المساعد الشخصي الرقمي

مشاهدة النسخة كاملة : مبروك الابتعاد بالصداره يالزعمــاء و لكن ,,



M j n o 0 o n k
13-02-2011, 04:29
السلام عليكم و رحمـة الله و بركـاته ..~


مبـروك الفـوز يالزعـمـاء ,, و عسى الافراح دايمه يارب


مبروك الابتعاد بالصداره اكثر و اكثر ..! ;)


للاسف ما شفت المباراه لسوء توقيتها .. بس شفت الملخص


فوز مستوى و نتيـجه و لله الحمد .. و لكن لي عتب بسيط


على احمد الفريدي ! البرود مطلوب من لاعب مهاري مثلك !


لكن مو بهالشكل الفضيع !! انفراده و هجمات كثير كانت اهداف محققه


+ تأخر الكوره بشكل سلبي ( نتمنى من المدرب او سـامي الجابر )


التدخل و اعطاء النصيحه للاعب :yes: و يبقى كبير الفريدي


و لا ننسى ان نشكر كل من حضر المباراه


مشكورين يا جماهير الوفاء على هالوقفه الانسانيه الغير مستغربه


و شكراً ادارة الهلال على تخصيص دخل هذه المباراه للاعب الهلالي السابق


خالد الرشيد ( الله يشفيه و يعافيه يارب )


و لكـــن ,,


STOP


Meril Radoi


http://www.aljamaheir.net/newsm/5093.jpg


ما حصل من لاعبنا المحبوب و صاحب الشعبيه الكبيره
ما يسترو الوسط الهلالي ( رادوي ) ..!


شي ما يرضى فيه انسان عاقل


لقطه تحمل في طياتها الكثير من


العنجهيه


الرعونه


الخشونه


و كل ما هو سيئ في عالم كرة القدم


اليكم اللقطـه ..!




http://www.youtube.com/watch?v=ZZ7LqcxXsrM




لقطه تقشعر لها الابدان


والله العظيم رغم حبي الكبير لـ رادوي ,, لكن


ياخي شهالتصرف ؟ اول شي اصبة اللاعب اصابه شنيعه


ثاني شي وش يستفيد النادي من تصرف مثل هذا ! ؟ !



اتمنى نشوف قرار صارم من لجنة الانضباط


ايقاف اربع مباريات او اكثر


+


غرامه ماليه تبرد القلب


و اتمنى بعد من ادارة النادي تطبيق لائحة العقوبات الموجوده بالنادي


علشان ما عاد نشوف مثل هالحركات الطفوليه و البعيده كل


البعد عن الروح الرياضيه و الانسانيه !



-


بصراحه استغرب من بعض الاخوان الهلاليين
اللي واقفين بصف رادوي ,, و يتمنون عقوبته


تكون خفيفه !


فكر بعقولكم يا اخوان ولا تصيرون نفس بعض الناس
افتقدوا عقولهم مثل فقدهم للبطولات !


حركه ما يرضى بها عاقل ! ولازم يكون
فيه قرار رادع لرادوي علشان ما تتكرر !


و يكون عضه و عبره لغيره , و حطوا في بالكم
ان نادينا فيه كثير من اللاعبين الصغار
و يفتقدون للخبره , لما يشوفون تصرف مثل هذا
ماشي طبيعي بالنادي عزة الله اللي ( افلحنا ) !!




FoRzA HiLaL

player - 6
13-02-2011, 05:00
فريقنه يرفع الراس

قـواك الله يا مجنونك

رادوي :$

مهند الاتحادي
13-02-2011, 05:45
مجنونك اهنيك على جراتك وهذا شيء غير مستغرب عليك
(شبيه الريح ) كل يوم ازداد اعجابا بك لله درك يارجل والله يشفي الرشيد

نصـ 511 ـراوي
13-02-2011, 08:10
ياناس وجود رادوي واشكاله في الملاعب السعودية خطر صراحة مو على اللاعبين لان هو ماهو ديناصور بياكلهم لكن عشاق رادوي في المجتمع الهلالي كثييير فالصغار راح يتاثرون برادوي وافعاله

M j n o 0 o n k
13-02-2011, 08:24
ياناس وجود رادوي واشكاله في الملاعب السعودية خطر صراحة مو على اللاعبين لان هو ماهو ديناصور بياكلهم لكن عشاق رادوي في المجتمع الهلالي كثييير فالصغار راح يتاثرون برادوي وافعاله


كل لاعب فيه سلبيات و ايجابيات .. رادوي سلبياته في ( خشونته )

و هذا بسبب حماسه و ولائه لـ الشعار الهلالي

رادوي بوجهة نظري افضل اجنبي موجود بالكره السعوديه حالياً

لكن خشونته هي الشي السلبي الموجود فيه


لكل مشكله حلول كثيره ,,

قرار تأديبي و صارم من ادارة النادي + قرار صارم و تأديبي من لجنة الانضباط مع غرامه

عليها الكلام .. تأدبه

و وجوده فيه فايده كبيره للي بياخذ الشغلات الايجابيه

armadaa
13-02-2011, 09:25
الزين ما يكمل حلاه !!

لو الفريق مهزوم او ضد منافس كان خف اللوم .. لكن فريقك متقدم وضد سابع مادري ثامن الدوري وتتغيشم كذا ؟!!

اللاعب راح يخسر .. والفريق راح يخسر .. وجمهورك راح يخسر !!


بالمناسبة .. البارح تابعت اكثر من برنامج على اكثر من قناة .. وما شفنا اللقطات بوضوح .. يعني للحين ماقدرنا نطور من المخرجين ولمعدات الموجودة بملاعبنا ؟!!

كل ما اتذكر اسيا ومبارياتها اقول ليتنا نستعين بخبراتهم الهااااائلة :)

مهند الاتحادي
13-02-2011, 10:30
نصراوي مو لان رادوي هلالي ننتقده
اسامة المولد ياما تهور واخرها ضد لاعبكم السهلاوي وحسين ايضا يعني كلنا في الهوا سوا
ولا لان رادوي ولد البطة الزرقاء :rolleyes:

كويـ تعشق الزعامة ـتاوية
13-02-2011, 22:29
رادوي مو من صجه !!! :eek: شفيه ليش حاقد جذيه !!!!


دش على اللاعب و بعدين يطق بدون كره مو صاحي ،،،،،


المفروض ما يلعب لنهاية الموسم عشان يتسنع ،،،،،


ومبروك الصداره تستاهلونها بس ان شاء الله ماطول ،،،، :( :p

ودياااان
13-02-2011, 22:43
رادوي مو من صجه !!! :eek: شفيه ليش حاقد جذيه !!!!


دش على اللاعب و بعدين يطق بدون كره مو صاحي ،،،،،


المفروض ما يلعب لنهاية الموسم عشان يتسنع ،،،،،


ومبروك الصداره تستاهلونها بس ان شاء الله ماطول ،،،، :( :p









اي تبينها من الله :mad:
قلنا غلط ويستحق ان يتعاقب عاد لنهاية الموسم !!
لاتنسين في ناس ثانين ذكرهم مهند =rolleyes=

كويـ تعشق الزعامة ـتاوية
13-02-2011, 22:54
^^^^


لووووووولــ :p ،،،،،


لا عن جد انا ماشفت اللي قالهم مهند بس شفت رادوي ،،،،،


وعلى اللي شفته حكمت عليه ،،،،،


مع اني اعتقد ان يعاني من مشاكل يمكن نفسيه او اسريه ،،،،، :)

3thbi
13-02-2011, 23:48
تصرف غير مقبول من رآدوي ،،
العقوبه المناسبه ايقاف ( ؟؟ ) مباراه

M j n o 0 o n k
14-02-2011, 06:17
تم ايقافه ثلاث مباريات + غرامه 8 الاف ريال

نصـ 511 ـراوي
14-02-2011, 06:54
احب ارد على مهند اقول له ان حسين و اسامه المولد على الاقل تستفيد منهم بالمنتخب السعودي لكن رادوي مانستفيد منه بالمنتخب وعلى فكره ترا المولد وقفته اللجنة الفنية قبل الانضباط اوما سالفة رادوي اللجنة الفنية صرحت قبل امس تقول مانوقفه !!! ؟؟ واللي زاد الطين بله اللي اقراه فوق اللي يقول 3 مباريات وغرامة 8 ؟؟؟؟ يعني من اللحين نصفوا العقوبة انا مادري ليش نصفوها من اللحين ؟ !!

M j n o 0 o n k
14-02-2011, 07:51
احب ارد على مهند اقول له ان حسين و اسامه المولد على الاقل تستفيد منهم بالمنتخب السعودي لكن رادوي مانستفيد منه بالمنتخب وعلى فكره ترا المولد وقفته اللجنة الفنية قبل الانضباط اوما سالفة رادوي اللجنة الفنية صرحت قبل امس تقول مانوقفه !!! ؟؟ واللي زاد الطين بله اللي اقراه فوق اللي يقول 3 مباريات وغرامة 8 ؟؟؟؟ يعني من اللحين نصفوا العقوبة انا مادري ليش نصفوها من اللحين ؟ !!


شف شف المنطق استغفر الله العظيم بسسسسس :d

اجل تستفيد منهم هاه

طيب حنا نستفيد منهم بالمنتخب بس هم يستفيدون من رادوي و امثاله

من الاجانب اصحاب الوزن الثقيل في الكره السعوديه :d

عموماً .. ناس تقول وقفوه ثلاث مباريات و ناس تنفي و تقول الاجتماع اليوم الظهر

و الشي الاكيد ,, و اللي يرضينا كـ هلاليين و ما اظن فيه احد له شأن بهالموضوع غيرنا

هو ان سامي الجابر اجتمع باللاعب ,, و تم خصم مبلغ و قدره من راتبه


همسه : من اول مباراه لعبها فالهلال و اللي كنت ضد النصر , و من يوم لزخكم بذاك الهدف الصاروخي و انتوا شابين عليه :d

LeBron James
14-02-2011, 20:00
رادوي مالك ومال الكوره

تعال امريكا والعب كورتهم احسن لك :p