المساعد الشخصي الرقمي

مشاهدة النسخة كاملة : بسنا دلع للاعبين السعودين (:



تـايـقـر
20-10-2010, 23:58
هاردلك خروووج الشباب والهلال اللي كان متوقع


الى متى احنا نتكلم بالاحتراف ومانعمل به ؟



الاعبين السعودين اصبحت معدلات عقودهم خياليه وقيمتها فوق الوصف لانهم تحت مسمى لاعبين (محترفين)



يعني لاعبين لهم مدخول شهري ثابت



ومكافئات فوز



وتفرغ تام لرياضه



وفوق هذا كله التمرين فتره واحده فقط لا تتجاوز ساعتين ؟؟



وش اكثر من هالدلع ؟؟؟



اي احتراف نتشدق فيه وحنا نخاف على الاعبين المحترفين من الارهاق ؟



انت محترف ايش المانع ماتلعب مبارتين في الاسبوع ؟؟؟




نضحك على انفسنا وانقول نبي نريحهم عشان يكونون بكامل لياقتهم



وبالاخير الفريق الكوري والايراني لم تأجل لهم اي مباراه في مسابقاتهم المحليه

يعني يلعبون مباراه في اسيا وبعدها بثلاث ايام يلعبون مباراه في الدوري المحلي

فازو وصعدو للمباراه النهائيه في اسيا .!


ليش ماثر عليهم الارهاق ؟




بينما الشباب والهلال الانديه اللي تم تأجيل مبارياتهم في الدوري وتم اراحتهم بحجة الخوف عليهم من الارهاق خرجو من البطوله .!





المشكله اضرو بشباب والهلال وهم يظنون انهم ينفعونهم


لان الشباب والهلال كانو خارج فورمة المباريات بعكس الفريق الكوري والايراني اللي كانو في الفورمه وتركيزهم عالي .!



بسنا دلع للاعبين السعودين


واذا بدلعونهم اكثر وتخافون عليهم من الارهاق لا تنتظرون من وراهم نتائج


ولا تقولون احنا محترفين

TurKi
21-10-2010, 00:20
كلامك صحيح ... بس حبيت أضيف على موضوعك . أن الهلال اساسا " فاشل خارجيا " .. بغض النظر عن تأجيل ودلع وغيره ..

لأن الإتحاد مر بنفس الظروف من تأجيل وغيره ومع ذلك لعب على النهائي وكان مستواه فوق الخيال ..


إحنا ماعندنا خارجيا الا فريق وااااااااااحد فقط لاغير " الإتحـــــــــــــاد " .. فريق مايدور لنفسه أعذار يلعب بفكر محترفين .. سواء بتأجيل والا بدونه ..


لذلك حتى لو ماكان فيه تأجيل للهلال او للشباب صدقني برضه بيطلعون ...

yorki
21-10-2010, 03:25
موضوع رائع يالغالي

لكن السبب الرئيسي هو عدم تطبيق الأحتراف بمعناه الحقيقي
فسالفة التأجيلات هذى اضرت بالأندية وبالتالي لها تأثيرها
السلبي ع الدوري بشكل عام .. .. ..

الدوري الكوري والأيراني مستمر وحتي فرقهم التي وصلت لنهائي بطولة لآسيا لم
تؤجل لهم ولا مباراه .. بينما الهلال والشباب تم تأجيل 4 مباريات حتي الآن !!

واصل واصل ياسلطان يابو خطط علمية انت :)

غربة وطن
21-10-2010, 12:50
نعم بسنا دلع يا الاتحاد في الموسم الماضي ايضا وليس في هالموسم فقط لشباب والهلال
لم نسمع هالكلام في الموسم الماضي ...

holibes
21-10-2010, 13:58
يارجال اللاعب السعودي مهيأ له كل شيء
بس لاعبينا مدلعين شافوا النعمه وقعدوا يتدلعون اكثر وأكثر
لعنبوا بليسهم رواتبهم ماشاء الله ماتقل عن 15 ألف شهرياً
وسيارة آخر موديل ومقدم عقود بالملاييين وبالنهاية هذي مستوياتهم
وهذا من غير الإعلانات التجارية ياعم صل على النبي حنا احترافنا إسم فقط
اما فعل امحق احتراف إلا بالله إنحرااف على قولة عبدالرحمن بن سعود الله يرحمه

وقسم بالله إني ما ألوم سلطان بن فهد لما هزءهم في بطولة الخليج الماضية وقالوا سلطان دكتاتوري ... إلخ
الحين عرفـتوا حقيقة اللاعب السعودي لاعبين تاخذ الفلوس بس فكر كروي ماعندهم
الرياضة السعودية قسم بالله إنها ماقصرت مع اللاعبين وفرت لهم كل شيء احتراف
وملاعب وأندية ومعسكرات ومكافآت وبالنهاية لا إنجازات ولا بطيخ

الله يرحم زمان أول أو اقرب مثال لاعبين الاحتياجات الخاصة اللي حصل على
كأس العالم مرتين للإعاقه الذهنيةلا دخل مادي وحالتهم حالة وحصلوا على كأس
العالم مرتين فما بالنا بالأصحاء سيارات + فلل + رواتب شهرية + مقدمات عقود بالملاييين وبالنهاية
يعجزون إنهم يوصلون لنهائي آسيا أو تحقيق بطولة آسيا .

وصحيح مقولة إن نادي الهلال اكثر فريق سعودي يـفـشلنا خارجياً الهلال له الحين اكثر
من عشرين سنة وهو يلعب في آسيا وبالنهاية ماحقق إلا 6 بطولات فقط
والنادييين السعودييين اللي اشوفهم دايم يبدعون خارجياً هم النصر والاتحاد

Minister
22-10-2010, 23:41
الاحتراف اعوج اساسا لذا كل مخرجاته بتصير عوجا مثله

السهلاوي .. ياسر .. هوساوي .. عبدالرحمن القحطاني .. الرهيب .. وغيرهم

المبالغ اللي اندفعت في شراء عقودهم او تجديدها او طلب اعاره .. معقوله ولا مهضومه

ببدايه الاحتراف كان سقف الرواتب 30 الف ونزلوه لعشرين او للنصف الحين

ليه طيب مايحطون سقف لمقدم العقد يدفعه النادي على اساس يحد من البذخ ومغالاه اللاعبين

منها تعرف قيمه اللاعب السعودي في سوق الاعبين اذا جاه عرض يفوق السقف

ويترك مجال لغيره في النادي كم لاعب موهوب محد درى عنه بسبب وجود لاعب نجم ماكل الجو في النادي عشر سنين

بمعنى الدوري السعودي اذا كانت الدوريات بالفئات هو فئه متدنيه يعني لاعب قيمة عقده اكثر من خمسه مليون ريال مايلعب له

واعتقد ان الدوري السعودي ينفع ينتج ويبرز لاعبين ولاينفع يكون مطلب النجوم للعب فيه .. وتسلم