادة الكبيرة
حجي لو اي طرد ان شاء الله لو واحد الفريق الثاني اذا ما يستغله فهذا مصيبه , الكثرة تغلب معروف هالشي !
فما بالك طردين , واذا انته برايك انه القادسية ما استغل طردين وكثروا الاربع فهذي مصيبة !

بالنسبة لموضوع الكويت والعربي شلون استغل واهوه سجل هدف من فاول !
استغلال يعني خلال هجمة ونقص باللاعبين , الاستغلال يأتي اذا الهجوم 4 والدفاع 2 اهني المفروض استغلال صح !
ليش وضحلي الجملة اللي حسستك انه هدف خالد قبل الطرد ؟

مشكور لاني بوجهة نظرك "مليق " :)

عالعموم عسى الله يوفقك دنيا وآخرة واشكر اهتمامك بالنادي العربي

بالعكس ياولد عمي لك الحشيمه والتقدير !!... كونك عرباوي حتى لو تنتمي حق اي نادي ثاني !... ياولد عمي معلوماتك انا اشوفها فيها الغلط... وضحتلك هل شي انته الحين تقول قول العربي يه من كره ثابته شلون يه من كره ثابته الا من عقب الطريت والضغط وهذا الي يخلب دفاعات الكويت تسوي فاولات !! فا شي طبيعي العربي استفاد بما انه كان خسران وياب التعادل.. انته تقول العربي ماستفاد من الطردين !! والواضح انه استفاد من خساره ولا نقطه الى تعادل اب نقطه !!.

KuwaitGaZz
10-01-2010, 12:21
بالعكس ياولد عمي لك الحشيمه والتقدير !!... كونك عرباوي حتى لو تنتمي حق اي نادي ثاني !... ياولد عمي معلوماتك انا اشوفها فيها الغلط... وضحتلك هل شي انته الحين تقول قول العربي يه من كره ثابته شلون يه من كره ثابته الا من عقب الطريت والضغط وهذا الي يخلب دفاعات الكويت تسوي فاولات !! فا شي طبيعي العربي استفاد بما انه كان خسران وياب التعادل.. انته تقول العربي ماستفاد من الطردين !! والواضح انه استفاد من خساره ولا نقطه الى تعادل اب نقطه !!.

بسم الله الرحمن الرحيم

الله يسلمك وهذا العشم فيك

يا اخوي الفاول ايي بأي وقت وبأي لحظة , كذا مره يالنا فاول من هالجهة وما سلجنا يوم انطرد اللاعب يه الفاول والحمدالله الله وفق خالد خلف وسجل
متى نقدر نسمى استغلال الطرد , من خلال هجمة ومن خلال هجمات ومزيد من الاهداف
احنا ما استغلينا هالشي
لو خالد خلف ما سجل هدف من الفاول شبنقول !

D.AGGER 5
10-01-2010, 12:26
بسم الله الرحمن الرحيم

الله يسلمك وهذا العشم فيك

يا اخوي الفاول ايي بأي وقت وبأي لحظة , كذا مره يالنا فاول من هالجهة وما سلجنا يوم انطرد اللاعب يه الفاول والحمدالله الله وفق خالد خلف وسجل
متى نقدر نسمى استغلال الطرد , من خلال هجمة ومن خلال هجمات ومزيد من الاهداف
احنا ما استغلينا هالشي
لو خالد خلف ما سجل هدف من الفاول شبنقول !


حلو ولد عمي يعني تتفق معاي انه العربي استغل الطرد من خلال عميلة الضغط الي ولدت الفاول الي ياب القول :).... يعني قدرنا نستفيد من الطرد عاد ماستفدنا اكثر هذا شي ثاني بس الكلمة الي ابي اوصلها انه قدرنا نستفيد وبعدين لا تنسى ياولد عمي الكويت لاعب ناقص لاعبين في 10 دقايق ويه في قول بالعشر دقايق وشفنا هجمات خطره للعربي بس مايعرفون شلون يتصرفون وياها المهاجمين !!... يعني هم صعبه تيب قولين خلال 10 دقايق وخاصتنا الفريق كان مصكر صح !!...

لو مو يايب قول العربي ذيك الساعه انا اتفق وياك بالموضوع بس المشكله العربي ياب القول واستفاد واهني نقطة الخلاف بس اسمحلي اوضحلك شي نقطة الاختلاف بيني وبينك انه درجة الاستفاده عندك انه تبي تقلب النتيجه من خساره الي فوز اب 10 دقايق وانا انه نطلع اب نتيجه احسن من الخساره !!...

شاكرلك على الردود وانا اسفف اذا قللت من الموضوع .

!.. El7mn ..!
10-01-2010, 13:11
بسم الله الرحمن الرحيم

الله يسمع منك وتنحل الادارة بتاريخ 27/1 وتنحل الامور

ومثل ما قلت العربي اموره نفسية ومحتاج مدرب نفسي
والمدرب هو احمد خلف !
الاهي آمين ..

بالعكس احمد خلف ابدا ماهو مدرب تكتيكي ولا نفسي ، وان كانو اللاعبين يرتاحون له لان كويتي وقريب منهم ، المسألة اقدر اشبها بفصل دراسي 95% من الطلاب يفضلون المدرس الكويتي ، لكن بالنهاية المدرس الاجنبي افضل و اقوى مو عشان شي بس لان تاسيسة " صح " دراغان مدرب تكتيكي بحت حتى المحترفين الي طلبهم تكتيكين درجة اولى يعني شوف ايغور و داريو لاعبين عاديين بس يطبقون دورهم صح استلم الكرة وسلمها صح للاعب الفاضي يمكن هذي حسنتهم الوحيد ، اما اذا كنت تبحث عن مدرب نفسي فاهو " بادو فييرا " الي دربنا بنص 2001 تقريبا وحققنا معاه انجازات طيبة منها الدوري وكاس الخليج ، شخصيا اشوف المدرب النفسي افضل للعربي كنادي لان الاعتماد عندنا على روح اللاعبين ، لكن بدون شك التكتيكي افضل لان الفريق بذاتة بيكون زين ، شخصيا ما عندي مشكلة اقعد سنتين على دراغان وما احقق شي و اخذ نتايج سيئة ، بالمقابل يكون عندي فريق قوي بعد سنتين يعطيني 7 سنوات جدام بتصاعد .

عموما بداية الانطلاقة اشوفها بحل مجلس ادارة النادي العربي الرياضي ،،

Bo_faraj
10-01-2010, 14:36
انا لا زلت أقول تو الناس عالدوري. العربي جدامه وقت يعدل من وضعه بس يبيله شدة حيل شوي. الدوري بنسخته الجديدة اللي من ثلاث جولات تعطي فرصة للفريق ان يغير من حاله.

كلنا شنفا شلون صار نادي الكويت بعد بدايته المتواضعة السنة اللي طافت.

3thbi
10-01-2010, 14:50
الله يعينهم عالدرجه 2

الخــالــدي
10-01-2010, 15:27
الدرجه الاولى ناطرتكم ..

!.. El7mn ..!
10-01-2010, 15:44
حجو المشعوذين ..

بنت بلادي
10-01-2010, 16:04
^ ^

لوووووووووووول

اهم شي انتوا خدمونا بالنتايج و راح ندعي لكم بالتوفيق :p

هيـبـة ملـك
12-01-2010, 05:29
الله يكون في عونكم ..

الحمدالله اني قدساوي ..

WARIO
12-01-2010, 05:50
واريو ..



الإنتحار " وارد " و بـ قوّه .. تبي دليل ؟



إنت بـ توقيعك كاتب " بالعربي بدأت و أنتهي " .. خلاص يا أخوي خلنا نشوف شلون راح تكون " نهايتك " مع النادي العربي :p


كلنا في يوم من الايام راح ننتهي

:rolleyes:

بو شايع
12-01-2010, 09:30
كويت قاز + عزيزان ..

القادسيه مر في مثل هالظروف .. و تعرّض للشماته من العرباويه و غيرهم !

ترى كل ما في الموضوع " شماته " .. لا تاخذون الكلمه على حجمها .. إحنا قدساويه و إنتوا عرباويه و كل واحد منّا يتشمت بالثاني .. بس يبقى الإحترام موجود حتى لو أخفيناه في شماتتنا !!

إذا ماكو " أكشن " بين القدساويه و العرباويه .. ماكو رياضه بالكويت !

لا تصيرون " حسّاسين " لهالدرجه .. أنا أسلوبي جذي .. بس أغلب العرباويه يدرون شنو نيتي :)

استعمار
12-01-2010, 10:55
الله يعطيك العافية

اتمنى عودة العربي باسرع وقت
ليشتد روح التنافس بالدوري
مشجع قدساوي

خلوها للزعيم
13-01-2010, 03:31
هربلاااااااااااااااااااااااااااااااا
الله كريم بالعربي