المساعد الشخصي الرقمي

مشاهدة النسخة كاملة : رابطة Google Android Os : Don't Be Evil



الصفحات : 1 2 3 4 5 6 7 8 9 [10] 11 12 13 14

MR.net
17-06-2012, 22:24
مستراوي بعد مادخلت عالم الاندرويد شنو شعورك في ابل

صج انه نظام الاندوريد عجبني وايد و تنوع الخيارات و و و
لكن الايباد غيييييييير

للحين ما اقدر انام الا لما استخدم ايبادي انام واهو يمي :p
الgames العب بايبادي
تويتر ما اتوت الا من ايبادي
الانستغرام استخدم انستغرام الايباد اصور بالجالكسي بس ادز الصور بالdropbox
برامج الي احتاجها كلها ايباد
حتى لما اتصفح انا بالفراش ايبادي

الي تغير بعد ما شريت الجالكسي
اني ما احتاج اخذ الايباد معاي كل مكان لما اطلع الجالكسي يفي بالغرض حق الجامعه والطلعات + كاميرة الجالكسي غير ما شاء الله تصويرها خيالي قمت استخدمها للتصوير

عواد الرسلاني
17-06-2012, 22:58
جهاز صخر مشالله

تعودنا عليه خلاص

xavi23 almashmoum
17-06-2012, 23:03
لازلت لم ولن اتقبل الاس3 ابدا

Goleador
18-06-2012, 00:20
الايباد الجهاز الي خلاني اشفط على اللاب توب ..
الايباد غير !! غير !!! والي عندهم الجهاز يعرفون معنى كلامي

لقيت له إحصائية .. الجهاز الوحيد بالعالم حصل على نسبة ١٠٠٪ من ملاّكه
وصلت نسبة التصويت اكثر من ٧٠٪

MR.net
18-06-2012, 00:55
الايباد الجهاز الي خلاني اشفط على اللاب توب ..
الايباد غير !! غير !!! والي عندهم الجهاز يعرفون معنى كلامي

لقيت له إحصائية .. الجهاز الوحيد بالعالم حصل على نسبة ١٠٠٪ من ملاّكه
وصلت نسبة التصويت اكثر من ٧٠٪


اكيد
بطارية تظل معاك اكثر من يوم + كل شي تحتاجه موجود + كل القنوات الي تبيها موجودة + وضوح خيالي + سريع + مايعلق + تقدر تسوي فيه كل شي
كفاية انه سبب في انتعاش سوق الاجهزه اللوحيه بعد ما كانت الاجهزة اللوحية فاشلة ومحد يقرب يمها



شرايك بالجزيرة سبورت ياحلو اشتراك مال مفت :p

عواد الرسلاني
18-06-2012, 01:37
^^^^

مادري الايباد ماجربته بس احس شلون تمسكه ولا تكتب ولا شنو تسوي

احس اللاب احسن تقدر تشبك وتشوف عيالك بالكام اذا مسافر وتطبع

Goleador
18-06-2012, 04:00
اكيد
بطارية تظل معاك اكثر من يوم + كل شي تحتاجه موجود + كل القنوات الي تبيها موجودة + وضوح خيالي + سريع + مايعلق + تقدر تسوي فيه كل شي
كفاية انه سبب في انتعاش سوق الاجهزه اللوحيه بعد ما كانت الاجهزة اللوحية فاشلة ومحد يقرب يمها



شرايك بالجزيرة سبورت ياحلو اشتراك مال مفت :p


اويلااااااااه .. والله احلى من التلفزيون !!! :p

الايباد ٢ .. كان على قولة القذافي .. ثورة ثورة


الرسلاني

تمسكه عادي .. وفي كفرات تثبته لك وتوقفه نفس اللاب .. والكتابه مسألة تعود
ايباد شكبره كل زر ٣ سانتي صعب عليك والجالكسي سهل ؟ : )

سالفة الكام الحين الكل عنده ايفون وفيس تايم محلوله ..
يعتبر لاب توب .. صغير وريشه وإحترافي .. وكشخه

xavi23 almashmoum
18-06-2012, 08:41
ك اجهزه لوحيه ايل افضل اما كا تلفونات الاندرويد افضل وجهت نظري


مستراوي متى ينزل الايفون اليديد

عواد الرسلاني
18-06-2012, 21:27
Goleador (http://diwania.alazraq.com/member.php?u=160274)

ماجربت الايباد يا غالي بس كنت اتصور جذي
انه اللاب توب اريح تقدر تقعد بالدوانيه ولا تنام وتطبع فيه بعكس الايباد
مع انه اللاب توب اغلى انا اللاب توب الي عندي شاريه والله ب500
بس اذا الايباد احسن انا متاذي من الشحن باللاب وصعب اخذه معاي باي مكان

الجلاكسي 3 بديت احبه :)

ننصح فيه بقوه مشالله مريح ولمن رديت مسكت 2 لواحد من الربع حسيت فرق
ترى فرق حتى بالبطاريه بشي ملحوظ وكبير وهذي كانت مشكلتي بس مع التو + الاختصارات اسهل توصل للي تبيه

xavi23 almashmoum
18-06-2012, 21:45
اليوم مسكت التو ياربييي فرق بكل شي احست تعقدت وانا ماسكه:p

عواد الرسلاني
18-06-2012, 21:50
صدقت يالمشموم

تصدق قسما بالله لمن كنت اجرب الون اكس والحين الثري
لمن امسك الايفون احس جنه بشار القديم مادري على شنو للحين يشترونه ب160

xavi23 almashmoum
18-06-2012, 22:02
بس يضل التو من افضل الاجهزه الي طبت عندي حبيته وايدد

عواد الرسلاني
18-06-2012, 22:46
شلون انقل البرامج الي ابيها للشاشه الاولى المتحركه
فيها برامج ما احتاجها بحط الي احتاجهم

xavi23 almashmoum
18-06-2012, 22:56
اعتقد تضغط على البرنامجوتقطه براا

عواد الرسلاني
18-06-2012, 23:10
حاولت يالمشموم تصير بس بالشاشه الثابته بس المتحركه مايصير اهي صوب الظبط بس مادري شلون

Goleador
18-06-2012, 23:23
تعطيك تقريباً ١٠ ساعات البطارية ..
الجهاز حق التصفح زين ..

-----

نقل البرامج من التطبيقات للواجهة الرئيسية ؟
نفس الـ ٢ اعتقد ماكو فرق

ضغط مستر عالبرنامج لغاية ما ينتقل للواجهة ولف يمين ولا يسار وحطه ..

عواد الرسلاني
18-06-2012, 23:28
بالتو كان تصيرالبرامج على الشاشه الاولى ؟ المتحركه الي توخرها بصبعك ماعتقد ماذكر كانت تصير هناك

حاولت اظغط علي البرنامج وانقله يصير بس بالثابته مو المتحركه

عواد الرسلاني
18-06-2012, 23:32
خلاص طلع البرامج الي بالشاشه الاولى رسم بس مو موجودين

+

لاحظت شغله بس ماعرفت لها للحين يصير تخفي اي برنامج تبيه يعني موجود بس مخفي

نفس الفايلات الي باللاب توب

Goleador
18-06-2012, 23:34
امبلا مداك نسيت لول .. بالجينجر بريد وبالايس كريم ساندويتش
ضغط مستمر على البرنامج وينزله لك بالشاشة الرئيسية

Goleador
18-06-2012, 23:35
عواد
في شاشتين
١. العاديه الاولى الي فيها الويدجيت
٢. شاشة التطبيقات والبرامج


انت تبي تنقل البرنامج بأي شاشة ١ ولا ٢ ؟

عواد الرسلاني
18-06-2012, 23:41
الي متحركه الاولى ال3 فيه برامج حاطين بس طلع بس صور رسم يعني بدون برامج

Bo Hashem
19-06-2012, 02:40
يا جماعه

الايسكريم ساندويش نزل على النوت .. انا عيزت ابي انزله كله يقولي مافيه ابديت ... شالسبب :(

xavi23 almashmoum
19-06-2012, 08:32
شلون اتنزله انت؟

عربـاويه
19-06-2012, 09:26
العاب القديمه نفس السيقا وغيره ...
Ps1&2 والعاب wii

موجوده باجهزة الجالاكسي تاب ..؟!؟

xavi23 almashmoum
19-06-2012, 09:52
في العاب بس 1 وسيقا ونتيندو بعد بس يبيلها شل شوي

عربـاويه
19-06-2012, 13:06
يبيلها شل شوي ..؟!؟

شنو يعني

عواد الرسلاني
19-06-2012, 13:14
المشموم الغالي الكيز الي نزلته للتو على اللاب امسحه .؟
وانزل واحد جديد لل3
وذكرني شلون الطريقه انا نسيت الكبر شين

xavi23 almashmoum
19-06-2012, 15:26
لا نفسه خله

عرباويه
غلطه مطبعيه اقصد شغل

oxygenya
19-06-2012, 15:27
قووووووووووه

منو عنده draw something ??

مانيو
19-06-2012, 15:28
ههههه خلصت هبته

xavi23 almashmoum
19-06-2012, 15:32
قووووووووووه

منو عنده draw something ??

لشو تسالين ؟

oxygenya
19-06-2012, 15:44
ههههه خلصت هبته


انا قلت منو عنده :)

oxygenya
19-06-2012, 15:45
خلاااص سحبت سؤاااالي

xavi23 almashmoum
19-06-2012, 16:15
يليت يكوةن شوي احترام يا شباب

MR.net
19-06-2012, 23:19
شفيكم شابين نااار


Draws some things للاسف هبه وانتهت
الكورس الي طاف معظم طلبة الكلية ايبون الايباد الجامعه ا ويلعبون اللعبه و للاسف انا كنت واحد منهم
كان عندي بريك ساعتين اقعد بالاب امسك الايباد واقعد العب وجبالي الكمبيوتر عشان اترجم الكلمات الي ما اعرفها :p


بس الهبه انتهت الحين الهبه صارت simsims

مانيو
20-06-2012, 00:02
شفيكم شابين نااار


Draws some things للاسف هبه وانتهت
الكورس الي طاف معظم طلبة الكلية ايبون الايباد الجامعه ا ويلعبون اللعبه و للاسف انا كنت واحد منهم
كان عندي بريك ساعتين اقعد بالاب امسك الايباد واقعد العب وجبالي الكمبيوتر عشان اترجم الكلمات الي ما اعرفها :p


بس الهبه انتهت الحين الهبه صارت simsims

زين قتلنا عاللعبة اليديدة

موجودة بالاندرويد

MR.net
20-06-2012, 00:07
زين قتلنا عاللعبة اليديدة

موجودة بالاندرويد

اهي مو لعبه
برنامج عبارة عن ROBOT اسمها SIMSIMS
تتكلم معظم اللغات
تكلمها وترد عليك كتابة
مثلا تقول لها شلون مانيو ترد عليك تقولك مانيو خوش واحد او او او او

الكل هاب فيها
البرنامج موجود في الapp store و google play

أساألها وين الماي :p

xavi23 almashmoum
20-06-2012, 09:43
اهي مو لعبه
برنامج عبارة عن ROBOT اسمها SIMSIMS
تتكلم معظم اللغات
تكلمها وترد عليك كتابة
مثلا تقول لها شلون مانيو ترد عليك تقولك مانيو خوش واحد او او او او

الكل هاب فيها
البرنامج موجود في الapp store و google play

أساألها وين الماي :p

عند المتيري :p

سافيولا
21-06-2012, 14:19
السلام عليكم

شباب انا شريت جلكسي اس 3

بس عندي مشكله الجهاز ما فيه عربي ابي اعربه شلون ؟

xavi23 almashmoum
21-06-2012, 15:08
من وين شاريه؟ وشلون مافي عربي

Goleador
21-06-2012, 15:11
العوضي

اللعبه بديت اشك انه الي يرد مو آلي ..
يخرب بيته كل شي يرد عليه

xavi23 almashmoum
21-06-2012, 15:14
ههههههههههههههههه حتى انا عجبني الوضع هههههههههههههههه

Goleador
21-06-2012, 15:17
^
كل شي جربت فيه ، لدرجة

اقوله مسلم البراك يقول ضمير الامه
اقوله ريال مدريد يقول نادي القرن
اقوله برشلونة يقول الجرذان

عواد الرسلاني
21-06-2012, 15:42
يالربع علمونا على الانستجرام حق العيال مو حقي لو حقي احط صوري يسكرون البرنامج

سويت لولدي حساب بس مو عارف انزل له صور بالجلاكسي كل مابي احط صور من الجهاز

تتغير الصوره الشخصيه بس ماني عارف اضيف صور

ياليت تعلمونا بالتفصيل لو سمحتوا بارك الله فيكم لانه اذاني

xavi23 almashmoum
21-06-2012, 15:58
عواد رديت عليك بالموضوع هناك

عواد الرسلاني
21-06-2012, 16:00
ادري شفت الرد المشموم

بس مافيه تفصيل شلون احط الصور من الجهاز

الخيارات كلها التقاط صوره واضافتها

لمن اضيف صوره تتغير الصوره الشخصيه بس

ابي اضيف صور من الجلاكسي موجوده

للصفحه مو للصوره الشخصيه

xavi23 almashmoum
21-06-2012, 16:15
اول ماتفتح البرنامج في خيارالت تحت صح ؟ بالوسط في علامه كامره طق عليها
راح تفتح الكامره وتحت خيارين الاول الي اهو الازرق تصور اما الييمه تطق عليه يفتح لك الاستديو تحتار منه الصوره بعد ماتختار راح يطلعلك الاخضر والاحمر اطق علىالا الاخضر

بعدها يحطون لك الصوره وفوق خيارات وتحت خيارات انت تختار التاثير الي تبيه لو حاب و بعدها على يدك اليمين اول شي فوق سهمين اطقهم خلاص تتحمل الصوره بل برنامج وسلامتك عواد باشا

عواد الرسلاني
21-06-2012, 16:22
كفو كفو يالذيب صار اوكي

انزين ليش يحددون لك حجم الصوره لازم تقصها .؟ قبل الحفظ بالبرنامج

MR.net
21-06-2012, 16:32
تبا وسحقا للجالكسي من شريته وانا معطي البلاكبيري 15-0
بعد ما كان 24 ساعه بيدي صرت مادري عنه احيانا انساه بالبيت و ان اخذته الجامعه ماطلعه من مخباتي الا اذا احد دق :p



العوضي

اللعبه بديت اشك انه الي يرد مو آلي ..
يخرب بيته كل شي يرد عليه

لوووول
انت تقدر تضيف سؤال وجواب
كل واحد يضيف اسأله عشان جذذي تحس فاهم
هذي ميزة البرنامج

MR.net
21-06-2012, 16:33
كفو كفو يالذيب صار اوكي

انزين ليش يحددون لك حجم الصوره لازم تقصها .؟ قبل الحفظ بالبرنامج

انستغرام اندرويد فاشل

انا اصور من جالكسي و ارفعهم عالdrop box واحط الصور عن طريق انستغرام الايباد او الايفون عشان اضيف الصورة كاملة

انستغرام الجالكسي يسوي زوم عالصورة ويخرب الوضوح تبا وسحقا له

MR.net
21-06-2012, 16:34
اليوم انصدمت صدمه يديده
رفيجي عنده جالكسي نوت
احذته سويت clear memory صار 270 من 800 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!

بس في فرق كبير بين تش واستجابة النوت و الاس 3
الاس 3 وايد اسرع بشكل ملحوظ

عواد الرسلاني
21-06-2012, 16:35
حسافه هذا عيب قوي بالبرنامج بالجلاكسي يعني مرات تبي الصوره كامله

xavi23 almashmoum
21-06-2012, 16:40
التو والنوت الرام رااحه موطبيعيه توقعت انه الثري بيكون جبار بكل شي لدرجه خفت اتحسف على الون اكس بس صدمني الثري عيوبه وايييد

اماالانستغرام موبس الانستغرام حتى لما تحط ويل بيبر لازم تقصا شوي بس ماشوف القص ياثر علىالوضوح خصوص انه المساحه كبيره وانت مصور اكل ولا كيك ولا ايشي ماياثر بس البرنامج اجراامي

7soon7ضيفوني:p

MR.net
21-06-2012, 20:32
^^
شلون ما يأثر

ان شاء الله بليل اراووويك الفرق شلون يخرب الصورة

xavi23 almashmoum
21-06-2012, 22:58
بس لما تصور مباشر وتحطها ماتقصها
بس اذا اخترتها من الاستديو تقصها

عواد الرسلاني
22-06-2012, 01:41
شغله حلوه بال3

تقدر تخلي الاضاءه بالاشعارات ملونه

كل شي تقدر تخلي له لون

مثلا الوتساب تحطه بنفسجي
والمكالمات الي لم يرد عليها برتقالي
والمسج احمر
جذي
شغله حلوه لمن تخلي تليفونك ومن بعيد تعرف شنو الي جايك مسج ولا وتساب ولا تليفون

xavi23 almashmoum
22-06-2012, 09:14
عشان تعرف ترد ولالا ها:p

Goleador
22-06-2012, 13:27
متعني يالرسلاني :p

عواد الرسلاني
22-06-2012, 13:55
صفوا النيّه hearteyes

xavi23 almashmoum
22-06-2012, 14:03
عواااااد

نيتي صافيه:p

قريبا يا ايسكريميوون بتصيرون جلييون:p

عواد الرسلاني
22-06-2012, 14:24
المشموم

حطيت الوتساب لون بنفسجي

وبصراحه رومانسي

ويجيب الشبهه

اقول

جمعة مباركه

xavi23 almashmoum
22-06-2012, 14:32
عواد موقلنا مصفين النييه ليش تيب الحجي لنفسك:p

حبيب عواد واللهانك على راسي

على طاري الوتساب ملاحظين الوتساب بلاندرويد تغيرر حييلللافضل

عواد الرسلاني
22-06-2012, 14:35
يسلم راسك يالمشموم والله انك حبيب وغالي

الوتساب ماتغير عندي مثل ما اهو بس الليت البنفسجي يخلي الواحد مراهق بالتسعين

xavi23 almashmoum
22-06-2012, 15:08
لا تغير الصور والستيت وجذي

عواد الرسلاني
22-06-2012, 15:44
المشموم الغالي شلون اخلي للانستجرام نغمه خاصه
ماتطلع عندي اذا فيه اشعارات الا افتح التليفون ويطلع شكل كامرا بس
ابي اسوي له نغمه بالتفصيل لو سمحت

xavi23 almashmoum
22-06-2012, 15:46
مافي نغمات بس صوره تطلعلك فوق اذااحد سوا لايك او علق على الصوره مافي لا نغمه ولاهزه

نزلو اس3 اسسود مادري اذا بينزل بالكويت ولالا

xavi23 almashmoum
22-06-2012, 21:18
http://cdn.pocketnow.com/wp-content/uploads/2012/06/one-xxl.jpg

القنبله القادمه من htc
One XXL

Goleador
23-06-2012, 02:25
متى ينزل ؟!

xavi23 almashmoum
23-06-2012, 09:48
لي الحين ماكو شي رسمي عنه

Sebastiian Deisler
23-06-2012, 14:18
يا رباااااااااااااااااه
شنو هالجهاز اس 3
توني استعكملته من ولد خالتي ..خياااااااااااااالي
بس فيه عيب ...إنه مو سميك مثل التو وينكسر بأي لحظه !!!!! حتى شفت الشلخ الاطار ماله سيء للصدمات ...
هالناحية هذي تخليني احتار أشتريه ولا لا

MR.net
23-06-2012, 16:32
متى ينزل ؟!

سنة الياية اكيد

MR.net
23-06-2012, 16:35
يا رباااااااااااااااااه
شنو هالجهاز اس 3
توني استعكملته من ولد خالتي ..خياااااااااااااالي
بس فيه عيب ...إنه مو سميك مثل التو وينكسر بأي لحظه !!!!! حتى شفت الشلخ الاطار ماله سيء للصدمات ...
هالناحية هذي تخليني احتار أشتريه ولا لا

للاسف الجهاز وايد حساس
طاح مني عالرصيف الايطار نزلق وصار فيه حفره
حطيت له كفر عشان اخفي الخفسة






الاطار الجانبي لونه فضي يتبدل ؟

xavi23 almashmoum
24-06-2012, 00:06
شباب منو يعرف برامج قويه حق الكامره اقصد برنامج تاثيرات

عواد الرسلاني
24-06-2012, 00:31
ال3 مشالله تمام خصوصا البطاريه

واذا على الطيحه انصح بالكفر الربل

لانه يحفظ الاطراف ومانصح بالكفر البلاستيك لان راح ينكسر

الجهاز مو حساس لكن لانه ثقيل شوي شي طبيعي لمن يطيح ينكسر

xavi23 almashmoum
24-06-2012, 00:37
مو قتلكم خلكم من اغسالات محد طاع:p

عواد الرسلاني
24-06-2012, 00:43
الغالي المشموم

الجهاز صخر

خصوصا الليت البنفسجي

MR.net
24-06-2012, 02:30
ودي اعطيكم ايقاف
واكتب السبب : نية غير صافية تبا وسحقا لكم

MR.net
24-06-2012, 02:32
لاحظت شغله بايخه
ليش ترتيب الtop free مايتغير
من شريت الجهاز البرامج بنفس الترتيب والمراكز
ليش مو مثل الستور كل يوم او يوم وشي يتغير ىالترتيب

معقوله مافيه برامج يديده !!!

xavi23 almashmoum
24-06-2012, 11:02
عواد

ذابحك البنفسجي ههههههههههه

مستر
قوقل بلاي مومثل الاب ستور تقدر تسويلك اكاونت امريكي ولاكويتي ولابريطاني لا
قوقل بلاي كل دوله لها ستور بروحه وماتقدر ادش على الستور الامريكي مثلا

بعدين دش على topnew تلاقي اشياء يديده:p

القلب الحزين
24-06-2012, 19:59
تقدر ادش على الاكاونت الامريكي ، بس لازم يكون بجهازك روت

Sebastiian Deisler
24-06-2012, 23:46
يا جماعة عندي اس تو .... اتوكل على الله واشتري الثري ولا أنطر.!؟
المشكلة بالثري إلي لاحظته إنه خفيف ويتكسر ..

Goleador
24-06-2012, 23:59
حتى الاس ٢ .. خفيف ومعرض للكسر

Sebastiian Deisler
25-06-2012, 00:11
لا كحماية أقوى وياما طاح مني طيحات جايدة وما صار فيه شي عكس اطار الثري ..لمسته ويخوفني ..خفيفه حيل

هذا إلي مخليني أتررد ولا كجهاز لا يعلى عليه

عواد الرسلاني
25-06-2012, 05:19
توكل واخذه واذا على انه خفيف حط له كفر ربل راح يحمي اطراف الجهاز من اي طيحه ويكون الكفر زايد فوق الاطار

xavi23 almashmoum
25-06-2012, 11:13
الثري راح ياذييك بسالفه الرامم وايد راح يطلعلك فورس كلوز

Sebastiian Deisler
25-06-2012, 12:27
توني محاجي فني كان عنده ثري ولما بقيت اساله ولا باع جهازي لأن قال في مشكلة بالصوت مع الطرف الثاني يسمعك كأنك بعيد...صارت وياكم هالشي.؟

Sebastiian Deisler
26-06-2012, 17:51
الحمدالله شريته
http://t.co/EpM8Ggn6
http://t.co/eXW6xSeM

الون الأزرق لا يعلي عليه
وبأنتظار نزول الكفر بشهر 7
http://www.shopandroid.com/otterbox-commuter-series-case/4A123A11562.htm

محتار بين اللونين الأسود والفسفوري

عواد الرسلاني
26-06-2012, 17:58
^^^^^^

فيه كفر عجيب من جلكسي بس مادري ليش سعره غالي

ب20

يبيعه واحد يجيبهم من بره بس مادري موجود بالوكيل بالكويت او لا

عواد الرسلاني
26-06-2012, 18:40
هذي صورته بس سعره مبالغ فيه الي عنده فكره نازل بالشركه ولا لا
http://img27.imageshack.us/img27/1384/10484255.jpg
http://img35.imageshack.us/img35/233/35186759.jpg

http://img15.imageshack.us/img15/6683/61911202.jpghttp://img262.imageshack.us/img262/2719/68587684.jpg

Sebastiian Deisler
26-06-2012, 20:26
إلي يبيعه فيصل بمزاد الكويت
من العام يبيع اكسسوارات سامسونج لما ماكانت موجودة بالديرة

ماراح اخذه لأنه مبالغ حييييييييييل
انا باخذ بوطقه اعبر عليه ليما ينزل otter

عواد الرسلاني
26-06-2012, 21:01
طبعا مو معقوله 20 والجهاز كله ب190

انا خذيت من الكفرات الي بالمجمع الي جبال المرينا

ب3 بس عجبني هذا لو سعره معقول

مادري ينزلونه البابطين ولا لا

MR.net
26-06-2012, 22:18
توني محاجي فني كان عنده ثري ولما بقيت اساله ولا باع جهازي لأن قال في مشكلة بالصوت مع الطرف الثاني يسمعك كأنك بعيد...صارت وياكم هالشي.؟

هذي مو مشكلة
الجهاز فيه ميزة اسمها خفض الضوضاء

اذا فعلتها الطرف الثاني ما يسمعك
تقدر تسكرها من الSetting

MR.net
26-06-2012, 22:18
بالنسبة للكفرات

انا شريت من شرق كفر مو اصلي اقزر فيه على ما اطيح لي على كفر سنع

اسم الكفر calaxy s3 بدينارين اشكره تقليد :p

xavi23 almashmoum
26-06-2012, 22:29
شباب بني جالكس:p شلون الجهاز معاكمم وشنو عيوبه عشان واحد من الشباب بياخذه

عربـاويه
27-06-2012, 08:16
http://ecx.images-amazon.com/images/I/51tEZfPAe5L._AA300_.jpg

ليش ما تطلبون مجموعة كفرات من أمازون جنه أرخص ..
http://www.amazon.com/SPIGEN-SGP-Leather-Samsung-SGP09219/dp/B0089YMX2M/ref=pd_bxgy_e_img_b

هذا 39.99 دولار = 11 دينار

عربـاويه
27-06-2012, 10:33
http://im23.gulfup.com/2012-06-27/1340782592261.jpg

طلبته من ايبي واليوم وصل ... سماعته قــويه :)
شغلته بالأيفون ( خيانه ) :p:D

xavi23 almashmoum
27-06-2012, 11:20
http://im23.gulfup.com/2012-06-27/1340782592261.jpg

طلبته من ايبي واليوم وصل ... سماعته قــويه :)
شغلته بالأيفون ( خيانه ) :p:D

ايا خايينه:p

Sebastiian Deisler
27-06-2012, 20:18
http://ecx.images-amazon.com/images/i/51tezfpae5l._aa300_.jpg

ليش ما تطلبون مجموعة كفرات من أمازون جنه أرخص ..
http://www.amazon.com/spigen-sgp-leather-samsung-sgp09219/dp/b0089ymx2m/ref=pd_bxgy_e_img_b

هذا 39.99 دولار = 11 دينار
انا بانتظار otter أقوى كفر حماية للجلكسي 3 بالنسبة لي لأني أرتاح مع منتجاتهم وراح ينزل بالسوق شهر 7

xavi23 almashmoum
27-06-2012, 23:43
- التركيز بشكل كبير على تحسين سلاسة النظام بسرعة 60 صورة بالثانية ( 60fps ).
- التركيز على الواجهه والضبط التلقائي لحجم الويدجت.
- تطوير متصفح كروم وإضافة خصائص جديدة هو المتصفح الرسمي.
- الكيبورد الجديد في جيلي بين يقوم بالتنبؤ بالكلمات التالية.
- إمكانية الكتابة عن طريق الصوت بدون إنترنت.
- تحسين اللغة العربية في جيلي بين بالإضافة الى لغات اخرى.
- تطوير خاصية المشاركة اللاسلكية ( NFC ) ودعم الإقتران مع أجهزة بلوتوث .
- الجديد في تطبيق الكاميرا الأساسي، فقد أصبحت معاينة الصور بطريقة جديدة وسريعة جداً.
- تطوير خرائط جوجل وإضافة خاصية عمل الخرائط بدون إنترنت.
- أصبحت التنبيهات في جيلي بين تعرض المزيد من المعلومات المفيدة.
- واجهة بحث جديدة، وأصبحت الإجابة صوتياً دقيقة ومختصرة وذكية.

مواصفات جلي بين 4.1

عواد الرسلاني
28-06-2012, 01:20
انا بانتظار otter أقوى كفر حماية للجلكسي 3 بالنسبة لي لأني أرتاح مع منتجاتهم وراح ينزل بالسوق شهر 7

اذا نزل يالغالي قولي لاني مو مرتاح مع الكفر الي عندي حاليا

xavi23 almashmoum
28-06-2012, 10:27
- التركيز بشكل كبير على تحسين سلاسة النظام بسرعة 60 صورة بالثانية ( 60fps ).
- التركيز على الواجهه والضبط التلقائي لحجم الويدجت.
- تطوير متصفح كروم وإضافة خصائص جديدة هو المتصفح الرسمي.
- الكيبورد الجديد في جيلي بين يقوم بالتنبؤ بالكلمات التالية.
- إمكانية الكتابة عن طريق الصوت بدون إنترنت.
- تحسين اللغة العربية في جيلي بين بالإضافة الى لغات اخرى.
- تطوير خاصية المشاركة اللاسلكية ( NFC ) ودعم الإقتران مع أجهزة بلوتوث .
- الجديد في تطبيق الكاميرا الأساسي، فقد أصبحت معاينة الصور بطريقة جديدة وسريعة جداً.
- تطوير خرائط جوجل وإضافة خاصية عمل الخرائط بدون إنترنت.
- أصبحت التنبيهات في جيلي بين تعرض المزيد من المعلومات المفيدة.
- واجهة بحث جديدة، وأصبحت الإجابة صوتياً دقيقة ومختصرة وذكية.

مواصفات جلي بين 4.1

+
المتصفح الاساسي راح يكون كرووم

امس اول ماخلص المؤتمر نزلت ابديتات لقوقل ماب ويوتيوب وستريت فيوو

xavi23 almashmoum
29-06-2012, 03:52
انصحكم تنزلون متصفح كرووم اندرويد قوي وعجييب وافضل المتصفح الرئيسي

Goleador
29-06-2012, 06:01
سويت اب ديت لمتصفح اكروم
وصارت خربطه بالاحرف مو قادر اقرا

قبل كان الوضع تمام

xavi23 almashmoum
29-06-2012, 11:47
انا امس نزلته ااوك الوضع وعجيب المتصفح

Sebastiian Deisler
29-06-2012, 15:02
اذا نزل يالغالي قولي لاني مو مرتاح مع الكفر الي عندي حاليا
أوكي تم


متصفح الكروم عال العال مافيه اي مشاكل

لاحظت شغله إني ما اقدر اقتبس بالأيسكريم سندويش .؟
شلون طريقة لصق وقص .؟ مو مثل خبر الزنجبيل

xavi23 almashmoum
29-06-2012, 15:27
عادي حدد وانسخ

بنيبه حق الكروم عجييب المحتذه في حلوه يمشي معاك لي الاخير اماالمتصفح الاساسي يوقف وتظطر اطق انتر تكتب تحت

king of castle
30-06-2012, 17:48
شباب جربتو الدروب بوكس ؟؟؟

نصيحة الي ما جربه يجربه ويفعله على الجالاكسي

وياخذ ال50 جيجا شي قوي والله

MR.net
30-06-2012, 18:44
الدروب بكس بالنسبة لي صار اهم من الهاردسك و الفلاش ميميري

ماقدر استغني عنه

مانيو
30-06-2012, 19:16
شنو الدروب بوكس

عطونا نبذة عنه

MR.net
30-06-2012, 19:56
شنو الدروب بوكس

عطونا نبذة عنه

الدروب بوكس عبارة عن هاردسك (مثل الهاردسك الخارجي ) بس بالنت
الي تحطه بالدروب بوكس يكون مخزن بالنت
تقدر تفتح ملفاتك باي جهاز
اهم شي يكون فيه نت

يغنيك عن شيلة الهاردسك الخارجي او فلاش ميميري و يفكك من ازمه الفيروسات

وايد مريحني بالجامعه فكني من الفلاشات

مانيو
30-06-2012, 20:07
انزل فيه الافلام الي عندي والمسلسلات وغيره ؟؟

شلون اشترك فيه هذا ؟؟

+ انا سمعت انا لاب توب قوقل راح يكون فاضي
ما فيه الا قوقل كورم والباجي هاردسك على الانترنت
مثل دروب بوكس الي تتكلم عنه

عربـاويه
30-06-2012, 20:14
عاجبني لون الازرق اهني سعره 205

برا ايبي 187 + 3.150 + 2 = 192.150 دك

http://www.ebay.com/itm/Samsung-Galaxy-S3-III-I9300-16GB-Pebble-Blue-Unlocked-3G-US-New-STOCK-NOW-/390435222885?pt=Cell_Phones&hash=item5ae7c0b565

ينفع ..؟!

MR.net
30-06-2012, 21:54
انزل فيه الافلام الي عندي والمسلسلات وغيره ؟؟

شلون اشترك فيه هذا ؟؟

+ انا سمعت انا لاب توب قوقل راح يكون فاضي
ما فيه الا قوقل كورم والباجي هاردسك على الانترنت
مثل دروب بوكس الي تتكلم عنه

يصير كل شي
بس الافلام والمسلسلات احجامها عالية
تاخذ وقت ىطويل على ما ترفع وتنزل
ماتستفيد حق الافلام الا اذا عندك نت سريع


مادري والله نظام كروم ماعرف عنه شغلات وايد
الي اعرفه كيبورده راح يكون غير
اعتماده الكلي عالنت
و شركة ساسمونغ راح تنزل جهاز
نظام خفيف وايد خفيف

MR.net
30-06-2012, 21:56
عاجبني لون الازرق اهني سعره 205

برا ايبي 187 + 3.150 + 2 = 192.150 دك

http://www.ebay.com/itm/Samsung-Galaxy-S3-III-I9300-16GB-Pebble-Blue-Unlocked-3G-US-New-STOCK-NOW-/390435222885?pt=Cell_Phones&hash=item5ae7c0b565

ينفع ..؟!

حسبتج غلط اراميكس رفعوا اسعارهم


شوفي هالموقع
http://www.saletab.com/samsung-siii.html

ازرق + توصيل اراميكس خلال يومين بلاش = 174 دينار

عواد الرسلاني
30-06-2012, 22:29
جلاكسي راح تنزل لاب توب وسعره بالمتناول للجميع ومواصفاته عاليه

MR.net
30-06-2012, 22:46
جلاكسي راح تنزل لاب توب وسعره بالمتناول للجميع ومواصفاته عاليه

مو ساسمونغ

google nexus شركة Asus اهي راح تكون مسؤولة

سعر الجهاز 200 دولار 8GB

مافي كامرة خلفية و لا 3G


تقريبا سعره 60 دينار في احتمال كبير اخذه ان شاء الله

عربـاويه
30-06-2012, 22:51
حسبتج غلط اراميكس رفعوا اسعارهم


شوفي هالموقع
http://www.saletab.com/samsung-siii.html

ازرق + توصيل اراميكس خلال يومين بلاش = 174 دينار

جم صار ..؟!

+
16 قيقا كافي ؟؟!

xavi23 almashmoum
30-06-2012, 22:54
عرباويه اخذي من الكوييت عشان يكون معررب ترا مومثل الايفون

Goleador
01-07-2012, 01:43
العوضي حط لنا مواصفات لاب قوقل ماعليك أمر ..

متى ينزل نوت 2 ؟
الظاهر بيشفط للأس 3 ..

إذا ما عجبني .. بـ أنتظر أكتوبر ايفون الجديد

بالنسبة لـ أختنا عرباوية ..
شيل عارضين الجهاز بـ 177 د.ك فقط
أرخص سعر بالكويت ونسخة الشرق الأوسط والكفالة على شركة تابعه لهم

توكلي على الله وأخذيه
مستر نت شرا واحد منهم ويقول مافي فرق كلش ..

مانيو
01-07-2012, 01:58
لاب توب قوقل راح ينزل نوعين
سامسونغ وايسر
اسعارهم محدودة اغلاهم ٣٠٠

راح تكون عندهم خاصية cloud
الي يسمونها الغيمة
اللاب توب راح يكون فاضي ما فيه الا قوقل كورم
يعني سرعة اللاعب توب خيالية
اما البرامج الي المفروض يكونون بجهازك
راح يكونون موجدين بالكلود
الي اهي السحابة
تدش على الانترنت تاخذ تبطل البرنامج الي تبيه يتبطل لك
وبجذي سرعة الجهاز بتم مثل ما اهي سريعة
بالتالي حتى سرعة النت وسرعة البرامج بتكون قصوى
لأنه اللاب فاضي

بالنسبة للجهاز راح يكون سمكه ضعيف حيل
يعني الجهاز تقريبا اقل من سمك الايفون
ومثل سمك الجلاكسي تقريبا

مانيو
01-07-2012, 02:10
احد جرب Google Drive

xavi23 almashmoum
01-07-2012, 05:53
النوت تقريبا على شهر10 بس حجمه مبالغ في حيل 5.5

Goleador
01-07-2012, 06:45
يسوى هاللاب توب ؟

الي فهمته من دون إنترنت ما تقدر تشتغل عليه ..

عربـاويه
01-07-2012, 07:31
العوضي حط لنا مواصفات لاب قوقل ماعليك أمر ..

متى ينزل نوت 2 ؟
الظاهر بيشفط للأس 3 ..

إذا ما عجبني .. بـ أنتظر أكتوبر ايفون الجديد

بالنسبة لـ أختنا عرباوية ..
شيل عارضين الجهاز بـ 177 د.ك فقط
أرخص سعر بالكويت ونسخة الشرق الأوسط والكفالة على شركة تابعه لهم

توكلي على الله وأخذيه
مستر نت شرا واحد منهم ويقول مافي فرق كلش ..

أبي لون الازرق :>

Goleador
01-07-2012, 08:04
لا الابيض بس اتوقع ..

MR.net
02-07-2012, 00:59
جم صار ..؟!

+
16 قيقا كافي ؟؟!


http://www.frankom.com/?p=35135



الازرق موجود عند البابطين ب189 و عند الكتروزان نفس السعر



اي كفاية لأنه الجهاز يدعم micro sd up to 64GB

MR.net
02-07-2012, 01:04
لاب توب قوقل راح ينزل نوعين
سامسونغ وايسر
اسعارهم محدودة اغلاهم ٣٠٠

راح تكون عندهم خاصية cloud
الي يسمونها الغيمة
اللاب توب راح يكون فاضي ما فيه الا قوقل كورم
يعني سرعة اللاعب توب خيالية
اما البرامج الي المفروض يكونون بجهازك
راح يكونون موجدين بالكلود
الي اهي السحابة
تدش على الانترنت تاخذ تبطل البرنامج الي تبيه يتبطل لك
وبجذي سرعة الجهاز بتم مثل ما اهي سريعة
بالتالي حتى سرعة النت وسرعة البرامج بتكون قصوى
لأنه اللاب فاضي

بالنسبة للجهاز راح يكون سمكه ضعيف حيل
يعني الجهاز تقريبا اقل من سمك الايفون
ومثل سمك الجلاكسي تقريبا

احس انها فكره فاشلة

كل هذا يحتاج حق سرعه نت محترمه وتحتااج سرعه ابلود عالية عشان تخزن ملفاتك
ما شاء الله الابلود بالكويت خيالي :p

مادري ليش تذكرت خدمه onlive
جهاز صغير توصله بالكمبيوتر او التلفزيون يشغل لك الالعاب اليديده حتى لو كانت مواصفات جهازك عادية
من خلاله يصير اطالع اخر الالعاب الي نزلت و اجربها واشتري و العب اونلاين و و و و و و و
بس يحتاج سرعه نت عالية من غير سرعه نت ما يشتغل

نزلت نسخه منه حق الايباد يشغل الاوفس مثل الكمبيوتر
جربته على نت مدى السرعه ماتت 8MB ما اشتغل يقول لي النت ضعيف
ماضبط معاي

عربـاويه
02-07-2012, 08:40
http://www.frankom.com/?p=35135



الازرق موجود عند البابطين ب189 و عند الكتروزان نفس السعر



اي كفاية لأنه الجهاز يدعم micro sd up to 64GB

مو راضي يفتح الموقع :/

MR.net
02-07-2012, 19:49
مو راضي يفتح الموقع :/

شغال 100%
http://www.aramex.com/ec/link.aspx?c=510&r=328811&t=http%3a%2f%2fwww.shopandship.com%2fcontent%2fupl oads%2f110%2f217%2f44366%2fkw-customs-calculator.xls

xavi23 almashmoum
03-07-2012, 01:33
صح اخذي من البابطين افضل كفاله وهم نسخه الشرق الاوسط بدال لا تطلبنه من برا وتتوهقين فيي

مانيو
03-07-2012, 01:54
احس انها فكره فاشلة

كل هذا يحتاج حق سرعه نت محترمه وتحتااج سرعه ابلود عالية عشان تخزن ملفاتك
ما شاء الله الابلود بالكويت خيالي :p

مادري ليش تذكرت خدمه onlive
جهاز صغير توصله بالكمبيوتر او التلفزيون يشغل لك الالعاب اليديده حتى لو كانت مواصفات جهازك عادية
من خلاله يصير اطالع اخر الالعاب الي نزلت و اجربها واشتري و العب اونلاين و و و و و و و
بس يحتاج سرعه نت عالية من غير سرعه نت ما يشتغل

نزلت نسخه منه حق الايباد يشغل الاوفس مثل الكمبيوتر
جربته على نت مدى السرعه ماتت 8MB ما اشتغل يقول لي النت ضعيف
ماضبط معاي




مميزات و مواصفات لابتوب بنظام نظام تشغيل كروم الجديد من قوقل

http://www.google-world.info/wp-content/uploads/chromebook-samsung.jpg (http://www.brooonzyah.net/vb/)

س) إذاً قامت جوجل بصنع جهاز كمبيوتر محمول ؟
ج) في الواقع ليس تماماً ، “سامسونج” و “ايسر” هما اللتان قامتا بصنع جهاز كمبيوتر محمول “لابتوب” يسمى بـChromebooks والذي يعمل على نظام تشغيل “كروم” الخاص بجوجل ، وسيكون متوفراً في الاسواق في 15 يونيو القادم .

س) نظام تشغيل “كروم” ؟ إذا هو ليس نظام تشغيل “ويندوز” أو “ماك” ؟
ج) لا ، ليس نظام تشغيل “ويندوز” أو “ماك” ، “كروم” هو نظام تشغيل جديد يتبع لجوجل .

س) كيف يعمل نظام تشغيل “كروم” ؟ هل هو يختلف كثيراً عن أنظمة التشغيل الأخرى ؟
ج) في الواقع نظام تشغيل “كروم” يختلف تماماً عن باقي أنظمة التشغيل الأخرى ، انه في الاساس مستعرض ويب ، لا أكثر ولا أقل ، وكل شيء يعمل ويتم تشغيله داخل هذا المستعرض أو المتصفح ، ليس هناك سطح مكتب ، ولا محرك أقراص صلبة .

س) ألا تعتقد أن هذا غريب نوعاً ما ؟ كل شيء بداخل متصفح انترنت؟
ج) فعلا انه اختلاف جذري عن ما اعتدناه ، حاول التفكير في ذلك بهذه الطريقة ربما ستوضح الفكرة أكثر : ستستخدم الويب ليس فقط لتصفح المواقع ولكن ايضاً لإرسال البريد الالكتروني ، وللقيام بعملية معالجة النصوص والصور وادارة حسابك البنكي ، وكل الأشياء الاخرى التي نستخدمها في حياتنا اليومية . ثم بعد التفكير في ذلك ، هل تعتقد حقاً بأنك ستكون بحاجة لكل تلك الأشياء الاضافية الموجودة في نظام تشغيل “ويندوز” أو “ماك” ؟

س) حسناً ، أنا اتفق معك في ذلك ، لكن اريد توضيح أكثر ماذا يحدث عندما أقوم بتشغيل جهاز Chromebook ؟ وماذا سيحدث بعد ذلك أيضاً ؟
ج) عدما تقوم بتشغيل جهاز Chromebook فإنه سيعمل بسرعة كبيرة (أكثر من أجهزة الكمبيوتر التقليدية التي تعمل على أنظمة التشغيل الأخرى) ، وستظهر لك شاشة تسجيل الدخول ، ومن هناك يمكنك إدخال اسم المستخدم وكلمة المرور الخاصة بك في حساب جوجل (إن كان لديك حساب جي ميل سيؤدي الغرض) ، وإن لم يكن لديك حساب في جوجل يمكنك حينها تسجيل الدخول كضيف .
وعندما تقوم بتسجيل الدخول سيظهر أمامك متصفح الويب “كروم” الخاص بجوجل ، والذي يستطيع استعماله مستخدمي “ويندوز” و “ماك” منذ حوالي عام ونصف ، لن يكون هناك تطبيقات وبرامج اخرى لتستخدمها ، المستعرض هو كل شيء !

س) إذا .. أين هي ملفاتي ؟
ج) Chromebooks يحتوي على فتحة لإدخال بطاقة ذاكرة (اختيارية) ، ويوفر الجهاز مدير ملفات للوصول إلى البيانات المحفوظة في تلك الذاكرة ، ولا يوجد لـChromebooks قرص صلب خاص به .



وعلى افتراض انك ستحتاج إلى تخزين أحد الملفات النصية ، فيمكنك تخزينها في خدمة “مستندات جوجل” ، رسائلك البريدية ستقوم بإرسالها واستقبالها عبر “جي ميل” أو “ياهو” فقط ، أما صورك يمكنك تخزينها على خدمة “بيكاسا” أو “فليكر” .

س) ولكن ألا يوجد هناك برامج أخرى ؟
ج) في الحقيقة لا ، لكن يوجد معرض تطبيقات لـ”كروم” ، فمثلاً ستجد هناك تطبيق لخدمة “مستندات جوجل” لتحرير النصوص ، ولكنها لا تختلف كثيراً عن موقع “مستندات جوجل” المتوفر على الانترنت الآن ، وهناك أيضاً ألعاب في ذلك المعرض ، لذلك يمكنك أن تلعب (الطيور الغاضبة) مثلاً لكن لا تتوقع أن تجد ألعاب ضخمة مثل (كول اوف ديوتي) !

س) إذا لا بد من أن يتوفر لدي اتصال بالانترنت ؟
ج) نعم ، وسوف يباع جهاز Chromebooks وهو مزود بخدمة الانترنت اللاسلكي (واي فاي) .

س) انتظر لحظة ، ربما أكون في مكان لا يتوفر فيه اتصال لاسلكي بالانترنت ، إذا عندها يصبح Chromebooks بلا فائدة ؟
ج) ليس تماماً ، فبعض تطبيقات “كروم” تعمل دون الحاجة للاتصال بالانترنت ، وجوجل قالت بأن خدمة “مستندات جوجل” وبريد “جي ميل” ستعمل دون الاتصال بالانترنت ، وجميع الالعاب المتوفرة في معرض التطبيقات ستعمل دون اتصال ، لكن لا تنسى بدون توفر اتصال بالانترنت ، Chromebooks لن يعطيك حريتك الكاملة !

س) اخبرني تفاصيل أكثر عن الجهاز
ج) في البداية سيكون هناك جهازين من Chromebooks ، الأول خاص بـ”ايسر” ، ويحتوي على شاشة 11.6 بوصة ، ويزن حوالي 2.95 باوند ، وسيبدأ سعره بـ349 دولار أمريكي . أما جهاز Chromebook الخاص بـ”سامسونج” والذي اطلقت عليه اسم (سيرياس 5) يحتوي على شاشة 12.1 بوصة ، ويزن حوالي 3.25 باوند ، ويبلغ سعره 429 دولار أمريكي لنموذج الواي فاي ، و 499 دولار لنموذج الجيل الثالث .

مانيو
03-07-2012, 02:05
http://www.youtube.com/watch?v=DazdIFMbC_4&feature=player_embedded


٨ ثواني والجهاز يفتح اذا كنت مسكره

Sebastiian Deisler
03-07-2012, 21:00
في جهاز الاس تو لما اتحجى بالتلفون النت ما يفصل معاي واشبك وادش مواقع

بس عكس الاس ثري كل ما يحاجيني واحد ما اقدر استخدمها

شنو السبب!؟

عربـاويه
05-07-2012, 20:01
أنضمنا معكم .. :D

http://im29.gulfup.com/2012-07-05/1341507953261.jpg

الحين اذا ابي اشتري العاب بفلوس ...
فيزا ولا لهم بطاقه نفس الايتونز ..؟!

عربـاويه
05-07-2012, 20:26
+
وين أحصل
USB Host Mode OTG Cable

لي أقدر احط فلاش ميموري أو كيبورد أو joystick ..إلخ

xavi23 almashmoum
06-07-2012, 01:09
لافيزا ولا ايتونز من الفون دشي قوقل وايشي تبينه
بتلاقينه اببلاش
واي شرح انا حاظر

عربـاويه
06-07-2012, 10:04
لافيزا ولا ايتونز من الفون دشي قوقل وايشي تبينه
بتلاقينه اببلاش
واي شرح انا حاظر

الحين قاعده العب Where's My Water (https://play.google.com/store/apps/details?id=com.disney.WMWLite&feature=search_result) بلاش اذا ابي ادش مراحل ثانيه لازم اشتري شكتب بقوقل ..!!؟

قوقل قصدك play.google.com ؟ + بهل الموقع العاب وبرامج ماحصله بتلفوني .. ليش؟!

مثل
SuperGNES Lite مو موجوده بالجهاز

عواد الرسلاني
06-07-2012, 13:41
للحين نبي كفر عليه القيمه ماكو للاسف
الكفرات بمجمع 360 ماتسوى وتنباع على 10
والي بمحلات التليفونات فاشله

عربـاويه
06-07-2012, 15:55
للحين نبي كفر عليه القيمه ماكو للاسف
الكفرات بمجمع 360 ماتسوى وتنباع على 10
والي بمحلات التليفونات فاشله

شوف هذيل

http://www.cavaratmall.com/category.php?id_category=118

أو

http://www.cavaraty.com/site/mobile/293/

xavi23 almashmoum
06-07-2012, 19:46
لا عرباويه اقصد ادشين قوقل ومثلا تكتبينwheremy water.apk تلاقينها بفورد شير ولا ايموقع تحميل مجانا كامله
احسن مواقع فورد شير وميقا فاير وبعد في واحد نسيت اسمه المهم انه سهلين ادشين قوقل واسم البرنامج.الي تبينه بتلاقينع محمل في واحد منهم بستاكدي انه خاصيه انح تزلين من غير الماركت شغاله اهي بل ستنق صوب الابلكيشن اعتقد

عربـاويه
06-07-2012, 20:20
لا عرباويه اقصد ادشين قوقل ومثلا تكتبينwheremy water.apk تلاقينها بفورد شير ولا ايموقع تحميل مجانا كامله
احسن مواقع فورد شير وميقا فاير وبعد في واحد نسيت اسمه المهم انه سهلين ادشين قوقل واسم البرنامج.الي تبينه بتلاقينع محمل في واحد منهم بستاكدي انه خاصيه انح تزلين من غير الماركت شغاله اهي بل ستنق صوب الابلكيشن اعتقد

شلون انزله على تلفوني من كمبيوتر للتلفون بالusb ..؟! واي ملف أحطه

xavi23 almashmoum
06-07-2012, 23:48
نزلليه بفونج عطول ليش الكبيوتر

MR.net
07-07-2012, 02:06
في اكثر من برامج مثل الانستولس كله برامج والعأب مكركه بلاش

مثل
mobilism market
و
ce4arab هالبرنامج تابع جق منتداهم
و
في برنامج ياباني نسيت اسمه كل شي تبونه تحصلونه داخل بس مشكلته ياباني

او في طريقة دايما استخدمها تغني عن كل هالبرامج

انزل البرنامج عالكمبويتر وبعدها احطه بالDROPBOX

افتح الدروب بوكس من الجالكسي وانزل البرنامج

xavi23 almashmoum
07-07-2012, 02:17
وانا كل شغلي بالفون ادش قوقل بالفون واكتب اي برنامج ابيه وانزله دانولود على طول لا احوله من جهاز لي جهاز ويوس ابي وحوسه ليش:p

عربـاويه
07-07-2012, 12:30
+
وين أحصل
USB Host Mode OTG Cable

لي أقدر احط فلاش ميموري أو كيبورد أو joystick ..إلخ

...........................

De Rossi
07-07-2012, 12:35
عرباويه
الـ USB
شريته من واحد ينقاله " بويوسف " يبيع كفرات و بطاريات اضافيه و شحن اضافي و حمايه و وايد اغراض حق الجلكسي و غيره
الـ usb شريته منه بدينار و وصلت فيه فلاش ميموري و اشتغل تمام

نظامه يتفق مع الزبون على مكان و سلم و استلم :p
انا طلبت منه جم شي و واعدته عند جمعيه الرميثيه قالي بعد ساعتين أييلك
فـ خلي السايق و لا واحد من اخوانج يروحله :p
تبين ؟

عربـاويه
07-07-2012, 12:44
عرباويه
الـ USB
شريته من واحد ينقاله " بويوسف " يبيع كفرات و بطاريات اضافيه و شحن اضافي و حمايه و وايد اغراض حق الجلكسي و غيره
الـ usb شريته منه بدينار و وصلت فيه فلاش ميموري و اشتغل تمام

نظامه يتفق مع الزبون على مكان و سلم و استلم :p
انا طلبت منه جم شي و واعدته عند جمعيه الرميثيه قالي بعد ساعتين أييلك
فـ خلي السايق و لا واحد من اخوانج يروحله :p
تبين ؟

اي...
عطني رقمه

MR.net
07-07-2012, 14:19
التصفح + الاله الحاسبة

ميزتين يخلوني احب الاندوريد اكثر واكثر

De Rossi
07-07-2012, 14:53
اي...
عطني رقمه

http://mazadq8.com/vb/showthread.php?t=656225

هالموضوع فيه الأغراض اللي يبيعهم + رقمه
تقدرين تتواصلين معاه بالواتساب
و بما إنج بالرميثيه فـ تمام لأنه بس يوصل رميثيه :p

king of castle
07-07-2012, 16:17
قواكم الله

يا جماعة في ابديت نازل حق الاس 3 ؟؟؟

بالتويتر تكلمو عنه

وبرنامج الكيس اليوم بطلته ولا يقولي في ابديت يديد (:

اتمنى تفيدوني الله يزاكم خير ...

ومستر نت الدروب بوكس شي طيب فايدني بشكل كبير بسالفة الصور على طول ارفع وافتك

وكاميرا الجهاز شي طيب خصوصا انك تصور فيديو وبنفس الوقت تقدر تلتقط صور وانت تصور فيديو

كم انت رائع يا سامسونج ...

xavi23 almashmoum
08-07-2012, 01:34
في 3 مادري4 ابديتات حق الجهاز وصل الجهاز بالكيزز وسوو ابديت

القدساوي المحنك
08-07-2012, 01:41
ياجماعة أدري أذيتكم ..
بس ممكن طريقة الأبديت شلون ؟!

لأني جربت أكثر من مرة في برنامج كيز بس ماضبط ؟!

وشكراً جزيلاً ..

xavi23 almashmoum
08-07-2012, 02:09
المحنك وصل الجهاز بلاب توب وافتح الكيز وراح يطلعلك اذا في ابديت ولالا

SheSaMona
08-07-2012, 07:22
شباب شخباركم ان شاءالله الكل بخير
اخوي اشتري جهاز جالكسي اس ٣ امس
وكلما يسوي داون لود لبرنامج من قوقل او من اللاب توب ينقله ويبي يثبته يطلع له هل رساله شنو الحل
install blocked
for security , your phone is set to block installation of applications not obtained from andriod market.

شنو الحل ياريت شرح مفصل

وبغيت استفسر عن طريقه تصحيح الاحرف بالكيبورد اذا بيكتب كلمه او حرف يطلع له اكثر من كلمه اذكر قبل بالايفون جنه اسمها تصحيح ثانوي او شي جذي :)

عالعموم اهو السيتنغ بالانجليزي ياريت شرح

واكون شاكر لكم

وشنو افضل العاب وبرامج للجالكسي اس ٣ تنصحوني فيها سواء العاب او برامج من الماركت او النت :)

xavi23 almashmoum
08-07-2012, 07:43
مايبيلها شرح مفصل سهله اهي بستنق بس ماعرف اي صوب بضبظ بالاس3
اتوقع ادش الستنق صوب السكوريتي تلاقيه

SheSaMona
08-07-2012, 08:27
تكفي يالحبيب اشرحها لي لان كلش ما اعرف له جهازه عندي بالدوام وبضبطه له

xavi23 almashmoum
08-07-2012, 13:14
ادش اعدادات بعدين ادش الامن تلاقي مكتوب تحميل برامج من مصادر اخرا اعتقد مكتوبه جذي بالعربي لنه اولا جهازي انجلش وثانيا مامعاي اس3 بس اتوقع نفس المكان اهو بالامان

Sebastiian Deisler
08-07-2012, 14:52
إا تبون تنزلون ملفات او فيديو ..ألخ
تلفون الاندرويد حاله حال جهاز الكمبيوتر تنزل إلي تبي عادي


في جهاز الاس تو لما اتحجى بالتلفون النت ما يفصل معاي واشبك وادش مواقع

بس عكس الاس ثري كل ما يحاجيني واحد ما اقدر استخدمها

شنو السبب!؟

Sebastiian Deisler
08-07-2012, 14:55
الاخوة والاخوات في برنامج مهم حيل حيل حيل لازم تنزلونه وراح يعجبكم من قلب
هذا أحد أهم الأسباب إلي يحببني في الاندرويد وما استغني عنه !!!!!!!
https://lh5.googleusercontent.com/I50RFOS6Zy-nnEkK_EvmUndnr83OtSwZiLbIqGC7BmA-1mzcwJeNdVmHrGZs9Vl4Dq82_Aap3kY=s26-h26-e365

Google Chrome to Phone Extension

https://chrome.google.com/webstore/detail/oadboiipflhobonjjffjbfekfjcgkhco

لا يطوووووووووووفكم نزللللللللوووووووووووووووه!!!

xavi23 almashmoum
09-07-2012, 07:53
شنو فايدته؟

xavi23 almashmoum
09-07-2012, 07:54
إا تبون تنزلون ملفات او فيديو ..ألخ
تلفون الاندرويد حاله حال جهاز الكمبيوتر تنزل إلي تبي عادي


اهما قصدهم بستنق الي تخلي الجهاز ينزل من ايبي مصدر موبس الماركت

مانيو
09-07-2012, 08:41
مفكر ابيع الاس ٢
واخذ الثري
جم ييب لي ال2
اذا ما اييب لي حرام ابيعه

xavi23 almashmoum
09-07-2012, 08:50
مانيو جان بعته من زماان الحين بتخسر في وايد

Sebastiian Deisler
09-07-2012, 16:10
شنو فايدته؟
فايدته الله يسلمك وصلة ما بين المتصفح كروم والجهاز لما تنزل البرنامج للمتصفح وللاندرويد
الشرح موجود بالفيديو
شفت لك ايميل بالمتصفح الكروم "الكمبيوتر" وتبي تراسله ظلله وارسل للتلفون ويبطل الأيميل عندك
شفت لك رقم تلفون بالمتصفح الكروم "الكمبيوتر" ظلله وأرسل للتلفون وتقدر تدق منه
انت حاليا بموقع معين وتبي تكمله ارسله للتلفون ...إلخ

عجيب ما استغنى عنه


اهما قصدهم بستنق الي تخلي الجهاز ينزل من ايبي مصدر موبس الماركت
لا انا مو مقصدي الستنغ
انا اتكلم عن ميزة الأندرويد بشكل عام

xavi23 almashmoum
09-07-2012, 21:59
لا انا مو مقصدي الستنغ
انا اتكلم عن ميزة الأندرويد بشكل عام

فاهم قصدك بس اهم يقصدون هشي اذا عندك اس3 قولهم الخطوات لنه انا عندي اتش تيسي

Sebastiian Deisler
09-07-2012, 23:02
لا انا مو مقصدي الستنغ
انا اتكلم عن ميزة الأندرويد بشكل عام

فاهم قصدك بس اهم يقصدون هشي اذا عندك اس3 قولهم الخطوات لنه انا عندي اتش تيسي
تم

شباب شخباركم ان شاءالله الكل بخير
اخوي اشتري جهاز جالكسي اس ٣ امس
وكلما يسوي داون لود لبرنامج من قوقل او من اللاب توب ينقله ويبي يثبته يطلع له هل رساله شنو الحل
install blocked
for security , your phone is set to block installation of applications not obtained from andriod market.

شنو الحل ياريت شرح مفصل
ت :)
الخطوات كالتالي :
Setting
Security
تنزل لخانه Device Administration
وحط علامه صح على unknown source
وتقدر تنزل إلي تبيه :)

xavi23 almashmoum
09-07-2012, 23:18
تسلم يالعوود متصفح كرووم اندرويد جنه في الميزات الي قلت عنهم في البرنامج الي انت حاطه

مانيو
10-07-2012, 05:14
مانيو جان بعته من زماان الحين بتخسر في وايد

شسوي كنت مسافر
توني راد
تتوقعون ييب لي مبلغ طيب

لأني مو متحمس للأس ٣ ليلحين

يمكن انطر الايفون

xavi23 almashmoum
10-07-2012, 08:21
اتوقع ايب لك كلش كلش 80 90

مانيو
10-07-2012, 08:58
وايد زيين لو ييب هالمبلغ

xavi23 almashmoum
10-07-2012, 09:44
اذا جهازك نظييف ومعاه اغراضه جم فره بالمحلات بيب لك سعر حلو

Sebastiian Deisler
10-07-2012, 15:04
تسلم يالعوود متصفح كرووم اندرويد جنه في الميزات الي قلت عنهم في البرنامج الي انت حاطه لا مافيها نظام الربط اللهم شغلات مثل المفضلة

xavi23 almashmoum
10-07-2012, 15:14
اها بس بصراحه خوش متصفح مرييح وعجييب

MR.net
10-07-2012, 18:29
افضل متصفح بالنسبة لي dolphin HD

xavi23 almashmoum
10-07-2012, 23:04
افضل متصفح بالنسبة لي dolphin HD

aشكلك مقزرها رسم:p

عواد الرسلاني
11-07-2012, 07:41
دقيت على البابطين عشان اسال عن الكفرات قالي مافيه خالصين
يعني وكيل وبابطين وملياردير ليش ما تترس وكالتك بضاعه
شهالبخل ناطر تاخذ فلوس من الناس وبالمربح تجيب
انت وكيل تعرف يعني شنو وكيل يعني لازم توفر كل شي
شنو شغلكم فاشل احجز وبعدين نجيب لك قاصرك فلوس انت
اقسم بالله وكالات الكويت انصب منهم مافيه
ودي يسحبون كل الوكالات من التجار الفشله

xavi23 almashmoum
11-07-2012, 08:56
موفشل بالعكس ذكاء ليش ايب واايد واكودها بالمخازن ايب على قد الطلب واصرف البضاعه اول باول

عواد الرسلاني
11-07-2012, 09:14
هذي وكاله يالمشموم مو محل بجمعية الصليبيخات
لازم يوفر كميه كبيره ..
اخلصك ماكو عنده كل الكفرات عنده كفر واحد بس وشكل واحد وب10
يعني الا نشتري من بره كفرات ب20

عربـاويه
12-07-2012, 07:41
Deals kuwait

مسوين ديييل على جالاكسي اس ٣ ابيض 169 kd

MR.net
12-07-2012, 20:22
^^^

اعتقد انه الروم مو عربي او مو نسخه شرق الاوسط
مو كاتبين شي عن لغه الجهاز

العرض الي حطوه قبل كان مكتوب arabic version حتى عروض شيل كلها مكتوب يم الجهاز arabic version أو middle east version

xavi23 almashmoum
14-07-2012, 12:31
يا شباب ابي برنامج تاثيرات حق التصوير ويكون محترم منو يعرف

مانيو
15-07-2012, 06:24
انا اعرف برنامج صايع مو محترم :p

عربـاويه
15-07-2012, 08:04
يا شباب ابي برنامج تاثيرات حق التصوير ويكون محترم منو يعرف

انا منزله
Retro camera
fotolrcs
camera effects

عواد الرسلاني
15-07-2012, 12:14
وايد زيين لو ييب هالمبلغ

لا اتوقع حافظ على سعر ال80 تدري ليش المصرين صاروا يرغبونه
لان يحاجون اهلهم بمصر ببرامج المجانا منه فالمطلوب منك تروح محلات شرق
تلاقي مصرين واجد يدورونه بيعهم لا تبيع المحلات مايعطونك حتى 70
بس اذا تنطر للعيد ممكن تصير عروض ويطيح

مانيو
15-07-2012, 12:58
^^^

والله الفكرة كانت موجودة بس غيرت رايي
الجهاز مريحني ليش اغيره ؟؟

De Rossi
15-07-2012, 13:33
^^^

والله الفكرة كانت موجودة بس غيرت رايي
الجهاز مريحني ليش اغيره ؟؟

اي خله دام مرغوب من المصريين :euro:

عواد الرسلاني
15-07-2012, 13:47
ال3 غير اقل شي بالشحن انا الحمد لله يعطيني فرق عن ال2 تقريبا 50 بالميه زياده

مانيو
15-07-2012, 13:48
اي خله دام مرغوب من المصريين :euro:

ههههه استرييح

مانيو
15-07-2012, 13:49
ال3 غير اقل شي بالشحن انا الحمد لله يعطيني فرق عن ال2 تقريبا 50 بالميه زياده

عاد المشكلة بال٢الشحن بس
ممل مزعج
الجهاز ٢٤ ساعة عالشحن

De Rossi
15-07-2012, 13:56
عاد المشكلة بال٢الشحن بس
ممل مزعج
الجهاز ٢٤ ساعة عالشحن

آنا شاري بطاريه إضافيه " أحطها بقطعه تشحنها و أخذ البطاريه معاي "

عواد الرسلاني
15-07-2012, 13:59
ال2 لمن كان عندي حتى لو ما استخدمه الاقي البطاريه مخلصه بس ال3 لا مشالله يروح شي مايذكر يمكن واحد بالاميه بس

xavi23 almashmoum
15-07-2012, 15:27
انا منزله
Retro camera
fotolrcs
camera effects

بعد جبديي عرباوياتو مشكوره

xavi23 almashmoum
15-07-2012, 15:30
ال2 لمن كان عندي حتى لو ما استخدمه الاقي البطاريه مخلصه بس ال3 لا مشالله يروح شي مايذكر يمكن واحد بالاميه بس

عواد تبيع اب 90 :p وفوقهم حبه خشمم:p

حتى بالون اكس نفس الشي لمااحطه ماستعمله مايصرف التو حتى وانت حاطه ماتستخدمه يصرف بطاريه

وفي شي وايد عجيب مادري اذا موجود بالثري ولالا لما تنزل الباريه الى 5 بالميه لي مايطفي يعطيك فتره حتى لما ينزل 1 بالميه 10 دقايق تقريبا ويطفي التو مايمديك ادور الشحن الا طافي

xavi23 almashmoum
15-07-2012, 15:32
ههههه استرييح

مانيو بيعه بيعه لايطيح بجبدك بعدين وتخسر فيه

xavi23 almashmoum
15-07-2012, 15:47
http://www.android.com/about/jelly-bean/

شوفو الاشياء الموجوده بنسخه جلي بين الي انزلت على النكسوس وقريبا على باجي الاجهزه

عواد الرسلاني
15-07-2012, 15:52
تستاهله ابلاش يالمشموم

اي حتى ال3 لمن يبقى شوي بالبطاريه يطول

xavi23 almashmoum
15-07-2012, 15:59
تستاهل الطيب يالغاليي

مانيو
16-07-2012, 07:26
والله ما ادري بس مو متحمس حق الs3
من جذي ما عندي نية ابيع جهازي

xavi23 almashmoum
16-07-2012, 07:30
والله ما ادري بس مو متحمس حق الs3
من جذي ما عندي نية ابيع جهازي

موشرط ثري
عندك ون اكس

عندك ل جي
عندك موترولا واييد اجهزه في

Goleador
16-07-2012, 18:32
لاعت جبدي من الاجهزه شكلي بطير حمام :p

xavi23 almashmoum
17-07-2012, 15:32
app دوره الروضان موجود في البلاي ستورر الي حاب ينزله ولا عزاء لابل:p

Sebastiian Deisler
17-07-2012, 21:12
في احد عنده مشكلة في شحن الجلكسي ثري؟ لاحظت من فترة لي فترة ما يلحق على الشحن بدال لا يزيد ينقص وبعض المرات يالله يالله يلحق .!

xavi23 almashmoum
17-07-2012, 21:43
ag,kشلون مافهمت قصدك؟

يا الربع جهازي عطاكم عمره

القدساوي المحنك
18-07-2012, 01:10
أفا ليش يالمشموم ؟!

xavi23 almashmoum
18-07-2012, 07:57
طفىى وموراضيي يشتغل كلشش

عواد الرسلاني
18-07-2012, 08:27
حسدت حلالك يالمشموم
كله تقول يطيح ومايصير فيه شي
الله يعوضك باحسن منه

king of castle
18-07-2012, 11:09
نبي ابلكيشن الروضان يا جماعة ؟؟؟ (:

عربـاويه
18-07-2012, 11:14
طفىى وموراضيي يشتغل كلشش

:eek:
فجاه بروحه من غير سابق انذار ..؟!!!

مانيو
18-07-2012, 11:27
ههههههه قال اكس ون قااااال
لوووول
سلامات ما يشوف شر جهازك

مانيو
18-07-2012, 12:36
الاندرويد نزلوا النظام اليديد (جيلي بين)

يقولون عجيييب

xavi23 almashmoum
18-07-2012, 15:14
الاندرويد نزلوا النظام اليديد (جيلي بين)

يقولون عجيييب

موبس عجيب روعه حدده الحين نزل على النكسوس كون النكسوس ينزل الاندرويد الخام

وقريبا باجي الاجهزه موترولا والاس2 والاس3 والات تي سي وغيره

عرباويه

اي والله بدون سابق انذار كرهت نفسي امس والله:cry2:



بس ردا على مانيو الشمات اقوله تم وبحمد الله فتح الجهاز وطلعت المشكله مو بالجهاز في بلاك الشحن وتم حل الموضوع:wavetowel2:

مانيو
18-07-2012, 15:24
ههههه سلامات

واحد من الربع بأمريكا نزله على النيكسوس

ويقول ان الs2
بينزله النظام بعد ٦ شهور
جنه وايد ؟؟؟

xavi23 almashmoum
18-07-2012, 15:29
زين والله 6 شهور الايس كريم من السنه الي طافت نازل توه قبل جم اسبوع نزل على التو اقصد العربي

انشالله ينزلونه نسخه وحده اذا نسختين بتنطرون واييددد

De Rossi
18-07-2012, 15:43
ههههههه قال اكس ون قااااال
لوووول
سلامات ما يشوف شر جهازك

لووووووووووووول
محد اكس ون :lol:
شكله أغمى عليه من الحر :cry2:

:p

xavi23 almashmoum
18-07-2012, 16:06
لووووووووووووول
محد اكس ون :lol:
شكله أغمى عليه من الحر :cry2:

:p

تم بحمد الله فتح الجهاز طلعت المشكله في بلاك الشحن

MR.net
18-07-2012, 17:15
طفىى وموراضيي يشتغل كلشش

لووول انت جاهزك طفى و ماشتغل

امس انا استخدمه انطفى الجهاز طلع لي شعار سامسونغ يرجع ينطفي مرة ثانية يرجع يشتغل يطلع لي شعار ساسمونغ ويطفي
ظل جذي 5 دقايق

ضغطت على كل الدقم جان يشتغل :lol:

عربـاويه
18-07-2012, 18:13
Samsung Galaxy Beam with inbuilt Projectorhttp://www.blink.com.kw/product-detail/samsung-galaxy-beam-with-inbuilt-projector.html

xavi23 almashmoum
18-07-2012, 20:33
من كثرر هبتت الكويتييين مخلين الجالكسي نظام يعني نظام ابل ونظام بلاك بيري ونظام جالكسيي :lol:

مستر

انت ثالث واحد يقولي هشي شسالفه؟

xavi23 almashmoum
18-07-2012, 22:17
https://play.google.com/store/apps/details?id=com.mobint.locker

قفل الجيلي بين الي حاب ينزله

Leo . messi
19-07-2012, 12:12
برامج حلوه لتعديل الصور و اضافه التأثيرات :

360 Camera

Pics Art

Photoshop Express


* لعبه جديده نازله من اسبوعين تقريبا :


ِAmazing Alex


http://www.rovio.com/UserFiles/Image/RovioProducts//380x286_144.jpg

1966
19-07-2012, 13:02
اليوم كنت على طريف وأخذ الجهاز (جالكسي 3 أس) ..
بس بآخر لحظة أجلت الموضوع .. لأنه أنا مو راعي تلفونات وايد ولا راعي تصوير !
شغلي بالتلفون غالباً [ألو معi السلامة] حتى التويتر ما أستخدمه إلا بالكمبيوتر < تخلف؟ :p
وسوالف ألعاب و برامج بالتلفون ما يهموني .. بس إيدي تحكني ودي أشتريه :) شرايكم ؟
راح أشتريه بحالة وحدة .. إذا كان يغنيني عن الابتوب أو الآيباد بالقهوة ويكون مريح للتويتر
والتصفح و اليوتيوب .. ومافيه عروض عليه برمضان مني ولا مني ؟

شيشوني عشان أصير جالكساوي من باجر :D

Sebastiian Deisler
19-07-2012, 14:46
من كثرر هبتت الكويتييين مخلين الجالكسي نظام يعني نظام ابل ونظام بلاك بيري ونظام جالكسيي :lol:


100% وياك أتفق

xavi23 almashmoum
19-07-2012, 15:40
اليوم كنت على طريف وأخذ الجهاز (جالكسي 3 أس) ..
بس بآخر لحظة أجلت الموضوع .. لأنه أنا مو راعي تلفونات وايد ولا راعي تصوير !
شغلي بالتلفون غالباً [ألو معi السلامة] حتى التويتر ما أستخدمه إلا بالكمبيوتر < تخلف؟ :p
وسوالف ألعاب و برامج بالتلفون ما يهموني .. بس إيدي تحكني ودي أشتريه :) شرايكم ؟
راح أشتريه بحالة وحدة .. إذا كان يغنيني عن الابتوب أو الآيباد بالقهوة ويكون مريح للتويتر
والتصفح و اليوتيوب .. ومافيه عروض عليه برمضان مني ولا مني ؟

شيشوني عشان أصير جالكساوي من باجر :D


انا اشيشك تصير اتشتساويي اخذ ون اكس جهاز اندرويدي وشكله حلو ويتحمل الصدمات وخفيف واليوتيوب عجيب فيه

BoS3ayed
19-07-2012, 16:27
شلون انقل صور من الايفون لي القلاكسي

xavi23 almashmoum
19-07-2012, 16:30
شلون انقل صور من الايفون لي القلاكسي

انقلهم لي لاب توب وبعدها من لاب لي الجالكسي

Goleador
19-07-2012, 17:22
لا ما يغنيك عن الايباد وسلاسة الايباد

Sebastiian Deisler
19-07-2012, 17:29
في احد لعب فاينل فانتسي الجديد بلأندرويد؟

MR.net
19-07-2012, 19:04
شلون انقل صور من الايفون لي القلاكسي

نزل برنامج اسمه dropbox بالايفون و الجالكسي
سو لك اكاونت
وارفع كل الصور في الايفون وحطهم بالدروب بكس
بعدا روح عند عند دروب بوكس الجالكسي اختار sign in اكتب الباس واليوزر و نزل الصور

Just Me
19-07-2012, 20:05
في وين اشياء للحين ما اكتشفتها ، حده غير عن الايفون و الايباد :x
شلون اصور الشاشة ؟
نزلت اكثر من برنامج يحتاجون شي اسمه روت ، تعرفونه :x
؟ اي احد يقدر يفيدني ؟ و شكرا

Leo . messi
19-07-2012, 20:14
تقدر تصور الشاشه تضغط زر Home + Power


* الروت تقريبا مثل الجلبريك بس ما اعتقد الاندرويديين يحتاجونه ...

Sebastiian Deisler
19-07-2012, 21:15
انا استعمل هالحركات هذي للتصوير
http://i1148.photobucket.com/albums/o572/yousym0b/777.jpg

xavi23 almashmoum
19-07-2012, 21:23
جست قوليلي شنو جهازج وشنو البرامج وايشي تبينه حاضرين نساعدج

Just Me
19-07-2012, 22:21
ليو ميسي ، شكراً ما كنت ادري انه نفس الايفون و ما يا على بالي اجرب ..
سبستيان ، شكراً ما قصرت ، و الصورة مو بذاك الوضوح .. ××
المشموم ، جلكسي اس ثري .. البرامج وايدين نزلتهم ببلاش من الستور .. و اغلبهم كانو يبون " root " .. و مسحتهم الصراحة ..

أبي اعرف ليش لما انزل شي يروح بالرئيسية ما يروح مع باجي البرامج و فجأة يطلعلي ان الرئيسية ما فيها مكان ؟ ×× للحين ما خذيت عالوضع و نزلت ثيم عفسلي الدنيا ..

* الشحن افلام .. احطه بالليل لي الصبح يطير نصه .. و مرة انطفى و انقفل !

xavi23 almashmoum
19-07-2012, 23:02
ما تحتاجين لا رووت ولا شي بنسبه للشحن شيلي الاشياء الي ماتحتاجينها من الواجهه الرئيسيه

بنسبه للبرامج ما تحتاجين لا جيل بريك مثل الايفون ولاشي اي برنامج عجبج بفلوس

دشي قوقل من جهازج وكتبي اسم االبرنامج وراح يطلعلج من مواقع التحميل وحملي منهم

بس قبل هشي سوي هالخطوه دشي
Setting
Security
تنزل لخانه Device Administration
وحط علامه صح على unknown source

وبعدها ادشين قوقل وتنزلين الي تبينه بس تكتبين اسم البرنامج بهطريقه كمثال whatsapp.apk

مواقع سهله فورشيرد
ميديا فاير

واي شي ثاني انا حاظر

MR.net
20-07-2012, 02:59
ليو ميسي ، شكراً ما كنت ادري انه نفس الايفون و ما يا على بالي اجرب ..
سبستيان ، شكراً ما قصرت ، و الصورة مو بذاك الوضوح .. ××
المشموم ، جلكسي اس ثري .. البرامج وايدين نزلتهم ببلاش من الستور .. و اغلبهم كانو يبون " root " .. و مسحتهم الصراحة ..

أبي اعرف ليش لما انزل شي يروح بالرئيسية ما يروح مع باجي البرامج و فجأة يطلعلي ان الرئيسية ما فيها مكان ؟ ×× للحين ما خذيت عالوضع و نزلت ثيم عفسلي الدنيا ..

* الشحن افلام .. احطه بالليل لي الصبح يطير نصه .. و مرة انطفى و انقفل !

اذا تبين صفحه رئيسية اضافية
حطي صبعج الاول زاوية يمين فوق
والصبع الثانية زاوية يسار تحت
وقرب الصبعين يم بعض ( جنج ترسمين خط مايل )
وبعدها ضغطي على +


ترا الصفحه الرئيسية حق البرامج المهمه الي تستخدمينهم يوميا مثل الانستغرام - تويتر و و و عشان توصلين لهم بسرعه

عربـاويه
20-07-2012, 11:43
Ghost Camera برنامج

https://lh3.ggpht.com/WfIIL_fdMtia0fQs4ZxU8xcxjIckZmOQAZv0BE3Cq8A3Nx9izK NjHIxPQVgs7l3qlw=h230https://lh5.ggpht.com/uSAx_1zSMIM4FX38NLvpn2sP4U-e9ugLoPhwmTOYMS8id8vxrPbF354fWHVT0sMieqU=h230

https://play.google.com/store/apps/details?id=smart.alex.ghost&feature=search_result

fish-eye camera
https://lh4.ggpht.com/uQ4WHA9L10UcmBqqM7OOpG5C341NJcEnHeyF_YuNJeUpSLfNS6 7NNmQ-xJRehq2PJQQ=h230

أكثر من برنامج

https://play.google.com/store/apps/details?id=processing.android.test.fisheyecamera&feature=search_result

https://play.google.com/store/apps/details?id=com.onemanwithcamerafisheye&feature=search_result

https://play.google.com/store/apps/details?id=com.fingersoft.fisheyecamera&feature=search_result

Whiteboardhttps://lh4.ggpht.com/CCGGopUglsWVrtaTjrKx4iGWZjOMKnxVZepNnqg0eH0lHXGNko SCUh2VQLa_maSm0a5-=h230

https://play.google.com/store/apps/details?id=com.menueph.apps.utility.whiteboard&feature=more_from_developer

Fingers Versus Knifehttps://lh3.ggpht.com/GdKBs6SWv2CDK8MWCTzRSw3jxD33Nw0nEGzug1Dzm6-foE9OMpZESHhMzjaRkPDo6i0=h230

أضغط (https://play.google.com/store/apps/details?id=com.menueph.entertainment.finger&feature=more_from_developer#?t=W251bGwsMSwxLDEwMiw iY29tLm1lbnVlcGguZW50ZXJ0YWlubWVudC5maW5nZXIiXQ..)

Just Me
20-07-2012, 13:29
المشموم ، مشكور ما قصرت .. قام انزل لعبة الحين كتجربة ..
مستر نت ، يعطيك العافية .. بس انا اقصد ليش اي شي انزله تلقائي يروح الرئيسية ؟ و انا امسح الي مابيهم كل مرة .. و عقب ما نزلت ثيم صار بس ينزل البرامج عالرئيسية الي تكون بالواجهة .. ما يروح عالصفحات الباجي :\


قواكم الله

1966
20-07-2012, 18:37
انا اشيشك تصير اتشتساويي اخذ ون اكس جهاز اندرويدي وشكله حلو ويتحمل الصدمات وخفيف واليوتيوب عجيب فيه

والله ما ودي أخذ غير جالكسي 3 أس عاجبني و مرغوب ..
هاليومين بإذن الله راح أخذلي واحد من يوريكا .. الغانم ما قمت أثق فيهم
بعد ما باعوا علي أيفون مسترجع وفي كسرة بالشاشة .. سويت لهم سالفة
عطوني واحد يديد و فوقه كوبون بـ 30 دينار عشان أسكت :p

xavi23 almashmoum
20-07-2012, 19:34
اي يوريكا احسن وارخص

MR.net
20-07-2012, 21:38
المشموم ، مشكور ما قصرت .. قام انزل لعبة الحين كتجربة ..
مستر نت ، يعطيك العافية .. بس انا اقصد ليش اي شي انزله تلقائي يروح الرئيسية ؟ و انا امسح الي مابيهم كل مرة .. و عقب ما نزلت ثيم صار بس ينزل البرامج عالرئيسية الي تكون بالواجهة .. ما يروح عالصفحات الباجي :\


قواكم الله
شغلي play store
settings

شيلي لصح من auto add widget

MR.net
20-07-2012, 21:44
والله ما ودي أخذ غير جالكسي 3 أس عاجبني و مرغوب ..
هاليومين بإذن الله راح أخذلي واحد من يوريكا .. الغانم ما قمت أثق فيهم
بعد ما باعوا علي أيفون مسترجع وفي كسرة بالشاشة .. سويت لهم سالفة
عطوني واحد يديد و فوقه كوبون بـ 30 دينار عشان أسكت :p


عبدالله نزلت كاونتر سترايك للاندرويد
اوفلاين Bots و هم فيها اونلاين
اللعبة موطبيعيه نفس الكمبيوتر بس الاسلحه اقل
http://www.youtube.com/watch?v=SFjLNVHXfSY


هالشي راح يخليك تتحمس وتشتري الاس 3 بسرعه :p

xavi23 almashmoum
20-07-2012, 21:49
مستراوي سؤال خارج النص متى راح ينزل الايفون اليديد؟

MR.net
20-07-2012, 23:57
مستراوي سؤال خارج النص متى راح ينزل الايفون اليديد؟

كل الاشاعات تقول شهر 10

1966
21-07-2012, 00:29
عبدالله نزلت كاونتر سترايك للاندرويد
اوفلاين Bots و هم فيها اونلاين
اللعبة موطبيعيه نفس الكمبيوتر بس الاسلحه اقل
http://www.youtube.com/watch?v=SFjLNVHXfSY


هالشي راح يخليك تتحمس وتشتري الاس 3 بسرعه :p

أونلاين؟ لالا عَم تمزح :)
مع إني قاطع نهائياً ألعاب الكمبيوتر من سنتين أو أكثر ..
ومقزرها بس Ps3 لعبة وحدة Pes12 لكن لما تشوف كاونتر
بإيدك و تلعب فيها بأي مكان .. نقطة قوية تدفعني لـ الأس 3
اليوم بغيت أروح أشتري بس قالي أخوي مستعيل؟ قتله لا والله!
قالي عيل أنطر عروض رمضان يمكن تحصل عرض حلو ..
مع أنه العرض يفرق شئ بسيط بس بنطر يمكن أغير رائي :p

MR.net
21-07-2012, 03:01
أونلاين؟ لالا عَم تمزح :)
مع إني قاطع نهائياً ألعاب الكمبيوتر من سنتين أو أكثر ..
ومقزرها بس Ps3 لعبة وحدة Pes12 لكن لما تشوف كاونتر
بإيدك و تلعب فيها بأي مكان .. نقطة قوية تدفعني لـ الأس 3
اليوم بغيت أروح أشتري بس قالي أخوي مستعيل؟ قتله لا والله!
قالي عيل أنطر عروض رمضان يمكن تحصل عرض حلو ..
مع أنه العرض يفرق شئ بسيط بس بنطر يمكن أغير رائي :p


اي والله اونلاين
قعدت العب ساعه وشي من غير ما احس بالوقت نيتي كانت اجرب اللعبة :p

xavi23 almashmoum
21-07-2012, 10:11
كل الاشاعات تقول شهر 10

اها

1966

لا تاخذ الاس3 بعدين راح يصير في الجهاز جذي
http://ic.tweakimg.net/ext/i/imagelarge/1342438131.jpeg

1966
21-07-2012, 12:47
اي والله اونلاين
قعدت العب ساعه وشي من غير ما احس بالوقت نيتي كانت اجرب اللعبة :p

ههههههههههههه
والله تطور قبل كنت أحلم ألعب كاونتر أونلاين بالكمبيوتر الحين بالتلفون ..
من الفيديو إلي فوق ضابطين المراحل مليون بالئمة .. جنه كمبيوتر بس صغير
شكله الفرق بس بالتحكم و الـ "تصويب" أسهل ..


1966

لا تاخذ الاس3 بعدين راح يصير في الجهاز جذي


شفيه ؟ شفت الصورة ما لاحظت التلفون في شئ :$

xavi23 almashmoum
21-07-2012, 12:55
شوف الكسرر الي بنصص

MR.net
21-07-2012, 13:49
اها

1966

لا تاخذ الاس3 بعدين راح يصير في الجهاز جذي
http://ic.tweakimg.net/ext/i/imagelarge/1342438131.jpeg

مو جذي يحقدون عالجهاز تبا وسحقا لك :p

حط كفر او بمبر وخلاص انتهت المشكلة

MR.net
21-07-2012, 13:51
ههههههههههههه
والله تطور قبل كنت أحلم ألعب كاونتر أونلاين بالكمبيوتر الحين بالتلفون ..
من الفيديو إلي فوق ضابطين المراحل مليون بالئمة .. جنه كمبيوتر بس صغير
شكله الفرق بس بالتحكم و الـ "تصويب" أسهل ..



شفيه ؟ شفت الصورة ما لاحظت التلفون في شئ :$





نفس المابات بالضبط بس الفرق بالكمبيوتر FY_pool الاسلحه كلها بالارض ماتشتري شي
بالفون لازم تشتري السلاح هذا الفرق الوحيد

بالفون فيه ميزة انه تقدر تخليه Auto buy بروحه يشتري لك الاسلحه

الكنترول شوي صعب لانه بس تتعود عليه بسرعه
ونزل ابديت يديد امس بليل تقدر توصل joystick