المساعد الشخصي الرقمي

مشاهدة النسخة كاملة : برقم 50 .. الكوري [ لي هو ] عينـــاوي ..!



Lady Shy6ona
18-01-2010, 16:02
العين يقدم محترفه الآسيوي لي هو




http://www.zaimuae.com/video/alain-leho-ko_%20(2).jpg


حسم نادي العين توقيع العقد مع اللاعب الكوري الجنوبي لي هو والذي يتمد حتى نهاية الموسم الحالي 2009 / 2010 قابل للتجديد ، وسيدافع لي هو عن القميص البنفسجي خلال الاستحقاقات المحلية والقارية المقبله ، ولم يكشف نادي العين عن قيمة العقد المبرم مع اللاعب .



لي هو سعيد بالانضمام للعين


وعبر اللاعب عن بالغ سعادته بانضمامه الى صفوف نادي العين مؤكدا ان المرحلة المقبله تحمل تحديات كبيرة له مع الزعيم ، وذكر بأن جماهير البنفسج اثارت اعجابه بطريقتهم الحماسيه في التشجع في اللقاء الاخير امام فريق الشارقه .



مدرب الفريق


رحب الكابتن سيرزيو مدرب نادي العين باللاعب لي هو وذكر بأنه اللاعب حضر الى نادي عريق وعظيم وتمنى له التوفيق مع الفريق .




معلومات عن اللاعب


الاسم : لي هو


المركز : لاعب وسط ( ارتكاز )


تاريخ الميلاد : 22 – 10 – 1984


الجنسية : كوري جنوبي


الوزن : 78


الطول : 183

http://www.zaimuae.com/video/alain-leho-ko_%20(1).jpg




http://www.zaimuae.com/video/alain-assyawe_%20(9).jpg



http://www.zaimuae.com/video/alain-assyawe_%20(2).jpg


زعيم الامارات

AL ملكي
18-01-2010, 16:47
مبروك عليكم ..

مهند الاتحادي
18-01-2010, 18:40
بالتوفيق للاعب مع الزعيم
بس باقولك شغلة
طبعا معروف ان اوضاع الدوري الاماراتي مشابهه للدوري السعودي لان كلنا في منطقة وحدة
وفي تشابه كبير بين الدوريين من حيث عدد الاجانب ومستويات اللاعبين
العام الماضي الهلال السعودي تعاقد مع المهاجم الكوري سول القادم من نادي فولهام الانجليزي وفشل
على الرغم من انه لاعب معروف ولعب بالدوري الانجليزي
الموسم الحالي نادي النصر تعاقد مع لاعب المنتخب الكوري لي سو وهو لاعب اساسي في المنتخب الكوري
واللاعب قدم مستويات متواضعة وماقدم شيء يوازي طموحات النصراويين
لو تعاقد العيناويين مع لاعب خليجي او ايراني افضل لهم من لاعبين شرق اسيا لانهم ماينجحون عندنا
مااتوقع نجاح اللاعب لكن وبكل تاكيد اتمنى نجاحه

عيناوي متعصب
18-01-2010, 23:14
اختلف معاك ياخوي مهند .. اللاعب مركزه مب ذاك الزود حساس ..

اللاعب بيلعب ارتكاز في وسط الملعب يعني لا نبيه يسجل ولا يصنع لعب ..

المطلوب منه كلاعب ارتكاز هو عمل عملية توازن بين الدفاع والهجوم + توزيع الباصات بشكل صحيح

يعني هذا اسهل مكان يكون للاجنبي الاسيوي ..

مهند الاتحادي
19-01-2010, 00:08
اختلف معاك ياخوي مهند .. اللاعب مركزه مب ذاك الزود حساس ..



اللاعب بيلعب ارتكاز في وسط الملعب يعني لا نبيه يسجل ولا يصنع لعب ..


المطلوب منه كلاعب ارتكاز هو عمل عملية توازن بين الدفاع والهجوم + توزيع الباصات بشكل صحيح


يعني هذا اسهل مكان يكون للاجنبي الاسيوي ..

ماانتبه لمركز اللاعب
اذا كان ارتكاز نو بروبلم
لانه لاعب الارتكاز اي لاعب يقدر يبدع في هالمركز واللي ينجحون فيه اكثر من اللي يفسلون
اذا كان ماجراو عامل ضجة في الامارات والجمهور معجب باداءه وانا لحد الان ابد ماني مقتنع فيه
واذا اخذناها من نظرة اخرى فما فيه لاعب اماراتي متوفر في هالمركز فكل اللاعبين الجيدين
يلعبون في اندية كبيرة وانديتهم ماتفرط فيهم
والحتى الخليجيين اللي يلعبون في هالمركز الجيين منهم تجد انه يلعب في نادي كبير وناديه مايفرط فيه
عالعموم الله يوفقه معاكم

Lady Shy6ona
19-01-2010, 01:35
مهند عندنا مشكله كبيره بخط الوسط والدفاع صاير سلطه هالايام
مال الله مامنه فايده من زمان اقول
و لي هو بيوازن الامور بهالخط هاي مهمته الوحيده

ولو اني كنت افكر بلاعب خليجي يجي بالانتقالات الشتويه
بس الجاي احسن ان شاء الله

وبالتوفيق له معانا بنشوف مستواه وعقب بنحكم عليه

BuJweS
19-01-2010, 01:46
كل التوفيق للعين

الارتكاز اهم مركز بالنص ومركز حيل صعب .. مو بس توزيع باصات السالفه تصكير وتقطع كرات ومجهود بالملعب .. الفريق اللي يملك ارتكاز قوي هو فريق صعب ويلعب براحة كبيرة .. مثل تشلسي

ولو فرضنا انه اسهل مركز .. اييب محترف من اخر الدنيا عشان يلعبلي بـ اسهل مركز؟

WARIO
19-01-2010, 04:39
موفقين العين ,,

عيناوي متعصب
20-01-2010, 04:09
مهند تبا الصراحه ,, ماغراو مع انه لعب مع المنتخب البرازيلي في السي في ماله لكن اعتبره لاعب متوسط مب جيد ولا سي , ,


بوجويس , , لو قارنت بين البلي ميكر وبين لاعب البوكس وبين لاعب الارتكاز , ,
البلي ميكر اشوفه يسبقهم من ناحية الاهميه لأنه جوكر , , نفس الكلام للاعب البوكس اللي عنده حس تهديفي ,


الارتكاز منطقة تواجده تعطيه اريحيه اكثر عن الباقيين , , الدايره واللي جنبها وخلفها , ,
يعني صحيح انه يكون الرمانة في الوسط ويعمل توازن كبير , , لكنه ما بيبذل جهد خارق نفس فالديفيا أو ايمرسون , ,

لا تنسى بأنه اللاعب الكوري ما بيكون بروحه في الوسط , , سيريزيو يلعب بلاعبين اثنين ارتكاز , ,
يعني كل واحد يسد نقص الثاني , , هو لاعب مهم حاله من حال باقي اللعيبه ,
لكن اختلاف المجهود المطلوب من اللاعب اقل من المجهود المطلوب سواء من فالديفيا أو من ايمرسون أو من ساند , ,

بالنسبه لاداراتنا وجلب اللاعب فهذي حركاتهم , , يدورون الاميز حتى لو توفر اللاعب الجيد أو المتوسط