المساعد الشخصي الرقمي

مشاهدة النسخة كاملة : محمد حسين يلوي ذراع الاهلاويين



قدساوية
10-02-2003, 02:53
حصل على بطاقتة الدولية من دون علم النادي
فوجئت ادارة نادي الاهلي بعدم وجود البطاقة الدولية للاعب البحريني محمد حسين وكانت المفاجئة الاكبر وجود البطاقة لدى اللاعب نفسة مما دفع بالادرة بفتح تحقيق عاجل لمعرفة كيفية تسريب البطاقة ووصولها للاعب من دون علم الادراة في سابقة خطيرة وكان اللاعب محمد حسين قد وصل مؤخرا الى جدة لتصفية مستحقاتة المتاخرة بعد قرار الادرا ةالاهلاوية بالغاء عقدة اثر الاحداث التي شهدتها مباراة السعودية والبحرين في الكويت وفي الوقت نفسة كان فية الاهلاوين يعزفون على امل االبطاقة لاستخدامها كورقة ضغط اثناء التفاوض مع اللاعب حول مستحقاتة فوجئوا باللاعب يؤكد لهم لهم ان بطاقتة في حوزتة وانة اصر على استلام كافة المبالغ المتبقية والتي تصل الى 5 اشهر

المصدر مجلة عالمكشوف الرياضية:confused: :confused:

TurKi
10-02-2003, 03:01
ماشاءالله جميلة هذه الابتسامة ياقدساوية ..

.. وان كنت اشك في الامر.. لان المسألة ليست .. (( فوضوية الى هذه الدرجة )) ..

يتسلل ويأخذ البطاقة من دون علم النادي ..
وان كان فعلاً حدث هذا الامر .. سوف تسمعين قريباً بأمر ارجاع البطاقة الى النادي الاهلي ..

ولا اعلم هل تتحول الى هذه الابتسامة الى وجه عبوس ..

امل ان نتأكد من الاخبار .. وليس كل ماينشر صحيحاً ..

عموماً اتمنى ان يذهب الى اي مكان .. يحتويه هو وافعاله الرعناء ..

حتى وان اعطوه البطاقة من دون مقابل ..

لحظة :_
هذه هي الكواسر لاتهتم لا لمحمد حسين ولاغيره .. ولن نهتم لامره


تحياتي...http://www.arab3.com/upload/images/Feb03/beckham7_PavY5d.jpg

3arbawi_doom
10-02-2003, 03:13
محمد حسين لاعب كبير وممتاز يا اخ مازن .
أما بالنسبة لموضوع البطاقة ... بصراحة ذكرني بفيلم هندي شفته قبل :)

رامز
10-02-2003, 03:15
الاهلي ماراح يتوقف عليه عطوه البطاقه وعليها فلوس بعد والله ييسر دربه ;)

عاشقة الاحمر 10
10-02-2003, 03:17
وماحصلوا حجة علشان يلغون عقده
قاموا جافوا الاحداث وقالوا خلنا نلغي عقده
على انه مب اهوا السبب في هاي الاحداث ولا سالمين تعرفون من السبب
لكن محمد حسين مب محتاج لكم الف نادي يتمناه
على

وبالتوفيق له

:confused: :confused:

لو سمحتي ابغي الموقع اللي اخذتي منه الخبر

Q8i
10-02-2003, 03:57
بصراحة محمد حسين اهو اكبر خسران

al-azraqy
10-02-2003, 05:13
هو الخسران ففريق كالاهلي لايتاثر بلاعب...

111
10-02-2003, 08:18
مع كويتي والأزرقي

عاشقة الاحمر 10
10-02-2003, 19:04
وعلى قوله المثل (اللي مايبيني ماابيه)

وانا سمعت انه تلقى عرض من القادسية الكويتي ومن تونس
بس مادري شنو كان الرد

بالتوفيق له
:p :p

Q8i
10-02-2003, 19:31
بس محمد حسين ماله مكان بالقادسية ؟ :) شلون يبونه اكيد اشاعة

عاشقة الاحمر 10
10-02-2003, 20:19
الخبر صج نسيت الموقع اللي جفت هالخبر فيه
واهني في الازرق مكتوب انه تلقى عرض من الكويت

بس الصراحة ما ادري شنو صار
على العموم بالتوفيق له
;) ;)

الحبيب
10-02-2003, 21:04
للأسف الواقع يقول بأن الاعب يقاس بأخلاقه ، ومحمد حسين ومن هم على شاكلته ، أخلاقهم نزلت من قدرهم .

عاشقة الاحمر 10
10-02-2003, 21:10
بس هاي اللي اسمه محمد نور يشتم بامه ويسكت
مايصير
فالقليل الاخلاق هو محمد نور وليس محمد حسين
والصراحة هاي النادي من تصير خسارة فهموا اهوا
يعني من بين 11 لاعب اهوا السبب
اذا مايبونه يقولون مب قاعدين يتهمونه

بالتوفيق للاعبينا
;) ;)

الحبيب
10-02-2003, 21:22
عاشقة الأحمر أنتي واحد من اثنين :

ياإنج انتي الاعب محمد حسين ، أو أنتي الحكم اللي حكم ذيك المباراة

يعني ماأدري شلون عرفتي إن محمد نور سب محمد حسين هذي النقطة الأولى .

ثانياً : في لاعبين سيئين أخلاق ، فبصراحة مشكلة إذا كل واحد سب أم الثاني ، يروح الثاني يطق اللي سبه
بهالحالة نقلبها مصارعة أحسن .

ثالثاً : مالقيتي إلا الأهلي مايقدر يقول ماأبي الاعب ، بالسعودية إقالة الاعبين والمدربين من أسهل مايكون
لكن من الصعب أن يتعايش لاعب يطق الاعبين السعوديين بالسعودية ومع طلال المشعل واخوياه
اللي بالأهلي وبالمنتخب .

عاشقة الاحمر 10
10-02-2003, 21:24
حارسنا ولاعبنا تقابلوا معاهم التلفزيون وقالوا ان محمد نور سبه
وهاي اكثر دليل


وعلى العموم الحين اللاعب راح في طريقه وبالتوفيق له
:D :D

111
10-02-2003, 21:33
وإذا صرحو ياعاشقة الأحمر هل يعني أنهم صادقون مع إحترامي لهم . حتى لو هم صادقون لايحق لهم أن يعملو ماعملوه في وسط الملعب . فالكل يعلم أنهم هم الخسرانيين بالأخير . ولا أحد يقدر يثبت أن محمد نور تكلم عليهم .

تحصل بجميع الملاعب في وسط المباراة من الشتائم وغيرها . ولكن الحكم والجمهور له الظاهر أمام ، واللي ظهر أعتقد أننا مع الحق اللي صدر بحق اللاعبين البحرينيين والا أنا غلطان .

رامز
10-02-2003, 21:52
اقتباس من رسالة الحبيب في الأعلى
عاشقة الأحمر أنتي واحد من اثنين :

ياإنج انتي الاعب محمد حسين ، أو أنتي الحكم اللي حكم ذيك المباراة




:D :D :D :D

عاشقة الاحمر 10
10-02-2003, 23:21
ليش لاعبكم يسوي جذي
واكبر دليل الاحداث اللي صارت بعد مباراة الاتحاد والافريقي التونسي

هذي المباراة تبين من المفتري والمعتدي
وماذا حدث من لاعبيكم صح ولا لا

والتوفيق لمنتخبنا الاحمر
;) ;)

111
10-02-2003, 23:38
بالعكس أختي عاشقة الأحمر في هالناحية يبين لنا أن محمد نور إحترم البحرينيين والدولة المنظمه صح والا أنا غلطان .

عاشقة الاحمر 10
10-02-2003, 23:43
بس يعني الحين اللاعبين تصالحوا ومالنا شغل في
تكبيرة المشكلة

:p :p

3arbawi_doom
11-02-2003, 00:59
بصراحة انا شفت مباراة السعودية والبحرين الي بكأس العرب .
تبون منو الي سوا هذي المشكلة كلها ؟ المرزوقي لاعب البحرين ومحمد نور لاعب السعودية ,

TurKi
11-02-2003, 01:58
الحبيب & 111 .. بصراحة اخطئتم ..

اعزائي .. بكلمة بسيطة اقول لكم (( تجاهلوا)) ..

رجاء تجاهلوا مثل هذه الردود .. بالاخير تطلع لك كلمة مثل (( ماعندك سالفة )) ..

وانت كنت بغنى عنها .. الاساس في النقاش الاحترام ..

ناقشوا من يبتعد عن الميول والعاطفة .. اما غيرهم .. فكأنه لم يكتب ..

...

عاشقة الاحمر 10
11-02-2003, 05:39
:rolleyes: :rolleyes:

بس اذا تأثر فيكم هاي الكلمة مسامحة

al-Otaibi
11-02-2003, 23:16
الظاهر ان الأهلي البحريني حصل على جائزة اللعب النظيف في كاس العرب للأندية ....:D

ولله الحق ينقال ...

اللاعبين البحرينين هم يحسبون الكورة مصارعة ديوك ... طاخ وطيخ وطقيق .....

ألا من رحم الله ولعب باخلاق !!!!!!!!

واكبر دليل الأهلي البحريني خلص على الكرت الأحمر والأصفر ولو فيه أسود كان خذوه ؟؟

ولله أن البحرين لعبهم رائع وكبير ولكن كثير من لاعبينهم يسودون الوجه من هم على شاكلة

محمد حسين والمرزوقي وسالمين !!!!!!!!!!

حتى مراقب الحكام ما سلم منهم وش ذا ؟؟؟؟؟؟؟

عاشقة الاحمر 10
12-02-2003, 00:28
خسروا وذبحوا الاوادم
صح ولا لا
يعني موب بس تصير عندنا هاي الاحداث
حتى جماهيركم ذبحتوهم ما سلموا منكم

MilkShake
12-02-2003, 03:04
ماكو على لكويت بروح الرياضيه ;)

3arbawi_doom
12-02-2003, 03:55
اي والله اخوي ملك جيك ماكو على الكويت بالروح الرياضية , توه من شهر شباب الفحيحيل ممردغين فريق السالمية بالعجرات :D :D :D
لا والله شباب ترى هذي الأشياء تصير بكل مكان , بس في لاعبين فعلا لازم يبطلون لعب لأنهم مايتحكمون بأعصابهم بشكل زين ... وانا ذكرت بعض اللاعبين مع انهم ممتازين جدا لكنهم يعصبون بسرعة مثل عبدالله الجمعان ومحمد نور والمرزوقي

Qtri
12-02-2003, 05:43
[QUOTE]اقتباس من رسالة الحبيب في الأعلى
[B]عاشقة الأحمر أنتي واحد من اثنين :

ياإنج انتي الاعب محمد حسين ، أو أنتي الحكم اللي حكم ذيك المباراة

عاشقة الأحمر..لايكون أنتى سدكا....ترى سدكا شيطان, ويسوى هالحركات.
هذا كلام؟ والله عليكم حركات, يبين من كلامك فاهم كل شي.
مو عاجبكم لا الفايز, ولا الخسران....ما تسوى علينا خسرانين في البطوله, والروح الرياضيه ترى بعيدا تمامأ عنكم.

عاشقة الاحمر 10
12-02-2003, 18:10
ما خليتوا احد الا قلتوا انا
من المتفرغ من اللاعبين او المدربين اللي بيقعد علىالنت
بس خلونا اخوان والمشكلة من زمان راحت

وبالتفيق
;) ;)

111
13-02-2003, 08:07
إذن مبروك عليكم الأخلاق ودعو لغيركم البطولات ;)

Qtri
13-02-2003, 14:33
انشاء الله الأخلاق, والبطولات.
الطفل يكبر, ويأخذ البطولات من غيره.

111
13-02-2003, 21:06
بالتوفيق للطفل وإن شاء الله يكون من أوائل المجاهدين ، قبل أن يحقق البطولات .

شول
13-02-2003, 22:42
أقتباس من العتيبي


الظاهر ان الأهلي البحريني حصل على جائزة اللعب النظيف في كاس العرب للأندية ....

ولله الحق ينقال ...

اللاعبين البحرينين هم يحسبون الكورة مصارعة ديوك ... طاخ وطيخ وطقيق .....

ألا من رحم الله ولعب باخلاق !!!!!!!!

واكبر دليل الأهلي البحريني خلص على الكرت الأحمر والأصفر ولو فيه أسود كان خذوه ؟؟

ولله أن البحرين لعبهم رائع وكبير ولكن كثير من لاعبينهم يسودون الوجه من هم على شاكلة

محمد حسين والمرزوقي وسالمين !!!!!!!!!!

حتى مراقب الحكام ما سلم منهم وش ذا ؟؟؟؟؟؟؟

عاشقة الاحمر 10
14-02-2003, 00:50
;) ;)

Qtri
14-02-2003, 03:28
شسالفه؟

رامز
14-02-2003, 08:21
واضحه مايبيلها شرح ............ 111 دائما تجي معاك في الثمانيات :) :)

عاشقة الاحمر 10
14-02-2003, 20:22
وهاي اكثر دليل
;) ;)

111
15-02-2003, 13:19
خلاص قلنا مبروك عليكم الأخلاق ودعو لغيركم البطولات .

نشكر الأخوان الرياضيين بنصائحهم تجاه الأخلاق الرياضيه ، ونوعدهم إن شاء الله بعد أن نفضي من البطولات راح ندرس الإتجاه الأخلاقي .