المساعد الشخصي الرقمي

مشاهدة النسخة كاملة : هيبة وكرامة نادٍ!!



D.AGGER 5
12-01-2010, 15:54
هيبة وكرامة نادٍ!!




http://www.arabiclub.net/up/up/24420402220090605.jpg



كنا نحرص دائما على أن يكون نادينا العربي ضمن صفوف أندية المعايير، كونها كانت تملك معايير ومبادئ واضحة وشفافة، على نقيض الأندية الأخرى والتي نكن لها كل الاحترام والتقدير، و لكن للأسف الشديد كما يقول المثل «رب ضارة نافعة»، ربما تضررنا نحن في النادي العربي من عدم ضم بشار عبدالله لصفوفنا لوجود نقص حاد في خط الهجوم، ولكن الأمر النافع هو أننا اكتشفنا زملاءنا بصورتهم الحقيقية ونواياهم الخفية،
مشكلة النادي العربي أنه لم يعمل وفق المثل الألماني الشهير القائل: «احذر عدوك مرة واحدة، واحذر صديقك ألف مرة»، كنا نظن أن المعايير التي نحرص على بقائنا بها، هي معايير تنم على التعاون والاحترام المتبادل بين الأندية، فالميثاق الذي يجمع المعايير ينص على التعاون المتبادل دون الطعن والتخطي على حقوق الأندية الأخرى، ولكن من المؤلم والمؤسف أن تأتي الطعنة من الخلف وفي ظهر من؟ في ظهر النادي العربي الذي نحب ونعشق، في ظهر النادي الذي تحدى الجميع وتحدى كافة الإغراءات، والذي وقف صامدا بكبريائه وتاريخه وعراقته في وجه الجميع من اجل الحفاظ على هذا الميثاق الذي كان، والذي تحول الى مجرد معايير على الورق ولا نعتقد بأن العرباوية على الرغم من كثرة خلافاتهم وبمختلف ميولهم وأطيافهم يرضون او يرتضون بأن يصبح النادي العربي الرياضي لقمة سائغة او «طوفة هبيطة» في يد أندية اخرى لم تصل الى إنجازات هذا النادي الأخضر العريق.


فالعربي هو العربي كما قالها الشيخ سلمان الحمود ومهما اتسعت رقعة الخلافات بين اعضاء الجمعية العمومية للنادي العربي الرياضي، ومهما تراجعت نتائج فرق النادي العربي الرياضي، فإن كل هذه الأمور لن تنقص من حجم ومكانة هذه القلعة التي أثمرت عن اول نادي حديث تم إنشاؤه في تاريخ الرياضة الكويتية، لذا فإن مجلس ادارة النادي العربي الرياضي مطالب اليوم خصوصا، وهو كان مطالبا في أكثر من وقت مضى أن يتخذ موقفا واضحا تجاه هذه التصرفات والتي لا ترضي كافة العرباوية، لأننا كعرباوية لا نقبل لأي كائن من كان أن يستنقص من حجم ومكانة النادي العربي على الساحة الرياضية، فنحن اليوم نطالبهم باتخاذ موقف واضح وصريح ازاء هذا التصرف الذي يدل على مدى استهزاء واستهتار أندية المعايير بمكانة وتاريخ النادي العربي، فالتاريخ لن يرحم العرباوية اذا استمرينا مكتوفي الأيدي والمسألة لم تعد مسألة ضم لاعب فقط، بل المسألة تعدت ذلك وأصبحت أكبر من ذلك بكثير، فالمسألة باتت تمس اسما وكيانا وتاريخا عبقا.



محمد العوضي
نيابة عن مجموعة من محبي النادي العربي


الوطن


تاريخ النشر 12/01/2010

arabiclub (http://www.arabiclub.net/magz/arabiNews-12823.arabiclub)



** ماظل فيها زلم !!

Van Basten
12-01-2010, 15:59
اكلت يوم اكل الثور الابيض

مانيو
12-01-2010, 16:00
عدل نادي الكويت اخل بميثاق المعايير الي اصدر اعتقد بال93

بس امانة ما نلومهم لأنه هالميثاق اصبح قديييم وغير مفعل
وهذا مو اول تنافس معاييري على لاعب
بس قضية بشار غير لأنه صار عليها ضجه

George Best
12-01-2010, 16:00
كلام سليم واخيرًا عرفتو ربعكم ..

اللي بالصوره منو :/

Corvette
12-01-2010, 16:01
يشهد الله إنه هالرجل عرباوي مخلص " مالي معرفة شخصية معاه " , يحضر جميع المباريات ومو مقصر مع الفرق ولا مع الجمهور من خلال موقع الجمهور العرباوي :)

الله يكون بعون العربـاويه ..

D.AGGER 5
12-01-2010, 16:01
كلام سليم واخيرًا عرفتو ربعكم ..



اللي بالصوره منو :/


الي بالصوره اهوا صاحب المقال ..

D.AGGER 5
12-01-2010, 16:03
يشهد الله إنه هالرجل عرباوي مخلص " مالي معرفة شخصية معاه " , يحضر جميع المباريات ومو مقصر مع الفرق ولا مع الجمهور من خلال موقع الجمهور العرباوي :)

الله يكون بعون العربـاويه ..

شهاده نعتز فيها اخوي احمد كثير من هم رجال للعربي ومخلصين وصدقني العربي عمره ماوقف على رجل واحد بس المشكله لا حياة لمن تنادي...

Van Basten
12-01-2010, 16:04
هذا بو جاسم العوضي .. ونععم والله .. مصور عرباوي ومعرفته طيبة وريال محب للنادي ومخلص له .. الله يكثر من امثاله

D.AGGER 5
12-01-2010, 16:13
عدل نادي الكويت اخل بميثاق المعايير الي اصدر اعتقد بال93

بس امانة ما نلومهم لأنه هالميثاق اصبح قديييم وغير مفعل
وهذا مو اول تنافس معاييري على لاعب
بس قضية بشار غير لأنه صار عليها ضجه

قديم ولا يديد المفروض انه هل اندية تحترم الميثاق الي وقع كل واحد فيهم عليه.. بعدين مايصير عشان الميثاق موجود من 92 نقوم نسحب عليه ونقول قديم !!؟

مانيو
12-01-2010, 16:24
قديم ولا يديد المفروض انه هل اندية تحترم الميثاق الي وقع كل واحد فيهم عليه.. بعدين مايصير عشان الميثاق موجود من 92 نقوم نسحب عليه ونقول قديم !!؟

واحنا من متى احترمنا ؟؟

هالقانون اهملناه وتسابقنا بالكثير من الصفقات السابقة

احمد عجب العربي والكويت دشوا السباق
خالد الرشيدي حارس التضامن هم دشينا بالسباق
وغيرهم الكثير
بس هذيل الي يحضروني حاليا
يعني لا نلوم الناس قبل لا نلوم انفسنا
هذا الميثاق كلنا نسيناه وما ظهر بالصورة الا عقب حادثه بشار
الي الامر فيها مختلف نهائيا كون بشار رفضوا عرضه الي بفلوس ووافقوا على الي ببلاش
هني بدينا نذكر هالميثاق
وينا يوم كنا نتنافس على الاعبين

D.AGGER 5
12-01-2010, 16:29
واحنا من متى احترمنا ؟؟

هالقانون اهملناه وتسابقنا بالكثير من الصفقات السابقة

احمد عجب العربي والكويت دشوا السباق
خالد الرشيدي حارس التضامن هم دشينا بالسباق
وغيرهم الكثير
بس هذيل الي يحضروني حاليا
يعني لا نلوم الناس قبل لا نلوم انفسنا
هذا الميثاق كلنا نسيناه وما ظهر بالصورة الا عقب حادثه بشار
الي الامر فيها مختلف نهائيا كون بشار رفضوا عرضه الي بفلوس ووافقوا على الي ببلاش
هني بدينا نذكر هالميثاق
وينا يوم كنا نتنافس على الاعبين

العربي اتوقع اهوا من الاندية السباقه حق لاعب احمد عجب بس القادسية ورغبة لاعب بالانتقال للقادسية اهيا الي سارعت بالموضوع... الميثاق يقول انه الاحترام بينهم الاربعه مو مع باجي الانديه يعني اذا نادي ثاني غير الاربعه دش يقدرون اهم يدشون...

خالد الرشيدي العربي طالبه واهوا يبي العربي قبل لا حتى الكويت يفكر فيه !!...

قدساوي84
12-01-2010, 16:34
والله يالعرباويه ما عندكم رجاجيل يوقفون الكاظمي عند حده

بو شايع
12-01-2010, 16:37
شكراً للكاتب على هالكلام الطيّب ..

++

لكن لا تنسون إن اللي قاعد يصير فيكم يا العرباويه .. هو من " حوبة " كل كويتي شافكم تدمرون رياضتنا و قاعدين تدمرونها حالياً و راح تدمرونها مستقبلاً مع " قائدكم " السابق مرزوق علي !

أحياناً نتذكر إسم العربي و نتذكر الزمن الجميل و نقول " الله " يا أيام المنافسه .. يا حلوها من أيام و يا ليت يرجع العربي !!

و لكن في أحيان أخرى نتذكر وقفتكم مع قائدكم السابق مرزوق علي في أمور واضحه مثل وضوح الشمس .. و اللي الحين قمنا ندفع ثمنها .. فـ نقول عساكم من هالحال و أردى و عسى حوبة أهل الكويت ما تتعداكم :)

D.AGGER 5
12-01-2010, 16:46
شكراً للكاتب على هالكلام الطيّب ..



++


لكن لا تنسون إن اللي قاعد يصير فيكم يا العرباويه .. هو من " حوبة " كل كويتي شافكم تدمرون رياضتنا و قاعدين تدمرونها حالياً و راح تدمرونها مستقبلاً مع " قائدكم " السابق مرزوق علي !


أحياناً نتذكر إسم العربي و نتذكر الزمن الجميل و نقول " الله " يا أيام المنافسه .. يا حلوها من أيام و يا ليت يرجع العربي !!


و لكن في أحيان أخرى نتذكر وقفتكم مع قائدكم السابق مرزوق علي في أمور واضحه مثل وضوح الشمس .. و اللي الحين قمنا ندفع ثمنها .. فـ نقول عساكم من هالحال و أردى و عسى حوبة أهل الكويت ما تتعداكم :)



اخوي بو شايع مو معناته لما يوقف الكاظمي والشله الي وياه مع دلي انصير احنا الملامين بالموضوع.... اوكى احنا في شغلات نتفق وياهم وفي شغلات نختلف وكذالك الحال مع الشيخ طلال الفهد... بس العربي قبل لا اي مرزوق الغانم واهوا على هل حال يعني مو شي حطنا فيه دلي..... شي احنا الي حطينا نفسنا فيه....

شوف مع طيحت العربي الكويت كلها طاحت !! بتقول حجي فاضي وماخوذ خيره شنو حقق المنتخب من يوم انه انتكس العربي... العربي ترى طول عمره بالكثير لاعب ولا لاعبين تشوفهم بالمنتخب اساسين بس كنا كلنا نشتغل قلب واحد مو الحين كل واحد يحفر حق الثاني وينشر غسيل الثاني وصرنا اضحوكه بيد الي يسوى ومايسوى....

D.AGGER 5
12-01-2010, 16:47
والله يالعرباويه ما عندكم رجاجيل يوقفون الكاظمي عند حده

للاسف مافي !!! والقانون لا يحمي المغفلين !! مابي اقول جماهير العربي بس خل نقول قدر يستغل القانون بالشكل الي يفيده !! وقدر يمركز نفسه ويتكمن من هل منصب !!

مانيو
12-01-2010, 16:51
العربي اتوقع اهوا من الاندية السباقه حق لاعب احمد عجب بس القادسية ورغبة لاعب بالانتقال للقادسية اهيا الي سارعت بالموضوع... الميثاق يقول انه الاحترام بينهم الاربعه مو مع باجي الانديه يعني اذا نادي ثاني غير الاربعه دش يقدرون اهم يدشون...

خالد الرشيدي العربي طالبه واهوا يبي العربي قبل لا حتى الكويت يفكر فيه !!...

ادري بس الي صار انا الكويت دش بمفاوضات مع عجب والرشيدي

ووينكم ساعتها ما تكلمتوا عن الميثاق ؟؟

يبا الميثاق دثر ونسي
وحادثة بشار اعادته للأذهان

بو شايع
12-01-2010, 16:52
عزيزان ..

الكاظمي و الكثير من الجماهير العرباويه واقفه مع مرزوق في قضيّتنا الرياضيه .. إنت يا عزيزان و جم واحد من العرباويه اللي نحطهم على عينّا و راسنا ما راح تؤثرون على توجّه العرباويه إدارتاً و جمهوراً .. حتى و لو كانوا هالجماهير ما تتفق مع توجّهات الإداره و لكنها متفقه مع الإداره بـ توجّهها بـ خصوص قضيتنا الرياضيه !!

ما عندنا مشكله لما تتفق مع مرزوق في كل شيئ " إلا " الإتفاق على مصلحة الرياضه الكويتيه .. اللي حتى الجاهل بو 5 سنين يعرف إن مرزوق و شلّته هم الغلطانين فيها !

و لكن مع الأسف إتفقتوا معاه و صفقتوله .. و إحنا يا القدساويه و بعض العرباويه و بعض عشاق الرياضه من مختلف الأنديه لنا الله !

و لكن الحمدلله دعوتنا صابت :)

ملاحظه : مو موضوعي إنعكاس مستوى العربي و الكويت على رياضتنا بـ شكل عام .. و لكن أأيدك بكل اللي قلته في هالخصوص !

D.AGGER 5
12-01-2010, 16:58
عزيزان ..



الكاظمي و الكثير من الجماهير العرباويه واقفه مع مرزوق في قضيّتنا الرياضيه .. إنت يا عزيزان و جم واحد من العرباويه اللي نحطهم على عينّا و راسنا ما راح تؤثرون على توجّه العرباويه إدارتاً و جمهوراً .. حتى و لو كانوا هالجماهير ما تتفق مع توجّهات الإداره و لكنها متفقه مع الإداره بـ توجّهها بـ خصوص قضيتنا الرياضيه !!


ما عندنا مشكله لما تتفق مع مرزوق في كل شيئ " إلا " الإتفاق على مصلحة الرياضه الكويتيه .. اللي حتى الجاهل بو 5 سنين يعرف إن مرزوق و شلّته هم الغلطانين فيها !


و لكن مع الأسف إتفقتوا معاه و صفقتوله .. و إحنا يا القدساويه و بعض العرباويه و بعض عشاق الرياضه من مختلف الأنديه لنا الله !


و لكن الحمدلله دعوتنا صابت :)


ملاحظه : مو موضوعي إنعكاس مستوى العربي و الكويت على رياضتنا بـ شكل عام .. و لكن أأيدك بكل اللي قلته في هالخصوص !



تسلم اخوي بوشايع وماعليك زود وانا سبق وقتلك انت احد رموز على منتدى ومن الناس الي احب اناقشهم الانه في نقاش ندخل انا وانته فيه ادري بطلع انا الكسبان حتى لو كنت بخسر هل نقاش الانه بالنهاية ادري ماراح تطلع منك معلومه الا فيها فايده لي وللجماهير بشكل عام... كل جماهير الكويت الواعيه والصاحيه بتعرف انه مروزق وشلته قاعد ادمر وماهي شلة اصلاح مثل مايسمونها البعض !!... للاسف الملا الي توقعت منه الكثير وكنت من اشد المعجبين فيه خيب ظني فيه واول ماطلع على حقيقته تحمدت ربي انه مامسك نادي العربي ولاجان بنشوف الي قاعد يسوي الطريجي الحين... الواحد يقول الحمدالله على كل حال بس دايما اسأل نفسي هل سؤال وين رجالات النادي الي قاعد يشوفون هل مهزله وساكتين عنها !!؟

D.AGGER 5
12-01-2010, 17:00
ادري بس الي صار انا الكويت دش بمفاوضات مع عجب والرشيدي

ووينكم ساعتها ما تكلمتوا عن الميثاق ؟؟

يبا الميثاق دثر ونسي
وحادثة بشار اعادته للأذهان

حلو صحيح كلامك بس لاعبين الي ذكترهم مانتقلو حق اندية الميثاق !! الي راح حق القادسية والي بقى في ناديه... لو منتقل جان وقتها علوم !! بس الي ابي اوضحه لك هيبة العربي ماهي الاوليه وانه العربي صار يمشي ورى نادي الكويت !! وهذا الي قاعد نشوفه !!

مانيو
12-01-2010, 17:01
^^^

كلامك حلو
بس مجرد محاولة نادي الكويت انا يدشون خط بصفقاتنا هذي بحد ذاتها نقض للميثاق
فليش بذيك الفترة لم يتشدق احدهم بالميثاق
السبب واضح
الميثاق اندثر

D.AGGER 5
12-01-2010, 17:07
^^^

كلامك حلو
بس مجرد محاولة نادي الكويت انا يدشون خط بصفقاتنا هذي بحد ذاتها نقض للميثاق
فليش بذيك الفترة لم يتشدق احدهم بالميثاق
السبب واضح
الميثاق اندثر


اوكى ماختلف وياك انا بالكلام الي قلته من منو اندثر !!؟ من العربي!!؟ مساكين هل العربي من يفكرون بلاعب صارت عيون اندية الكويت كلها تلاقط عليه .... العربي صار نادي مسير وهذي حقيقه صار يجهل يقولها العرباويه... فا الريال ماطلب شي غير انه تكون في ردة فعل !! يعني مايصير الي قاعد يصير لاهي بحلوه بحق النادي ولا تاريخة !! حتى مو حلوه بحق الي يسمي روحه رجل من رجالات النادي !!...

بو شايع
12-01-2010, 17:16
عزيزان ..

تسلم .. و أنا اللي كسبان والله :)

++

مانيو ..

حادثة عجب لا تعني إندثاره !

لما العربي و القادسيه كانوا يتسابقون على اللاعب .. وصل المبلغ إلى حد معيّن و توقف العربي .. و من بعدها دخل نادي الكويت في المفاوضات لـ ينافس القادسيه في المبالغ الكبيره .. و بالأخير القادسيه كسب اللاعب !

اللي حصل هو إن العرباويه وصلوا إلى حد معيّن في المفاوضات ما يقدرون يتجاوزونه .. و الأهم عند العرباويه آن ذاك هو عدم ذهاب اللاعب للقادسيه اللي يملك قدره ماليه أكبر من العربي و لكنها ليست أكبر من الكويت !!

الميثاق إذا حمل إسم " ميثاق شرف " فلازم ينحفظ بالقلب قبل الورق .. و لكن الحاصل إن حادثة بشار هي اللي خلّته محفوظ على الورق فقط .. و ما أذكر إن في حادثه قبل حادثة بشار خلتنا نعتقد بأن الميثاق تم إندثاره !

D.AGGER 5
12-01-2010, 17:21
^^^

زياده على هل شي رغبة لاعب انه يروح القادسية !!

مانيو
12-01-2010, 17:27
عزيزان ..




تسلم .. و أنا اللي كسبان والله :)


++


مانيو ..


حادثة عجب لا تعني إندثاره !


لما العربي و القادسيه كانوا يتسابقون على اللاعب .. وصل المبلغ إلى حد معيّن و توقف العربي .. و من بعدها دخل نادي الكويت في المفاوضات لـ ينافس القادسيه في المبالغ الكبيره .. و بالأخير القادسيه كسب اللاعب !


اللي حصل هو إن العرباويه وصلوا إلى حد معيّن في المفاوضات ما يقدرون يتجاوزونه .. و الأهم عند العرباويه آن ذاك هو عدم ذهاب اللاعب للقادسيه اللي يملك قدره ماليه أكبر من العربي و لكنها ليست أكبر من الكويت !!


الميثاق إذا حمل إسم " ميثاق شرف " فلازم ينحفظ بالقلب قبل الورق .. و لكن الحاصل إن حادثة بشار هي اللي خلّته محفوظ على الورق فقط .. و ما أذكر إن في حادثه قبل حادثة بشار خلتنا نعتقد بأن الميثاق تم إندثاره !


العربي فتح شيك مفتوح لعجب
وهالشي متأكد منه 100\100
وعموما ترى فيه غير هالامثلة الكثير


عزيزان

والله اخاف باجر اقوم من النوم ولا انا من رجالات النادي :d

D.AGGER 5
12-01-2010, 17:31
^^

الي نعرفه العربي وصل 100 الف وبعدين وقف!!.

بو شايع
12-01-2010, 17:48
مانيو ..

على بالك كل جيك مفتوح = جيك مفتوح ؟

يعني لو عجب يكتب مليونين راح يعطونه ؟!

العربي وصل إلى 90 ألف و بعدين " دح " بريك .. و هالسالفه ما صارلها سنتين عشان ننساها :) !

ذكرنا بالأمثله الثانيه لأن سالفة عجب خالصين منها !

مجنونة باتي
12-01-2010, 18:13
الميثاق الي كاسب ااحترام الأربعه .....ما انشق إلا بعهد الكاظمي!!


كل شي سيء يصير في عهده .........صدفة ولا انعكاس لواقع أضعف إدارة في تاريخ الزعيم!!







ألف الحمدلله ان عجب ماصار عرباوي:)

على راسي
12-01-2010, 18:36
مكبرين الموضوع وهو ما يستاهل
مثل ما صارت مصالح بين السالمية والكويت صارت مصالح بين القادسية والجهرا

العلة أوﻻً وأخيراً بمنهجية التفاوض العرباوية
بسالفة رجا رافع وضح إصرار العربي في كسب الصفقة وعلو منهجيته " بغض النظر عن تبعاتها "
لكن باجي الصفقات العربي الظاهر كان يبي يبري الذمة من خلالها جدام جمهوره : عيال الرشيدي ، عجب ، زكي ، القلاف والحين بشار .
لما كانوا القادسية والكويت يتعاقدون مع ﻻعبين صغار أو مميزين بالجملة ، وقتها العربي كان يلقط ﻻعبين على وشك اﻻعتزال
اللاعبين الوحيدين اللي كسبهم العربي خلال السنوات الماضية هم أحمد الرشيدي وكنكوني وحاليا لو أخذ فرصته هو العتيبي