المساعد الشخصي الرقمي

مشاهدة النسخة كاملة : هل سيتم التأجيــل ؟



yorki
11-10-2010, 06:39
تحية طيبه للجميع ..

بعد تأكيد بوسيرو مدرب المنتخب السعودي بأن دوري ( زين ) لن يتوقف خلال مشاركة المنتخب السعودي
في بطولة كأس الخليج بعدن .. الأمر الذي سيتضرر منه نادي الأتحاد بسسب غياب 7 لاعبين اساسيين عن
مباريات الدوري خلال مشاركة المنتخب بخليجي عدن ... بالأضافة لغياب المحترف ( احمد حديد ) الذي
سيشارك بدوره مع منتخب بلاده عمان .

الأمر الذي جعل ادارة نادي الأتحاد تتحرك سريعا وتطلب تأجيل مباريات الاتحاد بالدوري خلال مشاركة
المنتخب بخليجي عدن ..

السؤال .. هل ستوافق الرئاسة العامة ورئيسها سلطان بن فهد علي الطلب الاتحادي ؟ وتؤجل مبارياته ؟
وهل طلب الأتحاد بتأجيل مبارياته .. غير مبرر .. وخاصة اذا عرفنا انها مهمه ( وطنية ) والتي يستوجب
عليها الموافقه السريعه من سلطان بن فهد ؟!!

http://www.arreyadi.com.sa/AY/AY/2010/10/10/Article//002/10_10_2010_002_005.jpg

@ سلماوي صميم @
11-10-2010, 14:49
يا اخوي اذا فتحنا هالباب ماراح يتسكر .. يعني اذا كل نادي بيقول والله انا بتضرر تعالوا أجلولي ماراح يضل فريق يلعب ولا دوري شغال .. انا ودي يتأجل الدوري عشان ما احد يطلع ويتعذر ..

المدريدي
11-10-2010, 14:58
الوضع مختلف

تاجيل مباراه بالدوري بسبب ارهاق فريق عنده مباراه اسيويه هذي عاديه ومطلب وكل الاتحادات بالعالم تسويها وتأجل لفرقها

بس انك تأجل كذا مباراه عشان بطوله للمنتخب @

اهيا وحده من 2

يا يتوقف الدوري اثناء البطوله

او تلعب بدون الدوليين

يعني الاتحاد يبي ياجل 4 او 5 مباريات متتاليه والفرق تلعب واهوا قاعد @@@

ياما الانديه السعوديه كملت الدوري بوقت مشاركات المنتخب

مشعل العنزي
11-10-2010, 18:26
اصلا كل مره كل المختارين هلاليين او اغلبهم

وانا لما شفت الاختيار كذا شكيت بالوضع

ودياااان
11-10-2010, 22:37
يوركي نتكلم بالعقل شوي احنا مانقول الكلمه ونسكت الاتحاد طلب التأجيل على اي اساس الاعبين ماسحبوهم بس من الاتحاد الاعبين اخذوهم من كل الانديه هذي النقطه الاولى بتقولي لا الاتحاد ماخذين منهم كثير بقول الهلال نفس شي والشباب من بعدهم واعمدة الفريق ماخذينهم يعني هالشي مو بس ضدكم الا كل ضد الفرق خصوصا هالثلاثه يعني المفرووض اما يوقفون الدوري كله ولا ماياجلون فريق ويخلون الثاني
بتقولي طيب ليش الهلال والشباب اجلو لهم واسمعوا كلامهم بقولك هذي بطوله اسيويه انتو اخذتو نصيبكم الموسم اللي فات واذا تكرر مرة ثانيه وتأهلتوا بتاخذون نصيبكم بعد ..
واقولك نقطه الحين اي نادي بيطلب تأجيل مبارياته لحاله بس دون توقف الدوري هذا فريق ماينعطه وجه ومايستحي وان شاء الله مايسمعون كلامه لان بتصير كارثه ومهزله لان فهم كلمه التأجيل خطأ وهذا الكلام موجه حق كل الانديه بما فيهم الهلال والاتحاد والنصر والشباب والاهلي والبقيه ....
وهذا كلامي مراح يتغير في حال طلب الهلال التأجيل عشان لايجي احد ويقول لو الهلال كان ماقلتي هالشي ...
واتمنى يايوركي تتكلم بعيد عن العاطفه وتقولي انت مع تأجيل اي نادي مبارياته في حالة ماتوقف الدوري ؟؟؟

ودياااان
11-10-2010, 23:04
اصلا كل مره كل المختارين هلاليين او اغلبهم

وانا لما شفت الاختيار كذا شكيت بالوضع

كيف شكيت بالوضع ممكن توضح اكثر؟؟ شوف الهلاليين بالتشكيله اتمنى ماتقولون كلمه الا وانتو عارفين :)

وليد عبدالله – مبروك زايد – حسين شيعان- عساف القرني – عبدالله شهيل– محمد نامي – راشد الرهيب – عبدالله الزوري – منصور الحربي – كامل الموسى – مشعل السعيد – أسامة هوساوي – حمد المنتشري – حسن خيرات – محمد البيشي – سعود كريري – احمد عطيف – مناف ابوشقير – إبراهيم غالب – معتز الموسى – احمد عباس – عبده عطيف – أحمد الفريدي –تيسير الجاسم – فهد حمد – عبدالعزيز الدوسري – نواف العابد – يحي الشهري – سلطان النمري – ياسر القحطاني – نايف هزازي – ريان بلال – ناصر الشمراني – مهند عسيري .

8 لاعبين هلاليين
8 لاعبين اتحاديين
7 لاعبين شبابين

احد يناقشني بمنطق بدون عاطفه ويقولي هل يحق للاتحاد تأجيل مبارياته في الدوري بفترة كاس الخليج دون غيره ؟؟هل راح يعاني الاتحاد وحده دون غيره ؟؟
للمعلوميه انا ضد التاجيل لكل الفرق اذا ماتوقف الدوري ..

واذا اخطيت و ضميت لاعب مو بناديه وضحو لي :)

مهند الاتحادي
11-10-2010, 23:23
والله انا مع توقف الدوري لمصلحة كل الفرق وبالذات الثلاثة الكبار الاستمرار من مصلحة فرق الوسط والمؤخرة
استغربت عدم ضم الثنائي المميز موسى الشمري ومحمد الراشد وضم حسن خيرات ومحمد نامي
نتكلم بالمنطق الاتحاد الاكثر تضررا من استمرار الدوري الهلال ماضموا منه الا ثلاث لاعبين اساسيين وهم ياسر واسامة والزوري لكن الاتحاد 7 اساسيين بالاضافة الى احمد حديد وهم : مبروك وحمد ومشعل ومناف وسعود وسلطان ونايف الشباب 5 اساسيين: وليد وشهيل واحمد وعبده وناصر

yorki
12-10-2010, 06:06
سلماوي .. هو صحيح ان المتضررين 4 اندية لكن الأتحاد اكبر المتضررين .. 8 لاعبين اساسيين بغيبون عن مباريات الدوري
انا مو مع التأجيل .. لكن بهالحاله ايقاف الدوري هو الصح .

المدريدي .. .. ومن متي يتم تأجيل المباريات بالسعودية بسبب الأرهاق ؟؟!! .. المعروف يتم التأجيل في حالة المشاركة الوطنية
وبعدين كلامك مو صحيح .. ان الاندية السعودية كملت الدوري بدون لاعبيها الدوليين .. متي صار هالشي ؟؟ واذا صار يمكن مباراه
او مبارتين ع الأكثر .. مو 4 مباريات :)

مشعل .. مالنا شغل بالهلال ... انا اتكلم عن الأتحاد وانه هو اكبر المتضررين في حالة استمرار الدوري .. لكن
اذا فعلا تم اعفاء ياسر القحطاني واسامه هوساوي من الأنضمام للمنتخب بعد الآسيوية ... هنا الكلام !!

وديان .. انا مو مع التأجيل ابدا .. وايقاف الدوري هو الحل .. وان كان الاتحاد بيكون هو الفريق الأكثر تضررا ياوديان
كونه بيغيب عنه 8 لاعبين اساسيين .. اساسيين :)

مهند .. كلامك بمحله واتمني يتم ايقاف الدوري .. وتضرر الأتحاد لاشك فيه هو الاكثر .

armadaa
14-10-2010, 16:37
بعد الزحمة :)

يوركي ..

انت كـ اتحادي تطلب التاجيل ولا ايقاف الدوري ؟!!

ترى فيه فرق بين الكلمتين ..

---

نرجع للموضوع :

المشكلة هنا فيه خطا كبير .. ومعالجته تبي تكون بخطا اكبر منه !!

من الاساس ومن 20 سنة يمكن وحنا ما نعرف بطولة الخليج الا بوسط الموسم !!

ليه مايخلونها بالصيف ؟!!

الاندية كلها تكون مخلصة مشاركاتها ..
تكون كل سنتين فردية ..
او تكون كل سنتين زوجية في غير مواسم كاس العالم !!

الحين وقت البطولة بوسط الموسم ..

ان انت شاركت بدون الدوليين الاساسيين راح تضر المنتخب اولا ..
وثانيا .. راح تضر بعض الاندية اللي اخذت منها تشكيلة كانت تشارك بشكل اساسي مع انديتها !!

فلو ضميت مهاجم التعاون او حارس نجران راح تخلي فريقه يعاني من الهبوط بسبب غياب لاعب واحد .. والاندية هذي مثلها مثل الاندية اللي اخذت منها 5 لاعبين او اكثر !!


وان انت شاركت بالاساسيين هنا انت بين امرين :

يا انك توقف الدوري .. وهذي تخلي 80% من اللاعبين منقطعين عن مباريات حقيقية ..

او انك تكمل الدوري بس تضر الاندية اللي دافعه ملايين تبي اللقب او تبي مركز .. او حتى تبي البقاء !!