المساعد الشخصي الرقمي

مشاهدة النسخة كاملة : ان لم تستحي فافعل ما شئت



M!Ss Unbreakable
27-02-2011, 01:01
السلام عليكم و رحمة الله و بركاته

باختصااااار
http://www.facebook.com/pages/%D8%AC%D9%85%D8%B9%D9%8A%D8%A9-%D8%A7%D9%84%D9%85%D8%B9%D9%84%D9%85%D9%8A%D9%86-%D8%A7%D9%84%D9%88%D8%A7%D9%81%D8%AF%D9%8A%D9%86-%D9%81%D9%8A-%D8%A7%D9%84%D9%83%D9%88%D9%8A%D8%AA/150189188353040?v=wall


سلمكم الله اكو مجموعة بالفيس بوك من الوافدين الموظفين يطالبون بزيادة الرواتب

:@ :@ :@ !!

حروني والله انا اللي اعرفه انه اكو عقد و اتفاق قبل ما اييون ع اي اساس يطالبون بالزيادة
و ياريت بس جذي شوفوا بعض مطالبهم

- الراتب لا يقل عن 500 د.ك وغير مقطوع مع تعديل الدرجة حسب الأقدمية.
2 - زيادة علاوة بدل التدريس لتصبح 200 د.ك
3 - تفعيل معلم أ ، ب ، جـ ، د .
4 - زيادة مرتبات المعلمين الوافدين في المدارس الخاصه
5 - بدل سكن للعزابي 250 د.ك - للمتزوج 350 د.ك أو توفير سكن.
6 - بدل السكن يصرف للمعلمة التي لا تسكن في سكن الوزارة (حيث انها تمنع من السكن عند التحاق عائل بها ويشترط ان لا يعمل)


و لا احد الاخوة يبي تذاكر بعد ؟! @@ !!

عزيزي الوافد ما تبي بيت حكومة وقرض زواج مثلاً ؟!

والله احنا ما قصرنا و قلوبنا طيبة
عايشين اهم احسن عيشة بعد احسن من بعض الكويتيين @@ ! شيبون اكثر ؟!
اللي عاجبه عاجبه اللي ما يبي يفارج و يروح ديرته !

aL-3a9eM
27-02-2011, 01:07
اخاف ارد عليهم مناك يطلع واحد من مدرسيني معاهم :p

اي والله اللي مو عاجبه مو ملزوم يقعد :)

Tomas Rosicky
27-02-2011, 01:13
والله طرطرة والله بربرة

MR.net
27-02-2011, 01:15
مايبون فله تطل عالبحر و مرسيدس مع سايق !!!

بدل لا يحمدون ربهم راتب المدرس بمصر ما يتعدى ال10 دنانير
وهني الدولة تعطيهم 450 دينار ( اكثر من 40 ضغف رواتبهم في مصر )
غير ال10 الي ياخذونها على كل ساعه يدرسونها خصوصي

اذا مو عاجبهم ؟ الباب يوسع له جمل

shaheen
27-02-2011, 01:22
إحقاقا للحق ..
زيادة رواتب الوافدين أمر لا بد منه ..

يا إخوان ترى الأسعار ارتفعت .. ماهي نفس قبل 5 سنين او 10 !
ولكن الي مايحسسنا بهالغلاء او بالأحرى نحس فيه بس مايأثر علينا اهو الرواتب القوية الي عندنا احنا يالمواطنين ولله الحمد والمنٌـه .. وهذي نعمة عظيمة للأسف نسبة كبيرة من الشعب الكويتي مو مقدرها بسبب مطالبنا الثانية والغير منصفة مثل إسقاط القروض !

ولحد يقول الي مو عاجبته ديرتنا من الوافدين يتوكل على الله ..
لأنو الخباز مو كويتي .. والـسايق مو كويتي .. والطباخ مو كويتي .. والـكاشير مو كويتي .. والـي يشتغلون بالمطاعم واغلب الاسواق مو كويتيين ونسبة كبيبرة جدا من المدرسين مو كويتيين!
يعني لو مشينا على مقولة " الي مو عاجبه يمشي" وتطبقت على أرض الواقع بتكون كارثة على شباب الكويت .. خصوصا بهالوقت الي نسبة الرجولة وتحمل المسؤولية ماشاء الله مرتفعة جدا جدا جدا !!

ومن باب حب الخير للناس وخصوصا اخوانا المسلمين وخواتنا المسلمات مفروض انو الواحد فينا يحط نفسه مكانهم ويحس بالمعاناة الي هم فيها بسبب تدني رواتبهم وغلاء معيشتهم !

إن شاء الله بو ناصر مثل ماكان كريم مع عياله المواطنين من زيادة للرواتب ومنحة الألف .. إن شاء الله يكون كريم مع اخوانه الوافدين وإن شاء الله الحكومة تأخذ مثل هالامور محمل الجد وتسعى لإيجاد حل ..

الله المسـتعان ..

Modric
27-02-2011, 01:31
خلي يحمدون النعمه لا يردون مكان مايو

القدساوي المحنك
27-02-2011, 02:03
والله قهـر .. صج لي قالوا
اذا اكرمت الكريم ملكته واذا اكرمت اللئيم تمردا

كل واحد يحولها على عملة ديرتهـا يفتح فيها بيوت ويعيش أحلى عيشة في ديرته ! ويطالب بالمزيد ..

David Luiz
27-02-2011, 02:10
اللي مو عاجبه الوضع هني .. يشيل قشــه و يرد ديـــرته ..
هذا اللي ناقص !!! ..

مدريدي_حمود
27-02-2011, 02:20
مدرسنا المصري يقول لو صار راتب المدرس بمصر مايعادل 100 دينار جان ماتشوووف ويهي
والحين يايين هذييل يبون زياده خل يقضبون ارضهم ويشتغلوون مدااام النفس طيبه عليهم :p

xXx- M7aMMaD -xXx
27-02-2011, 03:29
إحقاقا للحق ..
زيادة رواتب الوافدين أمر لا بد منه ..

يا إخوان ترى الأسعار ارتفعت .. ماهي نفس قبل 5 سنين او 10 !
ولكن الي مايحسسنا بهالغلاء او بالأحرى نحس فيه بس مايأثر علينا اهو الرواتب القوية الي عندنا احنا يالمواطنين ولله الحمد والمنٌـه .. وهذي نعمة عظيمة للأسف نسبة كبيرة من الشعب الكويتي مو مقدرها بسبب مطالبنا الثانية والغير منصفة مثل إسقاط القروض !

ولحد يقول الي مو عاجبته ديرتنا من الوافدين يتوكل على الله ..
لأنو الخباز مو كويتي .. والـسايق مو كويتي .. والطباخ مو كويتي .. والـكاشير مو كويتي .. والـي يشتغلون بالمطاعم واغلب الاسواق مو كويتيين ونسبة كبيبرة جدا من المدرسين مو كويتيين!
يعني لو مشينا على مقولة " الي مو عاجبه يمشي" وتطبقت على أرض الواقع بتكون كارثة على شباب الكويت .. خصوصا بهالوقت الي نسبة الرجولة وتحمل المسؤولية ماشاء الله مرتفعة جدا جدا جدا !!

ومن باب حب الخير للناس وخصوصا اخوانا المسلمين وخواتنا المسلمات مفروض انو الواحد فينا يحط نفسه مكانهم ويحس بالمعاناة الي هم فيها بسبب تدني رواتبهم وغلاء معيشتهم !

إن شاء الله بو ناصر مثل ماكان كريم مع عياله المواطنين من زيادة للرواتب ومنحة الألف .. إن شاء الله يكون كريم مع اخوانه الوافدين وإن شاء الله الحكومة تأخذ مثل هالامور محمل الجد وتسعى لإيجاد حل ..

الله المسـتعان ..


عفوا اخوي المدرس الوافد ياي الكويت يترزق الله مو ياي نقاهه واستجمام عشان نوفرله حياة الرفاهيه .
اهو ياي الكويت بهدف تحصيل الفلوس ... يعني ماله داعي يشتري اجهزه وبلاوي غاليه

احنا الحين عندنا غلاء باسعار منتجات الرفاهيه ... اهو اساسا مو بحاجه لها

وسالفة ان مانقول اللي موعاجبه حياه الله راح نتوهق... لا ما نتوهق ... اهو بحاجه لنا اكثر ما احنا بحاجه له .
اذا دولته مو معطيته اللي احنا نعطيه ... على اي اساس احنا نرفع رواتبهم !
لي متى خير الكويت بره !!

المدرس حاله حال أي شغله ثانيه ... سايق خباز خدامه الخ

محد فيهم تكلم وقال ابي زياده الا اهمه .
على شنو بالضبط ؟ محد خرب التعليم بالكويت غيرهم ... علبو انه يبي يدرس دروس خصوصيه ... يدرس خرابيط بالمدرسه
واخر شي على افا الطالب الكويتي
يعني فوق ما انهم مستغلينا ومبهدلين التعليم عندنا ... نقوم نزيدهم

نصير صيدات رسمي .

خل يستريحون ... واذا مايبون الله معاهم .

ومن رايي لو تصير تخصصات كلية التربيه كلها تخصصات نادره ... عشان يشجعون الكويتيين يدشونها ونشلع هالمدرسين يردون ديرتهم
ونوظف الكويتيين ابرك

ثلجه - زرقا
27-02-2011, 06:41
اذا فيهم خير خل يبطلون حلوجهم بحرف واحد بديرتهم :):):):)

هذا بدال لا يحمدون ربهم انهم مقيمين بالكويت !!

مو غرور ولا كبرياء .. بس هذا الواقع اللي كل العالم يشهدله :)

M!Ss Unbreakable
27-02-2011, 10:24
اخوي شاهين
هذي مشكلتنا الطيبة الزايدة
اي حق تتكلم عنه ؟! معطييينهم حقهم و زيادة بعد
لو انهم مظلومين و منتقصين من حقهم جان شفت اول وحده توقف معاهم انا لاني وحده اكره الظلم
عايشييييييييييييين بنعيييييم عايشين احسن من بعض الكويتيين بعد !!
خيروحون ديرتهم ما يحلمون بربع العيشة اللي عايشينها اهني
كل واحد سياره و راهي و هذا غير الدروس الخصوصية يطلعون ذهب من وراها و الشقق و العماير و المشاريع اللي يسونها بدولهم من خييير الكويت !!
و فوق كل هذا وايد منهم يحتقرونه و ما يحترمونه !!

خيحمدون ربهم بالنعمة اللي اهم فيها !!

و يا غريب كن اديب


يعطيكم العافيه

هيـبـة ملـك
27-02-2011, 13:01
عطيـناهم وجه حيييل ..

shaheen
27-02-2011, 13:46
يا إخوان انا ماخصصت بكلامي المدرسين فقط !
انا أتكلم عن الوافدين كلهم بـشكل عااااااااااااااااااام !

وبالنسبة للمدرسين والدروس الخصوصية فعلا هم عايشين بنعيم بفضل الله سبحانه ثم بفضل هالدروس الخصوصية ..
لكن أعيد وأقول انا كلامي كان عن الوافدين الي بالكويت كلهم بشكل عام .. مو حكرا على المدرسين فقط !

عرباوية...كويتاوية
27-02-2011, 13:47
لا كله بصوب والصور بصوب ثاني! انا بس مركزة ع السدحات واللقطات اللي مسوينها ويبون نزيد رواتبهم بعد :mad:


واللي يقول "اذدواجية" هاذا خو عالم ثاني!!! :lol:

Aero
27-02-2011, 14:38
بعرف زيادة الرواتب للوافدين ليه ؟

مو جنه معطينهم كل حقوقهم و اكثر؟

لاحول ولا قوة الا ب الله . .

:(

7mni al-Q8
27-02-2011, 16:38
ما يبون !!الباب يفوت جمل :)

twinterbo
27-02-2011, 17:07
اذكر قبل فترة زادو المدرسين مادري الوافدين

كان عندنا مدرس بالثانوية مو عاجبته الزياده (كانت 50 دينار) وكان يشتكي للطلبه احنى مانقدر نعيش بالكويت الحياة غالية ومصاريف العيال بالمدراس الخاصه ....ويقعد يعددلنا اشياء وايد

كفاية ان اهوة مدرس رياضيات يعني يطلع ذهب من الخصوصي

وهم مايندرى عنهم ... الله يعينهم



بس اسلوب الطرح بالفيس بوك احسه وقح واستفزني

Eric
27-02-2011, 18:44
خل يسوون الي يسوونه الحكومه عندها مشاكل وآخر همها زيادات الوافدين
خل يزيدون اعانه الطلبه بعدين يزيدون الوافدين

brshlwny
27-02-2011, 19:31
ما يترس عين الادمي الا التراب هذي طبيعه بشريه سوا كانوا وافدين او مواطنين

mesh3l.s
27-02-2011, 20:01
لن اتكلم عن الوافدين بشكل عام لأن أخي شاهين ذكر ما كان في خلد نفسي
انا هنا لـ التحدث عن المعلمين فحسب ..
.
.
من المعروف ان دولتنا الحبيبة دولة خير بفضل من الله
حيث انعم الله علينا بالخيرات الكثيرة
التي لا تتواجد في معظم الدول ونعيش في الكويت مكرمين معززين
" ولكن "
ويجب التركيز على ما بين علامات التنصيص !
أليس للمعلم الحق في المطالبة بزيادة راتبة في ظل الغلاء المعيشي هذا ؟
ارجوكم لا تقولوا لي ان الغلاء فقط على الأجهزه الرفاهيه او الكمالية فقط !
بل حتى على المواد الغذائية والكل يعلم هذا فـ 10 دنانير بالأمس
لا تأدي نفعا ً اليوم !
فمن حق المعلم الذي خرج على يده اجيال واجيال ان يطالب بزيادة راتبة ولو بالقليل
حتى يتسنى له العيش بكرامة !
ثم كيف لكم ان تحكموا على المعلمين بهذه الطريقة ؟
اولم يقدمون لكم المعلومات ؟
هل اكتسبتم العلم فقط من المعلمين المواطنين ؟
اولم يكون للمعلمين " الوافدين " الذين لا يعجبونكم اي دور في مسيرتكم التعليمية ؟
لا احد يقفز ويجعجع ويقول لي ان تعليمهم خاطئ !
ضعف التعليم السبب الرئيسي فيه ضعف المناهج لا المعلمين !
لا تعمموا جزاكم الله خير فهناك معلمين وافدين جما كان لهم الفضل علي وعلى الكثير
فلا تنكروا هذا الفضل !
ودولتنا دولة خير واتمنى حقا ً ان يقروا لهم الزيادات التي توفر لهم العيش
في ظل هذا الغلاء المعيشي !
الكل هنا يقول لـ يعودوا الى ديارهم وان عادوا حقا ً
لـ ضاع التعليم لدينا لأن اعتمادنا على الوافدين عالي جدا ً !
فلا تعمي عيونكم النعم وفكروا في اخوانكم المستضعفين الذين يطلبون زيادة لـ تتوافق
مع غلاء الأسعار ليس ألا !
.
.
لا ارى فيها شيء بل على العكس يجب اقرار زيادة لـ رواتبهم
لأنهم يستحقون !
.
.
لا تعميكم النعم حتى لا يحرمنا الله منها ..
.
.
شكرا ً

azoz
27-02-2011, 20:13
لن اتكلم عن الوافدين بشكل عام لأن أخي شاهين ذكر ما كان في خلد نفسي
انا هنا لـ التحدث عن المعلمين فحسب ..
.
.
من المعروف ان دولتنا الحبيبة دولة خير بفضل من الله
حيث انعم الله علينا بالخيرات الكثيرة
التي لا تتواجد في معظم الدول ونعيش في الكويت مكرمين معززين
" ولكن "
ويجب التركيز على ما بين علامات التنصيص !
أليس للمعلم الحق في المطالبة بزيادة راتبة في ظل الغلاء المعيشي هذا ؟
ارجوكم لا تقولوا لي ان الغلاء فقط على الأجهزه الرفاهيه او الكمالية فقط !
بل حتى على المواد الغذائية والكل يعلم هذا فـ 10 دنانير بالأمس
لا تأدي نفعا ً اليوم !
فمن حق المعلم الذي خرج على يده اجيال واجيال ان يطالب بزيادة راتبة ولو بالقليل
حتى يتسنى له العيش بكرامة !
ثم كيف لكم ان تحكموا على المعلمين بهذه الطريقة ؟
اولم يقدمون لكم المعلومات ؟
هل اكتسبتم العلم فقط من المعلمين المواطنين ؟
اولم يكون للمعلمين " الوافدين " الذين لا يعجبونكم اي دور في مسيرتكم التعليمية ؟
لا احد يقفز ويجعجع ويقول لي ان تعليمهم خاطئ !
ضعف التعليم السبب الرئيسي فيه ضعف المناهج لا المعلمين !
لا تعمموا جزاكم الله خير فهناك معلمين وافدين جما كان لهم الفضل علي وعلى الكثير
فلا تنكروا هذا الفضل !
ودولتنا دولة خير واتمنى حقا ً ان يقروا لهم الزيادات التي توفر لهم العيش
في ظل هذا الغلاء المعيشي !
الكل هنا يقول لـ يعودوا الى ديارهم وان عادوا حقا ً
لـ ضاع التعليم لدينا لأن اعتمادنا على الوافدين عالي جدا ً !
فلا تعمي عيونكم النعم وفكروا في اخوانكم المستضعفين الذين يطلبون زيادة لـ تتوافق
مع غلاء الأسعار ليس ألا !
.
.
لا ارى فيها شيء بل على العكس يجب اقرار زيادة لـ رواتبهم
لأنهم يستحقون !
.
.
لا تعميكم النعم حتى لا يحرمنا الله منها ..
.
.

شكرا ً




صحيح يا مشـعل .،

وين العيب لمن شخص يطالب بحقه ؟

وزيادة راتبه !

دام مافي مواطنين قادرين على تدريس الطلبة الكويتين بالاساس

شنو المعلمين الكويتين ؟ كلهم بدنيه وموسيقى ومعاشه عالفاضي

يمكن من كل 15 مدرسه تحصل مدرس فيزياء واحد .!

والدليل ان في كلية العلوم - جامعة الكويت - تخصصات الرياضيات

والفيزياء والكيمياء والجيولوجيـا كلها تخصصات نـادره .!

يا جمـاعة لاتنكرون فضل الملعمين الوافدين علينا ، وخصوصا المصـريين

واحمدو ربكم عالنعمه ، دام اهم يعلمون ويخرجون أجيال لازم نعطيهم حقهم

لحد يقول خصوصي .. لازم نقول بالاول شنو اللي خلاه يدرس خصوصي ويكرف كرف

ويرجع بيتهم وينام على طول ويروح الدوام ويرجع ويكمل دروس خصوصيه ، كل هذا

عشان يوفر المعيشه الافضل لـ عايلته ، مرو فيها ، حسو بالنعمه ، بالغزو 7 شهور ماتحملتو

العيشة الصعبه ، حسو شوي بغيركم ، وبلا كلام فاضي ، وبلا غرور وترفع ، النعمـة زوالـه .

فيلجاوي_كتلوني
27-02-2011, 20:17
وشنو المشكله ؟؟
احنا تعلمنا على ايدهم ،، وتثقفنا على ايدهم ،،
المدرسين الكويتين ( بدنيه - فنيه ) ،، وبالغلط يطلعلك مدرس اسلاميه ،،

اهوه بالأساس معاشه 400 وشي او 300 على الأقل
اعتقد 100 دينار بتساعده عالعيشه ،، الله يكون بعونهم
ما أعم ، لان بالفعل في بعضهم يستفيد من الدروس الخصوصيه ويطلع دبلات معاشه ،، وبالأساس مافيها عيب !! ياما احتجنا دروس خصوصيه واضافيه قبل الامتحان
لكن اتكلم عن المدرس الشريف ،، الي يبي يعيش عياله ومرته عيشه كريمه ،، لما المدرس المصري يبي 100 دينار زياده الكل بدى يتحلطم
لكن لما نشوف عينك عينك بوق وزارات محد يتكلم ،،

هذي الكويت صل على النبي -_- ،،

asomh =)
27-02-2011, 20:18
ما ودهم يـاخذون حقوقهم بعد ؟! ..

M!Ss Unbreakable
27-02-2011, 20:40
المعلمين الوافدين اكثر ناس عايشة بنعمه و بخير الحمدلله
الحكوومة مو مقصره معاااهم ابداً
و الله اذا لهم حق بالعكس نوقف وياهم
ماني حاطه بذمتي اذا 3 ارباعهم اذا مو كلهم يدرس خصوصي تدرون بالشهر الواحد جم يطلعون !!
نقول 10 طلاب لوول هذا اذا مو اكثر اكيد بالشهر نظام ساعات مو كورسات يعني بالشهر 3 الاف !! هذا غير الكورسات لوول والله احنا الفقارى !
ووااااااااااااايد من المدرسين ما يدرسون بذمة و ضمير بالصف الا تاخذ خصوصي عشاان يطلع اللي عنده
هذا غير نظرتهم لنا
اذا الدكاتره نفسهم يقولون ياريت احنا مدرسين و لا نعطي خفارات و تعب واخر شي معاشنه الفين ما ادري ثلاث
و المدرسين دبلاتهم !!
الطمــــــــــــــــع شييييين
انتوا شفتوا المطالب الثانية
ما يبون بس زيادة الرواتب يبون بدل الايجار 250 ما ادري اكثر
لوووووول
و يبون تذاكر كل سنة @@ !!
انتوا شااايفين مطالبهم مبالغ فيها اللي مو عاجبه خل يستقيل و نييب 100 الف بدالهم ميتين انهم يشتغلون بالكويت
انتوا شوفوا اسلوبهم بس ان بليفبل
احد الاخوة يقول لما يزيدونه 30 او 40 او 50 لا نسكت هذا بنج مؤقت لان يبون اكثر بعد !! لووووووول
يقولك اذا اكرمت الكريم ملكته و اذا اكرمت اللئيم تمردا
اوكي مو عاجبهم عيشتهم اهني خيعيشون بدولتهم و تعطيهم ربع اللي نعطيهم !!
ماخذيييييين حقوقهم و بزيادة ولله الحمد

قدساوي-17
27-02-2011, 20:52
جليلين الحيا !!

راتب 400 دينار و غير الدروس التقوية

و غيير اللي يدرس في المعاهد ,, بسكم طمع .. كل واحد فاتحله بـ ديرته صيدلية او الخ !! و تبون بعد ؟!

Miss RVP
27-02-2011, 21:38
إحقاقا للحق ..
زيادة رواتب الوافدين أمر لا بد منه ..

يا إخوان ترى الأسعار ارتفعت .. ماهي نفس قبل 5 سنين او 10 !
ولكن الي مايحسسنا بهالغلاء او بالأحرى نحس فيه بس مايأثر علينا اهو الرواتب القوية الي عندنا احنا يالمواطنين ولله الحمد والمنٌـه .. وهذي نعمة عظيمة للأسف نسبة كبيرة من الشعب الكويتي مو مقدرها بسبب مطالبنا الثانية والغير منصفة مثل إسقاط القروض !

ولحد يقول الي مو عاجبته ديرتنا من الوافدين يتوكل على الله ..
لأنو الخباز مو كويتي .. والـسايق مو كويتي .. والطباخ مو كويتي .. والـكاشير مو كويتي .. والـي يشتغلون بالمطاعم واغلب الاسواق مو كويتيين ونسبة كبيبرة جدا من المدرسين مو كويتيين!
يعني لو مشينا على مقولة " الي مو عاجبه يمشي" وتطبقت على أرض الواقع بتكون كارثة على شباب الكويت .. خصوصا بهالوقت الي نسبة الرجولة وتحمل المسؤولية ماشاء الله مرتفعة جدا جدا جدا !!

ومن باب حب الخير للناس وخصوصا اخوانا المسلمين وخواتنا المسلمات مفروض انو الواحد فينا يحط نفسه مكانهم ويحس بالمعاناة الي هم فيها بسبب تدني رواتبهم وغلاء معيشتهم !

إن شاء الله بو ناصر مثل ماكان كريم مع عياله المواطنين من زيادة للرواتب ومنحة الألف .. إن شاء الله يكون كريم مع اخوانه الوافدين وإن شاء الله الحكومة تأخذ مثل هالامور محمل الجد وتسعى لإيجاد حل ..

الله المسـتعان ..

معـاك بكل كلمـة , ديرتنا ديرة خير و الوافدين يستحقون الزيادة معاشهم مايوكل خبز على ارتفاع الاسعار الي صاير .!!
مو شرط بو ناصر يعيش كل واحد فيهم عيشة ملك لكن من الواجب ان كل واحد فيهم ياخذ حقة

بعيد عن الحسد و أن هذا وافد مايقايش وياي يالكويتي :)
و من باب المنطـق هم " يستحقونها "

بالنسبـة للي بالاحمـر هذا هو زبدة الموضوع :)

لو مشو ماعينتو خييـر و كلمة الحق ماينزعل منها :cool:

M.Qassem
27-02-2011, 22:29
بـ النسبة لـ المدرسين .. ماخذين حقهم و زيادة ..
انا توني راد من سوريا .. العيشة زبـالة مكرم السامع .. و الوضع ازبل من زبالة الزبالة ..
بيوتهم زبالة .. اسواقهم زبالة .. كل شي زبالة ..

مصر مايحتاي اتكلم ؟ .. تكرمون الحمار يمشي بالشارع :) ..


مو كافي ان المدرس المصري يدخّـل عياله مدارس الكويت مجانا ً ؟! ..
ليش الطمع ؟ .. اي دولة ثانية تقولك انت ضبط حالك انت دخل عيالك ..
وكافي التامين الصحي عليه و على عياله ..
و 400 دينار شهريا ً .. حلويـــــــن و نعمة ..
عميد الجامعة بـمصر مايوصل معاشه 200 دينار :) .. وهذيل يبون زيادة عن الـ 400 ؟! ..
اردى مسكن بالكويت يعطي مساكنهم بمصر و سوريا و الاردن 10\0 ..

المدرس اللي بيتكبر و يبطــر بـ النعمة .. يتوكل على الله يشوفله ديرة ثانية ..
لاتصيرون سـُـذّج ! ..
المدرس قاعد ياخذ حقه .. 400 دينار ماتوكل الكويتي اللي متعود يتغدى بـ فرايديـز و يتعشى بـ تشيليز و يحلّـي بـ جوكلت بار ..
المصري و السوري "ستايل" حياتهم اللي "تعودوا" عليه .. يقول اشتغل و اجتهد .. مايعرف لا ستاربكس ولاشي ..
خله يستانس بحياته .. لكن ما يعني انك ييت الكويت اني ملزوم اعيشك بـ"رفاهية" ..

المدرس مثلا ً .. لو ياي بروحه مو ساكن مع عايلة ..
غرفة 60 دينار وايد عليها .. لا و غرفة محترمة ..
شوفوا الوسيط شكثـر يطالبون بـ Room-mate ..
يايب عايلتك ؟! .. والله الوزارة مو متكفلة بـ عايلتك .. تبي تييب عايلتك ييبهم على حسابك .. شنو نكد على عميان احنا ؟! ..
لكن بالمقابل .. الوزارة تقوله حياك الله انت و عيالك .. بندخلهم مدارسنا بـــلاش .. ابتدائي متوسطة ثانوي .. يدرس 12 سنة مجانا ً بمدارس الكويت ..
وطبعا ً تكلفة طالب المرحلة الابتدائية 10 الاف دينار .. وطالب المرحلة المتوسطة 17 الف دينار .. و المرحلة الثانوية 15 الف "للسنة" ..
هذا اللي تتكلفه الحكومة للطالب الواحد .. شوية ؟! ..

فـ خل يحمدون ربهم .. واللي مو عاجبه يتوكّــل على الله يشوفله ديرة ثانية ..


و لو يينا للقانون .. المدرسين 90% منهم مفروض فنـاقر + ترحيل ..
مخالفين لـ قانون وزارة التريبة اللي يمنع الدروس الخصوصية .. و يحكر المعلم لـ وزارة التربية و خدماتها فقط ..

M.Qassem
27-02-2011, 22:37
وبـ النسبة لـ "خل يتوكل" اللي مو عاجبتكم ..
المتبطـر على النعمة ووده يمشي فيه غيـره "10000" مستعدين ييون بدالهم ..

ترى 400 دينار توفـّـر عيشة "كريمة" لـ اي واحد بـ الكويت :) ..

وانا لمن ييت سويت معاه عقد .. سويت معاه اهو مو مع عايلته ..

أبو مساعد
27-02-2011, 23:25
السلام عليكم ورحمة الله وبركاته

بالنسبة للموظفين الوافدين شي أكيد أنهم توظفوا عن طريق التعاقد ، وهنا يأتي السؤال :

هل تم الإخلال بأي بند من عقودهم وخاصة النواحي المالية ؟

لا أعتقد ، كما أننا لا نرضى بأن يتم ظلم أي فرد يعيش على أرض الكويت الطيبة ، وقد طالبنا
مراراً وتكراراً بإنصاف عمال شركات التنظيف سابقاً ومعاقبة كل شركة تبخس هؤلاء حقوقهم .

إنما تكون المطالبة بشيءٍ ما على طريقة هؤلاء المدرسين ، وهي التحريض على التظاهـــــــر
وتعطيل العمل فهذا غير مقبول .

هناك طرق قانونية وقنوات متعارف عليها لإيصال مطالبهم دون اتباع أسلوب لي الذراع والذي
سيلحق الضرر بأصحابه أولاً .

نحن لا ننكر حق من يعيش بيننا ، ففي العام الماضي تمت زيادة رواتب محضري العلوم من الوافدين
حملة المؤهل الجامعي العاملين في وزارة التربية ووافق ديوان الخدمة المدنية على صرفها بأثر
رجعي لخمس سنوات ماضية .

كما أن هناك الكثير من الجهات الحكومية التي قامت بزيادة رواتب الموظفين الوافدين فيها ، ومن
بينها جهة عملي وهي شركة حكومية .

لكن على الوافد احترام قوانين ونظم بلدنا واتباع الطرق القانونية كما ذكرت لإيصال مطالبه دون
الإخلال بهذه القوانين والنظم .

M.Qassem
27-02-2011, 23:33
بومساعد ..
واحد منهم طالع يقول خنروح حق الجزيـرة و منظمة حقوق الانسان ..
هذا شتقوله ؟

أبو مساعد
27-02-2011, 23:52
حمود أزيدك من الشعر بيت ... هناك أكثر من شركة تقدمت لوزارة الداخلية بشكوى من
وجود منشورات تدعو العمال إلى الإضراب في القطاعات إللي تشتغل فيها ، وحددوا يوم
7 مارس ، ووزارة الداخلية تتابع هالموضوع وحددت عدد منهم وراح تتخذ الإجراءات
ضدهم .

Bo.Hamad
27-02-2011, 23:59
5 - بدل سكن للعزابي 250 د.ك - للمتزوج 350 د.ك أو توفير سكن.

كويتي و متزوج يعطونه 150 ,, هذيل يبون 250 و فوق !

خل يردون ديرتهم انا اقول و يفكونا

أبو مساعد
28-02-2011, 00:16
«أمن الدولة» يبحث عن مصدر دعوات عمالية للإضراب عن العمل 7 مارس وشركة عمالية تبلغ عن وافد طبع منشورات تحرّض العمالة على التظاهر





الوافد ضغط لطباعة 500 منشور والماكينة تؤكد صدق رواية الشركة

عمالة هامشية وراء هذه الدعوات و«الداخلية» ترصدها وتتبعها

الدعوات تطالب بزيادة المعاشات بنسب تصل إلى 100% والمتورطون سيرحلون إلى أوطانهم مع إدراج أسمائهم على قوائم «الممنوعين» في «التعاون»

أبلغ مصدر امني مطلع ان جهاز امن الدولة رصد مؤخرا عدة دعوات عمالية اغلبها صادرة عن وافدين عرب وآسيويين وان هذه الدعوات تطالب بالتحريض على اضرابات عمالية خلال السابع من مارس المقبل مؤكدا على ان وزارة الداخلية تقوم حاليا بتتبع مصدر هذه الدعوات وقامت خلال الايام القليلة الماضية بتحديد عدد من مطلقي هذه الدعوات واتخذت قرارات بإبعادهم الى اوطانهم مع ادراج اسمائهم على قوائم غير المصرح لهم بالدخول الى البلاد مرة اخرى مع تعميم اسمائهم على عموم دول مجلس التعاون الخليجي انطلاقا من الاتفاقيات المبرمة بهذا الخصوص.


وقال المصدر الامني ان اكثر من شركة في البلاد تقدمت الى اجهزة وزارة الداخلية مشيرة الى انها لاحظت تداول منشورات ورقية واخرى شفهية تدعو الى اضراب عمالي في القطاعات التي تعمل فيها، مشيرا الى ان وزارة الداخلية ممثلة في جهاز امن الدولة تتابع هذه القضية عن كثب وتقوم بتتبع من وراءها وتتخذ بشأنها إجراءات تتمثل في إبعادهم عن الكويت وذلك بعد التأكد من انهم هم من وراء هذه الدعوات.


وأشار المصدر الأمني الى ان اغلب الدعوات التي رصدتها وزارة الداخلية وايضا اصحاب الشركات تتضمن المطالبة بتعديل اوضاع العمالة المالية والمطالبة برفع الرواتب بمعدلات تصل الى 100%.


الضغط مرفوض


وجدد المصدر التأكيد على ان التعاقد بين الشركات الخاصة والعمالة الوافدة تعتمد على موافقة الطرفين على قيمة الراتب وبالتالي فإن اتخاذ اساليب الاضراب والضغط امر مرفوض جملة وتفصيلا وفي حالة عدم رضاء هذه العمالة عن رواتبهم ما عليهم سوى فسخ تعاقدهم والمغادرة الى اوطانهم.


ومضى المصدر بالقول ان معظم العمالة الداعية لتعديل اوضاعهم المالية والدعوة الى اضراب عمالي في السابع من مارس ما لم تلب مطالبهم هي عمالة هامشية وتعمل في شركات خاصة في الاغلب تقوم بالحراسة او شركات تتمتع بطبيعة عمل متدنية.


قنوات عمالية


واضاف المصدر أن هناك قنوات عمالية يجب اتباعها اما اسلوب لي الذراع والتلويح والتهديد بالاضراب لن تقبله وزارة الداخلية ويجب ان تحل المشاكل بين العمالة والشركات بطريقة متحضرة.


500 منشور


وكشف المصدر الأمني أن آخر القضايا التي وردت الى جهاز أمن الدولة كانت يوم امس حينما تقدمت شركة تعمل في مجال الحراسة وأبلغت عن انها رصدت أحد العاملين الوافدين لديها وهو يقوم بطباعة منشور يدعو فيه زملاءه العاملين واغلبهم من المصريين الى المطالبة بزيادة الرواتب من 80 إلى 150 دينارا وإمهال الشركة مهلة حتى الأول من مارس لحسم مطالبهم المالية وما لم تنفذ الشركة مطالبهم فإن المنشور يدعو إلى الاضراب عن العمل في تاريخ الـ 7 من مارس.


واشار المصدر الى ان الشركة ومن خلال مسؤوليتها ابلغت اجهزة وزارة الداخلية ان العامل ضبط خلال تصويره 500 منشور يحمل مضمون ما سبق ذكره مؤكدة أن ماكينة التصوير اعطى إليها أمرا بتصوير 500 نسخة إلا أن ماكينة التصوير أخرجت 80 نسخة فقط. وأضاف المصدر ان الشركة اخضعت الموظف الذي تم رصده وهو يقوم بالتصوير ليدعي بأنه يصور نسخة واحدة تلقاها من مصدر مجهول وأكدت الشركة ان هذا الادعاء غير صحيح خاصة ان لديها كاميرات مراقبة اكدت ان الوافد اعطى أمر تصوير 500 نسخة من المنشور كما ابدت الشركة استعدادها لفحص ماكينة التصوير للتأكيد على صدق ما ذكرته.


الإبعاد الإداري


واشار المصدر الأمني الى ان جهاز امن الدولة اخطر بواقعة الوافد وتم استدعاؤه يوم امس للتحقيق معه ومن ثم اتخاذ اجراء قانوني في حقه وهو ابعاد اداري باعتباره شخصا غير مرغوب فيه.


وجدد المصـــدر الأمني التأكيد على أن وزارة الداخلـــية تدعو الى حـــل المشاكل العمالية بالطرق القـــانونية وان اي مطالــــبات عمـــالــــــــية يجب ان تكون وفق قنوات متعارف عليها وليس بالطريقة التي يخطط بها عمالة وافدة.


وعن السر في السابع من مارس، قال المصدر حتى الآن لم تتم معرفة سر هذا التاريخ ولكن ربما يكون متزامنا مع دعوة مماثلة دعا إليها موظفون كويتيون في شركة كويتية.



http://img607.imageshack.us/img607/433/alanbaa3.gif (http://www.alanba.com.kw/AbsoluteNMNEW/templates/local2010.aspx?a=174181&z=12&m=0)

M!Ss Unbreakable
28-02-2011, 00:44
هزلــــــــــــــــــــــت !!
خير يما يبون يشتكون عند لجنة حقوق الانسان
ليش ان شاءالله ؟!

ناكريييييييييييين جاحدين
وااي حرقوا اعصابي :@


قسما بالله خيااااااااااااااس !!

شـآنـي هـآكـر
28-02-2011, 01:39
من حق اي شخص يطالب!
مهما كآنت طلبآته خياليه !


حريّه شخصيه !
ولكن في عقد عمل وفيه بنود !
وكل البنود بالعقد تطبّق بحذآفيرها وبس !


خلهم يطالبون لكل وافد 10000000 دينآر
كيفهم
بس مايحصلون شي غير عن الموجود بالعقد

قدساوي انتراوي
28-02-2011, 03:56
نسوا شنو كانوا بديرتهم .. إلي معاشاتهم مايوصل 40 او 50 دينار
و الحين مبطلين حلوجهم يبون زياده

عاد الديره ترس وافدين جان زين يقللونهم :/

xXx- M7aMMaD -xXx
28-02-2011, 05:03
لن اتكلم عن الوافدين بشكل عام لأن أخي شاهين ذكر ما كان في خلد نفسي
انا هنا لـ التحدث عن المعلمين فحسب ..
.
.
من المعروف ان دولتنا الحبيبة دولة خير بفضل من الله
حيث انعم الله علينا بالخيرات الكثيرة
التي لا تتواجد في معظم الدول ونعيش في الكويت مكرمين معززين
" ولكن "
ويجب التركيز على ما بين علامات التنصيص !
أليس للمعلم الحق في المطالبة بزيادة راتبة في ظل الغلاء المعيشي هذا ؟
ارجوكم لا تقولوا لي ان الغلاء فقط على الأجهزه الرفاهيه او الكمالية فقط !
بل حتى على المواد الغذائية والكل يعلم هذا فـ 10 دنانير بالأمس
لا تأدي نفعا ً اليوم !
فمن حق المعلم الذي خرج على يده اجيال واجيال ان يطالب بزيادة راتبة ولو بالقليل
حتى يتسنى له العيش بكرامة !
ثم كيف لكم ان تحكموا على المعلمين بهذه الطريقة ؟
اولم يقدمون لكم المعلومات ؟
هل اكتسبتم العلم فقط من المعلمين المواطنين ؟
اولم يكون للمعلمين " الوافدين " الذين لا يعجبونكم اي دور في مسيرتكم التعليمية ؟
لا احد يقفز ويجعجع ويقول لي ان تعليمهم خاطئ !
ضعف التعليم السبب الرئيسي فيه ضعف المناهج لا المعلمين !
لا تعمموا جزاكم الله خير فهناك معلمين وافدين جما كان لهم الفضل علي وعلى الكثير
فلا تنكروا هذا الفضل !
ودولتنا دولة خير واتمنى حقا ً ان يقروا لهم الزيادات التي توفر لهم العيش
في ظل هذا الغلاء المعيشي !
الكل هنا يقول لـ يعودوا الى ديارهم وان عادوا حقا ً
لـ ضاع التعليم لدينا لأن اعتمادنا على الوافدين عالي جدا ً !
فلا تعمي عيونكم النعم وفكروا في اخوانكم المستضعفين الذين يطلبون زيادة لـ تتوافق
مع غلاء الأسعار ليس ألا !
.
.
لا ارى فيها شيء بل على العكس يجب اقرار زيادة لـ رواتبهم
لأنهم يستحقون !
.
.
لا تعميكم النعم حتى لا يحرمنا الله منها ..
.
.
شكرا ً


صل عالنبي اخوي ... الحين 400 ما تكفي ؟ ترى اهو فرد واحد ... الحين احنا يالكويتيين لو مانبي نتفلسف و نقعد نفسفس ال400 كافيه وزياده :\
لا طبعا مو من حقه يطالب بزياده على شنو يطالب بزياده !
السايق اللي اهو سايق 120 دينار (وايد بعد) وبدون اكل بس سكن ... كافيته لا ويدز حق اهله بره يعيش عايله
هذا 400 و500 ... ودولهم 10 دنانير تعيش ملك ... شيبي بفهم

من اصل 100 مدرس يطلع بينهم 1 عنده ضمير ويدرس من قلب
يطلعون من الدروس الخصوصيه اكثر من معاش وزير .

اهمه ما يدرسون عدل وياخذون من جيوبنا وتبينا نزيدهم ؟
ليييييييييييييييش !!!

والله قالها دكتور الله يذكره بالخير ... الديمقراطيه عندكم = فوضه ... احنا مو مال ديمقراطيه
هذي الديمقراطيه وين وصلتنا ... قامو يستغلونا بكل شي

بدل سكن 350 للمتزوج ! ... ليش احنا جم ناخذ بدل سكن ؟
بدل الفلوس اللي تبينا نعطيهم فيها زياده ... لو يعطونهم الطلبه يرغبونهم بمجال التدريس وايد احسن
------------------------------------------------------

حمود (سنيور2011) والله كلامك 100%

xXx- M7aMMaD -xXx
28-02-2011, 05:09
وشنو المشكله ؟؟
احنا تعلمنا على ايدهم ،، وتثقفنا على ايدهم ،،
المدرسين الكويتين ( بدنيه - فنيه ) ،، وبالغلط يطلعلك مدرس اسلاميه ،،

اهوه بالأساس معاشه 400 وشي او 300 على الأقل
اعتقد 100 دينار بتساعده عالعيشه ،، الله يكون بعونهم
ما أعم ، لان بالفعل في بعضهم يستفيد من الدروس الخصوصيه ويطلع دبلات معاشه ،، وبالأساس مافيها عيب !! ياما احتجنا دروس خصوصيه واضافيه قبل الامتحان
لكن اتكلم عن المدرس الشريف ،، الي يبي يعيش عياله ومرته عيشه كريمه ،، لما المدرس المصري يبي 100 دينار زياده الكل بدى يتحلطم
لكن لما نشوف عينك عينك بوق وزارات محد يتكلم ،،

هذي الكويت صل على النبي -_- ،،

مرحبا تعلمنا ... امنتك الله جم دفعت من 1 متوسط لي 4 ثانوي على الدروس الخصوصيه
اذا الحين اشكره بالمدارس قامو يقولون ييبو مدرس خصوصي
عطني دوله الشعب قازره عليه دروس خصوصيه كثرنا

وتلقى هالمدرسين كل شي عندهم رخيص ... لحد يقولي غلاء ... حتى الخس اذا بيشترونه قطيه عشان ما يدفع وايد
دقوس بطل كل واحد يطق 5 فلوس

ليش خيرنا نقطه بره ؟ احنا اولى فيه ... مو ملزومين نعيش العالم برفاهيه
قاعد ياخذ فوق حقه

ترى اهمه محتاجينا اكثر من ما احنا محتاجينهم .

Bo_faraj
28-02-2011, 15:09
اي خير انشالله!!
شدعوا يصرفون شي هني أو يساهمون بالاقتصاد الكويتي. فلوسهم كلها محولة برا على ديرتهم. بس شاطرين يقعدون عالبحر و يقطون وصخهم.

على فكرة انتو قاعدين تتكلمون عن الوظايف الحكومية بس ما شفتوا القطاعات الثانية. بالقطاع النفطي مثلا الوافدين مدلعين آخر دلع. آنا عندي موظف مساعد مهندس وافد يستلم 3 آلاف دينار شهريا!!

El pipita
28-02-2011, 15:26
اي خير انشالله!!
شدعوا يصرفون شي هني أو يساهمون بالاقتصاد الكويتي. فلوسهم كلها محولة برا على ديرتهم. بس شاطرين يقعدون عالبحر و يقطون وصخهم.

على فكرة انتو قاعدين تتكلمون عن الوظايف الحكومية بس ما شفتوا القطاعات الثانية. بالقطاع النفطي مثلا الوافدين مدلعين آخر دلع. آنا عندي موظف مساعد مهندس وافد يستلم 3 آلاف دينار شهريا!!


بالضبــط ..
بعض المسؤولين الهنود بالبترول ..
معاشاتهم فوق الألف دينـار .. غير السياره و يدخلون عياله مدارس خاصه ببلاش !
غير الـتأمين الصحي يقدر يعالج بأي مستشفـى بالديـره ..
و فوق كل هذا .. صاير مسؤول على كويتي :× ..
شيبي بعد ؟

--

اما المدرسين خل يستريحـون شـوي ..
على شنو 400 ؟ الحبيب ياي المدرسه مسطل !
مقزرها دروس خصوصيه طول اليوم و بالمدرسه ماله خلق يبطل حلجـه بكلمـه ..
يمكن بالكثير 8 او 10 مدرسين بكل مدرسـة يدرسون بضميـر ..
و البـاجي سلامااااات ..

كويـ تعشق الزعامة ـتاوية
28-02-2011, 15:41
من حق كل انسان ان يعيش حياه كريمه ،،،،،


ليش هـ النظره العنصريه للناس ،،،،


يعني اذا مو كويتي ماله حق يطالب بحقوقه مثلا ،،،،


وبعدين مسألة نعطيهم معاشات هذي مقابل تعبهم وجهدهم مو عشان سواد عيونهم ،،،،


بالنهايه لهم الحريه يطالبون بحقوقهم واذا لهم حق ياخذونه بالقانون ،،،،، :)

Da Citizens
28-02-2011, 15:45
والله مال امحطهم كف واحد واحد , حمدوا ربكم بس ..

اللي قهرني واحد يبي جنسية :/ اذا البدون اللي شاركوا بالغزو ماتجنسوا انت تجنس ( أشكررررة عشان الالف ) التعبان غثني والله

( وردة احمد ) اكثر وحده غاثتني والله مال خيزرانه املحة و طق فيها

Ali Alqallaf
28-02-2011, 15:50
ههههههههه
اذكر مرة على ايام اولى ثنوي
استاذ قال المفروض معاشنا يكون نفس معاش المدرسين الكويتين
قلتله جم معاشك يوم كنت بمصر ولا يطردني من الصف
واحد ثاني ساله جم ولا يقوله 300جنيه هههههه
ولك هذيل والله ملوت تسفير :\
يدرون ممنوع المدرسين الخصوصين
يحطون بالوسيط

Ali Alqallaf
28-02-2011, 15:52
من حق كل انسان ان يعيش حياه كريمه ،،،،،


ليش هـ النظره العنصريه للناس ،،،،


يعني اذا مو كويتي ماله حق يطالب بحقوقه مثلا ،،،،


وبعدين مسألة نعطيهم معاشات هذي مقابل تعبهم وجهدهم مو عشان سواد عيونهم ،،،،


بالنهايه لهم الحريه يطالبون بحقوقهم واذا لهم حق ياخذونه بالقانون ،،،،، :)



بديرتهم مايسون فلس وهني يايين يتشرطون:)
والله هذيل لحد يعطيهم وي
المفروض يقولولهم عاجبك عاجبك مو عاجبك بلعنتين اذلف ديرتك

Firenze
28-02-2011, 15:56
اليوم بـ برنامج تو الليل راح يناقشون هالقضيه ..

Miss SpoRtya
28-02-2011, 16:09
اشفيكم حارقيــن نفسكم !!!

احنا دولة الحــريه !!!

يعنى كل واحــد يبى يطالب خــل يطــالب على رااحــته

مافى حــق يضيع عنــد بو ناصر واذا لهــم حق بياخــذونه

بس من وجت نظرى انه يعطونهم حقووقهم اذا مدرستنا بس فيها مدرستين فيزياء حق مدرسه كامله !!!!!!


(( هــذى الكـــويت وصــــل على النبــــى )) :p

M.Qassem
28-02-2011, 16:49
دشوا ..

http://www.facebook.com/#!/pages/%D8%A7%D9%84%D8%B1%D8%AF-%D8%B9%D9%84%D9%89-%D8%AC%D9%85%D8%B9%D9%8A%D8%A9-%D8%A7%D9%84%D9%85%D8%B9%D9%84%D9%85%D9%8A%D9%86-%D8%A7%D9%84%D9%88%D8%A7%D9%81%D8%AF%D9%8A%D9%86-%D9%81%D9%8A-%D8%A7%D9%84%D9%83%D9%88%D9%8A%D8%AA/138908216176088

● شــمــوخ ●
28-02-2011, 17:55
اي حقوق يبونها بعد!! مالهم حقوق الا اللي ياخذونها!!


وعلى شنو ازيدهم .. شن السبب اني ازيدهم ... شنو الكويت تصرف على عيال الديرة وعيال غيرها .. وين قاعدين ؟؟


عبالهم مشوا امورهم بالقوترة بيمشون كل شغلهم جذي .. خل يستريحون..


اتمني لو انهم يسوون معارضة اي واحد منهم يسفرونه .. مثل ماصار بالمظاهرات .. تسفير على طول..

مو كفو نعمة!!

M.Qassem
28-02-2011, 18:41
فهل تقدم وزارة التربية والتعليم على تلبية مطالبنا المشروعة والمتمثلة فيما يلي :

- رفع بدل الإيجار إلى 180 دينارا أو توفير السكن الملائم للمعلم الوافد أعزب كان أم متزوجا كما هو معمول في أكثر من دولة خليجية .
- زيادة راتب المعلمين بما يتواءم وارتفاع تكاليف المعيشة في الكويت وليس أقل من مساواتهم مع المعلمين الخليجيين .
- إقرار زيادة سنوية للمعلم .
- إلغاء القرار الذي يلزم المعلم بأخذ ورقة " الخروجية " كلما قرر السفر إلى بلده .
- صرف بدل تذاكر طيران سنوية للمعلم وأسرته كما هو متبع في دول الخليج الأخرى .
- صرف بدل أثاث مرة واحدة .
- تخيير المعلمة بين السكن في العمارات المخصصة من قبل الوزارة أو أخذ البدل عن ذلك .
- رفع مكافأة نهاية بدل الخدمة بحيث يعطى المعلم ما قيمته راتب شهر عن كل سنة منذ لحظة تعيينه .
- العمل على تحسين صورة المعلمين الوافدين من خلال الدفاع عنهم أمام الجهات التي تسيء إليهم تماما مثلما تفعل الوزارة في القضايا الأخرى .

● شــمــوخ ●
28-02-2011, 18:48
^^^^

يا سلام !! بقى شي بعد!!

بدام وايد عجبتهم دول الخليج .. يروحون يشتغلون هناك ليش قاعدين هني ويتذمرون!!

7mni al-Q8
28-02-2011, 19:18
يطالبون بالمساواه مع دول الخليج !!

ليش ما يروحون يشتغلون بدول الخليج !!

ما بقى الا اهم بعد :@

7mni al-Q8
28-02-2011, 19:34
حسبه تقريبيه !!

معاش الوافد "المدرس" اول ما يجي للكويت 450 دينار ...تدرون "اكل " هالوافد بالشهر ما يتعدى الـ 50 دينار هذا اذا ذبح روحه !! واقدع شقه "اذا معاه عايلته " بـ 200 دينار باقي 200 دينار واذا كان عزابي غرفه vip بـ 60 ..

للمتزوج يبقى صافي من معاشه 200 دينار غير الخصوصي الي اقل شي بالشهر 50 دينار .. يعني يبقى صافي من معاشه "شلنا السكن والماجله " يصفى له 250 دينار .. الـ 47 دينار يعني 1000 جنيه ..

يعني لو نقول الصافي 250 يعني 5318 جنيه بالضبط :) معاش وزير عندهم :)

قول نشيل منه 50 زقاير وبانزين وكذا وكذا يعني الصافي له 200 دينار يعني 9425 جنيه .. 9425 × 12 =113100 جنيه :)

113100 × 2 = 226200 ..

يعني خلال سنتين يشتري له شقه تمليك بمصر :) !!

اقل مدرس يقعد عندنا 20 سنه .. 113100 × 20 = 2 مليون 262 الف :) يعيش ملك الملوك هناك ..

لاحظوا كل حسبتي على "الصافي " من معاشه .. يعني هالفلوس كلها بجيبه .. غير فلوس "ماجلته والسكن " :)

وربي احنا مدلعينهم ..

الكويتي يشتغل 20 سنه واخرتها يصفى على معاش التقاعد :)

7mni al-Q8
28-02-2011, 19:37
+

لو يقعد يشتغل بدولته مو 20 سنه لو يشتغل 50 سنه .. بالنهايه ما يقدر يجمع حتى 500 الف جنيه :)

El pipita
28-02-2011, 19:45
دروس خصوصيـه 50 بالشهـر ؟
مسكيــن إنت يالظفيـــري :p ..

المصري عادتـاً يبلش الخصوصي ماله 4 او 5 العصر ..
ليــــه 10 بالليـــل ..

يعني تقريبـا 6 ساعات باليوم .. يعني 60 دينــار باليوم !
هذا غير الي بعضهـم ياخذ 300 دينـار كاااااش على اساس انه بيعطيك كورس ..

M.Qassem
28-02-2011, 19:49
بداية ً .. الكويت عندما استقدمت المعلمين الوافدين تعاقدت مع "افراد" ذكورا ً كانوا ام اناث .. ولم تتعاقد مع الافراد و "عائلاتهم" ..

معنى ذلك بشكل اوضح ..
ان الكويت عندما تتفق و تبرم تعاقدات مع "900 معلم" .. فهي تكفلت بـ الرعاية السكنية و الطبية لـ "900 فرد" فقط .. وليس "900 + س" ..
والـ رمز "س" هنا يعني عدد غير معلوم .. وهو عدد "افراد عائلات المعلمين"

وبشكل اوضح اكثر ..

عندما نتعاقد مع "سائق" لقيادة السيارة .. فهو يقوم بعملية رعاية الحديقة و تنظيف السيارات و رعاية الـ"حوش" ..
راتبه يقدّر بـ "120 دينار" ..
هذا السائق .. على الرغم من مشقة عمله المتواصل من الصباح الباكر الى المساء ..
لم يطالب بـ زيادة راتبه كونه "يملك عائلة" .. او لم يطالب بـ "الاتيان بـ عائلته الى الكويت" ..
وحتى ان طالب .. فـهو لا يلزم صاحب المنزل او "الكفيل" بـ التكفل بـ تعليمهم و علاجهم .. الخ

وكذلك الخــَـدم ..
فمامن بيت ٍ في الكويت يخلو من الخدم ..
فمامن خادم ٍ اتى الى الكويت .. طالب المخدوم بـ "اسكان عائلته و التكفل بعلاجهم و .. الخ"

ومن هنا .. ومما نفهم من الامثلة السابقة ..
الكويت تعاقدت مع "معلمين" وكفلت لهم كل وسائل و سبل الراحة .. ولم تتعاقد مع "المعلمين و عائلاتهــــــــــــم" ..


"بدل السكن" المقدم من وزارة التربية .. = 60 دينار ..

الـ"60" دينار كافيـة تماما ً للعيـش معيشة كريمة للمعلم الذكـر ..
فـ لو اخذنا جولة ً في جريدة الوسيط .. نرى اعلانات بـ "الهبل" عن طلب "مشاركة سكن" ..
و مشاركة السكن تكون في حدود الـ 60 دينار شهريا ً .. او اقل ..
وهذا بالنسبة لـ "الذكر الذي تعاقدت معه وزارة التربية" ..

اما بـ النسبة لـ "الانثى التي تعاقدت معها وزارة التربية" ..
فقت قامت الوزارة مشكـــورة ً بتوفير سكن مناسب جدا ً و كريم جدا ً للمعلمات .. في عمارات الوزارة المخصصة لذلك .. و التي تسمى بـ "سكن المعلمات" ..


فـمن أين جاء طلب الـ 180 دينار الخيالية لـ "بدل السكن" ؟! ..
وزارة التربية تعاقدت مع افراد ولم تتعاقد مع "الافراد و عائلاتهم" ..
فهي بالتالي قائمة بدورها على اكمل وجه مع الوافدين الذين تعاقدت معهم ..

فما ذنب الوزارة ان كان "الوافد" يريد الاتيان بعائلته ؟ ..
هل تعاقدت الوزارة مع الوافدين و "عائلاتهــــــــــم" ؟

عناية الوزارة بـ الوافدين تقوم على المصلحة المتبادلة ..
انفعك و تنفعني ..

الوزارة تقوم بـ اعطاء المرتبات المجزية للوافدين .. في حين يقوم الوافد بـ تدريس ابناء الوزارة ..
وهنا يتبادر لنا سؤال اخر ..
مالذي تستفيده الوزارة من "عائلات الوافدين" ؟ وما دورهم في البلاد ؟ ..

في المقابل .. لم تقصّـر الوزارة ابدا ً .. بل جعلت التعليم لـ "ابناء الوافدين" مجانيا ً في مدارسها ..
مدارسها التي تتكلف فيها الوزارة مبالغا ً طائلة تـصرف لـ اجلاس الطالب الوافد في فصــل واسع شرح مكيّـــف .. يحتوي على "صبّورة" و ليس "طباشير" .. صف مصبوغ يفتح النفس ..
بالاضافة الى حق العلاج في المستوصفات بكل كرامة و بكل نظام و هدوء .. في مستشفيات نظيفة على مستوى صحي عال ..

الكلام السابق .. يدحر مطالب المعلمين الوافدين بـ زيادة بدل السكن ..


ارتفاع تكاليف المعيشة في الكويت ؟ ..
اي تكاليف المعيشة تلك التي ارتفعت ؟ ..
الطعام و الشراب لا يزالان على اسعار ٍ زهيدة ممتازة .. ولو اردت المقارنة مع الخليج .. لكنت انت الخاسر الاكبر في تلك المقارنة :) ..
ولو قارنتها مع بلدك لرأيت التشابه الكبير في الاسعار الزهيدة ..

تكاليف المعيشة تتمثل في ؟ ..
الاكل .. الشرب .. الحركة .. الرفاهية ..

الاكل والشرب لم يتغيرا في الكويت ..
الصمونة بـ 100 فلس .. الماي بـ 100 فلس .. الببسي بـ 75 فلس ..

الحركة ؟ .. سعر البانزين في الكويت + اسعار السيارات ممتازة جدا ً ..

الرفاهية ؟ .. عزيزي المقيم و الوافد .. بهذي معاك حق ! ..
سعر الايباد صاك نار ..
والحين الماك بوك .. رفعوا سعره ..

لكن عزيزي .. هل الوزارة مسؤولة عن رفاهيتك ؟ ..
انت آت ٍ للكويت للعمل ام الرفاهية ؟ ..


زيادة سنوية ؟ .. على اي اساس ؟ ..
لكل طلب اساس معين .. ماهو اساس هذا الطلب ؟ ..


بـ النسبة لـ "ورقة الخروجية" ..
فـ الأمر واجب ..
المعلم له واجبات في عمله .. و المدرسة ليست على "اهواء" المعلم يجريها كما يشاء ..
ورقة الخروجية مطلوبة .. وليس هناك تعسف في توقيعها على اي حال .. و هالحجي اقوله من تجربة شخصية كون الاهل مسؤولين عن هالموضوع ..


صرف بدل تذاكر طيران للمعلم .. ممكن نقبلها ..
و لكن ليش كل سنة ؟ .. انا تعاقدت مع المعلم لـ "عدد معين من السنين" ..
في حالة وجود هذه "المميزة" في العقد .. فـ تاخذ تذاكرك او البدل مالها و احنا نضحك ..
لكن مدامه مو موجود .. ليش ماطالبت فيها بعقدك ؟ .. لمن وقعوا معاك ؟ ..

"صرف بدل تذاكر طيران لـ"اســــــــرة" المعلم"

عزيزي .. الوزارة والكويت ليســـــــــــــتا مسؤولتان عن اسرتك !! .. فـ العقد لم يوقع معهما !! ..


بدل اثاث ؟! .. مالذي يمتلكه المعلم كي يؤثثه ؟ .. غرفة ؟ ..
العقلانية بالطلبات واجبة .. بدل اثاث مرة وحده عاد ؟! ..

"او اخذ البدل عن ذلك" ؟ ..
الوزارة مسؤولة عن المعلمة كونها انثى .. و اسكنتها في عمارة خاصة لـ الاناث ..
ان لم ترد ذلك فـهي تخرج من مسؤولية الوزارة لـ تدخل في مسؤوليتها الشخصية .. وهذا الامر لايجب على الوزارة تحمله ..


على اي اساس رفع مكافأة نهاية الخدمة ؟ ..

من هي الجهات التي تسيء اليهم ؟! ..


في الكويت .. المستوى المعيشي يلائم الراتب الذي يتقاضاه المعلم ..
في اوطانكم الاصلية .. الراتب لا يلائم المستوى المعيشي ابدا ً .. على الرغم من تواضع كليهما ..

فـ لو تقفوا لوهله .. و تشاهدوا النعمة التي انتم فيها حاليا ً .. و تشكرون الله عليها .. لكان ذلك لحالكم .. افضل ;) ..

ومن لم يعجبه الحال .. فـليقدم استقالته و يخرج من الكويت مخيرا ً الى وجهته القادمة .. ايا ً كانت .. غير ماسوف ٍ عليه ..
فـالعالم زاخر بـ الراغبين في العمل .. في درة الخليج .. و التمتع بالامتيازات التي تستحقرونها ..

والطمـع متى يه ؟! .. بعد المنحـــة ! :) ..
لا اله الا الله ..


كتبت الرد بهاللغة لاني بحطه لهم بالفيسبوك بعد ..
والله مايستحون ..

M.Qassem
28-02-2011, 19:53
الظفيري ..
مسكييييييييييييييييييييييين حدك ! ..
مدرسي الرياضيات و الفيزيا و الكيميا و الانغليزي و العربي .. يطلعـون ذهب من الخصوصي ..
والله العظيم معاش مو اقل من 1000 شهري ! ..

الحين احنا بـ 12 .. مدرسين الكيميا على 400 "الكـــورس" ..
الكورس = حصتين اسبوعيا ً .. كل حصة بـ ساعتين او ساعة ونص ..
يعني ييلي 3 ساعات كل اسبوع .. و ياخذ مني نهاية الكورس 450 دينار ..

عايشين ملوك ملوك ملوك ..
وفوق هذا مو عاجبهم

7mni al-Q8
28-02-2011, 20:12
بيبيتا و حمود :

لوووووووووووووووووووووووووووووووووووول من قلب ! انا حاسبها على 50 بالشهر !! طلع 50 باليوم :eek: يعني جم يطلع له صافي بالشهر فوق الـ 700 دينار :eek: ..


يصير اشتغل مدرس خصوصي :D

MR.net
28-02-2011, 20:19
دروس خصوصيـه 50 بالشهـر ؟
مسكيــن إنت يالظفيـــري :p ..

المصري عادتـاً يبلش الخصوصي ماله 4 او 5 العصر ..
ليــــه 10 بالليـــل ..

يعني تقريبـا 6 ساعات باليوم .. يعني 60 دينــار باليوم !
هذا غير الي بعضهـم ياخذ 300 دينـار كاااااش على اساس انه بيعطيك كورس ..





اهم شي 4 لي 10 :p

قبل سنيتن استاذ الفيزيا كان ايي لي الساعه 2:30 العصر كل اثنين
السبت الساعه 9 الصبح عند باب بيتنا
الكيميا يوم اليمعه 8:30 الصبح

مدرس الفيزيا يقول لي اخلص خصوصي الساعه 11 بليل

السنه الي طافت ولد عمتي ياب له مدرس خصوصي بليلة فاينال الرياضيات طلع من بيتهم الساعه 12:30 بليل

طول يومهم يشرحون خصوصي
وقت الدوام مالهم خلق
شحقه يتعب نفسه عشان 450 دينار واهو يطلع 3 اضعافهم بالخصوصي

7mni al-Q8
28-02-2011, 20:25
^^

باختبار الفيزيا هالسنه الشهر الاول .. طلعت من المدرسه على الـ1,30 والمدرس جاني الساعه 2 :confused: متى طلع من المدرسه متى تغدى ومتى جاء !! :confused: عفيه دماغ ما يتعب :P

مدريدي_حمود
01-03-2011, 03:29
فيه مدرس خصوصي يدرس ولد عمي فيزيا
يخلص من دوامه بالمدرسه وحده ونص
يروح بيته يتغدى ويطلع يدرس خصوصي لي ال12 بالليل شوف جم يطلع

ذيـبـان
01-03-2011, 04:31
ما ادري ليش حاسدين خلق الله ؟

فقارى ومتغربين عن ديرتهم وأهلهم ويكدون من الصبح إلى الليل وهم يدرسون ..

والكويتي بديرته وبين أهله ويداوم من الصبح للظهر يقط الكورة بالصالة ويقول للطلاب يالله ألعبوا وآخر الشهر ماخذله 900 دينار !

هذا غير اللي بالمكاتب لا شغل ولا مشغله وغير اللي مقزرها بالبيت وهو على دعم العماله ..

احمدوا ربكم على النعمه وخلوا عنكم الحسد والعنصرية البغيضة وحبوا لإخوانكم المسلمين ما تحبونه لنفسكم ..

مدريدي_حمود
01-03-2011, 04:38
ما ادري ليش حاسدين خلق الله ؟

فقارى ومتغربين عن ديرتهم وأهلهم ويكدون من الصبح إلى الليل وهم يدرسون ..

والكويتي بديرته وبين أهله ويداوم من الصبح للظهر يقط الكورة بالصالة ويقول للطلاب يالله ألعبوا وآخر الشهر ماخذله 900 دينار !

هذا غير اللي بالمكاتب لا شغل ولا مشغله وغير اللي مقزرها بالبيت وهو على دعم العماله ..

احمدوا ربكم على النعمه وخلوا عنكم الحسد والعنصرية البغيضة وحبوا لإخوانكم المسلمين ما تحبونه لنفسكم ..


احنا مانحسدهم
انت ماشفت طلباتهم والله تخلي الصاحي مجنون
واحد يبي بدل اجار وواحد بدل اكل وواحد تذاكر سنويه وواحد يبي بونص
يعني الواحد منهم يطلع دبلات راتبه من التدريس الخصوصي
مو تارس عينه معاش التربيه خل يذلف بديرته اللي الوزير عندهم مايصك معاشه 100 دينار

طـويل الـعمر
01-03-2011, 05:04
صج " قزروها " ما صارت شالمطالب أعتبرها " مبالغه كبيره " منهم

مشكلتهم يبون ياخذون مثل المواطن الكويتي ويبون يحطون راسهم براس بالمواطن

ومو كافي عايش بأمن وأمان وعندهم وظايف يترزقون منها ويتزوجون ويعيشون عيشه كريمه

مو كافي قاموا يروحون كل مكان يروح له المواطن من سينما ومجمعات ومطاعم كشخه وغيره

شنو أكثر من جذي ؟ خل يحمد ربه عايش بالكويت بأمن وأمان ولا يرجع لديرته ويذوق المُر

أهم شي بدل إيجار وبدل مادري شنو .. قزرت صراحه @:

روز الاصفر
01-03-2011, 12:01
متى استعبدتم الناس وقد ولدتهم امهم احرار

البعض مستكثر حتى يروحون السينما والمجمعات وستار بكس على ابو انك وافد لايحق لك ما يحق للكويتي

استغفر الله واتوب اليه

7mni al-Q8
01-03-2011, 14:51
ما ادري ليش حاسدين خلق الله ؟

فقارى ومتغربين عن ديرتهم وأهلهم ويكدون من الصبح إلى الليل وهم يدرسون ..

والكويتي بديرته وبين أهله ويداوم من الصبح للظهر يقط الكورة بالصالة ويقول للطلاب يالله ألعبوا وآخر الشهر ماخذله 900 دينار !

هذا غير اللي بالمكاتب لا شغل ولا مشغله وغير اللي مقزرها بالبيت وهو على دعم العماله ..

احمدوا ربكم على النعمه وخلوا عنكم الحسد والعنصرية البغيضة وحبوا لإخوانكم المسلمين ما تحبونه لنفسكم ..


غلطان حجي !! تدري شنو مطالبهم !! يبون مساواه بينهم وبين الكويتي !! قاعدين بديرتنا ومسوين زحمه لنا .. وما يشرحون لعيالنا عدل عشان يمزجون بالدروس الخصوصيه :) ويطلعون اكثر من معاش الكويتي ويبون زياده بعد .. صج ان لم تستحي فأفعل ما شئت !

تدري معاش المدرس هني = تقريبا معاش وكيل وزاره ان ما كان وزير هناك :)

قدساوي-17
02-03-2011, 12:10
هذا الرابط رد عليهم من اهل الكويت

http://www.facebook.com/pages/%D8%A7%D9%84%D8%B1%D8%AF-%D8%B9%D9%84%D9%89-%D8%AC%D9%85%D8%B9%D9%8A%D8%A9-%D8%A7%D9%84%D9%85%D8%B9%D9%84%D9%85%D9%8A%D9%86-%D8%A7%D9%84%D9%88%D8%A7%D9%81%D8%AF%D9%8A%D9%86-%D9%81%D9%8A-%D8%A7%D9%84%D9%83%D9%88%D9%8A%D8%AA/138908216176088

عليهم عليهم :D

M.Qassem
02-03-2011, 15:46
ياجماعة اللي قاعد يسوونـه مصخرة بالديرة ..
قاعد ياخذون سياسة "لي الذراع" .. قاعدين يلوون ذراغ وزارة التربية !! ..
يقولون نستقيل ولا ترفعون الرواتب ! ..
روحوا باللي مايحفظكم !!

gzooom
02-03-2011, 15:56
اي والله ^^ اتمنى من الوزارة اي واحد يعارض تسفرة ديرتة

Ali Alqallaf
02-03-2011, 16:05
ولد عمتي طول هالكورس مدرس كيميا ومدرس فيزيا ومدرس رياضيات
اخرتها ناجح بكل المواد الا هال3 خخخخخ

مرة صاحبي كان اييله مدرس ولا يطلع محاسب شهالمصخرة:\
العتب على وزارة التربية الي تخليهم يحطون اعلاناتهم بالوسيط

××kazmawey××
02-03-2011, 19:25
شباب دوروا مدرسينكم
أنا شفت اسم مدرسي موجود معاهم :p

gzooom
02-03-2011, 19:32
المشكله يقولون ماراح نداوم إذا ما زادو معاشنا :mad: الطلبه يبونه من الله هالكورس شكله خربان لول 3 اسابيع عطله والمدرسين راح تقزر:D:p
من زين شرحكم الله يعافي الخصوصي :mad:

عمر
02-03-2011, 19:58
شافو الالف والزيادات قالوو سبيل
راتبه اهني عن راتب 4 مدرسين + 3 رؤساء اقسام + ناظر + مدير منطقه تعليميه بمصر
ويطالب بزيادات بعد
انا لو مسؤول اصرح تصريح عاطفي وانه بنفذ مطالبهم واجتمع معاهم واجمع اسماء اللي يطالبون وابعاد
اخليهم يروحون هناك ينكرف من 6 الصبح لي 2 الظهر على مكروباص وبليل يشتغل تكسي ويستلم اخر الشهر 20 دينار
يقعد طول عمره يتحسف باللحظه اللي فكر فيها ومنها يكونون عبره للي يفكرون مثل تفكيرهم ويرفسون النعمه

Madridista4eveR
02-03-2011, 20:09
محد غصبه يشتغل .. اهو يشتغل حسب عقد وافق عليه بكامل قواه العقليه ..

والحكومه ماقصرت معاهم كذا مره يزيدونهم ..

اللي مو عاجبه شغل الحكومه .. خل يشد حيله ويروح قطاع خاص

هناك حاله حال الكويتي ..

واللي موعاجبه الاثنين مو ملزوم يعقد ابدا .. رحم الله من زار وخفف

،،

T0TTI
02-03-2011, 20:15
ياعمي محد أسسنا بالإنجليزي غلط غيرهم ..
مانسى هالجملة ليلحين Z mzr and z fazr go to gzr to z zoo
يعني the mother and the father go together to the zoo .. طا الفرق
يبون مساواتهم بالمواطنين .. مايصير !!
شهالمطالب الغبية هذي !
الله ماكثر الفلسطن والسوريين .. صج نفسيتهم مرض بس يمشون الحال

mQ8
02-03-2011, 23:21
ترى والله الغلط من الوزارة كل المواد نفس الجنسيه ..

انجليزي أغبياء جدا ..

وثانيا في شغله فكرت فيها اللحين فاتحين الباب للخليجين مثل السعوديين والعمانييين يشتغلون بالتدريس في الكويت بس المشكله في مواد محدده مثل الدين والاجتماعيات وهالسوالف !!

ياخي عندكم العمانييين احسن ناس بالعرب في اللغة العربية وشوف ياكثر شعراء الفصحه عندهم وقوة المادة واتحدى اذا كلامي مو صح وناس حلوين والعطاله زايده ليش ما تجيبهم الوزارة ؟؟ على الاقل فلوسنا لجيرانا مو للي خربوا عيالنا ..

وبنفس الوقت ما ننكر ان المصرييين اقوياء في مواد مثل كيمياء - احياء - فيزياء - رياضيات , لكن المواد الثاني في بدائل احسن مثل ما قلت وامن للمستقبل

وشكرا

7mni al-Q8
03-03-2011, 01:49
المصرين كم واحد بيحتج !! 10 الاف :)

5 الاف من الاردن 5 من الخليج وخلصنا !

ولحد يقول ماكو موظفين من الخليج اغلبهم مدرسين ويشتغلون بأماكن ووزارات غير التربيه !!

وخل المصري يطحس بمصر :)

El pipita
03-03-2011, 02:11
جان زين يفهمـون عاد .. نصهـم اغبيـا !
و لكـم في مجــدي و رزق مثـال :d ..

Bo alFoz
03-03-2011, 02:34
الي مو عاجبه الحال يطس ديرتـه

Hernan Crespo
03-03-2011, 04:37
خلهـم يتظاهـرون وشوفـوا الداخليـه شتسـوي فيهـم بتـدش عليهـم بيت بيت , دار دار , زنقـه زنقـه ....

لاتحاتـون هذولـي الوافـدين بننصـب خيامهـم لكـم في ميـدان التحريـر

الجنرال
03-03-2011, 09:37
يطلعون أكثر من الكويتين بالدروس الخصوصية ويبون زياده يستريحون بس بديرته مو لاقي يأكل ويجي عندنا ويهايط صج طمع

DASHTAWIA
03-03-2011, 10:43
بما اني مدرسه راح اقولكم شنو الوضع اللي حاصل ..
بقسمنا فيه 5 مدرسات 3 اجانب و2 من الجنسية المصرية ..
وحده منهم للامانه تدرس بضمير .. ( اول ما تعينت كنت احضر لها حصص )
الثانيه شوف عيني تدرش مترجم قوقل تطلع معاني الكلمات .. ومعظم الوقت مقزرتها على باجي المدرسات يساعدونها بالقواعد !!@@
يعني اذا اللي يطالبون بحقوقهم من المثال رقم 2 ، فأي حق تطالب فيه واهي ماتعرف كوعها من بوعها !!
الوزارة تدز حق المدرس الاجنبي " عقد عمل " ولهم مده معينه بالتفكير والموافقه او النقاش اذا في اختلاف على الراتب او اشياء اخرى ..
وايضا السكن الخاص للمدرسات مأثث بالكامل .. صج ان اثاث بسيط ولكن يفي بالغرض وبعدين اهيا يايه تشتغل مو يايه منتجع ..
اظن ان الوزاره ما اظلمت احد معاها ومثل ماقال اخ هني ان الوزاره تعاقدت مع " فرد واحد " مو مع اسره كامله .. والوافد قبل لا ايي وافق على العقد بكامل قواه العقليه .
ولا يعني وافق بس عشان يطب الديره وبعدين يغير رايه !!
نقطه اخيره واتمنى ان محد يفكر ان حسد ولا شي الحمدالله شايفين خير .. ان معظم المدرسات الوافدات بسوق الذهب يفترون وماشاءلله ماعليهم قاصر !! اي غلاء بالاسعار اللي يواجهونه اذا يشترون ذهب ؟ يعني تشترين ذهب ما تقدرين تشترين ماجله ؟؟ او تدفعين اجار السكن ؟؟
بس الظاهر ان بعدين راح يعرفون ان السكوت احيانا من " ذهب " :)

ReDs Q8
03-03-2011, 20:08
حصــه وحده بـ اليوم .. لمدة شـهر هذي 300 دينـار !
غيـر المعــاش 400 و كسور .. جم صار ؟ 700 دينار !
هذا بس اذا كان فقير و مومعروف .. طبعاً أغلب المدرسيه معدل الحصص
بـ اليوم 5 حصص فـ جم يصير بالشهر ؟ 1500 غيـر المعاش .. لوول
ولا وزير بديرتهم ,, على فكره أقصاهم 4000 ألف مدرس و أغلبهـــم
داشين عبط , نظام معاهم معاهم عليهم عليهم .
:)

7mni al-Q8
03-03-2011, 20:29
اخواني المعلمين الاعزاء اليكم بعض الحقائق الهامة عن وضع المدرسين في دولة الامارات العربية المتحدة والتي انصح كل مدرس وافد ليقدم فيها من الان والتقديم عبر مواقعهم على الانترنت والتى سوف اذكرها لكم بالتفصيل في هذا التعليق, واليكم تفاصيل ماصدمت به في الامارات : ذهبت في اجازة نصف العام لزيارة أخي الذي يعمل بأبوظبي ومعرفش قلت ما تروح تسال عن مميزات المدرس في وزارة التربية وذلك لاعجابي الشديد بالبلد هناك والاهم من ذلك حب الشعب الاماراتي للشعب المصري وتعامله معه بالسماحة والاحترام مش زي ما بيعاملونا هنا كما الهنود واحنا اللي شايلين الشغل كله في جميع الاقسام وهما طول اليوم قاعدين يتجهوو(يشربوا القهوه)والشاي واطباق الحلو وإلا الفطاير مقولكش والحصص الاحتياطي يشيلها المصري وتنظيم الطابور المصري والكنترول يعملوا المصري وحتى التمييز في جدول الحصص دايما تلاقي جداول الحصص الاخيرة للمصري وبعد كده كمان مستكترين علينا حقنا ان غربتنا يكون لها تمن . مهو لازم يبقالها تمن .احنا عايشين في كدبة كبيرة كل البلد هنا مظبطينها ان الوافد يصرف كل اللي بيكسبوا فيها من سكن غالي يتعدى 200دك واكل وشرب لو انتى اسرة مكونة من اب وام و3 اولاد زي مش حتصرف اقل من 200 اكل وشرب ادي 400 دك يبقى فاضل 30 دك من الراتب حنجيب بيه بقى ملابس للعيال واللى قسط السيارة واللى بنزين السيارة واللى تذاكر السفر اخر السنة واللى ايه بالضبط . وبيلومو عليناا اننا بندي دروس محنا لازم ندي دروس امال حنعيش منين وهما مش عارفين ان هما اللى لما ينزلوا مميزات المدرس بينزلو مستوى تعليم اولادهم طاب والعلاج تروح مستوصف الاسنان مثلا تلاقي كل الخدمات المكلفة قاصرة على الكويتي وانتى يا وافد روح اعمل سنانك بره يا أخي ده حتى اجازة الوضع والأمومة للسيدات المعلمات الوافدات شهر والمعلمة الكويتية شهرين ليه يعني المعلمة الوافدة بتولد فأر والمعلمة الكويتية بتولد بني آدم. وبعدين ييجوا يقولوا علينا احنا حاقدين لا احنا مش حاقدين انتم اللي تصرفاتكم تجعل النفس تحس بظلمكم يعنى لما بيظل راتب الوافد كده والكويتي ياخد الزياده فقط ويجي التجار يغلوا لما يغلوا بيغلو على الكل يبقى ده هو العدل بتاعكم . المهم نرجع لموضوعنا ايه هو وضع المدرسين في الامارات بأبوظبي:

1- للمدرس راتب اساسي وقدره ستة عشر ألف درهم اماراتي .تاني للي مش مصدق ومسمعش 16000 درهم اماراتي والدينار ب 13 درهم يعني 1230 دينار كويتي ولو بالجنيه المصري الدرهم بجنيه ونصف يبقى أربعة وعشرون الف جنيه . والله انا اتصدمت لما عرفت .مش الاخ اللي زعلان لما مدرس مصري بيقول ادونا 500 دك و350 بدل سكن وزعلان اوي خليه يقعد ويسكت لانه مغيب ومش متابع الدنيا

2- الصدمة التانية : سكن حكومي سواء للمعلم المتزوج او المعلمة المتزوجة. تاني يعنى سواء معلم او معلمة بتاخد سكن حكومي بمقابل ألف درهم اماراتي شهريا وإذا لم يتوفر السكن الحكومي . وركز بقى في اللي جاي :تدفع لك الوزارة بدل سكن ستون الف درهم اماراتي في السنة . نعم بكرر 60000 الف درهم اماراتي في السنة يعني اقسم على 13 يبقى 4600 دينار كويتى . نعم اربعة الاف وستمائة دينار كويتى يعنى بواقع بدل سكن 383 دينار كويتى شهريا وخللى بالك انتى حر تسكن بكام وعلى فكرة هناك السكن غالي وبالسنة مش بالشهر يعني في ابو ظبي الشقة غرفتين وصالة زي اللى بتتاجر هنا ب200 دينار تاجرها هناك ب 45000 الف درهم في السنة يعني كمان بتوفر من بدل السكن 15 الف درهم اماراتي

3- الصدمة الثالثة: بدل تأثيث شقة (منحة غير مسترده) ثلاثون الف درهم اماراتي يعني
اقسم على 13 يبقى 2307 دينار كويتي .


هـــــــــــــــــــــــــــا نخش على الصدمه الرابعة واللى كفاية

4- تذاكر سفر مجانية على الخطوط الاماراتية مرة في السنة للمعلم اوالمعلمة والزوجة وولدين يعني لك اربعة تذاكر رايح جاي في السنة مجانا.

5- تعليم الاولاد مجانا في جميع مدارس الامارات وبدل حضانة للطفل يعني المقصود مصاريف الحضانة 6000 درهم في السنة يعنى حتى مصاريف الحضانة لولادك مدفوعة.

6- احتساب سنين الخبرة وليس الراتب مقطوع


ملاحظات :دولة الامارات دولة جميلة جدا والحياه فيها رخيصة جدا ماعدا السكن هو أغلى حاجة فيها واغلى من الكويت في السكن لكن طالما المدرس بياخد بدل سكن هناك يبقى هناك هو المستقبل كما ان هناك منتزهات وحدائق وملاهي واسواق ومن الاخر اجمل من الحياه في الكويت ميت مرة وكما وهناك ملاحظة مهمة وهي ان ابو ظبي مميزة في رواتبها عن باقي الامارات باربعة الاف درهم هبة من الشيخ خليفة حاكم ابوظبي رئيس الدولة يعني الراتب الاساسي في باقي الامارات هو 12000 الف درهم يعني 920 دك اما باقي المميزات كما هي

كل المطلوب انه يكون معاك icdl وشهادة في اللغة الانجليزية اسمها ايلتس بتقدير 6.5 ودي مش صعبة يعنى انا اتعلمت 16 سنة مش مشكلة لما اذاكر ثلات او اربع شهور واخد شهادة الايلتس زي ما اخذت شهادة الاي سي دي ال . ويلاحظ ان شهادة الايلتس الزامية للراغبين في التوظيف في ابو ظبي وافضلية وغير الزامية لباقي الامارات

وهذا ما قررته انا وزوجتي اننا انشاء الله دلوقتي بقالنا شهر بنحضر نفسنا لامتحانات الايلتس و انا اقدر ادلكم على كل المناهج اللي تحتاجوها بخصوص الحصول على شهادة الايلتس .

وياعم ما توجعوش دماغكم هنا والله كفاية بس سماحة تعامل الشعب الاماراتي مع المصري
الله يرحمو الشيخ زايد فعلا هناك الخير زايد وهناك سبع امارات وبلد كبيرة قد الكويت سبع مرات مش كل حاجة هنا يقولك احمد ربك يا مصري او يا مصيري .انشاء الله مصر خلال سنوات قليلة حتبقى فوق رؤوس كل الدول العربية وساعتها انتوا اللي حتتمنوا لو كنتم مصريين زي ماكنتم بتتمنوا ذلك في الخمسينيات والسيتينيات أيام جمال عبدالناصر اللي كان بيبعت المدرسين المصريين يعلموا الكويتين وكل دول الخليج ورواتبهم بتدفعها القاهره مصر ام الدنيا .انتو نسيتو نفسكم واللى ايه ان كنتم نسيتم اللي جرى هاتو الدفاتر تنقرى.

للتقديم في مجلس ابو ظبي للتعليم :
http://www.adec.ac.ae/arabic/pages/default.aspx

للتقديم في وزارة التربية والتعليم الاماراتية:
http://www.moe.gov.ae/arabic/pages/default.aspx

وتضغط على عنوان الوظائف وتملا الطلب على النت مباشرة.


مو جذي يجذبون :hot: 60 الف درهم سكن :/؟

فيديونا يا اهل الامارات ..

7mni al-Q8
03-03-2011, 21:15
توه واصلني برودكاست .. الشيخه امثال الصباح تدعو المعلمين الكويتين للتطوع للعمل في المدارس لحين ترحيل المتظاهرين .. الي بيتطوع يروح لمركز التطوع ..

MR.net
03-03-2011, 21:31
الاردن مستعده تزود الكويت 5000 مدرس

GOAL
03-03-2011, 22:02
يا اخوان انا معاكم انه المدرسين قاعد يطلعون ذهب من ورة الدروس الخصوصية
لكن والي يدرسون اسلامية؟ وحاسوب؟ ودستور؟وديكور وموسيقى؟ والمواد السهلة هذي
لا تقولولي في احد ياخذ دروس خصوصية على هالمواد
400 دينار فعلا ماتكفي حق اسرة لكن لا تفهموني غلط اعتقد انه في طريقة افضل للمطالبة بالحقوق
فأشوف انه زيادة 100 دينار مثلا ماتضر
والمدارس ماتوقع راح تقدر تشيل نفسها بدون هالوافدين خصوصا بمواد مثل كيميا وفيزيا ورياضيات وعربي الي نادرة عند الكويتيين
والتطوع ماراح يفيد لأنه راح يكون مستوى التعليم انزل من ماهو نازل الآن وراح تصير مشكلة كبيرة التعليم من اهم اساسيات الدولة ومايصير تمشيها شغل اي كلام
فنسكتهم بزيادات بسيطة وخلاص شالغلط بالموضوع
وانا اغلب مدرسين الخصوصيين الي كانو ايوون عندي يقولولي لو معاشاتنا اعلى من ماهيا عليه ماراح يدرسون خصوصي وجذي يحطون ضميرهم بتدريسهم بالمدارس ونحل مشكلة الدروس الخصوصية
لاعبالكم انه يدرسون خصوصي علشان يبون يعيشون برفاهية ولا في احد مستعد عقب مايخلص دوامة يروح يشتغل مرة ثانية؟ محد يرضاها إلا المحتاج....

القدساوي المحنك
04-03-2011, 01:18
مدام الأردنين جاهزين ..
سفروهم لابارك الله فيهم .. :p

7mni al-Q8
04-03-2011, 02:00
المحتجين ما راح يوصلون حتى 300 شخص سفروهم ولا يردون وخلوهم عبره للعالم والزلمات موجودين :p

blues q8
04-03-2011, 02:21
مو نقص فيهم ولا تعالي بس هم طلباتهم الصراحه جنون

اذا انت مو عاجبك راتبك هني ليش ما تروح لديرتك وتعطيك



اذكر عندنا مدرس خلص شرح وقعدنا نسولف معاه قام يشكي من عياله يقول الاغلبيه دخلو طب وانا حاولت اقنعهم يدخلون تربيه عشان لما يخلصون يجون للكويت يتعينون لان الراتب هني اقوى قلنا له ليش بالعكس الطب احلى واقوى معاااش قال لا بمصر معاش الدكتور :eek: يساوي بالكويت :eek: 30 دينار الصراحه ما صدقته قلت له معقوله قام يحلف قلت له زين الدكتور المصري هني ياخذ تقريبا 1000 دينار ليش ما يجون قال لا صعبه يجي يتوظف هني لان الكويت هي اللي تطلب من مصر وممكن ما تطلع اساميهم

والصراحه بموضوع الثلاثين مدري اذا كان صادق ولا يضحك



يا غريب كن اديب

القدساوي المحنك
04-03-2011, 02:24
مو نقص فيهم ولا تعالي بس هم طلباتهم الصراحه جنون

اذا انت مو عاجبك راتبك هني ليش ما تروح لديرتك وتعطيك



اذكر عندنا مدرس خلص شرح وقعدنا نسولف معاه قام يشكي من عياله يقول الاغلبيه دخلو طب وانا حاولت اقنعهم يدخلون تربيه عشان لما يخلصون يجون للكويت يتعينون لان الراتب هني اقوى قلنا له ليش بالعكس الطب احلى واقوى معاااش قال لا بمصر معاش الدكتور :eek: يساوي بالكويت :eek: 30 دينار الصراحه ما صدقته قلت له معقوله قام يحلف قلت له زين الدكتور المصري هني ياخذ تقريبا 1000 دينار بيش ما يجون قال لا صعبه يجي يتوظف هني لان الكويت هي اللي تطلب من مصر وممكن ما تطلع اساميهم

والصراحه بموضوع الثلاثين مدري اذا كان صادق ولا يضحك



يا غريب كن اديب

إي لا تستبعد .. ومعاشات المدرسين 17 دينـار هنـاك !
يالله .. شوفوا الفرق .. صج متغربين .. بس الحمدلله نعمه ليش الواحد يشتكي بعد ؟!

BeCkHaM07
04-03-2011, 02:26
فيه مدرسين الــ1000 ديناار شويه عليهم .. و فيه مدرسين ما يستاهلون 100 ......

3li
04-03-2011, 02:40
عاد مشكله اذا احسدونا !

انزين ليش ما يطالبون هالطلبات عن طريق دولهم ؟

اذكر اول يوم دراسي بعد تنحي حسني مبارك ..
استاذنا العربي يقول وضعنا هناك من ناحيه الشغل صعبه
اغلب الفئة العاملة تشتغل على شغلتني او اكثر ..
يعني مثل تلقى واحد يشتغل استاذ و عنده مطعم
قال لو تحسنت اوضاع مصر .. و زادوا معاشاتهم هناك .. ماراح نلقى ولاااا استاذ مصري يدرس بالكويت بعد 4 سنوات بالكثير !

من حقهم يطالبون بزيادات .. بس بشكل معقول !!
و لو فيهم خير صج يطالبون عند دولهم .. ولا حسبالهم فلوسنا زايده !؟

L.Suarez
04-03-2011, 03:04
ياخي زيدوا عدد المدرسين الكويتين وفكونـا من هالنصابين ..

مدريدي_حمود
04-03-2011, 05:28
عندنا استاذ مصري يقول لو يوصل راتب المدرس المصري بمصر مايعادل 100 دينار (ميه دينار) مااقعد بالكويت
+
امس على قناه مدرسه مصريه تدرس بالكويت تقول احنا عايشين بامن وامان والراتب زي الورد بس فيه ناس راح تخرب على ناس

7achm !!
04-03-2011, 05:41
براااااااااااااااااااااااااااااااااااااااااااااااا

al_sh3lee
04-03-2011, 06:53
السلام عليكم


ما دام وصله عقد قبل لا يدش الكويت ووافق على العقد بكل بنوده فمو من حقه يستخدم هالاسلوب ويضغط عالوزاره .,


لو مطالبه بزياده تلميح بزياده قلنا نطوفها لكن صفحه بفيس بوك وإضراب ومادري شنو فيتوكل على الله ويرجع ديرته .,


لكن الوحيد اللي يستاهل زياده ., بو حشاد الله يذكره بالخير احسن وافضل مدرس مر علي بتاريخي الدراسي .,

M!Ss Unbreakable
04-03-2011, 14:13
http://www.alraimedia.com/Alrai/Article.aspx?id=260264&date=04032011

العقد شريعة المتعاقدين ;)

ReDs Q8
04-03-2011, 14:16
إي لا تستبعد .. ومعاشات المدرسين 17 دينـار هنـاك !
يالله .. شوفوا الفرق .. صج متغربين .. بس الحمدلله نعمه ليش الواحد يشتكي بعد ؟!



بس شوف جم سعر السكن و الغذاء بـ الكويت .. !
بشكل عــام مستفيدين وايد حتى لو ماكانو يدرسون بره المدرسه معاشاتهم حلوه !
يعني مدرسين الديكور و الأسـلاميه و إلـخ هم مستفيدين لا تخافون عليـــهم !
بس أهما يطالعون معاش الكويتي إلي يوصل فوق الـ 1000 .. و الفرق بينهم صج كبيــر .
:)

Madridista4eveR
04-03-2011, 22:58
بالنسبه لسالفه التطوع .. وين قاعدين؟

على اي اساس الكويتي يتحمل مصايب الوافدين ؟ لا وبدون مقابل بعد ..

التربيه تدبر عمرها وتعطي الناس حقوقها ..

تبي تمشي المتظاهرين وتبي ناس بديله .. خل تعطينهم مقابل تعبهم ..

آل تطوع آل

،،

IkeR_Casillas
05-03-2011, 02:28
السالفه مو سالفة حرام مساكين و مادري شنو السالفه سالفة عقد ! بالعقد مكتوب دامهم موقعين العقد و راضين بالبدايه ماله داعي يسوون كل هذا .. و من ناحية غلاء الاسعار اي نعم غلاء لكن هم دامك موقع عقد و من البدايه عارف الي لك و الي عليك مالك حق تسوي كل هذا و انت اساساً مو لاقي احسن من هالشي + الاوضاع بديرتك كلش .. مو عاجبك لا تجدد و خلاص توكل على الله و لا تعطل الدوامات و الاوادم .. +البعض منهم مو هامه سالفة المعاش لآنه اساساً يطلع من الدروس خصوصيه باليوم من 10 و ايايم الامتحانات يومياً من 70 الى 120 دينار اضربهم على شهر يطلعله دبل معاشه 3 مرات فماله داعي يوهقون اعمارهم و يستبعدون من الديره عشان هاالشي ,,

El pipita
05-03-2011, 04:36
جــان زيـن حسـام مع المتظاهرين هذول ..
خيشتونـــه نفتـــك من رقعــة ويهه ع الاقل :d ..

مدريدي_حمود
05-03-2011, 05:18
لا للمدرسين...
لا للمدرسه...
لا للدراسه..


واخيرا وليس آخرا لا لوزاره التربيه :p >>> مالي خلق اداوم

shmo5_3zii
06-03-2011, 02:43
اهما ياخذون 450 دينار معاش اساسي

هذا غير الدروس الخصوصية اللي تعدي الآلف بالشهر


حمدو ربكم وشكروه ع النعمة في دياركم ماتحصلون ربع ربع ربع معاشاتكم

واللي مو عاجبه الباب يوسع جمل

ماطاح من النجوم اخف للسما

blues q8
07-03-2011, 07:20
اليوم سبعه مارس

يلا ورونا شنو تبون تسون لان الطيران ناطركم

7mni al-Q8
09-03-2011, 21:56
ماصار شي :p الخوف وما يفعل !