المساعد الشخصي الرقمي

مشاهدة النسخة كاملة : الغانم: حكم الاستئناف وسام آخر على صدر الجزاف ورفاقه



bnt abooha
19-01-2010, 00:52
الغانم: حكم الاستئناف وسام آخر على صدر الجزاف ورفاقه





اعتبر رئيس لجنة الشباب والرياضة في مجلس الأمة النائب مرزوق الغانم حكم محكمة الاستئناف بتأييد قرار الهيئة العامة للشباب والرياضة حل مجلس ادارة نادي القادسية وسام آخر على صدر رئيس مجلس ادارة الهيئة فيصل الجزاف ورفاقه. وأوضح الغانم في تصريح صحافي ان هذا الحكم يؤكد بأنهم يسيرون على الطريق الصحيح لفرض هيبة القانون وتنفيذ الرغبة الأميرية. وأضاف الغانم: «أقول لهم إن طريق الاصلاح طويل وشاق وحكم القضاء الكويتي النزيه هو ابلغ رد على جميع المشككين بدور الهيئة العامة للشباب والرياضة، وإياكم واليأس من الإصلاح».







النهار

AL ملكي
19-01-2010, 00:55
صــــج !!

..


قواج الله بنت ابوها ولكم باك ..

أبو الطيب المتنبي
19-01-2010, 06:35
إذا أين أنت من تعليق وسام آخر على صدر الجزاف بقرار حكم الإستئناف بحل النادي العربي

واللذي لم يتم تطبيقه..

وأين أنت من تعليق وسام أيضا أخر بقرار حل مجلس إدارة نادي السالميه..

ولا أوسمتك خاشها بأي شأن يخص الشيخ طلال الفهد ونادي القادسيه..

صج محشومه ياأم عادل...

حارس هجوم
19-01-2010, 07:25
إياك واليأس من تصريحات الغانم
الرياضه بكبرها توقفت والاخ للحين إياك واليأس من الكذب :/

كويتاوي 2004
19-01-2010, 11:42
الغانم شغلك كله بالسليم وبالقانون .

Tony Adams
19-01-2010, 12:03
اممممممم ....

George Best
19-01-2010, 12:16
ولا انت فاهم شي اصلاً ..

barsha
19-01-2010, 13:26
الجزاف ماستاهل بس هالوسام لازم ينترس صدره اوسمه
وسام لنه رجع النشاط الرياضي
وسام لنه وفى بالتعهدات اللي وقع عليها مع الفيفا
وسام لنه شال اللجنه الانتقاليه المعينه من الفيفا اللي تخالف قوانين الكويت
وسام لنه ماجذب على الناس وقال بعد مارجع من لوزان في تعارض بالقوانين ولازم نعدل واللي يقولكم ان مافي ايقاف لي سنه 2012 جذاب
السؤال ليش نسيت تشكره يالغانم ؟؟

بو شايع
19-01-2010, 13:59
أقول نفذوا الرغبه الأميريه .. و كلها شهرين و جايك بو مشعل .. و القدساويه ما تفرق وياهم إذا الشيخ طلال جاهم الحين ولا بعد شهرين ولا بعد سنه .. إحنا القادسيه يا مرزوق ما ينخاف علينا :)

أما إنت و الجزاف .. دنى زوالكم و كل واحد يحط على شفايف الثاني وسام .. من اليوم و رايح :cool:



الغانم شغلك كله بالسليم وبالقانون .


و متى صارت مشكلتنا في إتباع القانون من عدمه :) ؟!

يا حليلك والله يا كويتاوي 2004 .. عليك قطات " على نفسك " مالها حل :p

الد بنت يره
19-01-2010, 14:06
انت ناائب تمثل الشعب
بسك تصريحااات وتوزيع اوسمه

الموضوع عند القضااء خلاااص عاد

Tears SouL
19-01-2010, 14:14
القضية بين نادي القادسية والهيئة انت شكو راز ويهك ومصرح ؟!!
والله حارق دمهم يا بو مشعل :)
وإياك واليأس من الكذب والترزز بالجرايد

كويتاوي 2004
19-01-2010, 17:09
و متى صارت مشكلتنا في إتباع القانون من عدمه :) ؟!
يا حليلك والله يا كويتاوي 2004 .. عليك قطات " على نفسك " مالها حل :p

ومشكلة قانون ال 14 وعدم انصياع طلال فهد لهذا القانون شنو اتسميها ؟؟!!
مشكلة رفع الشيخ طلال قضايا ضد قانون الجمع بين المناصب شنو اتسميه ؟؟!!
رفع طلال قضية دستورية ضد قانون الجمع بين المناصب شنو اتسميه ؟؟!!
الشكاوي اللي كل يوم يرفعها طلال بره الكويت ضد القوانين المحلية شنو اتسميها ؟؟!!
قضايا ضد خل الأندية وقانونية الحل .
المشكلة كلها تتمركز علي عدم انصياعكم للقوانين .. يا محامي !!! ... علي حسب علمي إنك تدرس محاماه .. والله أعلم .
الغانم كل شغله بالقانون .. طلال والتكتل كل شغلهم خارج عن القانون ويحاولون كسر القوانين المحلية عن طريق الشكاوي خارجيا وكل اللي قدروا عليه هو إيجاد كم قانون من 1987 مخالف ولكن مو هذا مبتغاهم ... لأنه مبتغاهم هو قانون 14 وقانون عدم الجمع بين المناصب وقانونية حل الأندية واللي للحين ولله الحمد مو قادرين عليهم .
كل هذا وتقول مشكلتنا مو باتباع القوانين .
اتبعوا القوانين تنتهي المشاكل .
واترك عنك يا حليلك .. ما يا حليلك ... شكلك ضايق خلقك وتبي تستفز ;)

Tears SouL
19-01-2010, 17:15
ضحكتني سالفة القانون :)
اي قانون اي بطيخ !! مو الحبيب اهوا اللي حاط القوانين ومفصلها تفصال فشي اكيد بيمشي عليها :)
لا وجان زين قوانينه صحيحه !! محد خسبقنا غير قوانينه الدايخه نفسه :)

only_you
19-01-2010, 17:21
ومشكلة قانون ال 14 وعدم انصياع طلال فهد لهذا القانون شنو اتسميها ؟؟!!




مشكلة رفع الشيخ طلال قضايا ضد قانون الجمع بين المناصب شنو اتسميه ؟؟!!

رفع طلال قضية دستورية ضد قانون الجمع بين المناصب شنو اتسميه ؟؟!!
الشكاوي اللي كل يوم يرفعها طلال بره الكويت ضد القوانين المحلية شنو اتسميها ؟؟!!
قضايا ضد خل الأندية وقانونية الحل .
المشكلة كلها تتمركز علي عدم انصياعكم للقوانين .. يا محامي !!! ... علي حسب علمي إنك تدرس محاماه .. والله أعلم .
الغانم كل شغله بالقانون .. طلال والتكتل كل شغلهم خارج عن القانون ويحاولون كسر القوانين المحلية عن طريق الشكاوي خارجيا وكل اللي قدروا عليه هو إيجاد كم قانون من 1987 مخالف ولكن مو هذا مبتغاهم ... لأنه مبتغاهم هو قانون 14 وقانون عدم الجمع بين المناصب وقانونية حل الأندية واللي للحين ولله الحمد مو قادرين عليهم .
كل هذا وتقول مشكلتنا مو باتباع القوانين .
اتبعوا القوانين تنتهي المشاكل .
واترك عنك يا حليلك .. ما يا حليلك ... شكلك ضايق خلقك وتبي تستفز ;)






اشهد انك ماتدري وين الله قاطك


يالذكي


مافيه قانون اسمه ال 14 :p
القانون اللي شرعه المجلس (ممثل لكل نادي )
يعني يالذكي الهيئه اليوم اعتمدت 5 نوادي يديده باجر بيصير حسب القانون المحلي 19 عضو بالاتحاد
وصاحبكم يدري ان هالشي مخالف لقوانين الفيفا لانه اشكره تعيين
فشنو سوا قال اليوم عندا 14 نادي وقانوني يقول ممثل لكل نادي فأخلي الاتحاد من 14 عضو وبجذي
اغطي على قانوني المتخلف


ولعلمك اندية التكتل انحلت لانها رفضت تخالف القانون وتخلي الاتحاد من 14 عضو بينما القانون يقول مثل لكل نادي
عرفت منو اللي يخالف القانون ومنو اللي يبي يغطي على قانون مايسوى بيزه


لا تسوي نفسك فاهم مره ثانيه


وقضية الشيخ طلال اللي بالمحكمه الدستوريه لو لجنة الطعون الدستوريه ماشافت انه فيه شبه دستوريه مارضت انه يتحول للمحكمه الدستوريه


ملي مشكلته يبي يشرع قوانين شخصانيه ومايبي احد يكلمه


بس حامض على بوزه مثل مايقولون

كويتاوي 2004
19-01-2010, 17:28
^^^
لما يصير بالكويت 100 نادي يعني صار القانون فيه مشكلة .. يقدرون يغيرون القانون .
بالوقت الحالي ماكو مشاكل .. ما في داعي يتغير القانون .. يا ذكي .
أهم شي أنه أندية التكتل إنحلت لأنه رفضت تخالف قانون ال 14 :p

paulo-love
19-01-2010, 17:41
كبير يا مرزوق الغانم انسان محترم وواعي و متثقف

عكس بعض ناس ما ابي اذكر اسمها كل همها تخرب و تشتغل بالحرام

Đαℓσ3ať ёl-Qаđsịα
19-01-2010, 18:09
وإياكم واليأس من الإصلاح


:lol:


........

نــــورا
19-01-2010, 18:14
لحظة لحظة :)

القانون المحلي ممثل لكل نادي مو 14 عضو:)

هذا مو يخالف القانون المحلي الممهور بتوقيع الامير

BuJweS
19-01-2010, 18:18
^^
مادري ليش حسيته مصرح عشان يقول هالجملة :p

ومحكمة كويتية تطبق قانون الكويت اكيد بـ تحكم لـ صالح الهيئة

ll لــون الــدم ll
19-01-2010, 18:32
الشيخ طلال الفهد ما يقدر يرشح نفسه لعضوية مجلس إدارة نادي القادسية او اي نادي آخر و الاتحاد الكويتي لكرة القدم لمدة 4 سنوات ...
طبعا من بعد هذا الحكم ... و كل يوم عن يوم قاعد يوضح منو الصح و منو الخطأ .. ما ادري ليش الناس للحين معصبة و مستنفرة و بيطلعوون المهندس مرزوق الغانم ( على روسهم ) غلطان .. و الله العظيم انهم معيينييين على هذي الشغلة و انا اجزم في هالامر ... هههههههه .. الله يعينكم على نفسكم ...



:)

بو شايع
19-01-2010, 18:45
كويتاوي 2004 ..



* الإنصياع للـ 14 تم .. و الفيفا إلى يومنا هذا ترفض الـ 14 .. و بالمناسبه قانوننا المحلي هو " ممثل لكل نادي " و حالياً هناك 5 أنديه تم الترخيص لها و أصبحت أنديه رسميه و قانوناً يحق لها أن يكون لها ممثل في الإتحاد لأن القانون الكويتي لم يشترط " الإشهار " .. يعني لا إحنا اللي طبقنا القانون المحلي و لا القانون الدولي .. بس طبقنا قانون " مرزوق " اللي وقفنا !!

* القضيتين اللي تتكلم عنهم قضايا داخليه .. و مالها أي تأثير على قضيتنا الخارجيه .. لا تزيد أسطر على بون مسطّر حقائق :cool:

* تقول الشكاوي اللي يرفعها الشيخ طلال برّه الكويت ؟ ورني هالشكوى ياخوي .. اللي نعرفه إن الفيفا طلب النظام الأساسي شهر 11 من عام 2006 و كانت بينه و بين ناصر الطاهر مراسلات و تم تنظيم زياره للكويت على أن تتم هالزياره شهر 2 من عام 2007 .. و في هذا الشهر قام الشيخ طلال بإرسال كتاب يستفسر فيه لدى الفيفا عن أمر معيّن خوفاً من أي مشاكل قد تحدث خصوصاً و أن الفيفا أعلنوا بأنهم قد فتحوا الملف الكويتي .. و من بعد هذا الكتاب المقدّم من الشيخ طلال قامت الفيفا بـ زيارة الكويت و قدّموا ملاحظاتهم على تعديل القوانين .. و في شهر 8 من عام 2007 قام العدساني بإرسال كتاب يتحدّث فيه عن التدخل الحكومي .. و من إهنيه بدت المشكله تزيد و تزيد .. و ماله داعي أكمّل القصه التي كمّلها مرزوق إلى يومنا هذا !

ملاحظه : أي كتاب تطلبه بخصوص الأسطر " أعلاه " فراح تلقاها عند حضرتك لأنها عند أختنا " إبداع " الله يجزاها خير و تقدر تشوفهم بعيونك :) !

* قضايا ضد قانونية الحل داخلياً ولا خارجياً .. هذي مالها علاقه بإيقافنا .. كتاب الإيقاف كان واضح جداً و ما تطرّق لـ حل الأنديه .. و حتى الجزاف بـ نفسه قال يومها أن الإيقاف بسبب عدم تعديل القوانين .. و إذا حاب تشوف هالكتاب هم حاضرين .. كله على بعضه 12 سطر يتكلمون عن عدم تعديل القوانين الكويتيه بـ خصوص الملف الكويتي المفتوح منذ سنوات !!

إذا الحين الفيفا يطالبون الكويت بـ تعديل القانون و إعادة الأنديه المنحلّه .. فهالأمر ما يعني إن حل الأنديه كان السبب في إيقافنا .. كل ما في الأمر أن المنظمات الدوليه وضعت مهله و هي 31-12 لتعديل القوانين .. و الكويت لم تعدّل القوانين ;)

* المشكله ما تتمركز حول عدم إنصياعنا للقانون .. إنصعنا للقانون و توقفنا .. الفيفا قدّموا ملاحظاتهم من عام 2006 لنا إحنا و الأردن و الإمارات و إيران .. الكل إنصاع لـ قانون الفيفا إلا إحنا .. ما في أحد أكبر من القانون .. و لكن لازم تعرف لأي قانون لازم تنصاع عشان مصلحتك !! تبي تسوي نفسك " رامبو " مو معقوله .. البرازيل رياضياً أكبر منك و عدّلوا قوانينهم بعد إيقافهم منذ فتره .. إيران اللي سياسياً دوله " متمرّده " عدّلوا قوانينهم كـ إجراء روتيني .. إنت ليش ما تعدّل قوانينك ؟!

الفيفا لغاية الآن تؤكد بأن الإنصياع للقوانين الكويتيه و لو تم بإتفاق الجميع سـ يعرّضنا للإيقاف .. و أكبر دليل هو الكتاب المقدّم من الشيخ طلال و اللي قال فيه بأنه يبي يطبق القانون الكويتي بـ خصوص عدد الأعضاء و لكن شلون ؟ جان يردّون عليه و يقولوله طبّق قوانيننا لمدّة 45 يوم و بعدين " إصطفل " إنت و قوانينك !! شنو تبي دليل أكبر من هذا على إن الفيفا رافضه فكرة " إتفاق " المعايير و التكتل على القانون الكويتي و لو جمعوا مليون ورقة وقعوا عليها بالموافقه أو عقدوا مليونين إجتماع و شكّلوا فيه إتحاد من 14 عضو مثل إتحاد المسعود .. !!

* لا خلّصنا دراسة المحاماه و الحين ندرس في الإداره العامه للتحقيقات .. كلها سنه و إن شاء الله أكون محقق .. هذا مستقبلي الوظيفي بإذن الله عشان تكون على بيّنه بما إنك مهتم بـ تخصصي :)

* تقول نتبع القانون و تنتهي المشكله .. إنت من صجك ؟ قوللي شلون تبينا نتبع القانون ؟! شكّلنا إتحاد المسعود من 14 عضو لعيون القانون الكويتي .. و عقدنا إجتماعاتنا بـ إشراف الهيئه و هذا أمر مخالف لقوانين الفيفا و لكن لعيون القانون الكويتي .. و خضنا إنتخاباتنا تحت إشراف الهيئه بالرغم من أن ذلك أمر مجرّم و لكن كل هذا لعيون القانون الكويتي .. منو اللي مو قاعد يطبّق القانون الكويتي ؟!

دزينا كتاب و قلنا إننا نبي نتبع قوانيننا و قالولنا طبقوا قوانيننا إحنا يا المنظمات الدوليه لمدّة 45 يوم و بعدين يصير خير .. إنت شرايك شلون تبينا نتبع القوانين .. نوّرنا يمكن عندك فكره جديده :confused:

* يا حليلك ما أقصد فيها نيّه سيئه .. و إذا هالكلمه تنفهم غلط ما راح أكررها .. و صدقني والله العظيم مو متضايق و مابي أستفزّك .. بس أسلوبي جذي و إنت أسلوبك جذي .. و أكيد الحق معاي اللي الحقائق و الوقائع و الدلائل يؤكدونه .. و الحمدلله عندي ضمير .. و أكيد إن الحق مو معاك و مفارقك ضميرك .. بس يبقى الإحترام موجود :)

7achm !!
19-01-2010, 18:50
مرزوق علي ؟ :lol:

بو شايع
19-01-2010, 18:58
لحظة لحظة :)

القانون المحلي ممثل لكل نادي مو 14 عضو:)

هذا مو يخالف القانون المحلي الممهور بتوقيع الامير

القانون الكويتي يقول " ممثل لكل نادي " .. و حالياً الكويت فيها 19 نادي و ليس 14 نادي فقط !!

في 5 أنديه تم إعتمادها قانونياً بـ صفه تكفل لها وجود ممثل في الإتحاد .. لأن القانون الكويتي لا يشترط أكثر من إعتماد تلك الأنديه التي تم إعتمادها !!

و الأخ مرزوق ليلحين يقول نبي 14 نبي 14 .. !!

قلنالكم القانون قانون مرزوق مو قانون الكويت .. من زمان نقول هالحجي بس محّد مصدق :)

BuJweS
19-01-2010, 19:16
والنادي البحري ونادي الصيد والفروسية ونادي الرماية .. بعد لها مقاعد بالاتحاد الكويتي لكرة القدم؟

بو شايع
19-01-2010, 19:26
بو جويس ..

حسب معلوماتي " لأ " !

Zard
19-01-2010, 20:00
looool

:)

كويتاوي 2004
20-01-2010, 00:27
من غير زيادة كلام لأنه تكلمنا بما فيه الكفاية وقاعدين نشوف نتائج كلامنا علي أرض الواقع
كل نتائج المحاكمات لمصلحة القوانين الرياضية ... الفيفا موافق علي ال ١٤ بكتب رسمية ... بن همام قال حق سمو الأمير أنه الجمعية العمومية توافق علي القانون تنتهي المشكلة مع الفيفا ... أندية التكتل مخالفة للقوانين المحلية ولهذا إحنا في مشاكل مع المنظمات الدولية .
وبهالموضوع نقول حق مرزوق علي ثنيان الغانم ... شغلك يوم عن يوم يثبت أنه قانوني .

بو شايع
20-01-2010, 00:45
كويتاوي 2004 ..

الكلام الزايد أبرك من الكلام الإنشائي !

أما بخصوص أرض الواقع .. فـ كل الأمور تشير إلى تورّط مرزوق .. و حتى المتعصبين قاموا يقولون إن مرزوق و طلال غلطانين .. من عقب ما كانوا يقولون إن طلال المخطأ الوحيد !!

بس تبقى إنت لك وجهة نظر خاصه فيك و تكاد تكون " منفرد " فيها .. و المهم إننا نتناقش مع اللي مثلك عشان نؤكد كلامنا للمتعصبين للحق + للي بدت تتغير وجهة نظرهم من الأخوان اللي كانوا منجرفين نحو التيار المعاييري :)

قواك الله ..

مانيو
20-01-2010, 00:52
ملاحظه الخمس اندية الي قاعد يتكلم عنها بوشايع
ليلحين ما دشت بكرة القدم حتى الان
متى ما دخلت الدوري يتحقق هالشرط

كويتاوي 2004
20-01-2010, 11:33
بوشايع
تورط مرزوق بشنو ؟؟!!
متورط لأنه أندية التكتل مو راضية تطبق القوانين ... والا متورط لأنه أندية التكتل اختارت الخمسة بدال ال 14 في زيورخ ... والا أندية التكتل ارفضت ال 14 بتاريخ 12 نوفمبر ... والا أندية التكتل كل يوم باعثه كتاب شكوي للفيفا واللجنة الأولمبية الدولية ... كل مخالفات هالقوانين وانت تقول أنه الخلاف مو بالقوانين !!! :)
والا مرزوق متورط لأنه مطرود من ناديه ومطرود من الهيئة ومطرود من اللجنة الأولمبية ;)
بوعلي معزز مكرم بناديه وبمجلس الأمه ... وخلكم انتوا تفترون من محكمة إلي محكمة :p
كل اللي قاعدين تراهنون عليه هو إيقاف الرياضة الكويتية ... ترا هذا حدكم في محاربة القوانين ... يعني الكويت يحوشها الضرر في سبيل رئيس ناديكم .
كل يوم عن يثبت القضاء المحلي أنكم مخالفين للقوانين وأنكم علي خطأ وأنه شغل مرزوق صح وشغل الجزاف صح وشغل العفاسي صح وشغل مجلس الأمه صح وشغل مجلس الوزراء صح ... وشغلكم بس اللي خطأ ... وهذا كله ينثبت يوم بعد يوم ... والحين القضاء يثبت هالشي بعد .
وإذا كان ردك بأنه القضاء يتبع القوانين المحلية ... ليش اتجهتوا للقضاء المحلي دام إنه يتبع القوانين المحليه .