المساعد الشخصي الرقمي

مشاهدة النسخة كاملة : -o----o- THE GYM -o----o- " رابــطــة الــنــوادي الــصــحــيــة "



الصفحات : [1] 2 3

Bo.Hamad
15-02-2010, 03:49
السلام عليكم ..

اشلونكم شخباركم .. ؟

..

مثل ما احنا شايفين .. وايد ناس قامت اتدش النوادي الصحيه

خاصة احنا " الشباب " .. الكثير منا داش نادي صحي ولا رياضي

و البعض كـ بدايه محتاج من خبره الناس .. فـ يروح يسأل فلان وعلان عن التمارين .. او حتى عن البروتينات و غيرها من هالسوالف اذا كان يلعب حديد

هالموضوع يا فبالي من جم يوم .. و عقب ما تأكدت انه مو امكرر .. قلت انزل الموضوع عشان الكل يستفيد

هالموضوع بيكون شامل لكل ما يخص النوادي الصحيه .. من سوالف و استفسارات عن النوادي و اسعارها .. او عن التمارين الرياضيه .. او حتى عن البروتينات و غيرها من هالسوالف
او حتى حق اللي يبي يضعف و يخفف وزنه .. او يبي يزيد وزنه .. او يبي يبني عضلاته


الهدف من هالموضوع انه الكل ينصح اللي يسأل .. و ياريت الكل ينصح بـ ضمير حتى الكل يستفيد :)


و ان شاءالله الموضوع يحقق الهدف المراد المنه



..

El pipita
15-02-2010, 19:59
مـوضوعك بـ وقتـه !! جنـك قاعد براسي :p ..
ضروري نادي ! صار انفلات :p ..
بس للأسـف دوامات و ضغط ماكو فكـه .. ننطر الصيف و امرنا لله :(
قواك الله .. خـوش فكرة ;)

Bo.Hamad
16-02-2010, 00:42
مـوضوعك بـ وقتـه !! جنـك قاعد براسي :p ..
ضروري نادي ! صار انفلات :p ..
بس للأسـف دوامات و ضغط ماكو فكـه .. ننطر الصيف و امرنا لله :(
قواك الله .. خـوش فكرة ;)




لوول

عسى بس مو امثقل على راسك :p

<< مليق .. ! :p

اي عاد وقت الدوامات صعبه .. بس تقدر اتنضم وقتك اذا كنت حاب اتدش

انا قطعت 3 اشهر عن النادي بسبه الدوامات و متنت لول خربتها .. الحين رديت .. الحمدالله طيحت جم كيلو اللي كنت بطيحهم و يبيلي يمكن شوي بعد

حاليا وزني 81 بعد ماكان 84 يمكن .. و طولي 179 .. ابي اوصل وزني 77

صارلي سبوعين بالنادي حاليا .. بس مشي و ركض ساعه ولا ساعه الا ربع .. و قاري على حسب المزاج بس مو اكثر من نص ساعه .. و حديد يوم وترك مو امركز عالحديد حاليا انا .. و معده يوم وترك

ان شاءالله يمكن من الاسبوع الياي بركز عالحديد و ابلش

..

الصراحه الفكره اشوفها حلوه انه نتيمع كلنا بهالموضوع و الكل يستفيد

بس ان شاءالله يكون في تفاعل بالموضوع

القدساوي المحنك
16-02-2010, 01:09
مشكـور على الموضوع الجميـل ..
والله شوف نـادي .. لاتفكـر إلا ببلاتنيـوم كيفـان ..
ماكو زحمـه + أجهزة زينـه خصوصاً للـFitness ..

سعـرة شوي غـالي .. 50 دينـار ..
بس يسـوى .. كل شي فيـه ..

Eng. Nawaf
16-02-2010, 01:31
شباب انا دايما اشترك ببلاتنيوم كيفان .. ابي نادي نفس الطقه ويكون قريب من القرين شنو برايكم ؟

Bo.Hamad
16-02-2010, 03:38
مشكـور على الموضوع الجميـل ..
والله شوف نـادي .. لاتفكـر إلا ببلاتنيـوم كيفـان ..
ماكو زحمـه + أجهزة زينـه خصوصاً للـfitness ..

سعـرة شوي غـالي .. 50 دينـار ..
بس يسـوى .. كل شي فيـه ..





بالعكس اشوف واايد سيايير انا سافطه بره النادي .. !

الا اذا كانت حق ماكدونالدز اغلبها مادري عاد

و الصراحه ماجربت بلاتينيوم انا

انا طول عمري بنادي اوكسجين .. الصراحه النادي قوي و الاجهزه فيه ممتازه .. اللي بالعديليه سعر اشتراكه 40 دينار

بس عيبه زحممممه بأوقات معينه .. !

Bo.Hamad
16-02-2010, 03:41
شباب انا دايما اشترك ببلاتنيوم كيفان .. ابي نادي نفس الطقه ويكون قريب من القرين شنو برايكم ؟



شوف اقوى و افضل ناديين بالكويت اتوقع بلاتينيوم و اوكسجين .. اذا تبي نفس طقه بلاتينيوم ماكو غير نادي اوكسجين

بلاتينيوم في بالسالميه بشارع المطاعم .. و بكيفان

اوكسجين في بالعديليه .. و بالرقعي على ما ذكر مو متأكد .. بس اللي بالعديليه فيه حوض سباحه

Bo.Hamad
16-02-2010, 03:43
شباب وين احصل محل اسمه ريزيلت جنه ..؟

اللي اعرفه في بالافنيوز ..

له فروع ثانيه غير الافنيوز بعد .. ؟

Doritos
16-02-2010, 09:05
خوش موضوع :)

شباب بغيت اسأل جم سعر اشتراك بلاتنيوم الي صوب سوق شرق ؟

شكله زقرت :p

Eng. Nawaf
16-02-2010, 12:05
^^
يقولون 100 دينار

انزين يالربع شنو فيه حبوب تنشيف زينه غير الليبو 6 بانواعه

القدساوي المحنك
16-02-2010, 12:11
بالعكس اشوف واايد سيايير انا سافطه بره النادي .. !

الا اذا كانت حق ماكدونالدز اغلبها مادري عاد

و الصراحه ماجربت بلاتينيوم انا

انا طول عمري بنادي اوكسجين .. الصراحه النادي قوي و الاجهزه فيه ممتازه .. اللي بالعديليه سعر اشتراكه 40 دينار

بس عيبه زحممممه بأوقات معينه .. !



لووول قبل أمـس أنا مالقيت مصفط ..
أقول شسـالفة .. هالنـاس حق ستاربكس ونادي الكويت وكوزمو .. أما بلاتنيوم ماكو زحمه !
أنا شهرين مشترك فيه ولا يوم حسيت بزحمه !
بالعكس والله .. :)

Bo.Hamad
16-02-2010, 16:11
^^
يقولون 100 دينار

انزين يالربع شنو فيه حبوب تنشيف زينه غير الليبو 6 بانواعه



والله انا ماجربت غير الليبو 6

بس سمعت عن هيدروكسيد شي جذي اسمه .. !

يقولون زين مادري عاد ماجربته انا الصراحه

..

نصيحه امش جهاز مشي ساعه مشي و ركض اذا كنت تبي اتنشف بدون ما اتركز عالحديد

بس اذا بلشت اتركز عالحديد .. خل المشي عقب الحديد

Bo.Hamad
16-02-2010, 16:12
خوش موضوع :)

شباب بغيت اسأل جم سعر اشتراك بلاتنيوم الي صوب سوق شرق ؟

شكله زقرت :p


والله ما ادري

بس الاخ جاوب عليك قالك 100 /:

صدمني لما قال 100 لوول

خلك على اللي بكيفان يمدحونه ترا وايد

Bo.Hamad
16-02-2010, 16:16
لووول قبل أمـس أنا مالقيت مصفط ..
أقول شسـالفة .. هالنـاس حق ستاربكس ونادي الكويت وكوزمو .. أما بلاتنيوم ماكو زحمه !
أنا شهرين مشترك فيه ولا يوم حسيت بزحمه !
بالعكس والله .. :)




اي انا بلاتينيوم مادشيته الصراحه

بس وايد ناس يمدحونه .. وانت اتقول مو زحمه .. جنه خوش نادي :q

انا قتلك طول عمري بأوكسجين .. والله اوقات اتروحله ( من العصر لي 8 بليل يمكن ) زحممممممممممممه مو طبيعيه اتقول نمل لوول
و طبعا غير سالفه المصافط اللي افتر لين ما احصل موقف

بس كنادي والله عجيب النادي

..


انزين شباب محد رد علي

وين احصل محل ريزيلت غير الافنيوز .. ؟

Creative
16-02-2010, 17:08
انزين ممكن تفيدونا جزاكم الله خير :) ..
الحين بشترك بنادي , ومكرش شوي ..
يعني يبيلي انزل "٨" كيلو : (
المهم وبلعب حديد ..
شنو ابلش فيه بالاول .. نظام سويدي وقاري ومشي , وبعدين ابلش حديد ؟

Bo.Hamad
16-02-2010, 17:29
^ ^

والله يفضل انك تمشي و تركض على جهاز المشي + قاري .. و اذا تلعب سويدي بعد احسن مع اني ما جربت السويدي .. و ركز عليهم لو كل يوم عالاقل ساعه مشي .. و نص ساعه قاري على الاقل .. طبعا مع الرجيم و تخفيف الاكل

و هم العب معده و خواصر

و عقب ماتطيح لو عالاقل 6 كيلوات من الـ 8 اللي تبي تطيحهم .. بلش حديد بس خفيف عشان تاخذ عالحديد شوي .. يعني العب شامل .. بس اهم شي لا اتركز عالحديد كثر ما اتركز على المشي و القاري

..

انا صارلي سبوعين بالنادي .. داش ابي انزل جم كيلو قلت اول شي لان زاد وزني لما تركت النادي من قبل .. فرديت الحين و قلت بطيح تقريبا 7 كيلوات قبل لا ابلش حديد و بركز عالمعده .. حاليا طيحت 3 مادري 4 كيلوات و صار وزني 80 .. و بوصله 77 .. و انا قاعد امشي و اركز كل يوم تقريبا ساعه .. و قاري عالمزاج بس مو اقل من ربع ساعه و اكثر شي نص ساعه .. و مو قاعد اكل الا مشاوي و السوالف اللي مافيها دهن و قاعد اخفف اكل

بس قاعد اخذ ليبو 6 x

عموما سو اللي قتلك عليه وراح اتشوف النتايج .. بس يبيلك تصبر :)

Doritos
16-02-2010, 18:55
^^
يقولون 100 دينار

انزين يالربع شنو فيه حبوب تنشيف زينه غير الليبو 6 بانواعه

100 :eek: لا يامعود لايحوشك




والله انا ماجربت غير الليبو 6

بس سمعت عن هيدروكسيد شي جذي اسمه .. !

يقولون زين مادري عاد ماجربته انا الصراحه

..

نصيحه امش جهاز مشي ساعه مشي و ركض اذا كنت تبي اتنشف بدون ما اتركز عالحديد

بس اذا بلشت اتركز عالحديد .. خل المشي عقب الحديد




الي تقصده منتج هيدروكسي كت ؟ هذا اسحبوه من الكويت كلها لانه طلع يسبب على ما اعتقد تليف بالجبد :)

El pipita
16-02-2010, 20:27
بيتر شمايكل .. ريزلتس موجود بكل مكان :p ..
فية بسـوق شرق اعتقد فوق .. و في 100% بالجابريـه صوب الديك الرومي ..

Creative
16-02-2010, 21:16
قواك الله بيتر ..
انا مشكلتي كنت العب كره وقطعت سنه ونص .. فالكرش حدث ولاحرج !!
يعني قلت ابي اخفف بالاول لما "اطيح" حظ نفسي بالاجهزه .. تالي ابلش لياقه وحديد !! وهم قاعد اخفف بالاكل ..
< === ابي لياقة مباريات :/ $$

Bo.Hamad
17-02-2010, 04:43
100 :eek: لا يامعود لايحوشك



الي تقصده منتج هيدروكسي كت ؟ هذا اسحبوه من الكويت كلها لانه طلع يسبب على ما اعتقد تليف بالجبد :)

يمكن هذا

بمعود خلنا على ليبو 6 احسن انا اقول لول

Bo.Hamad
17-02-2010, 04:44
بيتر شمايكل .. ريزلتس موجود بكل مكان :p ..
فية بسـوق شرق اعتقد فوق .. و في 100% بالجابريـه صوب الديك الرومي ..



يعطييك الف عافيه ماقصرت

توني ادري انه في بـ شرق

Bo.Hamad
17-02-2010, 04:50
قواك الله بيتر ..
انا مشكلتي كنت العب كره وقطعت سنه ونص .. فالكرش حدث ولاحرج !!
يعني قلت ابي اخفف بالاول لما "اطيح" حظ نفسي بالاجهزه .. تالي ابلش لياقه وحديد !! وهم قاعد اخفف بالاكل ..
< === ابي لياقة مباريات :/ $$



اي دام جذي سو اللي قتلك عليه .. مشي + ركض عالجهاز ساعه كل يوم .. و نص ساعه او اكثر قاري

و العب معده و خفف اكل او اكل مشاوي .. و ابتعد عن الدهون و الـ fat بشكل عام .. و وخر عن المشروبات الغازيه بأنواعها


و ترا يقولون جاي اخضر يحرق الدهون .. اشرب جاي اخضر كل يوم كوب عالاقل

و صدقني بس اصبر .. اعتقد سبوعين و لا شهر بالكثير راح اتشوف الفرق اذا كنت ملتزم بالنادي بشكل يومي .. بس خل يوم بالاسبوع اوف عشان ترتاح فيه اذا حاب


و مع اللي قتلك عليه بتحصل اللياقه اللي تبيها مع الضعف

Creative
17-02-2010, 04:56
ربك يسهل , باذن الله بترد اللياقه كما عهدناها ..
وبنقول بالفم المليان زمـن "الكرش" قد "ولى" ;p

Bo.Hamad
17-02-2010, 19:20
^ ^

لووووووووووووووول

ان شاءالله :p

Kalakchi
18-02-2010, 01:38
انا مشترك ب أوكسجين ,, وماشوف فيه زحمه اللي تتسمى زحمه
حتى بوقت الذروه اللي من 5 لي 8
الأجهزه وايد وماتتعب وتنطر على الجهاز وايد وفيه أكثر من جهاز حق نفس العضلة ,,
الموضوع مو بهالصعوبه اذا انت عارف تمرينك ,,

انا جربت اروح بكل حزه وافضل حزه كانت تمتد من 9 الصبح لي 3 الظهر
و من 9 باليل لي 12 بالليل
بهالفترتين تاخذ راحتك أكثر
بس مو معناتها ان باجي الأوقات ماتاخذ راحتك ,,

هالله هالله بال"تــونه" :p

Bo.Hamad
18-02-2010, 02:02
^ ^

صح كلامك .. حتى لو زحمه ما تنطر وايد عالجهاز

و افضل وقت مثل ماقلت انت من 9 بليل - الفير احلى وقت للنادي الصراحه

و الصبح هم ماكو زحمه .. بس من العصر لي 9 زحمه

بس مع ذلك مو الزحمه اللي تنطر عالجهاز مده لا لا

..

لووووووول من صجك التوونه ما اعرفها انا الا وقت النادي

بس خل ابلش حديد .. حاليا ابي اركز عالتنشيف احسن

Bo.Hamad
18-02-2010, 02:04
شباب شنو احسن شي بروتين .. ؟

انا من قبل كنت اخذ بروتين واي " zero fat " .. في احسن منه .. ؟ بس طبعا ابيه زيرو فات بعد مابي امتن /:

و شنو احسن شي امينو .. ؟ انا كنت اخذ امينو 10000

و حبوب التنشيف في احسن من الليبو 6 اكس و لا لا .. ؟

Kalakchi
18-02-2010, 02:04
ونسيت لا أكتب ,,
موضوع شيق و مفيد

:)

Kalakchi
18-02-2010, 02:08
بالنسبة حق البروتين جرب " Whey " بروتين ,, انصحك فيه ,,

وبالنسبة حق الأمينو Bcaa من شركه universal

وبالنسبة للتنشيف ,, إسأل عن " كرنتين " شراب . وايد شباب استخدموه ومدحوه ,,

Bo.Hamad
18-02-2010, 02:17
^ ^

حبيب المهم ان نستفيد كلنا من هالموضوع

و شباب النادي يستفيدون و يستفسرون عن اللي يبونه

..

البروتين whey امجربه زين والله

بس الامينو و التنشيف اول مره اسمع عنهم

دامهم احسن من اللي استخدمتهم انا .. نسأل عنهم ان شاءالله :)

La Cibeles
18-02-2010, 14:46
يعطيكم العافيييييه

Bo.Hamad
20-02-2010, 00:41
^ ^


الله يعافييك

Guitar
26-02-2010, 15:31
موضوع ممتاز خصوصا انه من ممارسيين هاللعبه :p

بالنسبه للشباب الي يسألون عن البروتين زيرو فات الواي بروتين فيه نسبة 1.5 فات ونسبة البروتين 24جم
الحلو فيه الواي بروتين سرعة الهضم لانه بروتين مصل حليب مو لحوم ولا صويا .. والأستفادة منه بعد التمارين في سرعة الأمتصاص بالجسم ...

وفي بروتينات كثيرة الي فيها نسبة زيرو فات مثل الدب الروسي ... لكن الدب الروسي فيه نسبة هرمون ! لازم تكونون عارفين هالشي ... بس الي يبي ضخامه الدب الروسي من أقوى البروتينات الي مروا علي ضخامه مو طبيعية يكفي نسبة البروتين فيه 184جم يعني شي خيالي ونسبة الدهون صفر

وبالنسبه للشباب الي يسألون عن التننشيف
في الليبو 6 ممتاز وفي الليبو 6 أكس وفي الي اقوى منهم ليبو 6 بلاك طبعا كل هالمنتجات للفات برنر

وبالنسبه للهيدروكسي كت فعلاا اهوا انقطع بالسوق لكن نزل منه الهيدروكسي كت أكس موجود في محلات ريزلت

وفي بعد منتج يديد قاعد ينتشر هالأيام أسمه أرسون للتنشيف ما جربته لكن فيه طلب عليه من الشباب وايد هالأيام ...

وبالنسبه للأخ الي يقول الكارنتين ... اهوا فعلاا منتج حلو وللتنشيف والي يبي يضعف .. لكن ما يتقارن مع هالمنتجات من ناحية القوى للي يبي يضعف ولا ينشف ...

وبالنسبة لي الأنيمال باك ماقدر اتخلى عنه هالمنتج ... لأنه اهوا خليط من الفيتامينات والمعادن والأحماض الأمينيه
منتج أخذه في فترات الضخامه وفي فترات التنشيف .. الكل يحتاج للملتي فيتامين والحلو بالفيتامينات انها لو زادت بالجسم ما تتحول إلى دهون تخرج مع الفضلات وانتو بكرامه ... لكن البروتين لو زاد بالجسم وما حرقته يتحول دهون وكذلك السكريات والكاربوهيدرات ...

موضوع حلو وممتاز وبالتوفيق للجميع .. :)

ToTTi q8
05-03-2010, 19:57
شباب منو

سامع ان اسييد شلونه زين مو زين له مضار :o

issa.H
07-03-2010, 17:58
انا عندي استفسار ..
الحين لما تدش نادي .. هل فيه مدرب مثلا يشوف وزنك وطولك
ويقولك شنو يناسبك ؟؟
هل في متابعه لك ؟؟
ولا لأ .. يعني يقولك شنو تسوي ويطس عنك ما تشوفه الا بالشهر مره ..

لان اغلب الشباب يقولون شنو مفروض نسوي لما ندش نادي :/

انا مره بسجل بـ نادي قبل سنه .. ولا ما عندهم كي نت
قلت له باجر اييلك ويااي فلوس واسجل

وصارلي للحين سنه ما سحبت فلوس :p

Kalakchi
07-03-2010, 18:13
شباب منو

سامع ان اسييد شلونه زين مو زين له مضار :o


مافهمت قصدك ,,
اذا تقصد أمينو أسيد مستحيل يكون ضار لان جسمك يكونه بالأساس :)

Kalakchi
07-03-2010, 18:17
انا عندي استفسار ..
الحين لما تدش نادي .. هل فيه مدرب مثلا يشوف وزنك وطولك
ويقولك شنو يناسبك ؟؟
هل في متابعه لك ؟؟
ولا لأ .. يعني يقولك شنو تسوي ويطس عنك ما تشوفه الا بالشهر مره ..

لان اغلب الشباب يقولون شنو مفروض نسوي لما ندش نادي :/

انا مره بسجل بـ نادي قبل سنه .. ولا ما عندهم كي نت
قلت له باجر اييلك ويااي فلوس واسجل

وصارلي للحين سنه ما سحبت فلوس :p



شوف اخوي ,,
نادي عن نادي يفرق ,, سالفة الوزن والطول انت تقدر تطلب هالشي من اول ماتدش النادي ,,
وهم سالفة المدرب نادي عن نادي يفرق ,,
عندك اوكسجين من تجربتي فيه أفضل نادي كأجهزة و مدربين ,, مدرب مايعرفك يوقف فوق راسك ويساعدك
وهم لو تثبت على مدرب واحد وتاخذ منه التمارين يكون أفضل وصدقني ترى أغلبهم ماينسون شنو عطوك من تمارين باليوم اللي قبله.

أنت بس سجل بنادي " يسوى " ودور المدربين الزينين ,,
بالتوفيق :)

Fiorella
07-03-2010, 21:30
امووت و اعرف
ليش اشتراكات اندية البنات وايد اغلى من اشتراكات اندية الشباب؟؟!

issa.H
07-03-2010, 23:07
^^^
على طاري البنات
:p

:
قبل فتره في لقاء على فنون مع هالمذيع اللي ما عندهم غيره ..
ويا عبدالرحمن العقل
داش نادي .. ولا مختلط :/
وراه بنات يتمرنون .. :/

اكو نوادي بالكويت مختلط ؟؟

ضبطونا شباب
:p

Eng. Nawaf
07-03-2010, 23:29
منو جرب ليبو 6 بلاك ؟

Fiorella
08-03-2010, 00:05
^^^
على طاري البنات
:p

:
قبل فتره في لقاء على فنون مع هالمذيع اللي ما عندهم غيره ..
ويا عبدالرحمن العقل
داش نادي .. ولا مختلط :/
وراه بنات يتمرنون .. :/

اكو نوادي بالكويت مختلط ؟؟

ضبطونا شباب
:p



sea club
الكورنيش
النادي اللي في البالمز

هذيل اللي اعرفهم و سمعت عنهم

ToTTi q8
08-03-2010, 16:15
مافهمت قصدك ,,
اذا تقصد أمينو أسيد مستحيل يكون ضار لان جسمك يكونه بالأساس :)



والله ياخوي انا واحد اعرفه بالنادي قالي انت يصلحلك أسييد وقالها بثقه ((قلت شفي امه هذا خوفك يودرني ))

انا حدي بروتين اخذ :p

وبين السوالف قاعد يقولي هذا الـ اسيد لو تاخذه راح يشتغل على منطقت المعده الي عندك ويضبطها لك

الي ابي اعرفه امينو اسيد الي تقول عنده انت شنو يسوي ؟؟ ولو اخذه جم المده الزمنيه الي احس بفرق بتغير بجسمي

FaWaZ
08-03-2010, 16:44
انا مشترك في بلاتينيوم كيفـان ..
ماكو احسن من هالنادي
اشتركت بكذا نادي غيره .. غير هالنادي ما شفت نادي "يســوى" ..
مهما شفت السياييـر بـرا بالمصافط تكون وايد .. تأكد انك بتحس ان النادي فاضي

FaWaZ
08-03-2010, 16:46
عندي سـؤال ..
شلون احرق دهون بالحديد !؟
و شنو اكثر شي يحرق الدهون بالنادي ؟؟

شنو جدولكم حق اللي يبي يضعف حيل ؟؟ ويبي يقط وايد بفتره قصيره من خلال الرياضه طبعاً

Kalakchi
08-03-2010, 17:47
والله ياخوي انا واحد اعرفه بالنادي قالي انت يصلحلك أسييد وقالها بثقه ((قلت شفي امه هذا خوفك يودرني ))

انا حدي بروتين اخذ :p

وبين السوالف قاعد يقولي هذا الـ اسيد لو تاخذه راح يشتغل على منطقت المعده الي عندك ويضبطها لك

الي ابي اعرفه امينو اسيد الي تقول عنده انت شنو يسوي ؟؟ ولو اخذه جم المده الزمنيه الي احس بفرق بتغير بجسمي


الاحماض الامينية أو " الامينو أسيد " اهي وحده بناء البروتين ,,
واساسا البروتين يتحول الى احماض أمينية بجسمك ,,
والاحماض الامينية ضرورية بشكل ماتتصوره للجسم و ومالها وظيفية وحدة ,, اهي تساعد على الفيتامينات و الاملاح المعدنية انها تؤدي عملها بصورة أفضل , وغيرها وغيرها وغيرها ........., !
وبالفترة الاخيره ظهر امينو اسيد للتنشيف و للتضخيم ,, التنشيف غالبا مايكون فيه مادة الكرنتين ,
بس اخوي قبل لا تاخذ اي امينو اسيد ,,
في احماض امينية يكونها جسمك اساسا وفي احماض امينية مايكونها جسمك فا تحتاج انك تاخذها من الغذاء أو من الامينو أسيد اللي ينباع ,
إحرص انك تلاقي بعض هالمواد بالأمينو أسيد اللي بتاخذه " الأيسوليوسين
والليوسين واللايسين والميثيونين والفينيل ألانين
والثريونين والتريبتوفان والفالين"
أتمنى إني فدتك .

issa.H
08-03-2010, 19:09
sea club
الكورنيش
النادي اللي في البالمز

هذيل اللي اعرفهم و سمعت عنهم



هـ المكان بالكويت
ولا عـ النيل
:p

بصراحه اول مره اسمع بهالثلاث اسامي
:p

^iNTeRaWee^
08-03-2010, 20:45
عندي سـؤال ..
شلون احرق دهون بالحديد !؟
و شنو اكثر شي يحرق الدهون بالنادي ؟؟

شنو جدولكم حق اللي يبي يضعف حيل ؟؟ ويبي يقط وايد بفتره قصيره من خلال الرياضه طبعاً

بالبدايه اخوي اذا كان وزنك زايد .. انت محتاج انك تركز على " الكارديو " اكثر
تمارين مشي و قاري و سويدي الخ . باختصار " عرّق " .
و العب سكواش تستانس و تخليك تعرق و ما تمل .
و مافي مشكله لو تلعب حديد .. لانه بيشد جسمك و يعطيك شعور حلو و يخليك تتحمس وما تقطع النادي .
بخصوص حرق الدهون على الحديد .. العب العضله الي تبيها و الوزن لا يكون ثقيل يعني زين و الريبز يكون من 15 الى 20 .
بثلاث مجموعات و الراحه اقل من دقيقه بين كله مجموعه.

ToTTi q8
10-03-2010, 03:19
الاحماض الامينية أو " الامينو أسيد " اهي وحده بناء البروتين ,,
واساسا البروتين يتحول الى احماض أمينية بجسمك ,,
والاحماض الامينية ضرورية بشكل ماتتصوره للجسم و ومالها وظيفية وحدة ,, اهي تساعد على الفيتامينات و الاملاح المعدنية انها تؤدي عملها بصورة أفضل , وغيرها وغيرها وغيرها ........., !
وبالفترة الاخيره ظهر امينو اسيد للتنشيف و للتضخيم ,, التنشيف غالبا مايكون فيه مادة الكرنتين ,
بس اخوي قبل لا تاخذ اي امينو اسيد ,,
في احماض امينية يكونها جسمك اساسا وفي احماض امينية مايكونها جسمك فا تحتاج انك تاخذها من الغذاء أو من الامينو أسيد اللي ينباع ,
إحرص انك تلاقي بعض هالمواد بالأمينو أسيد اللي بتاخذه " الأيسوليوسين
والليوسين واللايسين والميثيونين والفينيل ألانين
والثريونين والتريبتوفان والفالين"
أتمنى إني فدتك .


حبيب قلبي والله


تسلم كابتن ماقصرت وانشاءالله بحرص على الكلام الي قلتلي عنه واجيك على المواد الي ذكرتهم


ايي والله فدتني ويزاك الله خير


انا كله اوسوس انه يصير فيني كيله من هالاشياء :p

Bo.Hamad
14-04-2010, 13:29
عاشو ربع النادي :q

..

شباب انا الحين باخذ بروتين ووي و عندي سوبر امينو .. اخذ معاهم قلوتامين .. ؟ شنو فايده القلوتامين .. ؟

El pipita
14-04-2010, 15:41
سؤال ياربع النــوادي ..
منو أحسـن فليكس ولا تشـامبيونز ؟
و جم إشتـراك كل واحد فيهم بالـ3 أشهر ؟

Bo.Hamad
16-04-2010, 01:08
^ ^

فليكس مو سامع عنه

بس تشامبيونز واحد من الشباب داشه يمدحه

و ما ادري عن اسعارهم

ان شاءالله الشباب يفيدونك

intrawee80
16-04-2010, 05:19
سؤال ياربع النــوادي ..

منو أحسـن فليكس ولا تشـامبيونز ؟

و جم إشتـراك كل واحد فيهم بالـ3 أشهر ؟


فلكس امسوين عرض على السنة 480
تشامبيونز الي بالجابرية بالسنة 600
هذا عرضهم للصيف
بالنسبة لي شفت الجامبيونز الصراحة ابداع في الديكور والمكان
واموفق يالغالي

intrawee80
16-04-2010, 05:24
عاشو ربع النادي :q



..


شباب انا الحين باخذ بروتين ووي و عندي سوبر امينو .. اخذ معاهم قلوتامين .. ؟ شنو فايده القلوتامين .. ؟




* الجلوتامين يساعد على مقاومه عمليه الهدم الخلوى فى فتره السير على نظام غذائى صحى

** الجلوتامين يساعد على تعافى وشفاء العضلات بعد احدى الجلسات التدريبيه الشاقه


ووجود القلوتامين مهم لكمال الاجسام
اهم شي في الحديد هو البروتين والامينو اسد والقلوتامين ونصيحة اخذ الارجنين معاهم وشوف النتيجة

ReD BuLL
16-04-2010, 21:49
يا جماعه بلاتينيوم الي يم شرق

تراا فااضي مافي أحد..حيلكم فيه

انا العب كيوكشن هناك..

وما أنصحكم بالبروتينات يا جماعه ترا والله ما تنفع بالمره..

El pipita
16-04-2010, 21:58
red bull

بلاتينيوم شرق فاضي ؟ جم الشهـر ؟
و ياخذون -18 ؟

/

انزين جم تشامبيونز و فلكس 3 اشهر ؟ اذا تعرفون يعني :p

Bo.Hamad
16-04-2010, 22:43
* الجلوتامين يساعد على مقاومه عمليه الهدم الخلوى فى فتره السير على نظام غذائى صحى

** الجلوتامين يساعد على تعافى وشفاء العضلات بعد احدى الجلسات التدريبيه الشاقه


ووجود القلوتامين مهم لكمال الاجسام
اهم شي في الحديد هو البروتين والامينو اسد والقلوتامين ونصيحة اخذ الارجنين معاهم وشوف النتيجة


عشت يعطيك العافيه ماقصرت

انزين انا سمعت عن شغله يقولون احسن من البروتين

يقولون " يكبر الالياف " اللي بالعضله /:

سامع عنه .. ؟

و الارجنين شنو هذا .. ؟ .. ترا سوالف قروث ما اخذ انا :confused:

ReD BuLL
17-04-2010, 00:02
red bull

بلاتينيوم شرق فاضي ؟ جم الشهـر ؟
و ياخذون -18 ؟

حدا فاضي 75 دينار بالشهر..

بس ما فهمتك شنو تقصد بالـ18-.؟

Bo.Hamad
17-04-2010, 03:35
^^

يعني اللي اعمارهم اقل من 18

بيبيتا ما اعتقد ياخذون الا اذا كان عمرك 17 و نص

اوكسجين جذي .. و بلاتينيوم نفس الطقه اعتقد

الشـراح
17-04-2010, 04:27
خوش موضوع انا كنت مشترك في كراون بلازا خوش نادي بس عيبه مختلط وحمام السباحه هم مرات مختلط بس كبير وكلشي فيه

Bo.Hamad
17-04-2010, 04:55
^ ^

في واحد عندنا يدور الخلط :q

لا يشوف ردك :q

intrawee80
17-04-2010, 07:50
عشت يعطيك العافيه ماقصرت

انزين انا سمعت عن شغله يقولون احسن من البروتين

يقولون " يكبر الالياف " اللي بالعضله /:

سامع عنه .. ؟

و الارجنين شنو هذا .. ؟ .. ترا سوالف قروث ما اخذ انا :confused:


اخوي البروتين عنصر اساسي لكمال الاجسام
الا اذا انت تاكل من 5 الي 6 وجبات باليوم ماتحتاج البروتين الانة الجسم يحتاج بروتين عالي خصوصا ورا التمرين ..

اما بخصوص الالياف والي يكبر العضلة هذا اسمه ابلودان ينباع ابرزلت الي بسوق شرق والافينيوز
والارجنين هذا حبوب يساعد على الطاقة ويطلع اعروق للجسم يعني شكل العضلة عندك اتصير حلوة
وشباب ترا الي اعمارهم اقل من 18 ما انصح ياخذ شي من الارجنين والبلودان

Bo_3mra
17-04-2010, 14:47
El pipita (http://diwania.alazraq.com/member.php?u=31948)

تشامبينز 3 اشهر خبري فيه بحدود ال 300

وفلكس مسوين عرض 190 دينار 3 اشهر ويعطونك شهر مجانا اعتقد

تشامبينز ماشفته يسوي عروض بس فلكس كل جم يوم منزله عرض وبسعر حلو

El pipita
17-04-2010, 15:44
3 أشهـر بـ 190 ؟ ممتــــــــاز !! ..
هالناديين أهمـا التوب بالكويت حالياً .. مع أفضليـة بسيطـة لـ تشامبيونز ..

Bo_3mra
17-04-2010, 16:34
3 أشهـر بـ 190 ؟ ممتــــــــاز !! ..
هالناديين أهمـا التوب بالكويت حالياً .. مع أفضليـة بسيطـة لـ تشامبيونز ..


^^^

بس وقت العرض انت شوفهم ولا تشترك الا بالعرض لانه تقريبا كل شهر ينزلون من 3 الى 4 عروض

وانا اول اقول فلكس احسن بس الحين تشامبينز وبمراحل :)

مسبح اكبر .. ملعب كره .. مكان شرح .. مكان الجري فوق قوي بعد

معني اشتركت فلكس وما اشتركت تشامبيونز :p

El pipita
17-04-2010, 17:55
طبعــاً .. تشابمبيونز super gym :p ..
اذا بشتـرك بيكون بين هالـ2 ..

ToTTi q8
18-04-2010, 00:39
3 أشهـر بـ 190 ؟ ممتــــــــاز !! ..


هالناديين أهمـا التوب بالكويت حالياً .. مع أفضليـة بسيطـة لـ تشامبيونز ..




شهالخساير ليش عاد

انا مشترك ابـــ اوكسجين سنه ابــ 270 وشحلاته مافيه شي :p

e3feeny
18-04-2010, 01:31
يا جماعه فيدوني انا قاعد افكر اسجل بنادي خصوصا انه وزني وايد نزل بعد ما مرضت فتره والحين حمدالله
ودي ارجع وزني او اكثر بشوي فا شنو تنصحوني بالبروتينات اللي استخدمها ؟
وابي اسم البروتين ويكون فيه فات
اذكر قبل بروتين مدة شهر يزيدني 2-3 كيلو احس شويه

Bo_3mra
18-04-2010, 05:35
شهالخساير ليش عاد

انا مشترك ابـــ اوكسجين سنه ابــ 270 وشحلاته مافيه شي :p


اشترك سنه اب 480 :p

ادري غالي بس اهناك تتعامل نفس الملك راحه ماكو زحمه حلو مكانه بعض الاوقات ماتلاقي احد بالنادي وياك

وفوق هذا على طول يوجهونك وينصحونك امن باجي النوادي اللي دشيتها المدرب صعبه اشوفه مرتين :p

MaYo CliNiC
18-04-2010, 06:51
السلام عليكم ..

انا مشتركة هني نادي ، من ضيقت الخلق

المهم وانا اساسا ضعيفه يعني بس ماكو لياقه كلش لوول !

شلون أعيد لياقتي ؟ وابي شنو التمارين الي تشد المعده شوي ؟!

Bo.Hamad
18-04-2010, 13:11
^ ^

حق اللياقه عندج " قاري + مشي + سباحه "

اما شد المعده بالقاري و المشي و السباحه راح اتشد

و في اجهزه ولا تمارين حق شد المعده سألي عنهم بالنادي .. بس انتي بنت مايحتاج /:

MaYo CliNiC
18-04-2010, 20:14
^ ^



حق اللياقه عندج " قاري + مشي + سباحه "


اما شد المعده بالقاري و المشي و السباحه راح اتشد


و في اجهزه ولا تمارين حق شد المعده سألي عنهم بالنادي .. بس انتي بنت مايحتاج /:




المشي لااا كافي المشي الي نمشيه هني
شكله القاري يمكن احسن حل ..
بس انه ما أعضل ؟؟؟
مو تخلوني اسوي شي واعضل وتوهقوني :p

Liorente
18-04-2010, 20:17
^^^^

لوووووووووووول

Michael Essien
19-04-2010, 02:35
miss.turtle

لووووول نفس الحالة ..

بس أنا كلش ماكو ارادة حقيقية حق بناء اللياقة و تعديل الجسم .. :/

قدساوي انتراوي
19-04-2010, 02:42
كفــوووو
خوش رابطه و إن شاء الله بقعد لهـا :p
انا ملتزم بالنادي ما اقطعه إلا لظروف الدراسه بس
ساعات حتى و انا مريض اروح ..
و إن شاء الله بـاجر الأثنين راد لأن باجر امتحاني

Bo.Hamad
19-04-2010, 19:02
^ ^

ليلحينك بأوكسجين .. ؟

MaYo CliNiC
19-04-2010, 19:05
miss.turtle

لووووول نفس الحالة ..

بس أنا كلش ماكو ارادة حقيقية حق بناء اللياقة و تعديل الجسم .. :/


looool
أكيد ماتبين تعضلين يعني :p ?!

شكلي بلعب سويدي اخاف اتغشوني :p

Al-Saleh
19-04-2010, 19:33
كفــوووو
خوش رابطه و إن شاء الله بقعد لهـا :p
انا ملتزم بالنادي ما اقطعه إلا لظروف الدراسه بس
ساعات حتى و انا مريض اروح ..
و إن شاء الله بـاجر الأثنين راد لأن باجر امتحاني


وحش الأوكسجيني :p
عفيه صحه ! انا صارلي اسبوعين مريض مارحت , فشششششششششششششش :p

ماشاءالله :p

Al-Saleh
19-04-2010, 19:35
السلام عليكم ..


انا مشتركة هني نادي ، من ضيقت الخلق


المهم وانا اساسا ضعيفه يعني بس ماكو لياقه كلش لوول !



شلون أعيد لياقتي ؟ وابي شنو التمارين الي تشد المعده شوي ؟!



جهاز الركض حطيه على سرعة 7 و ركضي 5 دقايق بعدين رفعي الجهاز جنج قاعد تسلقين رفعيه لي رقم 3 و ركضي 5 دقايق و ردي نزليه 5 دقايق و و و و ... كمليها نص ساعه اول شهر و الشهر اللي وراه ساعه و شوفي اللياقه و ادعيلي :p

قدساوي انتراوي
19-04-2010, 20:05
^ ^


ليلحينك بأوكسجين .. ؟



لي باجر:p


وحش الأوكسجيني :p
عفيه صحه ! انا صارلي اسبوعين مريض مارحت , فشششششششششششششش :p

ماشاءالله :p

وحش منـ قـاش :p
اذكــر الله :@ ..
رحنا فيها:p
يله بروح الحين :×

Bo.Hamad
19-04-2010, 23:17
^ ^

انا توني راد له صارلي سبوعين .. قطعت فتره شهر و نص بسبه خلع اصبعي :(

بس احسن لك لا تقطع .. والله تتحسف اذا قطعت و رديت النادي .. اتبلش من الـ 0

..


اخوي البروتين عنصر اساسي لكمال الاجسام
الا اذا انت تاكل من 5 الي 6 وجبات باليوم ماتحتاج البروتين الانة الجسم يحتاج بروتين عالي خصوصا ورا التمرين ..

اما بخصوص الالياف والي يكبر العضلة هذا اسمه ابلودان ينباع ابرزلت الي بسوق شرق والافينيوز
والارجنين هذا حبوب يساعد على الطاقة ويطلع اعروق للجسم يعني شكل العضلة عندك اتصير حلوة
وشباب ترا الي اعمارهم اقل من 18 ما انصح ياخذ شي من الارجنين والبلودان



انتراوي .. البلودان " مكبر الياف " شيسوي بالظبط .. ؟

و البلودان و الارجنين مافيهم نسبه قروث ولا اشياء اتضر .. !؟


انا الحين بشتري بروتين ويي .. و عندي سوبر امينو .. بظل عليهم شهر بعدين اشتري اللي قتلي عنهم اذا مافيهم قروث

1966
19-04-2010, 23:33
أخيراً سـَجلت ببلاتينيوم .. دشيت عند التسجيل و حـَطيت البطاقة بـِويهه و قتله شـُوف 18 سنة :p

قـآهرني جـَم مره ردني جـِدام ربعي لأني مـِتأخر عن الـ 18 سنة بـ شهرين .. شالنذاله :mad: أخيراً سـَجلنا

:wavetowel2:

El pipita
19-04-2010, 23:56
مرعوب ياحظك :( :p ..
يعني الـ -18 لازم يدش تشامبيونز ولا فليكس يا ما يدش مولية :@ ..
انا داش داش :@ < مشتط :p

1966
20-04-2010, 00:28
إذا دشيت إنت بـَقدم شكوى لـ مدير النادي .. !

رجاءاً مانبي أطفال 18- :p

قدساوي انتراوي
20-04-2010, 01:10
شمايكل :d ..
اي زين رديت خنشـوفك بالنادي ;)
انا مارحت اليوم Hiv طقني عين :(
لا اتغشمر رحت مشيت بالمركز العلمي من هارد روك لي قريب المركز العلمي




أخيراً سـَجلت ببلاتينيوم .. دشيت عند التسجيل و حـَطيت البطاقة بـِويهه و قتله شـُوف 18 سنة :p




قـآهرني جـَم مره ردني جـِدام ربعي لأني مـِتأخر عن الـ 18 سنة بـ شهرين .. شالنذاله :mad: أخيراً سـَجلنا


:wavetowel2:


لووووووووول:p وحش +18
بلاتينيوم كانوا يمشون حق إلي اعمارهم 17,5 ..

1966
20-04-2010, 02:05
لووووووووول:p وحش +18
بلاتينيوم كانوا يمشون حق إلي اعمارهم 17,5 ..

:$$$$$:p

ما مـَشوني :( كان باقيلي بس شهرين

قآلي لازم لازم لازم 18 سنة

+

جـَرب التمشي بـ بحر المسيلة و أدعيلي

على يمينك البحر .. على يسارك الخط السريع

بيوت غريبه و منطقة هاديه .. كأنك بدولة

ثانية .. !

قدساوي انتراوي
20-04-2010, 02:15
شيوديني المسيله :× مالي خلق
بــس التمشي اليـوم عجيب .. مادري شكثر مشيت حاطين خطوط بالكيلوات
يمكن 3 كيلو او 3,5
الوقت 45 دقيقه

1966
20-04-2010, 02:18
بـَس تمشي ؟ أنا أمشي ساعة , ربع ساعة هروله , 5 دقايق سـِبرنت .. !

آخر خـَمس دقايق إهي إلي تفيدك أكثر شئ .. شسوي أنا .. ! أتذكر مكان سيارتي .. !

وأقـُول ما راح أوقف الركض إلا لما أوصلها .. وركضضضضضضضضضض !

لما أوصلها أفتح الباب إلي ورى و أموت بالكـِشن :p

قدساوي انتراوي
20-04-2010, 02:27
لـوول ياساتر
لا انا مشي بـس .. بعيت امشي بس و بعدها اروح النادي بس ماضبطت تعشيت و رديت

و إن شاء الله باجر راد مشي نص ساعه و حديد ساعه

Michael Essien
20-04-2010, 04:27
looool

أكيد ماتبين تعضلين يعني :p ?!


شكلي بلعب سويدي اخاف اتغشوني :p



لووووووووووووووووووووول .. !!

مي بوي .. :p نو قيرل .. :p

:(

و طبعاً مابي أعضل :/ .. بس أبي أعدل جسمي + لياقة ..

و يا زين السويدي بس :*

MaYo CliNiC
20-04-2010, 04:55
جهاز الركض حطيه على سرعة 7 و ركضي 5 دقايق بعدين رفعي الجهاز جنج قاعد تسلقين رفعيه لي رقم 3 و ركضي 5 دقايق و ردي نزليه 5 دقايق و و و و ... كمليها نص ساعه اول شهر و الشهر اللي وراه ساعه و شوفي اللياقه و ادعيلي :p


لوووول ياخوفي أتمصخر :p
أهبد عالجهاز ولا شي ، اللياقه zero !
أفكّر بالقااري احسه انفع حل .. تنصحني فيه ؟!

MaYo CliNiC
20-04-2010, 04:57
لووووووووووووووووووووول .. !!

مي بوي .. :p نو قيرل .. :p

:(

و طبعاً مابي أعضل :/ .. بس أبي أعدل جسمي + لياقة ..

و يا زين السويدي بس :*[/CENTER]



Sorry :( !
..
انـا اقـول يـاربـي شكّـيـت أول شـي :d
أعتـذر مـره ثـانيـه ..

Michael Essien
20-04-2010, 08:48
Sorry :( !
..
انـا اقـول يـاربـي شكّـيـت أول شـي :d

أعتـذر مـره ثـانيـه ..



نو بروبليمو .. :p

:o

KuwaitGaZz
20-04-2010, 12:17
بسم الله الرحمن الرحيم

انا مشترك بنادي تشمابيون
النادي اعطيه فايف ستار
سواء من الديكورات والمدربين والاجهزة اليديدة والتقنية المتطورة بالنادي

اشتراك النادي لمدة شهر 200 دينار ولمدة 3 اشهر 400 دينار وسنة 650
طبعا كل اشتراك فيه جلسات مساج لمدة 3 اشهر لك 5 جلسات مساج مجاني
ولمدة سنة لك 15 جلسة مجانية

اول ما تشترك يعطونك موعد يخلونك تاخذ فحص ( دم + طول + وزن + لياقة ) بعد ما تخلص الفحص بعد يومين يعطونك فلاش ميموري ( جيب ) هذا الفلاش فيه جدولك اللي راح تتبعه ويناسب جسمك
اول ما تدش النادي راح تشوف جهاز جدامك تحط عليه الفلاش وتسوي جيك ان راح يقولك اليوم شنو راح تمارس
مثلاً يقولك اول شي سو ستريج لمدة 7 دقايق وبعدها امش بجهاز الرن لمدة نص ساعة على ليفل 2 والسرعة 5
وبعدها على الدراجة وبعدها العب حديد ويقولك كل تمرين جم الوزن اللي تشيله وجم طقه وجم عددها
يعني شغل بروفشنال وما تحتاج مدرب
اللهم المدرب بس يساعدك في انك تشيل الوزن
لانه بالجهاز يوضحك شنو الجهاز اللي تستخدمه ويوريك بالصورة او فيديو شلون تستخدمة
المدربين لا يعلى عليهم وروحهم مرحه ويساعدونك باللي تبيه

انصح فيه بصراحة
والحلو فيه ماكو زحمة والاجهزة وايدة والمسبح كبير وفيه تلفزيون داخل المسبح
يعني تسبح وتشوف مباراة
فعلاً متعوب عليه

● شــمــوخ ●
20-04-2010, 13:49
miss.turtle

اذا تبين لياقة بس .. خلج على القاري تقريبا نص ساعة .. وامشي بالنادي اذا كان فيه مضمار
وزيدي بعدين .. سوي تمرين القاري و سوي jogging لمدة 5 دقايق وبعدين روحي على جهاز eliptic اللي جنه سكيت تستخدمينه بايدج وريلج وهم بعدها jogging لمدة 5 دقايق .. بالتدريج لما تزيدين مدة التمارين ككل


واذا تبين الshape حق الجسم والنادي فيه pilates classes انصحج فيها تمارين خفيفة .. وتقوي الجسم من غير عضلات .. وطبعا الـaerobics وايد مفيدة!!

ReD BuLL
20-04-2010, 14:51
يا جماعه معهد اكسجين وين صاير؟

ويقولون في صالات كاراتيه هل الكلام صحيح.؟

>> شكثر تسأل :$

Bo.Hamad
20-04-2010, 16:03
^ ^

في بالعديليه .. و بالرقعي على ما اعتقد

اذا قصدك صالات كاراتيه داخل اوكسجين .. ! لا مافي /: .. في صاله سويدي

و اخذ راحتك اسأل .. اشحقه حاطين الموضوع :q

Liorente
20-04-2010, 16:22
السلام عليكم ورحمة الله وبركاته

شبآب بغيت آسآل شنو الاجهزه الي تنزل الوزن اكثر من غيرها ؟ =\
انا قالولي القاري الافضل ؟ هل هذا صحيح =q

Al-Saleh
20-04-2010, 16:24
sorry :( !
..
انـا اقـول يـاربـي شكّـيـت أول شـي :d

أعتـذر مـره ثـانيـه ..



الأجهزه القعادي وبس تحركين ريولج ماتعطي لياقه تقوي العضله بس

طريقه اللي عطيتج ياها كل الحكام يمشون عليها حق اللياقه بس شوي شوي يعني جربي 10 دقايق اول اسبوع ثاني اسبوع 15 دقيقه و شوي شوي لمن تعدين شهر عادي تكملين ساعه و انتي مو حاسه بعمرج :) اللياقه تصير تووب

قدساوي انتراوي
20-04-2010, 16:45
شنو هذي شنو ؟ :p
نبي لياقه علمني التمرين :×

Al-Saleh
20-04-2010, 18:07
شنو هذي شنو ؟ :p
نبي لياقه علمني التمرين :×


شوف يالأوكسجيني يالي تروح النادي و انت مريض و تشيل حديد جنه مافيك شي ! :p

جهاز الجري حطه على السرعه 7 و هرول ماراح تغير السرعه كلش , بس تقرب من ال 5 دقايق ارفع الجهاز لي رقم 3 و كمل قبل لاتصير 10 دقايق نزل الجهاز لي 0 مره ثانيه و كمل هم 5 دقايق و جذي لمن اطبق نص ساعه كبدايه و وقف.

شهر و شوف اللياقه بس لمن تقدر على ال30 دقيقه كملها ساعه بعدين

1) حرق الكالوريز حراق
2) اللياقه+100

و سلامتكم

MaYo CliNiC
21-04-2010, 00:51
يعطيييكم العافيـه

شموخ قدساويه + Hiv

ماقصرتوا

بس عفيه انا مابي شي يضعفني بروحه الوزن طايح ويبون يرفعولي إياه ..

ابي لياقه بس .. يعني اتوكل على الله وابدي بالمشي والركض والايروبكس ؟

قدساوي انتراوي
21-04-2010, 01:18
شوف يالأوكسجيني يالي تروح النادي و انت مريض و تشيل حديد جنه مافيك شي ! :p

جهاز الجري حطه على السرعه 7 و هرول ماراح تغير السرعه كلش , بس تقرب من ال 5 دقايق ارفع الجهاز لي رقم 3 و كمل قبل لاتصير 10 دقايق نزل الجهاز لي 0 مره ثانيه و كمل هم 5 دقايق و جذي لمن اطبق نص ساعه كبدايه و وقف.

شهر و شوف اللياقه بس لمن تقدر على ال30 دقيقه كملها ساعه بعدين

1) حرق الكالوريز حراق
2) اللياقه+100

و سلامتكم


لووووووووووووول ترا بديت اتحسف اني قلت لك :p
قــول ماشاء الله :mad: عينك حاره

7 وايد ماقدر عليه
انـا شسوي عشان ترد اللياقه و جذي ..
ابدا احط السرعه 5 و الإرتفاع 10 اول 3 دقايق و عقبه احط 15 لي نهاية النص ساعه .. البطه تشد و اللياقه اوكي و احـرق اكثر عدد من الكالوريز

شرايك ؟

1966
21-04-2010, 02:29
أسمع الكلام إلي يـَجمد عالشارب يا أنتراوي .. !

كـِل يوم .. مشي , هروله , ركض .. وكل يوم المشي و الهروله

نـَفس الوقت .. بس كل يوم زيد على الركض دقيقة .. ولا توقف

لما تتعب .. إن شاء الله تحس جسمك بـِنقطع .. كمل .. ولياقتك

ترجع .. سويتها قـَبل ثلث سنين .. سويت إلي قـِتلك عليه يمكن

شهر ونص .. قمت أرض ساعة شوي بدون لا أوقف .. ركض

مو سـَريع .. بس ركض .. ! لياقتي صارت مينونة ..

قدساوي انتراوي
21-04-2010, 03:07
يسلم شاربك:p ..
انـا امشي نص ساعه و احط الإرتفاع 15 .. احرق اكثر عدد من الكالوريز تقريبا 400 او 450 كالوري
و البطـّه تصير صخره ..

الحيـن .. امشي 20 دقيقه مشي بس 5 و اركض او اهرول 10 ؟ على الإرتفاع جم ؟ 15 ماعتقد اقدر ! اطيح يمكن بعد
بدون ارتفاع سهله ..

و هروله على اي سرعه .. 7 ؟

ToTTi q8
21-04-2010, 04:36
حمني

تبي لياقه لازم تشد على نفسك شوي شوي تقدر مو من اولها تقفلها وتقول ما اقدر :p

اسمع في طريقه حلوه وسهل

خل السرعه على 8 وهرول 5 دقايق لما توصل 5 دقايق زيد السرعه ليه 12 و افتح سبرينت دقيقتين بعدين رده على ال8 ورد هرول وولما تطوف ال5 دقايق رد زيده لي 12 وهرول وهكذا ليمن يصير الوقت كله 20 او 30 دقيقه اذا انت زلم :p

MaYo CliNiC
21-04-2010, 04:39
انا باجر بروح ان شاء الله
فـ شسمه حددّي عليميه
فـ شقول حق المدرب يعني ؟! حق جهاز المشي والركض
يحطه على جم ؟!
عطوني رقم زين مو توهقوني لاني بسرعه اتعب مافيني حيل مو توهقوني :d

intrawee80
21-04-2010, 05:16
كثرة المشي على الجهاز
تسبب مشاكل في الركبة للعلم والحذر
افظل شي المشي الطبيعي واسأل اي دكتور في العلاج الطبيعي

● شــمــوخ ●
21-04-2010, 13:30
^^^^

توني ياية بقول هالحجي .. امشوا مشي طبيعي افضل :)



miss.turtle

يعافيج حياج :)

اذا كان اول يوم لج اكيد ماراح يخلونج تركضين بسرعة عالية .. اتوقع يخلونج كبداية 20 دقيقة بس على سرعة 4 ونص ..

Bo.Hamad
21-04-2010, 13:34
intrawee80 .. البلودان " مكبر الياف " شيسوي بالظبط .. ؟


و البلودان و الارجنين مافيهم نسبه قروث ولا اشياء اتضر .. !؟


انا الحين بشتري بروتين ويي .. و عندي سوبر امينو .. بظل عليهم شهر بعدين اشتري اللي قتلي عنهم اذا مافيهم قروث


:o
....................

1966
21-04-2010, 14:32
يسلم شاربك:p ..
انـا امشي نص ساعه و احط الإرتفاع 15 .. احرق اكثر عدد من الكالوريز تقريبا 400 او 450 كالوري
و البطـّه تصير صخره ..

الحيـن .. امشي 20 دقيقه مشي بس 5 و اركض او اهرول 10 ؟ على الإرتفاع جم ؟ 15 ماعتقد اقدر ! اطيح يمكن بعد
بدون ارتفاع سهله ..

و هروله على اي سرعه .. 7 ؟


ولك سرعه مين و الناس نايمين .. ! أنا شـُغلي طبيعي ( عالبحر )

النادي قـَمته حتى لـَو كان يطل على شآرع أو مكانه حلو .. ! الركض

عالبحر شـَئ ثاني .. ! وناطر الحـَر شوي .. عشان بـَعد كل ركض

أقـَط نفسي بالبحر ..

ReD BuLL
21-04-2010, 14:46
^ ^



في بالعديليه .. و بالرقعي على ما اعتقد


اذا قصدك صالات كاراتيه داخل اوكسجين .. ! لا مافي /: .. في صاله سويدي


و اخذ راحتك اسأل .. اشحقه حاطين الموضوع :q


اهاا..لاني انا سمعت انه في كيوكشن بأكسجين

وتسلم يالغالي ما قصرت

intrawee80
21-04-2010, 19:42
:o
....................


رديت عليك حبيب قلبي
البلودان يساعد على بناء الالياف العضلية ( اي عضلة بالجسم يتكون بها الياف هذا المنتج يساعد على بناء الياف طبيعية دون ضرر وهو تحت اختبارات طبية )

اما عن الارجنين : هو يعطي الاكسجين المضاعف بالمترين الشاق ويساعد على التمارين الشاقة ونفس الوقت راح اتحس ابفرق في التمرين من القوي + اعروق جسمك تطلع شكلها حلو من الارجنين
وانا كاتب صفحة كاملة في نفس القسم عن فوائد الارجنين

intrawee80
21-04-2010, 19:44
فوائد الارجنين للرياضين فقط
ولا انصح الــ الاعمار الي اقل من 18
http://diwania.alazraq.com/showthread.php?t=247082

El pipita
21-04-2010, 21:53
شنو نشد الجسم ؟ شنو التمارين الي نسويها ؟
و في أجهزه بالنوادي تساعد ع الشد ؟ مثلاً الـزند و البطن ؟ :p

Bo.Hamad
21-04-2010, 23:10
رديت عليك حبيب قلبي
البلودان يساعد على بناء الالياف العضلية ( اي عضلة بالجسم يتكون بها الياف هذا المنتج يساعد على بناء الياف طبيعية دون ضرر وهو تحت اختبارات طبية )

اما عن الارجنين : هو يعطي الاكسجين المضاعف بالمترين الشاق ويساعد على التمارين الشاقة ونفس الوقت راح اتحس ابفرق في التمرين من القوي + اعروق جسمك تطلع شكلها حلو من الارجنين
وانا كاتب صفحة كاملة في نفس القسم عن فوائد الارجنين





عشت يالغالي حبيب والله ماقصرت :)

,,

شكلي باخذ البلودان دامه مايضر .. بس الارجنين اتأكد منه اكثر لانه سمعت انه يزيد دقات القلب شي جذي .. ! لايحوشك .. !ّ نتأكد اكثر وانشوف

Bo.Hamad
21-04-2010, 23:13
شنو نشد الجسم ؟ شنو التمارين الي نسويها ؟
و في أجهزه بالنوادي تساعد ع الشد ؟ مثلاً الـزند و البطن ؟ :p




العب قاري + مشي + معده + حديد عالخفيف اذا ماتبي اتطلع العضله بس تبي اتشد ..

و السباحه ترا اتشد الجسم بعد

MaYo CliNiC
22-04-2010, 03:40
اليوم رحت على جهاز المشي
ياويلييييييي انا حدي وصلت 2.5 ولا ومامداني يمكن 3 دقايق
جان احطه عال 2 .. تعبني
نزلت احس رويلاتي تمشي بروحها ! والدنيا تفتر فيني :eek2:

جان اقزرها قاري ، بعدين سله :p

1966
22-04-2010, 13:06
اليوم رحت على جهاز المشي
ياويلييييييي انا حدي وصلت 2.5 ولا ومامداني يمكن 3 دقايق
جان احطه عال 2 .. تعبني
نزلت احس رويلاتي تمشي بروحها ! والدنيا تفتر فيني :eek2:

جان اقزرها قاري ، بعدين سله :p



تفتر فيج .. ! فيج فقر دم لا سمح الله ؟ :(

صارت فيني .. كان فيني فـَقر دم .. وركضت 42 دقيقة

عالجهاز .. بس خلصت .. خطوه .. خطوتين .. طاح :p

ما أشـُوف إلا زليون واحد فوق رآسي .. وأقـُولهم حصل

خير يا جماعة :p ديربالج ..

قدساوي انتراوي
22-04-2010, 15:05
طلع العموم الدنيا تفتـر فيه :p
<< واحد منهم :o


حميد ..
إذا انا زلم ها ؟
ماشي:p

MaYo CliNiC
22-04-2010, 20:16
تفتر فيج .. ! فيج فقر دم لا سمح الله ؟ :(



صارت فيني .. كان فيني فـَقر دم .. وركضت 42 دقيقة


عالجهاز .. بس خلصت .. خطوه .. خطوتين .. طاح :p


ما أشـُوف إلا زليون واحد فوق رآسي .. وأقـُولهم حصل


خير يا جماعة :p ديربالج ..




عليـيييك نـووور
أنيميا حاده
والله خفت أهبد بالقاع ، عشان جذي رحت القاري ماكان لي خلقه بس عساس بقعد ومابي اخرع ابوي :p
لوول لا انا اول شي كنت اثبت نفسي بالعامود
وواي احس رويلاتي اتحرك بروحها تمشي لي جدام ؟ ماحسيتوا جذي ؟؟

1966
22-04-2010, 22:37
عليـيييك نـووور
أنيميا حاده
والله خفت أهبد بالقاع ، عشان جذي رحت القاري ماكان لي خلقه بس عساس بقعد ومابي اخرع ابوي :p
لوول لا انا اول شي كنت اثبت نفسي بالعامود
وواي احس رويلاتي اتحرك بروحها تمشي لي جدام ؟ ماحسيتوا جذي ؟؟



:p ولك قآري و عامود ؟ ما فهمت ولا شئ مـِن قصدج .. !

MaYo CliNiC
23-04-2010, 02:05
:p ولك قآري و عامود ؟ ما فهمت ولا شئ مـِن قصدج .. !




لووووول
قصدي اول مانزلت من الجهاز الدنيا تفتر فيني ، وريلي اتحرك بورحها
فشسمه كنت أثبّت نفسي بالعامود .. يوم شفت ابوي بدا يتخرع
انه مع ويهي برقع السالفه قتله بكمل القاري
كان القصد أقعد اريّح .. وصج طولت شوي على مابديت فييه
وجان إطقطق إركبي :p وتووووبه الحين ماني رايحه النادي
جسمي مقصقص ويعورني خاصه ارقبتي
موقادره افرفرها بالسوق واتسوق عدل .. قاع تفوتني اشيااااااااااااء :cry2:
لا بارج الله فيهم ولا بناديهم :cry2:

ToTTi q8
23-04-2010, 07:22
حميد ..
إذا انا زلم ها ؟
ماشي:p



كاااااااااااااااااااااااااااااااااااك

حمين اي شفيك انت بنظري اكبر زلم اويلاه عليك بس :p

:****

iL Fenomeno
23-04-2010, 10:46
3 اشياء اسويهم بالجيم

قاري

معده

لعب كره

الجسم راح يصير شاد بدرجه مو طبيعيه

Liorente
23-04-2010, 10:52
لووووول
قصدي اول مانزلت من الجهاز الدنيا تفتر فيني ، وريلي اتحرك بورحها
فشسمه كنت أثبّت نفسي بالعامود .. يوم شفت ابوي بدا يتخرع
انه مع ويهي برقع السالفه قتله بكمل القاري
كان القصد أقعد اريّح .. وصج طولت شوي على مابديت فييه
وجان إطقطق إركبي :p وتووووبه الحين ماني رايحه النادي
جسمي مقصقص ويعورني خاصه ارقبتي
موقادره افرفرها بالسوق واتسوق عدل .. قاع تفوتني اشيااااااااااااء :cry2:
لا بارج الله فيهم ولا بناديهم :cry2:


آكييد لانج توج بآديه بالنادي
مع الوقت راح تروح الآلام وتتعودين

M.Q.A
23-04-2010, 13:26
ابي العب معده من غيـــر نادي صحي تعرفون تماريين تضبط معاي حق المعده ؟! ..
لأنـي ألعب بـ نادي و ماأقدر أسحـب على النادي و أدش gym ..

pato 7
24-04-2010, 05:11
يا جماعة انا وزني 105 :) ما شاءالله و طولي 176 و عمري 20 و ادخن بشكل جنوني و مرات شيشة

ابي حل حق الكرش وانا من النوع الي امشي وايد يعني اروح الممشى كل يوم و ترك و امشي اقل شي ساعه

و اذا هرولت حدي دقيقة و سدري يشقنيييييي شقققققق و احس بقمته مو طبيعيه بالهرولة :(

و ابي تمارين تقوي عضلات الايد <--< اليد بالفصحه :p و كرش الريل ابيها تصير قوية بصير شويت لوول

و مشكورين

pato 7
24-04-2010, 05:14
ابي العب معده من غيـــر نادي صحي تعرفون تماريين تضبط معاي حق المعده ؟! ..
لأنـي ألعب بـ نادي و ماأقدر أسحـب على النادي و أدش gym ..

اقوى حركه للمعده حسب كلام المدربين ..

تثني ركبك و تسوي معده 100 مرة على 4 جولات يعني كل جولة 25 مرة و راحة دقيقه بس

و ان شاءالله يفيدونك الشباب

Bo.Hamad
24-04-2010, 06:11
يا جماعة انا وزني 105 :) ما شاءالله و طولي 176 و عمري 20 و ادخن بشكل جنوني و مرات شيشة

ابي حل حق الكرش وانا من النوع الي امشي وايد يعني اروح الممشى كل يوم و ترك و امشي اقل شي ساعه

و اذا هرولت حدي دقيقة و سدري يشقنيييييي شقققققق و احس بقمته مو طبيعيه بالهرولة :(

و ابي تمارين تقوي عضلات الايد <--< اليد بالفصحه :p و كرش الريل ابيها تصير قوية بصير شويت لوول

و مشكورين



مشاءالله

والله نصيحه مني دش نادي و جابل النادي بشكل يومي + رجيم

و شوف النتيجه بعد شهر ونص و لا شهرين راح اتحس انك ضعفان .. و كمل عاد

و اذا على الهروله و تتعب .. اكيد دامك اتشيش و اتدخن /: .. اقطع :p

و عن الايد .. بالنادي العب " سواعد "

و عن الـ " بطات " كرش الريل على قولتك لوووول :p .. بالنادي في اجهزه حق الريل و البطات

بإختصار .. شغلك كله بالنادي :p فإشترك بالنادي نصيحه مني لك و خل اتكون لك اراده قويه اهم شي :)

1966
24-04-2010, 14:22
لووووول
قصدي اول مانزلت من الجهاز الدنيا تفتر فيني ، وريلي اتحرك بورحها
فشسمه كنت أثبّت نفسي بالعامود .. يوم شفت ابوي بدا يتخرع
انه مع ويهي برقع السالفه قتله بكمل القاري
كان القصد أقعد اريّح .. وصج طولت شوي على مابديت فييه
وجان إطقطق إركبي :p وتووووبه الحين ماني رايحه النادي
جسمي مقصقص ويعورني خاصه ارقبتي
موقادره افرفرها بالسوق واتسوق عدل .. قاع تفوتني اشيااااااااااااء :cry2:
لا بارج الله فيهم ولا بناديهم :cry2:



هالقصة كلها كـِنتي تبيني أستنتجها من السطرين إلي كاتبهم قـَبل ؟ :p

لا تشديين على عمرج , تدريجي تدريجييييي .. ! وبـَس أول جم يوم ريلج تـِعورج

أو المنطقة إلي تشدين عليها .. بعدين تلعبين بدون عـَوار إن شاء الله .. !

Totaalvoetbal
24-04-2010, 16:05
مرحبا

عندي استفسار عن نادي صحي يم نادي كاظمه بعديليه اعتقد اسمه اوكسجين

شرايكم فيه؟ تنصحون فيه؟

1966
24-04-2010, 17:48
^

أنا أشـُوف أوكسجين يـِصلح أكثر لـ سوالف الحديد .. !

إذا تبي تسوالف تنشيف ( أجهز مشي الخ ) أنصحك بـ بالتينيوم

قدساوي انتراوي
24-04-2010, 18:04
^

عدل كلامك
اوكسجين حق الحديد
و بلاتينيوم حق الكارديو [ مشي قاري]

pato 7
24-04-2010, 22:59
مشاءالله

والله نصيحه مني دش نادي و جابل النادي بشكل يومي + رجيم

و شوف النتيجه بعد شهر ونص و لا شهرين راح اتحس انك ضعفان .. و كمل عاد

و اذا على الهروله و تتعب .. اكيد دامك اتشيش و اتدخن /: .. اقطع :p

و عن الايد .. بالنادي العب " سواعد "

و عن الـ " بطات " كرش الريل على قولتك لوووول :p .. بالنادي في اجهزه حق الريل و البطات

بإختصار .. شغلك كله بالنادي :p فإشترك بالنادي نصيحه مني لك و خل اتكون لك اراده قويه اهم شي :)





النادي حاليا ما ظنتي التزم فيه لأن انا ادرس مسائي و آخر سنة بالثانوية

و المدرسة تبلش من 5 العصر لي 9 بالليل

و أول حصة سويدي تبدأ 4 و تخلص 5 ما يمدي ارد البيت اتسبح و اروح للمدرسة

و آخر حصة سويدي تبلش الساعه 7 المغرب و تخلص 8

يعني ماكو مجال نهائيا و سالفه الزقاير صعبه اقطع :p شيشة اوكي اقدر اقطع

جدول حصص السويدي خاص لنادي سبورتينغ وايت بالرقعي يم مطعم هيه

و ما جربت غير هالنادي بس حدي 4 ايام و اطلع ما اصملها :)

Totaalvoetbal
24-04-2010, 23:55
وين صاير بلاتنيوم؟

ToTTi q8
25-04-2010, 13:24
^^

في بكيفان

وفي بشارع المطاعم

وفي واحد توا فاتح على البحر يم سوق شرق

وفي واحد ليلحين مابطل بفحيحيل جنه


وطبعا اسعارهم تختلف من واحد لي الثاني

كيفان 50 شارع المطاعم 35 والي على البحر 75

شباب اذا غلطت بالاسعار صلحولي لانه هذا الي اعرفه

Bo_3mra
25-04-2010, 18:15
^^^

اللي على البحر 100 .

بس اذا بيدش السالميه ولا كيفان خل يزيد كل اشتراك 5 عشان الخزنه :p

El pipita
25-04-2010, 22:13
ربع النوادي .. في شي إسمة " جاكيت حراري " ..
هذا الي يبلبسونه عشان يعرقون .. ينفع ؟ و وين ينباع ؟

ToTTi q8
26-04-2010, 00:56
^^

يقولون مو زين الصراحه ما جربته بس ناس تمدحه وناس تذمه

Bo_3mra
26-04-2010, 06:28
ربع النوادي .. في شي إسمة " جاكيت حراري " ..
هذا الي يبلبسونه عشان يعرقون .. ينفع ؟ و وين ينباع ؟


سمعت واحد يقول موشي

صج تعرق بشكل مو طبيعي هدومك كلها ماي بس موشي

قالي الاسباب بس ناسيها والله

Dortmund
26-04-2010, 12:30
وين صاير بلاتنيوم؟

تدش معاي بلاتنيوم ؟

بخاطري اخليك بطل كمال اجسام النواصر

اذا ودك في بلاتنيوم انصحك فيه وبقوه وراح اشترك معاك

pato 7
26-04-2010, 20:11
يا جماعه تهقون لو امشي يوميا ساعة مشي سريع و برنامجي الغذائي يكون جذي

الريوق .. ربع خبزة لبنانيه او توسته وحده ( طبقتين ) مع جبنة شرايح او بيض مسلوق بدون صفار

و الغدا خيار بالروب او نص دجاجة مشوية او تكه

و العشا نص خبزة مع أي نوع جبن او بيض مسلوق بدون صفار

جم كيلو انزل بالأسبوع ؟؟

Bo_3mra
26-04-2010, 22:32
^^^

اعتقد

اول اسبوعين ولا ثلاث بتنزل بشكل حلو

بس بعدها اعتقد كل 10 ايام بين الكيلو ونص الى كيلوين بس لو تكنسل العشا احسن : )

pato 7
27-04-2010, 14:10
^
^

يعني تهقى مني لنص شهر 7 ما اقدر اوصل وزني لطولي :(

ظباط المطافي و ظباط الداخلية يبون الوزن نفس الطول و التسجيل شهر 7 يعني حده حده :(

Bo.Hamad
28-04-2010, 00:54
^ ^

يالطيب دامك تبي الضباط .. دش نادي عالاقل بس العب جهاز المشي و القاري + رجيم و عشى لا تتعشى

بالاراده كل شي يصير اهم شي خل ارادتك قويه

Bo_3mra
28-04-2010, 13:12
^
^

يعني تهقى مني لنص شهر 7 ما اقدر اوصل وزني لطولي :(

ظباط المطافي و ظباط الداخلية يبون الوزن نفس الطول و التسجيل شهر 7 يعني حده حده :(


جم وزنك ؟؟ وجم طولك

مثل ماقال Peter Schmeichel

دش نادي ودق نفسك دق كل يوم مع رجيم وسباحه بتنزل طيران

Bo.Hamad
28-04-2010, 13:59
شباب شنو الاكلات اللي فيها نسبه بروتين عاليه .. ؟

انا اللي اعرفه ان الدياي و التونه فيهم بروتين .. و غيرهم .. ؟

و حق اللي يبي يبني عضلات .. شنو احسن جدول غذائي له .. و بنفس الوقت يعطي power .. ؟ بس مو تضخيم بزياده .. يعني مانبي انكرش وانصير كبت :q لا بس عشان العضله اتكون صافيه و بنفس الوقت تكبر و تبرز اكثر .. ؟

1966
28-04-2010, 14:34
شباب شنو الاكلات اللي فيها نسبه بروتين عاليه .. ؟

انا اللي اعرفه ان الدياي و التونه فيهم بروتين .. و غيرهم .. ؟





ما أدري إذا النسبة عالية .. بـَس المدربين كله ينصحون بـ هالأشياء للي يبي بروتين :



التونة

صدور الدياي

سمج مشوي

لحم مشوي

بياض البيض

البيض كاملة

الفاصوليا البيضه

لبن بدون دسم

Al-Saleh
28-04-2010, 14:57
^^
زيد عليهم Turkey

نخي + فول

makkay
28-04-2010, 15:17
انا امس سجلت بـ نادي
بس للاسف ماعرف شنو التمارين المطلوبه اسويها

انا وزني 76 وطولي 171 تقريبا
ابي اضعف بس .. وتروح الكرشه
شنو التمارين اللي اسويها ؟

Bo.Hamad
28-04-2010, 17:20
^ ^

امش على جهاز المشي ( ساعه الا ربع - ساعه ) + قاري ( نص ساعه - ساعه الا ربع ) + سباحه + رجيم ( عشى لا تتعشى ) + العب معده تقريبا 3 ولا 4 اجهزه حق المعده

و اذا لك خلق العب حديد خفيف اذا بس تبي اتشد ماتبي اتضخم العضله

Bo.Hamad
28-04-2010, 17:23
ما أدري إذا النسبة عالية .. بـَس المدربين كله ينصحون بـ هالأشياء للي يبي بروتين :



التونة

صدور الدياي

سمج مشوي

لحم مشوي

بياض البيض

البيض كاملة

الفاصوليا البيضه

لبن بدون دسم







عشت يعطيك العافيه ماقصرت


شكلي بقزرها عيل كل يوم غدا تونه و صدور دياي و لحم مشوي

بس سؤال .. الكباب و الريش .. يعتبرون لحم مشوي .. يعني مافيهم FAT .. ؟

و الحمص فيه FAT .. ؟

<< يبي يطلب من مطعم لبناني :p

لوول

Bo.Hamad
28-04-2010, 17:33
^^
زيد عليهم Turkey

نخي + فول



التركي اوكي

بس فول :confused::p

makkay
28-04-2010, 21:38
^ ^



امش على جهاز المشي ( ساعه الا ربع - ساعه ) + قاري ( نص ساعه - ساعه الا ربع ) + سباحه + رجيم ( عشى لا تتعشى ) + العب معده تقريبا 3 ولا 4 اجهزه حق المعده


و اذا لك خلق العب حديد خفيف اذا بس تبي اتشد ماتبي اتضخم العضله


شنو الفرق بين الركض والمشي ؟
انا اركض نص ساعه
القاري ماقدر ! ريولي تشد بعد المشي شوي
اما ع الرجيم
انا مااكل ولا شي .. بس اتعشى :/ الحين يوعان شسوي ؟ :p
قاعد العب سويدي مع مدرب .. كدشنا اليوم

شلون يعني التضخيم ؟
انا مابي جني مصارع :/
ابي جسمي زييين .. ومشدود

1966
28-04-2010, 21:59
^

إذا تبي تشد جسمك بالحديد ..

شيل وزن خفيف ولا تزيده بـ يوم من الأيام .. !

يـَعني أمش على وزن واحد طول الفترة .. !

عكس إلي بيضخم .. كل فـَترة يرفع الوزن .. !

Bo.Hamad
29-04-2010, 14:03
شنو الفرق بين الركض والمشي ؟
انا اركض نص ساعه
القاري ماقدر ! ريولي تشد بعد المشي شوي
اما ع الرجيم
انا مااكل ولا شي .. بس اتعشى :/ الحين يوعان شسوي ؟ :p
قاعد العب سويدي مع مدرب .. كدشنا اليوم

شلون يعني التضخيم ؟
انا مابي جني مصارع :/
ابي جسمي زييين .. ومشدود


ماكو فرق نفس الشي .. بس الركض احسن لك اذا ماكنت ناوي اتشيل اوزان اثقيله واتضخم .. لانه بعد الركض بتكون خاق اذا تبي اتشيل اوزان ثقيله صعبه شوي .. !

فإذا تركض نص ساعه زين .. بس زيده بعد نص ساعه مشي سريع ( يصير نص ساعه ركض + نص ساعه مشي سريع )

و عالرجيم .. خلك العكس .. لا تتعشى نام بدون عشى .. بس تريق و تغدى احسن

و السويدي زين ظل عليه

و تبي اتشد الجسم مثل ماقالك مرعب




^

إذا تبي تشد جسمك بالحديد ..

شيل وزن خفيف ولا تزيده بـ يوم من الأيام .. !

يـَعني أمش على وزن واحد طول الفترة .. !

عكس إلي بيضخم .. كل فـَترة يرفع الوزن .. !





بالضبط اللي قاله .. اذا بس تبي شد لا اكثر بدون ما " تبرز " العضله خلك على اللي قاله

و العب معده كل يوم و ترك " تقريبا 3 الى 4 اجهزه معده "

و و خر عن العيوش و البيبسي و الخبز و المطاعم ( fast food) .. هذا اهم شي

بس اكل شغله قبل لا اتروح النادي عشان راسك لا يفتر و اتحوشك دوخه لانك راح تركض و تتعب

makkay
30-04-2010, 04:36
صح كلامك بيتر شمايكل
رحت للنادي وكنت مو ماكل ! حسيت بـ طيح والله

يعطيكم العافيه
اليوم لعبت كره .. ما رحت النادي
هل يؤؤثر ؟ :p

1966
30-04-2010, 09:51
^

إذا كنت قاعد تضخم .. المفروض يكون عندك جـَدول تلتزم عليه

بـَس إذا قاعد تنشف .. مافي مشكلة لأنه حـَركة جسمك بالكرة ..

makkay
30-04-2010, 14:53
لا محد تضخم
بس بضعف ..

..
انزين .. سب واي شلونه ؟
وشنو اطلب منه اذا كان صج مطعم زين للرجيم

1966
30-04-2010, 15:12
انزين .. سب واي شلونه ؟
وشنو اطلب منه اذا كان صج مطعم زين للرجيم

والله شـُوف .. أنا ما أنـَصحك بـ هالمطعم بالرجيم .. لكن أخف صـَمونة عندهم بـ هالطريقة

خـُبزه سمره ( نص صمونة ) تقوله يشيلك الـ ( عـَييين ) إلي فيها .. ويـِحطلك فيها خضروات

مع قطة جبن أو بدون جبن .. والصلصلة " ماسترد " مالت رجيم مع ليمون ..


هذي أخـَف صمونة تقدر تسويها هناك


+


إنت إلي كنت مع فريق حـّمود مـَره ؟ يـَعني جسمك مو متين .. بـَس يحتاج

تضبيط .. تلتزم بأكلك و نادي و تتحرك .. وكلها جـَم شهر و تصير 100%

makkay
05-05-2010, 22:44
اي انا
بس اكو جم شي بجسمي لازم ينشال :p

والحمدلله ملتزم

مشي + سويدي + رجيم

انزين
اكو حبوب تنشيف شي ينشف بسرعه ؟

1966
06-05-2010, 02:57
^

أشـّهر حبوب بالعالم و إلي خـَذت أحسن حبوب تنشيف 3 سنين ورى بـَعض ليبو 6 !

بـَس عليهم كلام , ناس تـُقول مـُضر , ناس تـُقول عادي .. فيها مجازفة السالفه .

ReD BuLL
06-05-2010, 03:04
^^

هلا بولد منطقتنا :p

في حبوب تنشيف القوطي مالها يكون أسود ولا فضي ما أنصحكم فيها كللش اذا تعرفونها

واحد من الربع قام ياخذها

جهازا العصبي أنتلف

فدربالكم

ويا حلات الطبيعي بدون حبوب ولا أبر ولا خرابيط :euro:

1966
06-05-2010, 03:08
^^

هلا بولد منطقتنا :p

في حبوب تنشيف القوطي مالها يكون أسود ولا فضي ما أنصحكم فيها كللش اذا تعرفونها

واحد من الربع قام ياخذها

جهازا العصبي أنتلف

فدربالكم

ويا حلات الطبيعي بدون حبوب ولا أبر ولا خرابيط :euro:


هـَلا بالورده ,

-

اي هذيل Lipo 6

الأسود Lipo 6 Black

هذا الله لا يوريك .. ! قوي قوي قوي زيادة عن اللزوم , ولازم ما ياخذه

شخص إلا عـُمره 21+ وأعراضه تـِكرهك بـ نفسك .. !

أما الرصاصي في نوعين Lipo 6 , Lipo x6

وايد ناس يمحونهم و ضعفوا منهم بدون أضرار , لكن بنفس الوقت ناس

أستخدموهم و حاشهم أضرار جانبية نفس صاحبك .. يـَعني لـو نطلع من

السالفة و نـِلعب عالطبيعي أشـّرف :p

ReD BuLL
06-05-2010, 14:25
لووول

أي اهو عمره 28 بس لعب في لعب

مثل ما قلت خلنا ع الطبيعي أحسن

CaMaRo_U.S
06-05-2010, 22:29
شــبابنا الحلوووين :p
انا طويل , وبنفس الوقت ضعيف ,
بمتن مو قادر ! اكل وما امتن :× !! + ابي ابني عضلات مع المتن
ابي جسمي يكون رياضي وراكب مع طولي :× !

شنو لازم اسويه ؟

كيــ كويتي ــفي
06-05-2010, 23:05
البروتينات البودر وحبوب امينو اسد .. هاذي صج مو زينه؟؟ ومتي يستحسن استعملها؟

انا داش نادي وبسرعه جسمي يصير تمااام ولي الحين تمام الحمدالله .. يعني مافي كرشه و average بس مايتفخ كلش! ..

*ملاحظه: للحيني ماستعملت من البروتينات ولا شي بس قالو لي استعمل ..

ReD BuLL
07-05-2010, 00:06
شــبابنا الحلوووين :p

انا طويل , وبنفس الوقت ضعيف ,
بمتن مو قادر ! اكل وما امتن :× !! + ابي ابني عضلات مع المتن
ابي جسمي يكون رياضي وراكب مع طولي :× !



شنو لازم اسويه ؟


شوف أنا عندي نصيحتين لك عاد أنت أختار وحده :p

أنصحك تلعب كاراتيه كيوكشن كاي لعبه قويه وجميله جداً جداً وبكل فرع ببلاتينيوم تلقاه صالة..

لعبه حلوه تبني عضلاتك وتخلي جسمك صلب بمعنى الكلمه

وتعطيك ثقه كبيره بنفسك..

ما اعرف أشرحلك اللعبه لكن هاللعبه وايد ناس اعرفهم دخلوها وانا الحين صارلي 3 أشهر تقريباً اتمرن فيها

أو

أنك تلعب حديد تبني عضلاتك لكن بدون بروتينات نصيحتي لك لا تاااخذ بروتينات ولا أبر ولا هالخرابيط العب طبيعي قوي جسمك لكن بدون هالخرابيط تبي جسمك يتقوى التزم بالاكل والنوم بالاضافه الي التمارين الي تتمرنها

وبالنهايه أقولك لحد يقص عليك وتاخذ بروتينات..

وبالتوفيق..

CaMaRo_U.S
07-05-2010, 00:45
شوف أنا عندي نصيحتين لك عاد أنت أختار وحده :p

أنصحك تلعب كاراتيه كيوكشن كاي لعبه قويه وجميله جداً جداً وبكل فرع ببلاتينيوم تلقاه صالة..

لعبه حلوه تبني عضلاتك وتخلي جسمك صلب بمعنى الكلمه

وتعطيك ثقه كبيره بنفسك..

ما اعرف أشرحلك اللعبه لكن هاللعبه وايد ناس اعرفهم دخلوها وانا الحين صارلي 3 أشهر تقريباً اتمرن فيها

أو

أنك تلعب حديد تبني عضلاتك لكن بدون بروتينات نصيحتي لك لا تاااخذ بروتينات ولا أبر ولا هالخرابيط العب طبيعي قوي جسمك لكن بدون هالخرابيط تبي جسمك يتقوى التزم بالاكل والنوم بالاضافه الي التمارين الي تتمرنها

وبالنهايه أقولك لحد يقص عليك وتاخذ بروتينات..

وبالتوفيق..


يعنــي ببلااتينيوم يدربون هاللعبه ؟ والله شــي :p
بس الطريــقه الثانيه اشوفها اسهل واحلــى ,

قواك الله

ReD BuLL
07-05-2010, 12:12
يعنــي ببلااتينيوم يدربون هاللعبه ؟ والله شــي :p

بس الطريــقه الثانيه اشوفها اسهل واحلــى ,



قواك الله


أي أهي لعبه موجوده بوايد أماكن حالها حل باقي العاب الفنون القتال وموجوده ببلاتينيوم

بالتوفيق انشاءلله

الله يقويك

Sierra_Z71
08-05-2010, 11:05
قسمن بالله قهر .. صارلي ساعه اكتب ردي.. بالغلط مسحته !!

Sierra_Z71
08-05-2010, 11:25
موضوع اقل مايقال عنه رووووعه ومفيد .. لانه عندنا بالكويت وايد هابين بروتينات وتوابعه ومايدرون شطبخه..

و خذ اضرررار .. ياجماعه .. البروتين لي خذته لازم تحرقه .. وايد شباب فاهمين الموضوع غلط

عبالهم ياخذون بروتين وخلاص لا غلط انت مو بباي تاخذ سبانخ وتعضل .. !؟:p لازم تحرقون الي تاخذونه ياجماعه ..

عموما .. نرجع حق موضوعنا انا استخدمت بروتين Golden Whey 100%standard ..

نصحني فيه صاحبي اهو استشاري تغذية .. لانه نباتي مو حيواني .. النباتي الزين فيه انه لي زاد بجسمك ماراح يضرك لانه راح يطلع على طول من قناة الصرف الصحي..:p

المهم خلصت علبه كامله حجم كبير.. وصراحه طلع عضل بس مو بمستوى الطموح.. الظاهر لاني ماستخدمت معاه
شي ثاني من amino ,, arginine or creatine

ماعلينا.. بغيت اسأل عن منتج يديد توه نازل بالسوق Jack3rd صارلي 4 ايام استخدمه ..
ياريت واحد يفيدني جان فيه اضرار ولا لأ ..

محتوياته : Argnine Alpha KG - Creatine monohaydrate - beta Alanine and Caffine

أمااااا عــــمــــايـــله !!!!! وحده بوحده ..
يعطيك طــاقه رووعه ... يعني قبل لي رحت gym ماتمرن الا ساعه وربع بالكثير ..

الحين عادي اقعد 3 ساعات تمارين لا وزود

ياخي لدرجة ساعات افكر اني اسابق حصان..لي خذته :p

حاليا ماستخدمته الا4 مرات.. وماحشني ضرر منه .. اللهمه مره خذته بليل

ويوم قطيت راسي عالفراش .. ماقدرت انام جان اقلبها تمارين ضغط ومعده :p

ياريت الي يعرفونا يفيدونا .. وترا خذته من امريكا .. مادري جان موجود عندكم بالكويت ولا لأ

هذي صورته

http://3.bp.blogspot.com/_2-yFy6Fcnv0/S6z9zJjIzmI/AAAAAAAAAN8/TIWnKhYAi7o/s200/jack+3d.jpg (http://3.bp.blogspot.com/_2-yFy6Fcnv0/S6z9zJjIzmI/AAAAAAAAAN8/TIWnKhYAi7o/s1600/jack+3d.jpg)
وشششسمه .. قواكم الله :p

El pipita
09-05-2010, 21:46
عنـــدكم رقم تشـامبيونز ؟

EnGlanDawy
09-05-2010, 22:31
شباب بغيت اسأل عن النادي اللي بفندق النخيل.. شلونه..؟؟ وجم سعره ؟؟

issa.H
09-05-2010, 23:23
ياخي لدرجة ساعات افكر اني اسابق حصان..لي خذته :p



سااااااعه وانا دوووور هالفيديو
ردك ذكرني فيه والله :p

http://www.youtube.com/watch?v=m3O1e2l6yDg&feature=related

makkay
10-05-2010, 02:17
احتج !
رجيم .. اكلي سلطات وفواكه وقاطع كل شي
+
رياضه سويدي ومشي
ليش ازيد كيلو !!!!!

قدسااوي للنخااااع
10-05-2010, 02:30
شباب النادي الصحي بقرطبه شلونه ؟

issa.H
10-05-2010, 02:57
احتج !
رجيم .. اكلي سلطات وفواكه وقاطع كل شي
+
رياضه سويدي ومشي
ليش ازيد كيلو !!!!!


مادري اذا تقعد طول اليوم على فواكه وسلطات ؟؟ :/
لان هالنظام ما ينفع حق ريال ترى :/

:
بس ترى الفواكه مو كلها تضعف .. وابسط مثال الموز
يمتن .. والتفاح اعتقد فيه سكريات وايد ويمتن بعد ..
تبي تاكل فواكه اكل شي يحرق .. اناناس وكيوي

والسلطات وخر عنهم الزيت والملح وكل انواع التتبيلات والصووص ..
خل سلطتك خضرا وليمون ..

:
وترى لازم تاكل لحم ودياي " مشوي "
كل الناس يقولون
ما تاكل = ما تحرق
تاكل = تحرق
يقولك اذا ما اكلت .. الجسم ييوع .. ويحتاج دهوون وغذاء
راح يتغذي على الدهون الداخليه ..
بس بعد فتره الجسم يتعود على هالشي ..
يوقف عن حرق الدهون الداخليه ..
عشان جذي يقولك افضل ريجيم تسويه
يوم بالاسبوع تاكل وجبه دسمه .. عشان تصدم جسمك
وما تخليه يتعود على انه ما يتغذى ويحرق دهونك الداخليه ..

واكل لحم ودياي مشوي شغل بيت
بكميات معقوله

كيــ كويتي ــفي
10-05-2010, 03:20
بسم الله الرحمن الرحيم

انا مشترك بنادي تشمابيون
النادي اعطيه فايف ستار
سواء من الديكورات والمدربين والاجهزة اليديدة والتقنية المتطورة بالنادي

اشتراك النادي لمدة شهر 200 دينار ولمدة 3 اشهر 400 دينار وسنة 650
طبعا كل اشتراك فيه جلسات مساج لمدة 3 اشهر لك 5 جلسات مساج مجاني
ولمدة سنة لك 15 جلسة مجانية

اول ما تشترك يعطونك موعد يخلونك تاخذ فحص ( دم + طول + وزن + لياقة ) بعد ما تخلص الفحص بعد يومين يعطونك فلاش ميموري ( جيب ) هذا الفلاش فيه جدولك اللي راح تتبعه ويناسب جسمك
اول ما تدش النادي راح تشوف جهاز جدامك تحط عليه الفلاش وتسوي جيك ان راح يقولك اليوم شنو راح تمارس
مثلاً يقولك اول شي سو ستريج لمدة 7 دقايق وبعدها امش بجهاز الرن لمدة نص ساعة على ليفل 2 والسرعة 5
وبعدها على الدراجة وبعدها العب حديد ويقولك كل تمرين جم الوزن اللي تشيله وجم طقه وجم عددها
يعني شغل بروفشنال وما تحتاج مدرب
اللهم المدرب بس يساعدك في انك تشيل الوزن
لانه بالجهاز يوضحك شنو الجهاز اللي تستخدمه ويوريك بالصورة او فيديو شلون تستخدمة
المدربين لا يعلى عليهم وروحهم مرحه ويساعدونك باللي تبيه

انصح فيه بصراحة
والحلو فيه ماكو زحمة والاجهزة وايدة والمسبح كبير وفيه تلفزيون داخل المسبح
يعني تسبح وتشوف مباراة
فعلاً متعوب عليه


وااااااو :o!!
شي جميل صراحه!
وين صاير هذا؟

كيــ كويتي ــفي
10-05-2010, 03:23
يا جماعه معهد اكسجين وين صاير؟

ويقولون في صالات كاراتيه هل الكلام صحيح.؟

>> شكثر تسأل :$

موجود بفحيحيل والعديلية ....

كيــ كويتي ــفي
10-05-2010, 03:37
البروتينات البودر وحبوب امينو اسد .. هاذي صج مو زينه؟؟ ومتي يستحسن استعملها؟

انا داش نادي وبسرعه جسمي يصير تمااام ولي الحين تمام الحمدالله .. يعني مافي كرشه و average بس مايتفخ كلش! ..

*ملاحظه: للحيني ماستعملت من البروتينات ولا شي بس قالو لي استعمل ..

Sierra_Z71
10-05-2010, 09:13
سااااااعه وانا دوووور هالفيديو

ردك ذكرني فيه والله :p


http://www.youtube.com/watch?v=m3O1e2l6yDg&feature=related


أووه .. هذا انا ماهقيتهم صوروني :p

Sierra_Z71
10-05-2010, 09:15
احتج !
رجيم .. اكلي سلطات وفواكه وقاطع كل شي
+
رياضه سويدي ومشي
ليش ازيد كيلو !!!!!

عطني .. وزنك ووطولك .. واي نادي مسجل فيه ؟

وبأذن الله بنضعفك

Sierra_Z71
10-05-2010, 09:19
كيفي كويتي ..

اخر الحجي .. انت تتمرن 4 اشهر طبيعي ويطلع لك عضل .. انا اتمرن شهرين مع بروتين وتوابعه يطلع لي عضل اكثر منك ..

البروتين ضار اذا ماحرقته .. الامينو انا امبعد عنه لانه يقولون له اضرار بالمستقبل ..

El pipita
10-05-2010, 15:39
مكـاي ..
مرات الريـاضة تمتن ..
شلون تمتن ؟ العضلات بجسمـك تكبر فـ تاخذ وزن !
شي طبيعي تزيد كيلو او كيلو ونص .. بعد فترة بسيطـة بتنزل مرة وحده !

El pipita
10-05-2010, 19:26
تشـامبيونز 400 بـ3 أشهــر ؟ ..
جني سمعــت 300 بـ 3 أشهر :\ ..
عموماً في عروض الصيف ليـة الرآس :× ..

ReD BuLL
10-05-2010, 20:44
تشـامبيونز 400 بـ3 أشهــر ؟ ..

جني سمعــت 300 بـ 3 أشهر :\ ..

عموماً في عروض الصيف ليـة الرآس :× ..


في صالات كراتيه ؟

El pipita
10-05-2010, 21:06
^
والله مادري ..
بـس النادي ممتاز ! فوق الممتـاز ..
حطوة مرة ع الوطن ! صج متعــــوب عليه :× ..

Doritos
11-05-2010, 00:28
شباب منو يعرف نادي 24 ساعة غير بلاتنيوم واكسجين ؟

makkay
11-05-2010, 00:42
عطني .. وزنك ووطولك .. واي نادي مسجل فيه ؟

وبأذن الله بنضعفك
وزني 74 .. طولي تقريبا بين 168 الى 171

Sierra_Z71
11-05-2010, 10:13
وزني 74 .. طولي تقريبا بين 168 الى 171

نقول 170 انت الوزن المثالي حق طولك من 66- kg 72

شوف ياطويل العمر .. اول ماتدش النادي جابل الWoodway

اقعد عليها 30 دقيقه .. بلش اول 5 دقايق مشي سرعه 4 تالي اطمر جري 10 دقايق سرعه 7

وتالي هد السرعه لي 4 وامش 5 دقايق وتالي ردها 7 جري .. خلصنا من الwoodway-treadmill

نروح حق القاري جابله 15 دقيقه.. تالي روح جهاز elliptical الي "روبي" اطلعت فيه بفيديو كليب.. وجابله 15 دقيقه

هذي ساعه كامله .. احتمال كبير تكون حارق فيها اكثر من 500 calorie غير اللياقه الممتازه..

وانت جنك قلت تحضر جلسات سويدي ..

السويدي من اهم التمارين .. تخصص تحويل الدهون الزايده (شحم) الي عضل.. وهو من افضل التمارين الي تعدل جسمك ..

شوف حجي شوفلك 4 ايام بالاسبوع روح فيهم الgym وسو الي قتلك عليه ساعة حرق وساعه سويدي ..

بأذن الله بظرف شهر الي شهرين اذا التزمت جسمك بيكون مثالي..

اي ويفضل ترا انه تخفف اكل .. وحط اب بالك عشى قبل النومه حاول انك ما تقرب صوبه .. خل عشاك امبجر شوي

ولا سو نظام وجبة غدا عشى ..

موفق حجي:)

makkay
11-05-2010, 13:08
سيرا ..
يعطيك الف عافيه
انا نظامي .. 20 دقيقه مشي .. و10 جري

بس الWoodway شنو هذا ؟

..
السويدي تقريبا كل يوم .. وشاق نفسي مع المدرب

وع الاكل .. اكلي سلطات وفواكه اكثر شي

Sierra_Z71
11-05-2010, 14:29
ادري عقدتك .. الwoodway اهو جهاز الجري راح عن بالي اسمه بالعربي فكتبته بالانجليزي :p

انا اقول لو تخلي الجري 20 والمشي 10 .. وايد احسن وبعد لوتمشي عالي قتلك عليه انشالله بيضبط جسمك!

وبخصوص الاكل.. ياخي خل اكلك طبيعي بس خفف شوي .. ماله داعي تلزم نفسك على الفواكه !

وحياك الله

ReD BuLL
12-05-2010, 15:01
يا جماعه يقولون اذا شربت حليب واايد باليوم من غير ما تحرقه مو زين لك راح تنقلب عكسيه

بس مادري يعني حليب عادي مو بروتين عشان احرقه

انا لمن اخلص تمرين اشربلي قوطيين

فجذي عادي ولا يضر.؟

وشنو تنصحوني اشربه قبل التمرين ولا بعد.؟

makkay
12-05-2010, 15:09
سييرا ..
انا بالاسبوع مره مااروح النادي .. واخلي اوف حتى بعض المرات اتعشى بـ مطعم .. يآثر ؟

وانزين اذا حاشني شد بـ ريلي .. همن امشي ؟

intrawee80
12-05-2010, 17:30
يا جماعه يقولون اذا شربت حليب واايد باليوم من غير ما تحرقه مو زين لك راح تنقلب عكسيه

بس مادري يعني حليب عادي مو بروتين عشان احرقه

انا لمن اخلص تمرين اشربلي قوطيين

فجذي عادي ولا يضر.؟

وشنو تنصحوني اشربه قبل التمرين ولا بعد.؟

الحليب ماله مضر
بعد التمرين جسمك يحتاج كمية كبيرة من البروتين والكارب
ولزم اتعوضها بعد التمرين مباشرة
انصحك قبل التمرين باكل شي فية نسب عالية من الكـارب وبعد التمرين تاكل اكل فيه ابروتين عشان يعوض السعات الحرارية الي فقدها الجسم
طبعا هل شي لبناء الجسـم والنمو العظلـي

ReD BuLL
12-05-2010, 18:44
الحليب ماله مضر
بعد التمرين جسمك يحتاج كمية كبيرة من البروتين والكارب
ولزم اتعوضها بعد التمرين مباشرة
انصحك قبل التمرين باكل شي فية نسب عالية من الكـارب وبعد التمرين تاكل اكل فيه ابروتين عشان يعوض السعات الحرارية الي فقدها الجسم
طبعا هل شي لبناء الجسـم والنمو العظلـي

بس شنو الاكل الي في الكارب على قولتك.؟

وشنو الكارب بالاساس.؟

ويعطيك العافيه

intrawee80
12-05-2010, 19:15
بس شنو الاكل الي في الكارب على قولتك.؟

وشنو الكارب بالاساس.؟

ويعطيك العافيه

الكارب يعني كبوهدرات
عندك البطاط المفيوحه وعندك المعكرونه سوها بيضة واشوية ملح مع صلصـة حلوة :)
وعندك العيش مشخول هذا كله كارب
واموفق خيــر

makkay
12-05-2010, 19:15
عيش ابيض زين ؟؟

ReD BuLL
12-05-2010, 19:18
الكارب يعني كبوهدرات
عندك البطاط المفيوحه وعندك المعكرونه سوها بيضة واشوية ملح مع صلصـة حلوة :)
وعندك العيش مشخول هذا كله كارب
واموفق خيــر

حبييييييب حبييييب

يعطيك العافيه..

Doritos
12-05-2010, 20:58
makkay (http://diwania.alazraq.com/member.php?u=6485)
العيش الاسمر افضل

Sierra_Z71
13-05-2010, 14:37
سييرا ..
انا بالاسبوع مره مااروح النادي .. واخلي اوف حتى بعض المرات اتعشى بـ مطعم .. يآثر ؟

وانزين اذا حاشني شد بـ ريلي .. همن امشي ؟

مكاي حبيبي .. ليش مصعب المسأله .. ؟ ترا والله بسيطه ..

انا ماروح الجيم الا 4 ايام بالاسبوع .. واساسا ترا يفضل ويستحسن انه ماتخلي روحتك حق النادي يوميه

لانت لاعب كره ولانت مصارع .. اقصد يعني الرياضه مو مهنتك..

صحياُ مكاي لازم ماتضغط على جسمك .. وترا انت مو متين .. اللهمه متروس شوي ويبيلك شد ..

بخصوص ريلك .. ترا اهم ماعليك سلامتك .. دام شدت ريحها شوي لين يروح الشد..

وعلى طاري عيش ابيض .. إكل الي تبيه .. بس حاول اتخلي عشاك قبل نومتك اب فتره..

موفق :)

makkay
14-05-2010, 14:00
ما تقصر سييرا
وايد فدتني والله
حبيب

Al-Saleh
15-05-2010, 12:50
وخر عن الشكر وخر عن الملح و اكل عادي و بعد عن المطاعم و اهم شي ! العشا ساعه 8 بالكثييير و خفيف

اللي ماينزل على هذا ينتحر احسن :p

ReD BuLL
19-05-2010, 23:42
يا جماعه نادي الحياه سنتر الي بحولي وين صاير بالضبط.؟

الي فيه حديد وصالة كراتيه وحمام سباحه .؟.

loureen
22-05-2010, 03:55
سلام انا بنية ابي اضعف يصير فات برنر مال رياييل والا بس ريجيم ورياضة
للعلم وزني 80 وطولي 170 وبقط 10 كيلو

عفية شباب


help pls :(

ReD BuLL
22-05-2010, 10:41
^

لا يا معوده بعدين تعضلين :p

انا طولي 174 ووزني 78 قطعت نادي صرت 83

الحين برد وزني الاولي مو قادر

نصيحتي لج تشتركين بأي نادي صحي تسويلج جدول وانشاءلله توصلين حق الي تبينه

وبالتوفيق..

grande buffon
22-05-2010, 12:04
السلام عليكم

اخخ يالنادي واخخ يالرجيم .. لي سالفه طويله مع هالاثنين

قبل 6 اشهر كان وزني 130 دخلت نادي 3 اشهر قطيت 20 كيلو صرت 110 الحمد لله وخف جسمي وكل الي يشوفني يقولي ضعفان ..

لكن والله كنت شاق نفسي شق بالنادي كل يوم امشي على الجهاز 7 كيلو + قاري ربع ساعه ومرات كرة قدم

لكن بعدها انغريت بروحي وقمت اخرب الاكل وقطعت نادي .. وبرجع مره ثانيه ان شاءالله هالجم يوم لانكم شديتوني بصراحه ..

سؤال : شرايكم بواحد يمشي كل يوم 6 كيلو + مشي نص ساعه .. حلو ولا لا ؟

شكرا للجميع

ReD BuLL
22-05-2010, 12:42
السلام عليكم

اخخ يالنادي واخخ يالرجيم .. لي سالفه طويله مع هالاثنين

قبل 6 اشهر كان وزني 130 دخلت نادي 3 اشهر قطيت 20 كيلو صرت 110 الحمد لله وخف جسمي وكل الي يشوفني يقولي ضعفان ..

لكن والله كنت شاق نفسي شق بالنادي كل يوم امشي على الجهاز 7 كيلو + قاري ربع ساعه ومرات كرة قدم

لكن بعدها انغريت بروحي وقمت اخرب الاكل وقطعت نادي .. وبرجع مره ثانيه ان شاءالله هالجم يوم لانكم شديتوني بصراحه ..

سؤال : شرايكم بواحد يمشي كل يوم 6 كيلو + مشي نص ساعه .. حلو ولا لا ؟

شكرا للجميع

شـي حلو

لكن اذا مشيت مثلاً هالاسبوع نص ساعه أمس الاسبوع الي وراه ساعه الا ربع وجذي وزيد لمن توصل حق الساعه بالضبط

جذي انت وصلت حق رقم ممتاز واللياقة تمام التمام

وبالتوفيق..

قدساوي انتراوي
24-05-2010, 23:36
وينـكم يا المصاكه :×

X-HaRdY
25-05-2010, 11:46
شبااااب الامينو له اضرار ؟؟

وشلون الـ Pro Complex بروتين على كاكاو شنو يسوي بالضبط ؟

لأنه كل ما أسأل واحد يقولي شي ثاني ابي الشي الأكيد

انا طولي 179 ووزني 73 بس بزيده بعد جم كيلو واصير تمام

صارلي بالنادي تقريبا 3 اشهر وقطعت 4 اشهر ورديت صارل لي الحين شهرين

ولا مرة خذيت بروتين بهل فترة هذي

El pipita
03-06-2010, 22:08
شبـاب .. عطونا أسمـاء نوادي سنعـه !
غيـر " o2 - بلاتينيوم - تشـامبيونز - فلكس " ..

ReD BuLL
03-06-2010, 23:26
نادي جمعية المهندسين

Bo.Hamad
04-06-2010, 03:31
شبااااب الامينو له اضرار ؟؟

وشلون الـ pro complex بروتين على كاكاو شنو يسوي بالضبط ؟

لأنه كل ما أسأل واحد يقولي شي ثاني ابي الشي الأكيد

انا طولي 179 ووزني 73 بس بزيده بعد جم كيلو واصير تمام

صارلي بالنادي تقريبا 3 اشهر وقطعت 4 اشهر ورديت صارل لي الحين شهرين

ولا مرة خذيت بروتين بهل فترة هذي



الامينو على فكره موجود بالغذاء الطبيعي " باللحم الابيض عامه " مادري عن اللحم الاحمر اذا كان فيه و لا لا

الامينو مثل البروتين .. مكمل غذائي ماله اي ضرر .. و انا من زمان اخذه عمره ماضرني :)

و البروتين اللي قلت عنه مادري عنه ماخذيته .. انا كله اخذ " بروتين ويي " ككاو .. و البروتين هم مكمل غذائي مايضر طبعا و يعطيك بور شوي

نصيحه مني لك خلك على هالوزن لا اتزيده " بالاكل " .. و اخذ بروتين .. لانه وزنك راح يزيد اصلا بالبروتين و العضله بتتوزع فراح يزيد وزنك و انت تلعب حديد عشان اتكون العضله صافيه احسن لك


..

انا قطعت شهر بسبب الامتحانات .. اليوم ثاني يوم ارد للنادي و ان شاءالله بتم بالنادي ماراح اقطع لو شنو .. !

Bo.Hamad
04-06-2010, 03:33
شباب منو امجرب شغله اسمها " hmb " جنه .. !

حبوب .. 3 حبات باليوم مع كل وجبه وانت تاكل .. يقولون اتيمع البروتين اللي قاعد تاكله و اتوزعه بالعضله ..

احد سامع عنه .. ؟

و زين .. ؟ يعني يفرق معاي لي خذيته .. ؟ + ماله اي اضرار .. ؟

Guitar
04-06-2010, 12:50
شوفوا نتائج بطولة الكويت لكمال الأجسام


http://diwania.alazraq.com/showthread.php?t=251477

وبالتوفيق للأبطال

Bo.Hamad
05-06-2010, 19:59
وين شباب النادي .. ؟

El pipita
05-06-2010, 22:12
^
جاوب ع سؤالي الي فوق بـ جم ر اذا ماعليك امر :p ..

Bo.Hamad
06-06-2010, 03:52
^
جاوب ع سؤالي الي فوق بـ جم ر اذا ماعليك امر :p ..





لوول اسمح لي ماشفته

..





شبـاب .. عطونا أسمـاء نوادي سنعـه !
غيـر " o2 - بلاتينيوم - تشـامبيونز - فلكس " ..





عندك وايد نوادي بالجابريه بس ماعرف اساميها

وعندك راس السالميه " ما انصحك فيه "

و في نادي اسمه " حياه سنتر " جنه بحولي .. ؟ مادري بالضبط

انا غير اوكسجين و بلاتينيوم ما افكر اشترك الصراحه .. فعشان جذي ما عندي خبر فـ باجي النوادي ووين صايره :)

ان شاءالله الشباب يفيدونك اكثر مني

بس اذا كملت الـ 17 ونص دش اوكسجين نصيحه

Pastore
13-06-2010, 05:26
champian على ما اعتقد جذي اسمه اللي ع الدائري الرابع جم اشتراكه الشهري/ السنوي ؟؟؟

ACM
16-06-2010, 10:05
^^^

200 دينار

El pipita
16-06-2010, 12:08
champian على ما اعتقد جذي اسمه اللي ع الدائري الرابع جم اشتراكه الشهري/ السنوي ؟؟؟


شهـر بـ200..
3 بـ 400 ..
سنـة بـ650 ..

فيك شدة ؟ :p

Bo.Hamad
17-06-2010, 17:27
تشامبيون شنو اللي فيه زود عن الباجي اللي شهر بـ 200 .. ؟ ؟

قدساوي انتراوي
17-06-2010, 17:49
^ ^ ^

ولـك جيك :p .. متخيل ؟
حدي اشتهيت ادشه :/ بس وايد 200
خنشوف إذا في عروض حق السنه
احتمال اسويها :d



بسم الله الرحمن الرحيم



انا مشترك بنادي تشمابيون
النادي اعطيه فايف ستار
سواء من الديكورات والمدربين والاجهزة اليديدة والتقنية المتطورة بالنادي


اشتراك النادي لمدة شهر 200 دينار ولمدة 3 اشهر 400 دينار وسنة 650
طبعا كل اشتراك فيه جلسات مساج لمدة 3 اشهر لك 5 جلسات مساج مجاني
ولمدة سنة لك 15 جلسة مجانية


اول ما تشترك يعطونك موعد يخلونك تاخذ فحص ( دم + طول + وزن + لياقة ) بعد ما تخلص الفحص بعد يومين يعطونك فلاش ميموري ( جيب ) هذا الفلاش فيه جدولك اللي راح تتبعه ويناسب جسمك
اول ما تدش النادي راح تشوف جهاز جدامك تحط عليه الفلاش وتسوي جيك ان راح يقولك اليوم شنو راح تمارس
مثلاً يقولك اول شي سو ستريج لمدة 7 دقايق وبعدها امش بجهاز الرن لمدة نص ساعة على ليفل 2 والسرعة 5
وبعدها على الدراجة وبعدها العب حديد ويقولك كل تمرين جم الوزن اللي تشيله وجم طقه وجم عددها
يعني شغل بروفشنال وما تحتاج مدرب
اللهم المدرب بس يساعدك في انك تشيل الوزن
لانه بالجهاز يوضحك شنو الجهاز اللي تستخدمه ويوريك بالصورة او فيديو شلون تستخدمة
المدربين لا يعلى عليهم وروحهم مرحه ويساعدونك باللي تبيه


انصح فيه بصراحة
والحلو فيه ماكو زحمة والاجهزة وايدة والمسبح كبير وفيه تلفزيون داخل المسبح
يعني تسبح وتشوف مباراة

فعلاً متعوب عليه

قدساوي انتراوي
17-06-2010, 17:51
انـا بسافر بعد اسبوع
و بعد ما ارد من السفر بدش برد حق النادي
و احتمال كبير بلاتينيوم كيفان مع الربع

بس ودي بجامبينز :×

makkay
17-06-2010, 18:03
دحيم ..
جسمك مو مال تشامبيون !

قدساوي انتراوي
17-06-2010, 18:09
^

شلون يعني ؟
جامبينز شلون اجسامهم :×

القصـد ان اهتمام و انك تسوي التمرين عدل
ان احد يجابلك صح

Bo.Hamad
20-06-2010, 02:07
^ ^ ^

ولـك جيك :p .. متخيل ؟
حدي اشتهيت ادشه :/ بس وايد 200
خنشوف إذا في عروض حق السنه
احتمال اسويها :d


يا سلام .. !

كل هذا بالنادي /: و الله يستاهل بس هم اشوف 200 وايد .. النادي هذا حق اللي مزاجهم رايق و يحبون يطولون بالنادي

انا واحد بس بتمرن و اطلع :q

..


انـا بسافر بعد اسبوع
و بعد ما ارد من السفر بدش برد حق النادي
و احتمال كبير بلاتينيوم كيفان مع الربع

بس ودي بجامبينز :×




ليش يبا يظلم اوكسجين من دونك .. خلاص اذا بتغير النادي انا ماراح اروح اوكسجين :q

عاد ماصادفتك الا مره وحده شدعوه /: شنو ماتروح انت .. ؟

..

مكاي بالعكس هالنوادي " طقه تشامبيون " زينه حق اللي يبون يضعفون

يعني يعطونه كل التمارين وجدول تغذيه و كل شي و يمشي عليه .. و بنفس الوقت من اللي سمعته انه يفتح النفس النادي ماراح يمل منه

بس اللي جسمه زين بس يبي حديد و يطلع " بالكويتي ما يبي يحلل فلوس النادي عدل :q " لا يروح تشامبيون

قدساوي انتراوي
20-06-2010, 09:34
^

لوول اي كل ما يت امتحانات قطعت :×
انـا ودي جامبينز عشان هالشغله نظام غذائي و يوريك التمارين و و و يعني مجابلك صح

و اليـوم سألت احد مشترك بالنادي يقول بالسـنه 375 دينار !
وايـد زين بالنسبه حق نادي مثله

T o n i - K r o o s
20-06-2010, 13:10
أف أف أنا ويني عن هلموضوع من زمااان ، يعطيك العافيه على الموضوع المهم

يا جماعه أنا جسمي زباله ورب الكعبه تعرفون إلي نظام ظعيف وهزيل ومحندب وعنده كرشه صغيره ؟ انا جذي :(

ودي لو أدش نادي وآخذ بروتينات بس أنا من النوع إلي أخاف على نفسي من هسوالف لانه الأهل وايد يحذروني من هلمواد البروتينات وأشوف الحبوب إلي يبلعونها الشباب كل حبه شمتنه مستغرب شلون يبلعونها مادري!!

والسؤال هو هل لهذه المواد مضار على صحة الإنسان ؟

السؤال الثاني والأهم عندي ماكو مكان يفحصوني فيه ؟ يعني ماكو مكان يفحصون دمي ويقيسون وزني وطولي ويحددولي نوعيه المواد إلي لازم آخذها وتكون مناسبه حق نوعيه جسمي ؟

Liorente
20-06-2010, 13:26
^^

روح حق بلاتينيوم ولا اوكسجين وكلم المدرب نفسه !
اهو يعرف !
ويقولك وين تفحص لانه خبره

قدساوي بالفطرة
20-06-2010, 13:28
نبي نضعف .. شلوووووووووووون ؟! :p

Bo.Hamad
20-06-2010, 15:51
^

لوول اي كل ما يت امتحانات قطعت :×
انـا ودي جامبينز عشان هالشغله نظام غذائي و يوريك التمارين و و و يعني مجابلك صح

و اليـوم سألت احد مشترك بالنادي يقول بالسـنه 375 دينار !
وايـد زين بالنسبه حق نادي مثله



اي نفس حالتي انت بكل امتحانات اقطع .. بس الحين قلت لو شتة يصير ما اقطع ان شاءالله

..

و الله زيين اذا بالسنه 375 بالنسبه حق هالنادي .. !

Bo.Hamad
20-06-2010, 15:59
أف أف أنا ويني عن هلموضوع من زمااان ، يعطيك العافيه على الموضوع المهم

يا جماعه أنا جسمي زباله ورب الكعبه تعرفون إلي نظام ظعيف وهزيل ومحندب وعنده كرشه صغيره ؟ انا جذي :(

ودي لو أدش نادي وآخذ بروتينات بس أنا من النوع إلي أخاف على نفسي من هسوالف لانه الأهل وايد يحذروني من هلمواد البروتينات وأشوف الحبوب إلي يبلعونها الشباب كل حبه شمتنه مستغرب شلون يبلعونها مادري!!

والسؤال هو هل لهذه المواد مضار على صحة الإنسان ؟

السؤال الثاني والأهم عندي ماكو مكان يفحصوني فيه ؟ يعني ماكو مكان يفحصون دمي ويقيسون وزني وطولي ويحددولي نوعيه المواد إلي لازم آخذها وتكون مناسبه حق نوعيه جسمي ؟



شوف انا صارلي 3 سنين يمكن بالنادي .. بس طبعا اقطع و ارد هذا عيبي .. بس ان شاءالله ماراح اقطع هالمره

و سنتين منهم يمكن انا اخذ بروتين و امينو .. و الحمدالله ماضرني

البروتين ما يضر لانه مكمل غذائي .. و نفس الشي الامينو .. يعطيك بور مايضر

بس انت اذا عندك كرشه و بنفس الوقت ضعيف .. ركز على انك اتشيل الكرشه اول شي فلا تاخذ بروتين لانه يمكن يتفخ بطنك اكثر لول

روح حق المدرب قوله عن اللي تبيه و اهوه يعطيك جدول كامل حقك .. و قوله قيس وزني و طولي و ابي دايت حقي يقولك اهوه

و انا نصيحتي لك وخر عن الاكلات اللي بقولك اياها ( العيوش - الدهون - الحلويات - الوجبات السريعه - الخبز ) + امش و اركض على جهاز المشي نص ساعه الى ساعه + قاري نص ساعه الى ساعه + العب معده + نام خفيف + الاكل اللي كنت تاكله قبل بأي اكله رجيم خفف منه اكثر و اكل بس اللي جسمك يحتاجه لا تاكل اكثر

و خلال شهرين بتلاحظ فرق اذا تميت على نفس اللي قتلك اياه

بس نفس ماقتلك ماعتقد ينفعلك بروتين انت الا لما اتشيل الكرشه احسن لك

و الله يعافيك ولو :)

Bo.Hamad
20-06-2010, 16:03
نبي نضعف .. شلوووووووووووون ؟! :p



دش نادي + رجيم

يا جماعه والله اللي مو داش نادي حرام خل يدش

و الله بالنادي اتحسون براحه نفسيه .. حتى لو ماتلعبون حديد بس تتحركون والله الحركه زينه

اهم شي اتحافظون عليه صحتكم الواحد مايبي يظل على روتين القعده ليما يكبر مو زين والله

العقل السليم بالجسم السليم :q

قدساوي بالفطرة
21-06-2010, 13:07
^^

يلا انصحنا برجيم ونادي :p
صيف وعطالي بطالي :p

Bo.Hamad
21-06-2010, 13:22
^ ^

عندك اوكسجين و بلاتينيوم .. واحد منهم شوف الاقرب لك دش

اوكسجين فيه بالرقعي و بالعديليه .. الرقعي مافيه حوض سباحه و صغير جنه بـ 25 اشتراك الشهر .. ؟

و العيديله بـ 40 فيه كل شي .. حتى مساج فيه :q .. بس محد مساج انا اقول لول

و عندك بلايتينيوم كيفان بـ 50 و السالميه " شارع المطاعم " بـ 30 جنه .. ؟

شوف الاقرب لك و دشه

..

اما الرجيم


و انا نصيحتي لك وخر عن الاكلات اللي بقولك اياها ( العيوش - الدهون - الحلويات - الوجبات السريعه - الخبز ) + امش و اركض على جهاز المشي نص ساعه الى ساعه + قاري نص ساعه الى ساعه + العب معده + نام خفيف + الاكل اللي كنت تاكله قبل بأي اكله رجيم خفف منه اكثر و اكل بس اللي جسمك يحتاجه لا تاكل اكثر
+ اشرب عصاير وايد

و خل ارادتك قويه و خلك امعزم عالوزن اللي تبي تنزل له .. و وخر عن الاكلات اللي قلت هم لك نهائيا بدون استثناء خير شر .. بعد شهر من الالتزام التام تبي اتخلي يوم free كيفك .. بس طبعا مو اتدبه و اتطلع حرتك لا بالمعقول واللي جسمك يحتاجه فقط

سو اللي قتلك عليه خلال جم شهر راح تدعيلي صدقني

بس مهم اللي بقوله الحين " خل ارادتك قـــــــــويــــــــه " و توكل على الله بلش من باجر و عطنا اخر الاخبار

issa.H
21-06-2010, 13:23
نبي نضعف .. شلوووووووووووون ؟! :p



صك حلجك شوي عن الاكل
وانت تضعف :p

قدساوي انتراوي
21-06-2010, 13:33
اي نفس حالتي انت بكل امتحانات اقطع .. بس الحين قلت لو شتة يصير ما اقطع ان شاءالله


..


و الله زيين اذا بالسنه 375 بالنسبه حق هالنادي .. !


انا قاعد اقول جذي .. 375 بالنسبه حق سنه وايد زين ..
بس كل شوي واحد يقولك سعر :d بروح لهم هاليومين و اسألهم

قدساوي & مدريدي
21-06-2010, 14:03
نبي نمتن شلوووووووووووون :( :p

//

تشامبيونز قوي شوية عليه ! نادي مو ناقصة شي كلش :/

دشيته مرة عورني قلبي صراحة :p

نادي من الآخر حاطينه اشكره يا تدشه سنه يا لا تدش احسن لك , 200 شهر وسنة بـ 700 تقريباً

//

بدش نادي يا جماعة على قد الحال تنصحوني بأكسجين ولا بلاتينيوم :p

واللي عنده خبر متى يبطل بلاتينيوم بو حليفة ما يقصر

El pipita
21-06-2010, 15:52
مستحيل Champions 375 بـس ..
انا داق عليهم قبل جم يوم .. قال 650 سنـة :× ..
200 شهـر .. 400 ثـلث أشهــر ..

قدساوي بالفطرة
21-06-2010, 19:46
الشطي مادري بيتر شمايكل مادري مستر انقنلاند :p

لا باجر صعبة .. خلها مع بداية الشهر احسن :p
وبلاتينيوم واكسجين ماظن ياخذون كبرنا :p
+ ماحب التزم بنادي ..
خلني اقزرها بالبيت مشي وقاري وخلاص ;)

قواك الله ..

قدساوي انتراوي ..
اعرف واحد مشترك فيه سنة بـ 700 ..


عويييس ..
اقول الطريقة اللي قلتها لي بالمسن ؟! :p
خل يستفيدون الشباب :p

قدساوي انتراوي
21-06-2010, 19:57
طلعت دقه :p
دقيت عليهم توه طلعت السنه ب675 دينار
شهر 200
و 3 شهور 400

و إلي عنده اشتراك بجمعية الجابريه يسوون له خصم 25% على الاشتراك السنوي
يصير 562 دينار بالسنه


و شفيه بلاتينيوم شزينه ترا :lol:
<< غير كلامه

issa.H
21-06-2010, 23:29
نبي نضعف .. شلوووووووووووون ؟! :p




والله مادري ..
من رديت من المدرسة قفلت الدار علي وشابك يعني نايم :p
وبعدين ايام الامتحانات منو ياكل من البيت ؟!
رد من المدرسة نام لليل .. قوم .. دق على احلى مطعم ..
ريوق مطعم .. والغدا طاف ! :p



وين تضعف وهذي حياتك :p



عويييس ..
اقول الطريقة اللي قلتها لي بالمسن ؟! :p
خل يستفيدون الشباب :p
[/B]

شكلك اشتقت للايقاف :p

AL-N7EESAA
23-06-2010, 03:40
يعطييييييكم العافيه عالموضووووع ، والله انتو بنعمة شحلات النوادي ورخاص عندكم وناسه مو احنا 150 وفوق ابداااااع انا داشه تشامبينز سنة ب 375 واليديد السنه ب 600 يوقف قلبي :p المهم الله يسلمكم باجر راح ابلش ليبو6 ورجيم عدل مدل لان وزني مو قاعد ينزل وانا حالفه يا انا او اهوا :p النادي مسويلي جدول يوم امشي 45 دقيقه وعلى القاري ربع ساعه تقريبا ولي جدول عالاجهزه كل جهاز من 25-50 مره طبعا هالتمارين كل يوم وترك واليوم اللي وراه ادش تمارين ايروبكس بالماي من ساعتين لي 4 ساعات على حسب المزاج :> وادعولي اضعف بصحه وسلامه :p قرقت عليكم ميخالف بس هم هم على قلبي

AL-N7EESAA
24-06-2010, 01:11
حاولت حاولت انام بدون عشى بس قعدت من اليوع :> جااااان اكل كورن فلكس

makkay
24-06-2010, 05:35
النحيسه ..
الكورن فلكس الاكله الوحيده اللي لا يمكن اقطعها !
في نوع اسمه فتنس .. طيب اكليه

..

اوكسجين فحيحيل .. كيفه ؟

Firenze
24-06-2010, 06:01
^ توقيعـك كبتن .. ay m3aza مو m3az .. :/
اوكسجين العديليـــه فيه خوش كباتن .. واحد إسمه كبتن سلامه .. كبت ماشاءالله عليه :p

AL-N7EESAA
24-06-2010, 08:15
مكاي اي هذا اللي انا اكله خفيف وشحلاته ولطيف وكول حاقه :p

قدساوي بالفطرة
24-06-2010, 12:50
عويس عن الفضايح !!!!!!!!!!!!!!!!!!
اليوم قبل لا اروح المدرسة شفت وزني وانصدمت :(
قربت للـ 80 :(
بس خلاص اليوم ماني ماكل شي :p
من اليوم نبدا مشوار الـ 20 كيلو :/