المساعد الشخصي الرقمي

مشاهدة النسخة كاملة : [ لـيـالـي الانـس , عـربـيـه أسـيـويـة ]



عيناوي متعصب
15-01-2010, 00:38
السلام عليكم ورحمة الله وبركاته


يااااه , ياهي فتره طويله واحنا ما تلاقينا في هالقسم ,

الكل شاف المجموعات الاسيويه والفرق المشاركه ,
عن نفسي كانت امنيتي اللعب مع الهلال , << الله يذكرك بالخير يا عبدالاله :)
نرد لأيام المناوشات الحلوه ولكن في حدود الاخويه والعلاقات الطيبه
بصراحه اشتقنا للاسيويه بعد موسمين عجاف بدون طعم الاسيويه وليالي الوناسه


مجموعة العين تضم كلا من : الشباب - سباهان - بختاكور ,
بالنسبه للعين هو لعب تقريبا مع كل هالفرق في السابق
اللي همني من المجموعه هو الشباب السعودي
فريق مب صاااحي والله , متعه كرويه معاه هالفريق ,
لكن مشكلة الفريق حاليا هو الخبره بحكم صغر اغلب لعيبة الفريق ,
بالنسبه للفرق الايرانيه فصارت عوايدهم فقط مجموعات
بختاكور متطور جدا , فريق بيكون الفارس الاسود في المجموعه
وممكن تصير مفاجأه ويتأهل على حساب العين والشباب


بالنسبه للفريق الثاني اللي اهتم فيه بعد العين هو الهلال ,
مس كرمان الايراني فريق أول مره يتأهل , اتمنى من الهلال أخذ الحيطه والحذر
لا يستهينون منه بحكم انه عنده نشوة التأهل لأول مره والحماس
بالنسبه للاهلي الامارات هو تقريبا اضعف فريق في المجموعه
ترتيبه في الدوري الامارات السادس , وكمل تقريبا أول ثلاث جولات بالترتيب الاخير
اعتقد بيكون من السهل الفوز عليه ولكن الاستهانه والاستهانه
بالنسبه للسد القطري , اتوقع بيكون المنافس الوحيد للهلال
السد القطري صحيح انه عنده لعيبه على مستوى لكنه في النهايه ما عنده الخبره الكافيه
ولكن هذا ما يمنع انه يكون المنافس الوحيد للهلال في المجموعه ,

بالنسبه للفريق اللي ارشحه بيكون صاحب الترشيحات القويه هو الجزيره
الجزيره ترا فريق محتررم جدا هالموسم , لعيبه على مستوى مع خبره ,
انصحكم بمتابعة هذا الفريق , فريق ممتع وعاجبني هالموسم ,
أحس انه بيكون متميز


بالتوفيق أن شاء الله للعين والهلال

الخــالــدي
15-01-2010, 03:51
وعليكم السلام ورحمة الله وبركاته

بالنسبه لمجموعتكم اشوف اقوى فريقين فيها العين والشباب
باختاكور فريق عادي جدا حال كحال الفرق الأوزبكيه عموما
وسباهان نفس الكلام ماهو الفريق القوي

كل التوفيق للفرق العربيه
بس بغيت اسأل كم فريق يتأهل من المجموعه ؟

M j n o 0 o n k
15-01-2010, 07:36
موضوع حلو يالعيناوي .. ومن جد اشتقنا للبطوله ..
آسيــآ مشتاقه يـآ الـزعيــم ..


بالنسبه للقاء العين و الهلال بنفس المجموعه ..
لا ما اتفقنا .. نخليها بالنهائي ;)
يعني لا سمح الله يصير ضرف طارئ ولا شي
و يطلع واحد فينا من البطوله .. و تفقد البطوله حلاوتها ;):p

نخليها بالنهائـي مره وحده .. :)

مجموعة الزعيم العيناوي :

طبعا انا مشجع عيناوي .. لكن
الوطنيه تحتم علي اني اتمنى الشباب بالقدمه ..
و العين معشوقي الثاني .. لكن عاد العين
ما عليه لا مني ولا من وطنيتي فريق لا يرضى
الا بالقدمه :o و اتوقع يطلع الاول العين
و الثاني الشباب

مجموعة الزعيم الهلالـي :

الهلال - السد - الاهلي الاماراتي - مس كرمان
الهلال يـــوآجه مدربه السابق كوزمين اولاريو
آآهـ يا كوزميـن .. مدري كيف بتكون ردة فعلي
و انا اشوفك تدرب فريق غير الهلال ..!!
و راح يلاقي احـلى حفاوه اذا جا لـ الرياض مننا
يا جماهير الزعـيـم .. ;) لكن ماراح يفوز علينا :p

_______

نقطه خارج الموضوع ..:..

مـتى تـرجـع يـآ الملكـي لمكـآنك الطبيـعي

لـجل تكمل حـــلآوة البطوله :o

FoRzA Club K.S.A

FoRzA AL-AIN

مشكور على الموضوع الروعه يالعيناوي :)

Ms sara
16-01-2010, 09:50
يـــســـلــــ م ـــــووو
ع ـــيـــنـــــاوووي

ومــوووفــــقــــه الـــفـــرق
الــــخــــلـــيــــجـــه
والــــ ع ــــربـــيــــه