المساعد الشخصي الرقمي

مشاهدة النسخة كاملة : الأزرق الكويتي (2) V.s الأحمـر اليمني (0) , ازرقنــا خلصها بثنائيـــه



القدساوي المحنك
06-01-2013, 00:06
بسم الله الرحمن الرحيم





http://i.kooora.com/?i=0safi%2fcup21.jpg

______________________

http://i.kooora.com/?i=4_safi_only%2fteams%2fgulf%2fkuwait_fa.gifV.S http://i.kooora.com/?i=n_-_kooora%2fm%2fl%2fyemen_fa_2009827104934.png

______________________


بطاقة اللقاء :-

الفريقان : المنتخب الكويتي VS المنتخب اليمني
المناسبة : كأس الخليج
اليوم : الأحد
الوقت : 4:15 مساءاً
الملعب : إستاد مدينة خليفة الرياضية
القنوات الناقلة : القناة الثالثة , دبي الرياضية 1 , السعودية الرياضية
, البحرين الرياضية , الدوري والكاس , الفضائية العمانية الثانية

________________


http://photo.alazraq.com/watermark.php?i=58459

المنتخب الكويتي

يخوض منتخبنا الكويتي مشوارة الخليجي في لقاء مهم أمام منتخب اليمن , وهو في المجموعة الثانية التي تضم السعودية والعراق بجانب الكويت واليمن , منتخبنا الوطني محتاج إلى الفوز لكسب ثقة الجماهير التي إهتزت بعد النتائج المتواضعه في المباريات الأخيرة , منتخبنا يدخل اللقاء بعد معسكر أقامة في أبوظبي ولم يتخلل هذا المعسكر أي مباراة تجريبية مما يضع علامة إستفهام على مدى جاهزية الأزرق ؟

يدخل الأزرق هذا اللقاء في غياب ثنائي الدفاع حسين فاضل ومساعد ندا بسبب الإصابة ولكن لدينا الثقة الكاملة على قدرة بقية اللاعبين على سد هذه الغيابات .




______________________

التشكيلة المتوقعه لمنتخبنا ..

نواف الخالدي

فهد عوض .. حسين حاكم .. محمد راشد .. محمد فريح

.. طلال نايف .. الأنصاري ..

وليد علي ................... بدر المطوع

فهد الرشيدي.. يوسف ناصر

______________________

http://n4hr.com/up/uploads/56f52aa3af.jpg

المنتخب اليمني

يدخل المنتخب اليمني هذا اللقاء وهو يطمح بأن يحقق نتيجة إيجابية , خصوصاً إن المنتخب اليمني يريد أن يثبت نفسة في البطولة التي كان يتواجد فيها كـ ضيف شرف , ولكن بهذه البطولة المنتخب اليمني يريد أن يستغل ضعف أداء الأزرق في المباريات الأخيرة ويحقق نتيجة إيجابية قد تجعله رقم صعب في المجموعة الثانية .

______________________


http://photo.alazraq.com/watermark.php?i=3917

بالتوفيق للأزرقنا ..
ودعواتكم يا أهل الكويت .. :cool:

احمد مشاري
06-01-2013, 00:13
بالتوفيق لازرقنا ان شاء الله و تحقيق الثلاث نقاط لتكون دافع لنا و اتوقعها ثلاثية ان شاء الله و التشكيلة ممتازة و باذن الله الفوز

1966
06-01-2013, 02:06
إذا للحين المنتخب اليمني ضعيف المستوى نفس ما عرفناه
فأعتقد إنها فرصة كبيرة للأزرق أنه يفتتح مشواره بالبطولة بـ 3 نقاط
أهم مباراة بالمجموعات المباراة الأولى .. وأظن 4 نقاط بهالمجموعة
كافيه للتأهل .. صعب المركز الثالث يوصل لـ 4 نقاط

بالتوفيق لـ الأزرق و شاكرلك عالتقديم

blues q8
06-01-2013, 03:17
كان ودي يلعب الخميس بالهجوم بس ما عليه الرشيدي ان شاء الله يكفي ويوفي


بالتوفيق للازرق بأذن الله وصج نزعل عليهم بس القلب مشكله يالازرق Heart: :(

مانيو
06-01-2013, 04:16
إذا للحين المنتخب اليمني ضعيف المستوى نفس ما عرفناه
فأعتقد إنها فرصة كبيرة للأزرق أنه يفتتح مشواره بالبطولة بـ 3 نقاط
أهم مباراة بالمجموعات المباراة الأولى .. وأظن 4 نقاط بهالمجموعة
كافيه للتأهل .. صعب المركز الثالث يوصل لـ 4 نقاط

بالتوفيق لـ الأزرق و شاكرلك عالتقديم

بالعكس سهلة

اذا على منطقك اليمن ضعيف وانا ما اجزم بهالشي

فبالتالي الكويت والسعودية والعراق
ضامنين كل واحد فيهم ٣ نقاط

فلو فرضنا احنا تعادلنا مع السعودية عقب خسرنا من العراق

العراق جذي راح يكون عنده ٦ نقاط
هذا غير لعبة السعودية والعراق الاولى الي ما ندري جم انتهت
ولكن لنفرض تعادل
بالتالي السعودية عندهم ٥ نقاط
واحنا ٤ نقاط
والعراق ٦
واليمن ٠

عاشق الازرق
06-01-2013, 04:56
من وجهة نظري ليس مقياس مستوى الفني للمنتخبنا في هذه المباراة .. مع كل الاحترام لليمن ولكن سوف يكون فوز معنوي ومهم لمباراتين المتبقيتين واي مفاجاه من اليمن اهي التي سوف تعكس نتائج لا تحمد عقباه وتكون صعبه هذا ان لم تفز الكويت

kweety
06-01-2013, 06:14
2 - 1 بالتوفيق لـ الأزرق ,

مجرد قلم
06-01-2013, 07:39
طبعاً انا اتمنى الفوز للكويت .. ويارب تسهلها
ولكن اليمن مشكله ومفاجئاته كثيره بس الله يستر ..

واتمنى ايضاً يفوز منتخبنا السعودي بأذن الله
ويتأهل الكويت والسعوديه .. لأنهم نكهة كؤوس الخليج مع احترامي للمنتخبات الأخرى ..

كرستيانو رونالدو
06-01-2013, 09:35
قواكم الله

اتمنى المنتخب يفوز ولكن اتوقع تعادل او خساره ..

shoot
06-01-2013, 11:56
قواااك الله يالمحنك


وبالتوفيق لـــ ازرقنا

VaLiNoR
06-01-2013, 12:50
مجموعتنا صعب جداً التأهل فيها بأربع نقاط لأن من المتوقع فريقين عالاقل بيحصلون على ثلاث نقاط من اليمن

للتأهل من هذه المجموعة كثاني المجموعة نحتاج عالاقل خمس نقاط.

احمد مشاري
06-01-2013, 13:22
يجب ان نحذر من مرتدات اليمن خصوصا علاء الصاصي فنان هذا اللاعب هو و ايمن الهاجري بس ايمن ما يلعب مصاب و بالتوفيق لمنتخبنا

احمد مشاري
06-01-2013, 13:33
يوسف ناصر راح يكون يمين و فهد بروحة و بعدين يرد يوسف مع فهد

احمد مشاري
06-01-2013, 13:44
معلق ابو ظبي فهد عبدالرحمن و الكويت خالد الحربان

كلنا أزرق
06-01-2013, 15:26
غريبه المنتدى مو حاطين تغطيه للمباراه :p


مر عالمباراه 12 دقيقه والى الان النتيجه 0 - 0


اليمن افضل :cool:


ويوسف ناصر احتسب له ضربة جزاء ظالمه والله ما يضيع حق احد صدها الحارس :p

كلنا أزرق
06-01-2013, 15:29
الى الان مافي ولا هجمه


لعبهم خرطي :p

كلنا أزرق
06-01-2013, 15:54
منتخب ماصخ لا طعم ولا لون

كلنا أزرق
06-01-2013, 15:59
انتهى الشوط الاول 0 -0 :p

عذب المشاعر
06-01-2013, 16:03
‏@3thbalmsha3r1 (https://twitter.com/3thbalmsha3r1)

الدقيقه 32 فهد الانصاري يلعب 9 باصات غلط :) وشكرا

وين محامين الدفاع

قدساوي بالفوز والخساره
06-01-2013, 16:05
منتخبنا افضل بس مافي مخلص

كلنا نتفهمك منو تبيه يفوز

بدر المطوع منو قاص عليك وقال انك صانع العاب شفت عمر عبدالرحمن مايبط جبدي الا لما يعصب على ربعه واهو مضيع بلنتي والله ادري انه راح يضيعه

فهد الانصاري هذا الولد مستحيييييل انا من شفته يلعب قدام ريال مدريد 80 دقيقة قلت يمكن ولد الامير ولا شئ

فهد الرشيدي ماسوى شئ اتمنى هادي خميس يدخل بداله ويجيب هدف

وليد علي افضل لاعب بالشوط الاول لمنتخبنا

اذا نبي نقعد جذي نضيع فرص اتوقع فوز اليمن بهدف قاتل نفس ماكان يبي يصير بالشوط الاول

VaLiNoR
06-01-2013, 16:05
فهد الانصاري ٨ لعبات غلط بالشوط الاول اسوء لاعب بالشوط يليه فهد الرشيدي، وافضل لاعب بالشوط بدر المطوع يليه وليد علي.

قدساوي بالفوز والخساره
06-01-2013, 16:06
حسين حاكم اذا لعب المباراه الجايه دفاع ابصم بالعشره هدفين من جهته

shoot
06-01-2013, 16:08
الانصاري الافضل بالشوط الاول

تحس ان اللاعب الوحيد اللي يملك الثقه بأستثناء الشوته الطايشه اللي سددها


الرشيدي لازم يطلع لاعب مشتت واهو مخرب الهجمات

هدف صحيح لـــ يوسف ناصر الغاه الحكم لــ داعي التسلل ..

قدساوي بالفوز والخساره
06-01-2013, 16:11
^^

ثقه ترى اليمن قدامه هذا الاعب غسلت ايدي منه من 2008 الى 2013 كله اساسي وياليت مكانه مافي احد يعوضه لاعب عادي لا نافعه طوله ولا شئ

شوف منتخب الامارات شفت محورهم عامر عبدالرحمن هذا الاعب يفصل عشره من فهد الانصاري والمشكله انه عادل مطر كان يوسعه بكأس الخليج الاولمبيه ومسويله ازمه اهو وعمر بس وين عادل مطر ؟

Ali Alqallaf
06-01-2013, 16:51
تكفوون يالربع ﻻيطلع لنا عضو ينزل موضوع يقول الانصاري ستايله اوروبي
حبوب الضغط بيرفع سعرها والسبب بيرلو الكويت ..

kweety
06-01-2013, 17:04
اول شي مبروك , على الفوز ومنهأ للاعلىء


منتخب على هذا المستوى لا يبشر بخير

قدساوي بالفوز والخساره
06-01-2013, 17:08
مهاجمين العراق والسعوديه مو نفس اليمن لذلك لا اتمنى وجود حسين حاكم قلب دفاع اما مكان الانصاري او احتياط

Ali Alqallaf
06-01-2013, 17:09
يوسف ناصر صحيح انه سيئ لكن نشوفه يستذبح عشان يقطع الكرة
ﻻعب سيئ لكن مجتهد والقول اليوم يشفعله ..
الانصااري كالعادة اسوء ﻻعب ..
الرشيدي مزهرية ..
الافضل بوجهة نظري .. طﻻل نايف وفهد عوض ومن بعدهم المطوع
فهد عوض الاعب الوحيد الي من سنين ومستواه ثابت ماشاء الله بالمنتخب ..

قدساوي بالفوز والخساره
06-01-2013, 17:16
يوسف ناصر لاعب كبير اتمناه قدساوي

باني لاعب صغير بس كنت اتمنى يلعب هادي خميس

Sierra_Z71
06-01-2013, 17:39
مبروك الفوز الغير مقنع .. يوسف ناصر و بدران الافضل .. احلى مافي هل بطولة دكة الاحتياط قوية تغير مجرى اي مباراة ضد اي فريق!

اتمنى المباراة القادمة يبدأ بفهد العنزي مكان الرشيدي ..

VaLiNoR
06-01-2013, 17:40
علي القلاف

مانبي الانصاري يدابج ولا يشد حيله خل يتمخطر بالملعب، لكن معقولة لاعب يلعب ١٦ لعبة غلط في مباراة وحدة !، ويا ليت مباراة وحدة نقول اللاعب ماهو بيومه، ولكن كذا مباراة والاخطاء بالجملة.

تعبنا والله واحنا نتكلم مافي بهالبلد غير هالولد، ناصر القحطاني بشهادة الجميع من افضل لاعبي هذا الموسم لكن عمك اصمخ.

Ali Alqallaf
06-01-2013, 18:46
فالينور يارجل انا بس ابي مباراة وحدة بالمنتخب الانصاري ادى فيها
كل مباراة يتبدل الانصاري او ينطرد يتحسن لعب الفريق ..
اهم مركز بالفريق اهو الارتكاز ونشوف الانصاري بكل مباراة باصين صح على بعض ماعنده ..
انا ما اعتب عليه كثر ما اعتب على المدرب وبعض محللينه ما انسى
مباراة لبنان الشوط الاول بس 11 باص غلط ويطلعلنا محلل يقولك الانصاري نجم هذا الشوط ..
خلها على الله ..

Kw-Failchawi
06-01-2013, 19:59
مبروك على الفوز ..

والانصاري وما ادراك ما الانصاري اقدر اقول "بيرلو الخليج" :lol:

بما انكم حاسبين عدد الباصات الخاطئه له اقترح نسويله احصائيه طول البطوله ونشوف جم باص خاطئ يلعب ونقارنها بالباصات الخاطئه "لجميع" المنتخبات :lol:

من وجهة نظري افضل لاعب بهالمباراة طلال نايف ..

xavi23 almashmoum
06-01-2013, 20:07
رجالللللللللللللل

كويتاوي 2004
06-01-2013, 20:49
مبروووك الفوز والثلاث نقاط .. ما شفت المباراة عشان جذيه ما اقدر اتكلم عنها ولكن اهم شي حققنا هالثلاث نقاط .

بغبغاء
06-01-2013, 20:57
اتمني استبعاد الانصاري لاعب عادي باصات مثل الناس مافي كله مشتت وياخذون منه الكره نقول مبروك لي منتخبنا الازيرق 2-0 انشاء الله الفوز علي العراق 2-0 يا رب يا كريم

MUBARAK
06-01-2013, 21:06
الانصاري الافضل بالشوط الاول

تحس ان اللاعب الوحيد اللي يملك الثقه بأستثناء الشوته الطايشه اللي سددها


الرشيدي لازم يطلع لاعب مشتت واهو مخرب الهجمات

هدف صحيح لـــ يوسف ناصر الغاه الحكم لــ داعي التسلل ..

الانصاري افضل لاعب بالمباراه !!!!!!!!!!!!!!!!!!!

اسوء لاعب بالمباراه فهد الانصاري لوع جبدنا
باصاته كلها غلط ما يقطع بطيئ
قاعد نلعب بعشر لاعبين

big black
06-01-2013, 21:09
مبروك الفوز

الافضل - طلال نايف
الاسوأ - الانصاري

---------------

تبديلات غوران تشفع له

اتمنى انه مايضعف تحت الضغوط ويبلش بفهد العنزي اساسي

المباراة اليايه

اليوم دخوله كبديل عفس المنتخب الخصم ودربكهم

وتوقعت دخول عبدالهادي خميس

لكن دخل باني بداله والولد ممتاز بس يحتاج استمراريه باللعب

اتوقع عبدالهادي خميس نشوفه اساسي المباراة اليايه مع يوسف ناصر

shoot
06-01-2013, 21:58
الانصاري افضل لاعب بالمباراه !!!!!!!!!!!!!!!!!!!

اسوء لاعب بالمباراه فهد الانصاري لوع جبدنا
باصاته كلها غلط ما يقطع بطيئ
قاعد نلعب بعشر لاعبين


ماقلت بالمباراة قلت بالشوط الاول

الشوط الثاني كان سيء للاسف ..

مانيو
06-01-2013, 22:45
امانة رغم اني ما احب امدح هاللاعب

لكن يوسف ناصر تطور تطور كبير
محرك كبير للهجمة وفوق هذا قاعد يتداخل بكل كرة بشكل صحيح

بس لو الله يفكه من عقدة التضييع

فهد الرشيدي ما اتمنى اشوفه اساسي بعد

نجم الشوط الاول بالنسبة لي بين محمد فريح ويوسف ناصر
نجم الشوط الثاني طلال نايف

لاعبين فاشلين فهد الانصاري
حسين حاكم ما ينفع ابد دفاع نبي بداله حسين فاضل
وليد علي كبر نبي نشوف بديله
بدر المطوع لازم يدفي الدكة لو كنا نحترم نفسنا

VaLiNoR
06-01-2013, 23:37
الانصاري الافضل بالشوط الاول

تحس ان اللاعب الوحيد اللي يملك الثقه بأستثناء الشوته الطايشه اللي سددها


الرشيدي لازم يطلع لاعب مشتت واهو مخرب الهجمات

هدف صحيح لـــ يوسف ناصر الغاه الحكم لــ داعي التسلل ..

فاهم الثقة بالنفس غلط، تعتقد الثقة بالنفس هو التمشي بوسط الملعب؟

الثقة بالنفس هو أن اللاعب يمرر صح يلعب صح اما لاعب ١٦ لعبة يلعب غلط في مباراة وحدة بمعدل لعبة غلط كل خمس دقايق وانت تقولي اللاعب ثقة :)

انت قاعد اتابع مباريات المنتخب عدل ؟ اللاعب مهزوز مستواه اقل بكثير من اللعب في المنتخب.

البرنس القدساوي
06-01-2013, 23:50
الف مبروك لـ ازرقنا .. ترا المنتخب فاز ولله الحمد

فـ ياريت لو تباركون للمنتخب وتخلون الانصاري على كتر .. :)

قدساوي بالفوز والخساره
06-01-2013, 23:54
^^

ليش نخليه على كتر لاعب مامنه فايده يرجع الكوره لوراء يبى خلاص واضح انه واسطه بالنادي والمنتخب

xavi23 almashmoum
07-01-2013, 00:51
يابرنسس مايعرفون يباركون همهم القدساوييع جم باص غلط عطو ههههه

De Rossi
07-01-2013, 00:59
مبروك فوز منتخب القادسيه ، مبروك للقدساويه

البرنس القدساوي
07-01-2013, 01:29
يابرنسس مايعرفون يباركون همهم القدساوييع جم باص غلط عطو ههههه

:lol::lol::lol:

blues q8
07-01-2013, 01:53
مبروك الثلاث نقاط وهاردللك مستوى


منتخبنا اثبت انه مكشوف للكل ومن السهل صيده باختصار سكر الاجنحه خلاص


فهد عوض ما شاء الله تبارك الرحمن لاعب من طينة الكبار


الانصاري وفهد الرشيدي ويوسف ووليد مستواهم متواضع والمفروض المباراه القادمه نشوف القحطاني وعبدالهادي وفهد العنزي ( او امان ) ومقصيد ولا ما راح نسوي شي :)


=======



خارج النص


مرزوق العجمي اتعبت من بعدك وكفووو يالعود ولا عزاء لمجلس معروف شنو توجهه :)

القدساوي المحنك
07-01-2013, 01:55
مبروك للأزرق الكويتي ..
للأسف للأسف حصلي ظرف مهم وماقدرت أشوف المباراة ..

أهم شي الفوووز ..
والحمدلله على النتيجة ..

قدساوي بالفوز والخساره
07-01-2013, 01:58
خارج النص


مرزوق العجمي اتعبت من بعدك وكفووو يالعود ولا عزاء لمجلس معروف شنو توجهه :)

واحد فشل نفسه وطلع وياشين لما يتفلسف ويكذب الناس

رغم كرهي لبرنامج المجلس الا من اول ماشفت مرزوق هذا قلت وين ايامك ياعبدالرضا

blues q8
07-01-2013, 02:11
اي فشل نفسه انت الظاهر ما شفته من البدايه !!!

اول شي هم قالو له شي بس ما انتبهت شنو وزودوها معاه عشان جذي قال انتم توصلكم اوراق وقال له خالد احلف ورفض وقام يعاند وقالهم جذابين عاد اللي زعلو وغلط عليه العراقي تبيه اجل يسكت ويقعد مثل رضا عباس يوم قاله درجال انت تعيد وتزيد بسالفة الغزو الا كفووو عليه وهـ المجلس معروف انه ضد الكويت بكل شي وما ينفع معاهم الا اسلوب العجمي :)

قدساوي بالفوز والخساره
07-01-2013, 02:19
^^

وصف كل الي بالمجلس كذابين ويوصلون اوراق وماني عارف ايش ! ترضاه على نفسك لانه يعتقد انه خالد جاسم ضد الكويت ورجال حلف وقال ماني ضدكم وحتى لو ضدكم لاتتهم الاشخاص بس مرزوق قام يتفلسف والحكمه جاءت بالصميم وزعل مو عشان كويتي نوقف معاه

ترى مصدقين نفسنا الكل ضدنا ؟ احنا مو متصالحين مع بعض يعني ماتفرق اذا الغرب صارو ضدنا

حبوووب
07-01-2013, 02:27
مبروك الثلاث نقاط .. لكن المنتخب فاشل..!

blues q8
07-01-2013, 02:33
لا ما ارضى احد يقول جذاب بس خالد جاسم لو يحلف على الماي انه جمد وانا اشوف بعيوني ما اصدقه مع احترامي له


ومو على شان انه كويتي نوقف معاه لا بس خالد جاسم والمجلس من زمان وهم ضد الكويت يمكن انت توك جديد على البرنامج هذا ثاني


المجلس دايما يحاول يثير الفتن بالخليج ويدعون انهم مجلس احبه شوف المشكله اللي صارت بين قناة الجزيره وابوظبي والمشادات بين الجمهور الاماراتي والعماني ترى كلها بسببهم

blues q8
07-01-2013, 02:35
واكبر دليل على خبث البرنامج شوف الضيوف اللي احيانا يختارونهم من عندنا وبالذات رضا عباس والشمالي وانت تعرف شنو توجههم :)

قدساوي بالفوز والخساره
07-01-2013, 02:42
لا ما ارضى احد يقول جذاب بس خالد جاسم لو يحلف على الماي انه جمد وانا اشوف بعيوني ما اصدقه مع احترامي له


ومو على شان انه كويتي نوقف معاه لا بس خالد جاسم والمجلس من زمان وهم ضد الكويت يمكن انت توك جديد على البرنامج هذا ثاني


المجلس دايما يحاول يثير الفتن بالخليج ويدعون انهم مجلس احبه شوف المشكله اللي صارت بين قناة الجزيره وابوظبي والمشادات بين الجمهور الاماراتي والعماني ترى كلها بسببهم

الرجال يحلف لله سبحانه مو لي ولا لك

لا مو جديد على البرنامج بس اذا كانو ضد الكويت صير ضدهم وعندك برامج رياضيه واستلمهم

المشكله من الكويتيين نفسهم يجون يمصخرون نفسهم وينسحبون او يطردونهم امثال مرزوق او محمد كرم

قدساوي بالفوز والخساره
07-01-2013, 02:45
واكبر دليل على خبث البرنامج شوف الضيوف اللي احيانا يختارونهم من عندنا وبالذات رضا عباس والشمالي وانت تعرف شنو توجههم :)

هذول ضد الشيخ طلال الفهد واحمد الفهد وهذول مايهمهم الا مصالحهم حتى لو تحطهم بسكاي هم يدخلون احمد وطلال بالموضوع

انا اكلمك عن مرزوق والي قبله محمد كرم وخاصتا محمد كرم لولا ملعب الوطن ماظن احد يعطيه وجه

حبوووب
07-01-2013, 02:59
لا ما ارضى احد يقول جذاب بس خالد جاسم لو يحلف على الماي انه جمد وانا اشوف بعيوني ما اصدقه مع احترامي له


ومو على شان انه كويتي نوقف معاه لا بس خالد جاسم والمجلس من زمان وهم ضد الكويت يمكن انت توك جديد على البرنامج هذا ثاني


المجلس دايما يحاول يثير الفتن بالخليج ويدعون انهم مجلس احبه شوف المشكله اللي صارت بين قناة الجزيره وابوظبي والمشادات بين الجمهور الاماراتي والعماني ترى كلها بسببهم



يارجاال والله محد درا عنكم ولا عن الكويت كل من تحجى قلتوا ضد الكويت أستغفر الله بس

مرزوق العجمي هو من أستهزئ بالمنتخب الكويتي وشعاره أزيرق في خليجي 16

لا يعرف السجال بالكلام ويكون الند للند ... شنو أستفادت الكويت حينما أنسحب..؟

لماذا لم يفند أدعاءات الآخرين..؟ لماذا يتهم مقدم البرنامج دون دليل..؟

ياليته أعتذر عن المشاركه بالبرنامج ... تابع كتاباته وكيف سيكون الهجوم منه ضد القائمين على البرنامج... لكن لا تستغرب مما سيكتبه..!

المنتخب الكويتي معروف بعبع الخليج ومتسيد بطولاتها .... لماذا تقللوا من شأن أنفسكم..؟

مثير للجدل
07-01-2013, 07:29
البرنامج اللي مسوين مجلس.....مذيعه لا يحترم ضيوفه....يسوي نفسه يتغشمر ويعطيك وحده قويه...ما يصلح تحترمه او تكون محترم معاه...هذا مال تلسبه بالعقال وانا متأكد انه هم ما راح يضبط العقال معاه...وماهو الا حل مؤقت لراحتك النفسيه منه لأنه اهو مرض...الحل له اهو الموت ولا راح يتغير...بس الحل لك لما يصيبك هالمرض...تلسبه بالعقال

noura-85
07-01-2013, 10:26
الصراحه انا شفت الهوشه من اولها .. يمكن مرزوق ما شاف تصريحات الفهد ويمكن فعلا القصه الي حصلت وياه صحيحه وليست من وحي الخيال على قولتهم بس مرزوق بدع اتهمهم بالتآمر واتهمهم بالجذب واكيد محد يرضى على نفسه اهو غلط عليهم بالاول واهو قال عنهم جذابين اهو البادي وهالموقف بين الي بقلوبهم على الكويت حتى لو مرزوق غلطان عليهم مثل العراقي الي وصف مرزوق بالاحمق

مرزوق استفزهم ومرزوق ينسحب انتوا شرايكم ؟

shoot
07-01-2013, 12:18
فاهم الثقة بالنفس غلط، تعتقد الثقة بالنفس هو التمشي بوسط الملعب؟

الثقة بالنفس هو أن اللاعب يمرر صح يلعب صح اما لاعب ١٦ لعبة يلعب غلط في مباراة وحدة بمعدل لعبة غلط كل خمس دقايق وانت تقولي اللاعب ثقة :)

انت قاعد اتابع مباريات المنتخب عدل ؟ اللاعب مهزوز مستواه اقل بكثير من اللعب في المنتخب.

فالينوور انا تكلمت عن الشوط الاول فقط وفعلا اللاعب كان جيد

اذا بنحسبها بهالطريقه اكثر لاعب مرر خطأ وليد علي وما اشوفك سويتله حسبه ,

يا اخي ياريت نسسى نادي اللاعب شي وننظر للاعب لوجوده بالمنتخب

امس يوسف ناصر كان ممتاز بالرغم ان اخفق في مباريات كثيره وكان عاله على المنتخب

VaLiNoR
07-01-2013, 13:01
شووت ..

لما احد ينتقد يوسف ناصر هل في احد رد واتهم المنتقدين بأنهم متحاملين على نادي كاظمة؟ هل شفتني ارد على احد ينتقد يوسف ناصر ليش احنا لما ننتقد لاعب او لاعبين من اصل عشر لاعبين من نادي واحد في المنتخب نتهم بأننا متحاملين على نادي القادسية ؟ انتقد أداء لاعب واعمل احصاء حتى لا احد يرد رد عاطفي وهم نطلع متحاملين ؟ :)

هل شفتني تكلمت بالمباراة عن لاعب قدساوي آخر غير الانصاري حتى تتهمني بالتحامل عالقادسية ولا لاعبي القادسية بالنسبة لكم خط احمر لا يجوز انتقادهم ؟ :)

وليد علي صحيح لعب كرات خاطئة لكن لما نعد كراته الملعوبة تجعلنا نتغاضى عن كراته الخاطئة، وليد علي صنع انفراد لفهد الرشيدي بالاضافة لكرة خطرة ثانية ايضاً للرشيدي ما استغلها، وليد ساهم بالهدف الاول وكان سبب فيه، وليد عمل اكثر من فرصة خطرة.

لكن فهد الانصاري كارثة بكل ما تحمله الكلمة من معنى، تقول اني متحامل زين ليش انت ما شفت الاعضاء القدساوية شقاعد يكتبون عن الانصاري ؟ علي القلاف مبارك قدساوي بالفوز والخسارة كلهم قدساوية متعصبين لكن شوف شنو اكتبوا عن الانصاري مع هذا انت تناسيت ردودهم واتهمتني اني متحامل :)

انت اذا لاعب معظم الاعضاء ذمو أداءه او عالاقل محد امدحه قمت انت واخترته افضل لاعب بالشوط الاول تبي تقيمني بعد متحامل او لا صل عالنبي يا اخوي :)

shoot
07-01-2013, 13:08
لوووول

انا يوم كتبت افضل لاعب بالشوط الاول كان قبل ردي مافي احد ذم الا انت سويتها اخترته هههههه

على العموم مو هذا طبعي اختار لاعب اعناد للبقيه كل واحد لــ رايه ولابد يحترم ..

السالفه مو عناد وبس ,,

انا قلت رايي بناءا على الشوط الاول فقط والانصاري كان سيء بالشوط الثاني

VaLiNoR
07-01-2013, 13:15
ودي اعرف شلون فهمت اني اقصد انك تعاند، انا اقصد انه تقييمك فيه خلل واضح، على اي اساس قلت اللاعب ثقة وافضل لاعب بالشوط الاول شنو مفهوم الثقة عندك وشنو المعيار اللي على اساسه اخترت اللاعب الافضل بالشوط الاول؟ :)

انت صدمت المنتدى بأعضاءه انا اتحداك اذا في عضو آخر ممكن يختار الانصاري افضل لاعب بالشوط الاول بمنطقية وبعيد عن العاطفة.

VaLiNoR
07-01-2013, 13:19
لوووول


على العموم مو هذا طبعي اختار لاعب اعناد للبقيه كل واحد لــ رايه ولابد يحترم ..



وين احترام الراي؟ انا قلت الانصاري لعب ١٦ لعبة خاطئة رديت انت اني متحامل عالقادسية :)

De Rossi
07-01-2013, 13:39
مشكله لما الواحد يقول في مباراه سابقه : دام فهد الأنصاري بروحه بالوسط فـ راح نستقبل قول و إذا ما تسجل علينا لا تاخذون مني كلام بعدها

و تشوفه هم يرد و يتكلم لا و على نفس اللاعب :D

مشكله لما الواحد مو قد كلمته :bye:

shoot
07-01-2013, 16:45
وين احترام الراي؟ انا قلت الانصاري لعب ١٦ لعبة خاطئة رديت انت اني متحامل عالقادسية :)

يا خوي ومن قالك ان كان كلامي موجه لك بالاساس عشان اخالفك الراي

انا قلت رايي عن اللاعب بالشوط الاول بدون ما اقتبس ردك واخالفك

اللاعب راكد ويقطع كور بدون تهور ويستلم صح ويشوف قبل لايعطي .. بالنسبه للباصات الغلط المنتخب كله امس ماكان يسلم صح لانه المساحات كانت شبه معدومه

كون المنتخب اليمني كان متراجع

كويتاوي 2004
07-01-2013, 21:16
ليش احنا لما ننتقد لاعب او لاعبين من اصل عشر لاعبين من نادي واحد في المنتخب نتهم بأننا متحاملين على نادي القادسية ؟

اتفق معاك اخوي فالينور .. لما ننتقد لاعب واحد من اصل 10 لاعبين نصير متحاملين علي نادي هذا اللاعب ؟؟!!
بعدين اشمعنا اخترنا الانصاري عشان نضرب فيه هذا النادي ؟؟!! .. يعني ليش مو بدر اللي يضيع بعض البلنتيات او مساعد اللي كله ينطرد ..
اشمعنا الانصاري اللي ننتقد أداءه عشان نضرب ناديه ؟؟!! :confused:

كويتاوي 2004
07-01-2013, 21:25
مبروك فوز منتخب القادسيه ، مبروك للقدساويه
الخالدي
فهد عوض .. حسين حاكم .. الفضلي .. محمد فريح

وليد علي .. طلال نايف .. الانصاري .. فهد الرشيدي

بدر المطوع ... يوسف ناصر

4 لاعبين من 11 لاعب اتسميهم منتخب القادسية ؟؟!!
اتحس واحد منتظر منتخبنا يفوز عشان يحط هالجملة ولكنك حطيتها مو بوقتها .

xavi23 almashmoum
07-01-2013, 21:29
فينور ولا مره شفتك انتقت يوسف الي بكل بطوله يحط قول بمباراه الافتتاح ويعدها يختفيي ولابس تعرف تعد للانصاري;)

قدساوي بالفوز والخساره
07-01-2013, 21:52
الخالدي
فهد عوض .. حسين حاكم .. الفضلي .. محمد فريح

وليد علي .. طلال نايف .. الانصاري .. فهد الرشيدي

بدر المطوع ... يوسف ناصر

4 لاعبين من 11 لاعب اتسميهم منتخب القادسية ؟؟!!
اتحس واحد منتظر منتخبنا يفوز عشان يحط هالجملة ولكنك حطيتها مو بوقتها .

الاكثريه للقادسية بعدين اهو اختصره عليكم لانا قدام العراق ممكن نخسره ويقولون هاردلك لمنتخب القادسية

VaLiNoR
07-01-2013, 23:04
اتفق معاك اخوي فالينور .. لما ننتقد لاعب واحد من اصل 10 لاعبين نصير متحاملين علي نادي هذا اللاعب ؟؟!!
بعدين اشمعنا اخترنا الانصاري عشان نضرب فيه هذا النادي ؟؟!! .. يعني ليش مو بدر اللي يضيع بعض البلنتيات او مساعد اللي كله ينطرد ..
اشمعنا الانصاري اللي ننتقد أداءه عشان نضرب ناديه ؟؟!! :confused:

البعض عنده مشكلة عادي اهو يطالب بالنادي ان الخالدي يكون بديل واحمد الفضلي اساسي وعادي مايبي حمد العنزي بالنادي، لكن لما شخص غير قدساوي يطالب بهالاشياء بالمنتخب يصير متحامل على نادي القادسية؟ في سطحية بالتفكير اكثر من هذي الطريقة بالتفكير؟

احنا بينا وبين القادسية ثار؟ كلها كرة ولا يمكن ان ناخذ الامور بشخصانية، في نهائي كاس الاتحاد الاسيوي بين القادسية والاتحاد السوري حضرنا المباراة وكنه جداً مستائين من الخسارة ويشهد علي اعضاء بالمنتدى حضرت معاهم المباراة.

مشكلة البعض ان صدره ضيق وضعيف الحجة اي شخص يخالفه الراي يتهمه بالشخصانية والتحامل.

VaLiNoR
07-01-2013, 23:17
فينور ولا مره شفتك انتقت يوسف الي بكل بطوله يحط قول بمباراه الافتتاح ويعدها يختفيي ولابس تعرف تعد للانصاري;)

روح ابحث بردودي بفترة تصفيات كاس العالم كنت اطالب ان يوسف ناصر يستريح بدكة الاحتياط وعدة ردود لي كنت انتقد يوسف ناصر.

انا اتكلم بموضوعية بينما انت بعيد كل البعد عن الموضوعية تنظر دائماً للامور بنظرة عاطفية، اي شخص غير قدساوي ينتقد المنتخب او لاعبي القادسية تصفه بأنه متحامل، لكن لما قدساوي ينتقد المنتخب يكون قلبه عالمنتخب :)

علي القلاف عضو قدساوي متعصب كل رد والثاني ينتقد الانصاري برابطتكم وبقسم المنتخب ما شفتك اتهمته بالتحامل :)

xavi23 almashmoum
08-01-2013, 00:06
اشوه انك مره من المرات شفتني برابطتنا وانا انقاش واحد قدساوي كان ينتقد الانصاري
وانت كتبتلي ليش تتهمه انه شخصاني اعتقد نكه مبارك
بنسبه لانتقاد يوسف فاذا انت فعلا انتقدته فانا اسف حقك علي
مو مشكله انك تنتقد لاعب مهما كان ناديه المشكله انك تقعددله عالوحده وسوا بدع ولالا هم تنتقده انت من كثر ماتنتقده شفتك مره مدخته برابطتنا حسبت اني حلمان قريت ردك 4 نرات ههههههه
باختصار لواي لاعب بتقعدله ع الوحدع حتى بيلو تلاقي باصاته غلط

De Rossi
08-01-2013, 01:47
الاكثريه للقادسية بعدين اهو اختصره عليكم لانا قدام العراق ممكن نخسره ويقولون هاردلك لمنتخب القادسية


بالضبط هذا قصدي ..
الحين منتخبنا فاز أوكي ..
لما يخسر منتخبنا راح يقولون : هذا منتخب القادسيه ..

VaLiNoR
08-01-2013, 01:48
هذا انت قلتها اني مدحت الانصاري بأحد المرات لو بس ابي انتقده ما كنت مدحته.

كويتاوي 2004
08-01-2013, 06:02
الاكثريه للقادسية بعدين اهو اختصره عليكم لانا قدام العراق ممكن نخسره ويقولون هاردلك لمنتخب القادسية
الأكثرية فرق لاعب واحد فقط ؟؟!! .. لا وحارس مرمي بعد وفيه اللي أحسن منه والثاني الأنصاري .. خلك واقعي شوي
لما نقول منتخب القادسية لما يكونون سبع او ثمان لاعبين بالملعب منهم 3 او 4 لاعبين علي الاقل ما يستحقون المنتخب .
التشكيلة كانت :
4 من القادسية منهم الحارس والانصاري :)
3 من الكويت
3 من العربي
1 من كاظمه
صار منتخب القادسية ؟؟!! ههههههههههه
ومثل ما قلت لك خلهم 7 من القادسية ولكن سبعتهم يستاهلون منتخب ومن غير واسطه وحتي لو يخسرون راح نسميه منتخب الكويت اللي خسر ولكن اتحط لاعبين واسطه وتخسر بعد .

كويتاوي 2004
08-01-2013, 06:16
بالضبط هذا قصدي ..
الحين منتخبنا فاز أوكي ..
لما يخسر منتخبنا راح يقولون : هذا منتخب القادسيه ..
دام انه لاعبين الواسطه لاعب واحد فقط محد راح يقول
وتأكد لو هذي التشكيله هم محد راح يقول :
الخالدي
فهد عوض .. فاضل .. ندا .. المعتوق (محمد راشد .. محمد فريح)
وليد .. طلال نايف .. القحطاني (العامر .. حاكم) .. فهد العنزي (حمد امان)
بدر المطوع .. يوسف ناصر (هادي .. باني )

شوف جم لاعب قدساوي بالتشكيلة ؟؟!! .. لو يخسر هالمنتخب محد راح يقول منتخب القادسية .. تدري ليش .. لانهم لاعبين جيدين
ولكن اتحط خالد القحطاني .. والمشعان .. الانصاري .. الشيخ .. حمد العنزي .. ضاري سعيد .. اتحطهم بتشكيلة وحده .. اهنيه المشكله وهذا المنتخب لتجهيز لاعبين القادسية ... وهذا هو منتخب القادسيه اللي ضيع علينا بطولات كثيره .

xavi23 almashmoum
08-01-2013, 06:28
ابصم بالعشره لو هذي التشكيله هم بتقول واسطه انت بذات ياكويتاوي

فينور
مره وبالغلط وتقةلي موحاط

كويتاوي 2004
08-01-2013, 06:37
^^^
ما بيك تبصم .. ابيك تحلف .

xavi23 almashmoum
08-01-2013, 07:53
^^^
ما بيك تبصم .. ابيك تحلف .

ماني حالف بس ابصم لني اعرفك عدل وبعدين الي ذكرتهم كلهم موبالمنتخب باسنثناء الانصاري

اتفق معاك بشي واحد انه الخالدي ما يستاهل اساسي وفي احسن لوبيدي احط الي حاط صورته انت يم حسين بابا علاقل حارس ثاني

ويكونون حراسنا مصعب خالد نواف او خالد مصعب نواف هذا رايي الشخصي

xavi23 almashmoum
08-01-2013, 08:13
اهداء حق فينورر

در المطوع: 58 (15 خاطئة)
طلال نايف: 57 (5 خاطئة)
فهد عوض: 54 (4 خاطئة)
حسين حاكم: 46 (2 خاطئة)
فهد الانصاري: 43 (7 خاطئة)
وليد علي: 39 (11 خاطئة)
محمد فريح: 35 (5 خاطئة)
محمد راشد: 28 تمريرة صحيحة
يوسف ناصر: 12 (4 خاطئة)

قطع الكرات
طلال نايف: 16
فهد الانصاري: 13
محمد فريح: 10

ها شرايك;)
حسين حاكم: 9
محمد راشد: 8
فهد عوض: 7

VaLiNoR
08-01-2013, 09:34
منو مصدر هالاحصائية الدايخة ؟ الارقام ما ادش العقل فهد عوض لاعب ٥٤ تمريرة !! يعني كل دقيقة ونص لاعب باص !، الظاهر منتخبنا كان يلعب كرة قدم صالات :)

كويتاوي 2004
08-01-2013, 10:28
وبعدين الي ذكرتهم كلهم مو بالمنتخب باسنثناء الانصاري

عشان جذيه هذا مو منتخب القادسية :yes: .. وهذي خطوه اولي بالإتجاه الصحيح من الاتحاد .
الحين نحتاج مدرب صح وعدم التدخل بالتشكيلة واختيارات اللاعبين .

ملاحظة : نواف الخالدي حارس جيد وخبره ولكن عنده اخطاء وبالوقت الحالي الرشيدي احسن منه
لو تبي الترتيب : الرشيدي .. الخالدي .. مصعب (لم يختبر دوليا)

VaLiNoR
08-01-2013, 12:55
ابصم بالعشره لو هذي التشكيله هم بتقول واسطه انت بذات ياكويتاوي

فينور
مره وبالغلط وتقةلي موحاط

http://diwania.alazraq.com/showthread.php?t=313711&p=6661396&viewfull=1#post6661396

هذا رد لي آخر امدح فيه الانصاري في مباراة منتخبنا امام لبنان في الكويت ضمن تصفيات كاس العالم.

لكن انت والبعض عنده مشكلة مايبي احد ينتقد لاعبين ناديه عنده حساسية :)

http://diwania.alazraq.com/showthread.php?t=313711&p=6661416&viewfull=1#post6661416

وهذي احد ردودي انتقد يوسف ناصر ولو تبحث بردودي بتلقى كثيرة الردود اللي اذم فيها أداء يوسف ناصر، انا اتكلم بموضوعية وانظر بعين الحريص على المنتخب فقط وكل اللي ابيه انه اللي يمثلنا بالمنتخب والتشكيلة الاساسية يكون الافضل واللي ما يأدي بغض النظر من هو يريح عالخط.

اذا ما لقيت او مالك خلق تبحث قولي وانا حاضر احطلك ردود اخرى.

De Rossi
08-01-2013, 13:07
دام انه لاعبين الواسطه لاعب واحد فقط محد راح يقول
وتأكد لو هذي التشكيله هم محد راح يقول :
الخالدي
فهد عوض .. فاضل .. ندا .. المعتوق (محمد راشد .. محمد فريح)
وليد .. طلال نايف .. القحطاني (العامر .. حاكم) .. فهد العنزي (حمد امان)
بدر المطوع .. يوسف ناصر (هادي .. باني )

شوف جم لاعب قدساوي بالتشكيلة ؟؟!! .. لو يخسر هالمنتخب محد راح يقول منتخب القادسية .. تدري ليش .. لانهم لاعبين جيدين
ولكن اتحط خالد القحطاني .. والمشعان .. الانصاري .. الشيخ .. حمد العنزي .. ضاري سعيد .. اتحطهم بتشكيلة وحده .. اهنيه المشكله وهذا المنتخب لتجهيز لاعبين القادسية ... وهذا هو منتخب القادسيه اللي ضيع علينا بطولات كثيره .

قحطاني ، مشعان .. الشيخ ، العنزي ، ضاري سعيد
من زماان احتياط
و الأنصاري ليلحين ثابت
فـ شنو اللي فرق عن كاس آسيا و تصفيات العالم ؟؟
بس أغلبكم لما نفوز تستانسون
و لما نخسر صار منتخب القادسيه
فـ مبروك لـ منتخب القادسيه و عقبال البطوله قدساويه ذهبيه بإذن الله ..