المساعد الشخصي الرقمي

مشاهدة النسخة كاملة : كل الديوانية باعضائها ومراقيبيها على السعوديين ؟



سعودي
04-01-2004, 22:52
السلام عليكم جميعاً

اعتقد الكل شاف فرحة اغلب الأعضاء بهزيمة الأخضر اليوم وتباريكهم وتهانيهم لبعض

موب الكوييتن لحالهم معهم القطررين والبحرينين وهلما جراا كلهم يباركون لبعض على تعادل الكويت

انا ماني معيب عليهم لا يفرحون ويستانسون من حقهم ينبسطون لان الاخضر هو هدف جميع المنتخبات

الخليجة اولاً والعربية ثانياً والاسيويه الاجنبية ثالثاً الكل يعتبر تعادله مع الاخضر إنجاز لامثيل له في تاريخه

فكيف اذا فازوا عليه ,,,,

لكن اللي يحز حقيقه في النفس ان بالذات في هذا اليوم أغلب الاعضاء وليس كلهم نسوا شي أسمه أحترام

وتقدير للفريق الخصم ,, اول ما انتهت المباراة جو غالبية الأعضاء من بينهم الكوييتين ويشتمون وموتوا بغيضكم

يالسعوديين انتم ماتستاهلون الفوز قعدنالكم طيحنا وجيهكم فشلناكم قدام العالم مسوين انفسكم برازيل العالم

وهذا اللي قلته ولا شي وفيه كلام اقو منه انقال لكن استحي اني اقوله وليته على المنتخب الاخضر بس

حتى الحكومة ماسلمت شتايم ولعن وسب عيني عينك ,,,

ومسكو الخط معهم بعض القطررين عاد هذولا ماصدقوا خبر وتشتيم وسب وحيلك بالسعودين لاتخلونهم

ويالله علا السعوديين والبحريينين بعدهم لاتخلونهم ياخذون الكاس حنا بنتصدا لهم

حي والله البحرينين على الاقل يهنون عن الباقين

والمصيبه والطامة الكبيرة إن يوم جينا نرد على مثل هالكلام هذا ونوقف كل واحد عند حده

جاء احد المراقبين يهدد ويتوعد (( هذا آخر تحذير لك ولا بتنطرد )) سبحان الله العظيم انا مدري ليه المراقب

مايشوف عنوان الموضوع قبل لا يفتحه ويقرا اللي فيه مع ان عنوان الموضوع كله استفزازي

وإهانة لنا يا السعودين واعضاء غير سعوديين قالوا كلام ماينقال

ويتعدا كل الردود اللي انقالت ويجي عندي ويقول ترا هذا آخر تحذير لك وبتنطرد ؟؟ وعلى الهواء مباشرة

وردي عليهم رد كان عادي جداً جداً جداً انا مدري ليش التحييز والعدواة هذي علينا حنا بالذات

3 أعضاء سعوديين انطردوا بااسبوع واحد بسبت انهم والله قالوا ردود تجرح الباقين ؟؟

وقبل كذا فيه 2 سعودين بعد انطردوا ,, أكيد ان بيكون هناك طرد على كل من يتعدا على الثاني من غير

حق او قال كلام يجرح ويئذي الاخرين وفيه سعوديين يستاهلون الطرد ويعطي المراقب اللي طردهم

العافيه الله لايردهم بالعكس سوا لنا خدمه ان ماتتشوه صورة السعودين على مثل هالاشكال هذي

لكن يصير الطرد بس حكر على السعودييين حتى اللي يبي يرد وبيدافع عن رايه وبيقول كلمته كل ساعه

جاي مراقب يهدده ويقول ترا هذا آخر تحذير لك يعني بالعربي اسكت وتفررج وخلهم يشتمونك !!!

واللي يقهر ان فيه أعضاء كلنا عارفينهم يسب هذا ويشتم هذا وعااااادي ماكنه قال شي اذا بيسون له شي

سكروا موضوعه هذا يعني عندهم العقوبة القصوى

ولا يجي في موضوع ثاني بوجه أبيض يضحك هنا ومسوي اخلاق وش زينه تقول عسل وينادي بلاخلاق

ويصد ويجي يتكلم في موضوع ثاني مافيه أخبث منه ينغز هذا ويستفز هذا ويشيل هذا على هذا

ولازم من كل دولة فيه واحد ولا اثنين من الاعضاء يدورن اي شي على السعودية

ليش ممكن تفهوني ؟؟ وشكينا للاداره وشكينا وشكينا وشكينا لين عجزنا

اذا كانت الادارة الموقرة عجزانه ومستحيه تطرد الاعضاء (( عيال ديرتها )) وتضبط النظام مثل العالم

وتطبق الرقابه على الجميع تترك لنا على الاقل نرد على كلامهم ونرد على اي شي يضر ويمس السعوديه

لاتتوقعون ان كل سعودي يشوف غلط فادح وكبير جداً ويسكت ويتفرج ويقول ماعليه نسكت هالمره

ماقصرنا بلعنا وبلعنا وبلعنا من الاغلاط لين قلنا بس

وحبيت اقول للحاقدين وأعداء السعودية ترا ماهي رجولة انك تقعد ورا شاشة الكمبيوتر وتسب وتشتم

إن كان أحد منكم في راسة حب ماانطحن يقابلنا رجال لرجال ويقول اللي يبيه وعندنا لكل علة دواها

كل كلامي اللي قلته مايتعدا حدود هذي الديوانيه وادري ان كل دول الخليج أخوان من لحم ودم وفيه ناس

من كل دولة كويتين قطررين سعووديين عمانيين بحريينين امارتيين يمينين ينحطون على الراس والعين

لكن اليوم في هذي الديوانية السالفة طالت من أكثر من عضو ومراقب وشفنا فيها تحيز والحمد لله

ماهم بكلهم وهذي رياضة فكل واحد يكبر عقله ولا يشيل قلوب ناس على ناس

فااتمنا ان ترجع الامور لطبيعتها اللي كنا عارفينها ويصير فيه عدل

وادري ان هالموضوع هذا ماهو طالع من ثلاث

يا يغلق الموضوع لن اللي كاتبه عضو جنسيتة سعوديه

أو بيحذ ف لنفس السبب لني سعودي

أو بنطرد من الديوانية هذي ولي الشرف أني انطرد لني احامي دون أطهر بلاد على وجة الارض بلاد الحرمين

وانا ماني مستبعد هالشي هذا وارجوا ان يصير فيه نقاش علشان نوصل لحلول للمصيبة هذي .

تحياااااااتي ,,,

رامز
04-01-2004, 22:56
اخي العزيز ... افضل حل الموضوع الاستفزازي لاتكتب فيه رد .. وهذا اللي انا قاعد اسويه وصدقني تكسب في النهاية ..

راعيها
04-01-2004, 22:57
اللي قاعد يصير بالدوانيه رد فعل طبيعي لتهديدكم ووعيدكم قبل المباراة

اسإلك سؤال .. شلون سمحتوا حق صحافتكم و مدربكم الاستهزاء بالازرق بهذا الشكل المقزز!!

و حتى الغرور يصير مقزز احيانا ..

حاسب على كلامك قبل لا تحاسب الغير

و انتبه لافعالك قبل لا تزعل على ردود الافعال

waslawy
04-01-2004, 22:58
افا عليك بس يا سعودي , والله عورت قلبي عليك :(

الوقت
04-01-2004, 23:00
وإذا خاطبكم الجاهلون فقولوا سلاما هذا هو أفضل حل


.................................................. ................

Q8i
04-01-2004, 23:06
اخوي انت بعد لازم تقدر الضغط اللي على الإدارة يعني اليوم بس سجلت الديوانية اكبر عدد زوار من بدايتها اكثر من 200 عضو بوقت واحد وعدد المراقبين 20 مراقب ومو كلهم يدخلون ، يعني في تقصير ونعترف فيه بس للأسف ابدا مو قاعدين نشوف تقدير من البعض يعني احنا قاعدين نجتهد على حسب الامكانات والله يعلم بالظروف اللي نمر فيها حاليا ، بالنسبة للطرد ، انا اقولك اكثر الاعضاء اللي تم طردهم كويتيين وهذا مسجل عندنا بقسم المراقبين وهذا ينفي التحيز اللي قاعد تتكلم عنه

بحريني zen
04-01-2004, 23:07
لم أقرأ الرسالة المطولة والتي لا داعي لها يا أخي .. فكلنا أخوة

سواء بحرينيين أو سعوديين أو كويتيين أو قطريين أو عمانيين أو اماراتيين

السالفة ومافيها استاذي ان المصالح تطلبت تظافر جهود كل المنتخبات ان تقف عقبة على الاخضر السعودي لأحياء الأمل وبث الروح المعنوية لدى لاعبيها .... وهذا حق مشروع

وهذا لا يعني ان الجميع يكره السعودية .... والله السعودية بأهلها و بلعيبتها تووج على روسنا وياما شرفونا في المحافل الدولية .... واذا لهم انجاز فهو ليس انجاز لهم فقط بل انجاز لنا كخليجيين وكعرب

بس في بطولة الخليج لا تقبل القسمة على أثنين .... اما معك وأما عليك ... ولو كان السعودية والكويت متبادلين المواقع لوقفنا حينها مع المنتخب السعودي :) شيء طبيعي

المنتخب الكويتي يحتاج لتعثر السعودية

المنتخب القطري يحتاج لتعثر السعودية

المنتخب العماني يحتاج لتعثر السعودية

المنتخب البحريني يحتاج لتعثر السعودية

وهذا حق مشروع في تشجيع الفريق الذي يلعب ضد صقور نجد ...

وفي بطولة الخليج كلنا أخوان وكلنا أحبة .... وهذا هو طابع المنافسة في بطولات الخليج

أرجو ان لا تتحسسوا منه .... ولكن في الاخير وبعد انتهاء البطولة ترجع الألفة والمحبة .. مع وجودها في البطولة ولكن طابع المنافسة والحماس يؤثر عليها قليلا ;)

ارجو انك تفهمت الوضع ... ففي نهائي كاس اسيا في النسخة الماضية كل الخليج وقفت تساند المنتخب الاخضر وحتى في كاس العالم ... ولو وقفنا مع اليابان او المنتخبات الأخرى ضدها هنا لك أن تلومنا وأن تعاتبنا يا أخي الحبيب


اشقاء للأبد .............. كلنا حبايب :)





ولكم مني كل الود:cool:

WiSeMan
04-01-2004, 23:11
لا أخوي اسمحلي انا أخالفك

اللي حاصل أن التعادل أو هزيمة الأخضر اليوم من مصلحة الكويت والبحرين وعمان وقطر والامارات وهذا هو السبب الحقيقي لكن كنت اتمنى لو شهادة حق بأفضلية الأخضر اليوم بدال الشماتة والفرحة الهستيرية اللي غطت على العقول والعيون اللي شافت المباراة اليوم.:cool:

لكن أنشاءلله البطولة كانت وستضل وستبقى سعودية بأذن الله الواحد القهار وما أشوف أحد أحق من الأخضر في هذي الدورة;)

خليجي
04-01-2004, 23:18
بيض الله وجهك ياسعودي وميب غريبه نخوتك وعزة نفسك

انا بعد اليوم جاني ايميل تهديد بالطرد !!!!! راجعت ردودي الي كتبتها اليوم لقيتها بسييييييييييييييييطه مقارنه بالشي الي قاعد ارد عليه

بس الحمد لله المراقب كان سنافي وهو بنفسه صرّفها لي
ترا المراقب موب دي كانيو ابد ابد:rolleyes:

رامز مع اني نصراوي بس والله احبك
لكن الاحظ احيانا ان روحك انهزاميه ليه؟؟؟؟ مجامله يعني؟؟؟ ترا الا الدين والوطن مافيها مجامله

اخوي الوقت : ترا بتجيب العيد:D

كلامك عدل مدل ياسعودي

خليجي
04-01-2004, 23:20
اخوي WiSeMan ترا ممكن كلامك هذا يكون استفزازي ويسبب طردك :)

خليجي عوود
04-01-2004, 23:22
ياسعووووووودي والله أنا من ديرتك ودائما أتحاشا مثل هالمواضيع

لاكن أعترف إن الخطأ وارد سواء من عضو أو مشرف

لاكن ياخي عندي لك حل

أنا شوووووف كتابات إستفزازيّة كثيرة وصدّقني عندي ردود عليها وأقوى منها

لاكن تعلّمت أعرف هالبلد من رد الشّخص ;)



يعني إذا صار كويتي <<<<أقول الحمد لله ما صار سعودي والله يهدية
وإذا صار قطري أقول الحمد لله والله يهدية
وإذا صار سعودي أقول الحمد لله وش أسوي فية والله يهدية
وإذا صار بحريني أو إماراتي أو عماني<<<<< وللحق أخوي ماشفت من هاذولي إلا كل خير
أقول الله يديـــــــــــــــــــــــــــــــــــــــــــــــ ـــــم المحبّة

وأتمنّى ياشباب ما تكون الحزازيّات بهالشّكل

والله من كل قلبي أقولها ياليـــــــــــــــــــــــــتنا دولة وحدة إسمها (((الجمهوريّة العربيّة الخليجيّة)))
:D علشان تقتنعون إنّنا أهل
وأنا ابوي سعودي وامّي إماراتيّة وقلبي هو الخليج

يعني لازم نحتاج غزو او عدو علشان نشعر بالحب الكبير الّلي بيننا:mad:

حراااااااااااام والله الّلي قاعدين تسوّونة


آآآآآآآآآآآآه من بعض العقول :mad:

السلام على أهل العقل فقط;)

ولد قطـــر
04-01-2004, 23:29
اخوي ارجو انك تقرأ كلامي للنهايه

اخوي

قبل لا توجه اتهامك للاداره وتفسر الامور على كيفك ... اقعد
بينك وبين نفس وروح شوف المواضيع اللي تنفتح في الديوانيه
يعني معقوله يجيون السعوديين (( البعض )) ويسبون بلادنا واحنا
نقول خذ راحتك :)

شوف المواضيع من البدايه وبعدين احكم ... يعني مثلا :

السعوديه اول شي اعتقد لعبت مع الامارات ... انا ما كنت موجود ايام ما لعبوا
وما ادري ايش صار
( يعني ما كنت مسجل )

بعدين لعبت مع قطر ... انا ما راح اقول اخوي اكثر من انك تروح لموضوع
السعوديه × قطر ... وتشوف بنفسك الردود اللي فيها واهم شي تشوف مين
اللي ابتدى ... وبعد ابيك تشوف المواضيع الفرعيه لنفس المباراه
راح تلاقيها كلها كلها كلهااااااااااااا لاعضاء سعوديين ... وفي النهايه جاي
تقول احنا نستفزكم !!!
وهذه المواضيع استمرت (( قبل وبعد )) المباراه ... حتى اذكر ان في بعض
الاخوان الكويتيين كانوا يدخلون الموضوع ويقولون وقفوا ردودكم على بعض
بهذه الطريقه
هذا مع العلم اني انا وغيري قلنا ان المنتخب القطري مب كفو وقلنا ان المنتخب
مب في نفس مستواه في الدوره اللي فاتت ... بس مع ذلك السعوديين ما وقفوا
حتى لما تعادلنا معاهم

بعدها السعوديه لعبت مع البحرين ... يمكن كانت الردود الاستفزازيه اقل بكثير
من اللي استوى في مباراة السعوديه وقطر ... لكن هذا ما يعني ان كان في
ردود استفزازيه :):)

بعدين لعبت السعوديه مع الكويت ... وبالضبط تكرر نفس اللي استوى ايام مباراة
السعوديه وقطر ... والمواضيع ما زالت قدامك روح وشوفها :)
ما اقول ان الكويتيين ما نزلوا مواضيع استفزازيه ... لكن لما تقارنها بعدد المواضيع
اللي نزلوها السعوديين راح تلاقيها اكثر بكثير من الكويتيين ...
واخوي راح تلاقي بعد بعض المواضيع من قبل الكويتيين يرد فيها على موضوع معين
نزل من قبل واحد سعودي :)



اخوي ...
طبعا مب معقوله اذا جا واحد وقعد يستهزء باسم بلادك تسكت له ... اذا انت ما ترضاها
على روحك تاكد ان احنا بعد ما نرضاها على روحنا

وسبب وقفة الخليجيين كلهم ضدكم من وجهة نظري ... لما شفناه من غرور وتصغير المنتخبات
الثانيه من قبل السعوديين

لكن تأكد ان الخليجيين كلهم يد وحده والحمد لله ان احنا معرفين بهذه الميزه ... وقت الشدايد
تلاقين واقفين مع بعض وانا كنت مغترب وادرس في دوله اجنبيه فعلا شفت هذا الشي بوضوح

وبعدين الاخوان اللي في البيت الواحد يتهاوشون ... وهذا شي عادي
وصدقني راح ننسى كل شي من اول من تخلص البطوله :)

تحياتي

جــــود
04-01-2004, 23:36
هذي الغيره يكفينا شرها...;) ;)

مالقوا شئ يتكلمون عنه ولأن مستويات منتخباتهم مش ولابد حطوا الحاره بسب السعوديييييين..:rolleyes:

ماعليك أخوي منهم...:cool: :cool:

وادعي لهم بس..:)

برفســور قطــري
04-01-2004, 23:37
هذا شي في مخيلتك انت ..
لأن اي تعثر للفريق السعودي تثور ثائرتكم كلكم .. يعني يوم قطر تعادلت معاكم و لعبت بطريقه دفاعيه .. جانا تجريح وكلام فاضي من كل مكان وكلام ما يطلع من اخوه لأخوانهم .. والسبب ان العنابي لعب بإمكانياته امام السعودي المتكامل والجاهز ..
اليوم تعادل الكويت والسعوديه جاء لمصلحه الفرق المنافسه وهذا اكيد بيفرح الخصوم مش كراهيه للفريق السعودي ..
انت صف نيتك واكيد بتفهم المقصد

ســلام ;)

Barca4eveR
04-01-2004, 23:41
غلطان حبيبي بس كل واحد تشده العاطفه صوووب منتخبه وهذا شي طبيعي ويمكن السبب لانه السعوديه متصدر وتفرق عن المنتخبات


ولاتخاف كلنا خوان

خليجي
04-01-2004, 23:46
تصدق يابرفسور قطري اني استانس اذا لقيت لك موضوع او رد
ولو تقول لي ليه؟؟ راح اقول لك ماادري

eRaZeR
04-01-2004, 23:51
نص مقتبس من رسالة : سعودي




وشكينا للاداره وشكينا وشكينا وشكينا لين عجزنا

اذا كانت الادارة الموقرة عجزانه ومستحيه تطرد الاعضاء (( عيال ديرتها )) وتضبط النظام مثل العالم

وتطبق الرقابه على الجميع تترك لنا على الاقل نرد على كلامهم


اخوي اشلون تبي الادارة تحل مشكلتك وانت قاعد تتهمنا بالتحيز ومن دون دليل ..لعلمك عدد الاعضاء الكويتيين اللي توقفوا من يوم انطلاق البطولة إلى الآن يعادل اضعاف باقي الاعضاء من اخوانا الخليجيين

The Brazilian
04-01-2004, 23:57
سعودي

للأسف انت غير منصف في كلامك و هو غير صحيح

نعم انا حذرتك لأنك تعديت بالكلام مع بعض الأعضاء , و كلامك كان غير مقبول

حتى لو شتمك عضو سواءا كان كويتي او غير كويتي لا يجوز ان ترد عليه بنفس الطريقه

اتهمتنا بأننا نطرد الأعضاء السعوديين دون الكويتين ... و هذه معلومه غير صحيحه للأسف انت تقول كلام غير صحيح على الإطلاق لأن هناك عدد من الأعضاء الكويتيين طردوا ..

الطرد لا يعتمد على جنسيه العضو و لكن ردوده هي فقط التي تحدد

و الموضوع اللي مكتوب فيه موتوا بغيضكم .. انا حذفت هذه الجمله بالتحديد

و العضو الذي يسيئ للمملكه او اي دوله شقيقه اخرى يطرد فورا و هذا ما حصل بالفعل لبعض الأعضاء و منهم الكويتيون ..

ولكن عليك ان تعرف ان الرد بالمثل غييييير مقبوووووووووووول سوءا

و لو كانت هذا مقبول فهذا يعني الإحرام سيعدم لأن كل شخص راح يسيئ للآخر و هذا ما لا نقبله نحن جميعا

و للعلم .. في حال وجود شكوى لديك يكون من الأفضل ان ترسل رساله لأي مراقب او اداري .. أفضل من انك تكتب موضوع بالكامل

حتى لو كانت الشكوى علي انا شخصيا تستطيع انك ترسل الشكوى لأي اداري او مراقب .. حتى لو كان هذا المراقب هو انا .. و بالعكس راح اكون سعيد بهذا إن حصل

اتمنى انك تراجع الكلام اللي ذكرته و بعدها لك ان ترد كما تشاء


وشكرا

نور النمور
05-01-2004, 00:42
انا انصحك اخوي سعودي انك ماتشتكي بالمره
ماتشوف رامز اقدم واحد في الديوانيه وشلون مروضينه صح;)

الشكوى لله ياخوي
هذا ومابعد اخذنا الكأس
وشلون لو أخذناه:confused:
ماضنتي يخلون سعودي بالديوانيه
كلنا باااااند;)

قلوبنا معك يالاخضر

kw_rose
05-01-2004, 01:11
وسبب وقفة الخليجيين كلهم ضدكم من وجهة نظري ... لما شفناه من غرور وتصغير المنتخبات

اوافق الأخ ولد قطر كلامه سليم

اولا الكل يعرف العلاقه القويه اللي تربط مابين الشعب الكويتي والسعودي واحنا ابناء عمومة

ماعتقد ان بنشن حرب عشان كرة :confused:

هذا شي معروف في كرة القدم حتى جمهور العربي مايحب جمهور القادسية

لانهم خصوم .. لكن هذا مو معناته ان مافي حب بينا واحنا شعب واحد

فمابالك في السعودية انكن لها كل الاحترام

لكن لما يتطاول السعوديين على الكويت سيرد الكويتيين على المواضيع باسلوب او بآخر

كلا حسب عمره وطريقة تفكيره والمراهقين غير عن الناضجين أظن :)

الخلاصة المنتخب الكويتي كان المرشح لنيل البطولة وبحصول اول عثره له

نشوف كل الفرق الأخرى فرحانه وصار عندها حماس اكثر

كذلك المنتخب السعودي بطل وحائز على اللقب فمن اول عثره ستفرح كل الفرق المنافسة

على اللقب وهذا حق مشروع لنا ولكم

لكن ياليت يكون كل شي بينا بحدود الادب والاحترام .. ومشادات بسيطه ماتوصل للشتم وغيره

واذا دورات الخليج بتفرقنا مانبيها

وكلنا أخوان وحبايب :cool:

Soccer_Addict
05-01-2004, 01:22
نص مقتبس من رسالة : kw_rose

وسبب وقفة الخليجيين كلهم ضدكم من وجهة نظري ... لما شفناه من غرور وتصغير المنتخبات

اوافق الأخ ولد قطر كلامه سليم

اولا الكل يعرف العلاقه القويه اللي تربط مابين الشعب الكويتي والسعودي واحنا ابناء عمومة

ماعتقد ان بنشن حرب عشان كرة :confused:

هذا شي معروف في كرة القدم حتى جمهور العربي مايحب جمهور القادسية

لانهم خصوم .. لكن هذا مو معناته ان مافي حب بينا واحنا شعب واحد

فمابالك في السعودية انكن لها كل الاحترام

لكن لما يتطاول السعوديين على الكويت سيرد الكويتيين على المواضيع باسلوب او بآخر

كلا حسب عمره وطريقة تفكيره والمراهقين غير عن الناضجين أظن :)

الخلاصة المنتخب الكويتي كان المرشح لنيل البطولة وبحصول اول عثره له

نشوف كل الفرق الأخرى فرحانه وصار عندها حماس اكثر

كذلك المنتخب السعودي بطل وحائز على اللقب فمن اول عثره ستفرح كل الفرق المنافسة

على اللقب وهذا حق مشروع لنا ولكم

لكن ياليت يكون كل شي بينا بحدود الادب والاحترام .. ومشادات بسيطه ماتوصل للشتم وغيره

واذا دورات الخليج بتفرقنا مانبيها

وكلنا أخوان وحبايب :cool:

ellemby
05-01-2004, 03:03
الله يهديك انشاء الله
اشفيك امعصب و محتر لا ينطلك عرق يا خوي هذه الرياضة فيها تعصب و حب للفريق و كل واحد ودة فريقه افوز و المنتخب السعودي أفضل منتخب في الدورة و الفريق الوحيد ببببببببببببببببببببببببل الي ماخسر و لا مباراة مع قطر فشي عادي ... على العموم لا اتحامل على اسرة الازرق الله يعطيهم العافية و علينا ك أعضاء
و الف مبروك الكأس عليكم للمرة الثالثة :D

Hollow-Man
05-01-2004, 03:18
و الله حاله قبل يوم و يومين شغال تطنز و استهزاء و استفزاز انت و ربعك و آليوم بعد هدف عبدالقدوس تضايقت و حسيت؟؟؟
عامل الناس مثل ما تحب انهم يعاملوك

ellemby
05-01-2004, 03:22
اقول Hollow-Man
جذي نوعه .. الاخ اللطيف :D

سعودي
05-01-2004, 03:39
نص مقتبس من رسالة : رامز
اخي العزيز ... افضل حل الموضوع الاستفزازي لاتكتب فيه رد .. وهذا اللي انا قاعد اسويه وصدقني تكسب في النهاية




أخوي رامز كل شي وله حد وليته باالسنة حسنة هذا قاعد يصير كل يوم صدقني إني ماسك نفسي عن إشياء
واجد ولو بلتفت لكل صغيره وادقق عليها كان من زماااااااااان معطيني باند وأنا ماأرد إلا على الشي الكبيرواللي يجرح من قلب


.................................................. ..............................




نص مقتبس من رسالة : راعيها
اللي قاعد يصير بالدوانيه رد فعل طبيعي لتهديدكم ووعيدكم قبل المباراة

اسإلك سؤال .. شلون سمحتوا حق صحافتكم و مدربكم الاستهزاء بالازرق بهذا الشكل المقزز!!
[/QUOTE]


اللي نهدد ونتوعد حنا ؟؟ صدق لقالوا طقني وبكا سبقنى واشتكا
وبعدين ياالأخو أتمنى انك قريت الموضوع كله قبل لاترد ,,, انا قلت إعضاء الديوانية ماهو جرايد وفضائيات
وبعدين شقولك عني مدير تحرير الرياضية ؟؟ ولا رئيس الاتحاد السعودي وبالنسبة لكلامك غير صحيح
حنا يمكن نكون الوحيدين اللي نحط لكل فريق الف حساب وحساب واتمنى انك شفت تصريح منتخب الاخضر
على مباراة السعودية والكويت تشووووف كل كلامك ماهو صحيح بالمره
.................................................. ..........................


نص مقتبس من رسالة : Q8i
بالنسبة للطرد ، انا اقولك اكثر الاعضاء اللي تم طردهم كويتيين وهذا مسجل عندنا بقسم المراقبين وهذا ينفي التحيز اللي قاعد تتكلم عنه


أول شي أخوي يعطيك الله الف عافيه على مجهودك وليت بعد لو تكملون معرفوكم وتراقبون المراقبين 100%



.................................................. ............................

نص مقتبس من رسالة : بحريني zen
لم أقرأ الرسالة المطولة والتي لا داعي لها يا أخي .. فكلنا أخوة



أكبر خطأ سويته ياأخوي الحبيب أنك ماقريت الموضوع انا ماني زعلان على إنتقاد الاعضاء للاخضر
بالعكس أفرح اذا انتقدوه وحتى لو يوصل الانتقاد إلى الاستهزاء وتتبع الاخطاء عليه هذي شي حلو ويحمس الموضوع انا زعلان على الشتايم والسب لأي عضو سعودي بشخصه وعلى الحكومة السعودية ومشكووووور أخوي على كلامك واللي مثلك على العين والراس

...............................................


نص مقتبس من رسالة : ولد قطـــر
وسبب وقفة الخليجيين كلهم ضدكم من وجهة نظري ... لما شفناه من غرور وتصغير المنتخبات
الثانيه من قبل السعوديين



أخوي ولد قطر كل كلامك على العين والراس واخذت هذي الجمله اللي برد عليها بس
انا مو قصدي الاستفزاز على فريق الاخضر,, حتى لو توصل لدرجة ان كل واحد يتطنز على لعب الثاني
مع انها غير مرغوبة انا قصدي ان السب والشتايم على الشعب السعودي نفسه ولا تحسب اني راضي
على اللي صار بينا وبينكم وبالذات سالفة تجنيس اللاعبين ومو بس حنا حتى الكويتين دخلوا على الخط قبل لاتبدا البطولة بكبرها لكن توصل المواصيل ان الواحد يقول كلام بذي على شعب وحكومة وليتك شفت اللي
شفته انا كان عذرتني وبعدين يا الحبيب من حق كل منتخب يفاخر في منتخبه ومايعتبر تصغير بالعكس يحفز
الاعضاء الثانين على التفاخر في انجازات منتخبهم ولولا التحدي والمنافسه ماصار للمنتدى طعم ومثل ماقلت بالنهاية نرجع اخوان

.................................................. ...

نص مقتبس من رسالة : eRaZeR
اخوي اشلون تبي الادارة تحل مشكلتك وانت قاعد تتهمنا بالتحيز ومن دون دليل ..لعلمك عدد الاعضاء الكويتيين اللي توقفوا من يوم انطلاق البطولة إلى الآن يعادل اضعاف باقي الاعضاء من اخوانا الخليجيين [/SIZE]


أخوي يعطيكم العافيه على اللي تسوونه ولكن ماهو انا لحالي اللي لاحظ هالشي غالبية الأعضاء السعودين
واذا على الدليل اقدر اجيبلك 1000 دليل ودليل لكن للاسف صادرتو كل الأدلة بالحذف
.................................................. ...............

نص مقتبس من رسالة : Ginola
سعودي

للأسف انت غير منصف في كلامك و هو غير صحيح

نعم انا حذرتك لأنك تعديت بالكلام مع بعض الأعضاء , و كلامك كان غير مقبول

حتى لو شتمك عضو سواءا كان كويتي او غير كويتي لا يجوز ان ترد عليه بنفس الطريقه .... و الموضوع اللي مكتوب فيه موتوا بغيضكم .. انا حذفت هذه الجمله بالتحديد


أخوي Ginola الغالي أتمنا يوم وجهة لي التحذير إنك تقارن بالردود اللي سبقتني وانا أعتقد 95%
ان ردي مافيه شي يمكن كلام شديد اللهجه بس لكن اللي خلاني أزعل انك تعديت كل الردود وحبكت على انا
مع ان ردي كان ولاشي صفر اذا جيت تقارنها برددودهم واذا على الجمله اللي حذفتها كان إجرائك متاخر
جداً جداً موضوع أستمر لمدة ساعتين والردود كلها تجريح بالشعب اولاً والحكومه وانا كنت متابع للموضوع
آخر شي حذفت الموضوع وأكيد إنك قريت آخر رد وش كان مكتوب فيه وصاحبه يتمشا حراً طليقا لحد الآن
عموما لك الشكر أخوي وإنشالله ماتصير مثل هذي الامور وإذا علي انا تطمن ان ماجا مني خير ماجا مني شر
...............................

waslawy ,الوقت, WiSeMan , خليجي , خليجي عوود , جــــود , راؤول

شاكر للجميع فرداً فرداً تجاوبهم والعذر والسموحه من الجميع اذا اخطيت بحق احد لكن والله العظيم ياجماعه ماانلام من اللي شفت وحتى اذا كان كلامي فيه تجريح ترا والله مو من قلبي والله لايفرقنا انشالله

تحيااااااتي لكم

سندريلا
05-01-2004, 03:48
أخي الكريم لاتتصور ولالحظه بأن نكره السعوديه ليش نكرهها؟؟!! أحنا أخوان يعني مستحيل نكره بعض في البعض يخرب على الثاني ويستفزه وهذا مو بس بالدول شوف قسم الانديه وبتشوف أنا العرباويين يعصبون على القدساويين والعكس هذي الكره لاتخليها تطلع عن موقعها شنو نكره مانكره كرة لا أكثر وإذا بتييب المشاكل الله ياخذها قول أميــــــــــن

وكل واحد يدور وين مصلحة فريقه ويشجع المنتخب الي ممكن فريقه يستفيد من فوزه لا أكثر

أخوي والله حرام تتهم الادارة بالكلام هذا أهما 20 شخص متكفلين من باب التطوع بالموقع وموقع كأس الخليج وتخيل فيه 2000 شخص يعني شلحقون مايلحقون ما أقدر غير أقول الله يعطيهم العافيه وإن شاء الله يستحملون تعبنا

ومشكورة أختي kw_rose أوافقج أنت وأخوي ولد قطر بكل كلمه قلتوها يعطيكم العافيه

وفعلا أخوي تبي تريح عمرك وتكسب إحترام الكل وكرامة ديرتك وكرامتك قبل كل شيء ....... الشخص الي يرد بأسلوب أستهزائي لاترد عليه مصيره يتعب ويسكت منو كان مرده يتعب إذا مالقى أحد يبادله بالرد

وأخوي نور النمور أنت لو تعرف الأخ رامز عدل جان ماقلت هالكلام والأعضاء كلها تحترمه لأنه ينقد بدون مايجرح وهو شرف لنا ككويتين أن في عضو مثله بدوانية الأزرق والله يوفقه

ابـ عسكر ـن
05-01-2004, 03:48
الله يهديك
معصب على شي ما يسوى
دام ان الاستفزاز ما وصل الى درجة السب والتنقيص ما اشوف لموضوعك كل هالداعي .

وانت نفسك تستفز في مواضيعك باسلوب او باخر

اذكر ربك واستمتع بهدوء البال :D :p

سعودي
05-01-2004, 03:54
أخوي recuelme10 أختي سندريلا

لو تشووووفون اللي شفت وربي محد لامني

وعلى فكره اخوي recuelme10 استفزازي مايوصل لحد التجريح والكلام البذي

ومشكورين كلكم

نور النمور
05-01-2004, 04:01
سعودي
والله ياخوي عارفين هالشي
والمصيبه المراقب يكملها في الاخير >>>>>> قمة العنصريه

اختي سندريلا
ماعمري شفت رامز ينتقد او ياخذ بحق السعوديه
كل اللي شفته انه يهدي فينا

كأنه يجي يمسكني عشان هذاك يضربني:D
المفروض انه يكون كبير للاعضاء السعوديين وياخذ حقهم
مع احترامي الشديد له:(

سندريلا
05-01-2004, 04:17
الله يهداك أخوي نور النمور وين قاعدين ياخذ حقي منهم "أهي هوشه" ؟؟!!

وبصراحه مشكلتك أنك أنت تشوف الأخ رامز جذيه وأنصحك تتعرف عليه عدل شكلك كلش ماتعرفه والدليل كلمتك عنه للأسف "مروضينه " :confused:

UAE_LOVER
05-01-2004, 07:22
ولد قطر ..لا فض فوك !

العنقري
05-01-2004, 07:53
ما قصرت عزيزي سعودي.. قلت كل الكلام اللي بخاطري
و خاصة بعد اللي صار لي بعد المباراة

كتبت موضوع مبسط يحوي بعض المعاني من موضوعك.. لكن في النهاية كان مصيره طبعا (( الإغلاق ))

عضو آخر من أقدم الأعضاء في هذا المنتدى كتب نفس الموضوع.. و كالعادة (( إغلاق ))

لاحظت اكثر من موضوع لأعضاء سعوديين يحثون فيه على التحلي بالأخلاق و ترك اسلوب الاستفزاز و الاستهزاء كان مصيرهم (( الإغلاق ))

عالعموم المنتدى منتداهم و حنا مجرد ضيوف لفترة معينة و ماظن اننا بنطول

تحياتي لك عزيزي على الموضوع الرررائع

Bu_Reda7
05-01-2004, 08:49
كونوا مثل رامز و الناس تحترمكم. و اللي مش عاجبه المكان لا يدخل

المنطقي
05-01-2004, 08:50
تحية عطره لجميع الاعضاء
اخوي سعودي اول شي اظن انه طيبعي يكونون الاعضاء ضد المنتخب السعودي لسبب ان السعودية هي المتصدرة وتعثر المنتخب السعودي هو من صالح جميع الفرق.

وراح اضربك مثال صغير وهو ان اعضاء ولاعبين منتخب البحرين يتمنون هزيمة المنتخب السعودي من المنتخب الكويتي ويا سلام لو نتعادل مع اليمن ,واعتقد انه لا يخفى عليك انهم هم نفس اللاعبين الي حملوا راية السعودية واختفلوا بتاهل السعودية الى كاس العالم ولكن اختلف الوضع.

اما بالنسبة للمراقبين فياليتك تعرف انهم مراقبين ويجتهدون وهم مثلي ومثلك قد يصيبون وقد يخطون ومنهم المحايد ومنهم الغير منصف بس هذا ما يخلينا نظلم الجميع لان كل مجال يكون فيه المتعصب لميوله والحق يقال ان هناك مراقبين محايدين كثر.

نصيحة اخيرة اخوي عندك ثلاثه حلول اذا كنت لا تريد ان تطرد
اما انك لاتدخل الموضوع اذا كنت ما تقدر تتحكم باعصابك
او انك تقراه وتفكر وبعدين ترد عشان ما ترد بنرفزة(تتوقع لماذا القنوات الفضائية دائما تبحث عن تصريح ادري الفريق المهزوم بعد المبارة مباشرة)
او انك ترد كيفما اتفق وتستحمل الي يجيك.

ولا تنسى انها كلها فترة كاس الخليج وبعدين ترجع الامور لنصابها

Selfish
05-01-2004, 09:01
اخوي طبيعي كلهم يتمنون خسارة الاخضر لمصلحة منتخباتهم ..

اما بالنسبة للشماتة فتأكد دائماً انا للنجاح أعداء .. وأن الشجرة المثمرة غالباً ماتقذف بالحجارة :)

عـ9ـالمي
05-01-2004, 09:07
تتمسخرون تتريقون تتهجمون كيفكم

اهم شي

البطوله باذن الله سعوديه ومنتخبنا افضل منتخب أسوي ويكفي اننا فخورون به

والمفروض تلتفتون لمنتخباتكم الي مستواها تعبان بدل الهجوم على السعوديه

خليجي عوود
05-01-2004, 09:28
نص مقتبس من رسالة : Bu_Reda7

كونوا مثل رامز و الناس تحترمكم. و اللي مش عاجبه المكان لا يدخل


قل خيرا أو أصمت<<<<<سمعت في هالمقولة يالقطري

وش هالأسلوب اللّي مش عاجبة المكان لا يدخل<<<<لا تكون صاحب الدومين
:o

يا عيبــــــــــــاه :o :(

رامز
05-01-2004, 09:35
نص مقتبس من رسالة : خليجي



رامز مع اني نصراوي بس والله احبك
لكن الاحظ احيانا ان روحك انهزاميه ليه؟؟؟؟ مجامله يعني؟؟؟ ترا الا الدين والوطن مافيها مجامله





السالفة اخوي اني من الناس اللي ما احب ادخل في مهاترات وهذا طبعي ما اقدر اغيره .. وغير هذا عندي ثقة مالها حدود سواء في بلدي او في نفسي او في منتخبي ...

واثق الخطوة يمشي ملكا :D

Asian 2000
05-01-2004, 09:40
اللة لا يبارك في الكرة أذا كانت بتفرقنا :(

السيلاني
05-01-2004, 09:51
نص مقتبس من رسالة : راعيها

اللي قاعد يصير بالدوانيه رد فعل طبيعي لتهديدكم ووعيدكم قبل المباراة

اسإلك سؤال .. شلون سمحتوا حق صحافتكم و مدربكم الاستهزاء بالازرق بهذا الشكل المقزز!!

و حتى الغرور يصير مقزز احيانا ..

حاسب على كلامك قبل لا تحاسب الغير

و انتبه لافعالك قبل لا تزعل على ردود الافعال

راجع المواضيع اخوي سعودي وشوف.. انتو اللي يبتوه الحجي عليكم ..

وكلام Q8i عدل روح لف على المواضيع وشوف منو ماخذ banned يعني طرد من المنتدى تلاقي اغلبهم كويتين وعلى اشياء بسيطه .. يعني الشباب مقدرينكم على حساب اهلهم .. وشوف مواضيعكم واللي يصير فيها بس مغلق .. لا بان ولا شي ..

يبا انتو صفو النيه بس وعن الحجي الزايد قبل المباريات اللي ماله داعي ...

وابيك اتشوف مواضيع هالاعضاء .. سعودي 2002 لعيون خلاني وسعود السعوديه والعنغري وبنت الزعيم اللي اتقول انا مسووين سحر لووول صراحه

وشوف الكلام اللي مو بس يبيله بان يبيله طق بخيازرين ..

وشوف اعضاء مثل رامز و فيصل السعوديه قمه الادب صراحه

عاشقة بيكهام
05-01-2004, 10:00
ضربني و بكى .. سبقني و شتكى :rolleyes:

روح شوف منتدياتكم السعوديه شلون يتكلمون عنا .. محد يقدر يتكلم عندكم سب على كيف كيفكم ..

و هم لاحقينا بمنتدانا و تستفزونا و تسبونا ..

فوق شينكم قواة عينكم :rolleyes:

انتوا حلال عليكم .. و احنا حرام علينا ..

و اذا تشوف عدل .. ترى اكثر المواضيع قاعد يكتبونها سعوديين يستفزونا فيها .. اكيد بنرد عليكم

والا تبونا نسكت يعني ..

الكويتيين اكثر مشاركاتهم ردود و انتوا مواضيع استفزازيه :rolleyes:

لما تعدلون اسلوبكم تعالوا تكلموا ..

كل هالخبه عشان دخلنا عليكم قول :p :D

هذا فريقكم القوي اللي ماينهزم :D فريقنا الضعيف تعادل معاه .. الله يعينكم بعد سنتين :D

:: al3jeel ::
05-01-2004, 10:07
انا قعدت اسمع كلامك كله .. ومحترم نفسي .. لانك ضيف .. بس تبي الصج يوم وصلت هالفقره


نص مقتبس من رسالة : سعودي


أو بنطرد من الديوانية هذي ولي الشرف أني انطرد لني احامي دون أطهر بلاد على وجة الارض بلاد الحرمين





؟؟؟؟؟


أقول حبيبي .. لو مكه والمدينه يوخرونهم شوي عن ديرتكم وصيرون بديره ثانيه... جان شفت العالم كله يحب السعوديه .. والله من وراء القاصد :rolleyes: :rolleyes: :rolleyes:

خل التفجيرات تنفعكم ....

أنتوا اول ناس تشمتوا فينا لما الحرب مع العراق .. خلني ساكت .. ادري راح يعدل بواسطة المراقب .. بس اللي بلساني بقوله .. واسمحولي يا قراء الموضوع انه ابتعد الموضوع وماصار رياضي ..

عـ9ـالمي
05-01-2004, 10:23
نص مقتبس من رسالة : :: al3jeel ::

\أنتوا اول ناس تشمتوا فينا لما الحرب مع العراق

صدق الشاعر عندما قال:

اذا اكرمت الكريم ملكته ... وان اكرمت اليئم تمردا

3arbawi_doom
05-01-2004, 10:24
هههههههههههههههههههههه والله ضحكتني , سبحان الله الحين صرنا إحنا الي نكتب مواضيع إستفزازية ؟؟؟؟؟؟؟؟؟؟؟
عسا ماشر حبيبي شكلك مو نايم , روح إقرا المواضيع اللي قبل المباراة وصدقني بعدها راح تقول حق المراقبين إطردوا 90% من الأعضاء السعوديين :rolleyes:

اللهم جم واحد اللي محترمنا (رامز وسوسو وخليفة وعالمي وشول) اما الباقي فلا تعليق! روح إقرى مواضيعهم وتعال وبساعدك بعد وبعطيك جم إسم تركز عليهم وتركز على مواضيعهم (بنت الزعيم ولعيون خلاني وهبابة نجد وسعودي2002) أوكي حبيبي روح إقراهم وانا ناطر أشوف ردك .

العنقري : تقول شفت مواضيع سعودية تحث على الاخلاق وكان مصيرها الإغلاق !!!!!

ممكن تعطيني اللنك ماعليك امر عشان الظاهر إني أول مرة أدش الديوانية
:rolleyes: :confused:

عـ9ـالمي
05-01-2004, 10:27
اخوي عرباوي دوم على راسي والله

3arbawi_doom
05-01-2004, 10:30
يسلم راسك حبيبي :D ;)

Bo Msheal
05-01-2004, 10:41
حيووووووه بو مروان حيووووه :cool: ;)

السيلاني
05-01-2004, 10:48
نص مقتبس من رسالة : عالمي للأبد

نص مقتبس من رسالة : :: al3jeel ::

صدق الشاعر عندما قال:

اذا اكرمت الكريم ملكته ... وان اكرمت اليئم تمردا


لا يكون صارف علينا شي من جيبك بس ..

الله يخلي حكومتنا .. عطونا اجازه مع راتب 7 شهور

عاشقة بيكهام
05-01-2004, 10:48
نص مقتبس من رسالة : :: al3jeel ::






أقول حبيبي .. لو مكه والمدينه يوخرونهم شوي عن ديرتكم وصيرون بديره ثانيه... جان شفت العالم كله يحب السعوديه .. والله من وراء القاصد :rolleyes: :rolleyes: :rolleyes:

خل التفجيرات تنفعكم ....

أنتوا اول ناس تشمتوا فينا لما الحرب مع العراق ..

صدقت و الله ..

بكل شيء حاقدين علينا هالسعوديين :rolleyes:

لان ديرتنا ديرة عز و ديمقراطيه ..


عالمي للأبد ::::

ايه انتوا كرماء وايد :D .. اللي يسوي جميل يكمل جميله .. مو يخرب اللي سواه و يسب و يلعن روح شوف منتدياتكم قبل لا تكلم :rolleyes: ..

و حكومتكم اللي ساعدتنا عشان السياسه بين الدول .. والا انتوا كشعب حاقدين بشكل فضيع .. و تدعي علينا ..

بس الله جازاكم و صارت تفجيرات عنكم .. عشان تذوقون اللي ذقناه .. ياليت صدام طاب عليكم قبل لا يصيدونه .. و يخليكم تعرفون شلون تحبونه ..


...

اللهم احفظ الكويت و شعبها من كل مكروه

^عرباوي^هولندي^
05-01-2004, 10:59
http://www.alazraq.com/gallery/slideshow/set1/1974_6.jpg

:D

الحافظ الله يا كويت