المساعد الشخصي الرقمي

مشاهدة النسخة كاملة : الامن.....؟؟!!!



Basti
02-01-2004, 11:28
بسم الله الرحمن الرحيم

والله مادري شلون ابتدي موضوعي وتمنى من المراقبين انه مايقفلونه

الحمدالله انه دوره الخليج السادس عشر ناجحه بكل المقاييس او بكل شي من افتتاح او اعلام او جماهييير

ولكن من الناحيه الامنيه فاشله جدا جدا

امس او انا رايح الملعب لمباراه الكويت او اليمن رايح الساعه اربع اونص علشان الحق على مكان زين ولا اشوف الرابطه مسكره
مشييت بكلم الظابط ولا اطالع شياب اثنين بيدشون جان يدزهم الظابط او يدز ويه الشايب ؟؟!!!!:eek: ويقوله اذلف
والله العظيم يا اخواني صار هالموقف جدام عيني والله لومو ظابط جان توحدت فيه هذا التنظيم مايحترم شايب حتى لو لاسنه الشايب مايدزه ولا يدز ويها كبر ابوه عيب

او في سوالف وايد او انتوا ادرى فيها
فا ابيكم اتقولولي شرايكم بالناحيه الامنيه جيده ؟ ولا سيئه ؟؟

Soccer_Addict
02-01-2004, 12:05
الصراحه ما أروح مباريات عشان أحكم بس من الكلام إلي أسمعه عن الأمن بالملعب و نقاط الحدود من إخوانه البحرنيين يفشل! بس أنا سمعت هالسالفه: إن في مباراة الكويت وعمان كانوا مسكرين باب الدخول لأن الإستاد متروس.. لكن كان في واحد بروح مع ولده الحمام -وإنتوا بكرامه- أول ما فتح الباب جان الناس تتدازز والأمن ما قدروا يوقفونهم وطاحوا من فوق! واحد بس رضوض والثاني تفتت كوعه وتعور ظهره! بس ما قريتها بالجرايد فما أدري إذا صج ولا لأ بس إذا كانت صج يمكن يكون هذا سبب التشدد والمبالغه .. وعلى الرغم من ذلك المفروض ما يعامل الأكبر من سنه جذي!

zen17
02-01-2004, 12:32
هعهعههعههعههع والله شقول لك ... اذا لم تستحي افعل ماشئت

الامن على باله هو فوق كل شيء وفوق الانسانية في كل مكان في العالم مو بس في الكويت

احنا امس وصلنا بالمووووت الملعب ... واخذنا تذاكر ونبي ندخل

رحنا من تحت الحدايد ( خبرك مثل المقصف في المدرسة ) ويا زعم مناك أخف ..

الا الامن جانا وقال لينا ارجعوا داخل الصف الثاني .. يا ولد الحلال بحريني انا ...

قال لي : بحريني لو كويتي يالله ارجع :mad: ........ :D

رجعت من تحت الى الصف الاولي .... توني راجع الا هو قام ياخذ تذاكر ويدخلهم .. قلت ليه خذ وبدخل

قال لي : تعال هذا الصف وبدخلك ...

ورديت رجعت للمكان اللي طردني منه وعطيته التذاكر ودخلت ...
قمت ابي اروح صوب مشجعين البحرين وقفوا ليي الامن لا ... روح يسار ( صوب مشجعين السعودية )
يا ولد الحلال انا بحريني .....
مافي تبي تدخل روح يسار ... لا حول ولا قوة الا بالله رحت شسوي ابغي اشوف المباراة كفاية شوط طافني


عادي حبيبي تقبلها بروح رياضية عندنا وعندكم خير :D

بس الفرق انتون الامن مواطنين وهذا اللي يحز في النفس ... واحنا مجنسين و جلف وهذا اللي يحز في النفس والقلب اكثر



ولكم مني كل الود:cool:

كتلوني متعصب
03-01-2004, 10:57
صج مايستحي :eek:

ازقرتي
03-01-2004, 11:14
المفروض واحد يروح المباراة ومعاه الكاميرا ويصور كل شي...عشان لما يطلع لنا المسؤول ويقول محترين من النظام وهالخرابيط تراويه الفلم، وإذا كلش وده للرأي العالم..اهم يعرفون شغلهم معاهم.

وللأسف الشديد أخلاق الأمن عندنا صفر إلا من رحم ربي...ما دري على شنو.