المساعد الشخصي الرقمي

مشاهدة النسخة كاملة : لماذا التلفزيون الكويتي لا يستعين بمخرجين سعوديين ؟؟



هبايب نجد
03-01-2004, 06:59
http://www.akhbar-alkhaleej.com/source/9415/images/ncartoon.jpg

بصراحة كم تمنيت لو أن التلفزيون الكويتي أستعان بمخرجين من السعودية فيبدو أن الحدث أكبر من قدرات المخرجين الحاليين للبطولة

وأن كان الكاش متوفر ياليت لو نشوف مخرجين من أيطاليا والمانيا ;)

Q8TIE
03-01-2004, 07:26
ليش مخرجين السعوديه مواليد روما ، يا معود من زين اخراجكم شفنا دوريكم وشفنا اخراجكم واذا تبي الصراحه مخرجين قطر افضل مخرجين بالخليج ولو انهم مو عرب بس القطريين عرفو شنو يجيبون

هبايب نجد
03-01-2004, 11:48
نص مقتبس من رسالة : Q8TIE

ليش مخرجين السعوديه مواليد روما ، يا معود من زين اخراجكم شفنا دوريكم وشفنا اخراجكم واذا تبي الصراحه مخرجين قطر افضل مخرجين بالخليج ولو انهم مو عرب بس القطريين عرفو شنو يجيبون

بصراحة شف أخراج خليجي 15 وأحكم وبلاش تعصب

وشي ثاني المخرج السعودي وصل الى العالمية فقناة أوربيت تعاقدت مع سعد الوثلان وهو مبدع معها

والجيل الجديد من المخرجين السعوديين جيل أكثر من رائع ;)

2004
03-01-2004, 11:54
هبايب نجد...

انسى كل القنوات وتابع الجزيره الرياضيه .. صدقني غير ;) ...

Di vaio
03-01-2004, 11:55
المخرجين بالرياضه مباريات وماشابه بالكويت فشله


لو يستعينون بمخرجين المسلسلات احسن :D

بن مبارك
03-01-2004, 12:21
هالدوره الجزيرة فعلاً ( قويه )

هبايب نجد
03-01-2004, 12:40
الجزيرة بدايتها قوية الله يحميها من العين والتشفير:rolleyes:

كويتي_99
03-01-2004, 12:57
اي والله لو يتعاقدون مع مخرجين مسلسلاتنا وبرامجنا احسن !

تخيلوا الدوغجي ولا المبدع الخطيرdir13 يحطونهم مخرجين مباريات :cool:

بس اخوانا الله يهداهم جعوصة على الرياضة مع انهم يقطون ملايين على التمثيليات وبرامج المنوعات خل يقطولنا مليون واحد على المباريات :D

فارس2006
03-01-2004, 13:48
نص مقتبس من رسالة : هبايب نجد

http://www.akhbar-alkhaleej.com/source/9415/images/ncartoon.jpg

بصراحة كم تمنيت لو أن التلفزيون الكويتي أستعان بمخرجين من السعودية فيبدو أن الحدث أكبر من قدرات المخرجين الحاليين للبطولة



بس شاطرين في اخراج مباريات كرة القدم لكن شرايك في اخراج باقي البرامج بالذات دنيا المراه ازياء من سنة الستينات وديكور تجيب الضغط :mad: لا برامج الاطفال :rolleyes:

هبايب تقبلي تحياتي :D

الفيلسوف
03-01-2004, 14:39
نص مقتبس من رسالة : Q8TIE

ليش مخرجين السعوديه مواليد روما ، يا معود من زين اخراجكم شفنا دوريكم وشفنا اخراجكم واذا تبي الصراحه مخرجين قطر افضل مخرجين بالخليج ولو انهم مو عرب بس القطريين عرفو شنو يجيبون

اخراج الكويت مشي حالك اهم شي فيتامين ووووو

الجزيره وبس والكويت وسعوديه اخس واخس في الاخراج وتصوير:p

OWEN10
03-01-2004, 14:44
آنا أول مرة أسمع مخرجين مبدعين من السعودية ... :D

آنا مع أخوانا الأعضاء الكويت تتميز بإخراج المسلسلات والتمثيليات والبرامج الأخرى

بس أي شي رياضي موصوب هالسوالف ...

والجزيرة أحسن إخراج لأن الكادر كله أجنبي .......

kuwaiti33
03-01-2004, 14:55
على فكره الفريق المخرج هوا من قناه اوربت اما عن المخرجين السعوديين

حرام نأخذهم منكم لكي لا يتوقف الابداع الكبير اللذي نراه على القنوات السعوديه ;)

و اللذي بيته من زجاج لا يرمي على الناس حجر:D

MoonSun
03-01-2004, 15:03
.بصراحه المخرجين الخليجيين بصفه عامه لايفقهون في الاخراج الكروي..

مع الاسف الاجانب هم اللي يبدعون في الاخراج وهم الافضل على الاطلاق ...

ومستحيل نشوف اخراج سعودي او كويتي او خليجي بمستوى الاخراج الاجنبي...

وقناة الجزيرة الرياضيه رائعه في لقطاتها رائعه رائعه....

السيلاني
03-01-2004, 15:06
نص مقتبس من رسالة : kuwaiti33

على فكره الفريق المخرج هوا من قناه اوربت اما عن المخرجين السعوديين

حرام نأخذهم منكم لكي لا يتوقف الابداع الكبير اللذي نراه على القنوات السعوديه ;)

و اللذي بيته من زجاج لا يرمي على الناس صخر:D


عقب هالرد ماكو رد صراحه ...

مختصر مفيد :

شسالفه ..

سعوديه وأفتخر
03-01-2004, 15:19
القناة الثالثه الرياضيه السعوديه ــــــــــــــــــــــــــــــــــــــــــــ ما تقصر والله............

فيصل السعودية
03-01-2004, 15:24
نص مقتبس من رسالة : moonsun

.بصراحه المخرجين الخليجيين بصفه عامه لايفقهون في الاخراج الكروي..

مع الاسف الاجانب هم اللي يبدعون في الاخراج وهم الافضل على الاطلاق ...

ومستحيل نشوف اخراج سعودي او كويتي او خليجي بمستوى الاخراج الاجنبي...

وقناة الجزيرة الرياضيه رائعه في لقطاتها رائعه رائعه....


يسلم بطن جابك:cool: :cool: :cool:

Shaheen
03-01-2004, 16:20
يبه كل قناة يختلفون مخرجينها.....وجان زين يجيبون مخرج طاش ماطاش عشان يخرج مباريات الخليج:p

بنت الزعيـ(11)م
03-01-2004, 16:49
بصراحه الاخراج زفففففففففت ماادري وش يبغىىى خصوصا اذا فيه تنفيد خطا الكوره توصل المرمى والصوره على اللاعب اللي نفذ من جدددد يرفع الضغط :mad:

واللي غلط على المخرجيين السعوديين بالعكس دورينا اخراجه ممتاز ولو شفنا ان فيه اغلاط اكيد ماراح نسكت لان احنا مالنا الا التلفزيون .. وروح شوف كيف تواجد المخرجين في التلفزيون السعودي ... تعطيك غقط مثال بسيط شوف المخرج فطيس يقنه مخرج الجنادريه واللي حصل على افضل مخرج ومثال ابسط منه عبدالرحمن العنيق مخرج اكبر برنامج وانجح برنامج جماهيريا سباق المشاهدين اذا حصلت مثل هالاثنيين تعال واجهني ;)

سلا11م :cool:






http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif
http://henry.jeeran.com/aaaaaaaa.jpg
حملــة معـــاك يالاخضــر تنطلــق في الريـــاض

Bo Hashem
03-01-2004, 17:20
المخرجين ماتغيروا من دوره الخليج 10 !!

شنو تتوقعون

بس بصراحه الاخراج تعدل "شوي" :rolleyes:


بنت الزعيم دايما متحيزه :rolleyes:

يعني اخراج الدوري السعودي مثل الدوري القطري و الاماراتي ؟؟:rolleyes:

kuwaiti33
03-01-2004, 17:22
نص مقتبس من رسالة : بنت الزعيـ(11)م [QUOTE]
[B]بصراحه الاخراج زفففففففففت ماادري وش يبغىىى خصوصا اذا فيه تنفيد خطا الكوره توصل المرمى والصوره على اللاعب اللي نفذ من جدددد يرفع الضغط :mad:

واللي غلط على المخرجيين السعوديين بالعكس دورينا اخراجه ممتاز ولو شفنا ان فيه اغلاط اكيد ماراح نسكت لان احنا مالنا الا التلفزيون .. وروح شوف كيف تواجد المخرجين في التلفزيون السعودي ... تعطيك غقط مثال بسيط شوف المخرج فطيس يقنه مخرج الجنادريه واللي حصل على افضل مخرج ومثال ابسط منه عبدالرحمن العنيق مخرج اكبر برنامج وانجح برنامج جماهيريا سباق المشاهدين اذا حصلت مثل هالاثنيين تعال واجهني ;)

سلا11م :cool:



عيل واين العوضي اللذي اخرج فلم و ثأقي و اخذ جوائز عالميه و حتي الامريكان يبونه الحين و هو الان متواجد في امريكاWashington DC واين الدوغجي واين المطيري واين العنزي صلى على النبي بس و اذا انتي حصلتي نفس هؤلاء تعالي و جهيني.
اما عن مخرج الجنادريه جيد عادي طبيعي ليس فيه عيب و ليس قمه(( بس خليه يغير اسمه)) بس هذا طبيعي اي مخرج يستطيع يخرج كذا او ربما احسن.
اما سباق المشاهدين لالالا اذكري الله صح اي برامج برنامج جماهيريا سباق المشاهدين امانه عليج اهو البرنامج ناجح اصلا منو يتابع القناه السعوديه اصلا محد يتابعها غير بعض السعوديين و المقيمين فيها وشنو ابداع المخرج فيه عادي عادي.

ياأختي كوني واقعيه كل من يحب بلده بس يقول الصدق و الواقع ولا يبالغ.

ربما يوجد مخرجين جيدين بلسعوديه و كذللك الكويت و الامارات ووو...

بس انتي الله يهديج من خلال ردودج في هذا الموضوع و مواضيع اخراا اكلطفله كل شئ السعوديه السعوديه...
السعوديه احلا بلد..
السعوديه احسن منتخب.. :cool:
السعوديه احسن اخراج...
السعوديه سياحيه و احسن من فرنسا..
السعودين احلا شباب و بنات...;)
السعوديه اغنى بلد..:eek:

يعني والله كأني اتكلم مع (..):D يعني على الاقل كوني واقعيه......

ارجو انج ما زعلتي مني و اعتبرني اخوج الكبير قاعد يزفج هاهاهاها.. ;)

لا تزعلين بس خلاص صدقت السعوديه هي اعظم بلد......

هبايب نجد
03-01-2004, 18:00
المملكة عدد سكانها عشرين مليون يعني أكثر من جميع دول الخليج

وبرز من المملكة العديد من المبدعين في شتى المجالات

وندعوكم الليلة لمشاهدة مباراة الأتفاق والشباب على القناة الرياضية لمشاهدة الفرق في الأخراج

وبلاش نكابر ;)

نبضي قدساوي
03-01-2004, 18:44
نص مقتبس من رسالة : هبايب نجد

المملكة عدد سكانها عشرين مليون يعني أكثر من جميع دول الخليج

وبرز من المملكة العديد من المبدعين في شتى المجالات


اتمنى اشوف سعودي متواضع
اغلبكم مغرور ..... ( الا من رحم ربي )...
الله يعينكم ع نفوسكم ...
تحبون اللي يطبل لكم ...
ومشكلتكم اطيرون فوق وايد واخترها ع روسكم ..
لما تنصدمون بواقعكم الزايف

الله يهدي هالنوعيه ..

هبايب نجد
03-01-2004, 19:40
نص مقتبس من رسالة : نبضي قدساوي

نص مقتبس من رسالة : هبايب نجد

اتمنى اشوف سعودي متواضع
اغلبكم مغرور ..... ( الا من رحم ربي )...
الله يعينكم ع نفوسكم ...
تحبون اللي يطبل لكم ...
ومشكلتكم اطيرون فوق وايد واخترها ع روسكم ..
لما تنصدمون بواقعكم الزايف

الله يهدي هالنوعيه ..



وأذا أتتك مذمتي من ناقص فهي الشهادة لي بأني كامل;)

صانع ألعاب
03-01-2004, 19:56
عنبر اخو بلال

ماكو على الدوري القطري

فريق متخصص من المانيا .. اخراج تصوير

Dream Teem
03-01-2004, 20:11
الصراحه طاقم الجزيره الافضل على الوطن العربي والاسيوي بعد (( جني مصختها ))

صانع العاب

الطاقم بلجيكي الا اذا غيروه هاي شي ثاني

3arbawi_doom
03-01-2004, 20:18
فعلاً مخرجين فناتنا كلهم فشلة .

شقردي كويتي
03-01-2004, 21:22
نص مقتبس من رسالة : بنت الزعيـ(11)م

بصراحه الاخراج زفففففففففت ماادري وش يبغىىى خصوصا اذا فيه تنفيد خطا الكوره توصل المرمى والصوره على اللاعب اللي نفذ من جدددد يرفع الضغط :mad:

واللي غلط على المخرجيين السعوديين بالعكس دورينا اخراجه ممتاز ولو شفنا ان فيه اغلاط اكيد ماراح نسكت لان احنا مالنا الا التلفزيون .. وروح شوف كيف تواجد المخرجين في التلفزيون السعودي ... تعطيك غقط مثال بسيط شوف المخرج فطيس يقنه مخرج الجنادريه واللي حصل على افضل مخرج ومثال ابسط منه عبدالرحمن العنيق مخرج اكبر برنامج وانجح برنامج جماهيريا سباق المشاهدين اذا حصلت مثل هالاثنيين تعال واجهني ;)

سلا11م :cool: [/COLOR] [/FONT] [/SIZE] [/B]

اولا :: طاقم الاخراج في البطوله هذي من اوربت الرياضيه و هي المتكفله بالشغله هذي
يعني المخرج و بعض المصوريين مو كويتيين

ثانيا :

اسماء 3 مخرجين كويتيين اذا قدرتي تجيبين ناس من مستواهم او اعلى من اي وطن عربي لج الي تبينه

احمد الدوغجي (( مخرج فديو كليبات و حفلات و افتتاحات ))
نواف الشمري dir13 (( مخرج مسلسلات و فيديو كليبات و مولف مبدع ))
حبيب دشتي (( مخرج رياضي مبدع موقوف حاليا عن العمل بسبب باقر دشتي مدير القناه الثالثه ))

شوفي برامجهم بعدين تعالي تكلمي

بعدين اختي اسمحيلي للاسم الاسماء الي ذكرتيهم اول مره اسمع عنهم
المخرجين المبدعين من السعوديه اثنان (( عبدالخالق الغانم - حمود ؟؟ نسيت باجي اسم اخرج طاش ماطاش في بداياته ثم اخرج مسلسل ثمن عمري ))

و نعم الغانم و حمود مبدعين بصراحه و انا من متابعينهم ولكن الى الان لم يصلوا الى مستوى الدوغجي و الشمري و دشتي

و خذي الكلام هذا عتاب من اخ الى اخته

و تقبلوا تحياتي

المـ الأزرق وج
03-01-2004, 22:12
اهو بس النقل التلفزيوني اللي رايح فيها خخخخخخخخخخخخخخخخخخخخ

عموما الاخراج التلفزيوني في خليجي 15 كان سئ بعد والكل تابع هالشي ..

يعني اذا كان بيستيعينون اتمنى احنا واخوانا السعوديين نستعين بمخرجين كاس العالم ..

عندنا و عندكم خير خخخخخخخخخخخخخخخخ

BieRHoFF
04-01-2004, 00:56
أول مره أسمع ان السعوديه عندهم مخرجين نفس الاوادم ..

ماكو على الجزيره الرياضيه ..

هبايب نجد
04-01-2004, 15:14
عموما ياليت نشوف أخراج صح اليوم

بنت الزعيـ(11)م
04-01-2004, 20:45
نص مقتبس من رسالة : شقردي كويتي

نص مقتبس من رسالة : بنت الزعيـ(11)م

اولا :: طاقم الاخراج في البطوله هذي من اوربت الرياضيه و هي المتكفله بالشغله هذي
يعني المخرج و بعض المصوريين مو كويتيين

ثانيا :

اسماء 3 مخرجين كويتيين اذا قدرتي تجيبين ناس من مستواهم او اعلى من اي وطن عربي لج الي تبينه

احمد الدوغجي (( مخرج فديو كليبات و حفلات و افتتاحات ))
نواف الشمري dir13 (( مخرج مسلسلات و فيديو كليبات و مولف مبدع ))
حبيب دشتي (( مخرج رياضي مبدع موقوف حاليا عن العمل بسبب باقر دشتي مدير القناه الثالثه ))

شوفي برامجهم بعدين تعالي تكلمي

بعدين اختي اسمحيلي للاسم الاسماء الي ذكرتيهم اول مره اسمع عنهم
المخرجين المبدعين من السعوديه اثنان (( عبدالخالق الغانم - حمود ؟؟ نسيت باجي اسم اخرج طاش ماطاش في بداياته ثم اخرج مسلسل ثمن عمري ))

و نعم الغانم و حمود مبدعين بصراحه و انا من متابعينهم ولكن الى الان لم يصلوا الى مستوى الدوغجي و الشمري و دشتي

و خذي الكلام هذا عتاب من اخ الى اخته

و تقبلوا تحياتي

ههههههههههه وانتي متخصصه ردود على كلامي الله يخلي لي هالاهتمام :cool:




http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif
http://henry.jeeran.com/aaaaaaaa.jpg
حملــة معـــاك يالاخضــر تنطلــق في الريـــاض

Bo Msheal
04-01-2004, 20:48
يرحم امك من زين مخرجينكم ؟!
الله يعافي الاجانب :rolleyes:

بنت الزعيـ(11)م
05-01-2004, 14:33
اجانب ههههههههههه اشوى ان التلفزيون السعودي اقل من يستعين بالاجانب وينك انت شكلك ماتتابع قرارات مجلس الوزراء .يازينك ساكت ترى امور ماعندكم عنها خلفيه اسكتوا حسن :D ;)

الا مثال بسيط روح شوف قنوات التلفزيون السعودي وتابع اسم المخرجين في كل برنامج ومباارة واخبار اذا شفت اسم اجنبي تعال واجهني ;)




http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif http://kino-max.ru/data/images/3dflagsdotcom_saudi_2faws.gif
http://henry.jeeran.com/aaaaaaaa.jpg
حملــة معـــاك يالاخضــر تنطلــق في الريـــاض