المساعد الشخصي الرقمي

مشاهدة النسخة كاملة : قناة أبوظبي و كابيلو



TOTTI_Q80
15-12-2002, 03:59
في يوم الخميس الموافق 26/12/2002
سوف تستظيف قناة أبوظبي الرياضية مدرب نادي روما فابيو كابيلو على الهواء مباشرة و هذه فرصة للمشاهدين للإتصال و الإستفسار مع كابيلو عن أئ شي يتعلق بالتدريب أو بنادي روما...الخ

إلى الأمام أبو ظبي الرياضية
و الشاطر يفهم

الموج الازرق82
15-12-2002, 04:11
يعطيك الف عافيه و قناه روعه و لقاء اروع للمدرب الكبير كابيللو و درس حق قناه الشباب و الرياضه اللي مالها علاقه برياضه

TOTTI_Q80
15-12-2002, 05:19
الوقت 9:15 بتوقيت دولة الكويت

TORKU-10
15-12-2002, 09:04
بالاضافه الى مقابلة كاسانو يوم الاثنين


بس مهما تسوى هالقناة هي قناة فاشله

:rolleyes:

Del Piero
15-12-2002, 09:07
قناه ابوظبي ما قصرت... افضل قناه على المستوى العربي... وعيني عليها :D :D :D

عاشقة_ايطاليا
15-12-2002, 10:00
وناسه بشوف لقاء كابيلو وشي أكيد كسانو:D فعلا قناة فاشله والا المعلق محمد فاشل بمعنى الكلمه
حتى تعليق مثل الاوادم ماكو:p جمله مفيده هم ماكو :D لو يغيرونه احسن لهم يمكن تتطور قناتهم.

TORKU-10
15-12-2002, 10:56
ومحللهم فاشل بعد وياهم :D
اي والله صج :rolleyes:

عاشقة_ايطاليا
15-12-2002, 14:18
اييييي هذا معلول :p صج معلول :rolleyes:

R^Madrid
15-12-2002, 16:55
اخوي تركي ؟

ليش فاشله :confused:

TORKU-10
15-12-2002, 21:16
R^Madrid
اخوي اذا انت تتابع كل مباراة لروما وكل مباراة اذا لعب فيها توتي ,, راح تتأكد انهم يكرهون توتي لدرجه كبيره :o

ولدرجه انهم اكتبو فيه شعر (( سخيف )) عن مظهر توتي :rolleyes:

وهم يكرهونه لانهم من محبين.......:rolleyes:

وخاصه نبيل معلول ومحمد :mad: ,, اما الباقي خوش محللين ومعلقين (( ابو حميد.... والخ )) :)

الكل يدري ان توتي مقدم مستوى مميز واكثر بعد ,, ومع ذلك هو مصاب ,, بس اخوان قناة ابو ظبي

دائماّ يقللون من اهمية توتي ,, في كل مباراة وحتى لو تلاحظ مباراة روما واودونيزي اللي توتي سجل 2 هدفين ما اذكرو لتوتي شي
:rolleyes:

وطبعاّ توتي ما يدري عنهم ,, ولا يبي يعرف عنهم شي :D ,, بس هذي تعكس صورت توتي للمبتدئين عن الرياضه ,,

TORKU-10
15-12-2002, 21:20
http://www.calcioplanet.com/newsmanager/articlefiles/557-totti11.jpg

:D :D

عاشقة_ايطاليا
15-12-2002, 23:58
TORKU-10

انا أييد الأخ تركي على كلامه فعلا قناتهم فاشله وخاصه المعلقين نبيل معلول ومحمد اللي دايما يناقش معلول
اثناء تحليل اي مباراه احس متحاملين على توتي مهما ظهر بتألق ما يقولون اي كلمه بحق هالنجم الكبير
بعكس لاعب ثاني يحبون يعطونه اهميه بالطالع والنازل :rolleyes:

وعلى فكره اصلا مايصير المذيع او المعلق يكون متحيز لازم يكون محايد ويترك رأيه الشخصي لنفسه
او يقول وجهة نظره بالمعقول يعني مو حلوه ان يعطون شخص فوق حقه ويقللون من شأن الباجين.

والقناه اللي تكون جذيه ماتكون ناجحه ابدا وهذا رأيي واذا الواحد بشوف قناتهم عشان الدوري الايطالي
وبس مع احترامي لهم مايعرفون شي لا بأسلوب التقديم ولا بالرياضه لان الرأي شي والتحيز شي ثاني.

يعني (رياضه + تحيز) = صفر :o

TORKU-10
16-12-2002, 02:46
عاشقة_ايطاليا

درر درر

:D :D

UuNiCa_6
16-12-2002, 03:05
تركي :

صارت قناة فاشلة علشان ما يمدحون توتي :confused: :confused:

وثاني شي انا مو موافق على رايك لان هالقناة من افضل القنوات من حيث التعليق و التحليل :cool:

------------

ودي ادق على كابيلو و اقوله : " روما ناقصها هجوم واتمنى نشوف ريكوبا و دوني كريسبو في روما " :cool:

Totti
16-12-2002, 03:09
فرصه ماتتطوف الصراحه .. شفوفو الناس شلون تشتغل مو عندنا :(

Soccer_Addict
16-12-2002, 06:37
عاشقة_ايطاليا , TORKU-10:
بدعتوا الصراحة !! عشان ما يمدحون توتي صارت قناة فاشلة !! الإعتراف بالحق فضيلة روما مو بذاك المستوى هالسنه وتوتي مباراة يلعب و عشرة لأ.. شلون تبون يطلع بمستوى زين !!

TORKU-10
16-12-2002, 07:58
UuNiCa_6
قناة ومعلق ومحلل متحيزين لليوفي ,,

وانا اللي اعرفه ان قناة محتكره دوري قوي دوري مليون يشاهدونه يطلعون بصوره... مو حلوه
:rolleyes:

اوكي ما يخالف شجع اليوفي ,, ولكن توتي شنو ذنبه كل كلمه وثانيه الا وغلطو عليه ؟؟؟ :rolleyes: :rolleyes:

اختي..kazmaweya
بدعتوا الصراحة !! عشان ما يمدحون توتي صارت قناة فاشلة !! الإعتراف بالحق فضيلة روما مو بذاك المستوى هالسنه وتوتي مباراة يلعب و عشرة لأ.. شلون تبون يطلع بمستوى زين !!

ـــــــ

من كلامج هذا انتي ما تتابعين مبارايات روما

:rolleyes:

اكبر دليل ان توتي هو الافضل لغاية الان في الكالشيو
هو الاعب الوحيد اللي الخبراء والمحللين اللي في ايطاليا يعطونه 8/10 في 4 مباريات

وعلى فكره اقل درجه توتي خذها لغاية الان 6,5/10 (( هي مباراة وحده ))

والباقي المبارايات من 6,5 وفوق

ومع ذلك توتي ما لعب في دوري 5 مباريات ,, والكل يعلم ان توتي مصاب :)


انا ويااج فعلا روما مو مقدمه مستوى المطلوب منه ,, ولكن توتي مقدم مستوى راقي ,, مستوى متميز

فا ياليت يا اختي العزيزه ,, انج تتاكدين من كلامج اول شي ;)

وشكرا

TOTTI_Q80
16-12-2002, 08:06
سؤال لجميع الأعضاء
من إنضمامي إلى الأزرق ارى معظم الأعضاء يخرجون عن الموضوع و بشكل كبير
الموضوع هنا عن قناة أبو ظبي و كابيلو وليس ما رأيك بقناة أبو ظبي:cool:
الهدف من الموضوع هو الذي يود أن يشارك مع أبو ظبي يرسل إيميل لهم او الإتصال عليهم
و شكرا

عاشقة_ايطاليا
17-12-2002, 05:45
kazmaweya

احنا ما قلنا انها قناة فاشله عشان ما يمدحون توتي وبس توتي بالأخير انسان ولاعب ياليت يعاملونه
مثل اي لاعب ثاني اذا ظهر بشكل سيء ينتقدونه مافيها شي واذا ظهر بتألق بنفس مباراة اليوفي
يمدحونه لكن للأسف هالشي مو حاصل في قناة ابوظبي ودائما يلفون ويدورون عشان ما يقولون
رايهم بصراحه ليييش هذي رياضه مو حرب يعني مافي داعي لاسلوبهم اللي مايمت للرياضه بصله
ولا حتى التقديم :rolleyes: وانا من متابعي هالقناة وكل ما احضر تحليلاتهم اشوف العجب :eek:

عاشقة_ايطاليا
17-12-2002, 05:50
TOTTI_Q80
آسفين

UuNiCa_6
17-12-2002, 07:44
لا لا لا الصراحة انت غلطان لان اهم صج يشجعون اليوفي بس وانا ولا مره شفت منهم تحيز !!!

TORKU-10
17-12-2002, 15:46
عن اذنك حبيبي ,, وهذا اخير رد لي ;) ;)


يونيكا : في احدى المبارايات لروما ,, على ما اعتقد ,, توتي كالعاده متألق (( ماشاءلله )) ,, مفروض يتكلمون عن تألقه في المباراة ,, عن اهدافه في المباراة ,, عن تميزه الواضح في المباراة ,, بس للاسف بدال لا يتكلمون عن تالقه في المباراة ,, تكلمو عن مظهره الخارجي ,, ويا ليت امدحوه لا طبعا ,, للاسف ذموه

:rolleyes:

وفي احدى المباراة لروما ,, توتي سجل هدفين ,, وانتهت النتيجه 4/1 لروما ,, المهم ,, المذيع اللي اسمه محمد ,, عمل مقارنه بين توتي و دلبيرو ,, جان يقول نبيل معلول ,, قال : ما في وجه مقارنه دلبيرو افضل
:eek: :eek:

اول شي : دلبيرو شكو في مباراة روما ؟؟؟؟؟ :rolleyes:

ثاني شي : اوكي قول رايك ,, بس مو تكسر بتوتي لدرجه ان خليت المقارنه بين (( مارادونا و ايمار )) :rolleyes: ؟؟؟

على العموم هي وجهة نظري ;)

عاشقة_ايطاليا
18-12-2002, 01:24
TORKU-10
انا اقولك الخلاصه دلبييرو صح ماله شغل بالموضوع لكن اهم دايما يعاملون توتي على ان منافس قوي لدلبييرو ويحبون يقللون من قيمته عشان هالسبب يعني غيره طبيعيه من مشجعي اليوفي لان المنافسه
دائما محصوره بين توتي ودلبييرو لانهم من المع النجوم بايطاليا بس للأسف اهم اعلام يعني قدوه
لاي مشاهد المفروض ما يكونون بالعقليه هذي. :rolleyes:

Totti
18-12-2002, 04:42
يا جماعه و اذا كرهو توتي شنو راح ياثر يعني !! هذا رايهم و ما تقدر تغصبهم على شي اهم يقولونه

و هذا ما يقلل من قيمة القناه و التعب الي يبذلونه لتغطية الدوري الايطالي ..

al-azraqy
20-12-2002, 02:35
من وين تطلعون المواضيع القديمه :confused: ...

Bo Msheal
21-12-2002, 05:48
قناة جيده الصراحه:)

الـــيــــازي
21-12-2002, 10:22
للرد فقط على الاخوان راح ارد عليكم بكلمات جميله لكاتبها عبودي صاحب افضل الكتابات عن الدوري الايطالي اقرا له دائما واستفيد منه وحبيت انكم تقرون كلامه بتمعن عن قناة تثبت يوم عن يوم انها الافضل

http://www.calcio.ae/images/upload/13_130802.jpg
أوقات كثيرة تحس فيها بالحماس
فيخطر في بالك مشاهدة لقطات رائعة أو مباراة شيقة
تحتاج لـ إخراج رائع ومقدمة لمباراة كبيرة
المعلق (( سبب أول )) يجعلك تشاهد بإستمتاع
والمقدم (( سبب ثاني )) يجعلك تشاهد بحماس

عندما تمسك الجهاز فـ أبو ظبي الرياضية (( الخيار الوحيد ))
(( أبو ظبي الرياضية )) قناة كل الأسباب
ويكفي (( السبب الرئيسي )) أنها تمتلك حقوق نقل (( الكالتشيو ))
قناة لا تحتاج لـ رأيي وإنما لآراء كل (( عشاق الكالتشيو ))

كالتشيو الذهب لا يلمع إلا في القناة الذهبية ))
(( أبو ظبي الرياضية ))

هل تعشق التقديم ؟؟
بالطبع (( نعم ))
مع (( محمد نجيب ))
أنت داخل الملعب
أنت داخل جو المباراة
وصف رائع وتقديم شامل
لا يحتاج سوى المتابعة بتدقيق

http://www.calcio.ae/images/top_image2.jpg

هل تعشق التحليل ؟؟
بالطبع (( نعم ))
مع (( نبيل معلول ))
أنت في دكة الآحتياط
ومستمع للتعلميات
وكآنك أحد لاعبي الفريق
أسلوب جميل
وقناعات تجبرك على الإحترام
ماعليك سوى الإشتراك في التحليل

أو مع من ؟؟
مع (( فيصل شعبان ))
صاحب أفضل التقارير الرياضية
وأدق الآرقام القياسية
والتحضيرات الرائعة
من خلال تقاير مفصلة

هل تعشق المقابلات ومتابعة التقارير ؟؟
بالطبع (( نعم ))
مع (( مأمون علواني ))
أنت وسط (( روما ))
و داخل (( ميلانو ))
ومتواجد في (( تورينو ))

http://www.calcio.ae/images/top_image1.jpg
هل تعشق التعليق ؟؟
بالطبع (( نعم ))
مع (( علي حميد )) شيخ المعلقين
صاحب الحنجرة الذهبية
صاحب الكلام الرائع
والحماس الصاخب
أجمل مباريات الكالتشيو تستمتعها معه

أو ومع من ؟؟
مع (( علي سعيد الكعبي )) عندليب التعليق
صاحب الآلقاب الرائعة
وصاحب الصوت الجميل
والحماس المنقطع النضير
من ينسى لقب (( الأنكوندا )) لـ مونتيلا من صوته الرائع

أو مع من ؟؟
مع (( أحمد الطيب )) فيلسوف التعليق
صاحب الآداء الرائع
والكلمات الساحرة
والأسلوب الرشيق
والتعليقات الجميلة




نحن لسنا مجرد قناة (( نحن )) انتم ابوظبي الرياضيه
:)

اختكم اليازي :)

AL-^MALAK^
21-12-2002, 13:16
اول شي شكرا للمبدعه ابوظبي الرياضيه

وثانيا اتمنى سؤال كابيلو .ماهو موقع روما دون فرانسيسكو توتي ؟؟

واتمنى اني اعرف ايميل البرنامج او رقم البرنامج

واعتقد هذا موجود عن اختنا اليازي

الموج الازرق82
21-12-2002, 18:54
محطه ممتازه و تستاهل حقوق نقل الدوري الايطالي و احلى ما فيها محمد نجيب و احمد الطيب

AL-^MALAK^
23-12-2002, 02:34
اقتباس من رسالة الموج الازرق82 في الأعلى
محطه ممتازه و تستاهل حقوق نقل الدوري الايطالي و احلى ما فيها محمد نجيب و احمد الطيب



افااااا ماتوقعتهاااا منك ......... وين داود العون عيل ؟:D