المساعد الشخصي الرقمي

مشاهدة النسخة كاملة : توفجيتش لــ«النهار»: وليد لا يستطيع اللعب 90 دقيقة



فهد الشمري
01-12-2010, 00:28
http://www.annaharkw.com/annahar/Resources/ArticlesPictures/2010/12/01/5f45b57c-fe39-4615-913d-50ce2f26c629_main.jpgتوفجيتش يرى أن مباراة الدور نصف النهائي تحتاج تركيزاً أكثر (الأزرق. كوم)
أكد الصربي غوران توفجيتش مدرب الأزرق أن مواجهة العراق غدا لن تكون اصعب من مواجهة أي منتخب من المجموعة الثانية بسبب تقارب المستويات بين المنتخبات الأربعة، وأن اللعب أمام الفريق وديا في معسكر أبوظبي قبل ايام قليلة من انطلاق البطولة، كشف له وللاعبين جوانب مهمة من نقاط الضعف والقوة لدى الفريق العراقي. وقال توفجيتش في تصريح لـ «النهار»:» مباريات هذا الدور تحتاج الى تركيز عال وهدوء كبير، لاسيما في اعداد الهجمة وبنائها لأن أي خطأ تكتيكي بسيط سيقع به احد اللاعبين ربما ينهي المباراة على غير مسارها، والجانب الأكثر سيطرة على وسط الميدان سيحسم تأهله الى المباراة النهائية». وأضاف: «منذ فترة طويلة وأنا اسعى الى فرض المزيد من التجانس والانسجام بين اللاعبين بالاستقرار على تشكيلة واحدة بقدر الامكان، وهذه هي نفس المجموعة التي اعتمدت عليها في التصفيات المؤهلة الى كاس أمم اسيا، وكذلك في المباريات الودية للبطولة، وحتى في اللقاءات الثلاثة الماضية لم اجر أي تغييرات على التشكيلة، باستثناء اشراك حمد العنزي اساسيا في مواجهة السعودية بعد تعذر مشاركة بدر المطوع بسبب سفره الى العاصمة الماليزية كوالالمبور لحضور حفل اختيار أفضل لاعب في آسيا». وحول النقد الكبير الذي يتعرض له من بعض المتابعين والمحللين بسبب التغييرات الثابتة والمعروفة التي يجريها في كل مباراة قال توفجيتش: «هذا كلام غير صحيح، ومبني على اراء شخصية دون متابعة دقيقة لما يدور في الملعب، والتبديل الوحيد المكشوف لدى الجميع هو وليد علي، وذلك لأن اللاعب لايستطيع مواصلة اللعب لمدة 90 دقيقة، أداؤه يكمن في الدقائق السبعين التي أشركه فيها»، موضحا أن اللاعب يؤدي بروح عالية وكبيرة ولديه انضباط تكتيكي في المهام الدفاعية والهجومية الني تسند اليه، وتبديله لايعني انتقاصا من موهبته وأهمية وجوده مع الازرق. وتابع قائلا: «صحيح أن تبديل وليد اصبح مكشوفا ومعروفا للجميع، لكن لا أحد يمكن له التكهن باللاعب البديل، فلكل مباراة ظروفها الخاصة، والمدرب بحاجة الى الاحتفاظ بالعديد من الأوراق الرابحة على دكة البدلاء تحسبا لحدوث أي سيناريوهات مفاجئة وغير متوقعة». من جانبه، قال المدرب المساعد عبد العزيز حمادة أن «الأفضلية التي حصل عليها الأزرق خلال مواجهته الودية أمام العراق لاتعني أن مواجهة الغد ستكون سهلة ومتاحة للاعبينا، فكرة القدم علمتنا أن النتائج التي تحصدها المنتخبات من المواجهات الودية لايمكن أن تكون مرآة حقيقية تعكس قوة الفريق في البطولات الكبيرة». واضاف حمادة: «أوراق المنتخبين مكشوفة، بعدما لعبا وديا وخاضا 3 مواجهات في كأس الخليج، لكن تبقى النظرة الفنية لكلا المدربين، واعداد اللاعبين نفسيا وبدنيا تهيئتهم لخوض المواجهة دون أي ضغوطات مضاعفة على اللاعبين».

منقول

bent _alqadsia
01-12-2010, 04:05
والله مستواه عادي مع الاسف ياوليد ماتصلح تكون لاعب منتخب ادائك
مايطلع الا مع نادي الكويت ولا عرضيه صح حتى قليل مانشوف عرضياته
الاحق المشعان يكون بداله المفروض يقرصونه شوي ويحطونه على الدكه
لما يحس ويعرف انه يلعب لمنتخب الكويت مو نادي الكويت ياوليد
وهذا التصريح ردا على وليد الجاسم اللي ينتقد فهد العنزي بانه مايقدر يلعب
90 دقيقه رد عليه محمد كرم قال وليد علي اللي مايقدر يلعب 90 دقيقه كامله
لكن وليد الجاسم كالعاده قاعد يدافع عن وليد اللي ادائه مو بالطموح وكل هذا
لأنه ينتمني لنادي الكويت كافي مجاملات قاعدين ينتقدون غوران عشان اغلب الاعبين من القادسيه ونسوا
ان وليد علي مايستحق انه يكون بالمنتخب لأنه عطائه فقط مع نادي الكويت وهذا اللي ملاحظينه
وعلى الاقل التشكيله وان كانت اغلبها من القادسيه هذا يدل انهم الافضل ويكفي انهم ماشين صح ولله الحمد

Gf
01-12-2010, 04:09
9 دقايق يا غوران مو بس 90 !


فيه الليّ أفضل منّه
بـ المباراة ما نبي لاعبين " تكملة عدد " بس !

TNT
01-12-2010, 09:10
لالا ياجماعة الحق ينقال
وليد علي ادواره في المباريات الماضية
تكتيكية دفاعية
من متى نشوف وليد يرد يدافع ترى ماشفته في هالحالة
الا مع المنتخب

فـابـيـو
01-12-2010, 09:25
للأسف .. ان " البعض " لا زال يتمسك بانتمائه للقادسية و الكويت و العربي .. على حساب المنتخب !

وليد علي بالنادي وضعه .. غير نهائياً عن المنتخب .. بالنادي يهجم و لا يرجع ورا

بالنادي يروح و يدخل لأنه أهم إسم هجومي بالفريق كلّه .!

بالمنتخب عندك المطوع .. العنزي .. مفاتيح هجومية تضاهي خطورة وليد

لذلك المدرب يستفيد منه " بالدفاع " أكثر من إستفادته بالهجوم

وجوده يُعتبر دعم كبير و مساندة دفاعية لـ جهة عامر المعتوق من جهة ..

و دعم أيضاً هجومي لليسار من جهة أخرى .. و الدليل .. عرضيته لـ العنزي جدّام السعودية

خل يغيب وليد مباراة عن المنتخب .. و بوجود نفس الإسم بالجهة اليسرى .. عامر معتوق

و أبي أشوف الشوارع هناك : )

مشعان ؟

منو غيره يقدر يلعب بدال وليد ؟

و هاللاعب إذا الكرة كانت عند الخصم مستحيل يرجع ورا و يدافع مثل وليد

تابعوا برنامج تكتيك على الكاس مع أحمد الطيّب يمكن طريقته الحلوة بالتحليل تقنعكم : )

د\ مراسل دبي
01-12-2010, 09:31
لوكان هناك أحتراف بالكويت وتفرق عن العمل لشفت وليد وغير وليد يلعبون مب 90 دقيقة لو يلعبون 4

أشوط مب مشكلة

مـمــ ن ـــو ع
01-12-2010, 09:35
والله انا شايف وليد قايم بدوره على اكمل وجه .. الاكيد انه معطينه ادوار دفاعيه .. والظاهربعد معطينه ادوار دفاعيه اكثر من الادوار الهجوميه

فشي طبيعي راح يتعب .. خاصه انه كبر شوي

بس مايمنع ان نقوله شد حيلك اكثر

فـابـيـو
01-12-2010, 09:38
د\ مراسل دبي

درر و حكم ..

***

مـمــ ن ـــو ع

نقول لكل لاعب يشد على نفسه أكثر ..

وايد أسماء بتلقى فيها قصور من أكثر من ناحية .. لكن الموضوع عند الاخوة متعلق بشي واحد

ان وليد ما يستحق المنتخب .. و يوجد اللي أفضل منه .. و هالنظرة بعيدة كل البعد

عن نظرة المتابع الواعي ..

د\ مراسل دبي
01-12-2010, 09:41
د\ مراسل دبي

درر و حكم ..

***

مـمــ ن ـــو ع

نقول لكل لاعب يشد على نفسه أكثر ..

وايد أسماء بتلقى فيها قصور من أكثر من ناحية .. لكن الموضوع عند الاخوة متعلق بشي واحد

ان وليد ما يستحق المنتخب .. و يوجد اللي أفضل منه .. و هالنظرة بعيدة كل البعد

عن نظرة المتابع الواعي ..

هل تقصد هناك واسطات لبعض اللاعبين لدخول المنتخب من قبل المسؤولين

فـابـيـو
01-12-2010, 09:45
د\ مراسل دبي

ما فهمتني عدل ..

هذا كلام " البعض " على ان وليد ما يستاهل و من هالكلام ..

أما عن الواسطة .. رغم انها موجودة .. لكنها الحمد لله مو مثل أوّل

مـمــ ن ـــو ع
01-12-2010, 09:49
^^

ما اعتقد في احد أجدر بمكان وليد ( حاليا ) .. واللي عنده اسماء خل يقولها .. المشعان انا بوجهة نظري لاعب فوق العاده بس يحتاج خبره وراح يصير أفضل لاعب .. لكن على خطه وتكتيك المدرب صعب يلعب المشعان أساسي بدال وليد خاصه ان المشعان مايجيد الادوار الدفاعيه وهذا موعيب بس هذا الشي مايبيه المدرب .. المدرب يبي الاجنحه تلعب دفاع وهجوم فالمشعان مايصلح .. الا اذا حطيته مكان بدر وهذا صعب أو تحطه مكان يوسف ناصر وهذا مستحيل ..

بصراحه يحز بخاطري اني اشوف المشعان احتياط لاعب صج موهبه .. لكن للأسف على خطة وتكتيك المدرب صعب يكون اساسي

وان شاءالله الامور تتعدل تالي ..

فالشاهد من كلامي ما كو الا وليد علي .. وهو قايم بدوره صراحه

كرستيانو رونالدو
01-12-2010, 09:57
اتمنى يا غوران تفاجئ العراق بإشراك الموهوب علي مقصد كـ جناح ايسر و وضع وليد كورقة رابحه اولى في المباراة وليس عزيز مشعان ..


مجرد وجهة نظر اشوف مقصيد افضل من المشعان كـ دفاع و انضباط تكتيكي

أبو فهيد
01-12-2010, 10:03
شلون مايلعب 90 دقيقة يا مدرب ! التبديل صار واضح ومكشوف عند الجميع !

الله يسهلها


انا اشوف وليد يقدم من احلى مبارياته بالتزامه التكتيكي الكااااااااااااااامل مع المدرب من ناحية الهجوم والدفاع !

بندرفيتش
01-12-2010, 10:07
انا اشوف بعض الاخوان متحاملين
على وليد علي مادري هل لانه بنادي الكويت
لان كمستوى فني افضل بطوله يلعبها وليد
مع المنتخب هي هالبطوله واللي ينكر هالشي
مع احترامي له مايفقه كوره او في قلبه شي

ياجماعه وليد علي الصراحه قاعد يقدم دور تكتيكي
وخادم المدرب حيل لانه يأدي دور الظهير الحر بشكل ممتاز
ونقص اللياقه هي مشكلته الوحيده من عرفنا وليد بس هالبطوله
الصراحه يعطيك شوط ممتاز من جميع النواحي وان شاءالله
مباراة العراق تكون مرتفعه لياقته اكثر من اول لان ارتفاع اللياقه
تجي مع المباريات واللياقه على العموم مشكله اكثر من لاعب


أما عن الواسطة .. رغم انها موجودة .. لكنها الحمد لله مو مثل أوّل

اخوي فابيو ممكن تحدد لي الواسطه اللي تقصدها في شنو بالضبط
هل في اختيار اللاعبين للمنتخب او في التشكيل ؟

احترامي للجميع

فـابـيـو
01-12-2010, 10:23
مـمــ ن ـــو ع


هذا اللي بـ وصله .. منو ما يبي يشوف المشعان يلعب ؟


لاعب مجرم من النواحي الفنيّة و المهارية و يصنع لك الفارق الهجومي بـ لحظة


لكن خطة المدرّب تقضي بضرورة تواجد وليد باليسار


كونه مثل ما تفضلت يُبدع بأداء الواجبات الدفاعية .. بل أصبح يمتلك مهارات دفاعية !


و لقطة قطع الكرة من اللاعب السعودي داخل منطقة الجزاء دليل واضح على هالكلام ..


***


بندرفيتش


بالضبط .. وليد يقدّم أداء جداً عالي من كافة النواحي .. خصوصاً مع تقيّده الدفاعي

اللياقة تقل مع غالبية اللاعبين و هذا وضح جلياً مع فهد العنزي ..


أما للواسطة .. أقصد فيها إختيار اللاعبين بشكل عام بعيداً عن التشكيل الأساسي للمنتخب بالبطولة


عساك على القوة ..

بندرفيتش
01-12-2010, 10:29
أما للواسطة .. أقصد فيها إختيار اللاعبين بشكل عام بعيداً عن التشكيل الأساسي للمنتخب بالبطولة

اخوي فابيوو
انت اكيد عارف ان عدد الاعبين اللي يقيودون في قائمة البطولات تقريبا 22 لاعب
اسمح لي لو ازعجتك وطلبت منك تذكر لاعبين يستحقون يكونون في قائمة 22 لاعب
ولا ضموهم بسبب الواسطه

فـابـيـو
01-12-2010, 10:38
بندرفيتش

على العكس ماكو أي إزعاج عزيزي ..

خلنا من اللاعبين اللي ما ضمّوهم بـ سبب الواسطة لأني أشوف عدم ضمهم ناتج عن ضم آخرين بسببها

اللي يستحقون الانضمام 4 أو 3 لعدم وجود الخبرة لـ واحد منهم ..

لكن هل تشوف الخبرة بلاعب صاعد للتو .. عليه انتقادات كثيرة من جمهور ناديه نفسه .. فهد الأنصاري ؟

على فكرة كلامي بعيد عن التحامل كلياً ..

Bati
01-12-2010, 10:57
فابيو .. انت قلت ان جمهور القادسية متحامل على وليد علي و ان الناس تدخل سوالف المنتخب بالقادسية و العربي و الكويت .. لكن تبي الصج ؟ المتعصب لناديه انت .. لمن تقولي خل يغيب وليد علي و خنشوف شوارع عامر معتوق شنو تقصد بهالكلام ؟ و لمن تقول ان فهد الانصاري لاعب واسطة !! مادري منو اللي ماخذ سالفة المنتخب قادسية و عربي و كويت ؟!

عموماً رغم تحفظي على وليد علي هجومياً إلا انه دفاعياً يؤدي بشكل جيد و في أمور ثانية نقدر نتكلم فيها بالفريق بغض النظر عن وليد علي لأن ما يصير انت تبي كل لاعبينك مهاريين و يراكضون و يسوون لك show .. وليد لاعب تكتيكي و يفيد خطط المدرب و راضي فيه غوران .. خلوه لي نهاية الدورة و بعدين الجهاز الفني يرفع تقريره بخصوص جميع اللاعبين ..

اذا بنتكلم عن خطأ للمدرب فراح نتكلم عن مركز عامر المعتوق فقط .. يا جماعة هاللاعب لمن يركض .. يركض على جنب و يسحب الكرة بريله اليمين بطريقة سهلة ان تنقطع منك الكرة و يشتغلون علينا كرة مرتدة .. أنا اشوف ان لازم يكون هناك تغيير .. و يكون خط الدفاع بهالشكل .. مساعد ندا - محمد راشد - حسين فاضل - عامر المعتوق .. أو ان ينزل فهد عوض بجهة اليسار و كان الله غفوراً رحيما :)

بندرفيتش
01-12-2010, 11:08
اخوي فابيو ذكرت في احد الردود الواسطه وهالشي اتهام
مادري لمنو بالضبط هل للمدرب وهالشي ماتقد تقول واسطه
لانها قناعة مدرب او لإداري وانا بصراحه مادري منهو
هالاداري اللي بالاتحاد من بداية تصفيات الصعود لكأس اسيا إلى هالفتره
لان الانصاري من بعد بطولة كاس الخليج في مسقط وهو مع المنتخب ماغاب غير بالاصابات

اخوي فابيو لما تذكر كلمة واسطه يعني فيه فساد
ولما تتهم جهاز فني واداري في المنتخب انه فاسد بسبب اختيارهم لاعب
مايعجبك هذي مصيبه

بعيد عن اختيار فهد الانصاري اللي انا بوجهة نظري البسيطه
اشوفه لاعب متكامل ويفيد المنتخب واي فريق يلعب له
لكن نرجع للقائمه اللي بالبطوله ماعتقد يوجد لاعب خارج القائمه
يستحق اكثر من الموجودين خصوصا ان المدرب ماخذ اللاعبين
على حسب مراكزهم يعني بالدفاع ماخذ اللي يستحقون
بالارتكاز اخذ اللي يستحقون وفي باقي المراكز
يعني مايجيي احد من الجماهير يقول ليش مااخذ اللاعب الفلاني
مكان اللاعب الفلاني ولو ترجع لمراكزهم تلاقي هذا مهاجم والثاني
لاعب وسط او مدافع

اتنى على جميع مشجعين الانديه يشيلون كلمة واسطه اللي انغثينا منها
ويقتنعون انها خيارات جهاز فني فقط وهالشي ماتقدر تقول عنه واسطه
لان بالاخير راح تحاسبه اذا ماحقق نتايج
ارجوكم شجعوا اللاعبين مو وقته هالانتقادات وهالكلام الفاضي
خلااص هذولا هم لاعبينكم وهم اللي موجودين مافيه مجال تغير
ادعموهم ساندوهم بس هذا المطلوب في هالفتره بعد بطولة الخليج
فيه فترة شهر انتقد وسوي اللي تبيه بس وقت البطوله خلااص كلهم
لاعبينا وعيالنا

واسف مره ثانيه اخوي فابيو

احرامي

فـابـيـو
01-12-2010, 11:10
Bati

تحية لك اخوي اول شي ..

ما قلت جمهور القادسية .. مع أن الأغلبية من هالنادي الحلو .. و هذا واقع نلتمسه بالمنتديات و بالدواوين

و أنت قلتها بنهاية ردّك .. لما قلت أنا بنشوف اليسار شوارع .. هذا شي صار و حصل فعلاً !!

بـ تبديل وليد جدّام " اليمن " شوف شنو اللي صار .. العتيجي جنّح صوب اليسار

عشان يغطي مكان وليد علي .. لأن المشعان نزل لليمين و العنزي صعد لليسار بـ تبادل أدوار أثناء المباراة

هالشي فتح مساحة كبيرة بالوسط و الدفاع من الناحية اليسرى اللي كان يشغلها وليد علي

الشي الثاني .. مثل ما أنت قلت .. لمن أحط عامر المعتوق يسار .. و هو يمناوي !

طريقة سيطرته أصلاً للكرة و حتى وقفته لـ مهاجم الفريق الخصم بيكون سيّدها التوتر و الرغبة بالتشتيت لو حصل ع الكرة

كلام قلته لأكثر من شخص و كثير منهم بالأزرق هني .. المعتوق قدّم أداء رجولي و مشرّف بالمباريات اللي لعبها !

لكن مع هذا لو ما حصّل مساندة لاعب يجيد الادوار الدفاعية و يجيد اللعب أساساً بالجهة اليسرى .. جان الله ستر

أما بالنسبة للأنصاري .. هذا موضوع ثاني و اذا تبي تتكلم فيه انا حاضر يالحبيب

و بالنسبة أيضاً لـ فهد عوض .. مو عشان كويتاوي ولا غيره .. سبب عدم وجوده بالتشكيلة

ان فهد ينسى نفسه حيل باليسار و يتجدم و يهاجم و يخلي الدفاع

هذا الشي اللي ما يبيه غوران .. لا تقول بعد عنصري : )

قواك الله

منطلق بطموحي
01-12-2010, 11:21
وليد علي لاعب نادي بدرجة امتياز .

لكن مع المنتخب مو متوفق انا عن نفسي افضل وجود وليد بالمنتخب كورقه رابحه لأن يعطيك شوط واحد .

فـابـيـو
01-12-2010, 11:46
بندرفيتش

أحييك مرة ثانية اخوي بندرفيتش ..

كلمة واسطة يُفترض ان معناها فساد لكن بحالة المنتخب الحالية لا تعني هالمعنى

بالسابق ممكن كون الكثير من اللاعبين بتلك الحقبة لا يستحقون الصعود لـ هالمرحلة و ارتداء القميص الأزرق

لكن وجود أسماء معيّنة تنعد .. لاعبين ثلاثة .. أطلق عليها واسطة و أعني فيها .. وجود من هو أجدر بالتواجد ..

و من كلامك أستخرج النقطة اللي قاعد أتكلم عليها

الأنصاري طوال فترة تواجده .. شنو قدّم للمنتخب .. شنو قدّم لخط الوسط ؟

شنو هالتميّز الفني الكبير اللي يخلّيه يتواجد بالمنتخب بظل تميّز كبير جداً لأكثر من لاعب بأنديتهم

و على العكس يحملون من الخبرة ما يؤهلهم لتولي هذا المكان حتى لو على دكة البدلاء

اللاعب من أوّل ما طلع على طول منتخب .. و غيره يكدح سنين بتميّز و بإشادة كل المحللين و النقّاد

و مباراة بالمنتخب حسرة عليه .. هذا السبب لإطلاق التسمية .. إضافة للسبب الأكبر .. لـ معلومة أتحفظ على مصدرها

و بعيداً اخوي عن اعتراضي على وجود هاللاعب .. أو رغبتي بإستدعاء آخر .. بغض النظر عن مستواه المتميز

أو حتى أي وجهة نظر سلبية تجاه اللاعب .. دامه لاعب للأزرق و يمثّل المنتخب بصورة حالية

صدقني الدعم له ما راح يوقف من جانب الجماهير و من جانبي شخصياً

أتمنى له كل التوفيق ان شاء الله .. و بالدرجة الأولى الفائدة الفنية الكبيرة اللي راح يقدّمها للأزرق

بالنهاية هذا يعتبر عنصر مساهم بالنتائج اللي راح يحققها المنتخب سلبية كانت او إيجابية

و مثل ما قلت لك مهما كنت معارض لوجوده .. بنفس الوقت و حالياً .. ادعمه و أشجعه و ان شاء الله يكون عند الضن

كل التوفيق .. و الشكر لك

VaLiNoR
01-12-2010, 11:59
وليد حالياً بالنسبة للموجودين في الاحتياط يعتبر أفضل لاعب لشغل الجهة اليسرى كلاعب وسط .. المشعان من خلال مباراتنا امام قطر أثبت إنه ما يستطيع شغل هذا المركز .. بالنسبة لي هذا المركز أهم مركز في وسط ملعبنا .. والسبب طبعاً لوجود اللاعب جراح العتيجي وعامر المعتوق في هذي الجهة .

بوجود جراح والمعتوق في هذي الجهة إنت محتاج للاعب يغطي وملتزم بتكتيك المدرب حرفياً .. يدافع ويهاجم بالتوقيت المناسب .. وليد علي في كل المباريات إلي لعبها لم يتسبب بأي هجمة مرتدة علينا وهذي نقطة تهم المدرب وايد .

قـاصـد الـخـيـر
01-12-2010, 12:17
اللي يقول المشعان يرحم والدينكم شكو المشعان بجهة اليسار !!

وبخصوص الـ ٩٠ دقيقه نشوف وليد علي يلعب مع النادي مباريات كامله ونادر جداً نشوفه يتبدل حتى .. وفي اخر مباراه امام اليمن لما تبدل الكل شاف وليد علي يأشر بأيده لـ اسامه حسين بمعنى "ليش" على التبديل انه ليش تبدل .. في تحامل كبير على وليد من اكثر الجماهير الظاهر فيهم عقده نفسيه من وليد ..

بندرفيتش
01-12-2010, 12:28
الأنصاري طوال فترة تواجده .. شنو قدّم للمنتخب .. شنو قدّم لخط الوسط ؟


انا مادري منو قاص عليك وقايلك ان المنتخب مسيطر على البطولات ومتأهل لنهائيات كاس العالم
العشر سنوات الاخيره ؟؟
الظاهر ماتدري ان المنتخب تأهل لنهائيات كاس اسيا وفهد الانصاري معاهم ولعب مباراة استراليا باستراليا
وماتدري ان المنتخب حقق بطولة غرب اسيا بوجود فهد الانصاري
انت طايح تجريح في اللاعب مو انتقاد ؟؟
انت شايف انه مو زين انا شايف انه زين لاتجرح في اللاعب وتقول شنو سوا للمنتخب وللوسط في المنتخب ؟
اذكر لي شنو سواه طلال عامر و بدر المطوع ومساعد ووليد ؟؟ مع احترامي لهم ولمستوياتهم بس عشان اعرف
شو تقصد بكلمتك شنو سوا ابراهيم الانصاري للوسط
منطق غريب ؟؟
نصيحتي لك ابعد عن التعصب وماهي مشكله اذا المنتخب ضم لاعب مايعجبك شي طبيعي ويصير بجميع منتخبات العالم
كل شخص وله نظره للاعب وله لاعب يعجبه ولاعب مايعجبه بس ابعد عن التجريح

احترامي

Japan
01-12-2010, 12:42
" الجهد اللي يبذله وليد لو بذلة اي لاعب كويتي ممكن ما يكمل 90 دقيقة ! "

لاعب ماخذ جهة اليسار طول بعرض يلعب دفاع و هجوم بنفس الوقت شلون تبية يكمل 90 دقيقة !
وشلون تطالبون وليد يلعب بنفس اداء النادي و الواجبات اللي عليه تختلف , يعني شفناه بالمنتخب " دفاع وهجوم " لكن بالنادي بس يهاجم ..

player - 6
01-12-2010, 12:54
ما اخلليه يطق طار 90 دقيقه هالمره ألعبه

لالا يزعلون علي الكويتاويه الي ما اواطنهم الا جم واحد :p

والله يا غـوران الي تبيه سوه بس يكون عين العقل والصواب
ونبي أداء مــشرف واحنا قبلك 2مرتين وصلنه نص النهائي وطلعنه
ونبي الثالثه ثابته ونطون بالنهائي والكاس بالعديليه

وكــثرت مواضيع وليد علي ترا بس هالمره تحدد مصيرنه خلونه ورا المنتخب

فـابـيـو
01-12-2010, 12:57
بندرفيتش


كنت أتمنى ما تاخذ مبدأ " لا تقربوا الصلاة .... " بدون ما تكمّل


أنا شنو كتبت بعد هالكلام اللي اقتبسته عني .. قلت شنو هالشي الكبير اللي يخليه يتواجد بالمنتخب


بظل تألق و تميّز لاعبين يلعبون بنفس مركزه .. لا .. و يملكون من الخبرة ما يفوق الأنصاري بأميال .!!


و أي تجريح الله يهديك .. ما قلت شي أنت تشوف انه زين و مقتنع فيه


انا ما أشوف انه زين و مو مقتنع فيه .. هل عبارة شنو سوا و شنو قدّم .. تعتبر تجريح !


هذا سؤال .. مو القصد فيه الإنجازات .. يمكن فهمتها جذي


القصد الأداء الفنّي بالمباريات اللي لعبها .. وليد و بدر و العامر ما يحتاج أتكلم عنهم طبعاً


لكن انتقادي مستوى الأنصاري مبني على مباريات كثيرة شفتها له سواء بالنادي أو مع المنتخب


قلت لك بردي السابق دامه حالياً بالمنتخب أتمنى له كل خير و الله يوفقه مع ربعه باجر و باذن الله بالنهائي ..

***

jaban

ليت البعض ينظر للموضوع بـ عين الحياد بس ..

استعمار
01-12-2010, 13:06
الله يعطيكم العافية

وليد ادواره دفاعية
وهذا تكتيك المدرب وقام بدوره ويكفثي انه ادى ما عليه
ولو كان غيره لاستغل بناء الهجمات من الجانب اللي يقف فيه
لكنه اجاد دوره اللي مسنود اليه

تحياتي

shaheen
01-12-2010, 13:10
يـاغوران عندك الي أفـضل منه والي ممكن انو يعطيك 120 دقيقة مو بـس 90 !
الـمشعان يـا غوران .. الـمشعان !
لا تغـمته مـثل ماغمته محمد إبـراهيم !
اللاعب مظلوم للأســف !

ثلاثين
01-12-2010, 13:17
معروفه هالشغله بوليد من زمان مو شي يديد للاسف
حتى لو كان يأدي بشكل ممتاز اذا كان بيومه لكن تيي الدقيقه اللي تنزل عنده اللياقه وتثقل حركته ونفسه يقل ولازم يطلع والا اللعب يموت هذا عيبه !!

VaLiNoR
01-12-2010, 13:28
" الجهد اللي يبذله وليد لو بذلة اي لاعب كويتي ممكن ما يكمل 90 دقيقة ! "

لاعب ماخذ جهة اليسار طول بعرض يلعب دفاع و هجوم بنفس الوقت شلون تبية يكمل 90 دقيقة !
وشلون تطالبون وليد يلعب بنفس اداء النادي و الواجبات اللي عليه تختلف , يعني شفناه بالمنتخب " دفاع وهجوم " لكن بالنادي بس يهاجم ..

اتفق معاك حرفياً

VaLiNoR
01-12-2010, 13:37
المشعان ما راح يلعبه المدرب إلا بثلاث حالات :

- إذا كان فريقنا خسران .

- إذا يبي يلعب بخطة 4-3-3 .. بحيث يكون هناك ثلاث ارتكازات يغطون بالتناوب تقدم المشعان .

- إذا بيلعب بدر كراس حربة والمشعان تحته (أستبعد غوران يلعب بهالطريقة لحرصه على استقرار التشكيلة الأساسية)

في معناه غوران ماراح يلعب المشعان بالتشكيلة الاساسية على حساب وليد علي .. لإنه وليد بالنسبة لغوران من أهم اللاعبين في الفريق .

elkatkooot
01-12-2010, 15:24
صح السانك يا فابيانو ........... مع اني قدساوي ............ وكلامي نفس الي يقوله بالضبط

الانجــليزي
01-12-2010, 15:27
لـيه الحين القـادسيه والكويت والعربي .! ع المنتخب السـلام

والله يوفقك يا وليد انت وربعك بـ المنتخب

بندرفيتش
02-12-2010, 00:33
بندرفيتش



كنت أتمنى ما تاخذ مبدأ " لا تقربوا الصلاة .... " بدون ما تكمّل



أنا شنو كتبت بعد هالكلام اللي اقتبسته عني .. قلت شنو هالشي الكبير اللي يخليه يتواجد بالمنتخب



بظل تألق و تميّز لاعبين يلعبون بنفس مركزه .. لا .. و يملكون من الخبرة ما يفوق الأنصاري بأميال .!!



و أي تجريح الله يهديك .. ما قلت شي أنت تشوف انه زين و مقتنع فيه



انا ما أشوف انه زين و مو مقتنع فيه .. هل عبارة شنو سوا و شنو قدّم .. تعتبر تجريح !



هذا سؤال .. مو القصد فيه الإنجازات .. يمكن فهمتها جذي



القصد الأداء الفنّي بالمباريات اللي لعبها .. وليد و بدر و العامر ما يحتاج أتكلم عنهم طبعاً



لكن انتقادي مستوى الأنصاري مبني على مباريات كثيرة شفتها له سواء بالنادي أو مع المنتخب



قلت لك بردي السابق دامه حالياً بالمنتخب أتمنى له كل خير و الله يوفقه مع ربعه باجر و باذن الله بالنهائي ..



اخي العزيز فابيو
بمجرد انك تقول ان اللاعب داخل النتخب بالواسطه هذا بحذ ذاته تجريح للاعب.
اذا ماتابعت اللاعب الفتره الاخير وشفت مستواه ارجوك ارجع لمباريات القادسيه الاخيره
وشوف مستوى اللاعب وتابعه وانت تعرف انه مايقل عن جميع لاعبين القادسيه
اخوي العزيز انا ماكان سؤالي عن منهو مايستحق انا كان سؤالي عن منهو اللي يستحق
من خارج القائمه يكون في القائمه وتوقعت اني سهلت عليك المهمه
خصوصا اني قريت ردك الاول واعجبني ردك

للأسف .. ان " البعض " لا زال يتمسك بانتمائه للقادسية و الكويت و العربي .. على حساب المنتخب
وستنتجت من ردك انك مشجع وهذا اللي محتاجه المنتخب محتاج مشجعين مو مدربين ومحللين وناقدين
لان المشجع اللي يهمه مصلحة فريقه مايجي بوقت الجد ويقول للاعب من اللاعبين انت ماتستحق
لان الروح المعنويه محتاجها اللاعب والروح هذي تجي مننا كجماهير في المقام الاول
لكن بصراحه تفاجأت بردودك والتاليه
وتهجمك على اللاعب واتهامك له بانه واسطه وماخذ مكان لاعب غيره
رغم انه افضل وارقى انك تذكر اللاعب اللي يستحق يكون بالمنتخب
مو العكس ..

واحترامي لك

فـابـيـو
02-12-2010, 10:14
بندرفيتش

اخي المتمكن بندر .. كلامي على الأنصاري يأتي اثر متابعة و معلومات أخرى

الأنصاري و أكررها هل مستواه بنادي القادسية يأهله لأن ينضم للمنتخب ؟

أم أن وجوده في نادي القادسية يكفيه لإنضمامه للمنتخب ؟

الحق ينقال .. نهائي الآسيوية مع الإتحاد قدّم أداء حلو من الجانبين الدفاعي و الهجومي

لكن بمباريات الدوري .. مباريات القمة مع الكويت و العربي و كاظمة

أول من كان يطالب بإبعاد اللاعب و عدم مجاملته هو الجمهور القدساوي نفسه

و اذا على الأسماء .. هم إسمين لا ثالث لهم .. يلعبون بنفس مكان الأنصاري بالضبط

حسين حاكم .. محمد جراغ .. الأول أعتقد مافيه متابع كروي واعي يختلف على أحقية وجودة

لإجادته الأدوار الدفاعية و الهجومية و تشكيله كلمة قوية بالكرات الثابتة و غيره

و الآخر .. دام الأنصاري مركزه في وسط الملعب تماماً .. أي ان الجانب الدفاعي عنده لا يُستخدم كثيراً

بقدر رغبة المدرب بالاستفادة من طريقته لتوزيع الكرة و التمرير .. هالشي يتفوق فيه جراغ بمراحل كبيرة

بالنهاية نعم أنا مشجع للمنتخب .. و مشجع لفهد الأنصاري بالمنتخب

ما يمنع من الإنتقاد و إبداء وجهة النظر .. الكثير ينتقد أداء وليد .. أداء العنزي حمد

أداء يوسف ناصر .. بل الكثير أبدى إمتعاضه من تواجد أكثر من لاعب بالتشكيلة

فـ يحق لي أيضاً هالشي خصوصاً بوجود لاعبين قادرين يملون الفراغ بل و يبدعون فيه

و عشان لا يفهم أحد ان الموضوع شخصاني .. عسى الله يوفقه مع المنتخب

و إذا قرر المدرب إشراكه بإذن الله قادر على تأدية مهامه على أكمل وجه ..

تحياتي لـ شخصك الكريم ..

Ali Alqallaf
02-12-2010, 10:21
اذكى مدرب مر على الكويت من فتره:)

Mr.SaLmawii
02-12-2010, 10:39
وليد يقوم بدورين .. يشيل نجلات المعتوق ويهاجم !
المشعان يهاجم والمعتوق ينجل .. يعني لي طلع وليد نلقى جراح العتيجي يشيل نجلات المعتوق .. ويدخل فهد الأنصاري كلاعب ارتكاز ثالث !
وينزل المشعان ويتفنن


الحلقة الضعيفة بالمنتخب .. المعتوق !
عندي مقصيد وعوض وألعبه ؟!

الله يوفقه اليوم .. يبقى لاعب من لاعبين الأزرق وندري ان قاعد يحاول يسوي اللي عليه بس مو مركزه ومستحيل ياخذ راحته .. لو يخليه المدرب كبديل لمحمد راشد وايد أحسن

الله يوفق كل لاعبين الأزرق :)

متابع جيد
02-12-2010, 10:43
الأنصاري طوال فترة تواجده .. شنو قدّم للمنتخب .. شنو قدّم لخط الوسط ؟


شنو هالتميّز الفني الكبير اللي يخلّيه يتواجد بالمنتخب بظل تميّز كبير جداً لأكثر من لاعب بأنديتهم


و على العكس يحملون من الخبرة ما يؤهلهم لتولي هذا المكان حتى لو على دكة البدلاء



صج الخالق بالسما والحاسد بالأرض .......


ذبحتوا المنتخب بتعصبكم الأعمى ... ياحبيبي الأنصاري في بطولة غرب آسيا كان علامه مميزه وقدم مباريات أكثر من روعه تكللت بالفوز بالبطوله .... أول بطوله للكويت من سنين .... ماشفناها حصلت من وليد أو اللاعبين اللي تميزوا بأنديتهم وأصحاب الخبره اللي أنت قاعد ترفع فيهم ومو ذاكر أسمهم ...


صراحه الأمر تعدى الحدود وفعلاً فيه ناس تعودت على ضرب الكويت بالظهر وفي أحلك الظروف اللي محتاجين فيها للتكاتف ...


الأزرق قاعد يقدم عروض روعه وأنتم شغلكم بس تكسير مجاديفهم .....


تقبل الأمر وطلع الأنصاري من مخك وأترك كرهك للقادسيه على جنب هذي مصلحة الكويت .... أذا الكويت تهمك والله والله والله أنا واحد من الناس ماعندي مشكله كل لاعبين المنتخب من نادي واحد بس يكونون الأفضل دام الأمر لصالح البلد

واللي يقول المعتوق ونجلات المعتوق ... المعتوق هو الافضل بالبطوله وماشفنا النجلات اللي تقول عنها أبداً ... النجلات وصاحبها أفتكينا منهم الحمدلله في خليجي20 ... الله لايرد ذيك الأيام ... تذكر خليجي 18 وشنو صار فيها

Vip
02-12-2010, 10:56
انا اخالف الرأي اللي يقول وليد علي فيه اللي احسن منه اللي اشوفه وليد بالمنتخب لاعب انضباطي يؤدي دوره باكمل وجه سواء اذا هجم او دافع
على العموم ارضاء الناس غايه لاتدرك والكل يبي لاعب من اي نادي يشجعه يمثل المنتخب والمفروض ننتقد اللاعب اللي يستحق النقد
ممكن احد يقولي فيه هالثلاث لعبات اللي لعبهم وليد شنو الخطأ اللي غلطه بالمباراة ........
النقطة الثانيه فيه اسماء موجودة لاتستحق تمثيل المنتخب وفيه اسماء موجوده مصابه ماراح تلعب البطوله بكبرها ليش ماخذينها مع انه
الكويت فيها 14 نادي
البطولة هذي المفروض تكون للكويت بالمخبى كلنا عارفين ليش يعني اللي اشوفه يمكن اقوى فريق هو العراق الباقي فرق متواضعه من المستوايات اللي شفناها من خلال لعبهم

بندرفيتش
02-12-2010, 11:01
الأنصاري و أكررها هل مستواه بنادي القادسية يأهله لأن ينضم للمنتخب ؟
يأهله وبقوه


أم أن وجوده في نادي القادسية يكفيه لإنضمامه للمنتخب ؟

هذا سبب من الاسباب اللي تخلي اي مدرب في العالم لما يختار لاعبين يشوف في اي نادي يلعب
وهل النادي مسيطر على البطولاات ولعلك تذكر كاظمه وماتشالله مو على لان ماتشاالله مدرب كاظمه
ضم ثمان لاعبين او اكثر لان كاظمه كان فريق بطولات ومسيطر في هالفتره
وردان في فترة تدريبه للمنتخب ضم سبع لاعبين من الكويت لان الكويت كان مسيطر على الدوري وقتها
يعني هالشي شي صحي وطبيعي خصوصا اذا كان اللاعب اساسي بوجود كوكبه من النجوم في الفريق


الحق ينقال .. نهائي الآسيوية مع الإتحاد قدّم أداء حلو من الجانبين الدفاعي و الهجومي

لكن بمباريات الدوري .. مباريات القمة مع الكويت و العربي و كاظمة



اللاعب له موسم كامل مالعب كوره بسبب الاصابه .. ومباراة الكويت وكاظمه والعربي
كلها في بداية عودته وانت عارف ان اللاعب الغائب موسم عن الملاعب يبي له مباريات
عشان ترجع له حساسية الكورة
لكن ارجع للمباريات من المقلوب شوف مستواه في اخر المباريات سواء مع نادي القادسيه
او المنتخب الرديف تلاحظ ان اللاعب مستواه في تطور ..


و اذا على الأسماء .. هم إسمين لا ثالث لهم .. يلعبون بنفس مكان الأنصاري بالضبط

حسين حاكم .. محمد جراغ .. الأول أعتقد مافيه متابع كروي واعي يختلف على أحقية وجودة

لإجادته الأدوار الدفاعية و الهجومية و تشكيله كلمة قوية بالكرات الثابتة و غيره

و الآخر .. دام الأنصاري مركزه في وسط الملعب تماماً .. أي ان الجانب الدفاعي عنده لا يُستخدم كثيراً

بقدر رغبة المدرب بالاستفادة من طريقته لتوزيع الكرة و التمرير .. هالشي يتفوق فيه جراغ بمراحل كبيرة



لاعبين كبار وانا اشهد لهم وجميع المتابعين يعرفون قيمة هالاعبين الفنيه ماختلف معاك
لكن في الوقت الحالي وانت تشوف تشكيلة المنتخب خصوصا في ارتكاز الوسط
بوجود طلال العامر وجراح العتيقي هل لهم مكان ؟؟
هذا غير اعمارهم واعتقد ان المدرب يعد فريق حق تصفيات كاس العالم
لما تشوف طلال العامر والشمالي والانصاري اعمارهم اقل من 23 سنه
يعني يعطونك سبع سنين قدام والخبره موجوده في جراح العتيقي في هالفتره


بالنهاية نعم أنا مشجع للمنتخب .. و مشجع لفهد الأنصاري بالمنتخب


بارك الله فيك
وللجميع الحق في انتقاد اي لاعب بس مو بهالوقت
ننتظر لبعد البطوله وان شاءالله نفرح فيها جميعا

احترامي اخوي فابيو

سفير
02-12-2010, 11:57
من افضل لاعبي الفريق ..

عذب المشاعر
02-12-2010, 12:10
يـ غوران طل بعينك وليدان مايكمل 90 تجذب علي نفسك .؟

وللي ينتقد وليد أقولهم أستريحو ينتقدون بس علشان يلعب لأعب فريقهم :)

فـابـيـو
02-12-2010, 12:28
متابع جيد

قصدك تقول الرازق بالسما و الحاسد بالأرض : )

صار الإنتقاد ضرب للكويت .. و الغمز على يعقوب الطاهر و نجلاته .. أبد مو تعصّب : p

يا متابعنا الجيّد .. كل من يمثل المنتخب بأي بطولة احنا له أكبر مساندين و نشد عليه و نرفع معنوياته

خلاص صار يمثّل الأزرق .. أي حسد و أي كره للقادسية ؟؟

ودّك تتكلم عن الموضوع ما عندي مشاكل تقنعني و أقنعك ..

لكن تبدأ تتكلم بالموضوع و تدخل فيه عبارات كره و حقد و حب و وئام .!

عموماً أرد على جم جزئية .. غرب آسيا .. قوة المنتخبات نفس الخليج و آسيا ؟؟

قلنا و استانسنا بالبطولة و شلون ما نستانس لكن أكدنا أن المحك بكأس آسيا بالمقام الأول و كأس الخليج ثانياً

أما المعتوق فـ اللاعب يقدم مستويات رائعة و قتالية لأبعد الحدود

لكن نقص الخبرة هو اللي يخلي غالبية الجمهور يتخوف من تواجده بغير الجهة اللي يحسن اللعب فيها

ولّا في لاعب يطيح و الكرة تنلعب و بهالوقت .. و صارت علينا بلنتي ؟

يبقى إنتقاد و رأي و وجهة نظر .. بعيدة عن أوهام الحقد .. اللي أعتقد أن في ناس فعلاً عايشة بـ هالدوامة

شكرا لك على كل حال .. بالتوفيق للمعتوق و الأنصاري .. من عنصري و كاره للأصفر .. على قولتك : )

فـابـيـو
02-12-2010, 12:33
بندرفيتش

وجهة نظرك و أحترمها ..

أنا أشوف ان اللاعب عادي لكنه بدا ياخذ خبرة جراء مشاركاته المتتالية ..

رغم هذا ما أحبّذ انه ياخذ خبرة و يطوّر نفسه بمشاركات و محافل خارجية مهمة و تهمنا

جانب العدد الكبير من النادي .. أكيد تعكس تألق نادي في حقبة زمنية معيّنة

لكن مو شرط وجود عدد كبير من اللاعبين المتميزين بنادي معيّن تخلينا أزيد العدد من هالنادي .!!

و للعلم رادان نفسه .. استدعى كذا لاعب .. مستواهم ما كان يأهلهم .. و كنت تقدر تستدعي لاعبين من اندية ثانية

مستواهم و جاهزيتهم و خبرتهم تفيدك بشكل أكبر ...

أما عن اللاعبين الغير متواجدين بتشكيلة غوران .. نعم الصربي يطمح للاعبين يعودون بفائدة لـ مواسم و مواسم

بنفس الوقت انت محتاج للاعب خبرة بخط الوسط بـ الحالات و الدقايق الصعبة

عموماً هالحاجة من عدمها .. مثل ما انت عارف .. رأي المدرّب بالنهاية .. و بعيداً عن هالنقاش كله

الله يوفقنا بعد شوي و نوصل النهائي بإذن الله

تحياتي الوفيرة لك ..

player - 6
02-12-2010, 12:38
لي متى يعني انت وياه
فـضوها سـيره

ناس ماتيي الا بالطق والعين الحمره :p

ان فزنا صعدنه النهائي وان خسرنه كفينه ووفينه
يعني كلنا بقارب واحد احنا والاعبين

وليد سواء لعب ولا هاجم ولا دافع ولا قول كله بتسجل بإسم الكويت
لما يوسف سجل قالوا الكويت هزمت قطر مو يوسف
يعني مثل الكويت وخلوا عنكم هالسوالف الي مو من صالحنه
يعني بعد البطوله ردوا بطلوا موضوعكم العقيم

قدساوي بالفطرة
02-12-2010, 12:42
فابيو ..
نسينا لما رادان خذا ابراهيم شهاب وعبدالرحمن العوضي اساسيين بالمنتخب واستبعد المطوع ونهير ؟!

عذب المشاعر
02-12-2010, 12:57
^
^
^
العوضي أساسي !

عميدتهم
03-12-2010, 09:39
اشوف بناديه يلعب 90 دقيقه
بس بالمنتخب حطيته مايقدر يكمل لي 90.!!
ماينلام والله لازم يقول جذي عشان يحط جم لاعب بناديهم مومعترفين
فيهم بس بالمنتخب نشوفهم

كويتاوي 2004
03-12-2010, 12:04
خل يغيب وليد مباراة عن المنتخب .. و بوجود نفس الإسم بالجهة اليسرى .. عامر معتوق


و أبي أشوف الشوارع هناك : )


مشعان ؟


منو غيره يقدر يلعب بدال وليد ؟


و هاللاعب إذا الكرة كانت عند الخصم مستحيل يرجع ورا و يدافع مثل وليد



هذا وليد غاب عن مباراة العراق وطلع كلامك صح ... الجهة اليسري صارت شوارع :)

المشعان لعب مباراة كاملة شنو سوا أمس ؟؟!! ... سجل علينا هدف بيده وكان راح يحسب علينا بلنتي ايضا بيده .. هذا غير انه يركض ويطيح .

المشكلة انه البعض يتهمنا بالتعصب لأنه نطالب بوليد علي اللي اثبت نفسه بالجهة اليسري ولعب كرات سهلة للمهاجمين لو إنها تسجلت لرفعت من أسهمه وقلنا كفو يا وليد ولكن المشكلة المهاجمين ميتين عندنا .
يقولون انه احنا متعصبين مع انهم يطالبون بالمشعان يلعب بالجهة اليسري وهو أصلن لاعب جناح يمين ..واحنا المتعصبين :) !!!!!!!!!!!
مباراة أمس وخصوصا نزول فهد عوض .. كذلك تنفيذ مطالبة البعض بغياب وليد علي وتأثير غيابه وضحت منو اللي يبي مصلحة المنتخب ومنو اللي متعصب لناديه !

كويتاوي 2004
03-12-2010, 12:06
" الجهد اللي يبذله وليد لو بذلة اي لاعب كويتي ممكن ما يكمل 90 دقيقة ! "



لاعب ماخذ جهة اليسار طول بعرض يلعب دفاع و هجوم بنفس الوقت شلون تبية يكمل 90 دقيقة !

وشلون تطالبون وليد يلعب بنفس اداء النادي و الواجبات اللي عليه تختلف , يعني شفناه بالمنتخب " دفاع وهجوم " لكن بالنادي بس يهاجم ..

كلام سليم 100 % :yes:

كويتاوي 2004
03-12-2010, 12:09
هذا وليد ما لعب شنو صار بالجهة اليسري ؟؟!! ... صارت شوارع
ولولا إصابة الفضلي ونزول فهد عوض لحصلت بلاوي .

بعدين اللي يقرا كلام المدرب راح يلاحظ انه قال انه وليد منضبط بأدواره الدفاعية والهجومية ... لاحظ انه استخدم الدفاعية قبل الهجومية .

عوار راس
03-12-2010, 12:54
وليد علي صعب يقدم 90 دقيقه بنفس المستوى

وكل اللاعبين قاعدين يركضون نفس وليد علي وأكثر
فهد العنزي يهاجم ويدافع بشكل مستمر

المطوع جدام العراق كان يرجع لي الدفاع ويهاجم
الشغله هذي مو واقفه على وليد علي بس

وليد علي من بداية المباراة ( قبل لا يستلهك طاقته ) ما كان يأدي هجوميا بشكل ممتاز
هذا الشي الي خلا الجمهور ينتقدونه حبا فيه وخوفا على المنتخب

نتمنى وليد علي يلعب ويبدع ويكون من أفضل اللاعبين بالبطولة

منطلق بطموحي
03-12-2010, 12:57
والله تكرهون الواحد بالمنتخب .

الكويت والقادسيه صراعاتهم ومنافستهم حتى بشأن لاعبين وتشكيله المنتخب .

كويتاوي 2004
03-12-2010, 14:35
عوار راس
فهد العنزي مرات يرجع ومرات ما يرجع ولكن وليد علي دائما يرجع .