المساعد الشخصي الرقمي

مشاهدة النسخة كاملة : افضل لاعب بالمباراة + تقييم اللاعبين



VaLiNoR
12-01-2013, 19:45
حارس المرمى
نواف الخالدي 8

قلوب الدفاع
محمد راشد 8
مساعد ندا 9

الاطراف
محمد فريح 7
فهد عوض 8

الارتكازات
فهد الانصاري 6
طلال نايف 7

الاطراف
وليد علي 7
حمد أمان 6
فهد العنزي 6
الهجوم
بدر المطوع 8
يوسف ناصر 8

واضح ان الدفاع كان افضل الخطوط لهالسبب يستحق تقييم عالي، بينما كان اضعف خطوطنا هو خط الوسط وعليه كان التقييم أقل.

بالنسبة لأفضل لاعب فبرايي بين مساعد ومحمد راشد وفهد عوض كانوا نجوم المباراة لكني اعطيها لمساعد ندا لدوره الهجومي في التمرير المتقن.

ياليت اشوف رايكم بدون عاطفة

Ali Alqallaf
12-01-2013, 20:31
اايدك بجميع الارقام .. ونجم المباراة اشوف ان بوراشد يستاهلها

xavi23 almashmoum
12-01-2013, 20:37
الافضل بوراشد وندا ونواف والزلم يوسف

VaLiNoR
12-01-2013, 21:08
بالنسبة لفهد الانصاري حتى لا يقال ان احنا متحاملين عليه، أداءه في هذي المباراة كان افضل من مباراة العراق واليمن، في مباراة اليمن كان سيء جداً وفي مباراة العراق كان سيء اما اليوم نقدر نقول مقبول.

في مباراة اليوم ايجابياته انه لم يلعب باصات خاطئة الا فيما ندر كذلك شفناه اليوم يستغل طوله ولاحظناه يتراجع لداخل منطقة ال18 لمرمانا ويطلع كور براسه.

اما العيوب فلم نشاهد منه تمريرات حاسمة كلاعب ارتكاز متقدم اللي احد مهامه الرئيسية التمرير للأمام وعدم الاتكال فقط على بدر المطوع في هذي المهمة.

هذا في الجانب الهجومي اما الجانب الدفاعي فعابه عدم التغطية على لاعبين الوسط فأكثر من مرة يستلم لاعب الخصم من خلف فهد الانصاري في وسط الملعب وامام منطقة ال18 لمرمانا.

بشكل عام وبالمجمل نقدر نقول أداء فهد مقبول في هذي المباراة وإن كان ماهو قد الطموح ونتمنى اشراك ناصر القحطاني بدل منه، وان استمر الانصاري كأساسي فكل اللي نتمناه انه يتحسن مستواه ويقدم أداء أفضل لخدمة المنتخب اللي هو فقط من يهمنا.

Sierra_Z71
12-01-2013, 21:09
يوسف ناصر الافضل في البطولة لحد الان.. استغرب من الانتقاد الدائم للاعب..

الاسوء فهد الانصاري ..

كويتاوي 2004
12-01-2013, 21:19
جميع اللاعبين بين ٨ و ٩ .
نجوم المباراة .. بصراحة كلهم نجوم .. الجهة اليسري فهد عوض ووليد علي وقلوب الدفاع راشد وندا .
أفضل لاعب بدر المطوع لقيادته للفريق .
ولا ننسي اللاعب الصاعد محمد فريح والقتالية باللعب .

كويتاوي 2004
12-01-2013, 21:21
بالنسبة للأنصاري .. في هذه المباراة كان جيد .. التغطية كانت ممتازه وكان دائما خلف الكره ويضايق حامل الكره بالتغطية .
يمكن طريقة اللعب الدفاعية اخدمته ولكنه كان جيد واليوم ما تمنيت استبداله :)

Orange Tango
12-01-2013, 22:22
محمد راشد و مساعد ندا و يوسف ناصر الأفضل ،
الفريق بشكل عام قدم مستوى طيب .
و فعلا الانصاري بهالمباراة كان جيد

Ali Alqallaf
12-01-2013, 22:39
أأيد راي الربع بخصوص الانصاري ..
الانصاري بالشوط الاول كان مثل مستواه المعهود "سيئ"
وبغى يجيب العيد باول الدقايق لوﻻ العوود بوراشد
اما بالشوط الثاني تحسن بشكل كبير ..
كان جيد .. بقطع الكور وممتاز باخر الدقايق بتضيع الوقت ..
الانصاري والمشعان هذا وقتهم باخر الدقايق"ﻻعبين مدرب" لتضييع الوقت ﻻ اكثر..

سفيرالقادسيه
12-01-2013, 22:41
حارس المرمى
نواف الخالدي 9

قلوب الدفاع
محمد راشد 9
مساعد ندا 9

الاطراف
محمد فريح 7
فهد عوض 9

الارتكازات
فهد الانصاري 5
طلال نايف 5

الاطراف
وليد علي 8
حمد أمان 7
فهد العنزي 7
الهجوم
بدر المطوع 9
يوسف ناصر 9

البرنس القدساوي
12-01-2013, 22:46
جميع الاعبين ابدعو اليوم ..

لكن عندي ملاحظة على الفريح لان كان يبالغ نوعا ما في المسانده الهجوميه وترك مساحات في منطقته ..!!

بـ شكل عام المستوى كان ممتاز من ربعنا .. و مايميز المنتخب اليوم هي الروح القتاليه العاليه وتحديدا في خط الدفاع ..

و بالنسبه لي افضل لاعب اليوم هو فهد عوض .. وللامانه كل ماله ويقنعني ان من افضل الاعبين حفاظا على المستوى

ولي يطالبون بـ مشاركة مقصيد فـ بوفارس الحمدالله فيه الخير و البركه و لا يهون مقصيد

وفي النهايه الاثنين من افضل الاعبين لكن فهد عوض هو الانسب .. !!!

مااااس
12-01-2013, 22:50
طلال نايف يستاهل 8 خاصة إن التمريرة القاتلة من نص الملعب اللي جاء منها الهدف كانت منه
والسؤال من يصلح بديلاً لطلال نايف في اللعبة القادمة مع الامارات لأنه موقوف لحصوله على إنذارين؟
فكر يا مفكر

سفيرالقادسيه
12-01-2013, 22:54
علي مقصيد دفاعيا مهزوز لكن بالوسط جناح ممتاز جدا خصوصا بالعرضيات

ماعندي ملاحظات اليوم الا على ثلاث لاعبين

فريح كان يشتت خطأ ومايغطي منطقته بالشكل الصحيح

طلال نايف اخطاء يرتكبها ويستغلونها المنتخب السعودي وكانت تسبب اخطاءه هجمات خطره للمنتخب السعودي

الانصاري ايضا مستهتر ببعض اوقات المباره واخطاءه مثل اخطاء طلال نايف

بس بشكل عام الفريق كان ممتاز وعرف من اين تأكل الكتف

سفيرالقادسيه
12-01-2013, 22:55
طلال نايف يستاهل 8 خاصة إن التمريرة القاتلة من نص الملعب اللي جاء منها الهدف كانت منه
والسؤال من يصلح بديلاً لطلال نايف في اللعبة القادمة مع الامارات لأنه موقوف لحصوله على إنذارين؟
فكر يا مفكر


طلال العامر طبعا واهو افضل من طلال نايف بس اذا كان بمستواه وللي افضل منهم العتيجي بس للاسف مو مستدعينه المنتخب

كويتاوي 2004
12-01-2013, 22:57
^^^
العامر وجراح مو مع المنتخب
عندك حاكم والقحطاني والسليمي .. دفاعيا حاكم افضل .. القحطاني هجوميا افضل .

سفيرالقادسيه
12-01-2013, 23:09
^^^
العامر وجراح مو مع المنتخب
عندك حاكم والقحطاني والسليمي .. دفاعيا حاكم افضل .. القحطاني هجوميا افضل .

اذن لا يعلى على ناصر القحطاني قدم مستوى ممتاز هالموسم وهذه مباراته

shoot
12-01-2013, 23:29
كلهم ممتــــــــــازين

بس بدر الافضل

ويجب الاشاده في غوران اليوم تبديلاته كانت ممتازه

مااااس
13-01-2013, 00:01
أبشركم
أسامة حسين يؤكد على عدم وجود أي إيقافات للمنتخب لأن الانذارات تسقط بالدور الثاني - باستثناء العقوبات التي تظل سارية
والمنتخب لم يتعرض أي لاعب للعقوبة ولله الحمد
يعني طلال نايف بإذن الله موجود بلعبة الامارات

القدساوي المحنك
13-01-2013, 00:06
حارس المرمى

نواف الخالدي 7/10

قلوب الدفاع

محمد راشد 7.5/10
مساعد ندا 7/10

الاطراف

محمد فريح 6/10
فهد عوض 6.5/10

الارتكازات

فهد الانصاري 7/10
طلال نايف 8.5/10

الاطراف

وليد علي 7/10
حمد أمان 6/10
فهد العنزي 6.5/10

الهجوم

بدر المطوع 7.5/10
يوسف ناصر 8/10



http://www.arabiclub.net/site/files/players/72845c21dd.jpg

طلال نايف أفضل لاعب ..

مانيو
13-01-2013, 07:04
بالنسبة لي الفريق كله ادى مباراة رائعة
حتى اني قعدت افكر بيني وبين نفسي هل هذا الاداء من قوتنا ولا من الضعف الشديد من السعودية
الاكيد ان احنا ادينا لكن السعودية ساعدنا بمستواه السيئ

افضل لاعب بالنسبة لي طلال نايف ويوسف ناصر

يوسف ناصر متطور بشكل كبير بهالبطولة وهذي ثالث مباراة اشيد فيه
بعد ما كنت ما اطيقه
لكنه بدع

اما طلال نايف فعلا ممتاز مالي مركزه بالكامل وتمريرة رائعة

اضف الى هذا خط الدفاع كان جدا ممتاز ومتفاهم لذلك نحتاج الاستمرار عليه

فهد الانصاري كان جيد

فهد العنزي عجبني حيل عقب ما دش هاللاعب ممتاز

الي ما عجبني شوي حمد امان
وايد يلعب جدام القوول ما يعرف يخلص او يباصي صح
في بعض الاحيان وبعض الاحيان يعطيك باص قاتل


امانة تمنيت اشوف علي مقصيد بدل وليد علي رغم ان بهالمباراة ما قصر
رغم ان ما كان عاجبني بالمبارتين الي طافوا

اخيرا جدامنا اقوى فرق البطولة الامارات
والله يستر واعتقد انها التيرمومتر لأدائنا
اذا امس كان لعبنا ممتاز بسبب مستوانا بيبين
واذا كان بسبب ضعف المنتخب السعودي هم بيبين

Kw-Failchawi
13-01-2013, 12:40
عيل طلال نايف وفريح ما كانوا زينين :lol:

مادري شنو يعجبكم

انا عندي كل اللاعبين كانوا زينين

كرستيانو رونالدو
13-01-2013, 13:13
الخالدي 7 - فعليا لم يختبر

مساعد 9 صمام امان ما طافته ولا كره

راشد 8 ايضا لم يخطئ بس عيبه كل كره يشتتها وهذا غلط

فريح 6.5 ادى مباراه مقبوله ، مساند هجومي ضعيف + ماينلام لضعف خبرته في مباراه بهالحجم

فهد عوض 8 صمام امان ثالث مع قلوب الدفاع + يعطي الدفاع ثقه باستلامه للكرات وعدم تشتيتها ، اخطأ مره ولكن تلاحق عليه وليد علي وغطاه ( برافو )

طلال نايف 8 لعب مباراه كبيره وكان مميز بقطع الكرات + صنع هدف ( شتبون اكثر ) والي يعيبون باصاته الغلط ترا طلال نايف مو تشافي :p

الانصاري 7 ايضا كان مساند جيد للدفاع + نقدر نقول بدا يدش جو البطولة ، طلع بينيه حق يوسف ناصر ولكن الحكم حسبها تسلل مع انها مو تسلل ! مطالب بالمزيد هجوميا لان هذي وظيفته بالملعب

وليد 7 بعد الفوز امس والفرحه ما ودي اقول حركه بلا بركه ! ولكن يؤسفني في وليد علي انه مزعج ويطوف 3 لاعبين ماعنده مشكله بس لما توصل للعرضيه تطلع غلط !! حرام يتعب عالفاضي

حمد امان 3 اولا ما الوم اللاعب لانه عديم خبره + يلعب جدام السعودية وفي مباراه حاسمه ، هالـ 3 نقاط خذاهم بس لانه تعب بالباك اليسار مال السعوديه والي كان المفروض فهد العنزي يستغل نتيجة عمل حمد امان

بدر 8 بدران مابي اتكلم عنه فارض نفسه بشكل كبير ، بس عندي ملاحظه ان هذي ماهي لياقة بدران ! ماتعودت اشوف بدر يتمشى بالدقيقه 80 !! بدر اول مستعد يركض 120 دقيقه بنفس النفس

يوسف 9 صاحب هدف الفوز ، يحسبله التحرك + حجز اللاعب السعودي + اعطاء الفرصه لنفسه انه يسدد بأريحيه ، مع ان تنفيذه للهدف خطأ ( لو الحارس مسكر ايده وريله جان مو قول :p ) والي كان المفروض يلعبها بالمكان الخالي الا ان الله وفقه وسجل وهذا الاهم ، وبصراحه يوسف تطور وصار قادر انه يشاغل المدافعين بروحه وهالمهمه وايد صعبه


الاحتياط : -
السليمي لم يختبر ولكن لعب باص شبه انفراد لم يستغل
باني لم يختبر ولكن تو الناس المباراه كبيرة عليه

فهد العنزي :
نظريا وحسب اداءه بالدقايق الي لعبها اعطيه 7.5

اما فنيا فـ اعطيه 3

فهد دش المباراه واهو يفكر باثبات نفسه امام المنتخب السعودي كـ تعويض لفشل تجربة احترافه بالاتحاد السعودي !
عابه الفرديه + الاستعراض الي ماله داعي + تضييع الوقت في وقت مبجر حيييييييل
ما اعتقد انها كانت بتوصيات من المدرب ولكن اول مره اشوف فهد العنزي يلعب بهالطريقة الي مالها تفسير في كرة القدم ..

xavi23 almashmoum
13-01-2013, 13:20
عطاري يوسف لاحظته قاعد يسوي حركات عجب بطريقه الاتحاام

VaLiNoR
13-01-2013, 14:14
مانيو

يعجبني الشخص اللي يغير رايه عن قناعة ومايصر على رايه لمجرد العناد :)

يوسف ناصر في كذا مباراة لمنتخبنا بتصفيات كاس العالم كان سيء وصار ضغط كبير عليه بسبب اصرار ربعنا على اشراكه كأساسي بصفة مستمرة رغم صغر سنه وقلة خبرته، مفروض اللاعب اللي ما يأدي يريح لكن تعال فهّم.

VaLiNoR
13-01-2013, 14:17
ايام ماتشالله الحارس اللي ما يأدي في مباراة، المباراة اللي عقبها احتياط، اما اليوم فتشاهد بعض اللاعبين ما يأدي كذا مباراة ومع هذا يتم الاصرار على مشاركته بصفة اساسية بشكل دائم، ولا كإنه في احتياط أصلاً :)

xavi23 almashmoum
13-01-2013, 14:19
كل مدرب ووجهه نظره

MUBARAK
13-01-2013, 18:29
كلهم ممتــــــــــازين

بس بدر الافضل

ويجب الاشاده في غوران اليوم تبديلاته كانت ممتازه

غير تبديل امان بالعنزي ماكو
السليمي نزل مكان وليد المصاب
وباني دقيقه 90 !!!

اخر ربع ساعه وليد علي ويوسف تعبانين
نزل مقصيد مكان وليد
والخميس مكان يوسف

xavi23 almashmoum
13-01-2013, 18:50
مبارك

مقصيد ضعييف دفاعيا ليش ينزله

مانيو
13-01-2013, 19:23
مانيو

يعجبني الشخص اللي يغير رايه عن قناعة ومايصر على رايه لمجرد العناد :)

يوسف ناصر في كذا مباراة لمنتخبنا بتصفيات كاس العالم كان سيء وصار ضغط كبير عليه بسبب اصرار ربعنا على اشراكه كأساسي بصفة مستمرة رغم صغر سنه وقلة خبرته، مفروض اللاعب اللي ما يأدي يريح لكن تعال فهّم.

يا عزيزي نحن احرار لسنا عبيد اندية ولا مطبلين مثل البعض

xavi23 almashmoum
13-01-2013, 19:26
يا عزيزي نحن احرار لسنا عبيد اندية ولا مطبلين مثل البعض

عاش الحر :p

blues q8
13-01-2013, 20:31
مباراة الامارات هي المقياس للمنتخب مع احترامي للسعوديه


على العموم جميع اللاعبين قدمو مستوى حلو ونجم المباراه يوسف ناصر هاللاعب ما شاء الله ارتفع مستواه بشكل ملحوظ عن تصفيات كاس العالم اللي كان جدا متواضع


كلمة حق للانصاري حنا دايما ننتقدك بس امس لعبت بشكل جيد ونتمنى انك تشد على نفسك اكثر :)

shoot
13-01-2013, 20:41
غير تبديل امان بالعنزي ماكو
السليمي نزل مكان وليد المصاب
وباني دقيقه 90 !!!

اخر ربع ساعه وليد علي ويوسف تعبانين
نزل مقصيد مكان وليد
والخميس مكان يوسف

يعني تبديل امان بالعنزي شويه بعينك :p

مو احسن من مباراة العراق اللي طلع طلال نايف واهو اللي كان نجم اللقاء

ماكو فايده لازم نطيح حظه فاز او خسر :p

VaLiNoR
13-01-2013, 21:04
انا غاسل ايدي من غوران مدرب فكره محدود لأبعد الحدود، وليد علي ما بدله الا لما اللاعب من نفسه طلع من الملعب.

منتخبنا لعب في ست ايام ثلاث مباريات، والآن بعد يومين بيلعب أمام الامارات، يعني خلال تسع ايام يلعب منتخبنا أربع مباريات، فأمر طبيعي لاعبي منتخبنا ماراح يكونون بكامل جاهزيتهم بدنياً امام الامارات.

يعني بالعقل مفروض المدرب يستغل قوة الاحتياط ويريح اهم لاعبينه خاصة الكبار بالعمر مثل وليد علي حتى يكون بكامل جاهزيته لمباراة الامارات، وخاصة وأن هناك بدلاء على مستوى، لكن مدرب يطالع تحته ماينظر للأمام.

بالمقابل الامارات بيلعبون امامنا وهم لاعبين آخر مباراة في الدور الاول بالصف الثاني، يعني هذي ميزة حقهم لأن لاعبينهم بهالحالة جاهزين بدنياً، لأنهم ريحوا حوالي ست ايام.

VaLiNoR
13-01-2013, 21:05
مثال سريع يوسف ناصر (لاعب هاوي) لعب ثلاث مباريات في ست ايام، طبيعي جداً امام الامارات بيلعب بنصف جاهزيته البدنية كلاعب مرهق بسبب ضغط المباريات.

غوران عباله بلي ستيشن حط التشكيلة والعب.

shoot
13-01-2013, 21:11
فالينور

هالكلام هذا اذا انت ضامن التأهل او متقدم بالنتيجه بفارق مريح

مو اريح لاعبيني وانا فايز واحد وممكن تتغير النتيجه بأي لحظه ؟؟!
!
وليد علي صحيح كبير بالسن بس للامانه امس حسسني ان وليد ابن الــ 23 عام كان مو باين عليه التعب نهائيا


اذا بتكلم عن نفسي مو مقتنع بهالمدرب نهائيا واشوفه مدرب جدا عادي

بس امس اجاد الخلطه المناسبه لــ حسم المباراه واشيد فيه من خلال هذي المباراة فقط !

VaLiNoR
13-01-2013, 21:31
شووت ..

انا ما قلت العب ناقص، كان مفروض بالدقيقة 70 او حتى قبل ينزل هادي خميس بدال يوسف ناصر، يوسف لاعب ثلاث مباريات بست ايام وهذا يسبب ارهاق والارهاق يسبب هبوط في مستوى وأداء اللاعب بشكل مفاجئ خاصة وان لاعبينا هاوين ماهم متعودين على هالنوع من الضغط في المباريات.

اما بخصوص نقطتك عن وليد علي تقول حسيت انه عمره 23، اللاعب قاعد يضغط على نفسه عشان المنتخب بالنهاية اللاعب اجهد اجهاد دفعه انه من نفسه يخرج من الملعب.

في اجهاد يصاحب اللاعب بعد المباراة يعني حتى لو ماتبدل وليد بهالحالة بيكون كل اللي عنده طلعه بهالمباراة وعرض نفسه لحالة من الارهاق تحتاج لاسبوع حتى يستعيد قوته البدنية فمابالك بانه منتخبنا راح يلعب بعد يومين :)

VaLiNoR
13-01-2013, 21:41
هالكلام هذا اذا انت ضامن التأهل او متقدم بالنتيجه بفارق مريح

مو اريح لاعبيني وانا فايز واحد وممكن تتغير النتيجه بأي لحظه ؟؟!

تدري شنو معنى كلامك معناه انك ضد التبديل يعني على كلامك مفروض المدرب يلعب 90 دقيقة بنفس التشكيلة :)

انت مادري امتابع او لا بس ترى احنا عندنا صف ثاني ما يقل عن الاول هادي خميس ناصر القحطاني علي مقصيد عبدالعزيز السليمي كلهم لاعبين ما يقلون مستوى عن التشكيلة الاساسية بل البعض يستحق التواجد بالتشكيلة الاساسية.

shoot
13-01-2013, 21:52
ماني ضد التبديل بس اني اسحب لاعب مأثر بحجه اني اريحه والنتيجه خطره علينه شي غلط وممكن يكلفني المباراة


يعني مثلا اكثر لاعب استهلك بالثلاث مباريات بدر المطوع لوو بسحبه والنتيجه انقلبت منو اللي بيصنع الفارق

في لاعبين ممنوع اللمس خصوصا بنتيجه نفس هذي

انت بهالمرحله يا ذابح يا مذبوح ومن بعدها يحلها ربك

حتى بالانديه العالميه اللي تملك دكه قويه ما اشوف السير ولا والمو ولا بيب يسحب لاعب سوبر بحجه ان يريحه او يوفر جهوده واهو ماضمن التأهل

لو وضعنه نفس الامارات او العراق انا اتفق معاك باللي قلته

Kw-Failchawi
13-01-2013, 23:11
انا كتبت هالرد بموضوع المباراة وبرد اكتبه ..

بالدقيقه 75 لو لاحظتوا ريكارد سحب مدافع دخل مهاجم يعني لعب ب3 مدافعين اخر ربع ساعه المدافعين الثلاث تعبوا واهم اساسا ثقال مدربنا المحنك لو يفكر صح جان دخل هادي الخميس ويلعب عالمرتدات والباصات الطويله وكان يقدر هادي خميس يستغل سرعته ويحصل على اكثر من انفراد وينهي المباراة بس للأسف مدربنا دايخ ودخل باني لاعب ثقيل نوعا ما وما سوى شي يذكر ..

MUBARAK
13-01-2013, 23:39
مبارك

مقصيد ضعييف دفاعيا ليش ينزله

اها يعني السليمي هو القوي دفاعيا؟

زهـرة العشـاق
13-01-2013, 23:53
بدر 8 بدران مابي اتكلم عنه فارض نفسه بشكل كبير ، بس عندي ملاحظه ان هذي ماهي لياقة بدران ! ماتعودت اشوف بدر يتمشى بالدقيقه 80 !! بدر اول مستعد يركض 120 دقيقه بنفس النفس

..

بدر كان مريض وحايشته انفلونزا قويه .. وخذى ابرتين يومين ورا بعض عشان يلعب ,, هذا الي قريته بتويتر

مثير للجدل
14-01-2013, 07:18
بدر كان مريض وحايشته انفلونزا قويه .. وخذى ابرتين يومين ورا بعض عشان يلعب ,, هذا الي قريته بتويتر

بدر خوش لاعب...بس مشكلته ان المنتخب تعود عليه...يعني اي واحد معاه الكره ما يفكر يعطيها احد غير بدر...يختفي اللعب الجماعي جذي ويصير الاعتماد على بدر فقط

VaLiNoR
14-01-2013, 10:48
ماني ضد التبديل بس اني اسحب لاعب مأثر بحجه اني اريحه والنتيجه خطره علينه شي غلط وممكن يكلفني المباراة


يعني مثلا اكثر لاعب استهلك بالثلاث مباريات بدر المطوع لوو بسحبه والنتيجه انقلبت منو اللي بيصنع الفارق

في لاعبين ممنوع اللمس خصوصا بنتيجه نفس هذي

انت بهالمرحله يا ذابح يا مذبوح ومن بعدها يحلها ربك

حتى بالانديه العالميه اللي تملك دكه قويه ما اشوف السير ولا والمو ولا بيب يسحب لاعب سوبر بحجه ان يريحه او يوفر جهوده واهو ماضمن التأهل

لو وضعنه نفس الامارات او العراق انا اتفق معاك باللي قلته

السير كل مباراة تشكيلة، انت قاعد تلف وادور مع احترامي لك، عشان ننهي الموضوع انت مع دخول مقصيد بدل من وليد علي وهادي خميس بدل من يوسف ناصر آخر نص ساعة في مباراتنا مع السعودية او لا ؟

shoot
14-01-2013, 12:20
^^

انا اللي الف وادور ولا انت


منتخبنا لعب في ست ايام ثلاث مباريات، والآن بعد يومين بيلعب أمام الامارات، يعني خلال تسع ايام يلعب منتخبنا أربع مباريات، فأمر طبيعي لاعبي منتخبنا ماراح يكونون بكامل جاهزيتهم بدنياً امام الامارات.

يا اخي انا قاعد اتكلم في اطار هالجمله

انت امام مباراة مصيريه واللي اهي السعوديه وفايز فرق قول فقط وممكن بلحظات تتعدل النتيجه وتقلب عليك

شلون تبيني اريح لاعبين ؟؟!!

اوكي يمكن في لاعبين سهل انك تريحهم نفس وليد علي او يوسف ناصر كونك تملك لاعبين اقل منهم بمستوى بس بشي بسيط

بس كــ بدر او مساعد او طلال نايف او فهد عوض في ضل ظروف المباراة صعب انك تغامر وانت اصلا ماحسمت التأهل


على العموم انا اعرفك عدل يا بندر لو بنوصل 40 صفحه ماراح اخلص معاك

فــ حبيت اوصل رسالتي فقط :bye:

كرستيانو رونالدو
14-01-2013, 12:36
^^^

كلام بوضاري صحيح

وايضا

كلام فالينور صحيح ليش ما بدل وليد مبجر وعطى مقصيد نص ساعه مثلا ؟؟
ليش يضطر يطلع وليد بالدقيقه 89 ؟!
هذا لو قلنا بدر ومساعد وفهد وطلال اهم اعمدة المنتخب ؟!

كويتاوي 2004
14-01-2013, 12:59
تبديل وليد يضعف الجهة اليسري دفاعيا وهجوميا .. وقاعدين نشوف تفاهم كبير وتبادل بالمراكز بين وليد علي وفهد عوض .. حتي كان في هجمة منفرد فيها اللاعب السعودي من جهة فهد عوض طلعها وليد علي قبل لا يشوت اللاعب السعودي .. وشفنا منتخبنا من غير وليد ضد العراق .. بالنسبة لي وليد يعتبر من أعمدة المنتخب (دام محافظ علي مستواه) .

قوة منتخبنا هجوميا ودفاعيا من الجهة اليسري ومن العمق من بدر المطوع .. وشفنا هالقوة انتقلت للجهة اليمين لما نزل فهد العنزي باليمين وطلع وليد من اليسار .

الموضوع مو تنزيل مقصيد وبس ولكن هناك انسجام وتفاهم وشكل للفريق لازم تحافظ عليهم .. وخصوصا انه لم يتم تجربة مقصيد في المباريات السابقة .. بالتالي صعب تجازف فيه في هذا الوقت .. الا اذا كان مقصيد يعتبر لاعب ممكن تفاجيئ فيه الفريق المقابل .

destroyer86
14-01-2013, 13:28
وليد علي حاشه شد فالتبديل اضطراري ^

Bo alFoz
14-01-2013, 13:43
أبو طلال مساعد ندا هو أفضل لاعب وبعده بو راشد

كويتاوي 2004
14-01-2013, 14:06
وليد علي حاشه شد فالتبديل اضطراري ^
اصابة مو شد .. لو شد جان ما طلع قبل لا يفجون العضلة .

المدريدي
14-01-2013, 18:26
الكويتاويه مايبون مقصيد ياخذ مكان لاعبينهم (وليد وفهد عوض)

:p

كويتاوي 2004
14-01-2013, 19:03
^^^
كلن يرا الناس بعين طبعه :)