المساعد الشخصي الرقمي

مشاهدة النسخة كاملة : الثواليل ..؟؟



أصيفر
23-01-2010, 02:58
السلام عليكم




بما أن القسم صاير ميت هالكم شهر,, وصار قسم للأكل والمطاعم,, قلت خلنا نحيي القسم بموضوع طبي,, وراح احاول اشرح هالموضوع بصوره مبسطه,, ليفهمها الجميع,,




الثالول (wart)


الثالول اغلبنا سمع فيه,, واغلبنا اصيب فيه,, لكن يمكن تستغربون من هذي المعلومه,, هل تعلمون ان سبب الثالوله هي (فيروس)!!! ,,,
الفايروس المسبب للثالول اسمه (human papilloma virus (HPV ,,, الفايروس هذا له اكثر من نوع والمكتشف حاليا 70 نوع,, كل نوع منهم يختص لشكل معين او مكان معين من الثالول!!


انواع الثالول واشكالها كثيره,, وتقسيمها يختلف بحسب مكانها او حسب شكلها او على كثره اصابتها مثلا:


الثالول الشائع ( اكثر الانواع انتشارا بين الناس تكون موجوده بالوجه والاعضاء التناسليه)
ثالول القدم ( يكون سطحها خشن,, وهي الوحيده بين انواع الثواليل اللي تكون مؤلمه)
ثالول الموزاييك ( يكون اكثر من ثالوله صغيره متجمعه جنب بعض )
ثالول الوجه ( تكون في الاماكن اللي تتعرض للحلاقه مثل اللحيه )



امثله مصوره:




الثالول الشائع
https://hvelink.saintlukeshealthsystem.org/library/healthguide/en-us/images/media/medical/hw/n5551317.jpg





اللي على اليمين الموزاييك ,, واليسار ثالول القدم



https://hvelink.saintlukeshealthsystem.org/library/healthguide/en-us/images/media/medical/hw/n5551256.jpg





علاج الثالول:


الثالول بما انه سببه فايروس,, فالجسم من خلال مناعته يستطيع التخلص منه,,
30 % يروح بعد ست اشهر
65 % يروح خلال سنتين


ومثل ماقلنا انه فايروس,,عشان جذي الناس اللي مناعتهم ضعيفه عندهم القابليه اكثر من غيرهم انه الثالول يجيهم,,


بعض الناس يكون الثالول مأذيه من ناحيه المظهر,, او الالم مثل الثالول اللي بالقدم,,
لذلك يقول انا ماراح انطر عليه ست شهور ويمكن سنتين لين يروح,, ابي علاج,,
طبعا العلاج يختلف حسب نوع الثالول,, لكن عموما,,وبشكل عام اول خطوط العلاج كالتالي:


1- صبغ الثالول wart paint :


هو دواء فعال,,ولايترك اثر بعد ذهاب الثالوله,, وهو و عباره عن حمص الساليسلك salicylic acid 12–20%,,, يوضع مره يوميا لمدة 12 اسبوع على مكان الثالول,, قبل لا يوضع يغسل مكان الثالول بالماي الحار وتنظف, وبعدها يوضع الدواء,,


2- الحرق بالنيتروجين البارد:


طريقه فعاله وسريعه, ولاتترك اثر دائم,, مشكلتها انها مؤلمه الم وقتي لكن الالم مو شديد,, يعني الاطفال ابو 12 سنه يستحمله,,
النيتروجين المستخدم درجه حرارته -196,, (تخيلو برودته),, يرش الدكتور الثالول والرش مايطول ابداً خلال دقيقه وسهل جداً ( واحنا طلبه نرش على المرضى),, تروح الثالوله بعد 3 اسابيع,,



فيديو :


http://www.youtube.com/watch?v=CQxQ3ucfis4&feature=related








اتمنى انكم استفدتوا من الموضوع,, وان شرحي كان مبسط جداً,,, وشكراً

ًً همزه على السطر ًًً
23-01-2010, 03:03
اذكر بأيدي كان فيها ثالول
رحت الطبيب وسوالي الي تقول عنه البارد وعطاني مرهم ريحته "قهوة" لاكن ماراحت الثالولة صغرت لاكن ماراحت

تدري شسوي بالصدفة وراحت ؟

قزيتها بالعود مال الاسنان و غسلتها بماي وصابون وراحت

"تجربه"

مـــلاك
23-01-2010, 03:44
اول مره اسمع فيه


واي شكله يعوور علاجه

همزه مو من صجك مجرم يعوووور :S


انا مره طلع لي شي بريلي اليمين وراح بروحه بس طووووول وكان يعورني اذا مشيت وايد عاد مادري


اذا هذا ثالوث على قولتك او لأ ,,!!


والحين في بريلي اليسار ويعورني احيانا يعني هذا ثالول ؟


بس مو نفس الفيديو اهوا مخفي يكون مادري شلون ما يبين حتى


بس في الم خفيف


اذا هذا علاجه طااااااااااااااف :p

الرجل الذي قدساوي
23-01-2010, 08:17
الحمدلله ما تطلع لي :p

لووووووول فيه طريقه مدري هل كانوا يضحكون عليهم ولا لا

اخوي مره سواها ياخذ قطعه جبد من خروف ويقصها ويحطها فوق الثالوله ويقصها بالسكين وبعدين يروح يعلقها على الشمس

وتروح :p

لووووووووووووووووووول :p

Q8القادسيهQ8
23-01-2010, 08:28
مره طلعلي شي يشبه الي بالصوره الاولى بايدي اليساار بكفي
رحت حق د . عبدالله المشااري عطااني ساءل ادهنه فيه قرشه صغيره
وبعدين قاام يتقشع وشااله لي بليزر اذكر ما كنت اقدر اصك ايدي من العواار
بس علااجــه ما يعور والحمدالله من 6 او 7 سنين ليلحين ماا رد..

:: وشوكــرااا على الموضوع ::

GOAL
24-01-2010, 11:38
آخ هالثالول عذبني
ماكو علاج ماجربته عليه
طلعلي اول شي بريلي وشلته بليزر والحمدالله ماكو أثر ولا شي
بعدين طلعلي بإيدي وخليته شوي قلت يمكن يروح من نفسة وقام يطلعلي بإيدي الثانية وسويت علاج البارد هذا بس يعور وانا عندي اكثر من وحدة لو وحدة ميخالف بس على ايدين مو نفس الفيديو يرشة لأ يحط عود اذون بمحلول بارد يطلع منة دخان وبعدين يظغطة على الثالولة
ورحت دكتور ثاني سوالي جوي :eek:
الله لا يوريك العوار يقز الإبرة داخل على الثالوله بعدين يجويها على كل ثالولة تقول تعذيب
صارت فيني حالة نفسية من هالعملية وقالي لازم تسوي بعد مرة او مرتين بعد مادري شكثر تيي
قتلة انشاءالله وعطيته طاف
نصيحة اي واحد يطلعلة لا يسوي علاج الجوي,حتى دكتور بو حمرة قالي هالعلاج مو زين وقديم وسوة آثار حرق بإيدي
الحين راح من على ايدي اليسار بس باقي شوي من ايدي اليمين,صغرو بس لي الحين ماراحو عدل بستخدم كريم الصيدلية وانشاءالله يختفي اثرهم وعاد تعال استخدم كريم حروق بعدين :(
وآسف على الإطالة

مـــلاك
25-01-2010, 01:28
^ ^
واي الله يعينك

جرب كريم ميبو زين للاثار والحروق

زرقـــاء
25-01-2010, 01:56
الثالول اللي بـ الريل أهـوا نفسـه مسمار لحم ؟

آنـا سـوولي نفـس الفيديو إللي حاطـه ! من كثـر مـا أهـو بااااااااارد .. يحرررررررق :p شلون مـادري !
قالولـي لازم أكثر من جلسـة .. طنشتهـم لأنـه حده يعـوّر :o
رحت جلدية و شالولي إياه شييييل .. طبعـاً قصوا علي العـوار دبلات بس على الأقل مره وحده وخلاص :/

أصيفر
25-01-2010, 02:31
^^
مسمار اللحم او القدم غير الثالول,, مسمار اللحم مؤلم كثيير

طريقه الشيل اللي شالوها لج تسبب ندبه ,, لكن بما انه بالقدم,, فمو مهم,,
الافضل هو الدواء اللي كأنه صبغ ,, وبعده الكي البارد

زرقـــاء
25-01-2010, 03:21
حتى الدوا إللي علـى صبغ جربتـه بس مــا نفـع :/
إنزيـن قالولي إنـه أصلا ماكو سـبب للإصابـه فيه .. صح ؟

الرجل الذي قدساوي
25-01-2010, 10:03
زرقاء

للمعلومه فقط

فيه نوع من انواع الحريق هو البارد او الصقيع يقال له

وشكرا ً :p

أصيفر
26-01-2010, 00:55
حتى الدوا إللي علـى صبغ جربتـه بس مــا نفـع :/
إنزيـن قالولي إنـه أصلا ماكو سـبب للإصابـه فيه .. صح ؟

لو قرأتي الموضوع عدل,,
السبب فايروس,,
ونفسه هالفايروس هو اللي يسبب سرطان عنق الرحم للمرأه

Miss Casillas
26-01-2010, 01:24
يــاا دافع الـ بلا :×

قـواك الله

Tulip
26-01-2010, 02:19
اذكر يوم كنت صغيره ، حاشتني براحه ايدي تحت الصبع الوسطى على طول ! كنت أطلع بالسكه ألعب بالرمل :× ، والرمل الله بالخير كان :p

اذكر كانوا يحرقونه بشي بارد يعور من كثر برودته بس مادري شنو اهو !! اييبون قطنه ويحطونها بمثل صمام عود يطلع دخان أبيض :p ، ويحطونه على الثالوله :/ :/ ؟، كان يحرق :/

اذكر اسبوعين بالضبط جان تروح ! ، توني ادري انه هيدروجين :o

زرقـــاء
26-01-2010, 03:06
لو قرأتي الموضوع عدل,,
السبب فايروس,,
ونفسه هالفايروس هو اللي يسبب سرطان عنق الرحم للمرأه


قريته ! آنـا أسأل عن الـ "مسمـار" مو الثالولة ..
و الله يكفينا الشر !


" هذا الرد رقم 4آلااااااااااااااف .. خوش رقم :p "

أصيفر
26-01-2010, 03:31
قريته ! آنـا أسأل عن الـ "مسمـار" مو الثالولة ..
و الله يكفينا الشر !


" هذا الرد رقم 4آلااااااااااااااف .. خوش رقم :p "

من الشغلات اللي تسوي مسمار اللحم,, الوزن الزايد اللي ياثر على كعب القدم,,,

makkay
26-01-2010, 03:38
الدمله نفسها مسمار لحم ؟

الله يبعدنا عنها وعنكم
ثانكسيو دكتور

GOAL
31-01-2010, 03:51
انا اشوف انه احسن علاج للثواليل هو الليزر

BuJweS
31-01-2010, 03:53
2- الحرق بالنيتروجين البارد:


طريقه فعاله وسريعه, ولاتترك اثر دائم,, مشكلتها انها مؤلمه الم وقتي لكن الالم مو شديد,, يعني الاطفال ابو 12 سنه يستحمله,,
النيتروجين المستخدم درجه حرارته -196,, (تخيلو برودته),, يرش الدكتور الثالول والرش مايطول ابداً خلال دقيقه وسهل جداً ( واحنا طلبه نرش على المرضى),, تروح الثالوله بعد 3 اسابيع,,


اصابع ريلي لي الحين اليلد فيها ميت

الاثر ما زال موجود بـ ريلي

وكان يستخدم الاعواد مالت الاذون

مانيو
05-02-2010, 18:18
واحد من الربع عنده بأيده وخلاها
الحين كبرت حيل

قواك الله اصيفر على الموضوع المفيد

pure soul
05-02-2010, 19:58
يعطيك الف عافيه عالمعلومات دكتور ,, صراحه اول مره اسمع فيها
أنا كان فيني يوم كنت صغيره " تقريبا بالمتوسطه"
كان فيني بإصبعي الصغير "الخنصر" من أصابع يدي بس بالكـف
وإلى الحين فيه اثر بسييط جدا "كيذا بقعه سودا دائريه" بس خفيـفه ماتبين مرره

M j n o 0 o n k
05-02-2010, 20:25
طلع لي هالثالوول الله يرجه :p

في عام 2006 شهر 7 .. في كأس العالم بألمانيا .. :o

و اتذكر كان طالع لي قبل بس كنت معطيه ( قري ) :D

بس لما شفت المسأله تطورت و قام يكبر .. عطاني زوج عمتي

خووووش حل .. قالي خذ لك شعره و اربطها عليه على شكل ( عقده )

لانه يعيش على الدم .. فـ لما تربطه ينقطع عنه الدم

و يموت .! و الله سويتها و كل ما تنفك العقده ارجع اسويها

و مااااات الله لا يرحمه :mad2:

<< جنني قصف الله عوودهـ :p

بيور .. حتى انا للحين فيه اثر بسييييط :o

pure soul
05-02-2010, 20:48
^
تصدق انا اتوقع لأننا ماعالجناه بالعلاج اللي قالنا الدكتور اصيفر
أنا أخر شي مات :o عشان كيذا طالع في أثر " أتمنى تفيدنا أخوي اصيفر :o"
وأمي أذكر شالته لي بمقص أظافر :p
يعووور :o

pure soul
06-02-2010, 03:31
يوم قلت لأمي,, قالت أذكر انه جبنا من الصيدليه دوا وحطينا عليه :o