المساعد الشخصي الرقمي

مشاهدة النسخة كاملة : نبيــه سعــودي !!



yorki
21-10-2010, 04:05
نبــيه سعـــودي

لخبطوا الدوري من اجلك .. ياهلال

تأجيل مباراه الاتحاد بالغصب .. لأرضائك ياهلال

ركزوا قنواتهم من اجلك .. ياهلال

برامج وتغطيات مستمرة علشانك .. ياهلال

قناة الرياضية السعودية تنقلب الي قناة .. الهلال

بث متواصل ومراسلين في كل مناطق المملكة .. لأجلك ياهلال

عمل 24 ساعة حي ومباشر .. لعيونك ياهلال

قللوا من قيمة الفريق الايراني .. علشان تفوز ياهلال

بل وصفوه ببالبطيء حركيا وعقليا .. لتفوز ياهلال

وبالنهاية

كف ايراني جامد اسقط زعيمهم وادخلهم في غيبوبة
ليكشف حال فريقهم ( المحلي ) لتسقط اقنعة زعامته
المزعومه

والتالي

مثلما وصفوا من لم يساندهم بعدم الوطنية

سوف يتهمون من لن يحزن معهم بمعدوم الانسانية

الهلال معروف من هزمه ... لا جديد !!

والشباب خسر عندما فاز بالرياض بالثلاثة الكورية !!

نبيه سعــودي

وبالفعل كان الخروج سعــودي

ويابلادي واصلي .. برعاية سلطان بن فهد وتركي بن سلطان ..
والي اخفاق جديد سنلتقي مع دورة خليجي عدن ..

WARIO
21-10-2010, 04:12
شي طبيعي يكون في اهتمام كون ان الهلال مقبل على نهائي اسيوي لكن الله ما كتب

على العموم ان شاء الدوري اتحادي

:p

فهد الشمري
21-10-2010, 04:38
الهلال اليوم قدم مستوى سيء جداً وما شفت هالمستوى بالهلال من الموسم السابق ، صراحه مباراه كانت ميته من طرف الهلال بأستثناء بعض الكرات او بعض الهجمات اللي ما شكلت اي خطوره على المرمى الايراني ، سوولكم كل شي هيئه الشباب والرياضه بالسعوديه اجلت مباراه الاتحاد وخربطت الدوري وحملات وناس جايه من اخر الدنيا واخرتها هذا المستوى ؟؟

بصراحه لازم احد يتحرك يشوف صرفه يشوف شي يسويه قبل ما ينهار النادي نفسياً من جماهير واداره وجهاز فني واداري ولاعبين ...

غربة وطن
21-10-2010, 11:33
شي طبيعي ممثلي الوطن لابد من الوقوف معهم
هل نسيتم ماذا فعلوا لكم في الموسم الماضي ام تنكروون ذلك ..

holibes
21-10-2010, 12:14
ياناس الحين تلومون سلطان بن فهد لما يمصخر اللاعبين السعوديين
ياناس هاللاعبين ياخذون رواتب ماشاء الله شهرية ماتقل عن 15 ألف ريال شهرياً
ومقدم عـقود بالملايييين وبالنهاية يطلعون بمستويات باهته وتـفـشل وبعضهم كنه أول مرة يـشوف كورة
فما بالك باللعب .

والله السعودية ماقصرت بالكورة طورت وجابت وسوت ملاعب وخلت اللاعبين يحترفون وياخذون الملاييين
بس الحين عرفنا وش مشكلة اللاعب السعودي هو الفكر الاحترافي ( اللاعب السعودي ماعنده فكر كروي )
مافيه لاعب سعودي يلعب بعقله قبل إمكانياته كلن يطق ويلحقها وهذا ماشفناه مع الايرانيين والكورييين ناس عندها
فكر احترافي في كرة القدم .

جريتـس خلاص إذا انت ماعندك شيء تقدمه خلاص توكل على الله ياخي
جرتـس الظاهر يبيله كاس قبل كل مباراة عشان يمخمخ على الفريق مع إنه موفرين له في سكنه

نيفيز إذا انت ودك ترجع للبرازيل عشان تشارك مع منتخب بلادك روح اطلع وللأسف امس يلعب على الواقف
ويبدولي الإصابة مأثرة عليه

رادوي راجع من إصابه ولا دخل بالفورمة

الكوري لي شوتتك للاعب الإيراني شوته غبية صحيح إن الهدف راح يصعب من مسؤولية الهلال بس عادي في إمكانية
تجيبون ثلاثة وهذا شيء متوقع إن الهلال راح يدخل في شد نفسي اكثر واكثر بالشوط الثاني والهدف اعطب نفسياتكم زيادة
فعشان كذا ماقدرت تمسك اعصابك وخرجت بالكرت الأحمر . بس ياليت الإدارة الهلالية جابت لك كـلـب من الاستراحات اللي قريبة من الملعب
عشان تذبحها بين الشوطين وتمخمخ عليها وتورينا لعبك .

ياسر ابيك يوم من الأيام تـقتـنع إن مستواك هابط وفاشل لا تكابر على نفسك وأنت ضحية التطـبيل والاعلام الرياضي الهلالي اللي مجدوك وطيروك بالعجه
ولا بس جيدك بالهريفي وجيدك بفريق النصر ولا الناس اللي اللي خارج السعودية تكون بينهم مثل النعامة

الشلهوب خلاص فكر بالاعتـزال من الحين معد لك مكان بالهلال عط عبدالعزيز الدوسري فرصة انت شف لك نادي ثاني

هوساوي انتهى زمن لعب الحواري ولعب المدارس هذي بالله تخليصة لاعب محترم إذا ماجيت مثل
ابو جميل أيام زمان تـقشها من الباب للباب هذا ماهو مدافع وغلطة الشاطر بمليون بس تدري حسافة الملايين اللي اخذتها بمقدم عقدك ههههههههه

المحياني خلك على حواري مكه وشارع المنصور ههههههههه وخذلك كامري وركب المعتمرين من مواقف الحجز لحد الحرم واكسب اجر ارحم لك من الكورة

الزوري لو إنك قاعد في رياضة السباحة ابرك لك وش لك بكرة القدم اللاعب الإيراني ابو رقم 9 طلع ريحتك

المرشدي + العتـيبي انتم الأثنين اللي داخلين جو المباراة

همسة : ياجماهير الهلال اتركوا عنكم الطنازة بنادي النصر وضحككم عليه بأنه له 16 سنة ماحقق بطولة وانتم الحين لكم 10 سنوات ماحققتم بطولة آسيا وهي حلمكم الوحيد
والسنوات القادمة راح تزيد المعاناة لين تصبح 16 سنة ماحققتم كأس آسيا للأندية والحال على النصر لو يترك عنه الشماته كان حققنا البطولات وهذي الظاهر ذنوبنا وذنوبكم يالهلاليين :)

وبالنهاية اشكر جميع الجماهير السعودية اللي حضرت أمس في مساندة نادي الهلال مع العلم إن كلهم ماهم هلالييين فيه منهم النصراوي والشبابي والاتحادي والهلالي والأهلاوي
وعلى العموم معوضين خير يالهلالييين

غربة وطن
21-10-2010, 12:25
الاخ هوليبس في نقاط عجبتني من كلامك وفي نقاط انا ضدها جملة وتفصيلا ولي رجعه بأذن الله ..

yorki
23-10-2010, 03:55
holibes (http://diwania.alazraq.com/member.php?u=37408)

الهلال سيء خارجيا .. اكثر من عشر سنوات يحاول الهلال بكسب اي بطولة خارجية
ولكن كل محاولاته فاشلة .. والسبب اعتقد ان زمن سامي الجابر والتمياط والثنيان ولي
ولن يعود .. وببساطه حرام المقارنه بين سامي وياسر مثلا

holibes
23-10-2010, 07:56
يوركي صراحة
فيه فرق بين سامي وياسر والتـفوق لسامي نسبـياً
وفي نـفـس الوقت الإعلام نـفخ فيهم الأثـنـين
ولا سامي وياسر كلهم يحبون الترزز ويحبون الفلاشات