المساعد الشخصي الرقمي

مشاهدة النسخة كاملة : اوقفوا الصقر الاخضر



سويقاوي عمان
28-12-2003, 06:55
بعد ان شاهدنا مستويات اقوى الفرق المشاركة اعتقد انه مافي فريق يمكن يوقف الصقر السعودي

الصقر السعودي يلعب كرة هولندية شاملة وقوية

لاعبي السعودية لا ينقصهم شيء تقريبا يعني قوة جسمانية هجوم ودفاع ووسط ما عليه كلام

باعتقادي انه مافي فريق يمكن ان يوقف المنتخب السعودي وويحول بينه وبين اللقب لان الكويتي خلاص انتها
والفرق الاخرى فرق مراكز وليست بطولات

واذا فاز المنتخب السعودي للمرة الثالثة بكاس الخليج والكويت على ما نشوفه الحين ومستقبلهم غامض وفي تدني وتذبذب فاعتقد انه لقب الكويت القياسي سينتهي على يدي هذا المنتخب
وبعد ذلك عاد ما ادري ايش اللي بيسكت السعوديين كل شوي وبيذكرونا بانجازاتهم على المستويين الاسيوي والعالمي والحين بيي على المستوى الخليجي

اعتقد اذا فازت السعودية بالكاس فما اعتقد انهم رايحين يعطون بطولة الخليج اهمية لانهم راح تكون بطولة سهلة بالنسبة لهم

يا ترى هل يمكن ان يوقف احد المنتخبات الخليجية المنتخب السعودي

من باعتقادكم في مقدوره فعل ذلك بعد ما شفنا مستويات الفرق الاقوى

شقردي كويتي
28-12-2003, 07:01
بس حابب اقولك اخ سويقي

انت متفائل وايد زياده عن اللزوم


و تذكر في اخر البطوله اللون الازرق شلون بيلمع

الحكم
28-12-2003, 07:20
احذروا الحصان الاسود الاحمر العماني بعد السعودي;)


يا سعودي انتبه من العماني ويا عماني انتبه من السعودي ;)

سويقاوي عمان
28-12-2003, 07:22
صدقني الازرق انتهى لا تحلمون بالكاس افضل لقلوبكم من العوار

السعودية هذا وقتها اما انتو بتقعدون تحلمون بالماضي لان ما في اهتمام بالقاعدة بذاك الشكل ولا المسؤليين
ما في رغبة قوية للتنافس مع الدول المجاورة مثل السعودية والامارات وقطر

اشبه المنتخب الكويتي بالمنتخب الاورجوائي زمان الثلاثينات والخمسينات وينه الحين مافي غير محاولات ما توصل بعيد

وين نجومكم اللي تتوقعون بيطلعون في المستقبل اذا كان هذيلا افضل اللي معكم

ماني شايف حد

هل باعتقادكم ممكن تفوزون على البحرين او قطر او السعودية

الواقع شي والامل شي ثاني

انا اعرف انه قلوبكم ما تطاوعكم انكم تفقدون البطولة بس اقول(وهذا رايي ) انه الكويت اذا حصلت مركز متقدم فهالبطولة حمدوا ربكم وشكروه

شقردي كويتي
28-12-2003, 07:37
تذكير خليجي 86

الاتحاد الكويتي انحل و تشكل قبل البطوله باسبوع
و تم تجميع منتخب الكويت قبل البطوله باربعه ايام فقط
و بعناصر جدد بالكامل

و اخذوا الكاس

تذكيير خليجي 96

المنتخب الازرق كان مستبعد من الترشيح من البطوله بسبب نتائجه في 92 و94
و اخذ الكاس

الكاس لن يخرج من الكويت او الامارات او عمان

و تذكروا كلامي

Bo_faraj
28-12-2003, 07:38
ما شاء الله قاعد نشوف تنافس شريف بين سويقاوي عمان و العناااابي!:D

نعم نقدر نفوز على قطر (من 3 شهور كنا فايزين عليهم) و البحرين و السعودية اذا لعبنا بمستوانا الحقيقي. انت شفت مباراة الافتتاح و خلاص حكمت على الفريق؟

BlueFrost
28-12-2003, 07:40
بصراحة لم يقدم اي فريق بالبطولة مستوى.. فما نقدر نحكم.. و ليش مستعيلين عالحكم يا اخواني انتظروا الجولة الثانية عشان نحط النقط فوق الحروف..

و لا تعد البيض قبل لا يفقش ;)

سويقاوي عمان
28-12-2003, 09:11
نص مقتبس من رسالة : شقردي كويتي

تذكير خليجي 86

الاتحاد الكويتي انحل و تشكل قبل البطوله باسبوع
و تم تجميع منتخب الكويت قبل البطوله باربعه ايام فقط
و بعناصر جدد بالكامل

و اخذوا الكاس

تذكيير خليجي 96

المنتخب الازرق كان مستبعد من الترشيح من البطوله بسبب نتائجه في 92 و94
و اخذ الكاس

الكاس لن يخرج من الكويت او الامارات او عمان

و تذكروا كلامي

ما اقولك انكم بيظلون تحلمون في الماضي الذهبي

ما ادري شلون بتلقط الملح لا انسكب في الارض

يبا السعودية الحين الكاس عاد ما يردهم عنه شي اذا هذي الفرق بها المستوى

انته اترشح الكويت والامارات وعمان وهي حد الحين شفناها ان ما بامكانها تسوي شي

لما فريق يقدم مستوى ويخسر نقوا انه ممكن يرجع ينافس بس بهالمستوى ما اعتقد

سلموا على الكاس وودعوه بدل احلامكم

بوعكه اشكناني
28-12-2003, 09:20
خلصت الجوله الاولى ومحد ياب قول الى السعوديه لا وبدال الواحد اثنين

السعوديه داشين بقوه

عاشق النصر
28-12-2003, 09:38
ما اعتقد ان يبرق الازرق في هذي البطولة لكن اعتقد ان البطولة سعودية بمنافسة شديدة عمانية ......

لنكون توب كار
28-12-2003, 11:21
يامن تسمي نفسك سويقاوي عمان !!!
يبدو انك لا تتعلم من أخطائك ،، فما زلت وللأسف تواصل مواضيعك المريضة واسلوبك الاستفزازي الرخيص في مخاطبة الاخرين وكأنك أنت أفضل شخص في هذا الكون وليس بك اية عيوب كلش مع أنني أرى عكس ذلك تماما" تدس أنفك في أمور لا ناقة لكل فيها ولا جمل ولا تفقه فيها شيئا" مثال موضوع ( التجنيس ) انت شكو بالناس تجنس ما تجنس شتبيلهم انت ؟؟ شحارك ؟؟ كل شوي وحاط خبر وموضوع التجنيس إلى حضرتك حاط رد فيه مثل ......... كنت ناوي أرد عليك بس شفت الموضوع للأسف مغلق !! وفعلا" انت شخص غريب فتارة تهاجم الاشقاء القطريين ومره آخرى تتهجم على اشقائنا الكويتيين والطامة الكبرى انك حتى بلدك لم يسلم لسانك المريض فتتهجم عليه كل ما لاحت لك الفرصة سبحان الله لايوجد عندك صاحب أبدا" :mad: :mad:
( لا يغير الله بقوما" حتى يغيروا ما بإنفسهم ) ......

نصيحتي لك لو تسكت وايد ابرك ...... صايرلك خبير على فشوش :D :D

سويقاوي عمان
28-12-2003, 11:25
نص مقتبس من رسالة : عاشق النصر

ما اعتقد ان يبرق الازرق في هذي البطولة لكن اعتقد ان البطولة سعودية بمنافسة شديدة عمانية ......
والله انا مادري
يا اني انا ما افهم شي بالكورة وما اشوف زين والا انتم تجاملون منتخبنا العماني

الحين انتو من صدقكم انكم ترشحونا ننافس بقوة

يا خوي احنا حظنا ما ادري وش فيه بكاس الخليج

يعني المفروض انا نفوس على الكويت فالمباراة الاولى من الشوط الاول لان الكويت مب فمستواها

بس لا حول ولا قوة الا بالله

اسال الله انه يايدنا بالتوفيق والنصر

ولد عمان
28-12-2003, 12:07
:D :D

سعودي والنعم
28-12-2003, 12:17
سويقاوي عمان كلامك صح 100% وما اقدر ازيد على كلامك شي
كقيييت ووفيييت :)

KHALED ALTIMAWI
28-12-2003, 14:08
نص مقتبس من رسالة : شقردي كويتي

الكاس لن يخرج من الكويت او الامارات او عمان

و تذكروا كلامي



ستبدي لك الايام ماكنت جاهلاً.... ويأتيك بالاخبار من لم تزودِ...

بالتوفيق للجميع:)

سويقاوي عمان
28-12-2003, 14:47
نص مقتبس من رسالة : ولـد - عمان

:D :D

الى ولد عمان ولنجوه مادري شنو

انتو وش عليكم مني حاطين دوبكم دوبي

مااااااااااااااااااااااااااااااااااااااااااااالكم شغل فاللي اقوله
هذي ارائي الخاصة ولو الاداريين شافوني غلطت او قليت ادبي على احد راح ينبهوني
انتو اش تبون
انا مرة عن مرة يزيد احساسي فيكم انكم قليلين عقول وتدورون المجاملات وجودكم مثل عدمه فالمنتدى
يعني تكتبون مواضيع تثير السخرية من الاخرين مثل اللي كاتب انه ما هذا منتخبنا اللي نعرفه
اش تعرف عنه من قبل بطل اسيا يعني
والحين تقولون تبون الكاس مرة وحدة واحنا يا عيني حتى الثالث ما وصلنا للحين يعني تبون تطيرون فالسما بدون النظر الى الواقع
ما شفتو المنتخب ويا الكويت فريقنا هجومه ما يقدر ينظم هجمات خطرة بشكل صحيح الكاس كيف بيي
ضحكتو الناس علينا واذا ما مصدقيين اقروا بعض الردود الصريحة من بعض الاخوان الاخرين
ااااااال ايه ال يبي الكاس مرة وحدة بفريق ما يقدر يهدف بشكل صحيح

اقول التوفيق من الله عسى الله يغين المنتخب وايده بنصره ما ازيد على هذا الكلام

النسور الخضر
28-12-2003, 15:35
صح لسانك اخ سويقاوي عماني في كل كلمه قلتها ...

منتخب عمان لن ينافس على الكاس بقدر ماسيكون نقطة تحول في الفريق الذي سيخطف الكاس ..

لو طلعت عمان بالمركز الثاني او الثالث طيب وفيمايلي ترتيب الفرق بعد نهاية البطوله ..

الاول منتخبنا السعوووووووووووودي

الثاني عماااااااااااااااااان


الثالث الكووووووويت

الرابع اليمن

الخامس الامارات

السادس البحرين

الثامن قطر وباكبر كميه من الاهداف في شباكه قد تصل الى خمسين هدف اي بمعدل ثمانية اهداف للمباراه ..