المساعد الشخصي الرقمي

مشاهدة النسخة كاملة : فوز السد على سامسونج ينعش حظوظ الأندية القطرية في زيادة مقاعدها بدوري أبطال أسيا



Qatar2022
19-10-2011, 22:26
http://diwania.alazraq.com/webkit-fake-url://849A05BC-5B68-4936-A91C-2AC37BDD89B5/i.aspx.jpg


ساهم فوز فريق السد القطري 2/0 على سامسونج الكوري في ذهاب نصف نهائي دوري المحترفين الأسيوي اليوم الاربعاء ، في انتعاش أمال الاندية القطرية في زيادة عدد المقاعد التي سيتم تحصيصها لها في بطولة 2012 ، حيث يتوقع ان تساهم هذه النتيجة في زيادة حظوظ السد في التاهل للنهائي الاسيوي لأول مرة منذ عام 88 ، خاصة أن السد سيخوض مواجهة الاياب على ملعبه بالعاصمة القطرية الدوحة يوم 26 اكتوبر الحالي . وسيعقد المكتب التنفيذي للاتحاد الاسيوي اجتماعا له يوم 23 من نوفمبر المقبل بالعاصمة الماليزية كوالمبور، لتحديد المقاعد التي سيتم تخصيصها للاتحادات الأهلية في بطولة الموسم المقبل ، وسيعتمد المكتب التنفيذي للاتحاد الاسيوي في قراره المنتظر على التقارير المقدمة من لجنة التفتيش التي قامت بزيارة الاندية القطرية في بداية اكتوبر الحالي ، والتي يتوقع ان توصي باحقية الاندية القطرية في زيادة عدد مقاعدها لاستيفائها كل المعايير المطلوبة .

ومنح الاتحاد الاسيوي الاندية القطرية مقعدين ونصف في دوري المحترفين الاسيوي للموسم الحالي 2011 ، حيث شارك فريقي الغرافة والريان مباشرة في حين شارك فريق السد في الدور التمهيدي ، ونجح السد في شق طريقه الى قبل النهائي واقترابه من التأهل للنهائي بعد فوزه خارج ملعبه على فريق ساسمونج الكوري ، واذا تمكن السد من عبور مواجهة الاياب بنجاح فان تأهله الى المباراة النهائية سيكون بمثابة تأكيد لحق الاندية القطرية في زيادة مقاعدها في النسخة المقبلة للبطولة ، في ظل النتائج الجيدة التي حققتها هذه الأندية في السنوات الماضية بعد تأهل أم صلال إلى نصف النهائي قبل موسمين وتأهل الغرافة إلى دور الثمانية في الموسم الماضي .

وجاء فوز السد على فريق ساسمونج الكوري لينعش امال جماهيره في التاهل الى النهائي الاسيوي للمرة الاولى منذ فوزه باللقب بنظامه القديم عام 1988 ، حيث يتمنى أن يكون السد اول فريق قطري يتأهل للنهائي بعد فوزه باللقب الأسيوي الوحيد في تاريخ الكرة القطرية .

blues q8
19-10-2011, 22:30
مبرووك للاعب نادي النصر ومنتخب الكويت السابق البلوشي :)


هاردللك اخلاق من الفريقين وخاصه السد اللي سجل هدف بعيد عن الاخلاق الرياضه

Qatar2022
19-10-2011, 22:42
دام انه من الفريقين سو اتس فير!
وفريقنا ماضرب وولا سوى اللي سووه الكوريين، والمخرج اللي حاول قد مايقدر مايعرض اللقطات.

http://cache.daylife.com/imageserve/01mCcfu2RwcWe/610x.jpg

Raul Boy
19-10-2011, 22:45
مبروك فوز السد صراحة ما شفت المباراة بس حلو انك تفوز خارج أرضك وبنتيجة هدفين مقابل صفر ، لكن ما شفت الأحداث ولا أعرف تفاصيل بس سمعت أن اللاعب الكوري المحترف في صفوف السد خرج من أرضية الملعب احتجاجا على حركة لاعبين السد كيتا ونيانغ في عدم إخراج الكرة عموما مبروكين لجماهير قطر عامة وجماهير عيال الذيب خاصة .

blues q8
19-10-2011, 22:46
انا اقصد انكم انتم اللي بديتو هالشي لانكم سجلتو هدف بالوقت اللي الفريق الكوري كان بنص ملعبكم وواقفين ناطرين تردون لهم الكره بس فريقكم سجل القول اللي بعيد عن الاخلاق الرياضه




وبعيدن مو غريبه على السد هالحركات والهواش مع الفرق الثانيه :)

armadaa
19-10-2011, 23:16
الاندية القطرية قاعدة تقدم مستويات حلوة في دوري ابطال اسيا ..

وان شاء الله نشوف لها 3 مقاعد اساسية .. بالاضافة الى نصف مقعد رابع اذا امكن ..

مع تمنياتي بعودة اندية الكويت للبطولة ..

3thbi
19-10-2011, 23:19
الكره الكورين ماطلعوها شحقه يردونها لهم لعيبه السد ؟
كملو اللعبه لين طلعت ولعبوها السداويه بكل " ذكاء " 
مبروك لعيال الذيب ,,!

Qatar2022
19-10-2011, 23:21
الكره الكورين ماطلعوها شحقه يردونها لهم لعيبه السد ؟
كملو اللعبه لين طلعت ولعبوها السداويه بكل " ذكاء "
مبروك لعيال الذيب ,,!

أشكرك.

ياليت كل شخص يشوف اللعبة كاملة قبل مايتفلسف.

blues q8
19-10-2011, 23:28
اللعبه شفناها اللاعب الكوري كان يقدر يلحق على الكره بس وقف وخلاها تطلع



على العموم ان شاء الله النهائي سعودي كوري :)

arbawy for ever
19-10-2011, 23:56
مبروك للسد القطري
محترفينهم ممتازين

BaCk2Kill
20-10-2011, 00:01
لقطه الهدف الثاني فيها شك كبير من ناحيه الاخلاق الرياضيه
اللاعب الكوري اتوقع بالاخير طلع الكره لسقوط لاعبين اثنين على ارض الملعب
ولاعبين السد بدوا هجمه مع وقوف واستغراب من لاعبين سامسونج الي كانوا متوقعين ان السد يردون لهم الكره
لكن نقول مبروك للسد وهاردلك للفريق الكوري
وهاردلك اخلاق رياضيه

LeBron James
20-10-2011, 02:56
http://www.youtube.com/watch?v=9ZIkMoRLEyY

شوف بداية الهجمه ولما لاعبهم كان طايح لاعبين السد أشروا لهم عشان يطلعون الكوره بس كملوا لما ماتت الهجمه طالت عليه طلعها ويبي السداويه يرجعون لهم الكوره ؟؟؟ يستريحون بس

الف مبروك للسداويه وفالكم النهائي ان شاء الله

Bo Hashem
20-10-2011, 03:03
انا شفتها لايف .. اللاعب الكوري طلع الكره بعد ماشاف او سمع ان لاعبهم متعور و لا ننسى كانوا بحاله هجوم و يبون قول بس الروح الرياضيه منهم طلعوها .. و يمكن البعض يشوفها مو مطلعها لان كان فيه لاعب سداوي وراه و شوي التحم معاه بس واضح الكوري طلعها علشان يتعالج لاعبهم .. وركزوا على ريل اللاعب شاتها بره قبل لا يتلحم وياه لاعب السد " الثانيه 22 من الفيديو الي فوقي " .. طلعها بشكل متعمد والله ! .. ماله اي مصلحه يطلعها بهالصوره لان فريقه محتاج تعادل !

و الدليل ان " الكل " واقف ينطر حتى اغلب لاعبين السد واقفين لان واضحه الكوري طلعها :)

MilkShake
20-10-2011, 06:44
بصراحه الهدف الثاني عار على السد
الرياضه اخلاق

armadaa
20-10-2011, 08:08
انا شفتها لايف .. اللاعب الكوري طلع الكره بعد ماشاف او سمع ان لاعبهم متعور و لا ننسى كانوا بحاله هجوم و يبون قول بس الروح الرياضيه منهم طلعوها .. و يمكن البعض يشوفها مو مطلعها لان كان فيه لاعب سداوي وراه و شوي التحم معاه بس واضح الكوري طلعها علشان يتعالج لاعبهم .. وركزوا على ريل اللاعب شاتها بره قبل لا يتلحم وياه لاعب السد " الثانيه 22 من الفيديو الي فوقي " .. طلعها بشكل متعمد والله ! ..

اختلف معك اخوي ..

لو تلاحظ من الاول لما الكورة كانت بالجهة اليمنى لاعبين السد وقفوا .. لكن اللاعب الكوري لعب الكورة لداخل المنطقة !!

ولما وصلت للجناح الايسر .. برضه كان يبي يسيطر عليها ويلعبها ثانية .. لكنها طالت عليه .. وبالاخير لعبها اوت بعد ما شاف الضغط عليه من لاعبين اثنين من السد !!

طبعا انا ما ابرئ فريق السد ..

لكن اللي ابي اوصل له ..

ان الفريقين كلهم عليهم غلطة ومافيه تعامل بالروح الرياضية ..

الاول فريق سامسونج بعدم ايقاف الكورة ..

ثم لاعبين السد بتسجيل الهدف ..

واخيرا الاعتداء اللي صار من الفريق الكوري !!

Bo Hashem
20-10-2011, 08:26
ارمادا

و هم من الشغلات الي تخليني اتأكد الكورين طلعوها .. الاحتجاجات القويه بجميع " اطياف " الفريق

مو معقوله فريق جذي " يهجيج " بهالصوره لان لاعبهم طلعها مو متعمد :)

عالعموم

اهم خربوها الكورين بالضرب الي صار و هالشي مو يديد على كوريا .. هالشي حصل ويا منتخبنا الكويتي لكره اليد .. خربوا مباريات ويانا على بو ان محتجين و اذكر كان مدرب رفع الكرسي على الحكم :p

عالعموم الحركه الي عليها جدل اللاعب الاخير الي طلعها .. ناس يقولون طلعها و ناس يقولون طالت .. معني اشوفها طلعها من حركه ريله لان اكيد سمع اصوات اللاعبين

عالعموم مثل ما قلت .. الكل اخطأ

ومن الروح الرياضيه " بوجهه نظري " لما شافوا الكورين واقفين على الاقل يلعبون الاوت و يحتفظون بالكره على ما يستوعبون الكورين ان ماراح نردها لكم .. افضل من هالطريقه الي تسجل الهدف

و الكورين رده فعلهم طبيعيه ان يحتجون " في البدايه " ... لكن الضرب الي صار شي اكيد مرفوض و غير رياضي بالمره لان ممكن هالشي يسبب كارثه مثلا الجمهور ينزل تعال دور لاعبين السد بينهم :p

M.Qassem
20-10-2011, 10:29
زين يسووّن لعيبة السد .. والله كفو عليهم ..
ولا لاعبكم ولاعبنا طايحين بكل الم .. و تكملون الهجمة بكل برود جذي ؟ ..
الكوريين قاعدين يكملون الهجمة ع الرغم من ان اللاعبين طايحين ! .. ولو تلاحظون ان اللي استلم الكرة ع الجناح اليمين كان المفروض يطلعها اهو اول شي لان لاعبهم مبين ان اللي صارله موشوية من "الدعسة" ..

هاردلك يالكوري .. زين تسوون يالسد

ولـد قـطـر
20-10-2011, 14:22
شوفوا اللعبه من البداية وبتعرفون ان اللاعب الكوري ما طلع الكورة رغم ان لعيبة السد رافعين يدهم ويقولون له طلعها ..

الجناح الايمن استلم الكورة ورفعها وحاولوا يسجلون قول، لكن طلعوها دفاع السد ووصلت للجناح الأيسر اللي ما استلم
الكورة صح، لو استلمها صح جان شفتوه رافعها، لكن يوم ضاعت عليه طلعها مجبر. وفي الوقت اللي الكورة ضاعت على
اللاعب الكوري، شوفوا في منطقة الجزاء في لاعب من الفريق الكوري رافع يده لـ رفيجه اللي عنده الكوره يبيه يرفعها ..
يعني هم كانوا ما راح يطلعون الكورة أصلا !!

عموما .. مبروك للسد الفوز، والقول شرعي قانونا وأخلاقا، كان المفروض هم يطلعونها لان الكورة تمت عندهم فوق الـ 10 ثواني!!

مشعل العنزي
20-10-2011, 14:37
اللاعب الكورى كانت معاه الكوره وما طلعها مع ان لاعبين السد وقفوا عشان يطلع الكوره

بالعكس الهدف سليم ولاهو عار ولا شى

واخطئوا السد انهم ما انسحبوا من المباراه

كانوا راح يضمنونها 3-0

وانا متاكد ان النتيجه راح تحسب 3-0 وراح يحرمونه حتى من الاياب هالفريق الكورى الوصخ

وبالتوفيق للسد

Smooth criminal
20-10-2011, 17:21
شرفنا السد بوصوله لنهائي دوري ابطال اسيا !!

بالتوفيق له وعقبال لقب البطوله

Panamera
20-10-2011, 17:51
ودي أعرف لاعبين السد وعبدالقادر كيتا بالذات لي متى هذي أخلاقهم ؟ عبدالقادر كيتا هذا لازم بكل مبارات يسوي مشكلة ! عالعموم ربك ما يطق بعصا والرياضة أخلاق قبل كل شي

PaNaDoL
20-10-2011, 18:11
شرفنا السد بوصوله لنهائي دوري ابطال اسيا !!

بالتوفيق له وعقبال لقب البطوله

تاهل للنهائي؟؟

MUBARAK
21-10-2011, 08:45
فريق بلا اخلاق

بالتوفيق للفريق الكوري

Smooth criminal
29-10-2011, 14:04
تاهل للنهائي؟؟

ماتدري !!!!!

CrAzY
05-11-2011, 08:03
سؤال محيرني .. فرضا اخذتو البطولة .. شنو المتعة باخذ بطولة بالغش؟

Qatar2022
05-11-2011, 12:23
^
اشتبي الحين ؟ قسم كاس الاتحاد ذاك الصوب!
ملاغه لين اخر لحظه حشى...

بالغش آل

holibes
05-11-2011, 19:22
يستاهل الفريق السداوي هالبطولة
بغض النظر عن مباراة دور الأربعة
بس الفريق بالمباراة النهائية قدم مستوى خرافي
ويستاهل البطولة

barcelony_moot78
06-11-2011, 01:32
ذكرو الله وين قدم مستوى بالنهائي والله لو كان الحظ رجلا لقتله ضغط على مرمى واحد كل شي بكرة القدم صار اليوم 3 مرات القائم يرد الكره ولاعبين السد طايحيلي طق ولعب وصخ ولا كيتا لااخلاق ولا روح رياضيه بالنظر لمستوى المباراه الفريق الكوري كان احق السد خذاها بمساعدة الاتحاد الاسيوي اولا وبالحظ ثانيا هاردلك جيونبك شفنا لعب على مرمى واحد بس الكره اذا ماتبي تدش خلاص مومكتوبه تدش

العرجون
08-11-2011, 18:41
اي صح المقاعد اللي انسرقت من الكويت بعهد المقبور همام .

بعدين شهالمصاخة المفروض كل دولة حقها مقعدين بس. بطل كاس وبطل دوري. وانتهت . حتى الصعود لآسيا يكون له طعم .