المساعد الشخصي الرقمي

مشاهدة النسخة كاملة : اكبر لعز في العالم هو منتخب قطر غطي علي لغز برمودا ؟؟



قدساوي84
05-03-2010, 16:07
بسم الله الرحمن الرحيم


صراحه اكبر لغز في كرة القدم هي منتخب قطر يعني ممكن نعرف لغز مثلث برمودا ولا نعرف مشكلة منتخب قطــر !!:rolleyes:


ما اقدر اقول شنو ناقصكم لانه بختصار مو ناقصكم شي ابد ..

01 اهتمام من المسؤلين واستقرار اداري
02 دوري محترفين اعتقد اكثر من خمس اسنين
03 ملاعب مدريبن محترفين خمس نجوم مبالغ خياليه لصرف علي الاعبين
04 احم احم من غير زعل ها :o ( مجنسين من كل بقاع الدنيا في منتخبكم )
05 معسكرات خياليه ومع فرق كبيره
06 صحافه كلها مسخرينها للمنتخب والنوادي

وكل هذا وماكو نتايج او اداء رائع انجازاتكم فقط كاس الخليج في قطر وكاس غرب اسياء في قطر >>انجازاتكم فقط في ديرتكم !!

السؤال الي يطرح نفسه في قوه !!

ليش هل نتايج الغير مشرفه مقارنه مع الامكانات الي عنكم ؟؟

والسؤال الثاني لو هل امكانات كانت موجوده في احدي الدول البحرين او عمان او الكويت توقعون راح ينجزون مثل نتايجكم ؟؟

سائـح ايـطـالـي
06-03-2010, 03:09
لا اعتقد ان هناك من يختلف مع رأيك ..
ولكن ندرة المواهب الكروية هي السبب ..!
وانت تعلم ان الموهبة صقل ولا تصنع ..
قطر هيئت كل ما يلزم لظهور المواهب ونحن في انتظار اجيال اسباير ..؟!

ريــاني
06-03-2010, 09:27
منتخبنا يحتاج للاستقرار من حيث اللاعبين

شوف من سنة 2004 لين 2010 كم لاعب لعب للمنتخب

فوق ال50 لاعب و هالشي غلط كبير

لازم تحافظ على توليفة وحدة

املنا كبير بمنتخب الشباب اللي كله قطريين وخريجي اسباير .. قادمين بقوة ان شاء الله


و بناء منتخب قوي يحتاج لوقت و للعلم منتخب يعتبر من اقوى 10 منتخبات في آسيا حالياً :)

يعني منتخبنا مب سيء لكن نطمح للافضل

. بوسالم
06-03-2010, 16:07
رايــك محترم واتفق معاك في كل النقاط

بصراحة اغلب لاعبينا يفتقرون للمهارات

حتى التجنيس يحتاج منتخب قوي ومن ثم تجنس بعض النواقص ـ مثلا تونس او بعض المنتخبات الاوروبية

عندنا كل شي غلط حتى في التجنيس (منتخب كامل مثل السلة والعاب القوى مجنسين !!)



اما بخصوص الدعم الكبير من المسؤولين , في اعتقادي كرة القدم وخاصة في المنتخب ماتحتاج كل هــ الدعم

المنتخب يبيله لاعبين يملكون مهارات ويتحلون بروح المسؤولية وهذا ينقص كل لاعبي المنتخب حتى القطريين


المنتخب يعني افضل اللاعبين في الدوري ولما يكونون هاللاعبين هم الافضل فشي طبيعي تكون هذي النتيجة

paronia
09-03-2010, 07:23
الروح , متى ما تواجدت عند لاعبينكم راح تشوف منتخب يقدم ,
لكن ما فيه ولاء للفنيله , لأن مثل ما ذكرت لاعبينكم من كل بقاع الأرض ,


كل التوفيق لقطر

CANNAVARO
10-03-2010, 11:14
.. انا ودي اضيف شغله مهمة :

انه نظام الدوري و6 محترفين بكل نادي ينزلون الملعب وعلى حد علمي حتى بالحراسه تقدر تشتري .. ترى مأثره حيل .. والدليل نتايج فرق قطر بأبطال اسيا .. والمنتخب بعد ..

ولـد قـطـر
10-03-2010, 21:26
^^

خبرك عتييج ! الحين النظام ٤ لاعبيين ،، ٣ اجانب + ١ اسيوي

والحراس .. ممنوع الاجانب !!



اتفق ان قلة المواهب هي السبب في تراجع المنتخب !

=)

Second line
10-03-2010, 22:38
04 احم احم من غير زعل ها :o ( مجنسين من كل بقاع الدنيا في منتخبكم )





لمتى التفكير بهالطريقه ؟
الرياضه صناعه يا عزيزي
وتجربة قطر غير مسبوقة وحديثه وهي في طور تصحيح الاخطاء ودراسة كل الطرق والحلول و النماذج

فكل الي صاير بالظروف الي تحيط بقطر الحين.. شيء متوقع وطبيعي ومو كلها سيئه بالعكس بعض الانجازات تفحط دول توصل مواصيلها ومع الوقت و الصبر بياتي بثماره ان شاء الله

وبدون زعل واحم احم انتم لولا بدون الخليج ما عرفتوا كاس الخليج ولا شميتوا ريحت آسيا
وهذي وجهة نظري الخاصه في موضوعك .