المساعد الشخصي الرقمي

مشاهدة النسخة كاملة : الهلال السعودي يرفض التأجيل .. ؟!



نصراوي الكويت
05-02-2003, 12:05
رفض مسؤولو نادي الهلال السعودي تأخير مباراتهم الحاسمة أمام العربي الكويتي والتي ستحدد هوية بطل البطولة الخليجية العشرين للأندية الأبطال‚‚ حيث كان هناك مقترح من اللجنة المنظمة العليا للبطولة بإقامة المباراة يوم الجمعة المقبل‚‚ بعد مباراة العروبة مع قطر حتى تكون المباراة بمثابة مسك ختام البطولة إلا أن مسؤولي نادي الهلال تمسكوا بإقامة المباراة كما هي في موعدها غدا الخميس وهذا يعني ان البطولة ستشهد ختاما مثيرا مرتين أولا الختام الفني لتحديد البطل والثاني الختام التنظيمي والرسمي للبطولة بعد مباراة العروبة مع قطر الجمعة.

==============

المصدر : جريدة الوطن القطرية

==============

اتوقع ان سبب رفض تأجيل المباراة هو عدم اعطاء الفرصه للنادي العربي لتجهيز لاعبيه المصابين ..

والله أعلم بالنوايا .. :rolleyes: :rolleyes:

كيفي كويتي
05-02-2003, 13:05
اتوقع ان سبب رفض تأجيل المباراة هو عدم اعطاء الفرصه للنادي العربي لتجهيز لاعبيه المصابين .. http://alazraq.com/diwania/images/icons/41.gif

ماني لاقي أي مبرررر ثاني يخليهم يرفضون التأجيل .. اللي تكسب به العب به على قولة الحربان :D لعبنا يوم الخميس ولا يوم اليمعه البطوووولة للأخضر انشالللللللله ;)

111
05-02-2003, 22:39
هذا حق الهلال . وبالتوفيق للفريقين لتقديم مباراة جميله على الأقل تنسي الجماهير مستوى البطولة الضعيف ككل .

شول
05-02-2003, 23:20
الهلال ما يبون ينهزمون ولهذا السبب رفضوا التاجيل

:D

3arbawi_doom
06-02-2003, 00:02
الهلال مستعجل على الحصول على المركز الثاني

رامز
06-02-2003, 04:55
الهلال مرتبط بمباريات في الدوري ، ولازم يستعد لها من بدري والتأجيل حتى لو يوم واحد مو من مصلحة الفريق

AL-MOSARG3
06-02-2003, 04:57
حتى احنا عندنا مبارايات الدوري مو بس الهلال وعندنا قبل نهائي كأس ولي العهد مو بس الهلال .....
احنا نحتاج للتأجيل عشان يرتاحون اللاعبين وهذا مو من صالح الهلال ومع هذا راح نفوووز عليكم :D

3arbawi_doom
06-02-2003, 05:16
اخوي رامز انت تقول الهلال مرتبط بمباريات بالدوري ... لكن الهلال لازم ينتظر لحد يوم الجمعة عشان يستلم ميداليات المركز الثاني , لأن بيلعب يوم الخميس مع العربي وطبعا بيخسر انشاءلله , واخر مباريات البطولة يوم الجمعة, يعني في الحالتين بينتظر ليوم الجمعة !!!!

رامز
06-02-2003, 07:56
معليش بس ينتظر وهو مرتاح يوم .

والبطولة بين فريقين شقيقين اذا اخذها الهلال نقول له مبروك ، واذا اخذها العربي نقوله مبروك .

3arbawi_doom
06-02-2003, 08:42
يارب ياخذها الي يستحق الفوز في اللقاء , وصدقني اخوي رامز اذا كان الهلال أفضل انا أول واحد بيطلع ويبارك للهلال .

رامز
06-02-2003, 19:04
مشكور عرباوي على هالروح الطيبة منك بس لو تترك تشجيع النصر كان تصير رهيب :D

3arbawi_doom
07-02-2003, 00:06
تصدق يا رامز اني اشجع النصر أكثر من العربي :D
يعني مالك أمل :D :D
وانشاءلله نشوف نهائي كبير

الخندريسي
07-02-2003, 05:18
شوف الرفض وين وداهم

هيه هيه هيه العرباوية :)

رامز
07-02-2003, 06:10
خلاص اخوي عرباوي واناعند وعدي الف مبروك وتستاهلون

3arbawi_doom
07-02-2003, 06:55
الله يبارك فيك اخوي رامز .... حلوة هذي الروح الرياضية :)