المساعد الشخصي الرقمي

مشاهدة النسخة كاملة : اذا ماخذيناها .. ماعندنا سالفه .!!؟



الخــالــدي
18-11-2010, 15:53
.
.
.
.
.
.
.


لمحه بسيطة عن المنتخبات المشاركه

السعوديه : أغلب نجومها من أمثال ياسر ونور وهزازي وعيال عطيف والحارس وليد ماراح يشاركون وتقريبا راح تلعب بالصف الثاني ..
الإمارات : لعيبة نادي الوحده وعلى رأسهم اسماعيل مطر ولعيبة الاولمبي ماراح يشاركون ..
العراق : أمس كان أول تجمع للاعبين المحترفين والجميع في استياء وأولهم اللاعبين ..
عمان : أمس خسرت من بيلاروسيا 4/0 في أخر مبارياتها الوديه ..
البحرين : خسرت قبل اسبوع تقريبا من سوريا المتهالكه 2/0 ..
اليمن : صحيح استعدت من زمان .. لكن ماعندها الخبره الكافيه بالبطوله
وقطر ماسمعنا عن استعداداتهم شي


منتخبنا يكاد يكون الوحيد تقريبا من المنتخبات إللي استعد من فترة وداخل هالبطولة بكامل لاعبينه فذلك راح يكون اخفاق لنا اذا ماخذيناها خاصه ان أغلب المنتخبات المشاركه مو مهتمه لهذي البطوله وحاطتها جزء من اعدادها لكاس اسيا القادم :)

صحيح بطولة الخليج سبق واننا حققناها 9 مرات لكن فوزنا فيها راح يعطينا دافع كبير قبل البطولة الأسيويه ويرجع الازرق لمنصات التتويج

وإن شاء الله نعلق النجمه العاشره لزعيم الخليج ,,

د\ مراسل دبي
18-11-2010, 15:59
88

صعب تحصل ع البطولة العاشرة لان منتخب الكويت مب ذاك المنتخب اللي يخف او المرعب خلوا شوي عنكم العواطف منتخبكم أصبح فريسة تنوكل بسرعة

الخــالــدي
18-11-2010, 16:02
^

اهم شي فريسه .. :lol:

مطراش ترا الازرق يمرض بس مايموت
ونصيحه لك خلك في منتخبك أحسن وبتشوف منو الفريسه بالنهايه :)

X-HaRdY
18-11-2010, 16:16
اسمحلي اخوي انت اللي ما عندك سالفة

مو علشان الامارات انطقت بالاربعة والبحرين بالاثنين فلت خلاص الفريق مستواه نازل ،، لكل مباراة ظروفها

احنا خسرنا من الامارات و البحرين ودية يعني اهما احسن منا اذا باخذها على مستوى موضوعك

راجع نفسك اخوي

Ali Alqallaf
18-11-2010, 16:21
88

صعب تحصل ع البطولة العاشرة لان منتخب الكويت مب ذاك المنتخب اللي يخف او المرعب خلوا شوي عنكم العواطف منتخبكم أصبح فريسة تنوكل بسرعة

نكته الموسم:p
منتخبكم تتوقع يطلع من البطوله ومعاه جم نقطه؟!:p

Ali Alqallaf
18-11-2010, 16:24
احنا خط هجومنا يبشر بالخير
يعني بتشكيله
المشعان خالد خلف فهد العنزي

المطوع
انا اضمن لكم اقوى خط هجوم بالبطوله
بس وسطنا لكم عليه شوي:(
خط دفاعنا حسين فاضل ويعقوب الطاهر ومساعد ندى وجراح جذي نكون تمام:p

issa.H
18-11-2010, 16:24
الازرق كل بطولة مرشح للقب ..
بأسوأ حالاته .. وبأفضل حالات الاخرين ..

موفق يالازرق .. واتوقع هالسنه عودة للبطولات ..

الخــالــدي
18-11-2010, 16:28
اسمحلي اخوي انت اللي ما عندك سالفة

مو علشان الامارات انطقت بالاربعة والبحرين بالاثنين فلت خلاص الفريق مستواه نازل ،، لكل مباراة ظروفها

احنا خسرنا من الامارات و البحرين ودية يعني اهما احسن منا اذا باخذها على مستوى موضوعك

راجع نفسك اخوي


ماعندي سالفه .!!؟ أجل ليش راد علي .!؟! :)

حبيبي روح اصعد فوق واقرا الموضوع مره ثانيه كلامي ترا عربي يعني اتوقع مفهوم للجميع ..

انا اقول ان منتخبنا هو الوحيد إللي استعد من زمان وداخل بكامل لاعبينه عكس أغلب المنتخبات الثانيه مثل السعوديه والإمارات والعراق إللي ناقصين ومو مستعدين عدل وهالشي يعطينا أفضليه نسبيه عليهم ,, وما قلت المنتخبات الثانيه ضعيفه ..!؟ فقط قاعد أتكلم عن استعدادهم

axe
18-11-2010, 17:37
^



اهم شي فريسه .. :lol:


مطراش ترا الازرق يمرض بس مايموت
ونصيحه لك خلك في منتخبك أحسن وبتشوف منو الفريسه بالنهايه :)


اخوي ترا هذا الكلام ما يجوز "كل نفس ذائقة الموت"

الاخ مراسل دبي ،،اخوي انت تتكلم عن منتخب حصد بطولات الخليج 9 مرات و في فترات مختلفة و سنوات متتالة لدرجة ان تم ادخال العراق في كأس الخليج الرابعة في قطر من اجل كسر احتكار منتخب الكويت و ايضا لم يستطع العراق و صنفت تلك البطولة من افضل بطولات كأس الخليج

و لكن من المعيب ان نكون في القرن ال 21 و يفوز فيها منتخب الامارات مرة واحدة و ايضا على ارضه بينما منتخب الكويت وضع بصمة في كل دولة استضافتكأس الخليج

فهدي بارك الله فيك ،، البطل يبقى بطل مهما مر بظروف و غرب اسيا الاخيرة خير برهان

تحياتي لأخواننا الامارتيين المنصفين

حبي القآدسيه
18-11-2010, 17:45
كــلآمك عــدل يالخـــآلدي ..
بس آتمنــى منتخبنــآ مــآ يستهيــن بللي جــدآمــه ...

بصــرآحــه آنــآ وآآيــد متفـــآئلــه ...

نبيهــــآ عشـــره آنشــآلله ...

امطار
18-11-2010, 17:56
صحيح نتمناها لنا

7achm !!
18-11-2010, 19:42
لا ترفعون وايد عشان لا تنصدمون
وكل التوفيق للأزرق الغالي وفعلا ً محتاجين الكأس العاشره

VaLiNoR
18-11-2010, 19:53
قطر من زمان شغالة مباريات واستعداد وطبعاً بسبب بطولة كاس آسيا .. فبالنسبة لهم بطولة كاس الخليج اختبار حقيقي لتشكيلة وخطة وتكتيك الفريق وكذلك اللاعبين .

العراق انا شفت مقابلاتهم أمس على صدى الملاعب مادري شفيهم متحبطين بشكل مو طبيعي .. الظاهر حصلو انتقاد قوي من الجهاز الفني بعد أداءهم امامنا في المباريات الودية .. لإنه على كلام اللاعبين العراقيين إنهم في الشوط الثاني ما قدمو شي وكانو متراجعين طوال الشوط ومعتمدين على المرتدات .

لكن مع هذا انا اعتقد إن العراق متعود لاعبينه على الإستعداد الضعيف وماعندهم مشكلة وممكن يسوون شي في هالبطولة خاصة وانه لاعبين المنتخب العراقي اغلبهم إذا مو كلهم محترفين .

اما احنا ففعلاً ما عندنا عذر إذا فعلاً ناوين انافس على كاس آسيا .. لكن المشكلة إنه دفاعنا يخوف وأظهرتنا ما تساعد الوسط ونفس الشي بالنسبة للوسط عندك جراح العتيجي نعم باصاته حلوة لكن مو لاعب الإرتكاز إلي يقطع بمعنى ما هو اللاعب الكامل .. فانا نعم متفائل لكن ادري فريقي مو إلي واو وماينقدر عليه لا .

تقريباً المستويات في هالبطولة متقاربة .. السعودية عودتنا في كل بطولة تدخل بفريق مختلف فلا يغرك .. يكفي إنه دوريهم نظام إحتراف كامل فأي لاعب يلعب بالمنتخب عبارة عن لاعب محترف .. ونفس الشي الإمارات .. لاعبينهم يتمرنون مرتين باليوم من فترة طويلة جداً .

Q8Ti
18-11-2010, 19:55
اتمنى انك تواجه اعضاء الازرق بنهائي كأس الخليج

انت مشكلتك بكل مناسبه تتناسى فشلك يا فااشل



كأس الخليج اللي طاف لما طلعنا من نص النهائي انت حضرتك دشيت وتتكلم عن منتخبنا


معن وصلنا نص النهائي وانت حضرتك طلعت من البدايه

عرفت منو الفريسه يا مطراش




معن مستعدين باسبوع وكانت مشاكل

مجنونة باتي
18-11-2010, 19:58
ترا السعودية راح تشارك بـ صفها الأول وبكامل نجومها

واليمن جنسوا لاعبين وفوق هذا احرجونا في بطولة غرب اسيا الأخيرة


ماكو منتخب تقدر تقول عنه سهل حتى العراق الي عنده مشاكل تعادلنا معاهم 1-1


وان شاء الله تكون النجمة العاشرة لنا بس كللش مو مرشحة أزرقنا للقب:(

@ سلماوي صميم @
18-11-2010, 21:10
يا هلا والله الخالدي ... صراحة انا اتفق وياك بكل حرف كتبته فعلا المنتخب الوطني مهيأ بكل الجوانب و افضل المنتخبات استعدادا ً .. و اتمنى نشوف بطولة حلوة رغم ان البعض للأسف يحاول يخرب علينا حلاوتها بحجة اراحة اللاعبين و اعتبار البطولة الخليجية بطولة استعدادية و تجريبية لبطولة آسيا .. نعم بطولة آسيا مهمة و قد تكون اهم من الخليج كونها بطولة دولية قارية معتمدة ، لكن في تصوري اشوف بطولة الخليج لها طعم خاص عند الخليجيين و يجب احترام و تقدير هذه البطولة و اعطاءها حقها في المشاركة و المنافسة على اللقب ... مشكور يا الخالدي ..

blues q8
18-11-2010, 21:20
صعب تحصل ع البطولة العاشرة لان منتخب الكويت مب ذاك المنتخب اللي يخف او المرعب خلوا شوي عنكم العواطف منتخبكم أصبح فريسة تنوكل بسرعة



اقول تعد الدور الاول بعدين تكلم

Ali Alqallaf
18-11-2010, 21:32
ترا السعودية راح تشارك بـ صفها الأول وبكامل نجومها


السعودية راح تشارك بالصف الثاني:)

3thbi
18-11-2010, 21:53
حراس المرمى.. حسين شيعان (الشباب) عبد الله المعيوف (الأهلي) خالد شراحيلي (الهلال) عساف القرني (الوحدة).

مدافعون.. راشد الرهيب ومشعل السعيد وأسامة المولد (الاتحاد) محمد عيد (النصر) ماجد بلال (الوحدة) حسن معاذ (الشباب) كامل الموسى ومنصور الحربي (الأهلي) خالد الغامدي (القادسية).

لاعبو وسط.. ابراهيم غالب وأحمد عباس وخالد الزيلعي (النصر) معتز الموسى وتيسير الجاسم (الأهلي) عبد الملك الخيبري (الشباب) عبد اللطيف الغنام ومحمد الشلهوب وعبد العزيز الدوسري (الهلال) يحيى الشهري (الاتفاق) سلطان النمري (الاتحاد).

مهاجمون.. مهند عسيري (الوحدة) فيصل السلطان (الشباب) صالح بشير (الاتفاق) ريان بلال (النصر).



تشكيله اي شي من بسيرو للمنتخب السعودي !
ياسر .. هوسآوي .. وينهم ؟


هزآزي .. هداف الدوري وينه ؟
وليد عبد الله افضل حارس وينه ؟

--
بس السعودي والكويت ان شاء الله واحد منهم يىخذ البطوله

Prussia
18-11-2010, 23:47
ان شاء الله ناخذها

بس ما ادري ليش مو متحمسة لها كثر كاس اسيا :p

Stefan Effenberg
18-11-2010, 23:56
ترا السعودية راح تشارك بـ صفها الأول وبكامل نجومها

واليمن جنسوا لاعبين وفوق هذا احرجونا في بطولة غرب اسيا الأخيرة


ماكو منتخب تقدر تقول عنه سهل حتى العراق الي عنده مشاكل تعادلنا معاهم 1-1


وان شاء الله تكون النجمة العاشرة لنا بس كللش مو مرشحة أزرقنا للقب:(





أحرجوا منتخبنا الرديف قصدج :)

فهد الشمري
19-11-2010, 00:45
اذا الأزرق أستغل الفرق وأعتبر كل مباراه بأنها نهائي راح نحرز البطوله بعون الله سبحانه ..

فكتورفالدز
19-11-2010, 02:42
البطوله سعوديه لو يلعبون بمنتخب تحت 17 !!!!

المدريدي
19-11-2010, 05:48
المشعان خالد خلف فهد العنزي

المطوع
انا اضمن لكم اقوى خط هجوم بالبطوله
بس وسطنا لكم عليه شوي:(

لوول انت حطيت كل لاعبين الوسط مابقى الا لاعبين الارتكاز :p

منطلق بطموحي
19-11-2010, 06:44
تبقى بطولة ولها حساباتها .

السعودية بكاس اسيا شاركوا بغياب كم كبير من النجوم لكنهم وصلوا إلى النهائي وبرزوا عندهم وجوه شابه يديده .

العراق كان غير مستعد ومتيمعين قبل البطولة بسبوع بكاس اسيا وحصل على البطولة .

الكويت كاس الخليج اللي طاف حاشته ظروف واستعداده كان لكم عليه شوي وقدر يوصل الى دور الأربعه .

ما في شي بكرة القدم او أي بطولة يكون القياس عليها بالورق إلا عندنا بالدوري الكويتي تقدر تحكم اما المنتخبات صعب تحكم عليها .

كويتى باك
19-11-2010, 18:01
ماراح ناخذه ؟؟ مدام هناك مجاملات فى اختيار الاعبين ؟؟؟
ورح اذكركم ؟
مع العلم المنتخب السعودى يمثل يالالمبى ؟؟
والاماراتى نقص كبير بسبب مشاركة منتخبه بالصين ؟؟
والبحرينى بحكم ارتفاع عمر الاعبين ؟؟
والعراقى بسبب تأخر الاستعداد والاوضاع السيئة التى يمر فيها ؟؟
وانخقاض وانحدار مستوى منتخب قطر ؟؟؟
واليمنى الذى يعتبر جديد فى كرة القدم ولا يووجد لاعبين بوزن الثقيل ؟؟
والمنتخب العمانى الذى يقدم مباريات تجريبة قليلة ؟؟

avril7baby
19-11-2010, 18:43
ما أعتقد راح نتأهل من المجموعه حقتنا حتى !

لاتقولون لي منتخب السعودي بالصف الثاني ولا الثالث !

منتخبنا يخورها بنص المبارات و الي يتابع المنتخب صح بيفهم كلآمي !

ارتباك قوي بالمباريات الرسمية على شنو ما ادري !

واول مبارات ضد قطر 1000000% بنخسر او بنتعادل ! ترى منتخب قطر منتخب قوي حيل ومو نفس قبل !

دوريهم شغال و لاعبين محترفين + لاعبين مجنسين .. يعني املك تفوز عليهم الا اذا لعب ازرقنا بروح عاليه ان شاء الله


والإخ الي يقول المنتخب اليميني ماعنده خبرة بالبطولة ! فإنت غلطان حدك .. منتخب بإرضة وعلى ملعبه انطرني لو سجلت عليه قول بس !

و ثاني شيء مبارات الكويت ضد السعوديه تتوقع بتكون سهله عشآن المنتخب السعودي مالعب بالإساسين ؟ لا حبيبي هذي المبارات ديربي يعني انسى تكون مبارات قليلة مستوى او سهله لنا ..

والله يعين منتخبنا و يوفقه ويأخذ البطولة العاشرة يارب ..

holibes
19-11-2010, 19:46
ياحلوين انا اقولكم لا تستهينون بالاخضر السعودي
الموجودين فيهم الخير والبركة مايقلون خبرة عن اللي استـبعدوا
ومباراة السعودية والكويت تبي تطلع ناااااااااااااااااار ياحبيبي نار
وهذا ريان بلال الفنان يعزف أحلى الألحان
>>>>>> وش عنده رؤوف خليف هههههههههههههه

قدساوي انتراوي
19-11-2010, 20:14
مو مقياس صراحه .. اقصد خسارة عمان و البحرين
ان شاء الله نلعب عدل و ناخذها بمجهودنا .. مو بسبب ردا المنتخبات المنافسه

استعمار
19-11-2010, 22:52
الله يعطيكم العافية

ان شاء الله نحقق البطولة
لاننا افضل منتخب جاهز من بين المنتخبات

لكن لكل مباراة وظروفها
واذا لم نحقق البطولة في ظل ظروف هذه المنتخبات اعتقد ان لابد من مراجعة بتشكيلة اللاعبين
والمدرب
اتمنى ان نتجاوز المنتخبات بالدور الاول بكل جدارة
لاننا الافضل

تحياتي