المساعد الشخصي الرقمي

مشاهدة النسخة كاملة : قائمة منتخب الكويت رسميا لكاس الخليج



احمد مشاري
01-01-2013, 21:46
قرر الصربي جوران توفاريتش مدرب منتخب الكويت الأول لكرة القدم استبعاد المهاجم محمد دهش (الجهراء) ولاعب الوسط طلال الفاضل (كاظمة) مساء اليوم من تشكيلة الأزرق الكويتي المشاركة في "خليجي 21" والتي تستضيفها البحرين خلال الفترة من 5 وحتى 18 يناير الجاري.

جاء ذلك بسبب طلب اللجنة المنظمة ارسال 23 اسم فقط لتسجيلهم في القائمة المشاركة في البطولة،وسبق أن تم استبعاد المدافع خالد ابراهيم للإصابة.


وكانت قائمة "الأزرق" تضم 26 لاعب خلال معسكر أبوظبي قبل أن يستبعد جوران لاعب القادسية خالد ابراهيم للاصابة وبعد استبعاد دهش والفاضل أصبحت قائمة الأزرق في خليجي 21 تضم 23 لاعب بواقع 9 لاعبين من القادسية و5 من العربي ومثلهم من الكويت ولاعبين من كاظمة ولاعب من النصر وصحم العُماني.


وتضم قائمة ال 23 لاعب للأزرق المشارك في "خليجي 21" اللاعبين:

نواف الخالدي وطلال العامر وفهد الانصاري ومحمد راشد وحمد امان وحسين فاضل وبدر المطوع وعامر المعتوق ومساعد ندا (القادسية)،وفهد عوض وعبدالهادي خميس ووليد علي وفهد العنزي وحسين حاكم (الكويت)،وفهد الرشيدي وطلال نايف علي مقصيد وعبدالعزيز السليمي ومحمد فريح (العربي) ويوسف ناصر وعبدالعزيز كميل (كاظمة) وحميد القلاف (صحم العماني) وعبدالرحمن باني (النصر).


ومن المقرر أن يصل منتخب الكويت للعاصمة البحرينية المنامة الخميس المقبل ويستهل الأزرق مسيرة الدفاع عن لقبه في "خليجي 21" بلقاء اليمن الأحد المقبل في المجموعة الثانية التي تضم السعودية والعراق أيضا.

xavi23 almashmoum
01-01-2013, 22:01
ابي الي قال مايبي مقصيد وراح يستبعده. وانه قال لاعب محلي كاهو خذا ومااستبعده

احمد مشاري
01-01-2013, 22:04
اتوقع غوران تحسف يوم قال انة مقصيد لاعب نادي

VaLiNoR
02-01-2013, 11:15
ناصر القحطاني بدل من طلال العامر، ماعدا ذلك القائمة صحيحة.

نتمنى نشاهد علي مقصيد ياخذ فرصته، خاصة في حالة رغبة غوران اللعب برأسين حربة بهالحالة مقصيد بيكون مفيد أكثر كلاعب يجيد العرضيات.

De Rossi
02-01-2013, 11:36
أصحاب الذمم الواسعه قالوا راح يستبعدون علي مقصيد #هاردلك

VaLiNoR
03-01-2013, 00:46
دي روسي ..

قلنا احتمال وهذا امر ماهو جديدغوران مايلعب مقصيد خير شر وغالباً يستبعده وولا دقيقة لعب في المباريات الرسمية، فلما يطلع شخص يقول احتمال كبير يستبعد مقصيد بنظرك هذا الشخص ذمته وسيعة ؟

ماتبي ادخلنا النار بعد :)

القدساوي المحنك
03-01-2013, 01:13
الله يوفقهم ..
وبحيل الله يبيضونها ..

Kw-Failchawi
03-01-2013, 10:31
أصحاب الذمم الواسعه قالوا راح يستبعدون علي مقصيد #هاردلك

الكل قال احتمال يستبعد مقصيد لانه مو مقتنع فيه
اظاهر كل العالم ذممهم وسيعه الا انت :lol:

De Rossi
03-01-2013, 12:35
التوقع باستبعاد علي مقصيد شي ، و إنك تجزم على إنه علي مقصيد استبعاده أكيد شي ثاني

و اللي على راسه بطحه ...

blues q8
04-01-2013, 01:08
ودي اشوف الخميس اساسي بالبطوله بس ما اظن !!

VaLiNoR
04-01-2013, 19:57
دي روسي ..

مو قصة اللي على راسه بطحه لكن احنا قاعد نحاول ندرس طريقة تفكيرك الغريبة :)

روح شوف الموضوع مرة ثانية وطلعلي عضو قال اجزم ان مقصيد راح يستبعد.

انت ردك المراقب معدله طاب بمقصيد عشان خبر نازل بالجريدة يقول مقصيد "يدرس" الاعتذار، والحين تقول هاردلك للذمم الوسيعة ! ياخي اتعبت من بعدك :)

De Rossi
05-01-2013, 08:19
دي روسي ..

مو قصة اللي على راسه بطحه لكن احنا قاعد نحاول ندرس طريقة تفكيرك الغريبة :)

روح شوف الموضوع مرة ثانية وطلعلي عضو قال اجزم ان مقصيد راح يستبعد.

انت ردك المراقب معدله طاب بمقصيد عشان خبر نازل بالجريدة يقول مقصيد "يدرس" الاعتذار، والحين تقول هاردلك للذمم الوسيعة ! ياخي اتعبت من بعدك :)

روح راجع الردود و شوف اللي اجزموا إنه المدرب راح يطلع مقصيد و طالبوا لاعبيهم بالاعتذار عن المنتخب

أما موضوع مقصيد آنا كتبت بأحد ردودي " إذا كان الخبر صحيح "

فـ إقرا عدل قبل لا تتكلم ، مو كل الناس ذممهم وسيعه