المساعد الشخصي الرقمي

مشاهدة النسخة كاملة : أندية قطر ترفع مقاعدها الاسيوية الى مقعدين ونصف ..



armadaa
19-10-2010, 20:48
http://www.aljazeera.net/mritems/images/2004/12/7/1_514106_1_34.jpg


تم منح قطر نصف مقعد تلبية لطلبها، بعد انسحاب فيتنام وبالتالي أصبح عدد مقاعد أندية قطر مقعدان ونصف.


كما حافظت الأندية السعودية على مقاعدها الأربعة في دوري آسيا للمحترفين النسختين القادمتين في اجتماع اللجنة السباعية الذي عقد صباح اليوم الثلاثاء بمقر الاتحاد الآسيوي لكرة القدم بكوالالمبور وامتد نحو خمس ساعات بحضور رئيس الاتحاد الأستاذ محمد بن همام.

فهد الشمري
21-10-2010, 03:53
اخ عليكم يالكويت بس لو دوري محترفين :(


اتوقع الانديه السعوديه اهيا الانديه الوحيده اللي تستحق انها تحجز 10 مقاعد بعد لأنها فعلاً شرف للعرب في المحافل الخارجيه ، طبعاً مع خالص احترامنا وتقديرنا لقطر والامارات ..

فكتورفالدز
21-10-2010, 06:07
ضبط بن همام يضبطك !!

ولـد قـطـر
22-10-2010, 08:29
نستاهل اكثر الصراحه نظرا لنتايج فرقنا في اخر بطولتين مقارنه مع الفرق الاماراتية مثلا !

اما بالنسبة للي يتكلمون عن " تضبيط " بن همام ، لو بن همام يبي يضبطنا كان عطانا 4 كراسي مثل الامارات والسعودية !!

=)

Dubailove
22-10-2010, 10:01
نستاهل اكثر الصراحه نظرا لنتايج فرقنا في اخر بطولتين مقارنه مع الفرق الاماراتية مثلا !



خل يوصلون فرقكم للنهائي بعدين قارن

مشعل العنزي
22-10-2010, 14:19
بصراحه الامارات ماخذه مقاعد اكثر من ما تستاهل
وبعد اداء الغرافه هالسنه وام صلال الموسم الى قبله
يستاهلون هالنصف مقعد على الاقل

D ε L ρ ї ε я o
22-10-2010, 14:19
قطر مقعدين واجد عليها
بس الامارات 4 مقاعد ليش ؟
كل نادي افشل من الثاني !
والاربعه كلهم بمركز الاخير بمجموتهم !!

ولـد قـطـر
23-10-2010, 00:34
خل يوصلون فرقكم للنهائي بعدين قارن

فرقنا وصلت للنهائي وخذت البطولة قبل فرقك ..

89 السد اول فريق عربي يحرز البطولة الاسيوية .. العربي خذ الثاني سنة 92 .. الريان الثالث 97 .. ام صلال نصف النهائي 2009 ،

وما يحتاج اذكرك بـ نتايج الغرافه هالموسم ،

فووق هذا كله .. اخر بطولتيين فرقنا تفوز على فرقكم وفملاعبكم بعد ، واكبر دليل فوز السد على الاهلي الاماراتي في دبي 5 / 0 !!

=)

مشعل العنزي
23-10-2010, 09:58
فرقنا وصلت للنهائي وخذت البطولة قبل فرقك ..

89 السد اول فريق عربي يحرز البطولة الاسيوية .. العربي خذ الثاني سنة 92 .. الريان الثالث 97 .. ام صلال نصف النهائي 2009 ،

وما يحتاج اذكرك بـ نتايج الغرافه هالموسم ،

فووق هذا كله .. اخر بطولتيين فرقنا تفوز على فرقكم وفملاعبكم بعد ، واكبر دليل فوز السد على الاهلي الاماراتي في دبي 5 / 0 !!

=)

يالغالي انتوا عندكم ناس تدعم الكوره


ملاعب محترفين وبتطور مستمر واعلام وموفرين كل شى

وكل سنه الدورى احسن من الى قبلها

شوي شوي بيحضر الجمهور ويتزايد العدد

yorki
24-10-2010, 03:07
بصراحه قطر تستاهل ... وانديتها متطوره لحد كبير .. ومستواها الفني جيد

قطر بتصبح الرائده بالرياضة العربية والآٍسيوية ان شاءالله قريبا :)

عقبال الكويت يارب .. كنت اتمني ان يكون لأندية الكويت اكثر من مقعد

فالقادسية والكويت والعربي انديه كبيره من الظلم عدم مشاركتها بأبطال آسيا لمجرد ان الكويت لم تطبق الأحتراف

يابن همام غض الطرف عن الشرط هذا .. فمستوي اندية الكويت ممتازه .. وراح تسهم بالتأكيد برفع مستوي البطولة

Minister
25-10-2010, 02:20
فيه اجحاف بالتوزيع

السعوديه وايران كفايه عليها 3,5 مقعد

الامارات والكويت وقطر واوزبكستان مقعدين

سوريا مقعد

فهد الشمري
25-10-2010, 03:12
انا ابي اتكلم عن قطر بصراحه ما اقلل من قيمتها سواء حكومه او شعب وكلهم على عيني وراسي من فوق ، لكن كلام الحق ما ينزعل منه ، أنتم صحيح عندكم منشأت رياضيه تفوق ملاعب العالم بأسره وعندكم ناس تدعم الحركه الرياضيه بالبلد ، لكن من خلال مشاهدتي للدوري القطري نظرتي له انه دوري عادي من ناحيه الإثاره والمنافسه ، وبكل تأكيد ما يكون منافس لأنديه الإمارات او السعوديه ، بتقولي الكويت نفس الحاله أتفق معاك الكويت نفس الحاله ، لكن للعلم ان الكويت والسعوديه والإمارات يملكون أكبر قاعده جماهيريه انتمائيه لأنديتهم ، لكن قطر من ناحيه الجمهور والإثاره هذا غير متوفر ، اما النقاط اللي ذكرتها بالبدايه من منشأت ودعم وأهتمام من قبل الحكومه للحركه الرياضيه اهنيكم على هذا الفكر الرائع .