المساعد الشخصي الرقمي

مشاهدة النسخة كاملة : الهويدي أفضلهم والسعودية أقواها



معجب بالهويدي
07-05-2003, 06:48
أنا شجعت منتخب الكويت بالسابق لوجود جاسم الهويدي بالمنتخب فالهويدي هوه أفضل لاعب بالكويت في الوقت الحاضر ولكن بخروج الهويدي من المنتخب أصبح لايوجد أحد بالمنتخب أشجعة فالأن خلاص لان مافية أحد مثل الهويدي 0وأما عن منتخبنا العماني فأنا لا اشجع منتخب بلادي لآن لم يقد لنا شي 0 ثانيا هذا المنتخب لايمثل السلطنة بأكملها لان معظم الاعبين من جنوب السلطنة (ظفار) 0 فارى أن المنتخب السعودي هوة أحسن منتخب بالخليج وفي الوطن العربي ولاعبين الاخضر هم الأقوى بالخليج والأندية السعودية هي زعيمة كل الاندية فالمنتخب السعودي يسير بخطوات ثابتة وهوة في طريقة للعالمية:cool:

Amer
07-05-2003, 06:58
اي موضوعك هذا حلو :)

MilkShake
07-05-2003, 07:17
ويضل الازرق كبير

Bo Msheal
07-05-2003, 07:27
والله ماكنت جذيه يالاخو:rolleyes:
وعدل كلام ملك شيك يظل الازرق كبير بوجود الهويدي ومن غير وجوده

alone
07-05-2003, 07:38
يظل الازرق كبير بوجود الهويدي ومن غير وجوده

يعقوب العوضي
07-05-2003, 07:46
هذا رأيك اخوي وجهة نظر لها احترامخا بس مثل ماقلنا الازرق هذي كبوة مارده بيصحا منها وأقولك في نظري السعودي مو أقوى في وايد منتخبات بس الازرق بصراحه وبدون منازع متسيدها بس حاليا انقول لباقي المنتخبات غاب القطو العب ياقار

قدساوي ...اصفر
07-05-2003, 08:11
حاطلي رايك بموضوع كامل؟؟ حمدلله عالعافيه

سندريلا
07-05-2003, 09:05
أخ معجب بالهويدي هذا رايك وعلينا نحترمه بس يضل أزرقنا كبير بقلوبنا وبعشاقه الصجين مو على لاعب يروح حبه :) وحنا معاه لما يقوم من نكبته

ابـ عسكر ـن
07-05-2003, 11:16
الظاهر بعض الاخوان ما ادري ما يفهمون ولا متعصبين تعصب اعمى !
الاخ معجب بالهويدي قال رايه وهذي ما فيها شي
كل النقاد الرياضيين الكويتيين يقولون ان منتخب الكويت في الوقت الحاضر من اسوا المنتخبات الخليجية والعربية والاسيوية

الاردن احسن منا
فلسطين ما نقدر نفوز عليها
البحرين صارت عقدة
الامارات عقدة
عمان طقتنا 3
واعداد قطر احسن مننا بمراحل
ما عدا السعودية مباراتنا معاها لها ظروف خاصة ما نقدر نقيس عليها
زعلانين من شنو ؟!
مثل ما قالت اخت سندريلا : ( بس يضل أزرقنا كبير بقلوبنا وبعشاقه الصجين مو على لاعب يروح حبه وحنا معاه لما يقوم من نكبته)

Bo_faraj
07-05-2003, 11:26
اخوي recuelme10 لما فريق معين يفوز على فريق ثاني هذا مو معناه دايما ان الفريق اللي فاز هو الافضل. فكل مباراة لها ظروفها و حسبتها. في شغلة اسمها مفاجأة كروية. و اعتبار منتخب الكويت احد اسوأ المنتخبات في آسيا مبالغة كبيرة. و بعدين شلون الامارات عقدتنا؟ صار لنا فترة نغلبهم و بنتيجة كبيرة بعد.

Bo-Fahad
07-05-2003, 11:35
ازرقنــــــــــا كبير ومو لاعب اهو اللي يحدد مستوى منتخبنا

ابـ عسكر ـن
07-05-2003, 11:38
كلامك صحيح اخوي Bo_faraj
بس المفاجأة تجي مرة مو مرتين ورا بعض مثل فلسطين
وانا شخصيا شبه متاكد للاسف اننا لو نلعب مع عمان وحنا على هل المستوى والاعداد ما راح نقدر نفوز عليهم وهذا ينطبق حتى عالبحرين
فما بالك بالامارات اللي اعدادهم افضل من اعدادنا دوريهم اقوى من دورينا واعداد منتخباتهم افضل
واما قضية ان الامارات عقدتنا فهذا اللي يقوله اللاعبين انفسهم يمكن علشان كاس اسيا 96 وكاس الخليج في نفس السنة
ولا تنسى ان اخر مباراتين وديتين معاهم خسرنا وكاس الخليج اللي فاتت فزنا عليهم الصراحة بالحظ وهم ضيعوا واجد وكانوا افضل بالمباراة
وقضية ان منتخب الكويت احد اسوا المنتخبات باسيا فهذي يمكن معاك حق لكني متشاائم جدا من الايام الجاية اذا ما عدل المدرب الجديد من اداء المنتخب ورد له هيبته مع ان الخلل برايي الصراحة هو اداري بالدرجة الاولى
وتحياتي لك

أول النهار
07-05-2003, 13:37
أخوي معجب بالهويدي
انا أأيدك بكل كلمة قلتها ..........

المنتخب الكويتي كان زمااااان صح فريق يعجبك ويجبرك انك تشجعه لوجود لاعبين على مستوى عالي بس الحين خلااااااااااااااص الفريق الازرق مو ذاااك الفريق اللي يخوووووف بالعكس صااارت مبارياته مع منتخبات ضعيفه كفلسطين والاردن والبحرين تشكل له عقبه كبيرة ........

وانا اقووووووول ان منتخب الكويت صعب عليه تحقيق بطولة الخليج الجايه بهذا المستوى الا اذا تحسن مستواااااااه وطوووووووور من مستوى لاعبيه المهاري والفني والبدني ........

يمكن كلامي هذا راح يزعل نااااااااااس كثيرين لكن صدقوني هذي الحقيقه اللي لازم يفهمونها .....

وبالفعل المنتخب السعودي يسير نحو مستقبل مشرق للكرة السعوديه بمجموعه كبيرة من لاعبين شباب يمتلكوووووون مقوماااااااااات اللاعب المحترف (((سرعه مهارة لياقه بدنيه عاليه ))) ويجيدون اللعب الشااااامل بالطريقه الهولنيده اللي نجح الاتحاد السعودي بتطبيقها على المنتخب .....

بالنهاية اتمنى لكل المنتخبات الخليجيه التوفيق والتأهل لكأس العالم 2006 بالمانيا
والسلااااااااااااااااااااااااااام ختاااااااااااااااااااااام

BuKhalifa
07-05-2003, 13:58
الفال لنا ...وانا متفائل خاصه بعد تحرير العراق :)

أمير القلوب
07-05-2003, 17:20
نص مقتبس من رسالة : يعقوب العوضي

هذا رأيك اخوي وجهة نظر لها احترامخا بس مثل ماقلنا الازرق هذي كبوة مارده بيصحا منها وأقولك في نظري السعودي مو أقوى في وايد منتخبات بس الازرق بصراحه وبدون منازع متسيدها بس حاليا انقول لباقي المنتخبات غاب القطو العب ياقار


صح لسانك يايعقوب;)

يعقوب العوضي
07-05-2003, 22:58
صح بدنك جبيب ألبي;)

ArBaWeE_89
08-05-2003, 00:53
نص مقتبس من رسالة : Rivaldo210

shansawi
08-05-2003, 21:01
مشكور الاخ معجب بالهويدى وتضل هذى وجهة نظرك وانا احترمها ولكن لى بعض الملاحظات

هل بخروج الهويدى يعنى المنتخب الكويتى خلا ص انتهى لالالالالالا لانه كان فيه من قبل الاحسن من الهويدى ومن اى لا عب كويتى قادم زمن المنتخب الذهبي ولما خرخو بقى المنتخب الكويتى كما هو لمحبيه
ولكن الظاهر انك تشجع الهويدى وليس منتخب الكويت وهذه مشكلتك ما مشكلة المنتخب الكويتى لانك بحكمك هذا تكون ظلمت باقى الافراد فى المنتخب

وأما بخصوص المنتخب العمانى فيا اخى انت معذور من تشجيعه واحنا من القلب مسامحينك لانه اللى ما يقدر يساند وقت الضعف ما اعتقد انه لو شجع وقت القوه يكون صادق فى تشجيعه
وما يخص اختيار الاعبين وقولك انهم من المنطقه الجنوبيه منافى للصحه فانظر للاعبين تجدهم من مختلف المناطق فى السلطنه ويمكن يكون العدد الاكثر من اندية صلاله لان الواقع يجب ان يفرض نفسه شوف من فى الصداره ظفار النصر دائما فى المقدمه ومن حق لاعبينهم الانظمام للمنتخب
وانا اقول لك ان تنتظر وتشوف المنتخب القادم وش بيسوى

3arbawi_doom
09-05-2003, 00:39
اخوي شنسوي , على راسي والله كلامك سليم

toto13
09-05-2003, 06:50
, على راسي والله كلامك سليم

بس الله كريم وانشا الله يرجع الازرق مرعب مره ثانيه




http://www.naserclub.com/images/sh3ar.jpg