المساعد الشخصي الرقمي

مشاهدة النسخة كاملة : لاول مره من سنوات الازرق يدخل بشخصية البطل ويمتلك المواهب بكل المراكز !!



ســـاره
17-11-2010, 18:42
السلام عليكم ورحمة الله وبركاته







بالفعل لأول مره من سنوات طويله " ومؤلمه " المنتخب الكويتي الأول لكرة القدم يدخل بطوله وأهو يمتلك حلول ومواهب ولااعبين بكل المراكز تقريبا







لكن هل هالمواهب والاعبين تتوظف صح ؟






بحراسة المرمى عندنا أثنين من أفضل حراس الكويت بالوقت الحالي وماأباالغ لو أقول بالخليج بعد





الخبره نواف الخاالدي والشاب خالد الرشيدي مع أفضليه لخالد الرشيدي اللي مستواه ثابت من بداية الموسم لغاية الآن وهالشي ماينقص من قدر كابتن المنتخب نواف الخالدي اللي تعودنا أنه يقدم مستويات كبيره خصوصا بالمنتخب





خط الدفاع : قلوب حسين فاضل وأحمد الرشيدي أفضل قلبين دفاع بالدوري الكويتي بالوقت الحالي + محمد راشد – يعقوب الطاهر – فهد عوض – مساعد ندا





النص : بالرغم من الغياب المؤثر لمحمد جراغ ألا أننا نملك البدائل اللي من " الممكن " أنها تنسينا جراغ .. مقصيد – العامر – جراح العتيقي – عزيز المشعان – وليد علي – فهد العنزي





الهجوم : من أفضل المهاجمين بالكويت وهم ماابالغ لو أقول بالخليج : بدر المطوع – خالد خلف – يوسف ناصر – حمد العنزي

طبعا في بعض الااعبين تجاهلتهم لأني مومقتنعه بمستواهم : )






السؤال منو يوظفهم صح ؟ ليش نشوف تأليف بالتشكيله وبالمراكز ؟ أنت عندك الحلول بكل المراكز ليش ماتخلي كل لاعب يلعب بمركزه اللي يبدع فيه



كنت أتناقش أنا وبنت جابر عن التشكيله المحتمل ندش فيها بكااس الخليج ومثل ماالكل عارف مجموعتنا قطر والسعوديه واليمن



عطتني رايها والتشكيله اللي هي وأنا والكل " نتمناها "







خالد الرشيدي



مساعد ندا حسين فاضل احمد الرشيدي محمد راشد



مقصيد طلال العامر جراح العتيقي فهد العنزي



بدر المطوع ويوسف ناصر


..




افضل الاعبين يلعبون وعندك حلول بكل المرااكز ليش التأليف ياجهاز فني ؟؟



أناا أجزم أن هالتشكيله ماراح نشوفها ولا بالأحلام لأن التأليف خلق لنا للأسف والدليل أكثر مبارياتنا الوديه والرسميه السابقه بعض الاعبين يلعبون بغير مراكزهم



عندك أفضل لاعب يلعب كروسات بالكويت تلعبه قلب اللي ماهو مركزه وتفقده بمركزه الأصلي وتقعد القلب الرشيدي بالأحتياط ليش ؟



لحد يقولي انتي تهاجمين ولاتحبطين قبل البطوله هذي ماهي مهاجمه كثر ماهو توضيح بهالعناصر نقدر ناخذ حتى كاس أسيا لكن المطلوب أنها " تتوظف بالمكان الصح " عندكم لاعبين ذهبه ياجهاز فني وإداري تكفون مانبي تأليف ولانبي خمبقه في بالبطوله الخليجيه



عطونا رايكم

Q8 FanTaK Q8
17-11-2010, 18:50
وعليكم السلام ورحمة الله وبركاته

شكرا على طرحج الجميل

وينقصنا عجب

اتوقع بهالبطوله لو يلعب راح يرد للمستوى اللي تعودنا عليه

كويتاوي 2004
17-11-2010, 18:53
كلام سليم 100 % وما شفنا اللاعبين اللي عليهم خلاف
التشكيلة ممتازة ولكن ما نقدر نستغني عن وليد والمشعان مع بعض ... المفروض وليد يكون مكان مقصيد .
بالنسبة لي اشوف أنه عندنا وليد والمشعان وفهد العنزي والمفروض اثنين من هالثلاث لازم أساسيين بكل مباراة .
الإرتكازات ما يتغيرون وهم جراح والعامر .

!.. El7mn ..!
17-11-2010, 18:55
انتي قاعدة تقولين افضل لاعبين بالكويت و هذا شي طبيعي لان هذا المنتخب ، الا اذا كنتي تقصدين ان بالنسخ الماضية ما كنا نشارك بافضل لاعبينا فهذي مصيبة !

اتوقع ان خانتج صياغة الموضوع وانتي تقصدين ان حاليا لاعبينا افضل من النسخ الماضية ،،

لكن السؤال هل لاعبينا وصلو المرحلة الي و صلو لها الاماراتين و السعودين؟

ماعتقد ..

بالعشر السنين الي طافت كل المنتخبات تطورت الا احنا تراجعنا ..

لذلك اعتقد ان سلاحنا الوحيد هو روح اللاعبين كالعادة ..

و ان شاء الله تكون روحهم كافية لتذليل " الفوارق الفنية " بينا وبين محترفين السعودية و الامارات والعراق و مجنسين قطر و البحرين ..

بس باذن الله عيال الكويت قدها ..

بالتوفيق للازرق ..

blues q8
17-11-2010, 18:57
اتفق معاج بس الباك اليمين اشوف الطاهر افضل ووليد علي افضل من مقصيد


منتخبنا بالـ18 لاعب اما الباقي لو يجمعون الكور لهم يكون احسن

@ سلماوي صميم @
17-11-2010, 18:59
المشكلة يا ساره عندنا فقر في قلب الدفاع عشان جذي يلعب مساعد ندا قلب .. وبعدين المواهب مقتصرة على اثنين اثنين او ثلاث المطوع و المشعان و فهد العنزي و الباجي كثر الله خيرهم .. و الحراسة بعد للأسف الخالدي مو بمستواه و الرشيدي توه عليه ضغط كبير فحرام نحكم عليه .. لكن من ناحية تفلسف بالمراكز انا اتفق وياج مليون بالمية و لا تلعب مساعد قلب ؟؟ وفهد عوض ؟؟ صراحة بديت اخاف صج من الدفاع .. اللي عاجبني بالدفاع بس واحد محمد راشد و مساعد ندا طبعا هذا قائد المنتخب الحقيقي و غيرهم الله يستر .. مشكورة على الموضوع ..

ســـاره
17-11-2010, 19:02
كلام سليم 100 % وما شفنا اللاعبين اللي عليهم خلاف
التشكيلة ممتازة ولكن ما نقدر نستغني عن وليد والمشعان مع بعض ... المفروض وليد يكون مكان مقصيد .
بالنسبة لي اشوف أنه عندنا وليد والمشعان وفهد العنزي والمفروض اثنين من هالثلاث لازم أساسيين بكل مباراة .
الإرتكازات ما يتغيرون وهم جراح والعامر .
وليد لااعب مميز خبره هالكلام ماعليه خلاف لكن المستوى اللي قدمه مقصيد يشفعله يكون أساسي أما وليد من بداية هالموسم ماهو وليد اللي نعرفه



FanTaK (http://diwania.alazraq.com/member.php?u=39193): عجب عاد الله يهديك على حساب المنتخب تبيه يرد لمستواه اللي صارله سنتين طايح !!

كويتاوي 2004
17-11-2010, 19:08
^^^
بالعكس .. هذا أفضل موسم بالنسبة لوليد ... وخصوصا بالنسبة للتسديد من خارج منطقة الجزاء .
عالعموم إذا مو وليد يكون المشعان أو فهد العنزي مع إنه مكانهم يمين ... أهم شي هالثلاث لاعبين ... وليد والمشعان والعنزي ... اثنين منهم يغطون الأجنحة .
بالنسبة لمقصيد يصلح يكون احتياط للإرتكاز وأعتقد هذا سبب استدعاءهم له لأنه الشيخ والأنصاري ما يصلحون .

ســـاره
17-11-2010, 19:13
انتي قاعدة تقولين افضل لاعبين بالكويت و هذا شي طبيعي لان هذا المنتخب ، الا اذا كنتي تقصدين ان بالنسخ الماضية ما كنا نشارك بافضل لاعبينا فهذي مصيبة !

اتوقع ان خانتج صياغة الموضوع وانتي تقصدين ان حاليا لاعبينا افضل من النسخ الماضية ،،

لكن السؤال هل لاعبينا وصلو المرحلة الي و صلو لها الاماراتين و السعودين؟

ماعتقد ..

بالعشر السنين الي طافت كل المنتخبات تطورت الا احنا تراجعنا ..

لذلك اعتقد ان سلاحنا الوحيد هو روح اللاعبين كالعادة ..

و ان شاء الله تكون روحهم كافية لتذليل " الفوارق الفنية " بينا وبين محترفين السعودية و الامارات والعراق و مجنسين قطر و البحرين ..

بس باذن الله عيال الكويت قدها ..

بالتوفيق للازرق ..

ياحمني لو بتتكلم عن الأحتراف وماغيره ماراح نخلص أنا أتكلم كمواهب هل المواهب اللي موجوده عندك تتقارن بالخليج ؟ الجواب نعم وتتعداهم بعد

بالنسبه أن النسخ السابقه مانشارك بالأفضل اي نعم وخصوصا في البطوله اللي صارت بالإمارات الإختيارات كارثه لاعبينا تتطوروا صحيح ماكو أهتمام.. لكن مشاركاتهم الدوليه وأحتكاكاتهم مع أنديتهم والمنتخب المفروض أنها زاادت الثقه فيهم

عندك موااااااااهب لاتقولي إمارات وسعوديه مع أحترامي لهم

السعدون
17-11-2010, 20:44
موضوعج حلو ساره وهم تشكيلتج حلوه بعد
بس لا تنسين البريجي تراه خووش لاعب والله
وهم طلال نايف وحش بالنص

AMiR Barca
17-11-2010, 22:10
ماأتفق معاج اشوف السعودية والامارات وقطر مستوياتهم وإعداداتهم أفضل مننا ..

الخــالــدي
17-11-2010, 22:20
الخالدي
مساعد , الرشيدي , حسين , الفضلي
العتيقي , العامر
العنزي ,,, المشعان
بدر
يوسف


أفضل تشكيلة بالوقت الحالي .. :)

VaLiNoR
17-11-2010, 22:22
غوران لازم يستوعب إن الأظهرة ضرورية لبناء الهجمة وضرورية جداً أمام الفرق إلي وسطها قوي .. مو عشان فهد عوض يروح ويرجع معناته إنه زين .. اللياقة البدنية لها دور كبير في كرة القدم صحيح .. لكن إذا كان اللاعب ما يعرف يلعب عرضيات واهي اهم ميزة في لاعب الظهير .. فمعناته إنه ما ممكن يفيدني اللاعب إلا في حالة الدفاع فقط .. وحتى لما الفريق كله يهجم كمجموعة والهجمة تنتهي بعرضية خاطئة ممكن تكلف الفريق وايد عن طريق هجمة عكسية مباغتة .

لكن إذا كان غوران مصر على فهد عوض .. أتمنى فهد عوض يصدمنا ويعود لمستواه السابق ليش لا .. حالياً اللاعب قام يتمرن صبح وعصر يفترض إنه يطلع بشي مفيد من ورى هالتمارين !

بنت بلادي
17-11-2010, 22:36
بالضبط ..

كـ مهاره عنـدنا لاعبين مهارييـن ..

بس بالمقابل عنـدنا ناس ما تفكر .. جم لاعب مو بمستواه خلهم بناديهم لين يتعادلون ماخذينهم ليش ؟

عجب .. وليـد .. فهد عوض .. لاعبين مستواهم كل ماله و ينزل ..

هالاعبين محتاجين اعادة تأهيل .. بعدين خل نشوفهم بالمنتخب ..

!.. El7mn ..!
17-11-2010, 22:36
ياحمني لو بتتكلم عن الأحتراف وماغيره ماراح نخلص أنا أتكلم كمواهب هل المواهب اللي موجوده عندك تتقارن بالخليج ؟ الجواب نعم وتتعداهم بعد

بالنسبه أن النسخ السابقه مانشارك بالأفضل اي نعم وخصوصا في البطوله اللي صارت بالإمارات الإختيارات كارثه لاعبينا تتطوروا صحيح ماكو أهتمام.. لكن مشاركاتهم الدوليه وأحتكاكاتهم مع أنديتهم والمنتخب المفروض أنها زاادت الثقه فيهم

عندك موااااااااهب لاتقولي إمارات وسعوديه مع أحترامي لهم
ماتفق وياج ،،

الموهبة مو كل شي ..

اللاعب المحترف يكون جاهز بدنيا اكثر من الهاوي ..

و تعاملة وتفاعلة مع مجريات المباراة افضل من الهاوي ..

الي راح يفرق معانا روح لاعبينا و راح اذكرج بهالشي لمن تبدي البطولة ..

اذا بتفائل فلوجود طلال الفهد لان خبير بشحن اللاعبين نفسيا ..

و ان شاء الله خير انا متفائل ان بنقدر نطوف الدور الاول

حسون مدريد
17-11-2010, 22:44
لا ترفعون وايد علشان لا تنصدمون من النتيجة ،،

ومثل ما قال حمين الموهبة مو كل شي ..

bnt_jaber
18-11-2010, 00:47
الله كريم !!
نبي الكاس !!!
لاعبينااا ممتازيين !!
والمدرب بيحتاار من يحط اساسي !!
اهم شي نفس ما قالت ساروون لا يآلف بالمراكز وو خل نستفيدددد من كل لاعب ...

King Kenny
18-11-2010, 00:51
اممممممممم ان شالله منتخبنا يكون قد الاسماء المره كاس الخليج ينادينا :)

»мя•JỢỢKєя™
18-11-2010, 02:49
اي والله بس الأصابه ...

هنادي
18-11-2010, 03:28
حلو التفائل السائد بين اغلب الاعضاء ( تفائلو بالخير تجدوه )
اشوف ان الروح وبعض العناصر هي الي بتصنع الفرق في منتخبنا عدا ذلك غيرنا سابقينا بمراحل
بس الروح لها دور كبير ياما فرق تملك عناصر واعداد ممتاز وصرف وغيره بس تفتقد للروح وكانت النتايج مخيبه
خلونا متفائلين لين يرجعون لنا و هم حاملين الكاس وبعدها كيفكم اذا بتتشائمون مايهم :biggrin:

القناص
18-11-2010, 03:34
اهم شي الروح القتاليه

بأذن الله تكون بدايتنا قويه ونتصدر المجموعه

ونحو اللقب العاشر
يارب وفق الازرق

استعمار
18-11-2010, 03:39
الله يعطيك العافية

انا اقووووووول والله للاسف حسين الموسوي ما ياخذونه للمنتخب يقدم مستوى طيب
ولو احتياط وتنزله لما تحتاجه

التشكيلة اللي اشوفها مناسبة

//////////////////////////////////////////////////////
/
/نواف الخالدي /
/ /
/علي مقصيد - مساعد ندا - حسين فاضل- محمد راشد/
/ /
/طلال العامر - جراح العتيقي /
/ /
/فهد العنزي - عبدالعزيز المشعان- - بدر المطوع /
/ /
/حمد العنزي /
/////////////////////////////////////////////////////////
تحياتي

7achm !!
18-11-2010, 06:14
ادري بنشوف ترقيع بالتشكيله
بس الله كريم

بنت القلعة الصفراء
18-11-2010, 09:29
أتفق معاج أختي

من زمان ما شفنا منتخبنا يمتلك مواهب وعناصر جيدة بجميع المراكز
دايما نكون متخوفين من مركز معين بسبب الافتقار للاعب الجيد فيه
لكن هالمرة غير عندنا لاعبين ممتازين لكن يحتاجون للتوظيف الصحيح كل واحد يمركزه الأساسي مثل ماقلتي

بالتوفيق لمنتخبنا
وان شاءالله يردون والكأس معاهم :)

كظماوي فور ايفر
18-11-2010, 09:48
ساره اغلب اللاعبين الي ذكرتيهم اهم نفسهم لعبو بكاس الخليج الي بعمان والامارات والنتيجه شنو ؟

تعادل مع اليمن وخساره من عمان والامارات والسعوديه وطلعنا برا فناقر

King Kenny
18-11-2010, 11:50
^^^^^^^^^^^^^^^^^^^

بس الحين غير منتخبنا حاليا فترة حصاد اذا مخذينا البطوله خلاص ماعتقد اكو بطولات قادمه لنه اكثر منتخبات الخليجيه لاعبينها كبار وتحتاج تجديد عكس منتخبنا .

player - 6
18-11-2010, 12:26
قواج الله
بس افضل انه نشوف العنزي والمشعان
لاعبين صغار ويبون فرصتهم ويثبتون انفسهم
ومتميزين بأخر بطوله شارك فيها المنتخب

بس المشكله بالدفاع الله يستر منه وان شاءلله غوران ما يـجامل
بس اللعب الرجولي والروح قبل
كل شي وانت تفوز وتقدم المتعه

X-HaRdY
18-11-2010, 13:14
موضوعج كله تمام بس غلط انج تقولين عندنا احسن لاعبين بالخليج

ننطر كاس الخليج والله يستر

بالتوفيق للمنتخب

كظماوي يحرق دمك
18-11-2010, 14:55
خوش خطه
بس لو يكون المطوع خلف المهاجم احسن علشان يقزرها

هيـبـة ملـك
18-11-2010, 15:13
أشوف انه مو الأفضل بالخليج مره وحده
اللاعبين المواهب بنظري . بدر المطوع - مساعد - احمد الرشيدي - المشعان -فهد العنزي "فقط"
ولا الباقي عاديين بالنسبه للخليج ..
و وأفضل بالتشكيله محمد راشد و مقصيد احتياط لـ يعقوب الطاهر و المشعان
طبعا المشعان يلعب يمين و فهد العنزي يسار ..
و شي طبيعي بنشوف تـرقيع بالدفاع كالعاده ..
و يـاخوفي هالتـفائل يرد عكسي .. مع اني متشائم وحاس بنطلع من الدور الأول ..

ســـاره
18-11-2010, 15:49
اتفق معاج بس الباك اليمين اشوف الطاهر افضل ووليد علي افضل من مقصيد


منتخبنا بالـ18 لاعب اما الباقي لو يجمعون الكور لهم يكون احسن

موقصور بالطاهر ولاهو ترفيع بالقدساوي محمد راشد لكن محمد الكل يجمع أنه أفضل مدافع بالوقت الحالي ويقدر يعطي بهالمكان أفضل من الطاهر

ســـاره
18-11-2010, 15:52
المشكلة يا ساره عندنا فقر في قلب الدفاع عشان جذي يلعب مساعد ندا قلب .. وبعدين المواهب مقتصرة على اثنين اثنين او ثلاث المطوع و المشعان و فهد العنزي و الباجي كثر الله خيرهم .. و الحراسة بعد للأسف الخالدي مو بمستواه و الرشيدي توه عليه ضغط كبير فحرام نحكم عليه .. لكن من ناحية تفلسف بالمراكز انا اتفق وياج مليون بالمية و لا تلعب مساعد قلب ؟؟ وفهد عوض ؟؟ صراحة بديت اخاف صج من الدفاع .. اللي عاجبني بالدفاع بس واحد محمد راشد و مساعد ندا طبعا هذا قائد المنتخب الحقيقي و غيرهم الله يستر .. مشكورة على الموضوع ..

ماعندنا فقر بالدفاع ولاشي بس المدرب ماهو واثق بلعيبته الرشيدي وفاضل قلوب ومرااكزهم الأساسيه مايحتااج تأليف مساعد مايعطي بالقلب مثل مايعطيك بمركزه الأساسي

Ali Alqallaf
18-11-2010, 15:58
طلال نايف وجراغ المنتخب خسر لاعبين مثلهم لان ماضن اي احد يقدر يسد مكانهم
بس لاعبينه فيهم الخير
فهد الانصاري + المعتوق مالهم مكان الصراحه
خلونا نصير واقعيين:)
ولا واحد فيهم يستاهل يلعب اساسي ووالله انا قدساوي بس لازم نفضل مصلحه المنتخب
على الكل:)

Ali Alqallaf
18-11-2010, 16:02
مباراتنا الاولى راح بوجة نظري بتحسم كل شي:)
ان فزنا على قطر:) الدور الثاني راح يكون مفروش بالورد لنا:)

وبوجه نظري المواهب بالمنتخب واايد على فكرة
مثل: المشعان وفهد العنزي<< اثبتو وجودهم فبطوله غرب اسيا وبنواديهم المفروض بكل مباراة اساسين:)
بالاضافه الى: المطوع+خالد خلف +وليد علي+احمد الرشيدي
يعني عندنا اسامي تبشر بالخير
بس لايفضلون الواسطه على حساب المنتخب فهد الانصاري+ المعتوق:p

golden guy
18-11-2010, 16:14
صح كلامك بس وين عجب ليش مو من الاسماء
انشاءالله بعد هل خليجي يعود لبو عجب الي انعرفه

الروزونيري
18-11-2010, 17:17
كم نقطه تحتسب في حاله الفوز وفي حاله التعادل وكم نقطه تخصم في حاله الخساره

ســـاره
18-11-2010, 19:07
غوران لازم يستوعب إن الأظهرة ضرورية لبناء الهجمة وضرورية جداً أمام الفرق إلي وسطها قوي .. مو عشان فهد عوض يروح ويرجع معناته إنه زين .. اللياقة البدنية لها دور كبير في كرة القدم صحيح .. لكن إذا كان اللاعب ما يعرف يلعب عرضيات واهي اهم ميزة في لاعب الظهير .. فمعناته إنه ما ممكن يفيدني اللاعب إلا في حالة الدفاع فقط .. وحتى لما الفريق كله يهجم كمجموعة والهجمة تنتهي بعرضية خاطئة ممكن تكلف الفريق وايد عن طريق هجمة عكسية مباغتة .

لكن إذا كان غوران مصر على فهد عوض .. أتمنى فهد عوض يصدمنا ويعود لمستواه السابق ليش لا .. حالياً اللاعب قام يتمرن صبح وعصر يفترض إنه يطلع بشي مفيد من ورى هالتمارين !



وليش متأكد أن فهد عوض بيكون أساسي ؟؟ أتوقع في لاعبين احق منه حاليا



بنت جابر : اي والله بيحتار والدليل أنج نسيتي جم لاعب وأنت تعددينهم :p

مجنونة باتي
18-11-2010, 19:16
ماأتفق معاج اشوف السعودية والامارات وقطر مستوياتهم وإعداداتهم أفضل مننا ..

اتفق معاك


وانا اشوف مشكلتنا بالدفاع

كـ أسماء ماكو خلاف عليها بس المشكلة بـ التفاهم


غالبا مايكونون متفاهمين ولا يتعازمون على الكورة ولا يلعبون على الواقف او التسلل الي موعارفين يطبقونه وكسره اسماعيل مطر بـ قولين!


قواج الله على الموضوع

ســـاره
18-11-2010, 19:25
طلال نايف وجراغ المنتخب خسر لاعبين مثلهم لان ماضن اي احد يقدر يسد مكانهم
بس لاعبينه فيهم الخير
فهد الانصاري + المعتوق مالهم مكان الصراحه
خلونا نصير واقعيين:)
ولا واحد فيهم يستاهل يلعب اساسي ووالله انا قدساوي بس لازم نفضل مصلحه المنتخب
على الكل:)


ماظن قريت االموضوع محد جاب طاري معتوق ولا الانصاري : )




هيبة ملك : صدقني الأفضل خذلك لمحه على منتخبات الخليج وقارن بينهم محد جاب طاري التفاؤل كثر مااهو ثقه بقدرات الاعبين " إذا " توظفوا صح

Orange Tango
18-11-2010, 20:04
تشكيلة واقعية نوعآ ما ,

و في الواقع أسماء عادية جدآ بإستثناء لاعب أو اثنين فقط من اللاعبين الخبرة

و بالنسبة للمواهب إللي ناطرين منهم شي راح تكون هذي أول بطولة كبيرة لهم و أكيد راح تحوشهم رهبة و خوف ,,,

خصوصآ إن مستوى اللاعب في بطولات الخليج يعتبر محك يا (ترفعه فوق) او (تدمره) و في شواهد كثيرة طبعآ ,,,


أما مسألة إن لاعبينا الأفضل في الخليج فهذي مبااالغ فيها حيل ,,



بس إن شاء الله يكونون الأفضل بعد ما يسيطرون على جوائز البطولة يا رب :)

نــــورا
18-11-2010, 23:07
محتاجين مباريات قويه للمنتخب ومن مدارس مختلفة علشان نقدر نحكم على المنتخب ( مثلا نلعب مع فريق يعتمد على السرعة فرق تعتمد على المهارة فرق تعتمد على البنية الجسمانية والقوة ) هذا المدارس اللي ممكن نستفيد منها بالمنتخب ولاعبين بشكل مباشر

بطولة الخليج نفسية اكثر من انه فنية تلعب فيها التصريحات بشكل اساسي

aL-3a9eM
18-11-2010, 23:19
التشكيله اللي اتمناها ..

الرشيدي
ندا .. فاضل .. الرشيدي .. راشد
.......... العتيجي ...........
مقصيد .................. العنزي
......... المشعان .............
المطوع
.............. يوسف ناصر

<< تشكيلتي وكيفي :p

Bo_faraj
18-11-2010, 23:52
بالفعل بالسنين اللي طافت كنا نعتمد على اللاعبين القتاليين و التكتيكين من غير مهارة. الحين صار عندنا لاعبين مهاريين يقدمون كرة جميلة.

طبعا هذا بالاضافة الى أن بدر المطوع تقريبا وصل لمرحلة النضج الكروي و صار يخدم الفريق بشكل فعال أكثر. و العتيجي صار كابتن قيادي داخل الملعب.

هيـبـة ملـك
19-11-2010, 00:16
ســاره ..
أنا ما قلت انه لاعبينـا سيئين بس هذا الواقع اللاعبين إلي ذكرتهم أهم الأفضل بالكويت وبنعدون من اللاعبـين المميزين بالخليج
ولما تجين تقارنينهم بلاعبين السعوديه بتحسين فـيه فـرق بين لاعبيـنا وبينهم كـبيـر !!
ولا تنسين انه لاعبين "هاويين" مو لدرجة الأفضل بين الخليج بس ماهو سيئين .. جيدين !

و عن التفاؤل لمسته بردود بعض الاعضاء .. ؤمافيها شي إذا تفائلوا .. المهم نفس ما قلتي ان شاءالله غوران .. و عبدالعزيز حماده يتوفقون بتنظيم بالمراكز !!

Everton F.C
19-11-2010, 00:45
محد شفــّح المنتخــب .. ألا ( ..... )

الله يوفق المنتخــب

حبي القآدسيه
19-11-2010, 15:29
عــدل كــلآمج آختــي ..

آنشــآلله مــآ يكون في تــآليف بالمــرآكز .. ولآ مجــآملآت بالتشكيــله ..

<< مــآدري ليش عنــدي آحســآس .. آن منتخبنــآ إذآ مــآ خــذآ الكــآس بــ هــذي الدوره ... عمره مــآ رآح يــآخذهــآ بــ هــذآ الجيــل ..

كويتى باك
19-11-2010, 17:04
اكيد مرشح ؟؟؟؟؟
فى احد موجود من المنتخبات الى غيرت لاعبينهم من الاساسيين
والاصابات ومشاركة بالاعبين ( الالمبى )

Bo alFoz
20-11-2010, 03:13
أهو صحيح عندنا مواهب بكل المراكز ولأول مره من سنوات أنحس أنه عندنا منتخب قادر على المنافسه والفوز بالبطولة

بس المشكله بعقلية لاعبينا بالمباريات الكبيـره .. ضد السعودية ولا الامارات ولا عمان ولا البحرين يرتبك المنتخب لين يدش عليه الهدف

وبعدين يضغط يبي يعوض بدون التزام بالتكتيك والخطه لين يدخل علينا هدف ثاني وهذي ملاحظها من فتره بلاعبينا .. متى ما زالت هالمشكله أتوقع بأذن الله راح ننافس على البطولة

الله كريم

فهد الشمري
20-11-2010, 03:20
انا ما اتفق معاج بنقطه ذكرتيها يا اخت ساره وهي لأول مره من سنوات يدخل بشخصيه البطل ، منتخبنا بكل بطوله يدخل الافرقه يحسبون له الف حساب ولا تنسون ان هالبطولات توفيق من رب العالمين ، ونفس الكلام انطبق على الازرق قبل مشاركته في خليجي 19 لما قالو منتخبنا يبي يدخل بقصد المشاركه وسيكون تحصيل حاصل للأفرقه ، احرج عمان صاحب الارض والجمهور في مباراه الافتتاح بتعادل بطعم الفوز للأزرق ، فاز على البحرين بهدف مساعد ندا وقدم مستوى رائع امام العراق وخرجنا من المنتخب السعودي وكان الأزرق بوقتها ضاغط على المنتخب السعودي ، وللعلم ان دخل مرمانا بوقتها هدفين من اصل 4 مباريات ، والأزرق دائماً ما يكون مرعب للأفرقه ..

البرشاوي
20-11-2010, 03:23
يا زت لي شخصية البطل
حلو هالتعبير ،،،
اذا الحارس الخالدي يالله من فضلك لا حنا فعلا ابطال
والنص بعد عندنا جواهر الله لا يغير علينا ،،،
لا والهجوم يا رب يحفظهم المطوع اللي ما يعرف مقاسات القول وعجب اللي يالله بعد جم سنه عرف انه اهو لازم يسجل الاقوال ،،،
فعلا شخصية بطل ،،،
آنا بعرف ليش مستذبحين على المشاركه ،،،
اذا علشان صوت اليمن ،،، كلها تبرع لانشاء ملعب او صالة حق اليد مساكين ما عندهم ،،،
والصوت مضمون
مو بس يبنون حقنا الصالات والملاعب ، خل خيرنا يوصل حق كل واحد وقف معانا والا وقف مع اعداءنا
ولا اعيالنا يتعرضون حق التفجيرات

ســـاره
20-11-2010, 06:40
يا زت لي شخصية البطل
حلو هالتعبير ،،،
اذا الحارس الخالدي يالله من فضلك لا حنا فعلا ابطال
والنص بعد عندنا جواهر الله لا يغير علينا ،،،
لا والهجوم يا رب يحفظهم المطوع اللي ما يعرف مقاسات القول

والله يالبرشاوي مادري شقولك أنا مبطله موضوع عن التشكيله والتأليف وأنت داش تطنز عالاعبين : )

ابو تغلب
20-11-2010, 06:46
والله يالبرشاوي مادري شقولك أنا مبطله موضوع عن التشكيله والتأليف وأنت داش تطنز عالاعبين : )


هل البنت مايعجبها شي


انا اتوقع لو في شويت تركيز المنتخب يكون بطل

كظماوي يحرق دمك
20-11-2010, 06:54
لو ( اعوذ بالله من هالكلمه ) استبعدنا ( عجب ، الانصاري ، المعتوق ) جان احنا بخير

يعني عجب مالعب ولا مباراه بالمعسكر ومصاب ليه ياخذونه ؟! ؟! ؟! ؟!

ابو تغلب
20-11-2010, 06:58
لو ( اعوذ بالله من هالكلمه ) استبعدنا ( عجب ، الانصاري ، المعتوق ) جان احنا بخير

يعني عجب مالعب ولا مباراه بالمعسكر ومصاب ليه ياخذونه ؟! ؟! ؟! ؟!

انا معاك عجب طايح مستواه

بس الفضلي احسن من فهد عوض والأنصاري لعيب والله بس مظلوم

ديفيد الديحاني
20-11-2010, 07:04
لا الانصاري زين وعجبني بمبارات الرفاع

وعجب ههههههههه بوجود حمد العنزي ويوسف ناصر مايشمها

صحيح الرشيدي افضل من الخالدي ولكن خنشوف الخالدي باول مبارات اذا نجل احلي تذكره للكويت بس بكاس اسيا لازم الرشيدي يلعب حتي لو الخالدي بدع بالخليج لازم الرشيدي يااخذ فرصته لانه تصفيات كاس العالم علي الابواب والخالدي داش بالثلاثين ومستواه يتراجع

ReDs Q8
20-11-2010, 07:36
^^
28 سنه بنسبه لـ الحارس تــوى بنص العمر الكوري . يعني يقدر يلعب أكثر من 8 سنين .
خنشــوف شسوي الخالدي بـ خليجي 20 و نحــكم بعدهـا مع أني أفضـل الـرشيدي عليـه .
و أفضــل تشــكيلـة لـ المنتخب من وجهـة نـظري :
الخـالدي
مسـاعد ... فـاضل ... الطـاهر ... الفـضلي
العامر ... العتيجي
وليد علي /العنزي ... ... ... ... ... ... عبدالعزيز المشعان
بـدر المطـوع
... ... أحمد عــجب

** بنسبه لـي أحمد عجب أفضـل و بـمراحل من العنزي و يوسف نـاصر و هداف بالفطره
يعني ممكن طـول المبــاراة مايسوي شــي لكـن بـكوره وحده ينهيلك المبــاراة و أنا احب
هلــ نـوعيه من المهــاجمين و حتى لو كـان قـبلها مصـاب فـ اتمنى يعني يدخله أخر ربـع
سـاعه من المبـاراة بـ كـأس الخليج طبعاً و اذا سجل اهداف يعني شوي شوي لـمه يلعب
مبــاراة كــامل يعني أســاسي بـ كــأس أســيا القــادم .
** لـو محمد جــراغ موجود جــان أخترته من غير تفــكير و أيضـاً لو طلال نـايف موجود
جــان حطيته بـدال العتيجي الي شـخصـياً مـا تقــبل لــعبه مـادري احسه وايد بـارد لكـن
مــادري عن مســتواه الحــالي اذا كـان ممتـاز او لأ عمومـاً قدم مستوى جيد في بـطولة
غــرب أســيا الأخيــره بس مــع نــادي الكــويت الصراحه مـاشفت مسـتوى عــدل .

ابو تغلب
20-11-2010, 07:46
^^
28 سنه بنسبه لـ الحارس تــوى بنص العمر الكوري . يعني يقدر يلعب أكثر من 8 سنين .
خنشــوف شسوي الخالدي بـ خليجي 20 و نحــكم بعدهـا مع أني أفضـل الـرشيدي عليـه .
و أفضــل تشــكيلـة لـ المنتخب من وجهـة نـظري :
الخـالدي
مسـاعد ... فـاضل ... الطـاهر ... الفـضلي
العامر ... العتيجي
وليد علي /العنزي ... ... ... ... ... ... عبدالعزيز المشعان
بـدر المطـوع
... ... أحمد عــجب

** بنسبه لـي أحمد عجب أفضـل و بـمراحل من العنزي و يوسف نـاصر و هداف بالفطره
يعني ممكن طـول المبــاراة مايسوي شــي لكـن بـكوره وحده ينهيلك المبــاراة و أنا احب
هلــ نـوعيه من المهــاجمين و حتى لو كـان قـبلها مصـاب فـ اتمنى يعني يدخله أخر ربـع
سـاعه من المبـاراة بـ كـأس الخليج طبعاً و اذا سجل اهداف يعني شوي شوي لـمه يلعب
مبــاراة كــامل يعني أســاسي بـ كــأس أســيا القــادم .
** لـو محمد جــراغ موجود جــان أخترته من غير تفــكير و أيضـاً لو طلال نـايف موجود
جــان حطيته بـدال العتيجي الي شـخصـياً مـا تقــبل لــعبه مـادري احسه وايد بـارد لكـن
مــادري عن مســتواه الحــالي اذا كـان ممتـاز او لأ عمومـاً قدم مستوى جيد في بـطولة
غــرب أســيا الأخيــره بس مــع نــادي الكــويت الصراحه مـاشفت مسـتوى عــدل .

مراقب كل كلامه صح

كويتاوي 2004
20-11-2010, 08:02
انا ما اتفق معاج بنقطه ذكرتيها يا اخت ساره وهي لأول مره من سنوات يدخل بشخصيه البطل ، منتخبنا بكل بطوله يدخل الافرقه يحسبون له الف حساب ولا تنسون ان هالبطولات توفيق من رب العالمين ..
يوم كان رادان مدرب منتخبنا قال كلمة ... قال منتخب الكويت جيد ولكن تنقصه ثقافة الفوز .
ثقافة الفوز هي ثقة الفريق بنفسه وثقته انه يقدر يفوز علي اي منتخب .
الثقة ولله الحمد موجودة الآن ... ثقة اللاعبين بنفسهم موجودة ... ثقة الجمهور باللاعبين موجودة ... ثقة الجميع بالمدرب ومساعد المدرب موجودة ... ثقة الجميع بالجهاز الإداري موجودة .
القصد والله أعلم هو أنه جميع العناصر متوفرة ولله الحمد ... بس الإبتعاد عن التأليف .
والتوفيق من رب العالمين ...والله يوفقنا ونفوز بالبطولة .

N A P A L M
20-11-2010, 08:08
المشعان على خانه الظهير..ضروري اساسي
+ لعيبتنا مايتمتعون ببنية قوية..وهذا راح يجبرنا على الاعتماد على عنصر السرعة والحلول الفردية

ممكن محد يتفق معاي بهالنقطة..التكتيك الدفاعي الي مارسناه بالبطولة الي فاتت..نبيه هالمرة لكن بفاعلية اكثر بالهجوم..بمعنى اذا حصلنا فرصة لبناء هجمة مرتدة مانبي نشوف لاعب فنتك يقوم يطيرها لاخر الملعب

وبس..على مباراة الافتتاح بتبين لنا الامور

كويتاوي 2004
20-11-2010, 09:13
خوش موضوع وتوقيته ممتاز ... أتمني أنه ما يخترب من بعض الردود الخارجة عن الموضوع .

Mr.Blue
20-11-2010, 11:59
بـكل بطولـه نلـعبهـا اقـول بنـاخذهـا .. ومـرشحيـن بـس لــلاسف ! :o


هالسنـه مـمكن العنـاصر افضـل .. وان شـاء الله نـكون بالنهـائي على الاقـل

اتـمنى الـــخالدي اسـاسي .. لانـه قـيمه ثـابـتـه بالـقول ! وكابـتن بالـملعب ..

بالتوفـيق لــلازرق .. نـبيـها ،،


عطتني رايها والتشكيله اللي هي وأنا والكل " نتمناها "

:rolleyes:

xavi23 almashmoum
20-11-2010, 16:49
موضووع حلو تشكيللتج احلاااا ويابرشاويي اسال خالد عن بدر واهو يقوللك شنو بدررر

واتمنى عجب يرد على الكل بهالبطوولله

واتمنى بعد ساره تكون متشائمه:lol:

None
20-11-2010, 18:24
خالد الرشيدي


مساعد ندا .... حسين فاضل ...... الرشيدي ....يعقوب الطاهر



الانصار .... طلال العامر


فهد العنزي ...............................المشعان



صالح الشيخ

بدر المطوع ............خالد خلف






بالنسبه لصالح الشيخ انا لو عندي جراغ لعبت فيه، بس بوجود الشيخ مضطر العبه اساسي لانه صانع الالعاب الوحيد، وانا اشوف من الغلط اللعب بدون صانع العاب، وايضا فهد الانصاري افضله على العتيقي ولسبب رئيسي هو ان اللاعب يلعب بفكر عالي وبطريقه انجليزيه، وهو الاعتماد على العب السريع كما ان العتيقي بطيء وطريقه لعبه (تقليديه) .


وبخصوص المهاجمن في الحقيقه انا محتار بالنسبه لخالد خلف، وكان الاولى احط لاعب قناص، بس بوجود يوسف ناصر وحمد العنزي لا اميل لاختيارهم لان هؤلاء اللاعبين يعتمدون على صانع الالعاب بنسبة كبيره، وانا احتاج في هذا الوقت لوجود لاعب يساعد على صنع هجمه لنفسه مثل المطوع وخالد خلف، كما ان عجب ليس في مستواه .


وجهة نظري : )

ســـاره
20-11-2010, 20:40
يوم كان رادان مدرب منتخبنا قال كلمة ... قال منتخب الكويت جيد ولكن تنقصه ثقافة الفوز .
ثقافة الفوز هي ثقة الفريق بنفسه وثقته انه يقدر يفوز علي اي منتخب .
الثقة ولله الحمد موجودة الآن ... ثقة اللاعبين بنفسهم موجودة ... ثقة الجمهور باللاعبين موجودة ... ثقة الجميع بالمدرب ومساعد المدرب موجودة ... ثقة الجميع بالجهاز الإداري موجودة .
القصد والله أعلم هو أنه جميع العناصر متوفرة ولله الحمد ... بس الإبتعاد عن التأليف .
والتوفيق من رب العالمين ...والله يوفقنا ونفوز بالبطولة .


بالضبط ثقة الجماهير كبرت بالاعبين وبالجهاز الإداري خصوصا بعد الإستقرار والله يوفق أزرقنا يارب

ســـاره
20-11-2010, 20:55
المشعان على خانه الظهير..ضروري اساسي
+ لعيبتنا مايتمتعون ببنية قوية..وهذا راح يجبرنا على الاعتماد على عنصر السرعة والحلول الفردية

ممكن محد يتفق معاي بهالنقطة..التكتيك الدفاعي الي مارسناه بالبطولة الي فاتت..نبيه هالمرة لكن بفاعلية اكثر بالهجوم..بمعنى اذا حصلنا فرصة لبناء هجمة مرتدة مانبي نشوف لاعب فنتك يقوم يطيرها لاخر الملعب

وبس..على مباراة الافتتاح بتبين لنا الامور

المشعان موهبه بس وجوده كأساسي صعبه في لاعبين خبره وومكن يكونون أفضل منه

البطوله اللي طافت مالعبنا بالتكتيك الدفاعي ألا جدام البحرين جدام عمان كنا الافضل والاحق بالفوز .. ضد العراق كنا الافضل والأحق بالفوز .. ضد السعوديه كنا الأفضل بالشوط الاول وفرقت معانا اللياقه بالشوط الثاني

ARS6O
21-11-2010, 16:53
مااشبه اليووم بالبارحه

منتخبنا لايجيد اللعب تحت الضغط عندما يكوون مطالب بالفووز ويملك العوامل المؤديه للفوز فانه لايقدم المرجو منه

وعكس ذلك عندما تكون الامور صعبه عليه ولايحمل اعباء تجده يقدم اداره خرافي

الاعلام مسلط الاضواء على منتخبنا وانه المرشح الابرز خصوصا بعد حصوله على بطوله غرب اسيا

اضف الى ذلك المنتخب السعوودي والاماراتي يشاركوون بالرديف

وقطر مستواها متذبذب وباتنحدار تدريجي ..!!


وهالضغووط من شانها تخرجنا من الدور الاول ونتذيل القائمه ايضا ..!!

وكلنا نتذكر خليجي 16 بالكويت على ارضنا ونملك لاعبين هم الافضل على مستوى الخليج وقتها

ومدرب مقدم مستويات رائعه بالتصفيات المؤهله لكاس اسيا + المباريات الوديه (كاربجياني ) والنهايه مؤلمه

اللاعب الكويتي مازال هاوي من هذي الناحيه وخير مثال مباراه القادسيه والاتحاد يتاثر لاعبين الازرق بالاعلام سريعا ..!!

مقومات الفووز موجووده لكن تحتاج جهد مضاعف مضاعف مضاعف من الطاقم الاداري

لان على الامستوى الفني لاينقصنا شي

ARS6O
21-11-2010, 16:55
خالد الرشيدي

مساعد ندا .... حسين فاضل ...... الرشيدي ....يعقوب الطاهر


الانصار .... طلال العامر

فهد العنزي ...............................المشعان



صالح الشيخ

بدر المطوع ............خالد خلف






بالنسبه لصالح الشيخ انا لو عندي جراغ لعبت فيه، بس بوجود الشيخ مضطر العبه اساسي لانه صانع الالعاب الوحيد، وانا اشوف من الغلط اللعب بدون صانع العاب، وايضا فهد الانصاري افضله على العتيقي ولسبب رئيسي هو ان اللاعب يلعب بفكر عالي وبطريقه انجليزيه، وهو الاعتماد على العب السريع كما ان العتيقي بطيء وطريقه لعبه (تقليديه) .

وبخصوص المهاجمن في الحقيقه انا محتار بالنسبه لخالد خلف، وكان الاولى احط لاعب قناص، بس بوجود يوسف ناصر وحمد العنزي لا اميل لاختيارهم لان هؤلاء اللاعبين يعتمدون على صانع الالعاب بنسبة كبيره، وانا احتاج في هذا الوقت لوجود لاعب يساعد على صنع هجمه لنفسه مثل المطوع وخالد خلف، كما ان عجب ليس في مستواه .

وجهة نظري : )

هل راح توافق الفرق الاخرى نلعب معاها ب12 لاعب :)

كويتاوي 2004
21-11-2010, 20:52
وكلنا نتذكر خليجي 16 بالكويت على ارضنا ونملك لاعبين هم الافضل على مستوى الخليج وقتها

خليجي 16 خط النص الاساسي كان محمد فهاد والموسي والمطيري تقارنهم بالعامر وجراح والمشعان ووليد علي وفهد العنزي ؟؟ .
هذا غير الدفاع ... الصبيح واليوحة
برايي ماكو مقارنة .

None
22-11-2010, 05:13
هل راح توافق الفرق الاخرى نلعب معاها ب12 لاعب :)



صحيح كلامك اختلط الامر عندي، لاني افضل طريقه 3-5-2 بالنسبه لمنتخب الكويت عشان جذي حطيت النص خمسة لاعبين : )



في هذه الحال افضل طلال العامر وحيد بالارتكاز وامامه كصانع العاب صالح الشيخ


وظهيرين: المشعان لليسار وفهد العنزي لليمين، مع دخول المشعان للوسط في حال تقدم مساعد ندا .



كما اتمنى وجود جراغ كصانع العاب في اسيا وعادل حمود ارتكاز للمنتخب .


شكرا على التنبيه : )

ســـاره
27-11-2010, 00:24
السلام عليكم ورحمة الله وبركاته







بالفعل لأول مره من سنوات طويله " ومؤلمه " المنتخب الكويتي الأول لكرة القدم يدخل بطوله وأهو يمتلك حلول ومواهب ولااعبين بكل المراكز تقريبا







لكن هل هالمواهب والاعبين تتوظف صح ؟






بحراسة المرمى عندنا أثنين من أفضل حراس الكويت بالوقت الحالي وماأباالغ لو أقول بالخليج بعد





الخبره نواف الخاالدي والشاب خالد الرشيدي مع أفضليه لخالد الرشيدي اللي مستواه ثابت من بداية الموسم لغاية الآن وهالشي ماينقص من قدر كابتن المنتخب نواف الخالدي اللي تعودنا أنه يقدم مستويات كبيره خصوصا بالمنتخب





خط الدفاع : قلوب حسين فاضل وأحمد الرشيدي أفضل قلبين دفاع بالدوري الكويتي بالوقت الحالي + محمد راشد – يعقوب الطاهر – فهد عوض – مساعد ندا





النص : بالرغم من الغياب المؤثر لمحمد جراغ ألا أننا نملك البدائل اللي من " الممكن " أنها تنسينا جراغ .. مقصيد – العامر – جراح العتيقي – عزيز المشعان – وليد علي – فهد العنزي





الهجوم : من أفضل المهاجمين بالكويت وهم ماابالغ لو أقول بالخليج : بدر المطوع – خالد خلف – يوسف ناصر – حمد العنزي

طبعا في بعض الااعبين تجاهلتهم لأني مومقتنعه بمستواهم : )






السؤال منو يوظفهم صح ؟ ليش نشوف تأليف بالتشكيله وبالمراكز ؟ أنت عندك الحلول بكل المراكز ليش ماتخلي كل لاعب يلعب بمركزه اللي يبدع فيه



كنت أتناقش أنا وبنت جابر عن التشكيله المحتمل ندش فيها بكااس الخليج ومثل ماالكل عارف مجموعتنا قطر والسعوديه واليمن



عطتني رايها والتشكيله اللي هي وأنا والكل " نتمناها "







خالد الرشيدي



مساعد ندا حسين فاضل احمد الرشيدي محمد راشد



مقصيد طلال العامر جراح العتيقي فهد العنزي



بدر المطوع ويوسف ناصر


..




افضل الاعبين يلعبون وعندك حلول بكل المرااكز ليش التأليف ياجهاز فني ؟؟



أناا أجزم أن هالتشكيله ماراح نشوفها ولا بالأحلام لأن التأليف خلق لنا للأسف والدليل أكثر مبارياتنا الوديه والرسميه السابقه بعض الاعبين يلعبون بغير مراكزهم



عندك أفضل لاعب يلعب كروسات بالكويت تلعبه قلب اللي ماهو مركزه وتفقده بمركزه الأصلي وتقعد القلب الرشيدي بالأحتياط ليش ؟



لحد يقولي انتي تهاجمين ولاتحبطين قبل البطوله هذي ماهي مهاجمه كثر ماهو توضيح بهالعناصر نقدر ناخذ حتى كاس أسيا لكن المطلوب أنها " تتوظف بالمكان الصح " عندكم لاعبين ذهبه ياجهاز فني وإداري تكفون مانبي تأليف ولانبي خمبقه في بالبطوله الخليجيه




ماكو فايده تأليف بتأليف وخمبقه بالتشكيله للأسف الجهاز الفني موقادر يوظف الاعبين عدل أو " مايبي " يوظفهم

bnt_jaber
27-11-2010, 12:53
Allaaah y3eeennn
Lil asaaaafff ele maknaa nabbii shfnaa b mobaryat oo eshtghl t2leff