المساعد الشخصي الرقمي

مشاهدة النسخة كاملة : يا جمهورنا العزيز رايكم تكفون بتشكيل الدفاع ؟؟؟



@ سلماوي صميم @
17-11-2010, 19:48
معقوله هذا التشكيل الدفاعي ( خط الدفاع ) اللي راح نلعب فيه ؟؟؟ .. مساعد ندا قلب ؟؟ غوران ليش ما يستفيد منه باك أيسر و يخلي اي واحد قلب مكانه عندك مثل يعقوب الطاهر خاصة وانه سبق ان لعب قلب في اكثر من مباراة أو الرشيدي مال العربي مع ان اثنينهم الله بالخير و مساعد ندا احسن منهم بس ودنا نشوف مساعد باك ايسر و يشكل خطورة هجومية .. و بعدين شنو فهد عوض ؟؟ غوران من صجه ؟؟ الظاهر ناوي على قتل الجماهير .. فهدعوض حييل طايح مستواه و عليه نجلات لي الراس ما يصلح نهائيا ليش ما يحط مكانه المعتوق ع الاقل يغطي و يسد الثغرة اللي بيسببها صاحبنا .. ما ادري انتو اشرايكم يا جماعه ؟؟؟ يمكن اني غلطان وهو صح .. ياليت تشاركوني ..

blues q8
17-11-2010, 19:52
اتفق معالك وياليت يكون الدفاع

ندا ......... الرشيدي....... فاضل ..............الطاهر

السعدون
17-11-2010, 19:52
انا فعلا مستغرب ليش مايكون الدفاع جذى

مساعد ندا - حسين فاضل - احمد الرشيدي - محمد راشد

ليش مصمم على ان مساعد يكون قلب مع انه مبدع بالباك؟؟؟

@ سلماوي صميم @
17-11-2010, 20:04
اتفق معالك وياليت يكون الدفاع

ندا ......... الرشيدي....... فاضل ..............الطاهر

اي هذي على الاقل فيها عناصر خبرة مثل ندا و الطاهر بس صاحبنا راكب راسه الا يلعب ندا قلب .. و الطاهر على فكره يلعب قلب فممكن يلعب اساسي مع فاضل و الباك الايمن محمد راشد صراحه دفاعيا اشوفه افضل من الطاهر و خاصة بالوقت هذي ..

@ سلماوي صميم @
17-11-2010, 20:08
انا فعلا مستغرب ليش مايكون الدفاع جذى

مساعد ندا - حسين فاضل - احمد الرشيدي - محمد راشد

ليش مصمم على ان مساعد يكون قلب مع انه مبدع بالباك؟؟؟

اتصدق انا ما ادري شنو السبب هل اهو يعني مو مقتنع بمستوى القلوب عنده ؟ يعني لاعب مثل ندا خطورته باك ايسر و من عرفناه وهو يلعب بهالمركز .. و إنت يا غوران عندك لاعبين اثنين تقدر تلعب واحد منهم قلوب اللي هم الطاهر و الرشيدي مع فاضل و بهالطريقة تستفيد من تواجد ندا كـ باك ايسر ..

blues q8
17-11-2010, 20:09
بس احيانا مع الكويت يلعب باك واشوفه زين وهو اساسا يفضل يلعب باك وعندي افضل من محمد

@ سلماوي صميم @
17-11-2010, 20:36
احترم وجهة نظرك ... لكن انا موضوعي الاساسي ليش ما يتم توظيف مساعد ندا التوظيف الأمثل لامكانياته حتى يستطيع افادة المنتخب ...

الخــالــدي
17-11-2010, 23:14
غوران من مسك المنتخب وتحديدا من لعبة استراليا يعتمد على مساعد كـ قلب
ويخلي فهد عوض ظهير أيسر وواضح انه يبيهم الأثنين بالتشكيله فلذلك ما لقى إلا الحل هذا .!!

حاليا مساعد يتفوق على فهد في مركز الظهير الأيسر وبمراحل وما أدري ليش الإصرار من غوران خاصه بوجود البدائل على مستوى قلب الدفاع مثل أحمد الرشيدي وخالد القحطاني وكلهم لاعبين طوال وأكثر من جيدين .!! شنو المشكله لو واحد من هالأثنين صار قلب بجانب حسين ويرجع مساعد لمركزه الأصلي وهو الظهير الأيسر وبالتالي نستفيد من طلعاته الهجوميه ..؟!


عموما أفضل تشكيلة لخط الدفاع من وجهة نظري أشوفها

مساعد , الرشيدي , حسين , الفضلي

فهد الشمري
18-11-2010, 01:51
تحجينا قبل هالمره وقلنا ندا ما يصلح قلب لكن المدرب هذا رأيه ورأينا احنا ما يوصل الا بينا فقط لا غير ، لكن احنا نوصل الفكر الأفضل لدفاع الازرق

مساعد ندا .. حسين فاضل .. أحمد الرشيدي .. يعقوب الطاهر .

VaLiNoR
18-11-2010, 02:36
الغريب إن غوران وقت الخسارة يبدل مراكز الدفاع ويلعب مساعد كظهير .. الشي هذا صار جدام اليمن وجدام الأردن لما كنه متخلفين بهدف .. ومعنى هالشي إن غوران يعرف إن مساعد مصدر قوة هجومية للفريق .. لكن الظاهر والله اعلم إن غوران ملاحظ إن مساعد يجدم وايد ويخلي مركزه في الخلف .. بالإضافة إلى إنه يشوف فيه مواصفات القلب من بنية جسمانية وطول وارتقاء عالي والتمكن من الكرات العرضية وتخليصها .. بالإضافة إلى خبرته .

كويتاوي 2004
18-11-2010, 02:47
مساعد ضعيف دفاعيا بالباك ... وبالعادة المنتخبات يستغلون جهته للهجوم ... الظاهر المدرب ملاحظ هالشي عشان جذيه يستغله بالقلب مكان الرشيدي القليل بالخبرة الدولية .

فهد عوض دفاعه جيد وهجوميا جيد ولكن رفعاته لا تقارن برفعات مساعد .

أفضل واحد يرفع بالكويت هو مساعد ندا ... رفعاته تشبه رفعات بيكام بصراحة ولكن المشكلة انه بالباك ضعيف عشان جذيه نشوف المدرب يستغله بالباك لما نكون متأخرين .

كذلك المدرب يحب يلعب فهد عوض ووليد علي بنفس الجهة لأنه يعلم انهم متفاهمين .

»мя•JỢỢKєя™
18-11-2010, 02:58
مساعد ندا - حسين فاضل - احمد الرشيدي - {محمد راشد}

أو بدال الحبيب اللي بين القوسين يكون يعقوب الطاهر .. بس يعقوب نازل مستواه

استعمار
18-11-2010, 03:17
[quote=كويتاوي 2004;6119948]مساعد ضعيف دفاعيا بالباك ... وبالعادة المنتخبات يستغلون جهته للهجوم ... الظاهر المدرب ملاحظ هالشي عشان جذيه يستغله بالقلب مكان الرشيدي القليل بالخبرة الدولية .

الله يعطيكم العافية
انا رأي مع كويتاوي 2004
كلامك صحيح
وانا افضل ان مساعد يلعب باك لكن تغطيته للدفاع لما يكون باك تقل كثيرا
لذلك يستغل وجود مدافع قلب وتسديد الضربات الثابتة او عرضيات الكورنر ويرجع لمركزه قلب الدفاع
تفكير صح للمدرب واذا لقى نفسه خسران يرجع يلعب مساعد ندا باك ويغامر في ان مساعد يتقدم ويجعل مركزه فاضي (باك) .

تحياتي

القناص
18-11-2010, 04:43
اتفق معالك وياليت يكون الدفاع

ندا ......... الرشيدي....... فاضل ..............الطاهر

وربي انك جبتها
جان زين يلعب غوران بالدفاع هذا

غوران وعدنا بتصريحه ساثبت لكم صلابة دفاع الازرق
واحنا معاك ياكوتش اهم شي الصلابه

كويتى باك
19-11-2010, 18:24
واشرايكم بتشكيلة الدفاع ؟؟


مقصيد ....... مساعد ....... الرشيدى ...... يعقوب الطاهر

اعتقد فى موازنة من ناحية الخبره .... وقليل الخبره ؟؟
لا ننسى ان مقصيد والرشيدى راح ياخذون فرصتهم اكبر بعد كم سنه ( اساسيين )

Bo_faraj
19-11-2010, 19:03
انا فعلا مستغرب ليش مايكون الدفاع جذى

مساعد ندا - حسين فاضل - احمد الرشيدي - محمد راشد

ليش مصمم على ان مساعد يكون قلب مع انه مبدع بالباك؟؟؟
أحسن تشكيلة دفاعية

بندرفيتش
20-11-2010, 04:03
لاحظت اغلب الاعضاء يطالبون غوران انه يلعب مساعد ندا ظهير
ويلعب حسين فاضل والرشيدي قلوب دفاع
انا مع اغلب الاعضاء حسين فاضل والرشيدي من افضل قلوب الدفاع بالكويت ومستوى
الرشيدي هالموسم ممتاز ماشاءالله عليه
لكن فيه نقطه مهمه واعتقد ان اخواني الاعضاء ماعطوها اهتمام او مانتبهو لها
وهي ان احمد الرشيدي شفت له جم مباراه الموسم اللي طاف وكان يلعب قلب دفاع بس مايل لليسار
وكان هالمركز مضيعه حيل بس هالموسم بعد ماجا المدافع البرازيلي صار يلعب الرشيدي
قلب دفاع ايمين او مساك ايمين وماشاءالله بدع وارتاح في هالمكان وهذا هو مكانه
نجي لحسين فاضل حسين يلعب قلب دفاع ايمن وكان اذا لعب قلب دفاع ايسر يكون الفضلي
قلب دفاع ايمن ولو ترجعون للمباريات اللي يلعب فيها حسين قلب دفاع ايسر مايكون مالي المركز
يعني هو الموضوع مو قلب دفاع وبس فيه مساك ايمن ومساك ايسر وكل لاعب له مركزه
وغوران عارف ان الاثنين هذولا مركزهم واحد وانا من متابعتي للدوري الكويتي
الصراحه ماشفت قلب دفاع او مساك ايسر في الوقت الحالي غير مساعد ندا وعامر المعتوق بدرجة اقل
تواجد مساعد ندا في الوقت الحالي كمساك ايسر افضل من ا نك تحط حسين فاضل او الرشيدي
خصوصا ان مقصيد لاعب ممتاز كظهير ايسر يعني مافيه مشكله اذا رجع مساعد مساك
الان التكيتك الخططي غير عن قبل عشر او عشرين سنه الحين لكل لاعب وظائف داخل الملعب
يعني المساك مو وظيفته بس يراقب المهاجمين ويشيل الكور عن منطقة الخطر وبس
فيه الحين مساك يمين ومساك يسار ومن اهم وظائفهم غير المراقبه هي تغطية الظهير
لذلك اغلب المدربين الان يحطون مساك يسار يلعب بقدمه اليسرى او يجيد اللعب كظهير ايسر
والعكس صحيح وغير ادوار التغطيه فيه مهارات في المساك تستغل في الخطط ومنها مثلا اجادته
لضربات الرأس والتسديد والتمرير الطويل والاختراق من الخلف امور ماتلقاها في هالمركز في
الوقت الحالي غير عند مساعد ندا خصوصا كمساك ايسر لاني مثل ماقلت في بداية كلامي
مافيه لاعب في الكويت يلعب مساك ايسر غير مساعد وطيب الذكر نهير الشمري
احترامي

ReDs Q8
20-11-2010, 04:08
بـ أختصــار اذا تبي دفــاع صح أخــذ :
مسـاعد ..ز. فـاضل ... الطـاهر ... محمد راشد

فهد الشمري
20-11-2010, 04:15
علي مقصيد ضعيف دفاعياً انا افضله يكون جناح ، كون جسمه ضعيف ومافي طول ، انا افضل في الدفاع مساعد ندا باك شمال والرشيدي وفاضل قلوب دفاع والطاهر او راشد بالباك اليمين ..

بندرفيتش
20-11-2010, 04:18
انا معاك في هالتشكيل اخوي كويتي باك

لان بالفعل الرشيدي يجيد في مركز مساك ايمن
ومقصيد مكانه الطبيعي ظهير ايسر ويبدع فيه

احترامي

@ سلماوي صميم @
21-11-2010, 13:20
والله كلام اخوي بندرفيتش منطقي يمكن قدم اللاعب اهي اللي تحكم وين يلعب وكيفية الاجادة بالمركز .. بس طامة كبرى اذا لاعبينه ما يستخدمون القدمين خاصة بالدفاع .. ما ادري بس اتوقع راح يكون فيه تشكيل مختلف في حالة الهجوم يعني راح يخلي مساعد ندا باك ايسر و بيرده قلب في حالة التراجع و المحافظة على النتيجة هذا يمكن السيناريو الاقرب لمباريات الخليج لانه لاعب مثل مساعد ما تستغني عنه لو شنو مستحييل ..

ابو تغلب
21-11-2010, 13:23
مساعد تسفيد منه لما عجب يكون موجود
رفعه وحده من نص الملعب براس عجب قول

ويوسف ناصر ماله براس وحمد قصير انا اشوف خلوه عجب يلعب اول مباراه وصدقوني يبي يبدع