المساعد الشخصي الرقمي

مشاهدة النسخة كاملة : محد احسن من احد !!!



Q8-CzAr
23-01-2011, 09:45
السلام عليكم ...

ادري ان الموضوع يمكن يكون متكرر او متأخر !!

بعد نهايه مباريات امس اكتشفت ان (المنتخبات الخليجيه) محد احسن من احد سواء الدول التي مطبق الاحتراف الكامل او الجزئي او اللاعبين الهواة او الي مو مخليين احد و مجنسينه او الي خاشيين منتخبهم 3 شهور في معسكر عشان كاس اسيا او الي داشين معسكر قبل البطوله باسبوعين كلهم صارو بالهوا سوا !!!!

اغلبيتهم من الدور الاول اوت والمنتخب الوحيد الي تأهل عارفين شلون تأهل بس الحمدلله اليابانيين عطوهم و الحكم درس ما ينسونه:clap:

بالنهايه ترى احنا منتخبنا (الكويت) منتخب قوي ويقدر ينافس وان شاء الله انشوفه بالبرازيل 2014 لان مستوى المنتخبات الثانيه مقارب لمستوانا.

راح تقولون ما نقدر نقايش اليابان, كوريا, اوزباكستان, ايران,( ماراح اذكر الباجي لان احنا فايزين عليهم) اسموحلي غلطانين اوزباكستان لولا الحظ جان فزنا كوريا وايران مستواهم مقارب لمستوانا بس باقي اليابان هم اذا شدينه حيلنا نقدر عليهم.

راح نقولون حدي متفائل !!! اي متفائل بعد ما شفنا مستوى المنتخبات في كاس اسيا حدي متفائل ومستانس بعد :D

تحياتي للجميع

نـاكـامـورا
23-01-2011, 14:15
ايه صح مقاربه لمستواكم
ولا تـنـسى بعد بنفس المنطقة ( منطقة الخليج )
ولا تـنـسى اهل الخليج مطبقين الاحتراف المادي فقط
وأسمحلي مادمر بطولة آسيا إلا المنتخبات الخليجية
وأسمحلي ترا منتخبات شرق آسيا تـفوق منتخبات غرب آسيا بهذي البطولة
وأسمحلي مافيه أمل يصير الفكر العربي مثل فكر الشرق آسيوي
راح تقول شفيك شاد حيلك من بعد ماشفت لعب المنتخبات العربية والخليجية وفكرهم الكروي مت ضحك
وتحياتي لك

كلنا أزرق
23-01-2011, 15:00
وايد تحلم
حنا وين وكوريا واليابان وين

اليابان مطرود منهم لاعب والحكم ضدهم قلبوا النتيجه وفازوا

وحنا لليوم نتكلم عن الحكم اللي بأول مباراه ونعلق كل خساراتنا عليه ونسينا المستوى السيء اللي قدمه منتخبنا


وازبكستان منتخب قوي يكفيه هجومه اذا هجم يجيبها يجيبها لعبوا معانا وبس بهجمتين دخلوا هدفين وحنا الله بالخير طول المباراه نهجم وماكو امل الا بركلة جزاء تعاطف الحكم معانا فيها ومع الاردن بخمس دقايق دخلو هدفين مو مستبعد يتوج بالبطوله مستوى ثابت واداء متصاعد


ولا تفرح بكاس الخليج تراه اكبر مقلب بعد كاس آسيا ما اعتقد راح نسوي شي وترا كل شي مراح يتغير المدرب والخطط الفاشله بتظل ورانا ورانا

المدريدي
23-01-2011, 15:13
كل منتخبات اسيا بكفه

وكوريا واليابان بكفه

اكيد نقدر نغلب منتخبات اسيا كلها واخرهم (استراليا وايران والعراق والسعوديه)

بس اليابان وكوريا منتخبات اوروبيه وان شاءالله مانطيح معاهم لا بتصفيات ولا بنهائيات

تـايـقـر
23-01-2011, 16:09
نعم مافي احد احسن من احد في هالبطوله


بس على الاقل المنتخب السعودي من 8 مشاركات وصل لنهائي 6 مرات


يعني اخفاق مره او مرتين اهون من منتخبات في كل مره تخفق



وان شالله المنتخب السعودي قادر على العوده بقيادة الشاب المتجدد بفكره نواف بن فيصل


بعد اخفاق اسيا 2004 الكل قال المنتخب السعودي انتهى زمانه

بس بعدها تأهلنا لكأس العالم 2006 ووصلنا لنهائي اسيا 2007



عكس بقية المنتخبات الخليجيه


مثل الكويت اخر انجاز له عام 82 ومن بعدها لم يحقق اي شي على مستوى قارة اسيا ومن اخفاق الى اخفاق


ومنتخب الامارات من بعد انجاز 90 لم يحقق اي شي سوى الوصول لوصافة اسيا 96


ومنتخب العراق بعد انجاز 86 قعد 19 سنه على ماحقق انجاز اسيوي وبعدها رجع لاخفاقاته



لكن المنتخب السعودي ماقصر من 84 وهو متواصل في تحقيق الانجازات وينافس


لكن انتم وش سويتو ياخليج ؟



وفي النهايه اقول الضربه اللي ماتوجعك تقويك وان شالله نرجع اقوى من قبل

المدريدي
23-01-2011, 16:20
الدقيقه

منتخب الكويت بكل مشاركه ينافس ويوصل للادوار النهائيه

ماعدا 3 مرات

قطر 88 والصين 2004 وقطر 2011 !!

اما باجي المشاركات يكون بين ال 4 الكبار , ماعدا لبنان 2000 طلعنا هدف التمياط الذهبي

المركز الاول مره , المركز الثاني مره , المركز الثالث مره , المركز الرابع مره (بعد فضبحه تحكيميه بمباراه الامارات بنص النهائي)

ما اقارن بين الكويت والسعوديه اكيد السعوديه اقوى ,, بس هذا مو معناه ان الكويت (ولا شي) بالبطولات الاسيويه !

تـايـقـر
23-01-2011, 16:30
الدقيقه

منتخب الكويت بكل مشاركه ينافس ويوصل للادوار النهائيه

ماعدا 3 مرات

قطر 88 والصين 2004 وقطر 2011 !!

اما باجي المشاركات يكون بين ال 4 الكبار , ماعدا لبنان 2000 طلعنا هدف التمياط الذهبي

المركز الاول مره , المركز الثاني مره , المركز الثالث مره , المركز الرابع مره (بعد فضبحه تحكيميه بمباراه الامارات بنص النهائي)

ما اقارن بين الكويت والسعوديه اكيد السعوديه اقوى ,, بس هذا مو معناه ان الكويت (ولا شي) بالبطولات الاسيويه !



عزيزي انت تدري ان المركز الثالث والرابع مو طموح ابدا


التاريخ لا يذكر الا البطل ووصيفه لانهم وصلو للمباراه النهائيه



منتخب الكويت في اخر ثلاث بطولات اسيويه مرتين خروج من الدول الاول ومره خروج من التصفيات ولم يتأهل


واخر ثلاث تصفيات كأس العالم مرتين خروج من التصفيات الاوليه ومره بالمركز الاخير




اين المنافسه ؟

المدريدي
23-01-2011, 16:48
اكلمك عن تاريخ الكويت نهائيات اسيا

المركز الثالث والرابع مو انجاز بس بنفس الوقت ماتقدر تقول عن المنتخب الي يحققه انه صيد سهل

شوف المديح للمنتخبات الاربعه الي تاهلت (اليابان وكوريا واستراليا واوزبكستان)

2 منهم ماراح يجققون شي بالبطوله مع كل المديح الي انقال بحقهم

عطر الشيخ
23-01-2011, 22:58
الدقيقه

منتخب الكويت بكل مشاركه ينافس ويوصل للادوار النهائيه

ماعدا 3 مرات

قطر 88 والصين 2004 وقطر 2011 !!

اما باجي المشاركات يكون بين ال 4 الكبار , ماعدا لبنان 2000 طلعنا هدف التمياط الذهبي

المركز الاول مره , المركز الثاني مره , المركز الثالث مره , المركز الرابع مره (بعد فضبحه تحكيميه بمباراه الامارات بنص النهائي)

ما اقارن بين الكويت والسعوديه اكيد السعوديه اقوى ,, بس هذا مو معناه ان الكويت (ولا شي) بالبطولات الاسيويه !

على اساس ان الفتره بين 88 و 2004 فيها عشرين بطولة
1988 تأهلتو للنصف نهائي لان اصلا هالسنه كان دايركت من المجموعات الى النصف نهائي وين الانجاز !!
1992 ماشاركتو اعتقد عشان التحرير ..
1996 المركز الرابع
2000 خروج من دوري الثمانيه
2004 برى من الدور الاول
2007 لم تتأهلوو اصلا
2011 خروج صفر النقاط عليك 7 اهداف ولك هدف من بلنتي

وين الانجاز !!
2007
2011

Zizou_39
24-01-2011, 05:19
تحلم انت بنكون بلبرازيل ال 2014؟؟؟
يابان, كوريا الشماليه, كوريا الجنوبيه, ايران, استراليا, اوزبكستان, نيوزيلند, تتوقع بنطوف هذول؟؟؟

CrAzY
24-01-2011, 06:05
ترتيبي لافضل المنتخبات الخليجية اداء هالبطولة من الافضل الى الاسوء:-

1- البحرين
2- الامارات
3- الكويت
4- السعودية

CrAzY
24-01-2011, 06:22
نعم مافي احد احسن من احد في هالبطوله


بس على الاقل المنتخب السعودي من 8 مشاركات وصل لنهائي 6 مرات


يعني اخفاق مره او مرتين اهون من منتخبات في كل مره تخفق



وان شالله المنتخب السعودي قادر على العوده بقيادة الشاب المتجدد بفكره نواف بن فيصل


بعد اخفاق اسيا 2004 الكل قال المنتخب السعودي انتهى زمانه

بس بعدها تأهلنا لكأس العالم 2006 ووصلنا لنهائي اسيا 2007



عكس بقية المنتخبات الخليجيه


مثل الكويت اخر انجاز له عام 82 ومن بعدها لم يحقق اي شي على مستوى قارة اسيا ومن اخفاق الى اخفاق


ومنتخب الامارات من بعد انجاز 90 لم يحقق اي شي سوى الوصول لوصافة اسيا 96


ومنتخب العراق بعد انجاز 86 قعد 19 سنه على ماحقق انجاز اسيوي وبعدها رجع لاخفاقاته



لكن المنتخب السعودي ماقصر من 84 وهو متواصل في تحقيق الانجازات وينافس


لكن انتم وش سويتو ياخليج ؟



وفي النهايه اقول الضربه اللي ماتوجعك تقويك وان شالله نرجع اقوى من قبل


ياخي انت منو غلط عليك ولا قرب صوبك قاعد تقلل من منتخبنا وتشيل وتشدخ بمنتخبات الخليج.. الله يالبرازيل الحين!! أوكي خذينا بطولة وحدة بس اخذناها قبلكم يعني فتحنا الباب لكم انكم تاخذون بطولات اسيا واحنا فتحنا لكم الباب انكم تتأهلون كاس العالم .. بعدين تقول انتم وش سويتو يكفي ان ما اكلنا 5 باسيا و 8 بكاس العالم .. انت تقارن بين السعودية والمنتخبات الخليجية طيب هذا الميدان ياحميدان فيه بطولة اسمها كاس الخليج اعتقد تعرفها زين اهي تحدد منو اقوى خليجيا واحنا خذيناها 10 مرات وانتو 3 مرات يعني يبيلكم 3 اضعاف عشان توصلونا (بتقولي رديف احنا لعبنا بطولتين بمنتخبنا الرديف بالثمانينات وانتو كنتو اساسيين واخذنا البطولتين يعني ماخسرنا نفسكم) ثاني شغله فيه شي اسمه مباريات ودية واحنا متفوقين عليكم بتاريخ لقاءات المنتخبين ولاتنسى ان لاعبينا هواة مو محترفين يعني نستمتع وناخذ بطولات ومو شادين حيلنا نفسكم ملاعب واحتراف .. بالنسبة هالبطولة انا يكفيني ان العالم كله شاهد على الظلم اللي تعرضناله اول مباراة واللي اثر على نفسية اللاعبين ولا كان فيها كلام ثاني مع ان مستوى غوران ماعجبني هالدورة ولكن كان تأهلنا للدور الثاني على الاقل

الموجه الزرقه
24-01-2011, 08:47
ياخي انت منو غلط عليك ولا قرب صوبك قاعد تقلل من منتخبنا وتشيل وتشدخ بمنتخبات الخليج.. الله يالبرازيل الحين!! أوكي خذينا بطولة وحدة بس اخذناها قبلكم يعني فتحنا الباب لكم انكم تاخذون بطولات اسيا واحنا فتحنا لكم الباب انكم تتأهلون كاس العالم .. بعدين تقول انتم وش سويتو يكفي ان ما اكلنا 5 باسيا و 8 بكاس العالم .. انت تقارن بين السعودية والمنتخبات الخليجية طيب هذا الميدان ياحميدان فيه بطولة اسمها كاس الخليج اعتقد تعرفها زين اهي تحدد منو اقوى خليجيا واحنا خذيناها 10 مرات وانتو 3 مرات يعني يبيلكم 3 اضعاف عشان توصلونا (بتقولي رديف احنا لعبنا بطولتين بمنتخبنا الرديف بالثمانينات وانتو كنتو اساسيين واخذنا البطولتين يعني ماخسرنا نفسكم) ثاني شغله فيه شي اسمه مباريات ودية واحنا متفوقين عليكم بتاريخ لقاءات المنتخبين ولاتنسى ان لاعبينا هواة مو محترفين يعني نستمتع وناخذ بطولات ومو شادين حيلنا نفسكم ملاعب واحتراف .. بالنسبة هالبطولة انا يكفيني ان العالم كله شاهد على الظلم اللي تعرضناله اول مباراة واللي اثر على نفسية اللاعبين ولا كان فيها كلام ثاني مع ان مستوى غوران ماعجبني هالدورة ولكن كان تأهلنا للدور الثاني على الاقل

هذا الكلام السنع ... تحياتي

الجنرال
24-01-2011, 09:09
اهم شيء مستوانا قريب من مستوى كوريا
يبيلنا سنين علشان نوصل لهم

تـايـقـر
24-01-2011, 11:52
ياخي انت منو غلط عليك ولا قرب صوبك قاعد تقلل من منتخبنا وتشيل وتشدخ بمنتخبات الخليج.. الله يالبرازيل الحين!! أوكي خذينا بطولة وحدة بس اخذناها قبلكم يعني فتحنا الباب لكم انكم تاخذون بطولات اسيا واحنا فتحنا لكم الباب انكم تتأهلون كاس العالم .. بعدين تقول انتم وش سويتو يكفي ان ما اكلنا 5 باسيا و 8 بكاس العالم .. انت تقارن بين السعودية والمنتخبات الخليجية طيب هذا الميدان ياحميدان فيه بطولة اسمها كاس الخليج اعتقد تعرفها زين اهي تحدد منو اقوى خليجيا واحنا خذيناها 10 مرات وانتو 3 مرات يعني يبيلكم 3 اضعاف عشان توصلونا (بتقولي رديف احنا لعبنا بطولتين بمنتخبنا الرديف بالثمانينات وانتو كنتو اساسيين واخذنا البطولتين يعني ماخسرنا نفسكم) ثاني شغله فيه شي اسمه مباريات ودية واحنا متفوقين عليكم بتاريخ لقاءات المنتخبين ولاتنسى ان لاعبينا هواة مو محترفين يعني نستمتع وناخذ بطولات ومو شادين حيلنا نفسكم ملاعب واحتراف .. بالنسبة هالبطولة انا يكفيني ان العالم كله شاهد على الظلم اللي تعرضناله اول مباراة واللي اثر على نفسية اللاعبين ولا كان فيها كلام ثاني مع ان مستوى غوران ماعجبني هالدورة ولكن كان تأهلنا للدور الثاني على الاقل


نفس الكلام ينعاد لا جديد

احنا اول من حقق اسيا

احنا اول من تأهل لكأس العالم

احنا هواة

احنا حققنا بطولات الخليج


طيب وبعدين ؟

بزعمك يعني بتقنعني كذا ؟



انا ماغلطت انا تكلمة بالارقام وقلت الكويت ماحققة اي انجاز اسيوي من بعد 82

هل انا معلومتي غلط ؟



وتقولي احنا فتحنا الباب لكم :p


محسسني ان لو الكويت ماحققة البطوله راح يضل الباب مقفول وماراح نحقق بطولات اسيا :)



على كلامك الكيان الصهيوني افضل منتخب اسيوي لانه من اوائل من حقق بطولة اسيا

واندونيسيا كذلك افضل من السعوديه والكويت ويران والعراق واليابان لانهم تأهلو قبلهم .!

منطقك ركيك بصراحه ومردود عليه


بنسبه لمنتخبات الخليج ايه شسوت ؟

بالارقام السعوديه افضل ولا تحسبه تقليل هذا واقع


من 84 الى 2007 والمنتخب السعودي هو اللي يحقق الانجازات وينافس على مستوى قارة اسيا

وبقية منتخبات الخليج لا حول ولا قوه لها

مو معناته اخفقنا مره اتساوينا مع منتخبات الخليج وتلغون جميع انجازاتنا

على الاقل احنا اخفقنا مره لكن البقيه كل مره اخفاق



وبعدين والله طموحك انت مدري شلون صاير اقولك بطولة اسيا والتأهل لكأس العالم تقولي بطولة الخليج .!



سبب تدهور المنتخبات الخليجيه هي بطولة الخليج


قطر حققة بطولة الخليج ومن بعدها طلعت من التصفيات الاوليه لكاس العالم 2006

الامارات حققة بطولة الخليج وطلعت من الدور الاول في اسيا 2007

عمان حققة بطولة الخليج وطلعت من تصفيات اسيا

والحين الكويت حققة بطولة الخليج وخروج من الدور الاول



هذا دليل ان بطولات الخليج بطولة اعلام ولا تعكس المستوى الحقيقي للمنتخبات الخليجيه

المحك الحقيقي في اسيا وتصفيات كاس العالم لما تلعب مع اليابان وكوريا واستراليا وايران وازبكستان



في الاخير احب اقولك انت مبعثر وماتدري وش تقول


انا اتكلم في نقطه معينه وانت دخلتني في عشرين نقطه


اقولك المنتخب السعودي بالارقام افضل من منتخبات الخليج على مستوى قارة اسيا


ودخلتني في امور ثانيه .!

هيـبـة ملـك
24-01-2011, 12:05
يكفي بس لا قالوا منتخب الكويت .. أرعبــهم !

نـاكـامـورا
24-01-2011, 14:45
الـدقـيـقـة 90

كـلامـك عـيـن الـعـقل
( الخـلـيـج كـلـهـم سـيـئـيـن وأفـضـلـهـم الـسـعـوديـة )

CrAzY
24-01-2011, 16:03
نفس الكلام ينعاد لا جديد
احنا اول من حقق اسيا
احنا اول من تأهل لكأس العالم
احنا هواة
احنا حققنا بطولات الخليج
طيب وبعدين ؟
بزعمك يعني بتقنعني كذا ؟

اذا على اول من حقق اسيا واول من تأهل كاس العالم وبطولات الخليج هذي حقائق ماتقدر تنكرها لذلك تقلل من شأنها .. واذا على احنا هواة هذي حقيقة لازم نراعيها لما نجري مقارنة


انا ماغلطت انا تكلمة بالارقام وقلت الكويت ماحققة اي انجاز اسيوي من بعد 82 هل انا معلومتي غلط ؟لا ماغلطت لكن لاتنسى ان منتخبك صارله 15 سنه ماعنده انجاز اسيوي وقبل اسبوع مطقوق 5-0 برغم الاحتراف والملاعب على عكس منتخبنا الهواة وملاعب متواضعة هل معلوماتي غلط؟


وتقولي احنا فتحنا الباب لكم :p
محسسني ان لو الكويت ماحققة البطوله راح يضل الباب مقفول وماراح نحقق بطولات اسيا :) على كلامك الكيان الصهيوني افضل منتخب اسيوي لانه من اوائل من حقق بطولة اسيا
واندونيسيا كذلك افضل من السعوديه والكويت ويران والعراق واليابان لانهم تأهلو قبلهم .!
منطقك ركيك بصراحه ومردود عليهلالا حبيبي المقصد واضح .. الكويت عرفت الانجازات قبلكم اسيويا وعالميا :) والتاريخ مهم وما ينسي قولي ليش نوادي اوربا تكتب تاريخ التأسيس على شعار نواديها لانه تاريخ تفتخر فيه النوادي وهذا قدرنا كمنتخب ان نكون اول منتخب عربي يحصل كاس اسيا واول منتخب خليجي يتأهل كاس العالم واول منتخب يحصل كاس الخليج ومن حقنا نفتخر انت شحارك؟


بنسبه لمنتخبات الخليج ايه شسوت ؟
بالارقام السعوديه افضل ولا تحسبه تقليل هذا واقع انت ذكرت في ردك الاول (وش سوت منتخبات الخليج) اوكي انا اقولك بالنقط ..

1 الكويت حصلت كأس اسيا وعشر بطولات خليجية وكاس العرب وكاس غرب اسيا وتأهلت كاس العالم

2 الامارات حصلت بطولة خليج , وتأهلت كاس العالم ---> قبلكم

3 قطر وعمان حصلت بطولة الخليج

انجازات ماتقدر تلغيها عاد انجازات تهمك ماتهمك هذا مو شغلي اذا انت ماتهمك غيرك مليون شخص تهمه :) بعدين ارقام وارقام اجمع عدد بطولات منتخبكم وعدد بطولات منتخبنا بكل البطولات الخليج واسيا وغرب اسيا اجزم ان احنا اكثر منكم يعني الارقام لنا :D


من 84 الى 2007 والمنتخب السعودي هو اللي يحقق الانجازات وينافس على مستوى قارة اسيا
وبقية منتخبات الخليج لا حول ولا قوه لها
مو معناته اخفقنا مره اتساوينا مع منتخبات الخليج وتلغون جميع انجازاتنا
على الاقل احنا اخفقنا مره لكن البقيه كل مره اخفاق منو الغى انجازاتك يا اخ؟ عليكم بالعافية و افتخر بكاس اسيا هذا حقك لكن انت اللي الغيت الاخر وقمت تقلل منهم .. اقرا ردك الاول ماخليت منتخب بحاله مو من حقك .. وردي عليك كان من منطلق (حق الرد) .. واذا غلطت من حقي ادافع وارد عليك وانت ذكرت حقائق وتغاضيت عن حقائق وانا رديت عليك بحقائق اكبر عشان اعطيك الصورة الاكبر عشان جذي اقحمت كاس الخليج وكاس العالم واسيا وتاريخ لقاءات الفريقين عشان اعطيك الصورة الصحيحة الكاملة للانجازات



وبعدين والله طموحك انت مدري شلون صاير اقولك بطولة اسيا والتأهل لكأس العالم تقولي بطولة الخليج .!مشاءالله اشوفكم تشتطون وتشدون حيلكم على مباريات ودية الحين بطولة مو هامتك ههههه اوك والشلهوب اللي بكى بنهائي الخليج يعني مو هامته البطولة؟؟ انت لما تلعب مباراة انت تمثل اسم بلدك ماكو شي اسمه بطولة مهمة وبطولة مو مهمة .. هذا اولا

ثاني شي .. احنا حققنا اسيا وتأهلنا كاس العالم ارد واقول (قبلك) مافيه بطولة خذتوها حنا ما اخذناها يعني مالك حجة علينا يا اخ :) ...

ثالثا .. اذا بتأهل كاس العالم وباخذ 8 اهداف من المانيا واسيا باخذ 5 اهداف من اليابان لا ولله بطولة الخليج وغرب اسيا واحفظ تاريخي المشرف في كاس العالم وكاس اسيا وايد افضل :yes:


سبب تدهور المنتخبات الخليجيه هي بطولة الخليج اللي مايطول العنب ... :rolleyes:


قطر حققة بطولة الخليج ومن بعدها طلعت من التصفيات الاوليه لكاس العالم 2006
الامارات حققة بطولة الخليج وطلعت من الدور الاول في اسيا 2007
عمان حققة بطولة الخليج وطلعت من تصفيات اسيا
والحين الكويت حققة بطولة الخليج وخروج من الدور الاول هذا دليل ان بطولات الخليج بطولة اعلام ولا تعكس المستوى الحقيقي للمنتخبات الخليجيه
المحك الحقيقي في اسيا وتصفيات كاس العالم لما تلعب مع اليابان وكوريا واستراليا وايران وازبكستان اليونان حقق كاس اوربا 2004 وما تأهل كاس العالم خير شر في 2006 هل هذا يعني بطولة اوربا ضعيفة؟ ايطاليا حقق كاس العالم 2006 وخرج من الدور الاول 2010 وين المنطق ؟


في الاخير احب اقولك انت مبعثر وماتدري وش تقول لا انت اللي فاهم صراحة احييك


انا اتكلم في نقطه معينه وانت دخلتني في عشرين نقطه
اقولك المنتخب السعودي بالارقام افضل من منتخبات الخليج على مستوى قارة اسيا
ودخلتني في امور ثانيه .!لما تذكر نقطة معينه تكلم عن منتخبك لا تقحم المنتخبات الاخرى في مقارناتك ..انت اللي فتحت ابواب على نفسك مو انا :)

holibes
24-01-2011, 16:35
كريزي عندي نقطتين بعقب عليها
1/ اثبت لي إن الكويت حصلت على بطولة العرب ؟
الكويت انجازاتها 10 بطولات خليج وكأس آسيا والتأهل لكأس العالم وبطولة غرب آسيا فقط
كيف صرفت لنا بطولة العرب صرفتها علينا من راسك ؟؟

2/ ترا بطولات الخليج بطولة إقليمية غير معترف فيها من قبل الفيفا يكفي اللي ناشئها رؤوساء دول الخليج

وبالنهاية مثل ماقال ناكامورا الخليجيين سيئين وافضل السيئين السعودية

Japan
24-01-2011, 16:38
صاحب الموضوع متفائل بشكل كبير , مستوانا مقارب لايران ممكن امشيها لكن مقارب لكوريا !!!
كوريا منتخب منظم محترف نص لاعبينهم بأوربا تقارنهم بمنتخبنا ؟

المنتخب الياباني اداءة بالبطولة " خيالي " مع العلم ان من بداية البطولة كان ينقصه لاعبين اساسين في قلب الدفاع " ناكازاوا , توليو تاناكا " , انظلم تحكيمياً مباراتين ناقص لاعب مع هذا وصل لنصف النهائي , فا منتخبنا لو شد حيله ما يوصل نص مستواهم ! " هذي حقيقة "

--

مشكلتنا كخليج " التاريخ " في كل بطولة نتغنى بالتاريخ وغيرنا يحقق انجاز جديد !

GuMaR_alkuwait
24-01-2011, 17:11
من وجهة نظري المنتخب الاماراتي والقطري والعراقي الخليجي رياضيا

مستواهم كان جيد جدا

اللي انصدمت فيهم الكويت والسعوديه

ومن المنتخبات العربيه الاردن قدم مستوى حلو وفريق دفاعه منظم

كويتاوي 2004
24-01-2011, 18:13
إذا اللاعبيبن المختارين راح يكونون نفس الواسطات اللي بكاس آسيا راح ننسي التأهل
قبل بداية كاس آسيا حذرنا من مستوي اللاعبين الإحتياط ومنهم خط الهجوم وشفنا اللي حصل .

كويتاوي 2004
24-01-2011, 18:16
التاريخ لا يذكر الا البطل ووصيفه لانهم وصلو للمباراه النهائيه
[/B]
أهم شي انه التاريخ يذكر وصيفه !!

كويتاوي 2004
24-01-2011, 18:21
الكويت انجازاتها 10 بطولات خليج وكأس آسيا والتأهل لكأس العالم وبطولة غرب آسيا فقط


وزيد عليهم ... بطولتين كاس العالم العسكريه و3 مرات التأهل للبطوله الأولمبيه .
نحمد ربنا دوله صغيره وعدد سكانها مليون معقدين الملايين ;)

تـايـقـر
24-01-2011, 19:41
اذا على اول من حقق اسيا واول من تأهل كاس العالم وبطولات الخليج هذي حقائق ماتقدر تنكرها لذلك تقلل من شأنها .. واذا على احنا هواة هذي حقيقة لازم نراعيها لما نجري مقارنة


حققتوها مره قبل 30 سنه وبعدها نمتو ..!

نظامك غريب انا حققتها قبلك خلاص انا افضل منك حتى لو اللي بعدك حققها 10مرات.! :biggrin:

هذي حجه لمن ليس لديه حجه :rolleyes:

بعدين تكفى ملينا من سالفة هواة هذا مستواكم هواة ولا محترفين

بعدين انت مصدق ان بالخليج فيه احتراف ؟

ترا مافي فرق بين الاحتراف والهواة الا في العقود بس يكون بعلمك .!






لا ماغلطت لكن لاتنسى ان منتخبك صارله 15 سنه ماعنده انجاز اسيوي وقبل اسبوع مطقوق 5-0 برغم الاحتراف والملاعب على عكس منتخبنا الهواة وملاعب متواضعة هل معلوماتي غلط؟


اثبتلي انك غير ملم ابدا ولا عندك ثقافه الا في بطولات الخليج وبس اتسولف :rolleyes:

في 15 سنه ياعزيزي شووف ايش حققنا

1- تأهلنا كاس العالم 98

2-ولعبنا نصف نهائي بطولة القارات 99

3- حققنا وصافة اسيا 2000

4- تأهلنا لكأس العالم 2002

5- تأهلنا لكأس العالم 2006

6- حققنا وصافة اسيا 2007

من غير بطولات خليجيه وعربيه لانك تعتبرها مقياس لكن مابي اذكرها لاني ماعتبرها مقياس

تاريخ المنتخب السعودي في 15 سنه فقط يغطي على تاريخ منتخب الكويت كله وبالارقام

بعدين شفيك معلق على 5 من اليابان ترا الارجنتين وانقلترا خسرو بالاربعه

عادي كل المنتخبات الكبيره تخسر بنتائج ثقيله






لالا حبيبي المقصد واضح .. الكويت عرفت الانجازات قبلكم اسيويا وعالميا :) والتاريخ مهم وما ينسي قولي ليش نوادي اوربا تكتب تاريخ التأسيس على شعار نواديها لانه تاريخ تفتخر فيه النوادي وهذا قدرنا كمنتخب ان نكون اول منتخب عربي يحصل كاس اسيا واول منتخب خليجي يتأهل كاس العالم واول منتخب يحصل كاس الخليج ومن حقنا نفتخر انت شحارك؟



ياخي انت شلون تفكر؟

عشانكم حققتو اسيا قبلنا وتأهلت لكأس العالم قبلنا خلاص صرت احسن مني

زين انا حققة بطولة اسيا بعدك وتعديتك بثلاث بطولات وتأهلنا لكأس العالم بعدك 4 مرات

مو مهم انك تحقق الانجاز قبل الاخرين

المهم انك تتواصل في تحقيق الانجازات

مو تحققها مره على ايام الابيض والاسود وبعدها تنام .!

على كلامك الارقواي افضل من البرازيل وايطاليا والمانيا والارجنتين عشانهم حققو كأس العالم قبلهم ؟



انت ذكرت في ردك الاول (وش سوت منتخبات الخليج) اوكي انا اقولك بالنقط ..

1 الكويت حصلت كأس اسيا وعشر بطولات خليجية وكاس العرب وكاس غرب اسيا وتأهلت كاس العالم

2 الامارات حصلت بطولة خليج , وتأهلت كاس العالم ---> قبلكم

3 قطر وعمان حصلت بطولة الخليج


الكويت اخر انجاز لها اسيوي عام 82 قبل 30 سنه

صحح حققتو بطولات خليج وغرب اسيا بطولات تنشيطيه

ومن شح الانجازات تفرحون في البطولات هذي

مثل الهند يفرحون اذا حققو بطولة كاس التحدي لان ماعندهم غير الانجاز هذا :rolleyes:




انجازات ماتقدر تلغيها عاد انجازات تهمك ماتهمك هذا مو شغلي اذا انت ماتهمك غيرك مليون شخص تهمه :) بعدين ارقام وارقام اجمع عدد بطولات منتخبكم وعدد بطولات منتخبنا بكل البطولات الخليج واسيا وغرب اسيا اجزم ان احنا اكثر منكم يعني الارقام لنا :D


ياعزيزي لو تجمع جميع انجازات المنتخبات الخليجيه كلها ماوصلت لانجازات الاخضر :)







منو الغى انجازاتك يا اخ؟ عليكم بالعافية و افتخر بكاس اسيا هذا حقك لكن انت اللي الغيت الاخر وقمت تقلل منهم .. اقرا ردك الاول ماخليت منتخب بحاله مو من حقك .. وردي عليك كان من منطلق (حق الرد) .. واذا غلطت من حقي ادافع وارد عليك وانت ذكرت حقائق وتغاضيت عن حقائق وانا رديت عليك بحقائق اكبر عشان اعطيك الصورة الاكبر عشان جذي اقحمت كاس الخليج وكاس العالم واسيا وتاريخ لقاءات الفريقين عشان اعطيك الصورة الصحيحة الكاملة للانجازات


انت اظاهر مافهمت ردي الاول

انا اقصد المنتخب السعودي من عام 84 الى 2007 وهو منافس ويحقق الانجازات بعكس منتخبات الخليج


اسيا 84 الاخضر هو البطل ولعب في النهائي قدام الصين وين منتخبات الخليج ؟

اسيا 88 الاخضر البطل وبقية منتخبات الخليج دحدرو من الدور الاول ؟

اسيا 92 الاخضر الوصيف وخسر قدام صاحب الارض وين منتخبات الخليج ؟

مونديال 94 احنا الوحيدين اللي تأهلنا وين منتخبات الخليج ؟

اسيا 96 الاخضر البطل وماقصر منتخب الامارات وقتها حقق الوصافه

مونديال 98 احنا الوحيدين اللي تأهلنا بين منتخبات الخليج

اسيا 2000 حققنا الوصافه وكنا منافسين عكس منتخبات الخليج اللي حدها ربع النهائي

مونديال 2002 احنا الوحيدين اللي تأهلنا بعد من بين منتخبات الخليج

اسيا 2004 طلعنا من الدور الاول ومافي منتخب خليجي وعربي قدر يوصل لنهائي

مونديال 2006 ايضا احنا الوحيدين اللي تأهلنا وبقية منتخبات الخليج اللي مركزه الاخير واللي طلع من التصفيات الاوليه

اسيا 2007 حققنا الوصافه وحقق العراق البطوله وبقية منتخبات الخليج اللي ماتأهل واللي ودع من الدور الاول



شوف احنا يامتأهلين لكأس العالم والا محققين بطولة اسيا او الوصافه

ومنتخبات الخليج نتايجهم تفشل ومافي احد يقدر ينافس

على الاقل احنا اخفقنا مره و 10 مرات حققنا الانجازات

بينما منتخبات الخليج الباقيه تخفق 10 مرات وتحقق الانجاز مره

يعني احنا ماقصرنا البلاء اللي لهم قرن من اخفاق في اخفاق

حتى لما طلعنا من بطولة اسيا 2004 و 2011 ماقدر منتخب عربي يوصل لنهائي

انشالله وصلة لك الفكره :)





مشاءالله اشوفكم تشتطون وتشدون حيلكم على مباريات ودية الحين بطولة مو هامتك ههههه اوك والشلهوب اللي بكى بنهائي الخليج يعني مو هامته البطولة؟؟ انت لما تلعب مباراة انت تمثل اسم بلدك ماكو شي اسمه بطولة مهمة وبطولة مو مهمة .. هذا اولا


هههههههههههههه انت غريب ومنطقك اغرب

عشان لاعب بكى صارت البطوله عندنا مهمه وطموحنا الاول :p

الشلهوب اذا طلع فريقه الهلال من بطولة الامير فيصل قعد يبكي وين المشكله :rolleyes:




ثاني شي .. احنا حققنا اسيا وتأهلنا كاس العالم ارد واقول (قبلك) مافيه بطولة خذتوها حنا ما اخذناها يعني مالك حجة علينا يا اخ :) ...


ايه متعادلين مع الكيان الصهيوني اللي حقق البطوله مره

ومتعادلين مع اندونيسيا اللي تأهلة لكأس العالم

بس هم افضل منكم لانهم حققوها قبلكم <--- يمشي على منطقك الدايخ :lol:





ثالثا .. اذا بتأهل كاس العالم وباخذ 8 اهداف من المانيا واسيا باخذ 5 اهداف من اليابان لا ولله بطولة الخليج وغرب اسيا واحفظ تاريخي المشرف في كاس العالم وكاس اسيا وايد افضل :yes:


ياعمي المانيا خسرة من المجر 8 وانقلترا كذلك وكوريا خسرة بـ9 والـ6 واليابان بعد

وين المشكله

وخلوكم على بطولة الخليج وغرب اسيا كلن يحلم على قد طموحه

لانها البطولات الوحيده اللي تقدرون تنافسون فيها :)





اليونان حقق كاس اوربا 2004 وما تأهل كاس العالم خير شر في 2006 هل هذا يعني بطولة اوربا ضعيفة؟ ايطاليا حقق كاس العالم 2006 وخرج من الدور الاول 2010 وين المنطق ؟



ياخي في فرق بين الخليج واوربا يرحم والدينك .!

لو تحقق بطولة اسيا وماتصعد لكأس العالم اقولك ماقصرت

لكن تحقق بطولة الخليج وماتقدر تحقق اسيا اقولك اسمحلي انت فاشل وبطولة الخليج غير مقياس





لا انت اللي فاهم صراحة احييك
لما تذكر نقطة معينه تكلم عن منتخبك لا تقحم المنتخبات الاخرى في مقارناتك ..انت اللي فتحت ابواب على نفسك مو انا :)


اي والله دامك تشوف بطولة الخليج وغرب اسيا افضل من بطولة اسيا والتأهل لكأس العالم

اكون افهم منك بسنين ضوئيه :)


وبعدين اظاهر انت دخلت الموضوع سيده ولا عقبة الا على ردي

اقرأ الموضوع زين وشوف اهو ذكر جميع المنتخبات ماذكر منتخب معين

عشان كذا ذكرت جميع المنتخبات الخليجيه انا



على العموم ماقدرت تقنعني حاول مره اخرى :)

القدساوي المحنك
24-01-2011, 19:59
حالياً كل الدول الخليجية سيئه ..
السعودية ماهو السعودية السابق ..

خصوصاً هالجيل إلي شهد فشل متواصل ..
1 - خروج من كأس العالم بعد ماكان كل بطولة متواجد
2 - خروج من كأس آسيا الأخيرة بخسارة مذلة
3 - خروج من بطولة كأس الخليج خالي الوفاض !

وباقي الدول الخليجية من فشل إلى فشل ..

أنا حالياً أشوف الكويت أفضل .. لأن حقق بطولتين من 3 بطولات .. أنا لما قلت الأفضل بنيت هالشي على أرقام .. عدد الإنتصارات والبطولات إلي تحققت للكويت في عام 2010 قياساً بباقي منتخبات الخليج ..

T505R
24-01-2011, 22:16
الدقيقه 90 @@ ماهذا يارجل ههههههه

يالربع لاتقلبون المواجع كلنا عيال قريه وكلن يعرف خيه ... احنا ابطال 10 مرات ولا مره .. شالفرق اذا ماكانت معترف فيها ولا جان حاطو بطل الخليج ضمن كاس القارات هههه على اساس الخليج شي مهم بلفيت ههههه

انا دوم اشببه اليابان بالطالب المرتب .. والخليج .. بالطالب الغير ملتزم .. هذا ناجح .. وهذا لك عليه شوي مره ينجح ومره يبنجر ههههههه خلنا نطبق الاحتراف وصدقوني عقبها لا اليابان ولا غيرها بتوقف جدامنا ..

Zizou_39
24-01-2011, 22:41
^^^
انت اول خل فريقكم يسوي انجاز بعدين تعال تكلم
احتراف + تجنيس و مو قادرين اتسوون شي

عطر الشيخ
24-01-2011, 23:09
^^

وانتو لا تقعدون تجنسون السعوديين والطرابلسي

Zizou_39
24-01-2011, 23:29
^^^
انت الضاهر مو فاهم الرد
انا اقولك انتو مجنسين وموقادرين اتحققون شي اتقولي لاتجنسون الطرابلسي؟؟؟؟
احنا يوم جنسنا الطرابلسي حققنا انجازات ولا عمركم اتحققونها
ومنو السعوديين الي مجنسينهم؟

الروزونيري
25-01-2011, 04:02
الاخ تسعين دقيقه هناك شبه كبير بين اسلوبك وبين اسلوب صالح الحمادي

Narissa
25-01-2011, 04:26
الفرق الخليجية كلها نفس المستوي وادائهم كان يفشل بكأس اسيا وجنها قوية الكويت توصل كأس العالم والله يليت اتمني