المساعد الشخصي الرقمي

مشاهدة النسخة كاملة : (((( ماهذه العقليات في الديوانية ))))



111
04-01-2004, 22:22
السلام عليكم ورحمة الله وبركاته :

كيف حال أعضاء الديوانية وزوارها ، إن شاء الله تمام .

أخواني الأعزاء هل يعجبكم هالوضع هذا ، أقسم لكم بالله العظيم إن لي حوالي إسبوعين كل ماجيت أشارك يضيق صدري إذا شفت هالمشاركات من بعض الأعضاء ( وخاصةً إللي توهم مسجلين ) من سعوديين بعض الخليجيين الجدد ، كأنهم جايين يدورون المشاكل ويسببون وهذا مالاحظته .

من قبل البطولة وكم عضو يحلف بالله إن فريقه يبي يفوز وطلع لا السعودي إللي حلف بفوزهم على الكويت ولا الكويتي إللي حلف بفوزهم على السعوديه .

وكم عضو جديد ( ينعدون بالإصابع ) تسببو بكل هالمشاكل بين الأعضاء وبين أعضاء أصدقاء من دولتين وكأننا بحرب . المشكلة الشرهه ليست على هؤلاء الجدد ، بل على الأعضاء القدامى من سعوديين وخليجيين . كأن عقولهم صغيره أتمنى أشوف مواضيع تتكلم عن سبب عدم فوز السعوديه على الكويت من هؤلاء الأعضاء السعوديين وملاحظاتهم .

وأتمنى أشوف مواضيع الكويتيين لهبوط مستواهم في هذه المباراة الهامه لهم بغظ النظر عن أنها مع منافس تقليدي . لم أشاهد

فقط هم هم نفسهم فتحو مواضيع وكل واحد يحاول منهم يطلع أعذار يضحك عليها الصغير قبل الكبير .

أخي العضو الجديد ويا أخي العضو العزيز القديم هل تعلمون أنكم بها تسببتم بكره ناس لأناس مالهم ذنب سوا أنكم من بلدي ونفس الشيء للخليجي .

فوالله العظيم أنني لا أغير نظرتي لباقي الخليجيين لأني أعرف مالهم ذنب وهم قله فقط . ولو دققتو في مواضيعهم تقول قهر هذولا يكتبون مواضيع رياضيه وعندنا كتاب كبار مانزلو مواضيعهم خوفاً أن يكرهونهم السعوديين أو من دول خليجيه أخرى إحتراماً لشعوب دول الخليج .

ياخي مامليتو ما تضحكون على أنفسكم ماتحاولون تكسبون علاقات .
طيب لاتكون علاقات ، بس رجاء لاتتسبب بزعل وكره ناس على ناس مالهم ذنب ، بسبب إنك لك إسبوعين تكتب مواضيع ( والله نفوز ، والله الكأس لنا، والله ماتأكلون عيش ووووووو )

والمشكلة أيضاً أن هناك فئة ثالثة من بعض الأعضاء السعوديين والدول الخليجيه شغلهم الشاغل هو رفع هذه المواضيع . دققو فيهم . ردودهم نفس الشيء في كل موضوع ، يعني واضح إنه بس فاضي يفرق ويسبب مشاكل .

يا أخوان والله العظيم إني ما أطلع عن الديوانية أبداً أبداً أول ، ويومياً أشيك عليها ، وإستغربت إني كيف تحملت ما أقدر أشارك كل هالمده هذه . مع العلم إن لي حوالي إسبوعين أدخل الديوانية بس كل ماجيت أشارك أقول في نفس لاتدخل بعدين يكرهونك كم العشرات من دول الخليج بسبة كم عضو جديد ( وكم عضو قديم لم نتوقع أنهم لم يفهمو المنتديات وملل الهوشات في المنتديات )

وأتمنى من بعض الأعضاء السعوديين بما إني منكم ومن ديرتكم أن يحاول من أن يخففو من تواقيعهم ، خاصة إذا كان عن دولتنا ، والله ليس بالطريقة هذي تظهر إعجابك بدولتنا بهالأعلام والأشعار ومدح الحاكم بطريقة تخلي بعض الخليجيين يعاندك ويحط مثلك واكثر .

ضع نفسك مكان واحد ليس سعودي وتشوفه عضو هنا وحاط توقيع أردى من توقيعك ومستصغر الدول وحكامها . يعني على وزن المثل والله ماحفظته زين ، المهم إللي يقول ( سعودي غيرك ينقص وأنت تزودي )

هل تعلم مجرد أن عنوانك مكتوب تحت إسمك من أي دولة تكفي وأكثر من أنك تكتب هالتوقيع بهالأسلوب إللي ماأدري وشلون أنت تبي تقنع غير السعودي بحب دولتنا بالطريقة هذي ، أو إذا إنت جايبها عناد ، فأبشر بوجع الرأس لك من كثر الهوشات إللي ماراح تنتهي أنت وياهم . ترى كل حكام الخليج يحبون حكامهم وليس أنت . ومهما فعلت من تواقيع وتبهرها وتزبرقها وبراويز وألوان . أنهم ينظرون لحكامهم بحب لن يغطي عليه أي حاكم مثل ماننظر نحن لحكامنا . الله يخليلي الوالده :)

آسف أخواني الأعضاء والمراقبين على خروجي عن الموضوع وعلى الإطالة .

عـ9ـالمي
04-01-2004, 22:43
حياك الله اخوي 111

وكلامك سليم 100%,,تحياتي لك.

THe ShaRk
04-01-2004, 22:44
كبير يا 111 على هالموضوع الروعه واتمنى اني ما اكون من الي ذكرتهم بموضوعك

شول
05-01-2004, 04:19
نص مقتبس من رسالة : عالمي للأبد

حياك الله اخوي 111

وكلامك سليم 100%,,تحياتي لك.

D 7 M Y
05-01-2004, 05:58
ياخي وش فيه لو يقول

ارفع راسك انت سعودي ** غيرك ينقص ونت تزودي




يعني ما جاب هل كلام من عنده هذا كلام خالد الفيصل:D























اخوي 111 وسع صدرك :rolleyes:

رامز
05-01-2004, 10:26
ياااااااااااااااااااااااااااه 111 حيك الله وين الناس ...

خابرك تقول ابحضر الماجستير في الصمان :D

بس عاد كل هذا ماجستير :D :D ...........

LAZIO
05-01-2004, 12:55
الله يعطيك العافيه يا 111 كلامك تاج على راس كل عضو بالمنتدى ...وانشالله كلنا اخوان وحبايب و هالتصريحات الناريه و الاستفزازيه كلها بتنسي بعد البطوله ...وكلنا خليج واحد وشعب واحد وروابط الجيره و النسب اللي بينا اكبر من مواضيع نتكتب وتروح
هذي البطولات اتجمعنا وماتفرقنا انشالله فخلونا نستغل هذي المناسبات وهذا التجمع الخليجي في صالح توطيد العلاقات مابينا :)

بندر - السعودية
05-01-2004, 14:15
سلام عليكم


الف الف الف شكر اخوي 111 ياشيخ لو القاك في المرور لا اشتريك لوحة لسيارتي ههههههههههههه:D

بس من جد ماقصرت وهذا الكلام الي في نفوسنا :)

Di^Canio
05-01-2004, 15:03
كبيــــــــر ;)