المساعد الشخصي الرقمي

مشاهدة النسخة كاملة : سعـودي يبيكـم بكلمـة راس !



فيصل السعودية
06-12-2010, 02:55
السـلام عليكم



أحب أن اُبارك وأرسل لكم تهاني قلبية بمناسبة فوز المنتخب الكويتي بـ بطولـة الخليج , وأشيد بما قدمـه لاعبي الأزرق الكويتي .. فـ بكل صراحـة منتخب الكويت يمتلك لاعبين على مستوى عالي من الموهبـة والتكتيك والروح القتاليـة .. بالإضافـة إلى وجود مُدرب ممتاز عرفَ كيفَ يوظف هؤلاء الموهوبين خير توظيف .. والناتــج قـد حصلَ عليه الآن .




لستُ مُضطراً لمجاملتكم ! أو مُداهنتكم لأنني في منتدياتكم ! .. ولكنكم شعب قلبه أبيض وروحـه عطره وأخلاقه عاليــة ولنـا معَ الكثير منكم مواقف وذكريات [ وعيش وملح ] .. فإن الصداقة والجيرة والأخـوة والروابط الأسرية تحتم علينا تهنئتكم وإرسـال كلمات ومُفردات خرجت من قلب يودكم ويحترمكم , علّها تُعانــق قلوبكم وأعينكم .



ليسَ كل شعب أستسيغـه أو يُجبرني على إحترامــه ! .. الشعب الكويتي من الشعوب التي تستحق طبع الفرح داخل أرواحهـم ورسم البسمـة على شفاههـم .. وأنتم تستحقون ذلك وأكثر أيضاً .. فألف مبروك لكل كويتي هُنــا .




هارد لك لمنتخبنـا السعودي الذي يظل دائماً في القمـة , فليست مباراة واحـدة تقلل من عملاق آسيــا ! .. لا طبعاً ! .. أرفعوا رؤوسكم عالياً , فلا زالَ للمجدِ بقيــة .. والوعـد في قطر 2011 إن شاء الله تعالى .


المنتخب السعودي أثبتَ وجود البديل لديه , وهذا مانريده لكأس آسيـا .. البطولـة الأهـم بكل تأكيد .



ألف مبروك للكويت مرة أخرى .. وهارد لك للصقور الخضــر .





مُحبكم فيصل

بنت بلادي
06-12-2010, 02:56
الله يبارك فيك .. و تستاهل الطيب و الله ..

و هاردلك للطيبين امثالك ..

قـاصـد الـخـيـر
06-12-2010, 02:57
ماهي غريبه على الاشقاء بالسعوديه .. يوجد بعض الاعضاء السعودين للاسف ردودهم فاشله وهم لا يمثلون الشعب السعودي .. الشعب السعودي هو الاقرب لنا ومايحتاج نقول هالكلام .. وهاردلك لكم .. ولكن كل شخص كانت عنده عصبيه او كلام كان كله ردة فعل على الاعلام السعودي وانتوا ابخص بأعلامكم

Kuwaity^3'ior
06-12-2010, 02:58
اول شي الله يبارك فيك
و ان شاء الله نشوف مستوى منتخباتنه تكون افضل باسيا
ولو سمحت شلون تقول منتخبكم عملاق اسيا واهوا حصد البطوله مثل ماحصدها اليابان وايران
اذا بتكون عملاق اسيا تكون متصدر بالبطولات بدون منافس
وثانيا شلون عملاق اسيا وانتم بالخليج وسيد وعملاق الخليج منتخبنا
وشكرا

فهد الشمري
06-12-2010, 03:00
في البدايه أشكرك كل الشكر أخوي فيصل على هذي البادره الأكثر من رائعه ، وأتفق معاك بأن الكويت والسعوديه أخوان وعيال عم وجيره وأكثر من ذلك بكثير ويجمعهم جسد واحد ، المنتخب السعودي منتخب عريق وقدم لاعبين شباب على مستوى عالي وأنا أعتبره أنجاز وصوله للمباراه النهائيه ، وتنتظركم مناسبات أخرى ، نتمنالكم كل التوفيق

player - 6
06-12-2010, 03:00
لستُ مُضطراً لمجاملتكم ! أو مُداهنتكم لأنني في منتدياتكم ! .. ولكنكم شعب قلبه أبيض وروحـه عطره وأخلاقه عاليــة ولنـا معَ الكثير منكم مواقف وذكريات [ وعيش وملح ] .. فإن الصداقة والجيرة والأخـوة والروابط الأسرية تحتم علينا تهنئتكم وإرسـال كلمات ومُفردات خرجت من قلب يودكم ويحترمكم , علّها تُعانــق قلوبكم وأعينكم .


ليسَ كل الشعب أستسيغـه أو يُجبرني على إحترامــه ! .. الشعب الكويتي من الشعوب التي تستحق طبع الفرح داخل أرواحكم ورسم البسمـة على شفاهكم .. وأنتم تستحقون ذلك .. ألف مبروك لكل كويتي هُنــا .



ماعليك زود وهذا من طيب اصلك وفصلك
مشكور يا بو غـازي
احرجتني بإسلوبك والله


هاردلك لأهل السعوديه
هـاردلك لبلد الحرمين الشريفين
هاردلك لعزوتنه واخوانه
ماتفرقنه مباراة

والمنتخب السعودي لو شارك بأي صف فهو لديه شخصية الـبطل
والـوعد جدام , والكويت يعود من بوابة الخليج
والصعود تدريجياً وماكو شي صعب

قــواك الله

player - 6
06-12-2010, 03:02
اول شي الله يبارك فيك
و ان شاء الله نشوف مستوى منتخباتنه تكون افضل باسيا
ولو سمحت شلون تقول منتخبكم عملاق اسيا واهوا حصد البطوله مثل ماحصدها اليابان وايران
اذا بتكون عملاق اسيا تكون متصدر بالبطولات بدون منافس
وثانيا شلون عملاق اسيا وانتم بالخليج وسيد وعملاق الخليج منتخبنا
وشكرا

شوف مراكز اسيوياً
وصلوه 4 مرات متتاليه
المنتخب السعودي رقم صعب بآسيا محد يقدر يهضم حقه

الروزونيري
06-12-2010, 03:06
مشكور على الكلام الجميل بارك الله فيك وماقصرت والمنتخب السعودي يبقى كبير ودوم انشاله نتم اخوان ماتفرقنا قطعه جلد منفوخه بالهواء

Kuwaity^3'ior
06-12-2010, 03:07
شوف مراكز اسيوياً
وصلوه 4 مرات متتاليه
المنتخب السعودي رقم صعب بآسيا محد يقدر يهضم حقه
يقول من عمالقه اسيا مع اليابان ويران والكويت والدول لي اخذت البطوله
مو يهضم حق المنتخبات لي اخذت البطوله

رياض الخليج
06-12-2010, 03:39
من كل قلبي ابارك للاخوان في الكويت

ويستاهلون عيال جابر

وتفرحنا رجعة منافسنا الصعب الازرق مو الازيرق

واسمتعنا بحرارة المباراة وحماسها قبل كل شيء



يقول من عمالقه اسيا مع اليابان ويران والكويت والدول لي اخذت البطوله
مو يهضم حق المنتخبات لي اخذت البطوله

حبيبي

السعودية واصلة النهائي 6 مرات

3 البطل

3 الوصيف

مافيه منتخب في اسيا وصل النهائي بهذا العدد

هو ماهضم حق احد بس انت لاتهضم حقيقة لايمكن ينكرها احد

مثل ماالكويت اسياد الخليج

السعودية اسياد اسيا وهذا شي ماينكره عاقل

Kuwaity^3'ior
06-12-2010, 03:51
من كل قلبي ابارك للاخوان في الكويت

ويستاهلون عيال جابر

وتفرحنا رجعة منافسنا الصعب الازرق مو الازيرق

واسمتعنا بحرارة المباراة وحماسها قبل كل شيء




حبيبي

السعودية واصلة النهائي 6 مرات

3 البطل

3 الوصيف

مافيه منتخب في اسيا وصل النهائي بهذا العدد

هو ماهضم حق احد بس انت لاتهضم حقيقة لايمكن ينكرها احد

مثل ماالكويت اسياد الخليج

السعودية اسياد اسيا وهذا شي ماينكره عاقل

ماهضمت حق احد
العكس انا انسان حقاني وحالكم حال الدول لي ماخذه كاس اسيا 3 مرات
وانجاز كوريا الجنوبية الرابع بكاس العالم
انتم لي لا تاكلون حق احد
عطو الناس حقها
واحنى اسياد الخليج بدون منافس يكفي نص البطولات لنا والباقي موزعه على 7 دول

رياض الخليج
06-12-2010, 04:06
ماهضمت حق احد
العكس انا انسان حقاني وحالكم حال الدول لي ماخذه كاس اسيا 3 مرات
وانجاز كوريا الجنوبية الرابع بكاس العالم
انتم لي لا تاكلون حق احد
عطو الناس حقها
واحنى اسياد الخليج بدون منافس يكفي نص البطولات لنا والباقي موزعه على 7 دول

شوف التناقض الكبير في كلامك

هذا الدليل ماتدري وين الله حاطك مع احترامي لك :lol:

تدخل انجاز كوريا في كاس العالم مع سيادة السعودية لبطولات اسيا

وتقول الكويت اسايد الخليج

طيب انا برد عليك نفس ردك فوقك واقولك لاتهضم حق السعودية الكويت مو اسياد الخليج السعودية واصلين كاس العالم 4 مرات

نفس معادلتك فوق حبيبي :cool:

Kuwaity^3'ior
06-12-2010, 04:29
شوف التناقض الكبير في كلامك

هذا الدليل ماتدري وين الله حاطك مع احترامي لك :lol:

تدخل انجاز كوريا في كاس العالم مع سيادة السعودية لبطولات اسيا

وتقول الكويت اسايد الخليج

طيب انا برد عليك نفس ردك فوقك واقولك لاتهضم حق السعودية الكويت مو اسياد الخليج السعودية واصلين كاس العالم 4 مرات

نفس معادلتك فوق حبيبي :cool:

لا الحمدالله ادري الله وين حاطيني
انت تقول انكم عملاق اسيا وانجازكم العالمي الدور 16
رديت عليك وقلت افضل انجاز اسيوي عالمي لي اهوا انجاز كوريا الجنوبيه المركز الرابع
تقول سياده السعوديه بكاس اسيا
ايران 3 بطولات اليابان 3 بطولات السعوديه 3 بطولات شلون سياده والكفه متعادله
وانتم واصلين كاس العالم 4 مرات وحده لي تستاهلونها لي اهيا 1994 ولا الباقي ضحكتو العالم على اسيا ولا خسرانين 8-0 جدام العالم فضحتو اسياا ياليتكم تتعلمون من اليابان وكوريا بس
مشكلتكم عاطفتكم لي تتحكم فيكم
قال اسياد اسيا قال
انت تسيد المنطقه لي انت فيها بعدين فكر بااسيا

ALkinG
06-12-2010, 04:44
شباب اللي فوق روحوا بروفايل بعض ولاتخربون الموضوع ..


فيصل الله يجزاك خير على الكلام وصادق والله الكويت والسعوديه واحد وبينا نسب .. والله يهنيكم بمنتخبكم والله يبارك فيك .. وهذا الكلام مايدل الا على طيب أصلك والله .. والله يوفقكم بأسياء اللي الكل يهاب الأخضر السعوووودي فيها ..

رياض الخليج
06-12-2010, 04:51
لا الحمدالله ادري الله وين حاطيني
انت تقول انكم عملاق اسيا وانجازكم العالمي الدور 16
رديت عليك وقلت افضل انجاز اسيوي عالمي لي اهوا انجاز كوريا الجنوبيه المركز الرابع
تقول سياده السعوديه بكاس اسيا
ايران 3 بطولات اليابان 3 بطولات السعوديه 3 بطولات شلون سياده والكفه متعادله
وانتم واصلين كاس العالم 4 مرات وحده لي تستاهلونها لي اهيا 1994 ولا الباقي ضحكتو العالم على اسيا ولا خسرانين 8-0 جدام العالم فضحتو اسياا ياليتكم تتعلمون من اليابان وكوريا بس
مشكلتكم عاطفتكم لي تتحكم فيكم
قال اسياد اسيا قال
انت تسيد المنطقه لي انت فيها بعدين فكر بااسيا

والله انت الي تتكلم بعاطفتك حبيبي

موضوع مفتوح للمباركة

بس شكل اللون الاخضر مسبب لك عقدة

واذا كان بيتك من زجاج لاترمي بيوت الناس بالحجارة :cool:

.... على فكرة اذا عمرك تحت الـ 18 اعذرني ماراح ارد عليك

كثير مسببه لنا ازمة هذي العينات تحب الشوشرة ولا تعرف الروح الرياضية ...وعلشان خاطرك خلاص ايران اسياد اسيا هذا الي تبي توصل له :biggrin:

Kuwaity^3'ior
06-12-2010, 05:14
والله انت الي تتكلم بعاطفتك حبيبي

موضوع مفتوح للمباركة

بس شكل اللون الاخضر مسبب لك عقدة

واذا كان بيتك من زجاج لاترمي بيوت الناس بالحجارة :cool:

.... على فكرة اذا عمرك تحت الـ 18 اعذرني ماراح ارد عليك

كثير مسببه لنا ازمة هذي العينات تحب الشوشرة ولا تعرف الروح الرياضية ...وعلشان خاطرك خلاص ايران اسياد اسيا هذا الي تبي توصل له :biggrin:

اتكلم عن منتخبكم بالعاطفه ؟
انا شخص محايد
وليش الون الاخضر مسبب لي عقده العكس تضلون اخوانه وحبايبنه
بس كلام الحق يزعل ويعور القلب

اي مشكله لي مايعرفون الروح الرياضيه
وحاطين نفسهم غصب اسياد اسيا
لا يبا لا تقول ايران ولا السعوديه
اذا بتذكر عمالقه اسيا لا تظلم احد مالومك لانك ماذكرت اليابان مع ايران
شكله الازرق الكويتي والياباني مسبب لك عقده

N A P A L M
06-12-2010, 05:23
شدو الحيل بكاس اسيا ..والقلب داعيلكم
خليجي وانتهى الان

رياض الخليج
06-12-2010, 05:27
اتكلم عن منتخبكم بالعاطفه ؟
انا شخص محايد
وليش الون الاخضر مسبب لي عقده العكس تضلون اخوانه وحبايبنه
بس كلام الحق يزعل ويعور القلب

اي مشكله لي مايعرفون الروح الرياضيه
وحاطين نفسهم غصب اسياد اسيا
لا يبا لا تقول ايران ولا السعوديه
اذا بتذكر عمالقه اسيا لا تظلم احد مالومك لانك ماذكرت اليابان مع ايران
شكله الازرق الكويتي والياباني مسبب لك عقده

بالعكس

ديرتي الثانية في الخليج الكويت

وأكثر بلد أتمنى له الخير بعد ديرتي الكويت

وأكثر فريق شجعته في البطولة الكويت

بس المشكلة الوحيدة في الكويت ان كل من هب ودب يتكلم بأسمها .. ربع ماوراء الخليج الي بتتقطع وتبي تحطهم اسياد اسيا

اذا هم اسياد عليك مالي خص :lol:

عشقي الأزرق
06-12-2010, 07:44
أهنيك على روحك الرياضية ~

الله يبارك بحياتك ,

صحيح المنتخب السعودي خسر , لكنه كسب خاامات طيبه يقدر يعتمد عليها بالأيام اللي ياية

شكرا أخوي

big black
06-12-2010, 08:01
اخوي فيصل السعوديه

اهنيك من كل قلبي على عقليتك الرياضيه الكبيره

خسرتوا بطولة وكسبتوا منتخب

3thbi
06-12-2010, 09:35
لستُ مُضطراً لمجاملتكم ! أو مُداهنتكم لأنني في منتدياتكم !

هلأ والله فيك حيىك الله بمنتدآنآ



.. ولكنكم شعب قلبه أبيض وروحـه عطره وأخلاقه عاليــة ولنـا معَ الكثير منكم مواقف وذكريات [ وعيش وملح ] .. فإن الصداقة والجيرة والأخـوة والروابط الأسرية تحتم علينا تهنئتكم وإرسـال كلمات ومُفردات خرجت من قلب يودكم ويحترمكم , علّها تُعانــق قلوبكم وأعينكم .




فديتكم والله اهل السعوديه .. لو فآيزين هم بفرح ! فريقي المفضل بالخليج السعوديه & الكويت = حبآيب : )

روز الاصفر
06-12-2010, 09:56
ما تقصر يعطيك العافيه كلنا اخوان بالنهايه

وبسكم هواش الي فوق

shaheen
06-12-2010, 10:21
بيـض الله وجهك وماقصـرت ..
وهاردلك لك ولكل أهل السعودية ..
ماهي غـريـبة عليكم يـاعيال العم

أزرق كويتي
06-12-2010, 10:35
الحين الرجال داش يهنينا ويباركلنا وانت تقوله مو اسياد وخرابيط

مادري متى بنكبر

شوق-الكويت
06-12-2010, 10:50
الله يبـــاارك فيـــك
مــــااقصررت ..

الانجــليزي
06-12-2010, 10:53
لاهنت وبيض الله وجهك
والله يبـارك فيك يا فيصل وهاردلك لكم

alishka
06-12-2010, 11:01
الله يبارك فيك مشكور على الروح الرياضيه و هاردلك

Mr.Real Madrid
06-12-2010, 11:01
بيض الله وجهك يا اخوي فيصل
والله يبارك فيك

MU99
06-12-2010, 11:43
مشكور جزاك الله خير

بالتوفيق للسعوديه لكن موضد الكويت

حسون مدريد
06-12-2010, 11:52
ما عليك زود ،،

الله يبارك فيك ..

الريانه
06-12-2010, 12:22
الله يبارك وهذا من طيب اصلك اخوي فيصل
شكرا لك على تواضعك والصراحه انت ابرك من غيرك اللي يبون ينتقصون من فرحتنا باي طريقه ..

q_iLoj J-C Liii
06-12-2010, 12:54
المنتخب الكويتي يستحق الفوز عن كل جدارة واستحقاق
تهانينا القلبية له
أمّا منتخبنا وإدارته فكان من الواضح عدم إيلاءهم البطولة أي أهميّة وخاصّة أنّهم يلعبون بالصّف الثّاني
حتى المباراة النّهائية لم يتجشم المسؤولين العناء لحضور ومؤازرة الفريق
تهانينا مرّة اخرى للمنتخب الكويتي الشقيق ومن تقدّم إلى تقدّم بإذن الله

أتراف
06-12-2010, 13:30
الله يبارك بعمرك
من طيب اصــــــــلك اخوي

هاردلك لسعوديه

Kuwaity^3'ior
06-12-2010, 16:48
بالعكس

ديرتي الثانية في الخليج الكويت

وأكثر بلد أتمنى له الخير بعد ديرتي الكويت

وأكثر فريق شجعته في البطولة الكويت

بس المشكلة الوحيدة في الكويت ان كل من هب ودب يتكلم بأسمها .. ربع ماوراء الخليج الي بتتقطع وتبي تحطهم اسياد اسيا

اذا هم اسياد عليك مالي خص :lol:

ماقلنا شي وخليجنا واحد
واحنى مانشجع باسيا وكاس العالم الا السعوديه ودوري الابطال باسيا الانديه السعوديه

الكويت سيد الخليج ومالها سيد
الاسياد لي تقول عنهم
اليابان اخر مواجهه ويا الكويت احنى لي فزنا عليهم
وهم ايران وهم السعوديه اخر مواجهات خسرانين منا يعني عمالقه اسيا ماقدرو على زعيم الخليج
ولي يقول بسكم اهواش واكبر ماني فاضي اجيك على الاسم مره ثانيه
اقولك وخر لا والله احطك براسي ماني فاضيلك

oxygenya
06-12-2010, 17:25
الله يبارك فييييك ويسلمك
ماتقصر اخوي على هالبادره الطيبه
والسموحه اذا ضايقناكم بكلمه بس مومنا من الي يتسمون بالسعوديين



بالعكس

ديرتي الثانية في الخليج الكويت

وأكثر بلد أتمنى له الخير بعد ديرتي الكويت

وأكثر فريق شجعته في البطولة الكويت

بس المشكلة الوحيدة في الكويت ان كل من هب ودب يتكلم بأسمها .. ربع ماوراء الخليج الي بتتقطع وتبي تحطهم اسياد اسيا

اذا هم اسياد عليك مالي خص :lol:


عفوا اخوي
شنو يعني كل من هب ودب يتكلم بأسمها ؟؟
كل الي يتكلمون كويتيين وعيال الكويت

ياريت تراجع كلامك قبل لاتقوله

مـمــ ن ـــو ع
06-12-2010, 17:33
والله يا جماعة الواحد يرتاح لمن يشوف أعضاء مثل العضو المحترم ( فيصل السعودية ) ..

الله يبارك فيك اخوي .. وان شاءالله اذا ماتوفق المنتخب الكويتي بآسيا يتوفق المنتخب السعودي فيها ..

وبالنهاية اسمها ( لعبة ) كرة القدم .. والفوز الحقيقي فيها اهو الاخلاق والمحبة ..

بارك الله فيك

استعمار
06-12-2010, 17:42
http://www.almlf.com/get-12-2010-almlf_com_lsnoc8z6.gif

الله يعطيكم العافية

وشكرا لك اخوي فيصل بادرة طيبة منك

فاذا كنا ابطال الخليج
فان
السعودية ابطال اسيا

نتمنى ان يكون للسعودية بصمة في كأس اسيا القادم في قطر

وايضا لمنتخبنا وكل التوفيق لهم

تحياتي

مجنونك يالازرق
06-12-2010, 18:15
مبروووك علينا الكأس لأننا كنا نستحقه بشاهدة الجميع

وماهي غريبة على أهل السعودية مثل هالمواضيع الشيقة

والوعد كأس أسيا لما نشاهد نجوم الأخضر

على رأسهم حبيب قلبي

عبده عطيف

بس لو الله يفككم من التحفظ الدفاعي الذي انتهجه مدربكم في كاس الخليج

ستكونون في النهائي

ولا غرابة أن نشاهد الأخضر في النهائي

.::سيــآف::.
07-12-2010, 02:29
والله والله أتمنى السعودية والكويت يبدعون ب كآس الخليج
يآعمي نبي الكويت تصك إيرآن وكوريآ وحنى نصك اليابان وأسترآليآ
-
مبروكين

Japan
07-12-2010, 11:18
بيض الله وجهك يا " فـيـصـل السعودية " ,, وهاردلك للخسارة

روح
07-12-2010, 16:15
يبارك فيك ،‏ ومش غريبه على آهالي المملكة ..

وحدة العروبة
07-12-2010, 17:22
اول شي الله يبارك فيك
و ان شاء الله نشوف مستوى منتخباتنه تكون افضل باسيا
ولو سمحت شلون تقول منتخبكم عملاق اسيا واهوا حصد البطوله مثل ماحصدها اليابان وايران
اذا بتكون عملاق اسيا تكون متصدر بالبطولات بدون منافس
وثانيا شلون عملاق اسيا وانتم بالخليج وسيد وعملاق الخليج منتخبنا
وشكرا

نعم منتخبنا عملاق اسيا بثلاث بطولات وستة نهائيات
اما من ناحية الخليج:p
كأس اسيا واحد يعادل 100 كأس خليج ودي
يعني بالعربي بطولة رسمية قارية واحدة تعادل مئة بطولة ودية غير معترف فيها من الاتحاد الدولي فيفا

ومرة ثانية تستاهلون حبايبي
والسعودية الكويت شعب عربي وخليجي واحد

Kuwaity^3'ior
07-12-2010, 22:42
نعم منتخبنا عملاق اسيا بثلاث بطولات وستة نهائيات
اما من ناحية الخليج:p
كأس اسيا واحد يعادل 100 كأس خليج ودي
يعني بالعربي بطولة رسمية قارية واحدة تعادل مئة بطولة ودية غير معترف فيها من الاتحاد الدولي فيفا

ومرة ثانية تستاهلون حبايبي
والسعودية الكويت شعب عربي وخليجي واحد

الفرق لي بينه وبينكم بطولتين باسيا
واخر بطوله رسميه اخذتوها 1996 يعني صار لكم كم سنه بدون بطوله رسميه يعني 14 سنه شلون عملاق اسيا
اذا ست نهائيات تكونون عميد اسيا مو عملاقها
بس مشكلتكم تحكمون بعاطفتكم وذابحتكم الزعامه الوهميه
وماختلف وياك ان السعوديه عميد اسيا :))) دام انها اكثر منتخب يخسر بالنهائي :)