المساعد الشخصي الرقمي

مشاهدة النسخة كاملة : المنتخب الهلالي لكرة القدم



3arbawi_doom
06-02-2003, 00:34
السلام عليكم ورحمة الله وبركاته , تم بعون الله انشاء منتخب سعودي جديد في المملكة العربية السعودية وهو المنتخب الهلالي لكرة القدم .
فلو نظرنا إلى تشكيلة الفريق الهلالي لوجدنا لاعب أو اثنين فقط يمثلون الهلال , أما الباقي فقد جاءوا من مختلف بقاع المملكة :
محمد الدعيع [الطائي] , عبدالله الشريدة [القادسية] , احمد خليل [الاتفاق] , عبدالله سليمان [الأهلي] , حسين العلي وشقيقه [الاتفاق] , أحمد الحربي [النجمة] , عبدالعزيز الخثران [الشباب] بالاضافة إلى اللاعببين المحترفين , فلو عملنا إحصائية باللاعبين الهلاليين الذين يمثلون فريق الهلال نفسه في أي لقاء لوجدنى النسبة 20% والباقي محترفين ولاعبي فرق أخرى .

111
06-02-2003, 01:00
لاتنسى ياعرباوي أننا سمعنا مادري هي إشاعة أم لا وهي أن الرئيس الحالي ليس بهلالي :D والله أعلم .

:rolleyes:

Q8i
06-02-2003, 04:06
حتى نادي ريال مدريد اغلب لاعبينه جاؤوا من بره :) ما ادري شنو المشكلة ..

3arbawi_doom
06-02-2003, 04:41
لا اخوي كويتي اذا بتتكلم عن الفرق الاوروبية كلها محترفين أصلا وكلها لاعبين من برة , انا اتكلم عربيا واسيويا :)
وبعدين حرام عليك تشبه ريال مدريد بفريق عربي :D

Q8i
06-02-2003, 05:08
3arbawi_doom

انا قصدي ان مو عيب لو ان لاعبي الفريق كله من خارج النادي والدليل اكبر الفرق العالمية لاعبينهم يايبينهم من بره :)

الزعيم شقراوي
06-02-2003, 05:17
ههههههههههههههههههههههه اللي يسمعك يقول الهلال خاطفهم من بيوتهم!!!!!!:D

يا عرباوي الانديه مثل الشركات...الشركه اللي تدفع أكثر تجيب أحسن موضفين...والعكس صحيح.

على بالك دوري حواري...:rolleyes: :confused:

soso639
06-02-2003, 06:58
طيب وبعدين ....

وش الفايدة من الموضوع ...

أنا قايلك أن ماعندك سالفة في الدوري السعودي ....
ياحبيبي سجل عندك....

الإتحاد:
مبروك زايد(نادي الرياض)
مرزوق العتيبي(نادي الشباب)
حمد المنتشري(نادي عكاظ)
صالح الصقري (نادي الطائي)
خميس العويران (نادي الهلال)
حمد العيسى(نادي الإتفاق)
حمزة إدريس(نادي أحد)
الحسن اليامي(نادي نجران)
خالد مسعد(نادي الأهلي)
علي المطرود(نادي الخليج)
حسين الصادق(نادي القادسية)
.....بالإضافة للمحترفين الإجانب.....كمارا وسيرجيو ولاندومار...

الأهلي:
تيسير آل نتيف(الإتفاق)
عبيد الدوسري (الوحدة)
تيسير الجاسم(هجر)
صالح المحمدي(حواري المدينة المنورة)
يحي جوشان (نادي أبها)
عبدالله الواكد(نادي الشباب)
مشبب زياد(نادي أبها)
وليد الصدعان (نادي الشباب)
مسفر الجاسم(هجر)
فوزي الشهري(القادسية)
بالإضافة للمحترفين الأجانب ...خالد بدرا..وبوشعيب المباركي ومحمد بركات....

النصر:
صالح الداوود(الشباب)
فؤاد أنــــــور (الشباب)
فهد المهـــــلل(الشباب)
محمد الخوجلي(نادي الهلال):D :D
ناصر حلـــوي (نادي الهلال):D :D
فهد الغشــــيان(نادي الهلال):D :D
سعد الزهراني (نادي عكاظ)
منصور الثقفي(والله مادري وش النادي اللي جا منه ) بس متأكد أنه لاعب منتقل..
علي يزيد(أحد أندية جيزان)
بندر تميم(نادي التوباد ) أحد أندية الأفلاج...
محسن الحارثي(نادي السروات)..
فهد الهريفي(نادي النخيل)..
بالإضافة للاعبين الأجانب...تينيرو..و روي بوسكاب..و خوليو سيزار..

ا
انتقالات اللاعبين من أنديتهم إلى أندية أخرى ليس عيبا .....ولكن بشرط أن تتم الإستفادة منهم فعليا وذلك بتحقيق البطولات مثل ماحصل في الهلال والإتحاد والأهلي...

رامز
06-02-2003, 07:43
عرباوي حطيت نفسك في موقف لاتحسد عليه :D :eek: :D

3arbawi_doom
06-02-2003, 08:31
أخوي سوسو ... كلامك كله اشاعات ... في فرق لما لاعب ناشىء ينتقل واهوا عمرة 15 او 16 سنة لنادي ثاني , ولما يكون لاعب بارز في فريقه وينتقل لفريق ثاني , أما اللاعبين الي انت ذكرتهم في النصر بالذات علي يزيد وبندر ميم وفهد الهريفي ومحسن الحارثي ومنصور الثقفي ... الواضح من كلامك انك تتكلم عن أندية في الدوري الموزمبيقي مو الدوري السعودي , بالنسبة لفؤاد أنور وفهد المهلل وفهد الغشيان كل واحد فيهم جه النصر في وقت مختلف عن الثاني ومالعبوا الا مباراة مباراتين وراحوا علطول ومانحطوا اساسيين في الفريق , بالنسبة للحلوي والخوجلي فانشاءلله بالعيد يكون واحد منهم هلالي واعتقد انك قاعد تكتب اسامي بس عشان تبين انك فاهم شي بالدوري .
الاتحاد : حسن الصادق صارله كم سنة معتزل ؟ وبعدين اللاعب هذا انتقل وهو في سن الناشئين , والحسن اليامي وحمد المنتشري وعلي المطرود ينطبق عليهم نفس الكلام لعبين منتقلين من فرق درجة ثانية , ونفس الكلام ينطبق على الأهلي .... هذي الفرق درجة ثانية واللاعب غالبا ما يبدأ في النادي الموجود في مدينته وبلده وبعدين ينتقل للفرق الكبيرة والموجودة في المدن الاخرى .
يعني باختصار لو بتتكلم بهذي الطريقة فأبشرك ان الهلال مسجل سبع لاعبين ناشئين في هذا الأسبوع ... وبعد موسمين ثلاثة بيمثلون الفريق الأول يعني وراها تقدر تقول ان مافي ولا لاعب هلالي يمثل الفريق , فالأحسن تتكلم عن اللاعبين الي يلعبون بالدرجة الاولى والي يكونوا كبار وليس ... ناشئين!!
ولو عطيتك سجل اللاعبين الهلاليين بتلقاهم كلهم من برا النادي .

الزعيم شقراوي
06-02-2003, 09:54
صار خير

111
06-02-2003, 12:43
ياسوسو خليك سوسو معانا ;)

فؤاد أنور وفهد المهلل هل يلعبون الآن . وهل على فترة لعبهم مع النصر كان معهم هؤلاء بعض هؤلاء اللاعبين . فهم لعبو فترة بسيطه جداً . وإعتزلو

فهد الغشيان ياقدمك طلع غبار من المنتدى . وثانياً هو الذي طلب النصر وليس النصر من طالب به إلا عندما قال لهم هو أنني أريد النصر ، وقد إعترف بمشاكله مع الهلال . والنصر لم يرفض هذا اللاعب ولكن لم يلعب إلا يمكن مباراة وثلاثة أرباع مباراة إذا حسبناها بالدقايق ويمكن أقل .

فهد الهريفي ممكن تقولي كم كان عمر الهريفي يوم لعب مع النصر . هل تعلم أن الهريفي يلعب مع النصر يوم إستاد الملز إنجيله وليس مزروع ;) .

علي يزيد للمعلوميه هو لعب في درجة الشباب وأيضاً على ما أعتقد درجة الناشئين ;)


محمد الخوجلي(نادي الهلال)
ناصر حلـــوي (نادي الهلال)
هذي إللي ماتنترقع ياسوسو

بندر تميم
مسحن الحارثي
علي يزيد
أرجو التأكد من المصادر ياسوسو .

على العموم هي ليست غلطه على نادي الهلال إنه يجيب مثل لاعبين غير لاعبي ناديه ، ولكن المستقبل مهم أنظر إلى لاعبي الهلال جميعهم أو أغلبهم كبار بالسن وأعتقد أغلبهم باقي عليه من سنه لي سنيتين ويعتزل .
وأيضاً من الخطأ ياسوسو أنني أقارن هاللاعبين بلاعبي النصر . فلاعبي النصر لعبو على فترات وليست على فترة واحده وطويله أيضاً .

شكراً ياعرباوي على الخوف لمستقبل الهلال ومصلحته :)

السحابة 9
06-02-2003, 17:11
ما عندنا مشكلة إن الهلال يضف لاعبين الأندية الثانية ويغريهم بالفلوس لأن الهلال نادي غني ومن حقه يدعم صفوفه المتصدعة لأن النادي مو قادر يبرز لاعبين شباب ......


لكن المشكلة إن عضو الشرف الهلالي (نواف بن سعد) المسؤول عن منتخبي الشباب والناشئين يستغل منصبه للضغط على اللاعبين الصغار وتسجيلهم في الهلال وحرمان الأندية الثانية من ذلك والدليل أن الهلال سجل أكثر من 7 لاعبين بينما السيد المشرف رفض مفاوضة النصر لحارس النخيل بحجة أن اللاعب في معسكر ولا يريد أن يشتت تركيزه .......


الحقيقة نحن في السعودية تعودنا على محاباة الهلال وصارت ما تفرق معنا ..........



ويا زمان العجايب وش بقى ما ظهر ......

soso639
06-02-2003, 18:32
3arbawi_doom
هذي هي المرة الألف اللي أقولك فيها ...اترك الدوري السعودي لأهله....أو الناس الفاهمين فيه...
أجل حسين الصادق معتزل :D :D ..والله ضحتني ...حبيبي رح شف منهو احتياط مبروك زايد في البطولة العربية ...بعدين تكلم...وبعدين تقول انتقل وهو في الناشئين ...أقول قم بس قم...أول مرة أشوف ناشئين عمره 23 سنة ...

بعدين ماأدري وش الفرق إذا اللاعب ينتقل من نادي في الدرجة الثانية مالفرق بينه وبين اللاعب المنتقل من دوري الممتاز.....
أخيرا:
أنت تقول أن 20% ممن يمثل الهلال حاليا هم غير هلاليين أصلا ......وهذا كذب ..كذب ..كذب ...وأعوذ بالله من الكذب...والكذابين...
أحمد الدوخي ..عمر الغامدي ..محمد الشلهوب..نواف التمياط..سامي الجابر..عبدالله الجمعان..اي أن حوالي 50% من اللي يمثلون الفريق حاليا ....هم هلاليون أباَ عن جد....



....طيب الحين نجي للناس الفاهمين...
الأخ 111
أنت تبيني أتناقش عن التشكيلة الحالية ....ولاتزعل...وماراح أذكر لاالهريفي ولا المهلل ولاأنور ...
محمد الخوجلي (نادي الهلال).... أنا استغرب عدم معرفة النصراويين بانتقاله من نادي الهلال...ونشرت جريدة الجزيرة أكثر من مرة صورة له مع نادي الهلال حينما كان يمثله في فئة الشباب..
ناصر الحلوي( نادي الهلال) ...أيضا ماأدري وش تمر عليكم هالسالفة ...ولكن اسأل أي نصراوي يحضر لناديه يوميا..عن الخوجلي والحلوي..
صالح الداوود (نادي الشباب)
عبدالله الجنوبي(نادي هجر)
محسن الحارثي(نادي السروات)
منصور الثقفي(والله متأكد مليون بالمائة ) أنه منتقل من نادي صغير بس ماأذكر وش اسمه...
بندر تميم(نادي التوباد) وش دعوة يا 111 ..حبيبي هذا صار مشاكل قبل لاينتقل للنصر...حيث قدم عبدالرحمن بن سعيد مؤسس نادي الهلال 50000ريال لأخو اللاعب ولكن النصر بممثله الهويشل قدم 80000 ريال على شكل أقساط ووافق أخو اللاعب وانتقل لنادي النصر ..وماأدري هو استلم فلوسه الحين ولا لأ....


طيب الخلاصة :
نلاحظ أن هناك مايقارب الخمسة لاعبين من نادي النصر هم غير نصراويون أصلا ....بالأضافة للأجانب : تينيرو وبوسكاب وخوليو سيزار...نلاحظ أن النسبة هي 35% ... :confused: :confused:
صدقوني أنا ماجبت هالتشكيلة استهزاءا بالنصر أو النصراويين بالعكس هناك من النصراويين من أضعهم فوق راسي لكن في بعضهم يناقش بهمجية ويردد كلام عبدالرحمن بن سعود...بدون تفكير...

ياشباب أعيد وأكرر ليس عيبا أن يستفيد النادي من نظام الإنتقالات بين اللاعبين ...لأن النادي حريص على مصلحته....وحريص على جلب اللاعبين الموهوبين...والبارزين ...ولكن العيب أن لاتتم الإستفادة منهم ويتم ركنهم على دكة الإحتياط وحرمان الكرة السعودية من مواهب قد تخدم الكرة السعودية لو بقيت في أنديتها الصغيرة وهذا الكلام ينطبق بحذافيرة على نادي الإتحاد بحيث إن سياسة نادي الإتحاد هي فقط تجميع اللاعبين من دون النظر للمراكز الشاغرة في الفريق واللي تحتاج فعليا للاعبين

السحابة 9 :
ممكن لو سمحت تجيب لي أسماء اللاعبين اللي تقول أنهم منتقلين بواسطة ضغط من نواف بن سعد عشان إذا رديت أصير رديت على كلام صحيح وأتوقع أن المشرفين بهالمنتدى مايقبلون تلفيق الكلام هكذا بدون إثباتات أو على الأقل مصادر اللي جبت منها الأخبار...
وأنا مستعد أجيب لك كل اللاعبين اللي انتقلوا للهلال في الفترة الماضية وطريقة انتقالهم...بس بشرط أنك تجيب لي أولا أسماء اللاعبين اللي تقول أنهم انتقلوا بضغط من نواف بن سعد ..لو سمحت....
والله ياليت نواف بن سعد يضغط على ناجي مجرشي ويجيبه للهلال:D :D ..

رامز
06-02-2003, 18:53
السحابة ضحكتني من جد تقول ان صفوف الهلال متصدعة :D :D

اذا صفوف الهلال متصدعة ومايمر موسم الا محققين انجازات داخلية وخارجية وش نقول عن البعض اللي عندهم قحط بطولات :D

Guti
06-02-2003, 20:33
نواف الخالدي (خيطان)
مشعل السعيد (الشباب)
نهير الشمري (الصليبيخات)
خالد ذياب(كاظمة)
ناصر درويش(التضامن)
بدر الشمري(القادسية)
حسين المكيمي(اليرموك)


:)

Di^Canio
06-02-2003, 21:28
خلاص شباب شرايكم نكنسل نظام الاحتراف :p

3arbawi_doom
06-02-2003, 23:55
اخوي سوسو حسين الصادق بديل مبروك زايد ؟ وتقولي انا الي ماافهم شيء بالدوري السعودي ؟ زين الفترة الي لعب فيها المنتخب السعودي في كأس العرب منو كان حارس الاتحاد ؟ اعتقد ماراح تعرف ترد تذكر وبعدين قولي .
وبعدين لما تقولي مافي فرق بين الدرجة الثانية والدرجة لأولى هذا يبين مدى تفكيرك وتفكير كل الهلاليين ....... انت تعرف ان المنتخب عادة يضم لاعبين من الدرجة الممتازة بالخصوص واذا لقى ثغرات ومراكز فاضية يبدأ يفكر بفرق الدرجة الثانية , عشان جذي اللاعب يحب يكون موجود بالدرجة الأولى انشاءلله مع أي فريق عشان يبان للأضواء .
أتمنى إني أكون وضحتلك وجهة نظري .... وبعدين اذا تبي أسماء اللاعبين السبعة الي انتقلوا للهلال روح معسكر الناشئين والشباب بالمنتخب السعودي واسأل حارس المعسكر واهوا يعطيك أسامي السبع لاعبين الي تسجلوا في ظرف اسبوع للهلال , صباح الخير هلالي وماتعرف شيء عن فريقك !!

الحبيب
07-02-2003, 00:01
حيا الله سوسو ، انا ودي اقول حاجة بس بصراحة خايف منك :D

واللي هي

الخوجلي منتقل من الشباب ، طبعاً انا مااقولك إن هالكلام ماخذه من الخوجلي ، لكي زي مايقولون كلام جرايد .