المساعد الشخصي الرقمي

مشاهدة النسخة كاملة : " خادمة اثيوبية تقتل فتاة كويتية في جريــمة بشــعة !!!!!! "



كويـ تعشق الزعامة ـتاوية
18-11-2011, 12:49
.
.
.





http://www.alqabas.com.kw/Temp/Pictures%5C2011%5C11%5C18%5C7ca8a268-a097-4a2c-a32b-654874410ebb.jpg







جريمة قتل بشعة في «جابر العلي»:
خادمة نحرت مواطنة في يوم خطوبتها





شهدت منطقة جابر العلي جريمة قتل بشعة امس راحت ضحيتها مواطنة في يوم خطوبتها، وفي ظروف غامضة اقدمت خادمة اثيوبية على نحرها لأسباب مجهولة.
وروى مصدر امني لــ القبس تفاصيل الجريمة البشعة، مشيرا الى ان الخادمة هجمت على المواطنة اثناء نومها في غرفتها، بينما كانت تستريح من اعمال الاحتفال بخطوبتها المقررة امس ونحرتها بساطور ولم تتركها الا وهي جثة هامدة. وأضاف المصدر «لقد أبلغ ذوو الفتاة غرفة عمليات الداخلية بالجريمة، فهرع الى الموقع رجال الامن والمباحث والادلة الجنائية والطب الشرعي ووكيل النائب العام».
وأشار المصدر الى ان ذوي الفتاة ابلغوا رجال الامن ان شكوكهم تحوم حول الخادمة الاثيوبية التي هربت من المنزل عقب ارتكاب الجريمة.
وأضاف «قام رجال الامن بتعميم اسم الخادمة على المنافذ، وألقي القبض عليها من قبل مباحث المطار اثناء محاولتها الهروب الى الخارج».
واقتيدت الى المباحث الجنائية وبالتحقيق معها اعترفت بالواقعة، لكن الغريب في الامر انها لم تبد اي مبررات لجريمتها. ونقلت الجثة الى الطب الشرعي ولا تزال التحقيقات جارية لكشف ملابسات القضية.

كويـ تعشق الزعامة ـتاوية
18-11-2011, 12:55
.
.
.



لاحول ولاقوة الابالله ،،،،،،


انا لله وانا اليه راجعون ،،،،،،


الله يرحمها ويغفر لها ويصبر اهلها يارب ،،،،،


وحسبي الله على الخادمة الاثيوبية مادري شلون الناس يامنون عليهم ما احب هالجنسية صج مجرمات !!!!


نتمنى القصاص السريع من هالمجرمه لان مشاكل الخدم كثرت في الديره ومافي اي رادع لهم !!!!

مانيو
18-11-2011, 12:56
لا حول ولا قوة الا بالله
بيوم خطوبتها عاد

يقولون الفقيدة بنت الفيلجاوي
من سكان جابر العلي
الله يرحمها ويغفر لها

كويـ تعشق الزعامة ـتاوية
18-11-2011, 12:59
لا حول ولا قوة الا بالله
بيوم خطوبتها عاد

يقولون الفقيدة بنت الفيلجاوي
من سكان جابر العلي
الله يرحمها ويغفر لها



اي عايشه الفيلجاوي الله يرحمها وكان المفروض يوم ملجتها !!!!!


اليوم دزوا لي التوبك مالها ابي اقراه ليدتي ماقدرت قعدت ابجي ،،،،،


الله لايوفقها هالاثيوبيه صج مجرمه تقول ما احب اشوف العرايس عشان جذي ذبحتها !!!!

David Luiz
18-11-2011, 13:00
الله يرحمها ..

مانيو
18-11-2011, 13:03
اي عايشه الفيلجاوي الله يرحمها وكان المفروض يوم ملجتها !!!!!


اليوم دزوا لي التوبك مالها ابي اقراه ليدتي ماقدرت قعدت ابجي ،،،،،


الله لايوفقها هالاثيوبيه صج مجرمه تقول ما احب اشوف العرايس عشان جذي ذبحتها !!!!




انا اعتقد هالاثيوبية مريضة نفسيا والله اعلم
يعني من عرفت انا قتلتها بيوم خطوبتها عرفت انا فيه شي غلط
خصوصا انا ما فيه مبرر للقتل

عموما اذا ثبت انا هالخدامة فيها شي
ومو مريضة
اتمنى اعدامها

MALIK
18-11-2011, 13:05
شهدت منطقة جابر العلي جريمة قتل بشعة امس راحت ضحيتها مواطنة في يوم خطوبتها، وفي ظروف غامضة اقدمت خادمة اثيوبية على نحرها لأسباب مجهولة.
وروى مصدر امني لــ القبس تفاصيل الجريمة البشعة، مشيرا الى ان الخادمة هجمت على المواطنة اثناء نومها في غرفتها، بينما كانت تستريح من اعمال الاحتفال بخطوبتها المقررة امس ونحرتها بساطور ولم تتركها الا وهي جثة هامدة. وأضاف المصدر «لقد أبلغ ذوو الفتاة غرفة عمليات الداخلية بالجريمة، فهرع الى الموقع رجال الامن والمباحث والادلة الجنائية والطب الشرعي ووكيل النائب العام».

لا حول ولا قوة الا بالله
شالخدم اللي مافي رحمة بقلبهم قاعد اتخيل الموقف الصراحة كاسرة خاطري البنت :( الله يرحمها برحمته ويدخلها فسيح جناته .

كويـ تعشق الزعامة ـتاوية
18-11-2011, 13:13
انا اعتقد هالاثيوبية مريضة نفسيا والله اعلم
يعني من عرفت انا قتلتها بيوم خطوبتها عرفت انا فيه شي غلط
خصوصا انا ما فيه مبرر للقتل

عموما اذا ثبت انا هالخدامة فيها شي
ومو مريضة
اتمنى اعدامها




يعني شنو مريضة نفسياً !!!!


اذا مريضة صج شلون قدرت تيي من ديرتها وتشتغل عند الناس !!!!


اما اذا تقصد وقت الجريمة تعتبر مريضه فاكيد لان مافي انسان سوي يسوي هالجريمة ،،،،،،


يعني بالعقل في شخص طبيعي يقتل !!!!


لكن وقت الجريمة يكون الانسان بحالة مو طبيعيه !!!!


بس هذا مايبرر له جريمته ولايعفيه من العقاب ،،،،

عذب الاطباع
18-11-2011, 13:20
إنّا لله وإنّ إليه راجعون

ما في رحمه بالزمن هذا !


الله يصبّر اهلها

وإن شاء الله يعدمون الخدامه

لا للترفيع
18-11-2011, 13:35
ديروا بالكم من الخدم وعاملوهم معاملة طيبة

والله يكافينا شرهم



.

El pipita
18-11-2011, 14:03
الأهل يعرفون ناس يصيرون حق هالبنـت ..
يقولون الخدامـه نحرتها خلت راس البنت بصوب و جسمهـا بصوب ..
و يوم سالوها قالت " انا ماحب العرايس من قبل كل ماشوف عروسه اذبحها " :/ :/ ..

الله يرحـم البنت و يصبر اهلها .. و يلعن هالمجرمه !
هذي الإعدام شوي بحقها ..

Bo Hashem
18-11-2011, 14:45
الله يرحمها برحمته و يصبر اهلها و لو مادري شلون بينسون المصيبه هذي .. منطقيا بتكون " راسخه " في ذاكرتهم ماراح تغيب طريقه الوفات :(

يعجز اللسان عن المشاعر و الله

شي يكدر و الله

الله بيحاسب هالخدامه ان شاء الله

مدمنه*القادسيه
18-11-2011, 14:49
الأهل يعرفون ناس يصيرون حق هالبنـت ..
يقولون الخدامـه نحرتها خلت راس البنت بصوب و جسمهـا بصوب ..
و يوم سالوها قالت " انا ماحب العرايس من قبل كل ماشوف عروسه اذبحها " :/ :/ ..

الله يرحـم البنت و يصبر اهلها .. و يلعن هالمجرمه !
هذي الإعدام شوي بحقها ..

توني ياية بأقول نفس الحجي ، إن إهي كانت تحب تقط روس العرايس إللي
تلعب فيهم !!

حسبي الله عليها ..

7mni al-Q8
18-11-2011, 15:09
يخرب بيتها الخاله ما تتفاهم :/:/

xavi23 almashmoum
18-11-2011, 15:18
:cry2: شيي يعور القلب وسؤال الي ينامون ومايقفلون الباب ليش يعني خصوص البناتت

قريت التوبك مالها جد جد طاح الفونمن ايدي احس اني انهرت

1966
18-11-2011, 15:20
http://www.alaan.cc/newsimages/11_17_201181736PM_6841988261.jpg

http://www.alrams.net/up/uploads/images/alrams-f3e5f32c81.jpg

Narissa
18-11-2011, 15:27
حقيره حسبي الله عليها

1966
18-11-2011, 15:54
البنت كانت راجعة من السفر قبل مقتلها بيوم .. وكانت يايبه لقاتلتها صوغة! :(
الكل يشهد من جيران و أهل أنه البنت قمة بالأخلاق و الأهل معاملين الخدامة نفس بنتهم!
مالهم أمان وربي .. بيتنا الحمدالله من 5 سنين ما طبت فيه خدامة بعد مشكلة آخر خدامة
معانا الأهل أنسى الزعل أيبون خدامة بعد والله ما وراهم الا عوار الرأس ولا شغل البيت
مقدور عليه بس أغلبية بنات هالزمان عندهم عيب الوحدة تنظف ولا تطبخ ..

Xavi Hernandez
18-11-2011, 16:45
هـذي أصـلا شغلهآآ معـروف :

والله أحطهآآ جدآآمي وألعن خير خير خير خير خيرهآآآآ طـــق .. أخليهآآآ تلعن أم الساعه الي أنولدت فيهآآآ !

وبعدين أذبحهآآ ذبحه خبيثه ! الإعدام مايفيد وياهآآ .. بالعكس راح ترتآح منه لأن الموت راح يكون تلقـائي .. الي يسوي نفس فعلتهآآ هذا حسـابه أقـوى من الإعدام !

--

الله يرحم البنت ويغفرلهآآ .. ويصبر أهلهآآ وذويهآآ بالصبر والسلوان !

Mr.Blue
18-11-2011, 16:59
مـاتخـلص مـشاكل الاثيوبـيــــين .. ولــلاسف لـلحين ناس يــــــشغلونهم عندهـم !

قـبل فتـره اثـيوبيـه طـــاقـه سيـلانيـه اثنـينهم يشـتغلون بنـفس البـيت .. مـــفجرتها تفـجير !!

الـلي عنـده اثـيوبيـه .. حـاط رجـــال بالبـيت ! ماستـبعد تـسطر كفيلهـا بـعد ..

قـــاطعوا هالجنسيـه .. قمـه الاجــــرام ،،


توني ياية بأقول نفس الحجي ، إن إهي كانت تحب تقط روس العرايس إللي
تلعب فيهم !!

حسبي الله عليها ..


الالـــعاب !! شهالاجــــرام ،، :confused:

Fiorella
18-11-2011, 17:53
لا حول ولا قوة إلا بالله
الله يرحم عايشة و يصبر أهلها :(
الخدامة نطرت لـ يوم الملجة عشان تذبحها :/ هذي الإعدام شوي عليها !

بعدين شسالفة الأثيوبيات هالأيام ؟! قبل إسبوع واحدة حارقة ياهل و عقبها أثيوبية ذبحت رفيجتها و أمس هذي :s
يريت يمنعوونهم من الكويت عشان محد إييب خدم منهم !
و أتمنى بعض الناس يعاملون خدمهم معاملة زينة و ما يقسون عليهم عشان ما يحطون حرتهم بـ عيال معازيبهم نفس ما صار قبل إسبوع

العشق تشيلسي
18-11-2011, 18:59
شباب اخخخخ بس لو كانت عندي سلطه بالبلد او اقدر اعدل على بعض القوانين الي بالديره


شباب المفروض بمثل هالحالات ما تنعدم على طول

قبل الاعدام تقعد اسبوعين تعذيب في تعذيب لين تتمنى الموت


بعدين اعدومها


طرق الاعدام معروفه لدى كل دول العالم وتقدرون تستعينون بامن الدوله خاصة ان امن الدوله عندهم طرق العذيب وهالسوالف


فياليت تتعذب اسبوعين او ثلاث لين يخيب ثناها بعدين اعدموها

مع اني شاك انهم بيحاكمونها اصلا

راح يودونها لسفارتها بعدين سفارتها تسفرها على بنى انهم بيعاقبونها باثيوبيا هههههههههه يقصون علينا هالعبيد

لا بيعاقبونها ولا شي يودونها ديرتها وتششوف امورها هناك او ترجع لاهلها

Ali Alqallaf
18-11-2011, 19:44
‏​
-القاتلة استخدمت آلة حادة «طبر» في جريمتها وطفتها ثم نحرتها

-شقيق الضحية اكتشف الجريمة عندما حضر لاستدعاء شقيقته للغداء

-دماء الضحية (تطشرت) في أرجاء الغرفة .. حتى السقف


كتب عبدالرزاق النجار وعبدالله المفرح:

من الوريد الى الوريد ذبحت خادمة اثيوبية فتاة تبلغ من العمر 25 عاما وانهت حياتها في جريمة بشعة بكل المقاييس مستخدمة آلة حادة «طبر» في تسديد عدة طعنات الى الضحية ثم نحرتها وهربت من المنزل لكن رجال المباحث استطاعوا ضبطها لاحقا في مطار الكويت قبل مغادرتها البلاد في محاولة للهروب من دفع ثمن الجريمة التي ارتكبتها.
وفي التفاصيل: وقعت الجريمة باحد منازل جابر العلي حينما اضطر احد افراد المنزل الدخول الى غرفة شقيقته بعد ان ساوره الشك باصابتها بشيء ما نتيجة عدم الرد عليه عندما نادى عليها من وراء الباب لتناول الغداء مع افراد اسرتها وعندما لم تجبه فتح الباب وصعق من هول ما شاهده عندما وجد شقيقته هامدة غارقة في دمائها التي (تطشرت) على أرض وحيطان الغرفة ما يؤكد ان الضحية قامت بقتلها بشراسة وعندما اطلق شقيقها صيحات الاستغاثة حضر ذووه على الفور وصدموا من بشاعة المشهد.
وعلى الفور ابلغوا رجال الامن الذين حضروا بسرعة وتمت معاينة مكان الحادث وجثة الضحية وتتبع رجال الامن اثار الدماء التي انتشرت في جميع ارجاء الغرفة حتى سطحها وعثر رجال الامن على اداة الجريمة التي تركتها الخادمة قبل ان تغادر الى مطار الكويت في محاولة للهرب من البلاد لكن رجال المباحث استطاعوا ضبطها وقد غطت ملابسها الدماء ولاحظوا اثار جروح في كلتا يديها ما يؤكد ان الضحية قاومتها وتم تحويل القاتلة الى الطب الشرعي على ان يجرى التحقيق معها لاحقاً.
وجد في موقع الجريمة مدير امن الاحمدي العميد عبداللطيف الوهيب ومساعده العميد معتوق العسلاوي ومدير ادارة الطب الشرعي العقيد حماد العنزي ومدير مباحث الاحمدي العقيد وليد الدريعي ومساعد مدير ادارة مسرح الجريمة المقدم محمد الجدي والرائد محمد العوضي والرائد سالم مرضي والنقيب خلف العنزي والملازمان الأولان محمد الشهاب وعبدالله الخمسان والملازم علي الوهيب.


==========



محطات في الجريمة

< القتيلة تبلغ من العمر (25 عاما).
< عادت امس الاول من السفر.
< القتيلة قد أعطت قاتلتها (صوغة) احضرتها لها من السفر.
< القاتلة استخدمت (الساطور) بجريمتها.
< صادف يوم مقتلها هو يوم عقد قرارنها


توبك البنت اللي ذبحتها الاثيوبية
http://www.2bb.me/1118-1321565989.jpg

واصلني برودكاست،،
الله يرحمها

العشق تشيلسي
18-11-2011, 20:11
يا شباب جتني قشعريره يوم قريت التوبيك حق عايشه


يالله يارب ترحمها وتغفرلها ذنوبها


يا شباب ادعو لحد يستخسر الدعاء يمكن في واحد منا دعوته مستجابه



مثواها الجنه ان شاء الله

Mr.Blue
18-11-2011, 20:15
يـــاعمي تـكفى شنو يـجري التـحقيق معهـا لاحقـا ً ..!!! شتحقــقون دام اعتـرفت والسالفـه واضحه ..

استـغفرالله .. والله خبـر يـضيق الــخلق

الله يصبـر اهلـهـا .. يكـسرون الـخاطر ! مصيبه ، فاجعـه .. بمعـنى الكلمـه ،،

● شــمــوخ ●
18-11-2011, 22:54
لاحول ولا قوة الا بالله.. من سمعت الخبر امس ومو راضية تروح السالفة من بالي

الله يحفظ عيالنا واهلنا ويكافينا شر هالمجرمات..

هالجنسية مجرمين وعصبيين .. المفروض الديرة ما اتييب منهم خدم .. الخادمة فاصلة راس البنت مو بس ناحرتها .. يعني شنو هالقوة اللي فيها.. حسبي الله عليها


والمشكلة عشان سياسة بين هالدول ماراح يعاقبونها ولا شي وتسافر ديرتها .. والله المفروض "قصاص" عليها مثل ماسوت السعودية بالخادمة الاندونيسية..


بس احنا للاسف هني ديرتنا ماتطبق هالشي .. عشان سياسة ,.. مادري شنو مستفيدين من دولة مثل اثيوبيا .. فكونا منهم!!

[ 3amer ]
18-11-2011, 23:06
يالله سترك .. هذي تريحونها إذا اعدموها

المفروض يعذبونها .. يربطونها بالسيارة ويفترون فيها

شي ينرفز والله :@

الله يرحمها

عاد فبيتنا عندنا 3 اثيوبيات !!

العشق تشيلسي
18-11-2011, 23:15
;6667109']
يالله سترك .. هذي تريحونها إذا اعدموها

المفروض يعذبونها .. يربطونها بالسيارة ويفترون فيها

شي ينرفز والله :@

الله يرحمها

عاد فبيتنا عندنا 3 اثيوبيات !!

احترس منهم يا الغالي ولا تامنهم على شي

عاد الحين مكاتب الخدم مولعه نار تقول جاي بشتري سياره

Goleador
18-11-2011, 23:19
المشكلة .. لو يقطعون الاثيوبية قطعه قطعه .. شلخ شلخ ..
هم ما يبرد الحرة ..

أنقول عظم الله أجر أهلها وشهيدة عند ربها
ربي أسألك عذاب بـ هالخادمة تتمنى من شدته الموت ولا اتموت

Goleador
18-11-2011, 23:24
انا اعتقد هالاثيوبية مريضة نفسيا والله اعلم
يعني من عرفت انا قتلتها بيوم خطوبتها عرفت انا فيه شي غلط
خصوصا انا ما فيه مبرر للقتل

عموما اذا ثبت انا هالخدامة فيها شي
ومو مريضة
اتمنى اعدامها


للحين شاك فيها عقل؟

كويـ تعشق الزعامة ـتاوية
18-11-2011, 23:38
.
.
.



مافي عقاب اكبر من الموت ،،،،،


نبي القصاص وباسرع وقت ،،،،


لكن للاسف حكومتنا ضعيفه وراح تعين لها سفارتها محامي ،،،،،


وراح يطلعونها مريضه وبعدين يسفرونها ،،،،،


وتستمر مشاكلنا مع الخدم لان ماعندنا رادع لهم !!!!

Mr.Blue
19-11-2011, 00:01
الــــمفروض اهلـها يـاخذون حقهــــم .. بدال مايـطول التحقـيق وتـدش سفارتـها بالموضوع ،، :mad:

عمر
19-11-2011, 03:56
الله يرحمها ويصبر اهلها
عليكم بالهنديات على الاقل يمتلكون قلوب
غيره من اثيوبي اندونيسي فلبيني مشاكلهم كثيره

Eric
19-11-2011, 04:36
انا استغرب من الي يجيبون خدم من اثيوبيا مايدرون ان الافارقه بطبعم قلبهم شديد وقاسي ما اقول الكل لكن الكثير منهم ناس متعودين عالشدايد يعني حتى معاملتهم للاطفال يكون فيها قسوة مادري شلون يجيبون افارقة يشتغلون بالبيوت احسن شي هنديه او سيلانيه او فلبينيه ووخروا عن الاندونيسيات بعد موزينين

واذا منعوا الفلبينيات في دول اسيويه ثانيه مثل النيبال وهالطقة هذولا احسن من الاثيوبيات والاندونيسيات بمليون مره

CaMaRo_U.S
19-11-2011, 08:11
-شقيق الضحية اكتشف الجريمة عندما حضر لاستدعاء شقيقته للغداء

شي يعـور القلب وقسما بالله .. الله يرحمها ويغفرلها يارب !!

تـايـقـر
19-11-2011, 09:05
لا حول ولا قوة الا بالله

السالفه هذي وصلتنا بالخبر وانتشرت عندنا شي يقشعر له الابدان والله


الله يرحم عائشه ويعوضها الله بجنه عرضها السموات والارض ويصبر اهلها يارب




اما بنت الكلب هالاثيوبيه اتمنى اسمع خبر اعدامها في اقرب وقت


وياليت يتم اعدامها تعزير بحد السيف ويصلبونها عشان تكون عبره للخدم الباقين

عرباوية...كويتاوية
19-11-2011, 09:35
والله عورت قلبي! الله يرحمها ويصبر اهلها .. واللي يعور القلب اكثر انها انقتلت بيوم ملجتها!! والله حتى ويها بريء ماجنه عمرها 25 :(

وهالمجرمة انتي شحارج تزوجت ماتزوجت انتي شكو! ياية تدورين رزقج ولا المشاكل تزوجي وقعدي بديرتج فكي العالم من العقد اللي فيج !

تـايـقـر
19-11-2011, 09:37
http://www.alaan.cc/newsimages/11_17_201181736PM_6841988261.jpg

http://www.alrams.net/up/uploads/images/alrams-f3e5f32c81.jpg


هذي صورتها ؟


يهب ياوجها

M.Qassem
19-11-2011, 12:31
قسمـا ً بالله شي مو هيّن ياجماعة ..
و الديرة كالعادة .. يدش السفير الـ××× و يتوسّط .. و حكومتنا يهدونا !..
ياجماعة عايشة عندها اخوان .. عندها اهل .. قلبهم ناااااااااااار عليها الحين ..
شلون يعيشون بالبيت ؟ .. شلون ينامون يقعدون ياكلون يشربون ؟! ..
والله اللي صار شي رهيييييييب ..
اعدامها بعد تعذيبها اهو الحل الوحيييد .. مايصير تروح ديرتها مايصير !! ..

ولكم في القصاص حياة يا اولي الالباب !

Modric
19-11-2011, 12:32
انا لله وانا اليه راجعون

شي يكدر الواحد والله الله يرحمها ويغمد روها الجنه يارب

اظن الخدامه الحين بامن الدوله قاعدين يشوفون شغلهم
بس لازم القانون يشوف مجراه لانه الكويت دوله قانونيه
بس ١٠٠٪ اعدااااام وانشالله بعد التعذيب يعدمونها

الله يرحمها

قدسااوي للنخااااع
19-11-2011, 12:47
عادي جدا عادي حكومتنا يتعاطفون ويردونها ديرتها

لاتستبعدون :)

طـويل الـعمر
19-11-2011, 20:32
انتوا طالعوا صورتها ياخي شكلها " مريضه " وبنفس الوقت شكلها يصرع

يعني بالعربي الخدامه مبيّن عليها اجراااااااام من عيونها

عمي انتي " saw " على انه فلم ما يطقها معاج بالتعذيب على اللي سويتيه بالبنت

حسبي الله عليج يا مريضه يا حقيره حسابج عند ربج

وأتمنى إعدااااااااامهاااااااااااا بحضور أهلها وعامة الناس عشان تكون عبره

بس كالعاده عطوهم يومين وننسى موضوعها ويمكن حتى ما تتحاكم وينام الموضوع !

الله يرحمج يا عايشه وان شاء الله تنكتب لج حياة جديده بجنات النعيم الله يتقبلج بواسع حرمته

القدساوي المحنك
19-11-2011, 20:39
حسبالله عليـها ..
والوالده أمس مبشرتني إنها طالبه أثيوبية :p

الله يكافينـا شـرهم .. والله يرحم الفقيده ويسكنها فسيح جناته ..

الد بنت يره
19-11-2011, 20:55
حسبي الله ونعم الوكيل
من دريت بالجريمه وصاايق صدري
الله يرحمج ياعايشه ويغمد روحج الجنه
وتكونين عرووس في الجنه يااربي
ويصبر اهلج ويعينهم

argentinya
19-11-2011, 21:36
لا حول ولا قوه الا بالله ..
حسبي الله عليها ..
والله شي يعور القلب والواحد مايدري شيقول ..

الله يصبر اهلها ويعينهم .. جريمه بشعه جدا ..
الله يصبرهم يارب :(

عمر
19-11-2011, 22:22
الله يكون بعون خطيبها
اتوقع بيأجل الفكرة لمدى بعيد

Goleador
19-11-2011, 22:47
لازم إعدام ..
هذا جرم مشهود ..

طبعاً ناطرين إعدامها .. مع أنه ما راح يشيل قطره من الحزن والغصه الي بقلوب أهلهم :(
الله يلعنها دنيا واخره هالمجرمة


# تنبيه
يا جماعة عايشة عمرها 25 سنة، انتوا يا الامهات الي تخلون عيالكم اعمار 4 و5 و6 سنين .. ديروا بالكم
والله الحين الواحد ما يخاف عالصغار يخاف ع نفسه!!!

والشي الي يقهر أكثر ، الاثيوبيات انتشروا انتشار رهيب بالكويت

Fiorella
19-11-2011, 23:28
نفى شقيق عروس الكويتي التي لقيت مصرعها على يد الخادمة الاثيوبية قبل ساعات من عقد قرانها ان تكون أسرته كانت تتعامل مع القاتلة معاملة سيئة، مؤكدا ان افراد اسرته كانوا يتعاملون مع القاتله أفضل معاملة وان شقيقتة المجني عليها حرصت وخلال عودتها من رحلة خارج الكويت كانت تشتري فيها ملابس الزواج على ان تجلب للعاملة هدية مثلما فعلت مع بقية أفراد الأسرة، وقال محمود الفيلكاوي شقيق عروس الكويت في لقاء خاص مع «الأنباء» انه ينتظر الحكم بإعدام القاتلة على أحر من الجمر، معربا عن أمله في ان تسمح وزارة الداخلية له ـ حتى يبرد من ألمه وألم أسرته ـ ان يقوم هو شخصيا بعملية شنق الخادمة، وفيما يلي الحوار الذي أجرته «الأنباء» مع شقيق المجني عليها عروس الكويت عائشة الفيلكاوي.

في البداية حدثنا عن علاقة اسرتك مع القاتلة الاثيوبية؟
٭ العلاقة بيننا كأسرة وبين الخادمة كانت على احسن ما تكون وكانت أمي واشقائي يعاملون الخادمة احسن معاملة وكانت امي تحرص قبل نهاية الشهر بأيام على ان ترسل راتبها الى موطنها في حوالات بنكية وكانت تعطي الخادمة ايصالا بذلك كما كنا نحرص كأفراد أسرة على ان نعطي الخادمة مبالغ مالية بخلاف الراتب حتى تشتري ما ترغب وكنا ايضا نقوم بشراء ملابس لها واذا خرجنا برفقتها الى احد المطاعم كنا نطلب لها وجبة مثلما نطلب نحن تماما حيث كنا نعاملها كأحد افراد الأسرة.

وكيف ترد على ادعاءات الخادمة بأن سوء معاملة الأسرة لها وراء ارتكابها للجريمة؟
٭ هذا كلام فارغ ولا اساس له من الصحة واقسم بالله كنا نعاملها معاملة حسنة.

وبم تفسر ارتكاب المتهمة لجريمتها؟
٭ لا اعلم لماذا ارتكبت هذه الجريمة البشعة ولا اجد اي مبرر لما صدر عنها وازهاق روح شقيقتي التي كانت على وشك الزواج بل انها كانت ستتزوج قبل ساعات من الجريمة.

هل يمكن ان نتعرف على علاقتك بشقيقتك وهل سردت لك اي شيء بخصوص الخادمة؟
٭ علاقتي بشقيقتي وبحكم تقارب سننا كانت وطيدة واتذكر انني كنت اجلس مع شقيقتي المجني عليها مساء يوم الجريمة وقالت لي انها لا تعرف لماذا الخادمة تنظر اليها «تخزها» بصورة متكررة.

وكيف كانت ردة فعلك؟
٭ قلت لها اتركيها وشأنها لربما تكون هناك مشكلات اسرية داخل موطنها تعاني منها.

نفهم من ذلك ان شقيقتك كانت على علاقة غير طيبة مع القاتلة؟
٭ بالعكس كانت، رحمها الله، تتعامل معها بصورة انسانية، واتذكر انها حضرت من السفر قبل فترة حيث سافرت الى احد البلدان لشراء ملابس لها لاقتراب موعد زواجها وحرصت على ان تشتري للخادمة هدية مثلما فعلت مع باقي أفراد الأسرة.

منذ متى حضرت الخادمة وعملت لديكم؟
٭ منذ نحو 8 أشهر وكانت والدتي تحرص على ان تحول راتبها مع منتصف كل شهر اي قبل موعد الراتب بنحو 15 يوما.

هل احضرتم الخادمة من أثيوبيا أم كان التعاقد داخليا؟
٭ التعاقد كان داخليا ومن خلال احد مكاتب الخدم.

هل طلبت الخادمة السفر الى موطنها وانهاء عملها في الكويت ورفض طلبها؟
٭ لا هذا لم يحدث.

حدثنا عن يوم الواقعة وكيفية اكتشاف الجريمة؟
٭ يوم الواقعة ونحو الثانية ظهرا دخلت والدتي الى غرفة شقيقتي لانها غير معتادة ان تنام شقيقتي حتى الظهيرة وصدمت بان شقيقتي رحمها الله قد قتلت وخلال تواجدي في الطابق الأرضي فوجئت بأمي تصرخ وتسقط على الأرض من كثرة الصراخ وحينما ذهبت لأستعلم من امي عن سبب صراخها فوجئت انها تعلمني بمقتل شقيقتي.

وماذا فعلت؟
٭ لم اصدق ما سمعته من امي وسارعت الى غرفة شقيقتي لاجد ان ما حدث بداخلها هي مجزرة بكل ما تعنيه الكلمة والأثاث وجدران الغرفة ملطخة بالدماء.

وما الاجراء الثاني؟
٭ سارعت الى ابلاغ عمليات الداخلية والتي تجاوبت مع البلاغ وتمكنت من ضبط المتهمة قبل هروبها.

وكيف علم خطيب شقيقتك؟
٭ خطيب شقيقتي هو نسيبي وقد علم بما حدث لخطيبته وكاد يغمى عليه.

كلمة أخيرة؟
٭ أشكر وزارة الداخلية على سرعة تفاعلها مع القضية وعدم تمكين القاتلة من الهرب والافلات من العقوبة كما اتمنى ان تكون اجراءات التقاضي سريعة وان يحكم على القاتلة بالاعدام ولو كان ممكنا ان اقوم انا بتنفيذ الحكم.

..



قضية الإثيوبية إلى النيابة بعنوان «القتل العمد»



أبلغ مصدر أمني «الأنباء» أن الإدارة العامة للمباحث الجنائية أحالت ملف قضية مقتل المواطنة الشابة على يد الخادمة الآسيوية الى النيابة العامة بعد انتهائها من التحقيقات في التهمة الموجهة اليها، مشيرا الى ان القضية حملت عنوان «قتل عمد مع سبق الإصرار».وأشار الى ان النيابة العامة ستعيد الاستماع الى أقوال المتهمة، كما ستطلب من «الداخلية» توفير كادر أمني بحيث يمكن الاطلاع على كيفية قيام المتهمة بتمثيل جريمتها داخل محل الواقعة أي تمثيل الجريمة.

alanba (http://www.alanba.com.kw/AbsoluteNMNEW/templates/last2010.aspx?articleid=243814&zoneid=193&m=0#.TsgB6O7yYQY.twitter)

xavi23 almashmoum
20-11-2011, 05:28
http://www.2bb.me/1118-1321565989.jpg

التوبك يعور القلب معنه غير الي وصلنيي

xavi23 almashmoum
20-11-2011, 05:30
هل يمكن ان نتعرف على علاقتك بشقيقتك وهل سردت لك اي شيء بخصوص الخادمة؟

٭ علاقتي بشقيقتي وبحكم تقارب سننا كانت وطيدة واتذكر انني كنت اجلس مع شقيقتي المجني عليها مساء يوم الجريمة وقالت لي انها لا تعرف لماذا الخادمة تنظر اليها «تخزها» بصورة متكررة.

مبينته النييه اشكررررررررررره

Bo Hashem
20-11-2011, 09:12
التوبك و الله من امس و اهو مضيق خلقي

الله يرحمها و يصبر اهلها و يخفف عنهم

حسبي الله و نعم الوكيل

و ان لله وان اليه راجعون

لا حول ولا قوة الا بالله العلي العظيم

القدساوي المحنك
20-11-2011, 10:18
الكـلام إلي قريته يضيق الخلق وكلامها بالتوبك مؤثـر جداً ..
اللهم إجعل قبرها روضة من رياض الجنان ..
اللهم أفرحها بالجنه .. وإجمعها مع زوجها في جنات النعيم ..

T505R
20-11-2011, 11:48
الاثيوبيات مالهم امان .. الحمدلله عندنا بقطر منعوا هالجناسي لان جت فترة وسببوا مشاكل بس الحمدلله ماوصلت للقتل .. ومادري ليش هالقتل يصير بالكويت قبل سنتين او اكثر الي عرضها خالد عبدالجليل الي ذبحتها الخدامة بنت مالها ذنب والصغيره الي حاولت قتلها .. ووالخ .. سوالف تقشعر لها الابدان بصراحه .. واتمنى تنفيذ عقوبة الاعدام وياريت الحكومة ماتحط اي اعتبار لمحامي السفارة لان خلص وصلنا مرحلة لاتطاق .. كفو عالسعودية يوم نفذت القصاص بالاندونيسة .. شراح يسون قطع علاقات .. قطع علاقات ولا قطع الارقاب بغير ذنب .. ربي يصبر اهلها وعرووس انشالله بالجنة ..

shoot
20-11-2011, 12:57
الاثيوبيه 270 دينار معاش 55

الفلبينيه 750 دينار معاش 70

السيلانيه 600 دينار معاش 60

الهنديه 600 دينار معاش 60


اقبال شديد على الاثيوبيه عشان السعر

عندنه بالبيت ثلاث اثيوبيات وللامانه من احسن مايمكن

العيب من المكاتب السيئه و والخدامات المسترجعات

1966
20-11-2011, 14:04
^

لا تأمن عليهم ياخوي .. مالهم أمان لا تغرك المظاهر ..
كان عندنا فلبينيه أم عيال! متزوجة! والله العيب ما يطلع منها من أول ما يات لنا ..
بعد فترة صرنا نسمع صوت بالملحق صوب غرفة المكاين .. أثاريها من شهر كامل
كل يوم الساعة 2 تشقح من الطابق الي فوق لي الملحق لي البيت الي يمنا و تنام
يومياً مع حارسهم .. وما ترجع الا 5:30 قبل ما يقعد الوالد بشوي!

والثانية مالت بيت خالي .. خالي يمدح فيها ليل و نهار يقول أحسن خدامة مرت عليهم ..
آخر شئ كانت تبوق شغلات و تتعامل مع سايق يبيعهم لها بسوق اليمعه و الربح يتقسم بينهم!

shoot
20-11-2011, 14:10
^^

ادري الغالي

بس المقصد الجرايم مع جميع الجنسيات

بس الاثيوبيات عددهم كبير لانهم رخاص اكيد بتسمع هالجرايم

ومن يذكر الفلبينيه اللي ذبحت اربعه مادري ثلاثه .. في بيان

1966
20-11-2011, 14:29
^

عدل .. الخدم و جرايم القتل حدث ولا حرج من كل الجناسي!
الجريمة الي ما تدخل العقل و والله للحين مو مستوعبها!
حتى بـ فلم Saw ما شفت جذي!


http://www.youtube.com/watch?v=imoJ_dVBgB4

لا تعليق؟!؟!؟!؟ جريمة عايشه تطلع "غشمره" جدام هالجريمة!

Bo Hashem
20-11-2011, 15:43
عبدالله شسويت فيني

ياني احساس بسفر خدامتي الحين

خدامتي فلبينيه .. ما تستاهل 65 دينار كل شهر مال دينار و كافي عليها

بس بالع العافيه و اي طلب تبيه ايبه لهاا و لا ازفها ولا شي معنا مال ترفس ..

اقل شي الاخت تغني و تتكلم بالتيلفون قبالي .. بس شنقول

q8iya2 Q8
21-11-2011, 02:16
والله عورت قلبي

الله يرحمها :(

ويصبرر اهلها ياااااارب

والله يحفظنا ويحفظ الجميـــع من شر هالخـدم

خفت بقفل داري لي نمت :(




عندنا اثيوبيه :(

عمر
21-11-2011, 04:33
اقل شي الاخت تغني و تتكلم بالتيلفون قبالي .. بس شنقول
لووووول شقد طيب بوهشوم
امسكها من شعرها والعن والديها واقلعها للمكتب لا تخاف العمر عند الله مو عند هالقذاره
خدامه غيرها الف خدامه هذا اللي ناقص شغاله عندي وتغني :/

7mni al-Q8
21-11-2011, 06:00
بو هشوم /

تغني وتكلم تلفون قدامك ؟

افااااااااااااااااااااا :p

al.leader 3oThmaN
21-11-2011, 06:23
.
.

حسبي الله عليييج يا حقييييييييرة ، لعنة الله علييييييييج ،، تفووووووووووو على هـ الوجه الخـآيس :@

لا حول ولا قوة إلا بـ الله :(

والله يعــوور القـلب ، شنو هذااااااا !!

والله ودي بـ طررررد كل الخدم :@

خـل البنـآت يشتغلون :p

الله يرررحمج يا عايشة ويغمد روحج الجنة ويصبر أهلـج :(


# كآن عندنـآ سيـلانية >> كـآنت تـبجي عليّ كل ما أسـآفر للدرآسة :p فـديتهـآ سـآندي
وإلحين والوآلـدة يـآبت إثيوبية !

يخسسسسي بـ يوم أقوم ألاقيها ذابحتني لـووول :p

Everton F.C
21-11-2011, 10:52
على حسب ما وردني .. أن الخدامات الاثيوبيات .. في بلدهم .. خريجات سجــّون ومدربات بالجيش الاثيوبي

shoot
21-11-2011, 11:14
عبدالله شسويت فيني

ياني احساس بسفر خدامتي الحين

خدامتي فلبينيه .. ما تستاهل 65 دينار كل شهر مال دينار و كافي عليها

بس بالع العافيه و اي طلب تبيه ايبه لهاا و لا ازفها ولا شي معنا مال ترفس ..

اقل شي الاخت تغني و تتكلم بالتيلفون قبالي .. بس شنقول


لووول هذا الخرااااب

وانت شكو مستحملها دامها مو زينه

وفوق هذا معطيها تلفون بعد

العشق تشيلسي
21-11-2011, 17:21
لووول هذا الخرااااب

وانت شكو مستحملها دامها مو زينه

وفوق هذا معطيها تلفون بعد

اسعار الخدم الحين مرتفعه بدرجه جنونيه

فلا تلومه لو خلى خدامته


لان لو بيوديها المكتب راحت عليه فلوسه


وانطر عاد على ما تقدم على خدامه جديده


يعني السالفه مطوله وراح تكوش على اللي بالجيب كله

shoot
21-11-2011, 18:15
^^

بالعكس اذا ردها المكتب المكتب راح يبيعها ويعطيه فلوسها

اصلا المكتب يستانس لمه تردله الخدامه لانه راح يبيعها بسعر اكبر

العشق تشيلسي
21-11-2011, 18:27
اوكي لا بعتها راح تقدم على خدامه جديده

ها الحين منو الخسران


حتى و باعها ماراح يبيعها بسعر اكبر من الي استقدمها فيه


يعني هو خسران خسران


اغلب الكويتيين الحين حتى لا شافو الخدامه تستعبط يسكتون وخلاص لانه اسعارهم الحين شابه نار


مو قبل جم شهر طلعنا نائب من النواب وقاعد يهدد مكاتب الخدم والاسعار الي مشتطه

El pipita
21-11-2011, 23:06
يخسسسسي بـ يوم أقوم ألاقيها ذابحتني لـووول :p

شالجملـه القذافيـَه !؟ :eek:

Goleador
21-11-2011, 23:28
عبدالله شسويت فيني

ياني احساس بسفر خدامتي الحين

خدامتي فلبينيه .. ما تستاهل 65 دينار كل شهر مال دينار و كافي عليها

بس بالع العافيه و اي طلب تبيه ايبه لهاا و لا ازفها ولا شي معنا مال ترفس ..

اقل شي الاخت تغني و تتكلم بالتيلفون قبالي .. بس شنقول

عاد صوتها حلو ؟!














#غشمرة غشمرة ;p

shoot
21-11-2011, 23:55
اوكي لا بعتها راح تقدم على خدامه جديده

ها الحين منو الخسران


حتى و باعها ماراح يبيعها بسعر اكبر من الي استقدمها فيه


يعني هو خسران خسران


اغلب الكويتيين الحين حتى لا شافو الخدامه تستعبط يسكتون وخلاص لانه اسعارهم الحين شابه نار


مو قبل جم شهر طلعنا نائب من النواب وقاعد يهدد مكاتب الخدم والاسعار الي مشتطه

اخوي انا عارفلهم مكاتب الخدم عدل وخصوصا كان عندي مكتب بس نشاط ثاني بنفس مكان مكاتب الخدم

انت تشتريها فرضا بــ 600 وماتطلع زينه وتردها له ويعطيك 600 مالتك واهو يبيعها 800

اصلا في بعض المكاتب وخصوصا مكاتب الجليب يتفق مع الخدامه انها تنحاش ويعطيها علىى النحشه 50 دينار

ماتصيدهم اهل المكاتب

بعطيك معلومه شفت الخدم هذول الخدامه قاعد تيي ابلاش على حسابها وفوق هذا تعطي صاحب المكتب اللي بديرتها

والمكتب اللي بالكويت ياخذ المبلغ بالكامل له :p

Xavi Hernandez
21-11-2011, 23:56
شالجملـه القذافيـَه !؟ :eek:

لووول ذكرتنـي بـ صورة إنتشرت بالبرودكاستات !

(( القذافي يؤكد خبر وفاته عبر مكالمه هاتفيه ويقول بانه ميت حاليا ))

:cry2::cry2:Unbelievable

7mni al-Q8
22-11-2011, 04:29
شالجملـه القذافيـَه !؟ :eek:

اهو اساسا قذافي :p

#حبيب عثمان :p

H.Al.Ibrahim
25-11-2011, 10:59
الله يلعن الخدامة

و الله يرحم البنت و يصبر اهلها

Fiorella
03-12-2011, 05:47
http://www.youtube.com/watch?v=jOGQqrFMPes&amp;feature=player_embedded

Eto
04-12-2011, 19:30
صراحه انا استغرب منهم اتعامل بهذي الطريقه الوحشيه مع انهم للأسف مسلمين
انا اتوقع انهم اختارو الاسلام دين بس علشان يتقبلونهم المسلمين ولا هم ممكن يكونون يتبعون ديانه اخرى
و ماراح تبرد اقلوبنا إلا بعد ما يعدمونها

و الله يرحم البنت
ويصبر اهلها

Ali Alqallaf
08-12-2011, 22:35
حاليا الحلقة عالوطن

مدمنه*القادسيه
08-12-2011, 22:50
الحلقة عـوار قلب !!
إجرام ..

Mr.Blue
08-12-2011, 22:55
ليـش هالحركـه ؟! مـاكو داعي يـعورون قـلوب الــــعالم .. ويـذكرون اهلهـا ! الـلى فيهـم مكفـيهم ..

لاحول ولا قـوه الا بـــالله .. حلقــــه تـبجي ،، :(

Mr.Blue
08-12-2011, 23:14
كارثـه اذا بـعد كـل الـلى حـطوه الـوطن .. نحـصل من يكـفل الاثـيوبيـه !

الـفلوس موكل شي .. عشـان ارخـص جنسيـه نطـلبهم

جم يـدفعون اهـل عايشـه الـحين بس تـرد بنـتهم ؟! وغيـرهم الـلى راحوا ..

جنسيـه مـجرمـه ،،

Zidane 5
08-12-2011, 23:17
يا ليل ويا هـ الخدامات !

يا ناس مرة خدامة اندونيسية عند خالتي ، قالت لها سويلنا شاي ،،

تخيلوا يا جماعة حطت لها بدل الشاي " بـول " تكرمون ..

مع العلم إنها تعاملها أحسن معاملة ..

الله يرحم البنت المقتولة والله يصبر أهلها ..

الد بنت يره
08-12-2011, 23:20
ممنوع نشوف الحلقه في البيت
بس الملخص بروحه يذبح!!

احنا عندنا اثيوبيه ونفس يالله سترك
من يوم الحادثه وانا احلم فيها:/

المشكله مويايبينهم قل فلوس!!
المشكله ماكووو خدم!!
ازمه حدهااا!!
والطلب كله اثيوبيا وفلبين!!

G u N N e r Z i
08-12-2011, 23:28
حـــلقه تــعور القلب والله :( ..

1966
09-12-2011, 07:09
http://www.youtube.com/watch?v=wHzBt-mV27s&amp;feature=channel_video_title


http://www.youtube.com/watch?feature=player_embedded&amp;v=T-cz4PVtwdE

Ali Alqallaf
09-12-2011, 11:29
الصراحة اكثر شي بط جبدي
تفاهة وسفالة البعض بتحويل السالفة الى نكت..!
(عزيزتي خدامتنا فكر انا خوف..!)
(كل واحد قبل لاينام يبوس راس خدامتهم)
شهالمصخرة؟!
تخيلو نفسكم مكان اهلها بترضون بهالسخافة
وغير الي يدزدزون صور ويقولون هذه
صورها وهذه صورها,,
انتو شكوو؟!
والله شي يحر القلب
والله يرحم عائشة وجميع
اموات المسلمين

مدريدي_حمود
10-12-2011, 19:03
وصلني خبر قبل شوي انه بيعدمون الخدامه بقصر نايف

الد بنت يره
10-12-2011, 22:41
بدون محاكمه!!
ماتوقع
تقوم المنظمات الدوليه علينا

ضــاري
11-12-2011, 06:21
الله يرحمها ويغفر لها ويصبر اهلها

سالفه تعور القلب وتدمع العين
انا لله وانا اليه لراجعون

عُمــانية
11-12-2011, 11:41
الصراحة اكثر شي بط جبدي
تفاهة وسفالة البعض بتحويل السالفة الى نكت..!
(عزيزتي خدامتنا فكر انا خوف..!)
(كل واحد قبل لاينام يبوس راس خدامتهم)
شهالمصخرة؟!
تخيلو نفسكم مكان اهلها بترضون بهالسخافة
وغير الي يدزدزون صور ويقولون هذه
صورها وهذه صورها,,
انتو شكوو؟!
والله شي يحر القلب
والله يرحم عائشة وجميع
اموات المسلمين

وانت صاااااج ..

اليووم الصبح دخلنا الكلاس لقينا مكتووبه ف السبوورة "عزيزتي خدامتنا فكر انا خوف" انقهرت ع اللي شفته ف الحلقة ..!
ما اعرف شــ ينقال عنهم :@

Eric
17-12-2011, 22:38
غداً يوم الأحد الساعه الرابعه عصرا شاهدوا في كل القنوات الكويتيه إعدام الشغاله الأثيوبيه التي قتلت العروس


---------------------------

هذا من التويتر بس في ناس يقولون اشاعه ما يندرى والله

عُمــانية
18-12-2011, 11:25
^^^
والله نتمنى هالشي يصير ..
ان شااء الله مو اشااعة ..

xavi23 almashmoum
18-12-2011, 16:09
معقوله‰إإإ

xavi23 almashmoum
18-12-2011, 16:11
ماكو شي كلشش اشكره اشاعه

Bo Hashem
19-12-2011, 01:46
حجي فاضي و الاشاعات ابلاش .. ديره الاشاعات ..

David Luiz
19-12-2011, 02:07
يا شباب اللي مو متاكد 100٪ من اي خبر كان .. لا ينقله! ..
مو صعبه ترا ..

عرباوي قبل الميلاد
20-12-2011, 21:43
الله يرحمها برحمته ويسكنها فسيح جناته

ولو انه احس في شوي مبالغه من اهل البنت بطريقة تعالملهم مع الخدامه

بس هم ما ندش بالنوايا وعسى الله يصبرهم

shoot
27-12-2011, 12:44
الله يلعنهم انشاءالله :(

امس طحت على الاثيوبيه اللي عندي متوليه بنتي طق ,,

والحمدالله الله بيكشفها , بنتي طقت دقمت كاميرت الفيديو مالت الاي بود بالغلط وصورت كل اللي صااار ..

اسـتـبـرق
27-12-2011, 14:03
الله يرحمها برحمته ويسكنها فسيح جناته


شوت :
وما سويتوا لها شي ؟!

Bo Hashem
27-12-2011, 14:30
بو ضاااري

تكفى .. لا تخليني اكثر افكر بخدامتي " فلبينيه " مع ولدي .. استعفر الله شالحل ويا هالخدم

شسويت فيها ؟؟

بس نصيحه لا ترد عليها بالمثل .. اذا ناوي تردها .. ودها بهدوء بدون رده فعل قويه .. هالاشكال مالهم امان

shoot
27-12-2011, 14:35
بوهشووم - استبرق

والله لو تشوفون الفيديو بصير حديث الكويت ,,

للامانه انا من امس مو نايم حدي تعبااان

والمصيبه رحت المخفر والشرطي مانقدر نسويلك شي ارفع عليها قضيه بس انت راح تتبهذل رايح راد

الافضل سفرها بسكــات @@

انزين فرضا هالجلبه رجعت الكويت وكانت الضحيه طفل اول طفله غير بنتي !!!!

عن نفسي حجزتلها تذكره واليوم الساعه 11 بالليل بقطها المطاااار

ولي الحين اهي ماتدري اني طحت عليها ولا تدري انها بتسافر

بس قبل السفر بشوي بلقمها بجم كلمه بالعضم وبركبها السياره ,, ومن البيت لــ باب الطياره

الحمادي
27-12-2011, 14:40
اقامتها متى تنتهي بو ضاري .؟؟

shoot
27-12-2011, 14:45
الشهر الياي يالعود

بس اهي كانت تبي تقعد لي شهر خمسه .. وللاسف توني زايد معاشها

وقاعد تتعامل افضل معامله زوجتي حتى ذهب حق بنتها شاريتلها

نصيحه ياجماعت الخير ديرو بالكم من هالاثيوبيات

اذا كلش كلش بعدوهم كثر ماتقدرون عن اليـــهال ,,

مـنـدنـي
27-12-2011, 15:15
اي يا شوت افتك منها وودها من غير عوار راس ولويه وصراخ لا تسوي شي بالياهل الله لا يقول خيي ..
الله يقطعهم ما وراهم غير عوار الراس ..

1966
27-12-2011, 17:33
Shoot

أنت ببداية الموضوع قايل لي عندك 3 أثيوبيات أحسن ما يمكن ..
هذي وحدة منهم ؟! مشهم كلهم! الأولى عشان تطق الياهل المسكين ..
والثنتين الباجي شلون ساكتين مو قايلين لك عنها ؟! أكيد يدرون أنه
ولدك قاعد ينطبق بس كاتمين على صاحبتهم يعني مالهم أمان .. أخذلك
فلبينية مسلمة كبيرة بالعمر و تكون أم عيال مشاكلهم أقل!

shoot
27-12-2011, 18:25
Shoot

أنت ببداية الموضوع قايل لي عندك 3 أثيوبيات أحسن ما يمكن ..
هذي وحدة منهم ؟! مشهم كلهم! الأولى عشان تطق الياهل المسكين ..
والثنتين الباجي شلون ساكتين مو قايلين لك عنها ؟! أكيد يدرون أنه
ولدك قاعد ينطبق بس كاتمين على صاحبتهم يعني مالهم أمان .. أخذلك
فلبينية مسلمة كبيرة بالعمر و تكون أم عيال مشاكلهم أقل!

مو هذي المشكله للامانه ماتوقعت اللي صار ,, شغلها كان من احسن مايكون شايله البيت على راسها

على العموم الثنيتن الباجيين للوالده مو لي انا ساكن في بيت الوالد

bo-khaled
28-12-2011, 15:27
انا اخترت الحل الافضل :

الاهل بالبيت ما يشتغلون وماكو خدامه ...... اجيب خدامه مرتين بالاسبوع تنظف وكل شيء وتتوكل على الله

مع ان السعر بالاخير تقريبا نفس الشيء .....بس خصوصيه البيت واليهال بامان

مانيو
28-12-2011, 15:29
انا اخترت الحل الافضل :

الاهل بالبيت ما يشتغلون وماكو خدامه ...... اجيب خدامه مرتين بالاسبوع تنظف وكل شيء وتتوكل على الله

مع ان السعر بالاخير تقريبا نفس الشيء .....بس خصوصيه البيت واليهال بامان


شهرين عشنا من غير خدامة صج راحة نفسية

كل واحد يسوي الي عليه
عقب تييب خدامة مرة او مرتين بالاسبوع
وتخلص الشغل
صج حسينا براحة نفسية

MU99
28-12-2011, 17:06
الله يرحمها عايشه ويسكنها فسيح جناته انشالله شهيده عن ربها

ويصبر اهلها يارب ويعظم اجرهم



للاسف الحكومه كانت متخاذله مع شركات استقدام العماله .... الشركات هذي متحكمه باسعار الخدم


اللي اعرفه ان السيلاينيه والاندونيسيه ماقاموا ييبونهم حتى سفارتهم مانعه هالشي

بالتالي عندك جنسيتين ثلاث ... الفليبينيه قامت تنباع على 1000 دينار ... والاثيبويه صارت 300 دينار مثلا ...


يجبرونك تاخذ الاثيوبيه الارخص وبالتالي هذي النتايج !!!


منو سمحلهم يرفعون سعر الفيليبنيه ؟

تجاره بتجاره ...عبيد للاموال ..!!

shoot
29-12-2011, 01:17
^^
السيلانيه موجوده لحد الان ..

اليوم طلبت وحده بس للاسف سعرها غالي 630 دينار ومعاش 60

Bo Hashem
29-12-2011, 01:31
رفع الاسعار على الي اسمعه و اشوفه هذا من السفاره الفلبينيه

انا سويت معامله بسفارتهم يعطوني باوراقهم لازم معاشهم 200 دينار !

طبعا يستريحون بس مجرد رقم ما التزم فيه و طبعا هالمعامله الي سويتها و تعبت و فلوس الدنيا على الفاضي

المهم

من حق اي ديره يبون شعبهم مرتاحين و احسن معاش .. و يطلبون مبالغ كبيره + معاشات كبيره و فيه شروط وايد يحطونها عشان يحفظون حقوق شعبهم الي يشتغل بره و العقد انا شفته للامانه نسيت البنود بس حجي صعب ..

طبعا ماله داعي اقول اذا دشيت سفارتهم تسوي معامله " ضياع جواز ".. يعطونك طبع انك " الخادم " يعاملونك اخيس اخيس اخيس اخيس معامله

عالعموم

بوضاري .. لو منك و اذا كنت تقدر .. بعد ما تعطيها جم كلمه بالعظم .. و توصل المطار قبل لا تدش البوردغ .. تعطيها احلى " راشدي " يسمعه الي كل بالمطار

shoot
29-12-2011, 01:36
بوضاري .. لو منك و اذا كنت تقدر .. بعد ما تعطيها جم كلمه بالعظم .. و توصل المطار قبل لا تدش البوردغ .. تعطيها احلى " راشدي " يسمعه الي كل بالمطار

افاا عليك امس حجزتلها بسكات ..

وقبل موعد الطياره بأربع ساعات ..

ناديتها وفاتحتها بالموضوع ..

ونكرت ووريتها الفيديو جان اصكها جم كف وبووكس على الراس ,, وخليتها تظبط جنطتها وعلى المطار على طوول


وحياتك حته التذكره قصيتها من معاشها

مانيو
29-12-2011, 05:02
الله يرحمها عايشه ويسكنها فسيح جناته انشالله شهيده عن ربها

ويصبر اهلها يارب ويعظم اجرهم



للاسف الحكومه كانت متخاذله مع شركات استقدام العماله .... الشركات هذي متحكمه باسعار الخدم


اللي اعرفه ان السيلاينيه والاندونيسيه ماقاموا ييبونهم حتى سفارتهم مانعه هالشي

بالتالي عندك جنسيتين ثلاث ... الفليبينيه قامت تنباع على 1000 دينار ... والاثيبويه صارت 300 دينار مثلا ...


يجبرونك تاخذ الاثيوبيه الارخص وبالتالي هذي النتايج !!!


منو سمحلهم يرفعون سعر الفيليبنيه ؟

تجاره بتجاره ...عبيد للاموال ..!!


بالضبط الحكومة جدا متخاذلة
كان لازم يكون فيه مشروووع خاص من اعضاء مجلس الامة للخدم
هالموضوع اكثر اهمية
كان فيه فكرة رائعة
انا ما يكون فيه مكاتب
الدولة يكوون عندها مكتب كبيير جدا
واهي الي تتفاهم وتييب الخدم
وفي حال اي مشكلة
ما يطلع لنا سفير الخدامة ويستعبط
لأنه خصمه بيكون الدولة
لابد تطبق هالقانون
انت تقدم على الخدامة من مكتب الدولة الكبير
عاد اهو بمعرفته ايييب الخدم
وما يفرغ لا جيوبنا
ولا جيوب الخدم المساكين
الي المكتب هذا يمص فلوسهم عشان
ييون الكويت

al.leader 3oThmaN
29-12-2011, 06:19
^^

كفووووو بوضااااااااااري يالأزقرررررررررررتي :p

shoot
29-12-2011, 07:54
^^

كفووووو بوضااااااااااري يالأزقرررررررررررتي :p



لو معانه بالازرق جان صكيتها ايقاف :p

ماصارت اسم
29-12-2011, 10:28
الله يخلي الام والخوات شايلين البيت بلا خدم بلا بطيخ

al.leader 3oThmaN
30-12-2011, 04:42
لو معانه بالازرق جان صكيتها ايقاف :p

كاااااااااااااك ،

كل همّك هـ الإيقــآف :p

يا رب إهدييييه يا رب :p

Bo Hashem
30-12-2011, 12:19
بردت جبدي

" يمكن " البعض يشوفه تصرف غلط .. بس هذا ضناااا .. صعععععبه الواحد يتحمل